\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{4}## ##\begin{center}## \section{sundarakaaNDa} ##\end{center}## \medskip 7 tasyAlayavariShThasya madhye vipulamAyatam . dadarsha bhavanashreShTha.n hanUmAnmArutAtmajaH .. 1..\\ ardhayojanavistIrNamAyata.n yojanaM hi tat . bhavana.n rAkShasendrasya bahuprAsAdasa~Nkulam .. 2..\\ mArgamANastu vaidehI.n sItAmAyatalochanAm . sarvataH parichakrAma hanUmAnarisUdanaH .. 3..\\ chaturviShANairdviradaistriviShANaistathaiva cha . parikShiptamasambAdha.n rakShyamANamudAyudhaiH .. 4..\\ rAkShasIbhishcha patnIbhI rAvaNasya niveshanam . AhR^itAbhishcha vikramya rAjakanyAbhirAvR^itam .. 5..\\ tannakramakarAkIrNa.n timi~NgilajhaShAkulam . vAyuvegasamAdhUtaM pannagairiva sAgaram .. 6..\\ yA hi vaishvaraNe lakShmIryA chendre harivAhane . sA rAvaNagR^ihe sarvA nityamevAnapAyinI .. 7..\\ yA cha rAGYaH kuberasya yamasya varuNasya cha . tAdR^ishI tadvishiShTA vA R^iddhI rakSho gR^iheShviha .. 8..\\ tasya harmyasya madhyastha.n veshma chAnyatsunirmitam . bahuniryUha sa~NkIrNa.n dadarsha pavanAtmajaH .. 9..\\ brahmaNo.arthe kR^ita.n divyaM divi yadvishvakarmaNA . vimAnaM puShpakaM nAma sarvaratnavibhUShitam .. 10..\\ pareNa tapasA lebhe yatkuberaH pitAmahAt . kuberamojasA jitvA lebhe tadrAkShaseshvaraH .. 11..\\ IhA mR^igasamAyuktaiH kAryasvarahiraNmayaiH . sukR^itairAchita.n stambhaiH pradIptamiva cha shriyA .. 12..\\ merumandarasa~NkAshairullikhadbhirivAmbaram . kUTAgAraiH shubhAkAraiH sarvataH samala~NkR^itam .. 13..\\ jvalanArkapratIkAsha.n sukR^itaM vishvakarmaNA . hemasopAnasa.nyukta.n chArupravaravedikam .. 14..\\ jAlavAtAyanairyukta.n kA~nchanaiH sthATikairapi . indranIlamahAnIlamaNipravaravedikam . vimAnaM puShpaka.n divyamAruroha mahAkapiH .. 15..\\ tatrasthaH sa tadA gandhaM pAnabhakShyAnnasambhavam . divya.n saMmUrchhita.n jighranrUpavantamivAnilam .. 16..\\ sa gandhastaM mahAsattvaM bandhurbandhumivottamam . ita ehItyuvAcheva tatra yatra sa rAvaNaH .. 17..\\ tatastAM prasthitaH shAlA.n dadarsha mahatI.n shubhAm . rAvaNasya manaHkAntA.n kAntAm iva varastriyam .. 18..\\ maNisopAnavikR^itA.n hemajAlavirAjitAm . sphATikairAvR^itatalA.n dantAntaritarUpikAm .. 19..\\ muktAbhishcha pravAlaishcha rUpyachAmIkarairapi . vibhUShitAM maNistambhaiH subahustambhabhUShitAm .. 20..\\ samairR^ijubhiratyuchchaiH samantAtsuvibhUShitaiH . stambhaiH pakShairivAtyuchchairdiva.n samprasthitAm iva .. 21..\\ mahatyA kuthayAstrINaM pR^ithivIlakShaNA~NkayA . pR^ithivImiva vistIrNA.n sarAShTragR^ihamAlinIm .. 22..\\ nAditAM mattavihagairdivyagandhAdhivAsitAm . parArdhyAstaraNopetA.n rakSho.adhipaniShevitAm .. 