\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 11
sumAlI varalabdhA.nstu GYAtvA tAnvai nishAcharAn . 
udatiShThadbhaya.n tyaktvA sAnugaH sa rasAtalAt .. 1..\\
mArIchashcha prahastashcha virUpAkSho mahodaraH . 
udatiShThansusa.nrabdhAH sachivAstasya rakShasaH .. 2..\\
sumAlI chaiva taiH sarvairvR^ito rAkShasapu~NgavaiH . 
abhigamya dashagrIvaM pariShvajyedamabravIt .. 3..\\
diShTyA te putrasamprAptashchintito.ayamM manorathaH . 
yastva.n tribhuvaNashreShThAllabdhavAnvaramIdR^isham .. 4..\\
yatkR^ite cha vaya.n la~NkA.n tyaktvA yAtA rasAtalam . 
tadgataM no mahAbAho mahadviShNukR^itaM bhayam .. 5..\\
asakR^ittena bhagnA hi parityajya svamAlayam . 
vidrutAH sahitAH sarve praviShTAH sma rasAtalam .. 6..\\
asmadIyA cha la~NkeyaM nagarI rAkShasoShitA . 
niveshitA tava bhrAtrA dhanAdhyakSheNa dhImatA .. 7..\\
yadi nAmAtra shakya.n syAtsAmnA dAnena vAnagha . 
tarasA vA mahAbAho pratyAnetu.n kR^itaM bhavet .. 8..\\
tva.n cha la~NkeshvarastAta bhaviShyasi na saMshayaH . 
sarveShAM naH prabhushchaiva bhaviShyasi mahAbala .. 9..\\
athAbravIddashagrIvo mAtAmahamupasthitam . 
vittesho gururasmAkaM nArhasyevaM prabhAShitum .. 10..\\
uktavanta.n tathA vAkyaM dashagrIvaM nishAcharaH . 
prahastaH prashrita.n vAkyamidamAha sakAraNam .. 11..\\
dashagrIva mahAbAho nArhastva.n vaktumIdR^isham . 
saubhrAtraM nAsti shUrANA.n shR^iNu chedaM vacho mama .. 12..\\
aditishcha ditish chaiva bhaginyau sahite kila . 
bhArye paramarUpiNyau kashyapasya prajApateH .. 13..\\
aditirjanayAmAsa devA.nstribhuvaNeshvarAn . 
ditistvajanayaddaityAnkashyapasyAtmasambhavAn .. 14..\\
daityAnA.n kila dharmaGYa pureya.n savanArNavA . 
saparvatA mahI vIra te.abhavanprabhaviShNavaH .. 15..\\
nihatya tA.nstu samare viShNunA prabhaviShNunA . 
devAnA.n vashamAnIta.n trailokyamidamavyayam .. 16..\\
naitadeko bhavAneva kariShyati viparyayam . 
surairAcharitaM pUrva.n kuruShvaitadvacho mama .. 17..\\
evamukto dashagrIvaH prahastena durAtmanA . 
chintayitvA muhUrta.n vai bADhamityeva so.abravIt .. 18..\\
sa tu tenaiva harSheNa tasminnahani vIryavAn . 
vana.n gato dashagrIvaH saha taiH kShaNadAcharaiH .. 19..\\
trikUTasthaH sa tu tadA dashagrIvo nishAcharaH . 
preShayAmAsa dautyena prahasta.n vAkyakovidam .. 20..\\
prahasta shIghra.n gatvA tvaM brUhi nairR^itapu~Ngavam . 
vachanAnmama vittesha.n sAmapUrvamidaM vachaH .. 21..\\
iya.n la~NkA purI rAjanrAkShasAnAM mahAtmanAm . 
tvayA niveshitA saumya naitadyukta.n tavAnagha .. 22..\\
tadbhavAnyadi sAmnaitA.n dadyAdatulavikrama . 
kR^itvA bhavenmama prItirdharmashchaivAnupAlitaH .. 23..\\
ityuktaH sa tadA gatvA prahasto vAkyakovidaH . 
dashagrIvavachaH sarva.n vitteshAya nyavedayat .. 24..\\
prahastAdapi saMshrutya devo vaishvAraNo vachaH . 
pratyuvAcha prahasta.n ta.n vAkyaM vAkyavishAradaH .. 25..\\
brUhi gachchha dashagrIvaM purI rAjya.n cha yanmama . 
tavApyetanmahAbAho bhu~NkShvaitaddhatakaNTakam .. 26..\\
sarva.n kartAsmi bhadraM te rAkShasesha vacho.achirAt . 
ki.n tu tAvatpratIkShasva pituryAvannivedaya .. 27..\\
evamuktvA dhanAdhyakSho jagAma piturantikam . 
abhivAdya guruM prAha rAvaNasya yadIpsitam .. 28..\\
eSha tAta dashagrIvo dUtaM preShitavAnmama . 
dIyatAM nagarI la~NkA pUrva.n rakShogaNoShitA . 
mayAtra yadanuShTheya.n tanmamAchakShva suvrataH .. 29..\\
brahmarShistvevamukto.asau vishravA munipu~NgavaH . 
uvAcha dhanada.n vAkyaM shR^iNu putro vacho mama .. 30..\\
dashagrIvo mahAbAhuruktavAnmama saMnidhau . 
mayA nirbhartsitashchAsIdbahudhoktaH sudurmatiH .. 31..\\
sa krodhena mayA choktau dhva.nsasveti punaH punaH . 
shreyo.abhiyukta.n dharmyaM cha shR^iNu putra vacho mama .. 32..\\
varapradAnasaMmUDho mAnyAmAnya.n sudurmatiH . 
na vetti mama shApAchcha prakR^iti.n dAruNaM gataH .. 33..\\
tasmAdgachchha mahAbAho kailAsa.n dharaNIdharam . 
niveshaya nivAsArtha.n tvaja la~NkA.n sahAnugaH .. 34..\\
tatra mandAkinI ramyA nadInAM pravarA nadI . 
kA~nchanaiH sUryasa~NkAshaiH pa~NkajaiH sa.nvR^itodakA .. 35..\\
na hi kShama.n tvayA tena vairaM dhanadarakShasA . 
jAnIShe hi yathAnena labdhaH paramako varaH .. 36..\\
evamukto gR^ihItvA tu tadvachaH pitR^igauravAt . 
sadAra pauraH sAmAtyaH savAhanadhano gataH .. 37..\\
prahastastu dashagrIva.n gatvA sarvaM nyavedayat . 
shUnyA sA nagarI la~NkA triMshadyojanamAyatA . 
pravishya tA.n sahAsmAbhiH svadharma.n tatra pAlaya .. 38..\\
evamuktaH prahastena rAvaNo rAkShasastadA . 
vivesha nagarI.n la~NkAM sabhrAtA sabalAnugaH .. 39..\\
sa chAbhiShiktaH kShaNadAcharaistadA 
niveshayAmAsa purI.n dashAnanaH . 
nikAmapUrNA cha babhUva sA purI 
nishAcharairnIlabalAhakopamaiH .. 40..\\
dhaneshvarastvatha pitR^ivAkyagauravAn 
nyaveshayachchhashivimale girau purIm . 
svala~NkR^itairbhavanavarairvibhUShitAM 
purandarasyeva tadAmarAvatIm .. 41..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}