\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 27
kailAsa.n la~NghayitvAtha dashagrIvaH sarAkShasaH . 
AsasAda mahAtejA indralokaM nishAcharaH .. 1..\\
tasya rAkShasasainyasya samantAdupayAsyataH . 
devaloka.n yayau shabdo bhidyamAnArNavopamaH .. 2..\\
shrutA tu rAvaNaM prAptamindraH sa~ncalitAsanaH . 
abravIttatra tAndevAnsarvAneva samAgatAn .. 3..\\
AdityAnsavasUnrudrAnvishvAnsAdhyAnmarudgaNAn . 
sajjIbhavata yuddhArtha.n rAvaNasya durAtmanaH .. 4..\\
evamuktAstu shakreNa devAH shakrasamA yudhi . 
saMnahyanta mahAsattvA yuddhashraddhAsamanvitAH .. 5..\\
sa tu dInaH paritrasto mahendro rAvaNaM prati . 
viShNoH samIpamAgatya vAkyametaduvAcha ha .. 6..\\
viShNo katha.n kariShyAmo mahAvIryaparAkrama . 
asu hi balavAnrakSho yuddhArthamabhivartate .. 7..\\
varapradAnAdbalavAnna khalvanyena hetunA . 
tachcha satya.n hi kartavyaM vAkya.n deva prajApateH .. 8..\\
tadyathA namuchirvR^itro balirnarakashambarau . 
tvanmata.n samavaShTabhya yathA dagdhAstathA kuru .. 9..\\
na hyanyo deva devAnAmApatsu sumahAbala . 
gatiH parAyaNa.n vAsti tvAmR^ite puruShottama .. 10..\\
tva.n hi nArAyaNaH shrImAnpadmanAbhaH sanAtanaH . 
tvayAha.n sthApitashchaiva devarAjye sanAtane .. 11..\\
tadAkhyAhi yathAtattva.n devadeva mama svayam . 
asichakrasahAyastva.n yudhyase sa.nyuge ripum .. 12..\\
evamuktaH sa shakreNa devo nArAyaNaH prabhuH . 
abravInna paritrAsaH kAryaste shrUyatA.n cha me .. 13..\\
na tAvadeSha durvR^ittaH shakyo daivatadAnavaiH . 
hantu.n yudhi samAsAdya varadAnena durjayaH .. 14..\\
sarvathA tu mahatkarma kariShyati balotkaTaH . 
rakShaH putrasahAyo.asau dR^iShTametannisargataH .. 15..\\
bravIShi yattu mA.n shakra sa.nyuge yotsyasIti ha . 
naivAhaM pratiyotsye ta.n rAvaNaM rAkShasAdhipam .. 16..\\
anihatya ripu.n viShNurna hi pratinivartate . 
durlabhashchaiSha kAmo.adya varamAsAdya rAkShase .. 17..\\
pratijAnAmi devendra tvatsamIpa.n shatakrato . 
rAkShasasyAhamevAsya bhavitA mR^ityukAraNam .. 18..\\
ahamena.n vadhiShyAmi rAvaNaM sasutaM yudhi . 
devatAstoShayiShyAmi GYAtvA kAlamupasthitam .. 19..\\
etasminnantare nAdaH shushruve rajanIkShaye . 
tasya rAvaNasainyasya prayuddhasya samantataH .. 20..\\
atha yuddha.n samabhavaddevarAkShasayostadA . 
ghora.n tumulanirhrAdaM nAnApraharaNAyudham .. 21..\\
etasminnantare shUrA rAkShasA ghoradarshanAH . 
yuddhArthamabhyadhAvanta sachivA rAvaNAGYayA .. 22..\\
mArIchashcha prahastashcha mahApArshvamahodarau . 
akampano nikumbhashcha shukaH sAraNa eva cha .. 23..\\
sa.nhrAdirdhUmaketushcha mahAdaMShTro mahAmukhaH . 
jambumAlI mahAmAlI virUpAkShashcha rAkShasaH .. 24..\\
etaiH sarvairmahAvIryairvR^ito rAkShasapu~Ngava . 
rAvaNasyAryakaH sainya.n sumAlI pravivesha ha .. 25..\\
sa hi devagaNAnsarvAnnAnApraharaNaiH shitaiH . 
vidhva.nsayati sa~NkruddhaH saha taiH kShaNadAcharaiH .. 26..\\
etasminnantare shUro vasUnAmaShTamo vasuH . 
sAvitra iti vikhyAtaH pravivesha mahAraNam .. 27..\\
tato yuddha.n samabhavatsurANAM rAkShasaiH saha . 
kruddhAnA.n rakShasA.n kIrtiM samareShvanivartinAm .. 28..\\
tataste rAkShasAH shUrA devA.nstAnsamare sthitAn . 
nAnApraharaNairghorairjaghnuH shatasahasrashaH .. 29..\\
surAstu rAkShasAnghorAnmahAvIryAnsvatejasA . 
samare vividhaiH shastrairanayanyamasAdanam .. 30..\\
etasminnantare shUraH sumAlI nAma rAkShasaH . 
nAnApraharaNaiH kruddho raNamevAbhyavartata .. 31..\\
devAnA.n tadbala.n sarvaM nAnApraharaNaiH shitaiH . 
vidhva.nsayati sa~Nkruddho vAyurjaladharAniva .. 32..\\
te mahAbANavarShaishcha shUlaiH prAsaishcha dAruNaiH . 
pIDyamAnAH surAH sarve na vyatiShThansamAhitAH .. 33..\\
tato vidrAvyamANeShu tridasheShu sumAlinA . 
vasUnAmaShTamo devaH sAvitro vyavatiShThata .. 34..\\
sa.nvR^itaH svairanIkaistu praharantaM nishAcharam . 
vikrameNa mahAtejA vArayAmAsa sa.nyuge .. 35..\\
sumatayostayorAsIdyuddha.n loke sudAruNam . 
sumAlino vasoshchaiva samareShvanivartinoH .. 36..\\
tatastasya mahAbANairvasunA sumahAtmanA . 
mahAnsa pannagarathaH kShaNena vinipAtitaH .. 37..\\
hatvA tu sa.nyuge tasya rathaM bANashataiH shitaiH . 
gadA.n tasya vadhArthAya vasurjagrAha pANinA .. 38..\\
tAM pradIptAM pragR^ihyAshu kAladaNDanibhA.n shubhAm . 
tasya mUrdhani sAvitraH sumAlervinipAtayat .. 39..\\
tasya mUrdhani solkAbhA patantI cha tadA babhau . 
sahasrAkShasamutsR^iShTA girAviva mahAshaniH .. 40..\\
tasya naivAsthi kAyo vA na mA.nsa.n dadR^ishe tadA . 
gadayA bhasmasAdbhUto raNe tasminnipAtitaH .. 41..\\
ta.n dR^iShTvA nihata.n sa~Nkhye rAkShasAste samantataH . 
dudruvuH sahitAH sarve kroshamAnA mahAsvanam .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}