\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 59
tato jAmbavato vAkyamagR^ihNanta vanaukasaH . 
a~NgadapramukhA vIrA hanUmAMshcha mahAkapiH .. 1..\\
prItimantastataH sarve vAyuputrapuraHsarAH . 
mahendrAgraM parityajya pupluvuH plavagarShabhAH .. 2..\\
merumandarasa~NkAshA mattA iva mahAgajAH . 
chhAdayanta ivAkAshaM mahAkAyA mahAbalAH .. 3..\\
sabhAjyamAnaM bhUtaistamAtmavantaM mahAbalam . 
hanUmantaM mahAvega.n vahanta iva dR^iShTibhiH .. 4..\\
rAghave chArthanirvR^ittiM bhartushcha parama.n yashaH . 
samAdhAya samR^iddhArthAH karmasiddhibhirunnatAH .. 5..\\
priyAkhyAnonmukhAH sarve sarve yuddhAbhinandinaH . 
sarve rAmapratIkAre nishchitArthA manasvinaH .. 6..\\
plavamAnAH khamAplutya tataste kAnanaukShakaH . 
nandanopamamAsedurvana.n drumalatAyutam .. 7..\\
yattanmadhuvanaM nAma sugrIvasyAbhirakShitam . 
adhR^iShya.n sarvabhUtAnAM sarvabhUtamanoharam .. 8..\\
yadrakShati mahAvIryaH sadA dadhimukhaH kapiH . 
mAtulaH kapimukhyasya sugrIvasya mahAtmanaH .. 9..\\
te tadvanamupAgamya babhUvuH paramotkaTAH . 
vAnarA vAnarendrasya manaHkAntatamaM mahat .. 10..\\
tataste vAnarA hR^iShTA dR^iShTvA madhuvanaM mahat . 
kumAramabhyayAchanta madhUni madhupi~NgalAH .. 11..\\
tataH kumArastAnvR^iddhA~njAmbavatpramukhAnkapIn . 
anumAnya dadau teShAM nisargaM madhubhakShaNe .. 12..\\
tatashchAnumatAH sarve samprahR^iShTA vanaukasaH . 
muditAshcha tataste cha pranR^ityanti tatastataH .. 13..\\
gAyanti ke chitpraNamanti ke chin 
nR^ityanti ke chitprahasanti ke chit . 
patanti ke chidvicharanti ke chit 
plavanti ke chitpralapanti ke chit .. 14..\\
paraspara.n ke chidupAshrayante 
paraspara.n ke chidatibruvante . 
drumAddruma.n ke chidabhiplavante 
kShitau nagAgrAnnipatanti ke chit .. 15..\\
mahItalAtke chidudIrNavegA 
mahAdrumAgrANyabhisampatante . 
gAyantamanyaH prahasannupaiti 
hasantamanyaH prahasannupaiti .. 16..\\
rudantamanyaH prarudannupaiti 
nudantamanyaH praNudannupaiti . 
samAkula.n tatkapisainyamAsIn 
madhuprapAnotkaTa sattvacheShTam . 
na chAtra kashchinna babhUva matto 
na chAtra kashchinna babhUva tR^ipto .. 17..\\
tato vana.n tatparibhakShyamANaM 
drumAMshcha vidhva.nsitapatrapuShpAn . 
samIkShya kopAddadhivaktranAmA 
nivArayAmAsa kapiH kapI.nstAn .. 18..\\
sa taiH pravR^iddhaiH paribhartsyamAno 
vanasya goptA harivIravR^iddhaH . 
chakAra bhUyo matimugratejA 
vanasya rakShAM prati vAnarebhyaH .. 19..\\
uvAcha kAMshchitparuShANi dhR^iShTam 
asaktamanyAMshcha talairjaghAna . 
sametya kaishchitkalaha.n chakAra 
tathaiva sAmnopajagAma kAMsh chit .. 20..\\
sa tairmadAchchAprativArya vegair 
balAchcha tenAprativAryamANaiH . 
pradharShitastyaktabhayaiH sametya 
prakR^iShyate chApyanavekShya doSham .. 21..\\
nakhaistudanto dashanairdashantas 
talaishcha pAdaishcha samApnuvantaH . 
madAtkapi.n taM kapayaH samagrA 
mahAvanaM nirviShaya.n cha chakruH .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}