\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{4}##
##\begin{center}##
\section{sundarakaaNDa}
##\end{center}##
\medskip
 8
tatra divyopamaM mukhya.n sphATikaM ratnabhUShitam . 
avekShamANo hanumAndadarsha shayanAsanam .. 1..\\
tasya chaikatame deshe so.agryamAlyavibhUShitam . 
dadarsha pANDura.n chhatraM tArAdhipatisaMnibham .. 2..\\
bAlavyajanahastAbhirvIjyamAna.n samantataH . 
gandhaishcha vividhairjuShTa.n varadhUpena dhUpitam .. 3..\\
paramAstaraNAstIrNamAvikAjinasa.nvR^itam . 
dAmabhirvaramAlyAnA.n samantAdupashobhitam .. 4..\\
tasmi~njImUtasa~NkAshaM pradIptottamakuNDalam . 
lohitAkShaM mahAbAhuM mahArajatavAsasaM .. 5..\\
lohitenAnuliptA~Nga.n chandanena sugandhinA . 
sandhyAraktamivAkAshe toyada.n sataDidguNam .. 6..\\
vR^itamAbharaNairdivyaiH surUpa.n kAmarUpiNam . 
savR^ikShavanagulmADhyaM prasuptamiva mandaram .. 7..\\
krIDitvoparata.n rAtrau varAbharaNabhUShitam . 
priya.n rAkShasakanyAnAM rAkShasAnAM sukhAvaham .. 8..\\
pItvApyuparata.n chApi dadarsha sa mahAkapiH . 
bhAskare shayane vIraM prasupta.n rAkShasAdhipam .. 9..\\
niHshvasanta.n yathA nAgaM rAvaNaM vAnarottamaH . 
AsAdya paramodvignaH so.apAsarpatsubhItavat .. 10..\\
athArohaNamAsAdya vedikAntaramAshritaH . 
supta.n rAkShasashArdUlaM prekShate sma mahAkapiH .. 11..\\
shushubhe rAkShasendrasya svapataH shayanottamam . 
gandhahastini sa.nviShTe yathAprasravaNaM mahat .. 12..\\
kA~nchanA~Ngadanaddhau cha dadarsha sa mahAtmanaH . 
vikShiptau rAkShasendrasya bhujAvindradhvajopamau .. 13..\\
airAvataviShANAgrairApIDitakR^itavraNau . 
vajrollikhitapInA.nsau viShNuchakraparikShitau .. 14..\\
pInau samasujAtA.nsau sa~Ngatau balasa.nyutau . 
sulakShaNa nakhA~NguShThau sva~NgulItalalakShitau .. 15..\\
sa.nhatau parighAkArau vR^ittau karikaropamau . 
vikShiptau shayane shubhre pa~nchashIrShAvivoragau .. 16..\\
shashakShatajakalpena sushItena sugandhinA . 
chandanena parArdhyena svanuliptau svala~NkR^itau .. 17..\\
uttamastrIvimR^iditau gandhottamaniShevitau . 
yakShapannagagandharvadevadAnavarAviNau .. 18..\\
dadarsha sa kapistasya bAhU shayanasa.nsthitau . 
mandarasyAntare suptau mahArhI ruShitAviva .. 19..\\
tAbhyA.n sa paripUrNAbhyAM bhujAbhyAM rAkShasAdhipaH . 
shushubhe.achalasa~NkAshaH shR^i~NgAbhyAmiva mandaraH .. 20..\\
chUtapuMnAgasurabhirbakulottamasa.nyutaH . 
mR^iShTAnnarasasa.nyuktaH pAnagandhapuraHsaraH .. 21..\\
tasya rAkShasasi.nhasya nishchakrAma mukhAnmahAn . 
shayAnasya viniHshvAsaH pUrayanniva tadgR^iham .. 22..\\
muktAmaNivichitreNa kA~nchanena virAjatA . 
mukuTenApavR^ittena kuNDalojjvalitAnanam .. 23..\\
raktachandanadigdhena tathA hAreNa shobhitA . 
pInAyatavishAlena vakShasAbhivirAjitam .. 24..\\
pANDureNApaviddhena kShaumeNa kShatajekShaNam . 
mahArheNa susa.nvItaM pItenottamavAsasA .. 25..\\
mASharAshipratIkAshaM niHshvasantaM bhuja~Ngavat . 
