\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 56
tatastasya gireH shR^i~Nge mahendrasya mahAbalAH . 
hanumatpramukhAH prIti.n harayo jagmuruttamAm .. 1..\\
ta.n tataH pratisa.nhR^iShTaH prItimantaM mahAkapim . 
jAmbavAnkAryavR^ittAntamapR^ichchhadanilAtmajam .. 2..\\
katha.n dR^iShTA tvayA devI katha.n vA tatra vartate . 
tasyA.n vA sa kathaM vR^ittaH krUrakarmA dashAnanaH .. 3..\\
tattvataH sarvametannaH prabrUhi tvaM mahAkape . 
shrutArthAshchintayiShyAmo bhUyaH kAryavinishchayam .. 4..\\
yashchArthastatra vaktavyo gatairasmAbhirAtmavAn . 
rakShitavya.n cha yattatra tadbhavAnvyAkarotu naH .. 5..\\
sa niyuktastatastena samprahR^iShTatanUruhaH . 
namasya~nshirasA devyai sItAyai pratyabhAShata .. 6..\\
pratyakShameva bhavatAM mahendrAgrAtkhamAplutaH . 
udadherdakShiNaM pAra.n kA~NkShamANaH samAhitaH .. 7..\\
gachchhatashcha hi me ghora.n vighnarUpamivAbhavat . 
kA~nchana.n shikhara.n divyaM pashyAmi sumanoharam .. 8..\\
sthitaM panthAnamAvR^itya mene vighna.n cha taM nagam .. 9..\\
upasa~Ngamya ta.n divyaM kA~nchanaM nagasattamam . 
kR^itA me manasA buddhirbhettavyo.ayaM mayeti cha .. 10..\\
prahata.n cha mayA tasya lA~NgUlena mahAgireH . 
shikhara.n sUryasa~NkAshaM vyashIryata sahasradhA .. 11..\\
vyavasAya.n cha me buddhvA sa hovAcha mahAgiriH . 
putreti madhurAM bANIM manaHprahlAdayanniva .. 12..\\
pitR^ivya.n chApi mA.n viddhi sakhAyaM mAtarishvanaH . 
mainAkamiti vikhyAtaM nivasantaM mahodadhau .. 13..\\
pakShvavantaH purA putra babhUvuH parvatottamAH . 
chhandataH pR^ithivI.n cherurbAdhamAnAH samantataH .. 14..\\
shrutvA nagAnA.n charitaM mahendraH pAkashAsanaH . 
chichchheda bhagavAnpakShAnvajreNaiShA.n sahasrashaH .. 15..\\
aha.n tu mokShitastasmAttava pitrA mahAtmanA . 
mArutena tadA vatsa prakShipto.asmi mahArNave .. 16..\\
rAmasya cha mayA sAhye vartitavyamarindama . 
rAmo dharmabhR^itA.n shreShTho mahendrasamavikramaH .. 17..\\
etachchhrutvA mayA tasya mainAkasya mahAtmanaH . 
kAryamAvedya tu gireruddhata.n cha mano mama .. 18..\\
tena chAhamanuGYAto mainAkena mahAtmanA . 
uttama.n javamAsthAya sheShamadhvAnamAsthitaH .. 19..\\
tato.aha.n suchira.n kAlaM vegenAbhyagamaM pathi . 
tataH pashyAmyaha.n devI.n surasAM nAgamAtaram .. 20..\\
samudramadhye sA devI vachanaM mAmabhAShata . 
mama bhakShyaH pradiShTastvamamArairharisattamam . 
tatastvAM bhakShayiShyAmi vihitastva.n chirasya me .. 21..\\
evamuktaH surasayA prA~njaliH praNataH sthitaH . 
vivarNavadano bhUtvA vAkya.n chedamudIrayam .. 22..\\
rAmo dAsharathiH shrImAnpraviShTo daNDakAvanam . 
lakShmaNena saha bhrAtrA sItayA cha parantapaH .. 23..\\
tasya sItA hR^itA bhAryA rAvaNena durAtmanA . 
tasyAH sakAsha.n dUto.ahaM gamiShye rAmashAsanAt .. 24..\\
kartumarhasi rAmasya sAhya.n viShayavAsini .. 25..\\
atha vA maithilI.n dR^iShTvA rAmaM chAkliShTakAriNam . 
