\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 10
athAbravIddvija.n rAmaH katha.n te bhrAtaro vane . 
kIdR^isha.n tu tadA brahma.nstapashcherurmahAvratAH .. 1..\\
agastyastvabravIttatra rAmaM prayata mAnasaM . 
tA.nstAndharmavidhI.nstatra bhrAtaraste samAvishan .. 2..\\
kumbhakarNastadA yatto nitya.n dharmaparAyaNaH . 
tatApa graiShmike kAle pa~nchasvagniShvavasthitaH .. 3..\\
varShe meghodakaklinno vIrAsanamasevata . 
nitya.n cha shaishire kAle jalamadhyapratishrayaH .. 4..\\
eva.n varShasahasrANi dasha tasyAtichakramuH . 
dharme prayatamAnasya satpathe niShThitasya cha .. 5..\\
vibhIShaNastu dharmAtmA nitya.n dharmaparaH shuchiH . 
pa~nchavarShasahasrANi pAdenaikena tasthivAn .. 6..\\
samApte niyame tasya nanR^itushchApsarogaNAH . 
papAta puShpavarSha.n cha kShubhitAshchApi devatAH .. 7..\\
pa~nchavarShasahasrANi sUrya.n chaivAnvavartata . 
tasthau chordhvashiro bAhuH svAdhyAyadhR^itamAnasaH .. 8..\\
eva.n vibhIShaNasyApi gatAni niyatAtmanaH . 
dashavarShasahasrANi svargasthasyeva nandane .. 9..\\
dashavarShasahasra.n tu nirAhAro dashAnanaH . 
pUrNe varShasahasre tu shirashchAgnau juhAva saH .. 10..\\
eva.n varShasahasrANi nava tasyAtichakramuH . 
shirA.nsi nava chApyasya praviShTAni hutAshanam .. 11..\\
atha varShasahasre tu dashame dashama.n shiraH . 
chhettukAmaH sa dharmAtmA prAptashchAtra pitAmahaH .. 12..\\
pitAmahastu suprItaH sArdha.n devairupasthitaH . 
vatsa vatsa dashagrIva prIto.asmItyabhyabhAShata .. 13..\\
shIghra.n varaya dharmaGYa varo yaste.abhikA~NkShitaH . 
ki.n te kAmaM karomyadya na vR^ithA te parishramaH .. 14..\\
tato.abravIddashagrIvaH prahR^iShTenAntarAtmanA . 
praNamya shirasA deva.n harShagadgadayA girA .. 15..\\
bhagavanprANinAM nityaM nAnyatra maraNAdbhayam . 
nAsti mR^ityusamaH shatruramaratvamato vR^iNe .. 16..\\
suparNanAgayakShANA.n daityadAnavarakShasAm . 
avadhyaH syAM prajAdhyakSha devatAnA.n cha shAshvatam .. 17..\\
na hi chintA mamAnyeShu prANiShvamarapUjita . 
tR^iNabhUtA hi me sarve prANino mAnuShAdayaH .. 18..\\
evamuktastu dharmAtmA dashagrIveNa rakShasA . 
uvAcha vachana.n rAma saha devaiH pitAmahaH .. 19..\\
bhaviShyatyevamevaitattava rAkShasapu~Ngava . 
shR^iNu chApi vacho bhUyaH prItasyeha shubhaM mama .. 20..\\
hutAni yAni shIrShANi pUrvamagnau tvayAnagha . 
punastAni bhaviShyanti tathaiva tava rAkShasa .. 21..\\
evaM pitAmahoktasya dashagrIvasya rakShasaH . 
agnau hutAni shIrShANi yAni tAnyutthitAni vai .. 22..\\
evamuktvvA tu ta.n rAma dashagrIvaM prajApatiH . 
vibhIShaNamathovAcha vAkya.n lokapitAmahaH .. 23..\\
vibhIShaNa tvayA vatsa dharmasa.nhitabuddhinA . 
parituShTo.asmi dharmaGYa vara.n varaya suvrata .. 24..\\
vibhIShaNastu dharmAtmA vachanaM prAha sA~njaliH . 
vR^itaH sarvaguNairnitya.n chandramA iva rashmibhiH .. 25..\\
bhagavankR^itakR^ityo.aha.n yanme lokaguruH svayam . 
prIto yadi tva.n dAtavya.n varaM me shR^iNu suvrata .. 26..\\
yA yA me jAyate buddhiryeShu yeShvAshrameShviha . 
sA sA bhavatu dharmiShThA ta.n taM dharmaM cha pAlaye .. 27..\\
eSha me paramodAra varaH paramako mataH . 
na hi dharmAbhiraktAnA.n loke ki.n chana durlabham .. 28..\\
atha prajApatiH prIto vibhIShaNamuvAcha ha . 
dharmiShThastva.n yathA vatsa tathA chaitadbhaviShyati .. 29..\\
yasmAdrAkShasayonau te jAtasyAmitrakarShaNa . 
nAdharme jAyate buddhiramaratva.n dadAmi te .. 30..\\
kumbhakarNAya tu varaM prayachchhantamarindama . 
prajApati.n surAH sarve vAkyaM prA~njalayo.abruvan .. 31..\\
na tAvatkumbhakarNAya pradAtavyo varastvayA . 
jAnIShe hi yathA lokA.nstrAsayatyeSha durmatiH .. 32..\\
nandane.apsarasaH sapta mahendrAnucharA dasha . 
anena bhakShitA brahmanR^iShayo mAnuShAstathA .. 33..\\
varavyAjena moho.asmai dIyatAm amitaprabha . 
lokAnA.n svasti chaiva syAdbhavedasya cha saMnatiH .. 34..\\
evamuktaH surairbrahmAchintayatpadmasambhavaH . 
chintitA chopatasthe.asya pArshva.n devI sarasvatI .. 35..\\
prA~njaliH sA tu parshvasthA prAha vAkya.n sarasvatI . 
iyamasmyAgatA devaki.n kAryaM karavANyaham .. 36..\\
prajApatistu tAM prAptAM prAha vAkya.n sarasvatIm . 
vANi tva.n rAkShasendrasya bhava yA devatepsitA .. 37..\\
tathetyuktvA praviShTA sA prajApatirathAbravIt . 
kumbhakarNa mahAbAho vara.n varaya yo mataH .. 38..\\
kumbhakarNastu tadvAkya.n shrutvA vachanamabravIt . 
svaptu.n varShANyanekAni devadeva mamepsitam .. 39..\\
evamastviti ta.n choktvA saha devaiH pitAmahaH . 
devI sarasvatI chaivamuktvA taM prayayau divam .. 40..\\
kumbhakarNastu duShTAtmA chintayAmAsa duHkhitaH . 
kIrdR^isha.n kiM nvida.n vAkyaM mamAdya vadanAchchyutam .. 41..\\
eva.n labdhavarAH sarve bhrAtaro dIptatejasaH . 
shleShmAtakavana.n gatvA tatra te nyavasansukham .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}