\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 13
atha lokeshvarotsR^iShTA tatra kAlena kena chit . 
nidrA samabhavattIvrA kumbhakarNasya rUpiNI .. 1..\\
tato bhrAtaramAsIna.n kumbhakarNo.abravIdvachaH . 
nidrA mAM bAdhate rAjankArayasva mamAlayam .. 2..\\
viniyuktAstato rAGYA shilpino vishvakarmavat . 
akurvankumbhakarNasya kailAsasamamAlayam .. 3..\\
vistIrNa.n yojanaM shubhra.n tato dviguNamAyatam . 
darshanIyaM nirAbAdha.n kumbhakarNasya chakrire .. 4..\\
sphATikaiH kA~nchanaishchitraiH stambhaiH sarvatra shobhitam . 
vaidUryakR^itashobha.n cha ki~NkiNIjAlakaM tathA .. 5..\\
dantatoraNavinyasta.n vajrasphaTikavedikam . 
sarvartusukhadaM nityaM meroH puNyA.n guhAm iva .. 6..\\
tatra nidrA.n samAviShTaH kumbhakarNo nishAcharaH . 
bahUnyabdasahasrANi shayAno nAvabudhyate .. 7..\\
nidrAbhibhUte tu tadA kumbhakarNe dashAnanaH . 
devarShiyakShagandharvAnbAdhate sma sa nityashaH .. 8..\\
udyAnAni vichitrANi nandanAdIni yAni cha . 
tAni gatvA susa~Nkruddho bhinatti sma dashAnanaH .. 9..\\
nadI.n gaja iva krIDanvR^ikShAnvAyuriva kShipan . 
nagAnvajra iva sR^iShTo vidhva.nsayati nityashaH .. 10..\\
tathA vR^itta.n tu viGYAya dashagrIvaM dhaneshvaraH . 
kulAnurUpa.n dharmaGYa vR^itta.n sa.nsmR^itya chAtmanaH .. 11..\\
saubhrAtradarshanArtha.n tu dUta.n vaishvaraNastadA . 
la~NkA.n sampreShayAmAsa dashagrIvasya vai hitam .. 12..\\
sa gatvA nagarI.n la~NkAmAsasAda vibhIShaNam . 
mAnitastena dharmeNa pR^iShThashchAgamanaM prati .. 13..\\
pR^iShTvA cha kushala.n rAGYo GYAtInapi cha bAndhavAn . 
sabhAyA.n darshayAmAsa tamAsInaM dashAnanam .. 14..\\
sa dR^iShTvA tatra rAjAna.n dIpyamAna.n svatejasA . 
jayena chAbhisampUjya tUShNImAsInmuhUrtakam .. 15..\\
tasyopanIte parya~Nke varAstaraNasa.nvR^ite . 
upavishya dashagrIva.n dUto vAkyamathAbravIt .. 16..\\
rAjanvadAmi te sarvaM bhrAtA tava yadabravIt . 
ubhayoH sadR^isha.n saumya vR^ittasya cha kulasya cha .. 17..\\
sAdhu paryAptametAvatkR^itashchAritrasa~NgrahaH . 
sAdhu dharme vyavasthAna.n kriyatA.n yadi shakyate .. 18..\\
dR^iShTaM me nandanaM bhagnamR^iShayo nihatAH shrutAH . 
devAnA.n tu samudyogastvatto rAja~nshrutash cha me .. 19..\\
nirAkR^itashcha bahushastvayAha.n rAkShasAdhipa . 
aparAddhA hi bAlyAchcha rakShaNIyAH svabAndhavAH .. 20..\\
aha.n tu himavatpR^iShThaM gato dharmamupAsitum . 
raudra.n vrataM samAsthAya niyato niyatendriyaH .. 21..\\
tatra devo mayA dR^iShTaH saha devyomayA prabhuH . 
savya.n chakShurmayA chaiva tatra devyAM nipAtitam .. 22..\\
kA nviya.n syAditi shubhA na khalvanyena hetunA . 
rUpa.n hyanupama.n kR^itvA tatra krIDati pArvatI .. 23..\\
tato devyAH prabhAvena dagdha.n savyaM mamekShaNam . 
reNudhvastamiva jyotiH pi~NgalatvamupAgatam .. 24..\\
tato.ahamanyadvistIrNa.n gatvA tasya girestaTam . 
pUrNa.n varShashatAnyaShTau samavApa mahAvratam .. 25..\\
samApte niyame tasmi.nstatra devo maheshvaraH . 
prItaH prItena manasA prAha vAkyamidaM prabhuH .. 26..\\
prIto.asmi tava dharmaGYa tapasAnena suvrata . 
mayA chaitadvrata.n chIrNaM tvayA chaiva dhanAdhipa .. 27..\\
tR^itIyaH puruSho nAsti yashcharedvratamIdR^isham . 
vrata.n sudushcharaM hyetanmayaivotpAditaM purA .. 28..\\
tatsakhitvaM mayA sArdha.n rochayasva dhaneshvara . 
tapasA nirjitatvAddhi sakhA bhava mamAnagha .. 29..\\
devyA dagdhaM prabhAvena yachcha sAvya.n tavekShaNam . 
ekAkShi pi~Ngaletyeva nAma sthAsyati shAshvatam .. 30..\\
eva.n tena sakhitvaM cha prApyAnuGYAM cha sha~NkarAt . 
Agamya cha shruto.ayaM me tava pApavinishchayaH .. 31..\\
tadadharmiShThasa.nyogAnnivarta kuladUShaNa . 
chintyate hi vadhopAyaH sarShisa~NghaiH suraistava .. 32..\\
evamukto dashagrIvaH kruddhaH sa.nraktalochanaH . 
hastAndantAMsha sampIDya vAkyametaduvAcha ha .. 33..\\
viGYAta.n te mayA dUta vAkya.n yattvaM prabhAShase . 
naiva tvamasi naivAsau bhrAtrA yenAsi preShitaH .. 34..\\
hitaM na sa mamaitaddhi bravIti dhanarakShakaH . 
maheshvarasakhitva.n tu mUDha shrAvayase kila .. 35..\\
na hantavyo gururjyeShTho mamAyamiti manyate . 
tasya tvidAnI.n shrutvA me vAkyameShA kR^itA matiH .. 36..\\
trI.NllokAnapi jeShyAmi bAhuvIryamupAshritaH . 
etanmuhUrtameSho.aha.n tasyaikasya kR^ite cha vai . 
chaturo lokapAlA.nstAnnayiShyAmi yamakShayam .. 37..\\
evamuktvA tu la~Nkesho dUta.n khaDgena jaghnivAn . 
dadau bhakShayitu.n hyenaM rAkShasAnA.n durAtmanAm .. 38..\\
tataH kR^itasvastyayano rathamAruhya rAvaNaH . 
trailokyavijayAkA~NkShI yayau tatra dhaneshvaraH .. 39..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}