23..\\ dhUmrAmagarudhUpena vimalA.n ha.nsapANDurAm . chitrAM puShpopahAreNa kalmAShImiva suprabhAm .. 24..\\ manaHsa.nhlAdajananI.n varNasyApi prasAdinIm . tA.n shokanAshinI.n divyAM shriyaH sa~njananIm iva .. 25..\\ indriyANIndriyArthaistu pa~ncha pa~nchabhiruttamaiH . tarpayAmAsa mAteva tadA rAvaNapAlitA .. 26..\\ svargo.aya.n devaloko.ayamindrasyeyaM purI bhavet . siddhirveyaM parA hi syAdityamanyata mArutiH .. 27..\\ pradhyAyata ivApashyatpradIpA.nstatra kA~nchanAn . dhUrtAniva mahAdhUrtairdevanena parAjitAn .. 28..\\ dIpAnA.n cha prakAshena tejasA rAvaNasya cha . archirbhirbhUShaNAnA.n cha pradIptetyabhyamanyata .. 29..\\ tato.apashyatkuthAsInaM nAnAvarNAmbarasrajam . sahasra.n varanArINAM nAnAveShavibhUShitam .. 30..\\ parivR^itte.ardharAtre tu pAnanidrAvasha.n gatam . krIDitvoparata.n rAtrau suShvApa balavattadA .. 31..\\ tatprasupta.n viruruche niHshabdAntarabhUShaNam . niHshabdaha.nsabhramara.n yathA padmavanaM mahat .. 32..\\ tAsA.n sa.nvR^itadantAni mIlitAkShANi mArutiH . apashyatpadmagandhIni vadanAni suyoShitAm .. 33..\\ prabuddhAnIva padmAni tAsAM bhUtvA kShapAkShaye . punaHsa.nvR^itapatrANi rAtrAviva babhustadA .. 34..\\ imAni mukhapadmAni niyataM mattaShaTpadAH . ambujAnIva phullAni prArthayanti punaH punaH .. 35..\\ iti vAmanyata shrImAnupapattyA mahAkapiH . mene hi guNatastAni samAni salilodbhavaiH .. 36..\\ sA tasya shushubhe shAlA tAbhiH strIbhirvirAjitA . shAradIva prasannA dyaustArAbhirabhishobhitA .. 37..\\ sa cha tAbhiH parivR^itaH shushubhe rAkShasAdhipaH . yathA hyuDupatiH shrImA.nstArAbhirabhisa.nvR^itaH .. 38..\\ yAshchyavante.ambarAttArAH puNyasheShasamAvR^itAH . imAstAH sa~NgatAH kR^itsnA iti mene haristadA .. 39..\\ tArANAmiva suvyaktaM mahatInA.n shubhArchiShAm . prabhAvarNaprasAdAshcha virejustatra yoShitAm .. 40..\\ vyAvR^ittagurupInasrakprakIrNavarabhUShaNAH . pAnavyAyAmakAleShu nidrApahR^itachetasaH .. 41..\\ vyAvR^ittatilakAH kAshchitkAshchidudbhrAntanUpurAH . pArshve galitahArAshcha kAshchitparamayoShitaH .. 42..\\ mukhA hAravR^itAshchAnyAH kAshchitprasrastavAsasaH . vyAviddharashanA dAmAH kishorya iva vAhitAH .. 43..\\ sukuNDaladharAshchAnyA vichchhinnamR^iditasrajaH . gajendramR^iditAH phullA latA iva mahAvane .. 44..\\ chandrAMshukiraNAbhAshcha hArAH kAsA.n chidutkaTAH . ha.nsA iva babhuH suptAH stanamadhyeShu yoShitAm .. 45..\\ aparAsA.n cha vaidUryAH kAdambA iva pakShiNaH . hemasUtrANi chAnyAsA.n chakravAkA ivAbhavan .. 46..\\ ha.nsakAraNDavAkIrNAshchakravAkopashobhitAH . ApagA iva tA rejurjaghanaiH pulinairiva .. 