AgamiShyAmi te vaktra.n satyaM pratishR^iNoti me .. 26..\\
evamuktA mayA sA tu surasA kAmarUpiNI . 
abravInnAtivarteta kashchideSha varo mama .. 27..\\
evamuktaH surasayA dashayojanamAyataH . 
tato.ardhaguNavistAro babhUvAha.n kShaNena tu .. 28..\\
matpramANAnurUpa.n cha vyAditaM tanmukhaM tayA . 
taddR^iShTvA vyAdita.n tvAsya.n hrasvaM hyakaravaM vapuH .. 29..\\
tasminmuhUrte cha punarbabhUvA~NguShThasaMmitaH . 
abhipatyAshu tadvaktraM nirgato.aha.n tataH kShaNAt .. 30..\\
abravItsurasA devI svena rUpeNa mAM punaH . 
arthasiddhyai harishreShTha gachchha saumya yathAsukham .. 31..\\
samAnaya cha vaidehI.n rAghaveNa mahAtmanA . 
sukhI bhava mahAbAho prItAsmi tava vAnara .. 32..\\
tato.aha.n sAdhu sAdhvIti sarvabhUtaiH prasha.nsitaH . 
tato.antarikSha.n vipulaM pluto.aha.n garuDo yathA .. 33..\\
chhAyA me nigR^ihItA cha na cha pashyAmi ki.n chana . 
so.aha.n vigatavegastu disho dasha vilokayan . 
na ki.n chittatra pashyAmi yena me.apahR^itA gatiH .. 34..\\
tato me buddhirutpannA kiM nAma gamane mama . 
IdR^isho vighna utpanno rUpa.n yatra na dR^ishyate .. 35..\\
adho bhAgena me dR^iShTiH shochatA pAtitA mayA . 
tato.adrAkShamahaM bhImA.n rAkShasIM salile shayAm .. 36..\\
prahasya cha mahAnAdamukto.ahaM bhImayA tayA . 
avasthitamasambhrAntamida.n vAkyamashobhanam .. 37..\\
kvAsi gantA mahAkAya kShudhitAyA mamepsitaH . 
bhakShaH prINaya me deha.n chiramAhAravarjitam .. 38..\\
bADhamityeva tA.n vANIM pratyagR^ihNAmaha.n tataH . 
Asya pramANAdadhika.n tasyAH kAyamapUrayam .. 39..\\
tasyAshchAsyaM mahadbhIma.n vardhate mama bhakShaNe . 
na cha mA.n sA tu bubudhe mama vA vikR^ita.n kR^itam .. 40..\\
tato.aha.n vipulaM rUpaM sa~NkShipya nimiShAntarAt . 
tasyA hR^idayamAdAya prapatAmi nabhastalam .. 41..\\
sA visR^iShTabhujA bhImA papAta lavaNAmbhasi . 
mayA parvatasa~NkAshA nikR^ittahR^idayA satI .. 42..\\
shR^iNomi khagatAnA.n cha siddhAnAM chAraNaiH saha . 
rAkShasI si.nhikA bhImA kShipra.n hanumatA hR^itA .. 43..\\
tA.n hatvA punarevAha.n kR^ityamAtyayikaM smaran . 
gatvA cha mahadadhvAnaM pashyAmi nagamaNDitam . 
dakShiNa.n tIramudadherla~NkA yatra cha sA purI .. 44..\\
asta.n dinakare yAte rakShasAM nilayaM purIm . 
praviShTo.ahamaviGYAto rakShobhirbhImavikramaiH .. 45..\\
tatrAha.n sarvarAtra.n tu vichinva~njanakAtmajAm . 
rAvaNAntaHpuragato na chApashya.n sumadhyamAm .. 46..\\
tataH sItAmapashya.nstu rAvaNasya niveshane . 
