\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 44
hatAnmantrisutAnbuddhvA vAnareNa mahAtmanA . 
rAvaNaH sa.nvR^itAkArashchakAra matimuttamAm .. 1..\\
sa virUpAkShayUpAkShau durdhara.n chaiva rAkShasaM . 
praghasaM bhAsakarNa.n cha pa~nchasenAgranAyakAn .. 2..\\
sandidesha dashagrIvo vIrAnnayavishAradAn . 
hanUmadgrahaNe vyagrAnvAyuvegasamAnyudhi .. 3..\\
yAta senAgragAH sarve mahAbalaparigrahAH . 
savAjirathamAta~NgAH sa kapiH shAsyatAm iti .. 4..\\
yattaishcha khalu bhAvya.n syAttamAsAdya vanAlayam . 
karma chApi samAdheya.n deshakAlavirodhitam .. 5..\\
na hyaha.n taM kapiM manye karmaNA pratitarkayan . 
sarvathA tanmahadbhUtaM mahAbalaparigraham . 
bhavedindreNa vA sR^iShTamasmadartha.n tapobalAt .. 6..\\
sanAgayakShagandharvA devAsuramaharShayaH . 
yuShmAbhiH sahitaiH sarvairmayA saha vinirjitAH .. 7..\\
tairavashya.n vidhAtavyaM vyalIka.n kiM chideva naH . 
tadeva nAtra sandehaH prasahya parigR^ihyatAm .. 8..\\
nAvamanyo bhavadbhishcha hariH krUraparAkramaH . 
dR^iShTA hi harayaH shIghrA mayA vipulavikramAH .. 9..\\
vAlI cha saha sugrIvo jAmbavAMshcha mahAbalaH . 
nIlaH senApatishchaiva ye chAnye dvividAdayaH .. 10..\\
naiva teShA.n gatirbhImA na tejo na parAkramaH . 
na matirna balotsAho na rUpaparikalpanam .. 11..\\
mahatsattvamida.n GYeya.n kapirUpaM vyavasthitam . 
prayatnaM mahadAsthAya kriyatAmasya nigrahaH .. 12..\\
kAma.n lokAstrayaH sendrAH sasurAsuramAnavAH . 
bhavatAmagrataH sthAtuM na paryAptA raNAjire .. 13..\\
tathApi tu nayaGYena jayamAkA~NkShatA raNe . 
AtmA rakShyaH prayatnena yuddhasiddhirhi cha~nchalA .. 14..\\
te svAmivachana.n sarve pratigR^ihya mahaujasaH . 
samutpeturmahAvegA hutAshasamatejasaH .. 15..\\
rathaishcha mattairnAgaishcha vAjibhishcha mahAjavaiH . 
shastraishcha vividhaistIkShNaiH sarvaishchopachitA balaiH .. 16..\\
tatasta.n dadR^ishurvIrA dIpyamAnaM mahAkapim . 
rashmimantamivodyanta.n svatejorashmimAlinam .. 17..\\
toraNasthaM mahAvegaM mahAsattvaM mahAbalam . 
mahAmatiM mahotsAhaM mahAkAyaM mahAbalam .. 18..\\
ta.n samIkShyaiva te sarve dikShu sarvAsvavasthitAH . 
taistaiH praharaNairbhImairabhipetustatastataH .. 19..\\
tasya pa~nchAyasAstIkShNAH sitAH pItamukhAH sharAH . 
shirastyutpalapatrAbhA durdhareNa nipAtitAH .. 20..\\
sa taiH pa~nchabhirAviddhaH sharaiH shirasi vAnaraH . 
utpapAta nadanvyomni disho dasha vinAdayan .. 21..\\
tatastu durdharo vIraH sarathaH sajjakArmukaH . 
kira~nsharashatairnaikairabhipede mahAbalaH .. 22..\\
sa kapirvArayAmAsa ta.n vyomni sharavarShiNam . 
vR^iShTimantaM payodAnte payodamiva mArutaH .. 23..\\
ardyamAnastatastena durdhareNAnilAtmajaH . 
chakAra ninadaM bhUyo vyavardhata cha vegavAn .. 24..\\
sa dUra.n sahasotpatya durdharasya rathe hariH . 
nipapAta mahAvego vidyudrAshirgirAviva .. 25..\\
tatastaM mathitAShTAshva.n rathaM bhagnAkShakUvaram . 
vihAya nyapatadbhUmau durdharastyaktajIvitaH .. 26..\\
ta.n virUpAkShayUpAkShau dR^iShTvA nipatitaM bhuvi . 
sa~njAtaroShau durdharShAvutpetaturarindamau .. 27..\\
sa tAbhyA.n sahasotpatya viShThito vimale.ambare . 
mudgarAbhyAM mahAbAhurvakShasyabhihataH kapiH .. 28..\\
tayorvegavatorvega.n vinihatya mahAbalaH . 
nipapAta punarbhUmau suparNasamavikramaH .. 29..\\
sa sAlavR^ikShamAsAdya samutpATya cha vAnaraH . 
tAvubhau rAkShasau vIrau jaghAna pavanAtmajaH .. 30..\\
tatastA.nstrInhatA~nGYAtvA vAnareNa tarasvinA . 
abhipede mahAvegaH prasahya praghaso harim .. 31..\\
bhAsakarNashcha sa~NkruddhaH shUlamAdAya vIryavAn . 
ekataH kapishArdUla.n yashasvinamavasthitau .. 32..\\
paTTishena shitAgreNa praghasaH pratyapothayat . 
bhAsakarNashcha shUlena rAkShasaH kapisattamam .. 33..\\
sa tAbhyA.n vikShatairgAtrairasR^igdigdhatanUruhaH . 
abhavadvAnaraH kruddho bAlasUryasamaprabhaH .. 34..\\
samutpATya gireH shR^i~Nga.n samR^igavyAlapAdapam . 
jaghAna hanumAnvIro rAkShasau kapiku~njaraH .. 35..\\
tatasteShvavasanneShu senApatiShu pa~nchasu . 
bala.n tadavasheShaM tu nAshayAmAsa vAnaraH .. 36..\\
ashvairashvAngajairnAgAnyodhairyodhAnrathai rathAn . 
sa kapirnAshayAmAsa sahasrAkSha ivAsurAn .. 37..\\
hatairnAgaishcha turagairbhagnAkShaishcha mahArathaiH . 
hataishcha rAkShasairbhUmI ruddhamArgA samantataH .. 38..\\
tataH kapistAndhvajinIpatInraNe 
nihatya vIrAnsabalAnsavAhanAn . 
tadeva vIraH parigR^ihya toraNaM 
kR^itakShaNaH kAla iva prajAkShaye .. 39..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}