\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{6}## ##\begin{center}## \section{uttarakaaNDa} ##\end{center}## \medskip 26 sa tu tatra dashagrIvaH saha sainyena vIryavAn . astaM prApte dinakare nivAsa.n samarochayat .. 1..\\ udite vimale chandre tulyaparvatavarchasi . sa dadarsha guNA.nstatra chandrapAdopashobhitAn .. 2..\\ karNikAravanairdivyaiH kadambagahanaistathA . padminIbhishcha phullAbhirmandAkinyA jalairapi .. 3..\\ ghaNTAnAmiva saMnAdaH shushruve madhurasvanaH . apsarogaNasa~NghanA.n gAyatAM dhanadAlaye .. 4..\\ puShpavarShANi mu~nchanto nagAH pavanatADitAH . shaila.n ta.n vAsayantIva madhumAdhavagandhinaH .. 5..\\ madhupuShparajaHpR^ikta.n gandhamAdAya puShkalam . pravavau vardhayankAma.n rAvaNasya sukho.anilaH .. 6..\\ geyAtpuShpasamR^iddhyA cha shaityAdvAyorguNairgireH . pravR^ittAyA.n rajanyA.n cha chandrasyodayanena cha .. 7..\\ rAvaNaH sumahAvIryaH kAmabANavasha.n gataH . vinishvasya nivishvasya shashina.n samavaikShata .. 8..\\ etasminnantare tatra divyapuShpavibhUShitA . sarvApsarovarA rambhA pUrNachandranibhAnanA .. 9..\\ kR^itairvisheShakairArdraiH ShaDartukusumotsavaiH . nIla.n satoyameghAbhaM vastraM samavaguNThitA .. 10..\\ yasya vaktra.n shashinibhaM bhruvau chApanibhe shubhe . UrU karikarAkArau karau pallavakomalau . sainyamadhyena gachchhantI rAvaNenopalakShitA .. 11..\\ tA.n samutthAya rakShendraH kAmabANabalArditaH . kare gR^ihItvA gachchhantI.n smayamAno.abhyabhAShata .. 12..\\ kva gachchhasi varArohe kA.n siddhiM bhajase svayam . kasyAbhyudayakAlo.aya.n yastvAM samupabhokShyate .. 13..\\ tavAnanarasasyAdya padmotpalasugandhinaH . sudhAmR^itarasasyeva ko.adya tR^ipti.n gamiShyati .. 14..\\ svarNakumbhanibhau pInau shubhau bhIru nirantarau . kasyorasthalasa.nsparsha.n dAsyataste kuchAvimau .. 15..\\ suvarNachakrapratima.n svarNadAmachitaM pR^ithu . adhyArokShyati kaste.adya svarga.n jaghanarUpiNam .. 16..\\ madvishiShTaH pumAnko.anyaH shakro viShNurathAshvinau . mAmatItya hi yasya tva.n yAsi bhIru na shobhanam .. 17..\\ vishrama tvaM pR^ithushroNi shilAtalamida.n shubham . trailokye yaH prabhush chaiva tulyo mama na vidyate .. 18..\\ tadeSha prA~njaliH prahvo yAchate tvA.n dashAnanaH . yaH prabhushchApi bhartA cha trailokyasya bhajasva mAm .. 19..\\ evamuktAbravIdrambhA vepamAnA kR^itA~njaliH . prasIda nArhase vaktumIdR^isha.n tva.n hi me guruH .. 20..\\ anyebhyo.api tvayA rakShyA prApnuyA.n dharShaNa.n yadi . dharmatashcha snuShA te.aha.n tattvametadbravImi te .. 21..\\ abravIttA.n dashagrIvashcharaNAdhomukhI.n sthitAm . sutasya yadi me bharyA tatastvaM me snuShA bhaveH .. 22..\\ bADhamityeva sA rambhA prAha rAvaNamuttaram . dharmataste sutasyAhaM bhAryA rAkShasapu~Ngava .. 23..