\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 5
sa nikAma.n vinAmeShu vicharankAmarUpadhR^ik . 
vichachAra kapirla~NkA.n lAghavena samanvitaH .. 1..\\
AsasAdAtha lakShmIvAnrAkShasendraniveshanam . 
prAkAreNArkavarNena bhAsvareNAbhisa.nvR^itam .. 2..\\
rakShita.n rAkShasairbhImaiH si.nhairiva mahadvanam . 
samIkShamANo bhavana.n chakAshe kapiku~njaraH .. 3..\\
rUpyakopahitaishchitraistoraNairhemabhUShitaiH . 
vichitrAbhishcha kakShyAbhirdvAraishcha ruchirairvR^itam .. 4..\\
gajAsthitairmahAmAtraiH shUraishcha vigatashramaiH . 
upasthitamasa.nhAryairhayaiH syandanayAyibhiH .. 5..\\
si.nhavyAghratanutrANairdAntakA~nchanarAjataiH . 
ghoShavadbhirvichitraishcha sadA vicharita.n rathaiH .. 6..\\
bahuratnasamAkIrNaM parArdhyAsanabhAjanam . 
mahArathasamAvAsaM mahArathamahAsanam .. 7..\\
dR^ishyaishcha paramodAraistaistaishcha mR^igapakShibhiH . 
vividhairbahusAhasraiH paripUrNa.n samantataH .. 8..\\
vinItairantapAlaishcha rakShobhishcha surakShitam . 
mukhyAbhishcha varastrIbhiH paripUrNa.n samantataH .. 9..\\
muditapramadA ratna.n rAkShasendraniveshanam . 
varAbharaNanirhrAdaiH samudrasvananiHsvanam .. 10..\\
tadrAjaguNasampannaM mukhyaishcha varachandanaiH . 
bherImR^ida~NgAbhiruta.n sha~NkhaghoShavinAditam .. 11..\\
nityArchitaM parvahutaM pUjita.n rAkShasaiH sadA . 
samudramiva gambhIra.n samudramiva niHsvanam .. 12..\\
mahAtmAno mahadveshma mahAratnaparichchhadam . 
mahAjanasamAkIrNa.n dadarsha sa mahAkapiH .. 13..\\
virAjamAna.n vapuShA gajAshvarathasa~Nkulam . 
la~NkAbharaNamityeva so.amanyata mahAkapiH .. 14..\\
gR^ihAdgR^iha.n rAkShasAnAmudyAnAni cha vAnaraH . 
vIkShamANo hyasantrastaH prAsAdAMshcha chachAra saH .. 15..\\
avaplutya mahAvegaH prahastasya niveshanam . 
tato.anyatpupluve veshma mahApArshvasya vIryavAn .. 16..\\
atha meghapratIkAsha.n kumbhakarNaniveshanam . 
vibhIShaNasya cha tathA pupluve sa mahAkapiH .. 17..\\
mahodarasya cha tathA virUpAkShasya chaiva hi . 
vidyujjihvasya bhavana.n vidyunmAlestathaiva cha . 
vajradaMShTrasya cha tathA pupluve sa mahAkapiH .. 18..\\
shukasya cha mahAvegaH sAraNasya cha dhImataH . 
tathA chendrajito veshma jagAma hariyUthapaH .. 19..\\
jambumAleH sumAleshcha jagAma hariyUthapaH . 
rashmiketoshcha bhavana.n sUryashatrostathaiva cha .. 20..\\
dhUmrAkShasya cha sampAterbhavanaM mArutAtmajaH . 
vidyudrUpasya bhImasya ghanasya vighanasya cha .. 21..\\
shukanAbhasya vakrasya shaThasya vikaTasya cha . 
hrasvakarNasya daMShTrasya romashasya cha rakShasaH .. 22..\\
yuddhonmattasya mattasya dhvajagrIvasya nAdinaH . 
vidyujjihvendrajihvAnA.n tathA hastimukhasya cha .. 23..\\
karAlasya pishAchasya shoNitAkShasya chaiva hi . 
kramamANaH krameNaiva hanUmAnmArutAtmajaH .. 24..\\
teShu teShu mahArheShu bhavaneShu mahAyashAH . 
teShAmR^iddhimatAmR^iddhi.n dadarsha sa mahAkapiH .. 25..\\
sarveShA.n samatikramya bhavanAni samantataH . 
AsasAdAtha lakShmIvAnrAkShasendraniveshanam .. 26..\\
rAvaNasyopashAyinyo dadarsha harisattamaH . 
vicharanharishArdUlo rAkShasIrvikR^itekShaNAH . 
shUlamudgarahastAshcha shakto tomaradhAriNIH .. 27..\\
dadarsha vividhAngulmA.nstasya rakShaHpatergR^ihe .. 28..\\
raktA~nshvetAnsitAMshchaiva harIMshchaiva mahAjavAn . 
kulInAnrUpasampannAngajAnparagajArujAn .. 29..\\
niShThitAngajashikhAyAmairAvatasamAnyudhi . 
nihantR^InparasainyAnA.n gR^ihe tasmindadarsha saH .. 30..\\
kSharatashcha yathA meghAnsravatashcha yathA girIn . 
meghastanitanirghoShAndurdharShAnsamare paraiH .. 31..\\
sahasra.n vAhinIstatra jAmbUnadapariShkR^itAH . 
hemajAlairavichchhinnAstaruNAdityasaMnibhAH .. 32..\\
dadarsha rAkShasendrasya rAvaNasya niveshane . 
shibikA vividhAkArAH sa kapirmArutAtmajaH .. 33..\\
latAgR^ihANi chitrANi chitrashAlAgR^ihANi cha . 
krIDAgR^ihANi chAnyAni dAruparvatakAnapi .. 34..\\
kAmasya gR^ihaka.n ramya.n divAgR^ihakameva cha . 
dadarsha rAkShasendrasya rAvaNasya niveshane .. 35..\\
sa mandaratalaprakhyaM mayUrasthAnasa~Nkulam . 
dhvajayaShTibhirAkIrNa.n dadarsha bhavanottamam .. 36..\\
anantaratnanichayaM nidhijAla.n samantataH . 
dhIraniShThitakarmAnta.n gR^ihaM bhUtapateriva .. 37..\\
archirbhishchApi ratnAnA.n tejasA rAvaNasya cha . 
virarAjAtha tadveshma rashmimAniva rashmibhiH .. 38..\\
jAmbUnadamayAnyeva shayanAnyAsanAni cha . 
bhAjanAni cha shubhrANi dadarsha hariyUthapaH .. 39..\\
madhvAsavakR^itakledaM maNibhAjanasa~Nkulam . 
manoramamasambAdha.n kuberabhavana.n yathA .. 40..\\
nUpurANA.n cha ghoSheNa kA~nchInAM ninadena cha . 
mR^ida~NgatalaghoShaishcha ghoShavadbhirvinAditam .. 41..\\
prAsAdasa~NghAtayuta.n strIratnashatasa~Nkulam . 
suvyUDhakakShya.n hanumAnpravivesha mahAgR^iham .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}