\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 24
nivartamAnaH sa.nhR^iShTo rAvaNaH sa durAtmavAn . 
jahre pathi narendrarShidevagandharvakanyakAH .. 1..\\
darshanIyA.n hi yAM rakShaH kanyAM strIM vAtha pashyati . 
hatvA bandhujana.n tasyA vimAne saMnyaveshayat .. 2..\\
tatra pannagayakShANAM mAnuShANA.n cha rakShasAm . 
daityAnA.n dAnavAnAM cha kanyA jagrAha rAvaNaH .. 3..\\
dIrghakeshyaH suchArva~NgyaH pUrNachandranibhAnanAH . 
shokAyattAstaruNyashcha samastA stananamritAH .. 4..\\
tulyamagnyarchiShA.n tatra shokAgnibhayasambhavam . 
pravepamAnA duHkhArtA mumuchurbAShpaja.n jalam .. 5..\\
tAsAM nishvasamAnAnAM nishvasaiH sampradIpitam . 
agnihotramivAbhAti saMniruddhAgnipuShpakam .. 6..\\
kA chiddadhyau suduHkhArtA hanyAdapi hi mAm ayam . 
smR^itvA mAtR^IhpitR^InbhrAtR^InputrAnvai shvashurAnapi . 
duHkhashokasamAviShTo vilepuH sahitAH striyaH .. 7..\\
kathaM nu khalu me putraH kariShyati mayA vinA . 
kathaM mAtA kathaM bhrAtA nimagnAH shokasAgare .. 8..\\
hA kathaM nu kariShyAmi bhartAra.n daivata.n vinA . 
mR^ityo prasIda yAche tvAM naya mA.n yamasAdanam .. 9..\\
kiM nu me duShkR^ita.n karma kR^itaM dehAntare purA . 
tato.asmi dharShitAnena patitA shokasAgare .. 10..\\
na khalvidAnIM pashyAmi duHkhasyAntamihAtmanaH . 
aho dhinmAnuShA.NllokAnnAsti khalvadhamaH paraH .. 11..\\
yaddurbalA balavatA bAndhavA rAvaNena me . 
uditenaiva sUryeNa tArakA iva nAshitAH .. 12..\\
aho subalavadrakSho vadhopAyeShu rajyate . 
aho durvR^ittamAtmAna.n svayameva na budhyate .. 13..\\
sarvathA sadR^ishastAvadvikramo.asya durAtmanaH . 
ida.n tvasadR^ishaM karma paradArAbhimarshanam .. 14..\\
yasmAdeSha parakhyAsu strIShu rajyati durmatiH . 
tasmAddhi strIkR^itenaiva vadhaM prApsyati vAraNaH .. 15..\\
shaptaH strIbhiH sa tu tadA hatatejAH suniShprabha . 
pativratAbhiH sAdhvIbhiH sthitAbhiH sAdhu vartmani .. 16..\\
eva.n vilapamAnAsu rAvaNo rAkShasAdhipaH . 
pravivesha purI.n la~NkAM pUjyamAno nishAcharaiH .. 17..\\
tato rAkShasarAjasya svasA paramaduHkhitA . 
pAdayoH patitA tasya vaktumevopachakrame .. 18..\\
tataH svasAramutthApya rAvaNaH parisAntvayan . 
abravItkimidaM bhadre vaktumarhasi me drutam .. 19..\\
sA bAShpapariruddhAkShI rAkShasI vAkyamabravIt . 
hatAsmi vidhavA rAja.nstvayA balavatA kR^itA .. 20..\\
ete viryAttvayA rAjandaityA vinihatA raNe . 
kAlakeyA iti khyAtA mahAbalaparAkramAH .. 21..\\
tatra me nihato bhartA garIyA~njIvitAdapi . 
sa tvayA dayitastatra bhrAtrA shatrusamena vai .. 22..\\
yA tvayAsmi hatA rAjansvayameveha bandhunA . 
duHkha.n vaidhavyashabda.n cha dattaM bhokShyAmyahaM tvayA .. 23..\\
nanu nAma tvayA rakShyo jAmAtA samareShvapi . 
taM nihatya raNe rAjansvayameva na lajjase .. 24..\\
evamuktastayA rakSho bhaginyA kroshamAnayA . 
abravItsAntvayitvA tA.n sAmapUrvamidaM vachaH .. 25..\\
ala.n vatse viShAdena na bhetavya.n cha sarvashaH . 
mAnadAnavisheShaistvA.n toShayiShyAmi nityashaH .. 26..\\
yuddhe pramatto vyAkShipto jayakA~NkShI kShipa~nsharAn . 
nAvagachchhAmi yuddheShu svAnparAnvApyaha.n shubhe . 
tenAsau nihataH sa~Nkhye mayA bhartA tava svasaH .. 27..\\
asminkAle tu yatprApta.n tatkariShyAmi te hitam . 
bhrAturaishvaryasa.nsthasya kharasya bhava pArshvataH .. 28..\\
chaturdashAnAM bhrAtA te sahasrANAM bhaviShyati . 
prabhuH prayANe dAne cha rAkShasAnAM mahaujasAm .. 29..\\
tatra mAtR^iShvasuH putro bhrAtA tava kharaH prabhuH . 
bhaviShyati sadA kurvanyadvakShyasi vachaH svayam .. 30..\\
shIghra.n gachchhatvaya.n shUro daNDakAnparirakShitum . 
dUShaNo.asya balAdhyakSho bhaviShyati mahAbalaH .. 31..\\
sa hi shapto vanoddeshe kruddhenoshanasA purA . 
rAkShasAnAmaya.n vAso bhaviShyati na saMshayaH .. 32..\\
evamuktvA dashagrIvaH sainya.n tasyAdidesha ha . 
chaturdasha sahasrANi rakShasA.n kAmarUpiNAm .. 33..\\
sa taiH sarvaiH parivR^ito rAkShasairghoradarshanaiH . 
kharaH samprayayau shIghra.n daNDakAnakutobhayaH .. 34..\\
sa tatra kArayAmAsa rAjyaM nihatakaNTakam . 
sA cha shUrpaNakhA prItA nyavasaddaNDakAvane .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}