47..\\ ki~NkiNIjAlasa~NkAshAstA hemavipulAmbujAH . bhAvagrAhA yashastIrAH suptA nadya ivAbabhuH .. 48..\\ mR^iduShva~NgeShu kAsA.n chitkuchAgreShu cha sa.nsthitAH . babhUvurbhUShaNAnIva shubhA bhUShaNarAjayaH .. 49..\\ aMshukAntAshcha kAsA.n chinmukhamArutakampitAH . uparyupari vaktrANA.n vyAdhUyante punaH punaH .. 50..\\ tAH pAtAkA ivoddhUtAH patnInA.n ruchiraprabhAH . nAnAvarNasuvarNAnA.n vaktramUleShu rejire .. 51..\\ vavalgushchAtra kAsA.n chitkuNDalAni shubhArchiShAm . mukhamArutasa.nsargAnmandaM manda.n suyoShitAm .. 52..\\ sharkarAsavagandhaH sa prakR^ityA surabhiH sukhaH . tAsA.n vadananiHshvAsaH siSheve rAvaNa.n tadA .. 53..\\ rAvaNAnanasha~NkAshcha kAshchidrAvaNayoShitaH . mukhAni sma sapatnInAmupAjighranpunaH punaH .. 54..\\ atyartha.n saktamanaso rAvaNe tA varastriyaH . asvatantrAH sapatnInAM priyamevAchara.nstadA .. 55..\\ bAhUnupanidhAyAnyAH pArihArya vibhUShitAH . aMshukAni cha ramyANi pramadAstatra shishyire .. 56..\\ anyA vakShasi chAnyasyAstasyAH kA chitpunarbhujam . aparA tva~NkamanyasyAstasyAshchApyaparA bhujau .. 57..\\ UrupArshvakaTIpR^iShThamanyonyasya samAshritAH . parasparaniviShTA~Ngyo madasnehavashAnugAH .. 58..\\ anyonyasyA~Ngasa.nsparshAtprIyamANAH sumadhyamAH . ekIkR^itabhujAH sarvAH suShupustatra yoShitaH .. 59..\\ anyonyabhujasUtreNa strImAlAgrathitA hi sA . mAleva grathitA sUtre shushubhe mattaShaTpadA .. 60..\\ latAnAM mAdhave mAsi phullAnA.n vAyusevanAt . anyonyamAlAgrathita.n sa.nsaktakusumochchayam .. 61..\\ vyativeShTitasuskanthamanyonyabhramarAkulam . AsIdvanamivoddhUta.n strIvanaM rAvaNasya tat .. 62..\\ uchiteShvapi suvyaktaM na tAsA.n yoShitA.n tadA . vivekaH shakya AdhAtuM bhUShaNA~NgAmbarasrajAm .. 63..\\ rAvaNe sukhasa.nviShTe tAH striyo vividhaprabhAH . jvalantaH kA~nchanA dIpAH prekShantAnimiShA iva .. 64..\\ rAjarShipitR^idaityAnA.n gandharvANAM cha yoShitaH . rakShasA.n chAbhavankanyAstasya kAmavashaM gatAH .. 65..\\ na tatra kA chitpramadA prasahya vIryopapannena guNena labdhA . na chAnyakAmApi na chAnyapUrvA vinA varArhA.n janakAtmajAM tu .. 66..\\ na chAkulInA na cha hInarUpA nAdakShiNA nAnupachAra yuktA . bhAryAbhavattasya na hInasattvA na chApi kAntasya na kAmanIyA .. 67..\\ babhUva buddhistu harIshvarasya yadIdR^ishI rAghavadharmapatnI . imA yathA rAkShasarAjabhAryAH sujAtamasyeti hi sAdhubuddheH .. 68..\\ punashcha so.achintayadArtarUpo dhruva.n vishiShTA guNato hi sItA . athAyamasyA.n kR^itavAnmahAtmA la~NkeshvaraH kaShTamanAryakarma .. 69..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}