\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 55
sachandrakumuda.n ramyaM sArkakAraNDavaM shubham . 
tiShyashravaNakadambamabhrashaivalashAdvalam .. 1..\\
punarvasu mahAmIna.n lohitA~NgamahAgraham . 
airAvatamahAdvIpa.n svAtIha.nsaviloDitam .. 2..\\
vAtasa~NghAtajAtormi.n chandrAMshushishirAmbumat . 
bhuja~NgayakShagandharvaprabuddhakamalotpalam .. 3..\\
grasamAna ivAkAsha.n tArAdhipamivAlikhan . 
haranniva sanakShatra.n gagana.n sArkamaNDalam .. 4..\\
mArutasyAlaya.n shrImAnkapirvyomacharo mahAn . 
hanUmAnmeghajAlAni vikarShanniva gachchhati .. 5..\\
pANDurAruNavarNAni nIlamA~njiShThakAni cha . 
haritAruNavarNAni mahAbhrANi chakAshire .. 6..\\
pravishannabhrajAlAni niShkramaMshcha punaH punaH . 
prachchhannashcha prakAshashcha chandramA iva lakShyate .. 7..\\
nadannAdena mahatA meghasvanamahAsvanaH . 
AjagAma mahAtejAH punarmadhyena sAgaram .. 8..\\
parvatendra.n sunAbha.n cha samupaspR^ishya vIryavAn . 
jyAmukta iva nArAcho mahAvego.abhyupAgataH .. 9..\\
sa ki.n chidanusamprAptaH samAlokya mahAgirim . 
mahendrameghasa~NkAshaM nanAda haripu~NgavaH .. 10..\\
nishamya nadato nAda.n vAnarAste samantataH . 
babhUvurutsukAH sarve suhR^iddarshanakA~NkShiNaH .. 11..\\
jAmbavAnsa harishreShThaH prItisa.nhR^iShTamAnasaH . 
upAmantrya harInsarvAnida.n vachanamabravIt .. 12..\\
sarvathA kR^itakAryo.asau hanUmAnnAtra saMshayaH . 
na hyasyAkR^itakAryasya nAda eva.nvidho bhavet .. 13..\\
tasyA bAhUruvega.n cha ninAdaM cha mahAtmanaH . 
nishamya harayo hR^iShTAH samutpetustatastataH .. 14..\\
te nagAgrAnnagAgrANi shikharAchchhikharANi cha . 
prahR^iShTAH samapadyanta hanUmanta.n didR^ikShavaH .. 15..\\
te prItAH pAdapAgreShu gR^ihya shAkhAH supuShpitAH . 
vAsA.nsIva prakAshAni samAvidhyanta vAnarAH .. 16..\\
tamabhraghanasa~NkAshamApatantaM mahAkapim . 
dR^iShTvA te vAnarAH sarve tasthuH prA~njalayastadA .. 17..\\
tatastu vegavA.nstasya girergirinibhaH kapiH . 
nipapAta mahendrasya shikhare pAdapAkule .. 18..\\
tataste prItamanasaH sarve vAnarapu~NgavAH . 
hanUmantaM mahAtmAnaM parivAryopatasthire .. 19..\\
parivArya cha te sarve parAM prItimupAgatAH . 
prahR^iShTavadanAH sarve tamarogamupAgatam .. 20..\\
upAyanAni chAdAya mUlAni cha phalAni cha . 
pratyarchayanharishreShTha.n harayo mArutAtmajam .. 21..\\
vinedurmuditAH ke chichchakruH kila kilA.n tathA . 
hR^iShTAH pAdapashAkhAshcha AninyurvAnararShabhAH .. 22..\\
hanUmA.nstu gurUnvR^iddhA~njAmbavatpramukhA.nstadA . 
kumArama~Ngada.n chaiva so.avandata mahAkapiH .. 23..\\
sa tAbhyAM pUjitaH pUjyaH kapibhishcha prasAditaH . 
dR^iShTA devIti vikrAntaH sa~NkShepeNa nyavedayat .. 24..\\
niShasAda cha hastena gR^ihItvA vAlinaH sutam . 
ramaNIye vanoddeshe mahendrasya girestadA .. 25..\\
hanUmAnabravIddhR^iShTastadA tAnvAnararShabhAn . 
ashokavanikAsa.nsthA dR^iShTA sA janakAtmajA .. 26..\\
rakShyamANA sughorAbhI rAkShasIbhiraninditA . 
ekaveNIdharA bAlA rAmadarshanalAlasA . 
upavAsaparishrAntA malinA jaTilA kR^ishA .. 27..\\
tato dR^iShTeti vachanaM mahArthamamR^itopamam . 
nishamya mAruteH sarve muditA vAnarA bhavan .. 28..\\
kShveDantyanye nadantyanye garjantyanye mahAbalAH . 
chakruH kila kilAmanye pratigarjanti chApare .. 29..\\
ke chiduchchhritalA~NgUlAH prahR^iShTAH kapiku~njarAH . 
a~nchitAyatadIrghANi lA~NgUlAni pravivyadhuH .. 30..\\
apare tu hanUmanta.n vAnarA vAraNopamam . 
Aplutya girishR^i~NgebhyaH sa.nspR^ishanti sma harShitAH .. 31..\\
uktavAkya.n hanUmantama~Ngadastu tadAbravIt . 
sarveShA.n harivIrANAM madhye vAchamanuttamAm .. 32..\\
sattve vIrye na te kashchitsamo vAnaravidyate . 
yadavaplutya vistIrNa.n sAgaraM punarAgataH .. 33..\\
diShTyA dR^iShTA tvayA devI rAmapatnI yashasvinI . 
diShTyA tyakShyati kAkutsthaH shoka.n sItA viyogajam .. 34..\\
tato.a~Ngada.n hanUmanta.n jAmbavantaM cha vAnarAH . 
parivArya pramuditA bhejire vipulAH shilAH .. 35..\\
shrotukAmAH samudrasya la~Nghana.n vAnarottamAH . 
darshana.n chApi la~NkAyAH sItAyA rAvaNasya cha . 
tasthuH prA~njalayaH sarve hanUmadvadanonmukhAH .. 36..\\
tasthau tatrA~NgadaH shrImAnvAnarairbahubhirvR^itaH . 
upAsyamAno vibudhairdivi devapatiryathA .. 37..\\
hanUmatA kIrtimatA yashasvinA 
tathA~NgadenA~NgadabaddhabAhunA . 
mudA tadAdhyAsitamunnataM mahan 
mahIdharAgra.n jvalita.n shriyAbhavat .. 38..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}