\\ putraH priyataraH prANairbhrAturvaishravaNasya te . khyAto yastriShu lokeShu nalakUvara ityasau .. 24..\\ dharmato yo bhavedvipraH kShatriyo vIryato bhavet . krodhAdyashcha bhavedagniH kShAntyA cha vasudhAsamaH .. 25..\\ tasyAsmi kR^itasa~NketA lokapAlasutasya vai . tamuddishya cha me sarva.n vibhUShaNamida.n kR^itam .. 26..\\ yasya tasya hi nAnyasya bhAvo mAM prati tiShThati . tena satyena mA.n rAjanmoktumarhasyarindama .. 27..\\ sa hi tiShThati dharmAtmA sAmprataM matsamutsukaH . tanna vighna.n sutasyeha kartumarhasi mu~ncha mAm .. 28..\\ sadbhirAcharitaM mArga.n gachchha rAkShasapu~Ngava . mAnanIyo mayA hi tva.n lAlanIyA tathAsmi te .. 29..\\ evaM bruvANa.n rambhA.n tAM dharmArthasahitaM vachaH . nirbhartsya rAkShaso mohAtpratigR^ihya balAdbalI . kAmamohAbhisa.nrabdho maithunAyopachakrame .. 30..\\ sA vimuktA tato rambhA bhraShTamAlyavibhUShaNA . gajendrAkrIDamathitA nadIvAkulatA.n gatA .. 31..\\ sA vepamAnA lajjantI bhItA karakR^itA~njaliH . nalakUbaramAsAdya pAdayornipapAta ha .. 32..\\ tadavasthA.n cha tAM dR^iShTvA mahAtmA nalakUbaraH . abravItkimidaM bhadre pAdayoH patitAsi me .. 33..\\ sA tu nishvasamAnA cha vepamAnAtha sA~njaliH . tasmai sarva.n yathAtathyamAkhyAtumupachakrame .. 34..\\ eSha deva dashagrIvaH prApto gantu.n triviShTapam . tena sainyasahAyena nisheha pariNAmyate .. 35..\\ AyAntI tena dR^iShTAsmi tvatsakashamarindama . gR^ihItvA tena pR^iShTAsmi kasya tvamiti rakShasA .. 36..\\ mayA tu sarva.n yatsatya.n taddhi tasmai niveditam . kAmamohAbhibhUtAtmA nAshrauShIttadvacho mama .. 37..\\ yAchyamAno mayA deva snuShA te.ahamiti prabho . tatsarvaM pR^iShThataH kR^itvA balAttenAsmi dharShitA .. 38..\\ eva.n tvamaparAdhaM me kShantumarhasi mAnada . na hi tulyaM bala.n saumya striyAshcha puruShasya cha .. 39..\\ eva.n shrutvA tu sa~NkruddhastadA vaishvaraNAtmajaH . dharShaNA.n tAM parA.n shrutvA dhyAnaM sampravivesha ha .. 40..\\ tasya tatkarma viGYAya tadA vaishravaNAtmajaH . muhUrtAdroShatAmrAkShastoya.n jagrAha pANinA .. 41..\\ gR^ihItvA salila.n divyamupaspR^ishya yathAvidhi . utsasarja tadA shApa.n rAkShasendrAya dAruNam .. 42..\\ akAmA tena yasmAttvaM balAdbhadre pradharShitA . tasmAtsa yuvatImanyAM nAkAmAmupayAsyati .. 43..\\ yadA tvakAmA.n kAmArto dharayiShyati yoShitam . mUrdhA tu saptadhA tasya shakalIbhavitA tadA .. 44..\\ tasminnudAhR^ite shApe jvalitAgnisamaprabhe . devadundubhayo neduH puShpavR^iShTishcha khAchchyutA .. 45..\\ prajApatimukhAshchApi sarve devAH praharShitAH . GYAtvA lokagati.n sarvA.n tasya mR^ityuM cha rakShasaH .. 46..\\ shrutvA tu sa dashagrIvasta.n shApaM romaharShaNam . nArIShu maithunaM bhAvaM nAkAmAsvabhyarochayat .. 47..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}