\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 66
athAhamuttara.n devyA punaruktaH sasambhramam . 
tava snehAnnaravyAghra sauhAryAdanumAnya cha .. 1..\\
evaM bahuvidha.n vAchyo rAmo dAsharathistvayA . 
yathA mAmApnuyAchchhIghra.n hatvA rAvaNamAhave .. 2..\\
yadi vA manyase vIra vasaikAhamarindama . 
kasmiMshchitsa.nvR^ite deshe vishrAntaH shvo gamiShyasi .. 3..\\
mama chApyalpabhAgyAyAH sAmnidhyAttava vAnara . 
asya shokavipAkasya muhUrta.n syAdvimokShaNam .. 4..\\
gate hi tvayi vikrAnte punarAgamanAya vai . 
prANAnAmapi sandeho mama syAnnAtra saMshayaH .. 5..\\
tavAdarshanajaH shoko bhUyo mAM paritApayet . 
duHkhAdduHkhaparAbhUtA.n durgatAM duHkhabhAginIm .. 6..\\
aya.n tu vIrasandehastiShThatIva mamAgrataH . 
sumahA.nstvatsahAyeShu haryR^ikSheShu asaMshayaH .. 7..\\
kathaM nu khalu duShpAra.n tariShyanti mahodadhim . 
tAni haryR^ikShasainyAni tau vA naravarAtmajau .. 8..\\
trayANAmeva bhUtAnA.n sAgarasyAsya la~Nghane . 
shaktiH syAdvainateyasya vAyorvA tava vAnagha .. 9..\\
tadasminkAryaniyoge vIraiva.n duratikrame . 
kiM pashyasi samAdhAnaM brUhi kAryavidA.n vara .. 10..\\
kAmamasya tvamevaikaH kAryasya parisAdhane . 
paryAptaH paravIraghna yashasyaste balodayaH .. 11..\\
balaiH samagrairyadi mA.n hatvA rAvaNamAhave . 
vijayI svAM purI.n rAmo nayettatsyAdyashaskaram .. 12..\\
yathAha.n tasya vIrasya vanAdupadhinA hR^itA . 
rakShasA tadbhayAdeva tathA nArhati rAghavaH .. 13..\\
balaistu sa~NkulA.n kR^itvA la~NkAM parabalArdanaH . 
mAM nayedyadi kAkutsthastattasya sadR^ishaM bhavet .. 14..\\
tadyathA tasya vikrAntamanurUpaM mahAtmanaH . 
bhavatyAhavashUrasya tathA tvamupapAdaya .. 15..\\
tadarthopahita.n vAkyaM prashritaM hetusa.nhitam . 
nishamyAha.n tataH sheSha.n vAkyamuttaramabruvam .. 16..\\
devi haryR^ikShasainyAnAmIshvaraH plavatA.n varaH . 
sugrIvaH sattvasampannastavArthe kR^itanishchayaH .. 17..\\
tasya vikramasampannAH sattvavanto mahAbalAH . 
manaHsa~NkalpasampAtA nideshe harayaH sthitAH .. 18..\\
yeShAM nopari nAdhastAnna tiryaksajjate gatiH . 
na cha karmasu sIdanti mahatsvamitatejasaH .. 19..\\
asakR^ittairmahAbhAgairvAnarairbalasa.nyutaiH . 
pradakShiNIkR^itA bhUmirvAyumArgAnusAribhiH .. 20..\\
madvishiShTAshcha tulyAshcha santi tatra vanaukasaH . 
mattaH pratyavaraH kashchinnAsti sugrIvasaMnidhau .. 21..\\
aha.n tAvadiha prAptaH kiM punaste mahAbalAH . 
na hi prakR^iShTAH preShyante preShyante hItare janAH .. 22..\\
tadalaM paritApena devi manyurvyapaitu te . 
ekotpAtena te la~NkAmeShyanti hariyUthapAH .. 23..\\
mama pR^iShThagatau tau cha chandrasUryAvivoditau . 
tvatsakAshaM mahAbhAge nR^isi.nhAvAgamiShyataH .. 24..\\
arighna.n si.nhasa~NkAsha.n kShipraM drakShyasi rAghavam . 
lakShmaNa.n cha dhanuShpANi.n la~NkA dvAramupasthitam .. 25..\\
nakhadaMShTrAyudhAnvIrAnsi.nhashArdUlavikramAn . 
vAnarAnvAnarendrAbhAnkShipra.n drakShyasi sa~NgatAn .. 26..\\
shailAmbudannikAshAnA.n la~NkAmalayasAnuShu . 
nardatA.n kapimukhyAnAmachirAchchhoShyase svanam .. 27..\\
nivR^ittavanavAsa.n cha tvayA sArdhamarindamam . 
abhiShiktamayodhyAyA.n kShipraM drakShyasi rAghavam .. 28..\\
tato mayA vAgbhiradInabhAShiNI 
shivAbhiriShTAbhirabhiprasAditA . 
jagAma shAntiM mama maithilAtmajA 
tavApi shokena tathAbhipIDitA .. 29..\\

##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}