\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 65
evamuktastu hanumAnrAghaveNa mahAtmanA . 
sItAyA bhAShita.n sarvaM nyavedayata rAghave .. 1..\\
idamuktavatI devI jAnakI puruSharShabha . 
pUrvavR^ittamabhiGYAna.n chitrakUTe yathA tatham .. 2..\\
sukhasuptA tvayA sArdha.n jAnakI pUrvamutthitA . 
vAyasaH sahasotpatya virarAda stanAntare .. 3..\\
paryAyeNa cha suptastva.n devya~Nke bharatAgraja . 
punashcha kila pakShI sa devyA janayati vyathAm .. 4..\\
tataH punarupAgamya virarAda bhR^isha.n kila . 
tatastvaM bodhitastasyAH shoNitena samukShitaH .. 5..\\
vAyasena cha tenaiva satataM bAdhyamAnayA . 
bodhitaH kila devyAstva.n sukhasuptaH parantapa .. 6..\\
tA.n tu dR^iShTvA mahAbAho rAditAM cha stanAntare . 
AshIviSha iva kruddho niHshvasannabhyabhAShathAH .. 7..\\
nakhAgraiH kena te bhIru dArita.n tu stanAntaram . 
kaH krIDati saroSheNa pa~nchavaktreNa bhoginA .. 8..\\
nirIkShamANaH sahasA vAyasa.n samavaikShatAH . 
nakhaiH sarudhiraistIkShNairmAmevAbhimukha.n sthitam .. 9..\\
sutaH kila sa shakrasya vAyasaH patatA.n varaH . 
dharAntaracharaH shIghraM pavanasya gatau samaH .. 10..\\
tatastasminmahAbAho kopasa.nvartitekShaNaH . 
vAyase tva.n kR^itvAH krUrAM matiM matimatA.n vara .. 11..\\
sa darbha.n sa.nstarAdgR^ihya brahmAstreNa nyayojayaH . 
sa dIpta iva kAlAgnirjajvAlAbhimukhaH khagam .. 12..\\
sa tvaM pradIpta.n chikShepa darbhaM ta.n vAyasaM prati . 
tatastu vAyasa.n dIptaH sa darbho.anujagAma ha .. 13..\\
sa pitrA cha parityaktaH suraiH sarvairmaharShibhiH . 
trI.NllokAnsamparikramya trAtAraM nAdhigachchhati .. 14..\\
ta.n tvaM nipatitaM bhUmau sharaNyaH sharaNAgatam . 
vadhArhamapi kAkutstha kR^ipayA paripAlayaH .. 15..\\
moghamastraM na shakya.n tu kartumityeva rAghava . 
tatastasyAkShikAkasya hinasti sma sa dakShiNam .. 16..\\
rAma tvA.n sa namaskR^itvA rAGYo dasharathasya cha . 
visR^iShTastu tadA kAkaH pratipede khamAlayam .. 17..\\
evamastravidA.n shreShThaH sattvavA~nshIlavAnapi . 
kimarthamastra.n rakShaHsu na yojayasi rAghava .. 18..\\
na nAgA nApi gandharvA nAsurA na marudgaNAH . 
tava rAma mukhe sthAtu.n shaktAH pratisamAdhitum .. 19..\\
tava vIryavataH kachchinmayi yadyasti sambhramaH . 
kShipra.n sunishitairbANairhanyatAM yudhi rAvaNaH .. 20..\\
bhrAturAdeshamAdAya lakShmaNo vA parantapaH . 
sa kimarthaM naravaro na mA.n rakShati rAghavaH .. 21..\\
shaktau tau puruShavyAghrau vAyvagnisamatejasau . 
surANAmapi durdharShau kimarthaM mAmupekShataH .. 22..\\
mamaiva duShkR^ita.n kiM chinmahadasti na saMshayaH . 
samarthau sahitau yanmAM nApekShete parantapau .. 23..\\
vaidehyA vachana.n shrutvA karuNaM sAshrubhAShitam . 
punarapyahamAryA.n tAmida.n vachanamabruvam .. 24..\\
tvachchhokavimukho rAmo devi satyena te shape . 
rAme duHkhAbhibhUte cha lakShmaNaH paritapyate .. 25..\\
katha.n chidbhavatI dR^iShTA na kAlaH parishochitum . 
imaM muhUrta.n duHkhAnAmantaM drakShyasi bhAmini .. 26..\\
tAvubhau narashArdUlau rAjaputrAvarindamau . 
tvaddarshanakR^itotsAhau la~NkAM bhasmIkariShyataH .. 27..\\
hatvA cha samare raudra.n rAvaNaM saha bAndhavam . 
rAghavastvAM mahAbAhuH svAM purIM nayate dhruvam .. 28..\\
yattu rAmo vijAnIyAdabhiGYAnamanindite . 
prItisa~njanana.n tasya pradAtuM tattvamarhasi .. 29..\\
sAbhivIkShya dishaH sarvA veNyudgrathanamuttamam . 
muktvA vastrAddadau mahyaM maNimetaM mahAbala .. 30..\\
pratigR^ihya maNi.n divyaM tava heto raghUttama . 
shirasA sampraNamyainAmahamAgamane tvare .. 31..\\
gamane cha kR^itotsAhamavekShya varavarNinI . 
vivardhamAna.n cha hi mAmuvAcha janakAtmajA . 
ashrupUrNamukhI dInA bAShpasandigdhabhAShiNI .. 32..\\
hanumansi.nhasa~NkAshau tAvubhau rAmalakShmaNau . 
sugrIva.n cha sahAmAtya.n sarvAnbrUyA anAmayam .. 33..\\
yathA cha sa mahAbAhurmA.n tArayati rAghavaH . 
asmAdduHkhAmbusa.nrodhAttatsamAdhAtumarhasi .. 34..\\
ima.n cha tIvraM mama shokavegaM 
rakShobhirebhiH paribhartsana.n cha . 
brUyAstu rAmasya gataH samIpaM 
shivashcha te.adhvAstu haripravIra .. 35..\\
etattavAryA nR^iparAjasi.nha 
sItA vachaH prAha viShAdapUrvam . 
etachcha buddhvA gaditaM mayA tvaM 
shraddhatsva sItA.n kushalA.n samagrAm .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}