shokasAgaramAsAdya na pAramupalakShaye .. 47..\\
shochatA cha mayA dR^iShTaM prAkAreNa samAvR^itam . 
kA~nchanena vikR^iShTena gR^ihopavanamuttamam .. 48..\\
sa prAkAramavaplutya pashyAmi bahupAdapam .. 49..\\
ashokavanikAmadhye shiMshapApAdapo mahAn . 
tamAruhya cha pashyAmi kA~nchana.n kadalI vanam .. 50..\\
adUrAchchhiMshapAvR^ikShAtpashyAmi vanavarNinIm . 
shyAmA.n kamalapatrAkShImupavAsakR^ishAnanAm .. 51..\\
rAkShasIbhirvirUpAbhiH krUrAbhirabhisa.nvR^itAm . 
mA.nsashoNitabhakShyAbhirvyAghrIbhirhariNI.n yathA .. 52..\\
tA.n dR^iShTvA tAdR^ishIM nArI.n rAmapatnImaninditAm . 
tatraiva shiMshapAvR^ikShe pashyannahamavasthitaH .. 53..\\
tato halahalAshabda.n kA~nchInUpuramishritam . 
shR^iNomyadhikagambhIra.n rAvaNasya niveshane .. 54..\\
tato.ahaM paramodvignaH svarUpaM pratyasa.nharam . 
aha.n cha shiMshapAvR^ikShe pakShIva gahane sthitaH .. 55..\\
tato rAvaNadArAshcha rAvaNashcha mahAbalaH . 
ta.n desha.n samanuprAptA yatra sItAbhavatsthitA .. 56..\\
ta.n dR^iShTvAtha varArohA sItA rakShogaNeshvaram . 
sa~NkuchyorU stanau pInau bAhubhyAM parirabhya cha .. 57..\\
tAmuvAcha dashagrIvaH sItAM paramaduHkhitAm . 
avAkshirAH prapatito bahu manyasva mAm iti .. 58..\\
yadi chettva.n tu mAM darpAnnAbhinandasi garvite . 
dvimAsAnantara.n sIte pAsyAmi rudhira.n tava .. 59..\\
etachchhrutvA vachastasya rAvaNasya durAtmanaH . 
uvAcha paramakruddhA sItA vachanamuttamam .. 60..\\
rAkShasAdhama rAmasya bhAryAmamitatejasaH . 
ikShvAkukulanAthasya snuShA.n dasharathasya cha . 
avAchya.n vadato jihvA kathaM na patitA tava .. 61..\\
ki.nsvidvIrya.n tavAnArya yo mAM bharturasaMnidhau . 
apahR^ityAgataH pApa tenAdR^iShTo mahAtmanA .. 62..\\
na tva.n rAmasya sadR^isho dAsye.apyasyA na yujyase . 
yaGYIyaH satyavAkchaiva raNashlAghI cha rAghavaH .. 63..\\
jAnakyA paruSha.n vAkyamevamukto dashAnanaH . 
jajvAla sahasA kopAchchitAstha iva pAvakaH .. 64..\\
vivR^itya nayane krUre muShTimudyamya dakShiNam . 
maithilI.n hantumArabdhaH strIbhirhAhAkR^ita.n tadA .. 65..\\
strINAM madhyAtsamutpatya tasya bhAryA durAtmanaH . 
varA mandodarI nAma tayA sa pratiShedhitaH .. 66..\\
uktashcha madhurA.n vANI.n tayA sa madanArditaH . 
sItayA tava ki.n kAryaM mahendrasamavikrama . 
mayA saha ramasvAdya madvishiShTA na jAnakI .. 67..\\
devagandharvakanyAbhiryakShakanyAbhireva cha . 
sArdhaM prabho ramasveha sItayA ki.n kariShyasi .. 68..\\
tatastAbhiH sametAbhirnArIbhiH sa mahAbalaH . 
utthApya sahasA nIto bhavana.n svaM nishAcharaH .. 69..\\
yAte tasmindashagrIve rAkShasyo vikR^itAnanAH . 
sItAM nirbhartsayAmAsurvAkyaiH krUraiH sudAruNaiH .. 70..\\
tR^iNavadbhAShita.n tAsAM gaNayAmAsa jAnakI . 
