\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 31
tato rAmo mahAtejA vismayAtpunareva hi . 
uvAcha praNato vAkyamagastyamR^iShisattamam .. 1..\\
bhagavanki.n tadA lokAH shUnyA Asandvijottama . 
dharShaNA.n yatra na prApto rAvaNo rAkShaseshvaraH .. 2..\\
utAho hInavIryAste babhuvuH pR^ithivIkShitaH . 
bahiShkR^itA varAstraishcha bahavo nirjitA nR^ipAH .. 3..\\
rAghavasya vachaH shrutvA agastyo bhagavAnR^iShiH . 
uvAcha rAmaM prahasanpitAmaha iveshvaram .. 4..\\
sa evaM bAdhamAnastu pArthivAnpArthivarShabha . 
chachAra rAvaNo rAma pR^ithivyAM pR^ithivIpate .. 5..\\
tato mAhiShmatIM nAma purI.n svargapurIprabhAm . 
samprApto yatra sAmnidhyaM parama.n vasuretasaH .. 6..\\
tulya AsInnR^ipastasya pratApAdvasuretasaH . 
arjuno nAma yasyAgniH sharakuNDe shayaH sadA .. 7..\\
tameva divasa.n so.atha haihayAdhipatirbalI . 
arjuno narmadA.n rantu.n gataH strIbhiH saheshvaraH .. 8..\\
rAvaNo rAkShasendrastu tasyAmAtyAnapR^ichchhata . 
kvArjuno vo nR^ipaH so.adya shIghramAkhyAtumarhatha .. 9..\\
rAvaNo.ahamanuprApto yuddhepsurnR^ivareNa tu . 
mamAgamanamavyagrairyuShmAbhiH saMnivedyatAm .. 10..\\
ityeva.n rAvaNenoktAste.amAtyAH suvipashchitaH . 
abruvanrAkShasapatimasAmnidhyaM mahIpateH .. 11..\\
shrutvA vishravasaH putraH paurANAmarjuna.n gatam . 
apasR^ityAgato vindhya.n himavatsaMnibha.n girim .. 12..\\
sa tamabhramivAviShTamudbhrAntamiva medinIm . 
apashyadrAvaNo vindhyamAlikhantamivAmbaram .. 13..\\
sahasrashikharopeta.n si.nhAdhyuShitakandaram . 
prapAta patitaiH shItaiH sATTahAsamivAmbubhiH .. 14..\\
devadAnavagandharvaiH sApsarogaNakiMnaraiH . 
sAha strIbhiH krIDamAnaiH svargabhUtaM mahochchhrayam .. 15..\\
nadIbhiH syandamAnAbhiragatipratima.n jalam . 
sphuTIbhishchalajihvAbhirvamantamiva viShThitam .. 16..\\
ulkAvanta.n darIvanta.n himavatsaMnibhaM girim . 
pashyamAnastato vindhya.n rAvaNo narmadAM yayau .. 17..\\
chalopalajalAM puNyAM pashchimodadhigAminIm . 
mahiShaiH sR^imaraiH si.nhaiH shArdUlarkShagajottamaiH . 
uShNAbhitaptaistR^iShitaiH sa~NkShobhitajalAshayAm .. 18..\\
chakravAkaiH sakAraNDaiH saha.nsajalakukkuTaiH . 
sArasaishcha sadAmattaiH kokUjadbhiH samAvR^itAm .. 19..\\
phulladrumakR^itotta.nsA.n chakravAkayugastanIm . 
vistIrNapulinashroNI.n ha.nsAvalisumekhalAm .. 20..\\
puShpareNvanuliptA~NgI.n jalaphenAmalAMshukAm . 
jalAvagAhasa.nsparshAM phullotpalashubhekShaNAm .. 21..\\
puShpakAdavaruhyAshu narmadA.n saritAM varAm . 
iShTAmiva varAM nArImavagAhya dashAnanaH .. 22..\\
sa tasyAH puline ramye nAnAkusumashobhite . 
upopaviShTaH sachivaiH sArdha.n rAkShasapu~NgavaH . 
narmadA darshaja.n harShamAptavAnrAkShaseshvaraH .. 23..\\
tataH salIlaM prahasAnrAvaNo rAkShasAdhipaH . 
uvAcha sachivA.nstatra mArIchashukasAraNAn .. 24..\\
eSha rashmisahasreNa jagatkR^itveva kA~nchanam . 
tIkShNatApakaraH sUryo nabhaso madhyamAsthitaH . 
mAmAsIna.n viditveha chandrAyAti divAkaraH .. 25..\\
narmadA jalashItashcha sugandhiH shramanAa"sana.h . 
madbhayAdanilo hyeSha vAtyasau susamAhitaH .. 26..\\
iya.n chApi sarichchhreShThA narmadA narma vardhinI . 
lInamInaviha~NgormiH sabhayevA~NganA sthitA .. 27..\\
tadbhavantaH kShatAH shastrairnR^ipairindrasamairyudhi . 
chandanasya raseneva rudhireNa samukShitAH .. 28..\\
te yUyamavagAhadhvaM narmadA.n sharmadAM nR^iNAm . 
mahApadmamukhA mattA ga~NgAmiva mahAgajAH .. 29..\\
asyA.n snAtvA mahAnadyAM pApmAnaM vipramokShyatha .. 30..\\
ahamapyatra puline sharadindusamaprabhe . 
puShpopahara.n shanakaiH kariShyAmi umApateH .. 31..\\
rAvaNenaivamuktAstu mArIchashukasAraNAH . 
samahodaradhUmrAkShA narmadAmavagAhire .. 32..\\
rAkShasendragajaistaistu kShobhyate narmadA nadI . 
vAmanA~njanapadmAdyairga~NgA iva mahAgajaiH .. 33..\\
tataste rAkShasAa.h snaatvaa narmadaayaa varaambhasi . 
uttIrya puShpANyAjahrurbalyartha.n rAvaNasya tu .. 34..\\
narmadA puline ramye shubhrAbhrasadR^ishaprabhe . 
rAkShasendrairmuhUrtena kR^itaH puShpamayo giriH .. 35..\\
puShpeShUpahR^iteShveva rAvaNo rAkShaseshvaraH . 
avatIrNo nadI.n snAtu.n ga~NgAmiva mahAgajaH .. 36..\\
tatra snAtvA cha vidhivajjaptvA japyamanuttamam . 
narmadA salilAttasmAduttatAra sa rAvaNaH .. 37..\\
rAvaNaM prA~njali.n yAntamanvayuH saptarAkShasAH . 
yatra yatra sa yAti sma rAvaNo rAkShasAdhipaH . 
jAmbUnadamaya.n li~Nga.n tatra tatra sma nIyate .. 38..\\
vAlukavedimadhye tu talli~Nga.n sthApya rAvaNaH . 
archayAmAsa gandhaishcha puShpaishchAmR^itagandhibhiH .. 39..\\
tataH satAmArtihara.n haraM paraM 
varaprada.n chandramayUkhabhUShaNam . 
samarchayitvA sa nishAcharo jagau 
prasArya hastAnpraNanarta chAyatAn .. 40..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}