\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 61
tato mUrdhnA nipatita.n vAnaraM vAnararShabhaH . 
dR^iShTvaivodvignahR^idayo vAkyametaduvAcha ha .. 1..\\
uttiShThottiShTha kasmAttvaM pAdayoH patito mama . 
abhaya.n te bhavedvIra satyamevAbhidhIyatAm .. 2..\\
sa tu vishvAsitastena sugrIveNa mahAtmanA . 
utthAya cha mahAprAGYo vAkya.n dadhimukho.abravIt .. 3..\\
naivarkSharajasA rAjanna tvayA nApi vAlinA . 
vanaM nisR^iShTapUrva.n hi bhakShita.n tattu vAnaraiH .. 4..\\
ebhiH pradharShitAshchaiva vAritA vanarakShibhiH . 
madhUnyachintayitvemAnbhakShayanti pibanti cha .. 5..\\
shiShTamatrApavidhyanti bhakShayanti tathApare . 
nivAryamANAste sarve bhruvau vai darshayanti hi .. 6..\\
ime hi sa.nrabdhatarAstathA taiH sampradharShitAH . 
vArayanto vanAttasmAtkruddhairvAnarapu~NgavaiH .. 7..\\
tatastairbahubhirvIrairvAnarairvAnararShabhAH . 
sa.nraktanayanaiH krodhAddharayaH samprachAlitAH .. 8..\\
pANibhirnihatAH ke chitke chijjAnubhirAhatAH . 
prakR^iShTAshcha yathAkAma.n devamArgaM cha darshitAH .. 9..\\
evamete hatAH shUrAstvayi tiShThati bhartari . 
kR^itsnaM madhuvana.n chaiva prakAmaM taiH prabhakShyate .. 10..\\
eva.n viGYApyamAna.n tu sugrIvaM vAnararShabham . 
apR^ichchhattaM mahAprAGYo lakShmaNaH paravIrahA .. 11..\\
kimaya.n vAnaro rAjanvanapaH pratyupasthitaH . 
ka.n chArthamabhinirdishya duHkhito vAkyamabravIt .. 12..\\
evamuktastu sugrIvo lakShmaNena mahAtmanA . 
lakShmaNaM pratyuvAcheda.n vAkyaM vAkyavishAradaH .. 13..\\
Arya lakShmaNa samprAha vIro dadhimukhaH kapiH . 
a~NgadapramukhairvIrairbhakShitaM madhuvAnaraiH .. 14..\\
naiShAmakR^itakR^ityAnAmIdR^ishaH syAdupakramaH . 
vana.n yathAbhipanna.n taiH sAdhitaM karma vAnaraiH .. 15..\\
dR^iShTA devI na sandeho na chAnyena hanUmatA . 
na hyanyaH sAdhane hetuH karmaNo.asya hanUmataH .. 16..\\
kAryasiddhirhanumati matishcha haripu~Ngava . 
vyavasAyashcha vIrya.n cha shrutaM chApi pratiShThitam .. 17..\\
jAmbavAnyatra netA syAda~Ngadasya baleshvaraH . 
hanUmAMshchApyadhiShThAtA na tasya gatiranyathA .. 18..\\
a~NgadapramukhairvIrairhataM madhuvana.n kila . 
vichintya dakShiNAmAshAmAgatairharipu~NgavaiH .. 19..\\
Agataishcha praviShTa.n tadyathA madhuvana.n hi taiH . 
dharShita.n cha vanaM kR^itsnamupayuktaM cha vAnaraiH . 
vAritAH sahitAH pAlAstathA jAnubhirAhatAH .. 20..\\
etadarthamayaM prApto vaktuM madhuravAgiha . 
nAmnA dadhimukho nAma hariH prakhyAtavikramaH .. 21..\\
dR^iShTA sItA mahAbAho saumitre pashya tattvataH . 
abhigamya yathA sarve pibanti madhu vAnarAH .. 22..\\
na chApyadR^iShTvA vaidehI.n vishrutAH puruSharShabha . 
vana.n dAtta varaM divyaM dharShayeyurvanaukasaH .. 23..\\
tataH prahR^iShTo dharmAtmA lakShmaNaH saharAghavaH . 
shrutvA karNasukhA.n vANIM sugrIvavadanAchchyutAm .. 24..\\
prAhR^iShyata bhR^isha.n rAmo lakShmaNashcha mahAyashAH . 
shrutvA dadhimukhasyeda.n sugrIvastu prahR^iShya cha . 
vanapAlaM punarvAkya.n sugrIvaH pratyabhAShata .. 25..\\
prIto.asmi saumya yadbhukta.n vana.n taiH kR^itakarmabhiH . 
marShitaM marShaNIya.n cha cheShTitaM kR^itakarmaNAm .. 26..\\
ichchhAmi shIghra.n hanumatpradhAnAn 
shAkhAmR^igA.nstAnmR^igarAjadarpAn . 
draShTu.n kR^itArthAnsaha rAghavAbhyAM 
shrotu.n cha sItAdhigame prayatnam .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}