\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 16
sa jitvA bhrAtara.n rAma dhanadaM rAkShasAdhipaH . 
mahAsenaprasUti.n tu yayau sharavaNaM tataH .. 1..\\
athApashyaddashagrIvo raukma.n sharavaNa.n tadA . 
gabhastijAlasa.nvIta.n dvitIyamiva bhAskaram .. 2..\\
parvata.n sa samAsAdya ki.n chidramyavanAntaram . 
apashyatpuShpaka.n tatra rAma viShTambhitaM divi .. 3..\\
viShTabdhaM puShpaka.n dR^iShTvA kAmaga.n hyagamaM kR^itam . 
rAkShasashchintayAmAsa sachivaistaiH samAvR^itaH .. 4..\\
kimida.n yannimittaM me na cha gachchhati puShpakam . 
parvatasyoparisthasya kasya karma tvidaM bhavet .. 5..\\
tato.abravIddashagrIvaM mArIcho buddhikovidaH . 
naitanniShkaraNa.n rAjanpuShpako.ayaM na gachchhati .. 6..\\
tataH pArshvamupAgamya bhavasyAnucharo balI . 
nandIshvara uvAcheda.n rAkShasendramasha~NkitaH .. 7..\\
nivartasva dashagrIva shaile krIDati sha~NkaraH .. 8..\\
suparNanAgayakShANA.n daityadAnavarakShasAm . 
prANinAmeva sarveShAmagamyaH parvataH kR^itaH .. 9..\\
sa roShAttAmranayanaH puShpakAdavaruhya cha . 
ko.aya.n shamraka ityuktvA shailamUlamupAgamat .. 10..\\
nandIshvaramathApashyadavidUrasthitaM prabhum . 
dIpta.n shUlamavaShTabhya dvitIyamiva sha~Nkaram .. 11..\\
sa vAnaramukha.n dR^iShTvA tamavaGYAya rAkShasaH . 
prahAsaM mumuche maurkhyAtsatoya iva toyadaH .. 12..\\
sa~Nkruddho bhagavAnnandI sha~NkarasyAparA tanuH . 
abravIdrAkShasa.n tatra dashagrIvamupasthitam .. 13..\\
yasmAdvAnaramUrtiM mA.n dR^iShTvA rAkShasadurmate . 
maurkhyAttvamavajAnIShe parihAsa.n cha mu~nchasi .. 14..\\
tasmAnmadrUpasa.nyuktA madvIryasamatejasaH . 
utpatsyante vadhArtha.n hi kulasya tava vAnarAH .. 15..\\
ki.n tvidAnIM mayA shakyaM kartu.n yattvAM nishAchara . 
na hantavyo hatastva.n hi pUrvameva svakarmabhiH .. 16..\\
achintayitvA sa tadA nandivAkyaM nishAcharaH . 
parvata.n ta.n samAsAdya vAkyametaduvAcha ha .. 17..\\
puShpakasya gatishchhinnA yatkR^ite mama gachchhataH . 
tadetachchhailamunmUla.n karomi tava gopate .. 18..\\
kena prabhAvena bhavastatra krIDati rAjavat . 
viGYAtavyaM na jAnIShe bhayasthAnamupasthitam .. 19..\\
evamuktvA tato rAjanbhujAnprakShipya parvate . 
tolayAmAsa ta.n shailaM samR^igavyAlapAdapam .. 20..\\
tato rAma mahAdevaH prahasanvIkShya tatkR^itam . 
pAdA~NguShThena ta.n shailaM pIDayAmAsa lIlayA .. 21..\\
tataste pIDitAstasya shailasyAdho gatA bhujAH . 
vismitAshchAbhava.nstatra sachivAstasya rakShasaH .. 22..\\
rakShasA tena roShAchcha bhujAnAM pIDanAttathA . 
mukto virAvaH sumahA.nstrailokya.n yena pUritam .. 23..\\
mAnuShAH shabdavitrastA menire lokasa~NkShayam . 
devatAshchApi sa~NkShubdhAshchalitAH sveShu karmasu .. 24..\\
tataH prIto mahAdevaH shailAgre viShThitastadA . 
muktvA tasya bhujAnrAjanprAha vAkya.n dashAnanam .. 25..\\
prIte.asmi tava vIryAchcha shauNDIryAchcha nishAchara . 
ravato vedanA muktaH kharaH paramadAruNaH .. 26..\\
yasmAllokatraya.n tvetadrAvitaM bhayamAgatam . 
tasmAttva.n rAvaNo nAma nAmnA tena bhaviShyasi .. 27..\\
devatA mAnuShA yakShA ye chAnye jagatItale . 
eva.n tvAmabhidhAsyanti rAvaNa.n lokarAvaNam .. 28..\\
gachchha paulasthya visrabdhaH pathA yena tvamichchhasi . 
mayA tvamabhyanuGYAto rAkShasAdhipa gamyatAm .. 29..\\
sAkShAnmaheshvareNaiva.n kR^itanAmA sa rAvaNaH . 
abhivAdya mahAdeva.n vimAna.n tatsamAruhat .. 30..\\
tato mahItale rAma parichakrAma rAvaNaH . 
kShatriyAnsumahAvIryAnbAdhamAnastatastataH .. 31..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}