gA~Nge mahati toyAnte prasutamiva ku~njaram .. 26..\\
chaturbhiH kA~nchanairdIpairdIpyamAnaishchaturdisham . 
prakAshIkR^itasarvA~NgaM megha.n vidyudgaNairiva .. 27..\\
pAdamUlagatAshchApi dadarsha sumahAtmanaH . 
patnIH sa priyabhAryasya tasya rakShaHpatergR^ihe .. 28..\\
shashiprakAshavadanA varakuNDalabhUShitAH . 
amlAnamAlyAbharaNA dadarsha hariyUthapaH .. 29..\\
nR^ittavAditrakushalA rAkShasendrabhujA~NkagAH . 
varAbharaNadhAriNyo niShannA dadR^ishe kapiH .. 30..\\
vajravaidUryagarbhANi shravaNAnteShu yoShitAm . 
dadarsha tApanIyAni kuNDalAnya~NgadAni cha .. 31..\\
tAsA.n chandropamairvaktraiH shubhairlalitakuNDalaiH . 
virarAja vimAna.n tannabhastArAgaNairiva .. 32..\\
madavyAyAmakhinnAstA rAkShasendrasya yoShitaH . 
teShu teShvavakAsheShu prasuptAstanumadhyamAH .. 33..\\
kA chidvINAM pariShvajya prasuptA samprakAshate . 
mahAnadIprakIrNeva nalinI potamAshritA .. 34..\\
anyA kakShagatenaiva maDDukenAsitekShaNA . 
prasuptA bhAminI bhAti bAlaputreva vatsalA .. 35..\\
paTaha.n chArusarvA~NgI pIDya shete shubhastanI . 
chirasya ramaNa.n labdhvA pariShvajyeva kAminI .. 36..\\
kA chidaMshaM pariShvajya suptA kamalalochanA . 
nidrAvashamanuprAptA sahakAnteva bhAminI .. 37..\\
anyA kanakasa~NkAshairmR^idupInairmanoramaiH . 
mR^ida~NgaM paripIDyA~NgaiH prasuptA mattalochanA .. 38..\\
bhujapArshvAntarasthena kakShageNa kR^ishodarI . 
paNavena sahAnindyA suptA madakR^itashramA .. 39..\\
DiNDimaM parigR^ihyAnyA tathaivAsaktaDiNDimA . 
prasuptA taruNa.n vatsamupagUhyeva bhAminI .. 40..\\
kA chidADambaraM nArI bhujasambhogapIDitam . 
kR^itvA kamalapatrAkShI prasuptA madamohitA .. 41..\\
kalashImapaviddhyAnyA prasuptA bhAti bhAminI . 
vasante puShpashabalA mAleva parimArjitA .. 42..\\
pANibhyA.n cha kuchau kA chitsuvarNakalashopamau . 
upagUhyAbalA suptA nidrAbalaparAjitA .. 43..\\
anyA kamalapatrAkShI pUrNendusadR^ishAnanA . 
anyAmAli~Ngya sushroNI prasuptA madavihvalA .. 44..\\
AtodyAni vichitrANi pariShvajya varastriyaH . 
nipIDya cha kuchaiH suptAH kAminyaH kAmukAniva .. 45..\\
tAsAmekAntavinyaste shayAnA.n shayane shubhe . 
dadarsha rUpasampannAmaparA.n sa kapiH striyam .. 46..\\
muktAmaNisamAyuktairbhUShaNaiH suvibhUShitAm . 
vibhUShayantImiva cha svashriyA bhavanottamam .. 47..\\
gaurI.n kanakavarNAbhAmiShTAmantaHpureshvarIm . 
kapirmandodarI.n tatra shayAnAM chArurUpiNIm .. 48..\\
sa tA.n dR^iShTvA mahAbAhurbhUShitAM mArutAtmajaH . 
tarkayAmAsa sIteti rUpayauvanasampadA . 
harSheNa mahatA yukto nananda hariyUthapaH .. 49..\\
AshpoTayAmAsa chuchumba puchchhaM 
nananda chikrIDa jagau jagAma . 
stambhAnarohannipapAta bhUmau 
nidarshayansvAM prakR^iti.n kapInAm .. 50..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}