\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 52
vIkShamANastato la~NkA.n kapiH kR^itamanorathaH . 
vardhamAnasamutsAhaH kAryasheShamachintayat .. 1..\\
kiM nu khalvavishiShTaM me kartavyamiha sAmpratam . 
yadeShA.n rakShasAM bhUyaH santApajananaM bhavet .. 2..\\
vana.n tAvatpramathitaM prakR^iShTA rAkShasA hatAH . 
balaikadeshaH kShapitaH sheSha.n durgavinAshanam .. 3..\\
durge vinAshite karma bhavetsukhaparishramam . 
alpayatnena kArye.asminmama syAtsaphalaH shramaH .. 4..\\
yo hyayaM mama lA~NgUle dIpyate havyavAhanaH . 
asya santarpaNaM nyAyya.n kartumebhirgR^ihottamaiH .. 5..\\
tataH pradIptalA~NgUlaH savidyudiva toyadaH . 
bhavanAgreShu la~NkAyA vichachAra mahAkapiH .. 6..\\
mumocha hanumAnagni.n kAlAnalashikhopamam .. 7..\\
shvasanena cha sa.nyogAdativego mahAbalaH . 
kAlAgniriva jajvAla prAvardhata hutAshanaH .. 8..\\
pradIptamagniM pavanasteShu veshmasu chArayat .. 9..\\
tAni kA~nchanajAlAni muktAmaNimayAni cha . 
bhavanAnyavashIryanta ratnavanti mahAnti cha .. 10..\\
tAni bhagnavimAnAni nipeturvasudhAtale . 
bhavanAnIva siddhAnAmambarAtpuNyasa~NkShaye .. 11..\\
vajravidrumavaidUryamuktArajatasa.nhitAn . 
vichitrAnbhavanAddhAtUnsyandamAnAndadarsha saH .. 12..\\
nAgnistR^ipyati kAShThAnA.n tR^iNAnAM cha yathA tathA . 
hanUmAnrAkShasendrANA.n vadhe ki.n chinna tR^ipyati .. 13..\\
hutAshanajvAlasamAvR^itA sA 
hatapravIrA parivR^ittayodhA . 
hanUmAtaH krodhabalAbhibhUtA 
babhUva shApopahateva la~NkA .. 14..\\
sasambhrama.n trastaviShaNNarAkShasAM 
samujjvalajjvAlahutAshanA~NkitAm . 
dadarsha la~NkA.n hanumAnmahAmanAH 
svayambhukopopahatAmivAvanim .. 15..\\
sa rAkShasA.nstAnsubahUMshcha hatvA 
vana.n cha bha~NktvA bahupAdapaM tat . 
visR^ijya rakSho bhavaneShu chAgniM 
jagAma rAmaM manasA mahAtmA .. 16..\\
la~NkA.n samastAM sandIpya lA~NgUlAgniM mahAkapiH . 
nirvApayAmAsa tadA samudre harisattamaH .. 17..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}