\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{6}## ##\begin{center}## \section{uttarakaaNDa} ##\end{center}## \medskip 23 sa tu jitvA dashagrIvo yama.n tridashapu~Ngavam . rAvaNastu jayashlAghI svasahAyAndadarsha ha .. 1..\\ jayena vardhayitvA cha mArIchapramukhAstataH . puShpakaM bhejire sarve sAntvitA ravaNena ha .. 2..\\ tato rasAtala.n hR^iShTaH praviShTaH payaso nidhim . daityoraga gaNAdhyuShTa.n varuNena surakShitam .. 3..\\ sa tu bhogavatI.n gatvA purI.n vAsukipAlitAm . sthApya nAgAnvashe kR^itvA yayau maNimatIM purIm .. 4..\\ nivAtakavachAstatra daityA labdhavarA vasan . rAkShasastAnsamAsAdya yuddhena samupAhvayat .. 5..\\ te tu sarve suvikrAntA daiteyA balashAlinaH . nAnApraharaNAstatra prayuddhA yuddhadurmadAH .. 6..\\ teShA.n tu yudhyamAnAnA.n sAgraH sa.nvatsaro gataH . na chAnyatarayostatra vijayo vA kShayo.api vA .. 7..\\ tataH pitAmahastatra trailokyagatiravyayaH . AjagAma druta.n devo vimAnavaramAsthitaH .. 8..\\ nivAtakavachAnA.n tu nivArya raNakarma tat . vR^iddhaH pitAmaho vAkyamuvAcha viditArthavat .. 9..\\ na hyaya.n rAvaNo yuddhe shakyo jetuM surAsuraiH . na bhavantaH kShayaM netu.n shakyAH sendraiH surAsuraiH .. 10..\\ rAkShasasya sakhitva.n vai bhavadbhiH saha rochate . avibhaktA hi sarvArthAH suhR^idAM nAtra saMshayaH .. 11..\\ tato.agnisAkShika.n sakhya.n kR^itavA.nstatra rAvaNaH . nivAtakavachaiH sArdhaM prItimAnabhavattadA .. 12..\\ architastairyathAnyAya.n sa.nvatsarasukhoShitaH . svapurAnnirvisheSha.n cha pUjAM prApto dashAnanaH .. 13..\\ sa tUpadhArya mAyAnA.n shatamekonamAtmavAn . salilendrapurAnveShI sa babhrAma rasAtalam .. 14..\\ tato.ashmanagaraM nAma kAlakeyAbhirakShitam . ta.n vijitya muhUrtena jaghne daityAMshchatuHshatam .. 15..\\ tataH pANDurameghAbha.n kailAsamiva sa.nsthitam . varuNasyAlaya.n divyamapashyadrAkShasAdhipaH .. 16..\\ kSharantI.n cha payo nitya.n surabhiM gAmavasthitAm . yasyAH payoviniShyandAtkShIrodo nAma sAgaraH .. 17..\\ yasmAchchandraH prabhavati shItarashmiH prajAhitaH . ya.n samAsAdya jIvanti phenapAH paramarShayaH . amR^ita.n yatra chotpannaM surA chApi surAshinAm .. 18..\\ yAM bruvanti narA loke surabhiM nAma nAmataH . pradakShiNa.n tu tAM kR^itvA rAvaNaH paramAdbhutAm . pravivesha mahAghora.n guptaM bahuvidhairbalaiH .. 19..\\ tato dhArAshatAkIrNa.n shAradAbhranibha.n tadA . nityaprahR^iShTa.n dadR^ishe varuNasya gR^ihottamam .. 20..\\ tato hatvA balAdhyakShAnsamare taishcha tADitaH . abravItkva gato yo vo rAjA shIghraM nivedyatAm .. 21..\\ yuddhArthI rAvaNaH prAptastasya yuddhaM pradIyatAm . vada vA na bhaya.n te.asti nirjito.asmIti sA~njaliH .. 22..