\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 53
sandIpyamAnA.n vidhvastA.n trastarakSho gaNAM purIm . 
avekShya hAnumA.Nlla~NkA.n chintayAmAsa vAnaraH .. 1..\\
tasyAbhUtsumahA.nstrAsaH kutsA chAtmanyajAyata . 
la~NkAM pradahatA karma ki.nsvitkR^itamidaM mayA .. 2..\\
dhanyAste puruShashreShTha ye buddhyA kopamutthitam . 
nirundhanti mahAtmAno dIptamagnimivAmbhasA .. 3..\\
yadi dagdhA tviya.n la~NkA nUnamAryApi jAnakI . 
dagdhA tena mayA bharturhata.n kAryamajAnatA .. 4..\\
yadarthamayamArambhastatkAryamavasAditam . 
mayA hi dahatA la~NkAM na sItA parirakShitA .. 5..\\
IShatkAryamida.n kAryaM kR^itamAsInna saMshayaH . 
tasya krodhAbhibhUtena mayA mUlakShayaH kR^itaH .. 6..\\
vinaShTA jAnakI vyaktaM na hyadagdhaH pradR^ishyate . 
la~NkAyAH kashchiduddeshaH sarvA bhasmIkR^itA purI .. 7..\\
yadi tadvihata.n kAryaM mayA praGYAviparyayAt . 
ihaiva prANasaMnyAso mamApi hyatirochate .. 8..\\
kimagnau nipatAmyadya AhosvidvaDavAmukhe . 
sharIramAho sattvAnA.n dadmi sAgaravAsinAm .. 9..\\
katha.n hi jIvatA shakyo mayA draShTuM harIshvaraH . 
tau vA puruShashArdUlau kAryasarvasvaghAtinA .. 10..\\
mayA khalu tadeveda.n roShadoShAtpradarshitam . 
prathita.n triShu lokeShu kapitamanavasthitam .. 11..\\
dhigastu rAjasaM bhAvamanIshamanavasthitam . 
IshvareNApi yadrAgAnmayA sItA na rakShitA .. 12..\\
vinaShTAyA.n tu sItAyAM tAvubhau vinashiShyataH . 
tayorvinAshe sugrIvaH sabandhurvinashiShyati .. 13..\\
etadeva vachaH shrutvA bharato bhrAtR^ivatsalaH . 
dharmAtmA sahashatrughnaH katha.n shakShyati jIvitum .. 14..\\
ikShvAkuvaMshe dharmiShThe gate nAshamasaMshayam . 
bhaviShyanti prajAH sarvAH shokasantApapIDitAH .. 15..\\
tadahaM bhAgyarahito luptadharmArthasa~NgrahaH . 
roShadoShaparItAtmA vyakta.n lokavinAshanaH .. 16..\\
iti chintayatastasya nimittAnyupapedire . 
pUramapyupalabdhAni sAkShAtpunarachintayat .. 17..\\
atha vA chArusarvA~NgI rakShitA svena tejasA . 
na nashiShyati kalyANI nAgniragnau pravartate .. 18..\\
na hi dharmAnmanastasya bhAryAmamitatejasaH . 
svachAritrAbhiguptA.n tA.n spraShTumarhati pAvakaH .. 19..\\
nUna.n rAmaprabhAvena vaidehyAH sukR^itena cha . 
yanmA.n dahanakarmAyaM nAdahaddhavyavAhanaH .. 20..\\
trayANAM bharatAdInAM bhrAtR^INA.n devatA cha yA . 
rAmasya cha manaHkAntA sA katha.n vinashiShyati .. 21..\\
yadvA dahanakarmAya.n sarvatra prabhuravyayaH . 
na me dahati lA~NgUla.n kathamAryAM pradhakShyati .. 22..\\
tapasA satyavAkyena ananyatvAchcha bhartari . 
api sA nirdahedagniM na tAmagniH pradhakShyati .. 23..\\
sa tathA chintaya.nstatra devyA dharmaparigraham . 
shushrAva hanumAnvAkya.n chAraNAnAM mahAtmanAm .. 24..\\
aho khalu kR^ita.n karma durviShahya.n hanUmatA . 
agni.n visR^ijatAbhIkShNaM bhImaM rAkShasasadmani .. 25..\\
dagdheyaM nagarI la~NkA sATTaprAkAratoraNA . 
jAnakI na cha dagdheti vismayo.adbhuta eva naH .. 26..\\
sa nimittaishcha dR^iShTArthaiH kAraNaishcha mahAguNaiH . 
R^iShivAkyaishcha hanumAnabhavatprItamAnasaH .. 27..\\
tataH kapiH prAptamanorathArthas 
tAmakShatA.n rAjasutAM viditvA . 
pratyakShatastAM punareva dR^iShTvA 
pratiprayANAya mati.n chakAra .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}