tarjita.n cha tadA tAsA.n sItAM prApya nirarthakam .. 71..\\
vR^ithAgarjitanishcheShTA rAkShasyaH pishitAshanAH . 
rAvaNAya shasha.nsustAH sItAvyavasitaM mahat .. 72..\\
tatastAH sahitAH sarvA vihatAshA nirudyamAH . 
parikShipya samantAttAM nidrAvashamupAgatAH .. 73..\\
tAsu chaiva prasuptAsu sItA bhartR^ihite ratA . 
vilapya karuNa.n dInA prashushocha suduHkhitA .. 74..\\
tA.n chAhaM tAdR^ishIM dR^iShTvA sItAyA dAruNAM dashAm . 
chintayAmAsa vishrAnto na cha me nirvR^itaM manaH .. 75..\\
sambhAShaNArthe cha mayA jAnakyAshchintito vidhiH . 
ikShvAkukulavaMshastu tato mama puraskR^itaH .. 76..\\
shrutvA tu gaditA.n vAchaM rAjarShigaNapUjitAm . 
pratyabhAShata mA.n devI bAShpaiH pihitalochanA .. 77..\\
kastva.n kena kathaM cheha prApto vAnarapu~Ngava . 
kA cha rAmeNa te prItistanme sha.nsitumarhasi .. 78..\\
tasyAstadvachana.n shrutvA ahamapyabruvaM vachaH . 
devi rAmasya bhartuste sahAyo bhImavikramaH . 
sugrIvo nAma vikrAnto vAnarendo mahAbalaH .. 79..\\
tasya mA.n viddhi bhR^itya.n tvaM hanUmantamihAgatam . 
bhartrAhaM prahitastubhya.n rAmeNAkliShTakarmaNA .. 80..\\
ida.n cha puruShavyAghraH shrImAndAsharathiH svayam . 
a~NgulIyamabhiGYAnamadAttubhya.n yashasvini .. 81..\\
tadichchhAmi tvayAGYapta.n devi kiM karavANyaham . 
rAmalakShmaNayoH pArshvaM nayAmi tvA.n kimuttaram .. 82..\\
etachchhrutvA viditvA cha sItA janakanandinI . 
Aha rAvaNamutsAdya rAghavo mAM nayatviti .. 83..\\
praNamya shirasA devImahamAryAmaninditAm . 
rAghavasya manohlAdamabhiGYAnamayAchiSham .. 84..\\
evamuktA varArohA maNipravaramuttamam . 
prAyachchhatparamodvignA vAchA mA.n sandidesha ha .. 85..\\
tatastasyai praNamyAha.n rAjaputryai samAhitaH . 
pradakShiNaM parikrAmamihAbhyudgatamAnasaH .. 86..\\
uttaraM punarevAha nishchitya manasA tadA . 
hanUmanmama vR^ittAnta.n vaktumarhasi rAghave .. 87..\\
yathA shrutvaiva nachirAttAvubhau rAmalakShmaNau . 
sugrIvasahitau vIrAvupeyAtA.n tathA kuru .. 88..\\
yadyanyathA bhavedetaddvau mAsau jIvitaM mama . 
na mA.n drakShyati kAkutstho mriye sAhamanAthavat .. 89..\\
tachchhrutvA karuNa.n vAkya.n krodho mAm abhyavartata . 
uttara.n cha mayA dR^iShTaM kAryasheShamanantaram .. 90..\\
tato.avardhata me kAyastadA parvatasaMnibhaH . 
yuddhakA~NkShI vana.n tachcha vinAshayitumArabhe .. 91..\\
tadbhagna.n vanaShaNDa.n tu bhrAntatrastamR^igadvijam . 
pratibuddhA nirIkShante rAkShasyo vikR^itAnanAH .. 92..\\
mA.n cha dR^iShTvA vane tasminsamAgamya tatastataH . 
tAH samabhyAgatAH kShipra.n rAvaNAyAchachakShire .. 93..\\
rAjanvanamida.n durgaM tava bhagnaM durAtmanA . 