\\ etasminnantare kruddhA varuNasya mahAtmanaH . putrAH pautrAshcha niShkrAmangaushcha puShkara eva cha .. 23..\\ te tu vIryaguNopetA balaiH parivR^itAH svakaiH . yuktvA rathAnkAmagamAnudyadbhAskaravarchasaH .. 24..\\ tato yuddha.n samabhavaddAruNaM lomaharShaNam . salilendrasya putrANA.n rAvaNasya cha rakShasaH .. 25..\\ amAtyaistu mahAvIryairdashagrIvasya rakShasaH . vAruNa.n tadbalaM kR^itsnaM kShaNena vinipAtitam .. 26..\\ samIkShya svabala.n sa~Nkhye varuNasyA sutAstadA . arditAH sharajAlena nivR^ittA raNakarmaNaH .. 27..\\ mahItalagatAste tu rAvaNa.n dR^ishya puShpake . AkAshamAshu vivishuH syandanaiH shIghragAmibhiH .. 28..\\ mahadAsIttatasteShA.n tulya.n sthAnamavApya tat . AkAshayuddha.n tumulaM devadAnavayoriva .. 29..\\ tataste rAvaNa.n yudhe sharaiH pAvakasaMnibhaiH . vimukhIkR^itya sa.nhR^iShTA vinedurvividhAnravAn .. 30..\\ tato mahodaraH kruddho rAjAna.n dR^ishya dharShitam . tyaktvA mR^ityubhaya.n vIro yuddhakA~NkShI vyalokayat .. 31..\\ tena teShA.n hayA ye cha kAmagAH pavanopamAH . mahodareNa gadayA hatAste prayayuH kShitim .. 32..\\ teShA.n varuNasUnUnAM hatvA yodhAnhayAMshcha tAn . mumochAshu mahAnAda.n virathAnprekShya tAnsthitAn .. 33..\\ te tu teShA.n rathAH sAshvAH saha sArathibhirvaraiH . mahodareNa nihatAH patitAH pR^ithivItale .. 34..\\ te tu tyaktvA rathAnputrA varuNasya mahAtmanaH . AkAshe viShThitAH shUrAH svaprabhAvAnna vivyathuH .. 35..\\ dhanUMShi kR^itvA sajyAni vinirbhidya mahodaram . rAvaNa.n samare kruddhAH sahitAH samabhidravan .. 36..\\ tataH kruddho dashagrIvaH kAlAgniriva viShThitaH . sharavarShaM mahAvega.n teShAM marmasvapAtayat .. 37..\\ musalAni vichitrANi tato bhallashatAni cha . paTTasAMshchaiva shaktIshcha shataghnIstomarA.nstathA . pAtayAmAsa durdharShasteShAmupari viShThitaH .. 38..\\ atha viddhAstu te vIrA viniShpetuH padAtayaH .. 39..\\ tato rakSho mahAnAdaM muktvA hanti sma vAruNAn . nAnApraharaNairghorairdhArApAtairivAmbudaH .. 40..\\ tataste vimukhAH sarve patitA dharaNItale . raNAtsvapuruShaiH shIghra.n gR^ihANyeva praveshitAH .. 41..\\ tAnabravIttato rakSho varuNAya nivedyatAm . rAvaNa.n chAbravInmantrI prabhAso nAma vAruNaH .. 42..\\ gataH khalu mahAtejA brahmaloka.n jaleshvaraH . gAndharva.n varuNaH shrotuM ya.n tvamAhvayase yudhi .. 43..\\ tatki.n tava vR^ithA vIra parishrAmya gate nR^ipe . ye tu saMnihitA vIrAH kumArAste parAjitAH .. 44..\\ rAkShasendrastu tachchhrutvA nAma vishrAvya chAtmanaH . harShAnnAda.n vimu~nchanvai niShkrAnto varuNAlayAt .. 45..\\ Agatastu pathA yena tenaiva vinivR^itya saH . la~NkAmabhimukho rakSho nabhastalagato yayau .. 46..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}