\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 20
tato vitrAsayanmartyAnpR^ithivyA.n rAkShasAdhipaH . 
AsasAda ghane tasminnAradaM munisattamam .. 1..\\
nAradastu mahAtejA devarShiramitaprabhaH . 
abravInmeghapR^iShThastho rAvaNaM puShpake sthitam .. 2..\\
rAkShasAdhipate saumya tiShTha vishravasaH suta . 
prIto.asmyabhijanopeta vikramairUrjitaistava .. 3..\\
viShNunA daityaghAtaishcha tArkShyasyoragadharShaNaiH . 
tvayA samaramardaishcha bhR^isha.n hi paritoShitaH .. 4..\\
ki.n chidvakShyAmi tAvatte shrotavya.n shroShyase yadi . 
shrutvA chAnantara.n kAryaM tvayA rAkShasapu~Ngava .. 5..\\
kimaya.n vadhyate lokastvayAvadhyena daivataiH . 
hata eva hyaya.n loko yadA mR^ityuvasha.n gataH .. 6..\\
pashya tAvanmahAbAho rAkShaseshvaramAnuSham . 
lokamena.n vichitrArthaM yasya na GYAyate gatiH .. 7..\\
kva chidvAditranR^ittAni sevyante muditairjanaiH . 
rudyate chAparai rAtrairdhArAshrunayanAnanaiH .. 8..\\
mAtA pitR^isutasnehairbhAryA bandhumanoramaiH . 
mohenAya.n jano dhvastaH klesha.n svaM nAvabudhyate .. 9..\\
tatkimevaM pariklishya lokaM mohanirAkR^itam . 
jita eva tvayA saumya martyaloko na saMshayaH .. 10..\\
eva.n kutastu la~Nkesho dIpyamAna ivaujasA . 
abravInnArada.n tatra samprahasyAbhivAdya cha .. 11..\\
maharShe devagandharvavihAra samarapriya . 
aha.n khalUdyato gantu.n vijayArthI rasAtalam .. 12..\\
tato lokatraya.n jitvA sthApya nAgAnsurAnvashe . 
samudramamR^itArtha.n vai mathiShyAmi rasAtalam .. 13..\\
athAbravIddashagrIvaM nArado bhagavAnR^iShiH . 
kva khalvidAnIM mArgeNa tvayAnena gamiShyate .. 14..\\
aya.n khalu sudurgamyaH pitR^irAGYaH puraM prati . 
mArgo gachchhati durdharSho yamasyAmitrakarshana .. 15..\\
sa tu shAradameghAbhaM muktvA hAsa.n dashAnanaH . 
uvAcha kR^itamityeva vachana.n chedamabravIt .. 16..\\
tasmAdeSha mahAbrahmanvaivasvatavadhodyataH . 
gachchhAmi dakShiNAmAshA.n yatra sUryAtmajo nR^ipaH .. 17..\\
mayA hi bhagavankrodhAtpratiGYAta.n raNArthinA . 
avajeShyAmi chaturo lokapAlAniti prabho .. 18..\\
tenaiSha prasthito.aha.n vai pitR^irAjapuraM prati . 
prANisa~NkleshakartAra.n yojayiShyAmi mR^ityunA .. 19..\\
evamuktvA dashagrIvo muni.n tamabhivAdya cha . 
prayayau dakShiNAmAshAM prahR^iShTaiH saha mantribhiH .. 20..\\
nAradastu mahAtejA muhUrta.n dhyAnamAsthitaH . 
chintayAmAsa viprendro vidhUma iva pAvakaH .. 21..\\
yena lokAstrayaH sendrAH klishyante sacharAcharAH . 
kShINe chAyuShi dharme cha sa kAlo hi.nsyate katham .. 22..\\
yasya nitya.n trayo lokA vidravanti bhayArditAH . 
ta.n katha.n rAkShasendro.asau svayamevAbhigachchhati .. 23..\\
yo vidhAtA cha dhAtA cha sukR^ite duShkR^ite yathA . 
trailokya.n vijitaM yena ta.n kathaM nu vijeShyati .. 24..\\
apara.n kiM nu kR^itvaiva.n vidhAnaM sa.nvidhAsyati . 
kautUhalasamutpanno yAsyAmi yamasAdanam .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}