\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 22
sa tu tasya mahAnAda.n shrutvA vaivasvato yamaH . 
shatru.n vijayinaM mene svabalasya cha sa~NkShayam .. 1..\\
sa tu yodhAnhatAnmatvA krodhaparyAkulekShaNaH . 
abravIttvarita.n sUtaM rathaH samupanIyatAm .. 2..\\
tasya sUto ratha.n divyamupasthApya mahAsvanam . 
sthitaH sa cha mahAtejA Aruroha mahAratham .. 3..\\
pAshamudgarahastashcha mR^ityustasyAgrato sthitaH . 
yena sa~NkShipyate sarva.n trailokya.n sacharAcharam .. 4..\\
kAladaNDashcha pArshvastho mUrtimAnsyandane sthitaH . 
yamapraharaNa.n divyaM prajvalanniva tejasA .. 5..\\
tato lokAstrayastrastAH kampante cha divaukasaH . 
kAla.n kruddhaM tadA dR^iShTvA lokatrayabhayAvaham .. 6..\\
dR^iShTvA tu te ta.n vikR^itaM rathaM mR^ityusamanvitam . 
sachivA rAkShasendrasya sarvalokabhayAvaham .. 7..\\
laghusattvatayA sarve naShTasa~njhA bhayArditAH . 
nAtra yoddhu.n samarthAH sma ityuktvA vipradudruvuH .. 8..\\
sa tu ta.n tAdR^ishaM dR^iShTvA ratha.n lokabhayAvaham . 
nAkShubhyata tadA rakSho vyathA chaivAsya nAbhavat .. 9..\\
sa tu rAvaNamAsAdya visR^ija~nshaktitomarAn . 
yamo marmANi sa~Nkruddho rAkShasasya nyakR^intata .. 10..\\
rAvaNastu sthitaH svasthaH sharavarShaM mumocha ha . 
tasminvaivasvatarathe toyavarShamivAmbudaH .. 11..\\
tato mahAshaktishataiH pAtyamAnairmahorasi . 
pratikartu.n sa nAshaknodrAkShasaH shalyapIDitaH .. 12..\\
nAnApraharaNaireva.n yamenAmitrakarshinA . 
saptarAtra.n kR^ite sa~Nkhye na bhagno vijito.api vA .. 13..\\
tato.abhavatpunaryuddha.n yamarAkShasayostadA . 
vijayAkA~NkShiNostatra samareShvanivartinoH .. 14..\\
tato devAH sagandharvAH siddhAshcha paramarShayaH . 
prajApatiM puraskR^itya dadR^ishustadraNAjiram .. 15..\\
sa.nvarta iva lokAnAmabhavadyudhyatostayoH . 
rAkShasAnA.n cha mukhyasya pretAnAmIshvarasya cha .. 16..\\
rAkShasendrastataH kruddhashchApamAyamya sa.nyuge . 
nirantaramivAkAsha.n kurvanbANAnmumocha ha .. 17..\\
mR^ityu.n chaturbhirvishikhaiH sUta.n saptabhirardayat . 
yama.n sharasahasreNa shIghraM marmasvatADayat .. 18..\\
tataH kruddhasya sahasA yamasyAbhiniviHsR^itaH . 
jvAlAmAlo vinishvAso vadanAtkrodhapAvakaH .. 19..\\
tato.apashya.nstadAshcharya.n devadAnavarAkShasAH . 
krodhajaM pAvaka.n dIptaM didhakShanta.n riporbalam .. 20..\\
mR^ityustu paramakruddho vaivasvatamathAbravIt . 
mu~ncha mA.n deva shIghraM tvaM nihanmi samare ripum .. 21..\\
narakaH shambaro vR^itraH shambhuH kArtasvaro balI . 
namuchirvirochanashchaiva tAvubhau madhukaiTabhau .. 22..\\
ete chAnye cha bahavo balavanto durAsadAH . 
vinipannA mayA dR^iShTAH kA chintAsminnishAchare .. 23..\\
mu~ncha mA.n sAdhu dharmaGYa yAvadenaM nihanmyaham . 
na hi kashchinmayA dR^iShTo muhUrtamapi jIvati .. 24..\\
balaM mama na khalvetanmaryAdaiShA nisargataH . 
sa.nspR^iShTo hi mayA kashchinna jIvediti nishchayaH .. 25..\\
etattu vachana.n shrutvA dharmarAjaH pratApavAn . 
abravIttatra taM mR^ityumayamenaM nihanmyaham .. 26..\\
tataH sa.nraktanayanaH kruddho vaivasvataH prabhuH . 
kAladaNDamamogha.n taM tolayAmAsa pANinA .. 27..\\
yasya pArshveShu nishchhidrAH kAlapAshAH pratiShThitAH . 
pAvakasparshasa~NkAsho mudgaro mUrtimAnsthitaH .. 28..\\
darshanAdeva yaH prANAnprANinAm uparudhyati . 
kiM punastADanAdvApi pIDanAdvApi dehinaH .. 29..\\
sa jvAlAparivArastu pibanniva nishAcharam . 
karaspR^iShTo balavatA daNDaH kruddhaH sudAruNaH .. 30..\\
tato vidudruvuH sarve sattvAstasmAdraNAjirAt . 
surAshcha kShubhitA dR^iShTvA kAladaNDodyata.n yamam .. 31..\\
tasminprahartukAme tu daNDamudyamya rAvaNam . 
yamaM pitAmahaH sAkShAddarshayitvedamabravIt .. 32..\\
vaivasvata mahAbAho na khalvatulavikramaH . 
prahartavya.n tvayaitena daNDenAsminnishAchare .. 33..\\
varaH khalu mayA dattastasya tridashapu~Ngava . 
tattvayA nAnR^ita.n kArya.n yanmayA vyAhR^itaM vachaH .. 34..\\
amogho hyeSha sarvAsAM prajAnA.n vinipAtane . 
kAladaNDo mayA sR^iShTaH pUrvaM mR^ityupuraskR^itaH .. 35..\\
tanna khalveSha te saumya pAtyo rAkShasamUrdhani . 
na hyasminpatite kashchinmuhUrtamapi jIvati .. 36..\\
yadi hyasminnipatite na mriyetaiSha rAkShasaH . 
mriyeta vA dashagrIvastathApyubhayato.anR^itam .. 37..\\
rAkShasendrAnniyachchhAdya daNDamena.n vadhodyatam . 
satyaM mama kuruShveda.n lokA.nstvaM samavekShya cha .. 38..\\
evamuktastu dharmAtmA pratyuvAcha yamastadA . 
eSha vyAvartito daNDaH prabhaviShNurbhavAnhi naH .. 39..\\
ki.n tvidAnIM mayA shakyaM kartu.n raNagatena hi . 
yanmayA yanna hantavyo rAkShaso varadarpitaH .. 40..\\
eSha tasmAtpraNashyAmi darshanAdasya rakShasaH . 
ityuktvA sarathaH sAshvastatraivAntaradhIyata .. 41..\\
dashagrIvastu ta.n jitvA nAma vishrAvya chAtmanaH . 
puShpakeNa tu sa.nhR^iShTo niShkrAnto yamasAdanAt .. 42..\\
tato vaivasvato devaiH saha brahmapurogamaiH . 
jagAma tridiva.n hR^iShTo nAradashcha mahAmuniH .. 43..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}