\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 62
sugrIveNaivamuktastu hR^iShTo dadhimukhaH kapiH . 
rAghava.n lakShmaNa.n chaiva sugrIvaM chAbhyavAdayat .. 1..\\
sa praNamya cha sugrIva.n rAghavau cha mahAbalau . 
vAnaraiH sahitaiH shUrairdivamevotpapAta ha .. 2..\\
sa yathaivAgataH pUrva.n tathaiva tvarito gataH . 
nipatya gaganAdbhUmau tadvanaM pravivesha ha .. 3..\\
sa praviShTo madhuvana.n dadarsha hariyUthapAn . 
vimadAnuddhatAnsarvAnmehamAnAnmadhUdakam .. 4..\\
sa tAnupAgamadvIro baddhvA karapuTA~njalim . 
uvAcha vachana.n shlakShNamidaM hR^iShTavada~Ngadam .. 5..\\
saumya roSho na kartavyo yadebhirabhivAritaH . 
aGYAnAdrakShibhiH krodhAdbhavantaH pratiShedhitAH .. 6..\\
yuvarAjastvamIshashcha vanasyAsya mahAbala . 
maurkhyAtpUrva.n kR^ito doShastadbhavAnkShantumarhati .. 7..\\
yathaiva hi pitA te.abhUtpUrva.n harigaNeshvaraH . 
tathA tvamapi sugrIvo nAnyastu harisattama .. 8..\\
AkhyAta.n hi mayA gatvA pitR^ivyasya tavAnagha . 
ihopayAna.n sarveShAmeteShAM vanachAriNAm .. 9..\\
sa tvadAgamana.n shrutvA sahaibhirhariyUthapaiH . 
prahR^iShTo na tu ruShTo.asau vana.n shrutvA pradharShitam .. 10..\\
prahR^iShTo mAM pitR^ivyaste sugrIvo vAnareshvaraH . 
shIghraM preShaya sarvA.nstAniti hovAcha pArthivaH .. 11..\\
shrutvA dadhimukhasyaitadvachana.n shlakShNama~NgadaH . 
abravIttAnharishreShTho vAkya.n vAkyavishAradaH .. 12..\\
sha~Nke shruto.aya.n vR^ittAnto rAmeNa hariyUthapAH . 
tatkShamaM neha naH sthAtu.n kR^ite kArye parantapAH .. 13..\\
pItvA madhu yathAkAma.n vishrAntA vanachAriNaH . 
ki.n sheSha.n gamanaM tatra sugrIvo yatra me guruH .. 14..\\
sarve yathA mA.n vakShyanti sametya hariyUthapAH . 
tathAsmi kartA kartavye bhavadbhiH paravAnaham .. 15..\\
nAGYApayitumIsho.aha.n yuvarAjo.asmi yadyapi . 
ayukta.n kR^itakarmANo yUyaM dharShayituM mayA .. 16..\\
bruvatashchA~Ngadashchaiva.n shrutvA vachanamavyayam . 
prahR^iShTamanaso vAkyamidamUchurvanaukasaH .. 17..\\
eva.n vakShyati ko rAjanprabhuH sanvAnararShabha . 
aishvaryamadamatto hi sarvo.ahamiti manyate .. 18..\\
tava cheda.n susadR^ishaM vAkyaM nAnyasya kasya chit . 
saMnatirhi tavAkhyAti bhaviShyachchhubhabhAgyatAm .. 19..\\
sarve vayamapi prAptAstatra gantu.n kR^itakShaNAH . 
sa yatra harivIrANA.n sugrIvaH patiravyayaH .. 20..\\
tvayA hyanuktairharibhirnaiva shakyaM padAtpadam . 
kva chidgantu.n harishreShTha brUmaH satyamida.n tu te .. 21..\\
eva.n tu vadatAM teShAma~NgadaH pratyabhAShata . 
bADha.n gachchhAma ityuktvA utpapAta mahItalAt .. 22..\\
utpatantamanUtpetuH sarve te hariyUthapAH . 
kR^itvAkAshaM nirAkAsha.n yaGYotkShiptA ivAnalAH .. 23..\\
te.ambara.n sahasotpatya vegavantaH plava~NgamAH . 
vinadanto mahAnAda.n ghanA vAteritA yathA .. 24..\\
a~Ngade hyananuprApte sugrIvo vAnarAdhipaH . 
uvAcha shokopahata.n rAma.n kamalalochanam .. 25..\\
samAshvasihi bhadra.n te dR^iShTA devI na saMshayaH . 
nAgantumiha shakya.n tairatIte samaye hi naH .. 26..\\
na matsakAshamAgachchhetkR^itye hi vinipAtite . 
yuvarAjo mahAbAhuH plavatAM pravaro.a~NgadaH .. 27..\\
yadyapyakR^itakR^ityAnAmIdR^ishaH syAdupakramaH . 
bhavettu dInavadano bhrAntaviplutamAnasaH .. 28..\\
pitR^ipaitAmaha.n chaitatpUrvakairabhirakShitam . 
na me madhuvana.n hanyAdahR^iShTaH plavageshvaraH .. 29..\\
kausalyA suprajA rAma samAshvasihi suvrata . 
dR^iShTA devI na sandeho na chAnyena hanUmatA . 
na hyanyaH karmaNo hetuH sAdhane tadvidho bhavet .. 30..\\
hanUmati hi siddhishcha matish cha matisattama . 
vyavasAyashcha vIrya.n cha sUrye teja iva dhruvam .. 31..\\
jAmbavAnyatra netA syAda~Ngadashcha baleshvaraH . 
hanUmAMshchApyadhiShThAtA na tasya gatiranyathA .. 32..\\
mA bhUshchintA samAyuktaH sampratyamitavikrama .. 33..\\
tataH kila kilA shabda.n shushrAvAsannamambare . 
hanUmatkarmadR^iptAnAM nardatA.n kAnanaukasAm . 
kiShkindhAmupayAtAnA.n siddhi.n kathayatAm iva .. 34..\\
tataH shrutvA ninAda.n taM kapInAM kapisattamaH . 
AyatA~nchitalA~NgUlaH so.abhavaddhR^iShTamAnasaH .. 35..\\
Ajagmuste.api harayo rAmadarshanakA~NkShiNaH . 
a~NgadaM purataH kR^itvA hanUmanta.n cha vAnaram .. 36..\\
te.a~NgadapramukhA vIrAH prahR^iShTAshcha mudAnvitAH . 
nipeturharirAjasya samIpe rAghavasya cha .. 37..\\
hanUmAMshcha mahAbahuH praNamya shirasA tataH . 
niyatAmakShatA.n devI.n rAghavAya nyavedayat .. 38..\\
nishchitArtha.n tatastasminsugrIvaM pavanAtmaje . 
lakShmaNaH prItimAnprItaM bahumAnAdavaikShata .. 39..\\
prItyA cha ramamANo.atha rAghavaH paravIrahA . 
bahu mAnena mahatA hanUmantamavaikShata .. 40..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}