\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 25
sa tu dattvA dashagrIvo vana.n ghoraM kharasya tat . 
bhaginI.n cha samAshvAsya hR^iShTaH svasthataro.abhavat .. 1..\\
tato nikumbhilA nAma la~NkAyAH kAnanaM mahat . 
mahAtmA rAkShasendrastatpravivesha sahAnugaH .. 2..\\
tatra yUpashatAkIrNa.n saumyachaityopashobhitam . 
dadarsha viShThita.n yaGYaM sampradIptamiva shriyA .. 3..\\
tataH kR^iShNAjinadhara.n kamaNDalushikhAdhvajam . 
dadarsha svasuta.n tatra meghanAdamarindamam .. 4..\\
rakShaHpatiH samAsAdya samAshliShya cha bAhubhiH . 
abravItkimida.n vatsa vartate tadbravIhi me .. 5..\\
ushanA tvabravIttatra gururyaGYasamR^iddhaye . 
rAvaNa.n rAkShasashreTShha.n dvijashreShTho mahAtapAH .. 6..\\
ahamAkhyAmi te rAja~nshrUyatA.n sarvameva cha . 
yaGYAste sapta putreNa prAptAH subahuvistarAH .. 7..\\
agniShTomo.ashvamedhashcha yaGYo bahusuvarNakaH . 
rAjasUyastathA yaGYo gomedho vaiShNavastathA .. 8..\\
mAheshvare pravR^itte tu yaGYe pumbhiH sudurlabhe . 
varA.nste labdhavAnputraH sAkShAtpashu pateriha .. 9..\\
kAmaga.n syandana.n divyamantarikShacharaM dhruvam . 
mAyA.n cha tAmasIM nAma yayA sampadyate tamaH .. 10..\\
etayA kila sa~NgrAme mAyayA rAShaseshvara . 
prayuddhasya gatiH shakyA na hi GYAtu.n surAsuraiH .. 11..\\
akShayAviShudhI bANaishchApa.n chApi sudurjayam . 
astra.n cha balavatsaumya shatruvidhva.nsana.n raNe .. 12..\\
etAnsarvAnvarA.NllabdhvA putraste.aya.n dashAnana . 
adya yaGYasamAptau cha tvatpratIkShaH sthito aham .. 13..\\
tato.abravIddashagrIvo na shobhanamida.n kR^itam . 
pUjitAH shatravo yasmAddravyairindrapurogamAH .. 14..\\
ehIdAnI.n kR^ita.n yaddhi tadakartuM na shakyate . 
Agachchha saumya gachchhAmaH svameva bhavanaM prati .. 15..\\
tato gatvA dashagrIvaH saputraH savibhIShaNaH . 
striyo.avatArayAmAsa sarvAstA bAShpaviklavAH .. 16..\\
lakShiNyo ratnabUtAshcha devadAnavarakShasAm . 
nAnAbhUShaNasampannA jvalantyaH svena tejasA .. 17..\\
vibhIShaNastu tA nArIrdR^iShTvA shokasamAkulAH . 
tasya tA.n cha mati.n GYAtvA dharmAtmA vAkyamabravIt .. 18..\\
IdR^ishaistaiH samAchArairyasho.arthakulanAshanaiH . 
dharaNaM prANinA.n dattvA svamatena vicheShTase .. 19..\\
GYAtInvai dharShayitvemAstvayAnItA varA~NganAH . 
tvAmatikramya madhunA rAjankumbhInasI hR^itA .. 20..\\
rAvaNastvabravIdvAkyaM nAvagachchhAmi ki.n tvidam . 
ko vAya.n yastvayAkhyAto madhurityeva nAmataH .. 21..\\
vibhIShaNastu sa~Nkruddho bhrAtara.n vAkyamabravIt . 
shrUyatAmasya pApasya karmaNaH phalamAgatam .. 22..\\
mAtAmahasya yo.asmAka.n jyeShTho bhrAtA sumAlinaH . 
mAlyavAniti vikhyAto vR^iddhaprAGYo nishAcharaH .. 23..\\
piturjyeShTho jananyAshcha asmAka.n tvAryako.abhavat . 
tasya kumbhInasI nAma duhiturduhitAbhavat .. 24..\\
mAtR^iShvasurathAsmAka.n sA kanyA chAnalodbhavA . 
bhavatyasmAkameShA vai bhrAtR^INA.n dharmataH svasA .. 25..\\
sA hR^itA madhunA rAjanrAkShasena balIyasA . 
