\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 49
ta.n samIkShya mahAsattvaM sattvavAnharisattamaH . 
vAkyamarthavadavyagrastamuvAcha dashAnanam .. 1..\\
aha.n sugrIvasandeshAdiha prAptastavAlayam . 
rAkShasendra harIshastvAM bhrAtA kushalamabravIt .. 2..\\
bhrAtuH shR^iNu samAdesha.n sugrIvasya mahAtmanaH . 
dharmArthopahita.n vAkyamiha chAmutra cha kShamam .. 3..\\
rAjA dasharatho nAma rathaku~njaravAjimAn . 
piteva bandhurlokasya sureshvarasamadyutiH .. 4..\\
jyeShThastasya mahAbAhuH putraH priyakaraH prabhuH . 
piturnideshAnniShkrAntaH praviShTo daNDakAvanam .. 5..\\
lakShmaNena saha bhrAtrA sItayA chApi bhAryayA . 
rAmo nAma mahAtejA dharmyaM panthAnamAshritaH .. 6..\\
tasya bhAryA vane naShTA sItA patimanuvratA . 
vaidehasya sutA rAGYo janakasya mahAtmanaH .. 7..\\
sa mArgamANastA.n devI.n rAjaputraH sahAnujaH . 
R^ishyamUkamanuprAptaH sugrIveNa cha sa~NgataH .. 8..\\
tasya tena pratiGYAta.n sItAyAH parimArgaNam . 
sugrIvasyApi rAmeNa harirAjyaM niveditam .. 9..\\
tatastena mR^idhe hatvA rAjaputreNa vAlinam . 
sugrIvaH sthApito rAjye haryR^ikShANA.n gaNeshvaraH .. 10..\\
sa sItAmArgaNe vyagraH sugrIvaH satyasa~NgaraH . 
harInsampreShayAmAsa dishaH sarvA harIshvaraH .. 11..\\
tA.n harINAM sahasrANi shatAni niyutAni cha . 
dikShu sarvAsu mArgante adhashchopari chAmbare .. 12..\\
vainateya samAH ke chitke chittatrAnilopamAH . 
asa~NgagatayaH shIghrA harivIrA mahAbalAH .. 13..\\
aha.n tu hanumAnnAma mArutasyaurasaH sutaH . 
sItAyAstu kR^ite tUrNa.n shatayojanamAyatam . 
samudra.n la~Nghayitvaiva tA.n didR^ikShurihAgataH .. 14..\\
tadbhavAndR^iShTadharmArthastapaH kR^itaparigrahaH . 
paradArAnmahAprAGYa noparoddhu.n tvamarhasi .. 15..\\
na hi dharmaviruddheShu bahvapAyeShu karmasu . 
mUlaghAtiShu sajjante buddhimanto bhavadvidhAH .. 16..\\
kashcha lakShmaNamuktAnA.n rAmakopAnuvartinAm . 
sharANAmagrataH sthAtu.n shakto devAsureShvapi .. 17..\\
na chApi triShu lokeShu rAjanvidyeta kash chana . 
rAghavasya vyalIka.n yaH kR^itvA sukhamavApnuyAt .. 18..\\
tattrikAlahita.n vAkya.n dharmyamarthAnubandhi cha . 
manyasva naradevAya jAnakI pratidIyatAm .. 19..\\
dR^iShTA hIyaM mayA devI labdha.n yadiha durlabham . 
uttara.n karma yachchheShaM nimittaM tatra rAghavaH .. 20..\\
lakShiteyaM mayA sItA tathA shokaparAyaNA . 
gR^ihya yAM nAbhijAnAsi pa~nchAsyAmiva pannagIm .. 21..\\
neya.n jarayitu.n shakyA sAsurairamarairapi . 
viShasa.nsR^iShTamatyarthaM bhuktamannamivaujasA .. 22..\\
tapaHsantApalabdhaste yo.aya.n dharmaparigrahaH . 
na sa nAshayituM nyAyya AtmaprANaparigrahaH .. 23..\\
avadhyatA.n tapobhiryAM bhavAnsamanupashyati . 
AtmanaH sAsurairdevairhetustatrApyayaM mahAn .. 24..\\
sugrIvo na hi devo.ayaM nAsuro na cha mAnuShaH . 
na rAkShaso na gandharvo na yakSho na cha pannagaH .. 25..\\
mAnuSho rAghavo rAjansugrIvashcha harIshvaraH . 
tasmAtprANaparitrANa.n katha.n rAjankariShyasi .. 26..\\
na tu dharmopasa.nhAramadharmaphalasa.nhitam . 
tadeva phalamanveti dharmashchAdharmanAshanaH .. 27..\\
prApta.n dharmaphalaM tAvadbhavatA nAtra saMshayaH . 
phalamasyApyadharmasya kShiprameva prapatsyase .. 28..\\
janasthAnavadhaM buddhvA buddhvA vAlivadha.n tathA . 
rAmasugrIvasakhya.n cha budhyasva hitamAtmanaH .. 29..\\
kAma.n khalvahamapyekaH savAjirathaku~njarAm . 
la~NkAM nAshayitu.n shaktastasyaiSha tu vinishchayaH .. 30..\\
rAmeNa hi pratiGYAta.n haryR^ikShagaNasaMnidhau . 
utsAdanamamitrANA.n sItA yaistu pradharShitA .. 31..\\
apakurvanhi rAmasya sAkShAdapi purandaraH . 
na sukhaM prApnuyAdanyaH kiM punastvadvidho janaH .. 32..\\
yA.n sItetyabhijAnAsi yeya.n tiShThati te vashe . 
kAlarAtrIti tA.n viddhi sarvala~NkAvinAshinIm .. 33..\\
tadala.n kAlapAshena sItA vigraharUpiNA . 
svaya.n skandhAvasaktena kShamamAtmani chintyatAm .. 34..\\
sItAyAstejasA dagdhA.n rAmakopaprapIDitAm . 
dahyamanAmimAM pashya purI.n sATTapratolikAm .. 35..\\
sa sauShThavopetamadInavAdinaH 
kapernishamyApratimo.apriya.n vachaH . 
dashAnanaH kopavivR^ittalochanaH 
samAdishattasya vadhaM mahAkapeH .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}