vAnareNa hyaviGYAya tava vIryaM mahAbala .. 94..\\
durbuddhestasya rAjendra tava vipriyakAriNaH . 
vadhamAGYApaya kShipra.n yathAsau vilayaM vrajet .. 95..\\
tachchhrutvA rAkShasendreNa visR^iShTA bhR^ishadurjayAH . 
rAkShasAH ki~NkarA nAma rAvaNasya mano.anugAH .. 96..\\
teShAmashItisAhasra.n shUlamudgarapANinAm . 
mayA tasminvanoddeshe parigheNa niShUditam .. 97..\\
teShA.n tu hatasheShA ye te gatA laghuvikramAH . 
nihata.n cha mayA sainya.n rAvaNAyAchachakShire .. 98..\\
tato me buddhirutpannA chaityaprAsAdamAkramam .. 99..\\
tatrasthAnrAkShasAnhatvA shata.n stambhena vai punaH . 
lalAma bhUto la~NkAyA mayA vidhva.nsito ruShA .. 100..\\
tataH prahastasya suta.n jambumAlinamAdishat .. 101..\\
tamahaM balasampanna.n rAkShasaM raNakovidam . 
parigheNAtighoreNa sUdayAmi sahAnugam .. 102..\\
tachchhrutvA rAkShasendrastu mantriputrAnmahAbalAn . 
padAtibalasampannAnpreShayAmAsa rAvaNaH . 
parigheNaiva tAnsarvAnnayAmi yamasAdanam .. 103..\\
mantriputrAnhatA~nshrutvA samare laghuvikramAn . 
pa~nchasenAgragA~nshUrAnpreShayAmAsa rAvaNaH . 
tAnaha.n saha sainyAnvai sarvAnevAbhyasUdayam .. 104..\\
tataH punardashagrIvaH putramakShaM mahAbalam . 
bahubhI rAkasaiH sArdhaM preShayAmAsa sa.nyuge .. 105..\\
ta.n tu mandodarI putraM kumAra.n raNapaNDitam . 
sahasA kha.n samutkrAntaM pAdayoshcha gR^ihItavAn . 
charmAsina.n shataguNaM bhrAmayitvA vyapeShayam .. 106..\\
tamakShamAgataM bhagnaM nishamya sa dashAnanaH . 
tata indrajitaM nAma dvitIya.n rAvaNaH sutam . 
vyAdidesha susa~Nkruddho balina.n yuddhadurmadam .. 107..\\
tasyApyahaM bala.n sarva.n taM cha rAkShasapu~Ngavam . 
naShTaujasa.n raNe kR^itvA paraM harShamupAgamam .. 108..\\
mahatA hi mahAbAhuH pratyayena mahAbalaH . 
preShito rAvaNenaiSha saha vIrairmadotkaTaiH .. 109..\\
brAhmeNAstreNa sa tu mAM prabadhnAchchAtivegataH . 
rajjUbhirabhibadhnanti tato mA.n tatra rAkShasAH .. 110..\\
rAvaNasya samIpa.n cha gR^ihItvA mAmupAnayan . 
dR^iShTvA sambhAShitashchAha.n rAvaNena durAtmanA .. 111..\\
pR^iShTashcha la~NkAgamana.n rAkShasAnA.n cha tadvadham . 
tatsarva.n cha mayA tatra sItArthamiti jalpitam .. 112..\\
asyAha.n darshanAkA~NkShI prAptastvadbhavana.n vibho . 
mArutasyaurasaH putro vAnaro hanumAnaham .. 113..\\
rAmadUta.n cha mA.n viddhi sugrIvasachivaM kapim . 
so.aha.n dautyena rAmasya tvatsamIpamihAgataH .. 114..\\
shR^iNu chApi samAdesha.n yadahaM prabravImi te . 
rAkShasesha harIshastvA.n vAkyamAha samAhitam . 
dharmArthakAmasahita.n hitaM pathyamivAshanam .. 115..\\
vasato R^iShyamUke me parvate vipuladrume . 