yaGYapravR^itte putre te mayi chAntarjaloShite .. 26..\\
nihatya rAkShasashreShThAnamAtyA.nstava saMmatAn . 
dharShayitvA hR^itarAjanguptA hyantaHpure tava .. 27..\\
shrutvA tvetanmahArAja kShAntameva hato na saH . 
yasmAdavashya.n dAtavyA kanyA bhartre hi dAtR^ibhiH . 
asminnevAbhisamprApta.n loke viditamastu te .. 28..\\
tato.abravIddashagrIvaH kruddhaH sa.nraktalochanaH . 
kalpyatAM me rathaH shIghra.n shUrAH sajjIbhavantu cha .. 29..\\
bhrAtA me kumbhakarNashcha ye cha mukhyA nishAcharAH . 
vAhanAnyadhirohantu nAnApraharaNAyudhAH .. 30..\\
adya ta.n samare hatvA madhuM rAvaNanirbhayam . 
indraloka.n gamiShyAmi yuddhakA~NkShI suhR^idvR^itaH .. 31..\\
tato vijitya tridiva.n vashe sthApya purandaram . 
nirvR^ito vihariShyAmi trailokyaishvaryashobhitaH .. 32..\\
akShauhiNIsahasrANi chatvAryugrANi rakShasAm . 
nAnApraharaNAnyAshu niryayuryuddhakA~NkShiNAm .. 33..\\
indrajittvagrataH sainya.n sainikAnparigR^ihya cha . 
rAvaNo madhyataH shUraH kumbhakarNashcha pR^iShThataH .. 34..\\
vibhIShaNastu dharmAtmA la~NkAyA.n dharmamAcharat . 
te tu sarve mahAbhAgA yayurmadhupuraM prati .. 35..\\
rathairnAgaiH kharairuShTrairhayairdIptairmahoragaiH . 
rAkShasAH prayayuH sarve kR^itvAkAshaM nirantaram .. 36..\\
daityAMshcha shatashastatra kR^itavairAH suraiH saha . 
rAvaNaM prekShya gachchhantamanvagachchhanta pR^iShThataH .. 37..\\
sa tu gatvA madhupuraM pravishya cha dashAnanaH . 
na dadarsha madhu.n tatra bhaginIM tatra dR^iShTavAn .. 38..\\
sA prahvA prA~njalirbhUtvA shirasA pAdayorgatA . 
tasya rAkShasarAjasya trastA kumbhInasI svasA .. 39..\\
tA.n samutthApayAmAsa na bhetavyamiti bruvan . 
rAvaNo rAkShasashreShThaH ki.n chApi karavANi te .. 40..\\
sAbravIdyadi me rAjanprasannastvaM mahAbala . 
bhartAraM na mamehAdya hantumarhasi mAnada .. 41..\\
satyavAgbhava rAjendra mAmavekShasva yAchatIm . 
tvayA hyuktaM mahAbAho na bhetavyamiti svayam .. 42..\\
rAvaNastvabravIddhR^iShTaH svasAra.n tatra sa.nsthitam . 
kva chAsau tava bhartA vai mama shIghraM nivedyatAm .. 43..\\
saha tena gamiShyAmi suraloka.n jayAya vai . 
tava kAruNyasauhardAnnivR^itto.asmi madhorvadhAt .. 44..\\
ityuktvvA sA prasupta.n ta.n samutthApya nishAcharam . 
abravItsamprahR^iShTeva rAkShasI suvipashchitam .. 45..\\
eSha prApto dashagrIvo mama bhrAtA nishAcharaH . 
suralokajayAkA~NkShI sAhAyye tvA.n vR^iNoti cha .. 46..\\
tadasya tva.n sahAyArthaM sabandhurgachchha rAkShasa . 
snigdhasya bhajamAnasya yuktamarthAya kalpitum .. 47..\\
tasyAstadvachana.n shrutvA tathetyAha madhurvachaH . 
dadarsha rAkShasashreShTha.n yathAnyAyamupetya saH .. 48..\\
pUjayAmAsa dharmeNa rAvaNa.n rAkShasAdhipam . 
prAptapUjo dashagrIvo madhuveshmani vIryavAn . 
tatra chaikAM nishAmuShya gamanAyopachakrame .. 49..\\
tataH kailAsamAsAdya shaila.n vaishvaraNAlayam . 
rAkShasendro mahendrAbhaH senAmupaniveshayat .. 50..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}