\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 43
tataste rAkShasendreNa choditA mantriNaH sutAH . 
niryayurbhavanAttasmAtsapta saptArchivarchasaH .. 1..\\
mahAbalaparIvArA dhanuShmanto mahAbalAH . 
kR^itAstrAstravidA.n shreShThAH parasparajayaiShiNaH .. 2..\\
hemajAlaparikShiptairdhvajavadbhiH patAkibhiH . 
toyadasvananirghoShairvAjiyuktairmahArathaiH .. 3..\\
taptakA~nchanachitrANi chApAnyamitavikramAH . 
visphArayantaH sa.nhR^iShTAstaDidvanta ivAmbudAH .. 4..\\
jananyastAstatasteShA.n viditvA ki~NkarAnhatAn . 
babhUvuH shokasambhrAntAH sabAndhavasuhR^ijjanAH .. 5..\\
te parasparasa~NgharShAstaptakA~nchanabhUShaNAH . 
abhipeturhanUmanta.n toraNasthamavasthitam .. 6..\\
sR^ijanto bANavR^iShTi.n te rathagarjitaniHsvanAH . 
vR^iShTimanta ivAmbhodA vicherurnairR^itarShabhAH .. 7..\\
avakIrNastatastAbhirhanUmA~nsharavR^iShTibhiH . 
abhavatsa.nvR^itAkAraH shailarADiva vR^iShTibhiH .. 8..\\
sa sharAnva~nchayAmAsa teShAmAshucharaH kapiH . 
rathavegAMshcha vIrANA.n vicharanvimale.ambare .. 9..\\
sa taiH krIDandhanuShmadbhirvyomni vIraH prakAshate . 
dhanuShmadbhiryathA meghairmArutaH prabhurambare .. 10..\\
sa kR^itvA ninada.n ghoraM trAsaya.nstAM mahAchamUm . 
chakAra hanumAnvega.n teShu rakShaHsu vIryavAn .. 11..\\
talenAbhihanatkAMshchitpAdaiH kAMshchitparantapaH . 
muShTinAbhyahanatkAMshchinnakhaiH kAMshchidvyadArayat .. 12..\\
pramamAthorasA kAMshchidUrubhyAmaparAnkapiH . 
ke chittasyaiva nAdena tatraiva patitA bhuvi .. 13..\\
tatasteShvavapanneShu bhUmau nipatiteShu cha . 
tatsainyamagamatsarva.n disho dashabhayArditam .. 14..\\
vinedurvisvaraM nAgA nipeturbhuvi vAjinaH . 
bhagnanIDadhvajachchhatrairbhUshcha kIrNAbhavadrathaiH .. 15..\\
sa tAnpravR^iddhAnvinihatya rAkShasAn 
mahAbalashchaNDaparAkramaH kapiH . 
yuyutsuranyaiH punareva rAkShasais 
tadeva vIro.abhijagAma toraNam .. 16..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}