rAghavo raNavikrAnto mitratva.n samupAgataH .. 116..\\
tena me kathita.n rAjanbhAryA me rakShasA hR^itA . 
tatra sAhAyyahetorme samaya.n kartumarhasi .. 117..\\
vAlinA hR^itarAjyena sugrIveNa saha prabhuH . 
chakre.agnisAkShika.n sakyaM rAghavaH sahalakShmaNaH .. 118..\\
tena vAlinamutsAdya shareNaikena sa.nyuge . 
vAnarANAM mahArAjaH kR^itaH samplavatAM prabhuH .. 119..\\
tasya sAhAyyamasmAbhiH kArya.n sarvAtmanA tviha . 
tena prasthApitastubhya.n samIpamiha dharmataH .. 120..\\
kShipramAnIyatA.n sItA dIyatAM rAghavasya cha . 
yAvanna harayo vIrA vidhamanti bala.n tava .. 121..\\
vAnarANAM prabhavo hi na kena viditaH purA . 
devatAnA.n sakAsha.n cha ye gachchhanti nimantritAH .. 122..\\
iti vAnararAjastvAmAhetyabhihito mayA . 
mAmaikShata tato ruShTashchakShuShA pradahanniva .. 123..\\
tena vadhyo.ahamAGYapto rakShasA raudrakarmaNA .. 124..\\
tato vibhIShaNo nAma tasya bhrAtA mahAmatiH . 
tena rAkShasarAjo.asau yAchito mama kAraNAt .. 125..\\
dUtavadhyA na dR^iShTA hi rAjashAstreShu rAkShasa . 
dUtena veditavya.n cha yathArtha.n hitavAdinA .. 126..\\
sumahatyaparAdhe.api dUtasyAtulavikramaH . 
virUpakaraNa.n dR^iShTaM na vadho.astIha shAstrataH .. 127..\\
vibhIShaNenaivamukto rAvaNaH sandidesha tAn . 
rAkShasAnetadevAdya lA~NgUla.n dahyatAm iti .. 128..\\
tatastasya vachaH shrutvA mama puchchha.n samantataH . 
veShTita.n shaNavalkaishcha paTaiH kArpAsakaistathA .. 129..\\
rAkShasAH siddhasaMnAhAstataste chaNDavikramAH . 
tadAdIpyanta me puchchha.n hanantaH kAShThamuShTibhiH .. 130..\\
baddhasya bahubhiH pAshairyantritasya cha rAkShasaiH . 
na me pIDA bhavetkA chiddidR^ikShornagarI.n divA .. 131..\\
tataste rAkShasAH shUrA baddhaM mAmagnisa.nvR^itam . 
aghoShayanrAjamArge nagaradvAramAgatAH .. 132..\\
tato.aha.n sumahadrUpaM sa~NkShipya punarAtmanaH . 
vimochayitvA taM bandhaM prakR^itiShThaH sthitaH punaH .. 133..\\
AyasaM parigha.n gR^ihya tAni rakShA.nsyasUdayam . 
tatastannagaradvAra.n vegenAplutavAnaham .. 134..\\
puchchhena cha pradIptena tAM purI.n sATTagopurAm . 
dahAmyahamasambhrAnto yugAntAgniriva prajAH .. 135..\\
dagdhvA la~NkAM punashchaiva sha~NkA mAm abhyavartata . 
dahatA cha mayA la~NkA.n daghdA sItA na saMshayaH .. 136..\\
athAha.n vAchamashrauSha.n chAraNAnAM shubhAkSharAm . 
jAnakI na cha dagdheti vismayodantabhAShiNAm .. 137..\\
tato me buddhirutpannA shrutvA tAmadbhutA.n giram . 
punardR^iShTA cha vaidehI visR^iShTashcha tayA punaH .. 138..\\
rAghavasya prabhAvena bhavatA.n chaiva tejasA . 
sugrIvasya cha kAryArthaM mayA sarvamanuShThitam .. 139..\\
etatsarvaM mayA tatra yathAvadupapAditam . 
atra yanna kR^ita.n sheSha.n tatsarvaM kriyatAm iti .. 140..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}