\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 32
narmadA puline yatra rAkShasendraH sa rAvaNaH . 
puShpopahAra.n kurute tasmAddeshAdadUrataH .. 1..\\
arjuno jayatA.n shreShTho mAhiShmatyAH patiH prabhuH . 
krIDite saha nArIbhirnarmadAtoyamAshritaH .. 2..\\
tAsAM madhyagato rAja rarAja sa tato.arjunaH . 
kareNUnA.n sahasrasya madhyastha iva ku~njaraH .. 3..\\
jiGYAsuH sa tu bAhUnA.n sahasrasyottamaM balam . 
rurodha narmadA vegaM bAhubhiH sa tadArjunaH .. 4..\\
kArtavIryabhujAsetu.n tajjalaM prApya nirmalam . 
kUlApahAra.n kurvANaM pratisrotaH pradhAvati .. 5..\\
samInanakramakaraH sapuShpakushasa.nstaraH . 
sa narmadAmbhaso vegaH prAvR^iTkAla ivAbabhau .. 6..\\
sa vegaH kArtavIryeNa sampreShiTa ivAmbhasaH . 
puShpopahAra.n tatsarva.n rAvaNasya jahAra ha .. 7..\\
rAvaNo.ardhasamApta.n tu utsR^ijya niyamaM tadA . 
narmadAM pashyate kAntAM pratikUlA.n yathA priyAm .. 8..\\
pashchimena tu ta.n dR^iShTvA sAgarodgArasaMnibham . 
vardhantamambhaso vegaM pUrvAmAshAM pravishya tu .. 9..\\
tato.anudbhrAntashakunA.n svAbhAvye parame sthitAm . 
nirvikArA~NganAbhAsAM pashyate rAvaNo nadIm .. 10..\\
savyetarakarA~NgulyA sashabda.n cha dashAnanaH . 
vegaprabhavamanveShTu.n so.adishachchhukasAraNau .. 11..\\
tau tu rAvaNasandiShTau bhrAtarau shukasAraNau . 
vyomAntaracharau vIrau prasthitau pashchimonmukhau .. 12..\\
ardhayojanamAtra.n tu gatvA tau tu nishAcharau . 
pashyetAM puruSha.n toye krIDanta.n saha yoShitam .. 13..\\
bR^ihatsAlapratIkasha.n toyavyAkulamUrdhajam . 
madaraktAntanayanaM madanAkAravarchasaM .. 14..\\
nadIM bAhusahasreNa rundhantamarimardanam . 
giriM pAdasahasreNa rundhantamiva medinIm .. 15..\\
bAlAnA.n varanArINAM sahasreNAbhisa.nvR^itam . 
samadAnA.n kareNUnA.n sahasreNeva ku~njaram .. 16..\\
tamadbhutatama.n dR^iShTvA rAkShasau shukasAraNau . 
saMnivR^ittAvupAgamya rAvaNa.n tamathochatuH .. 17..\\
bR^ihatsAlapratIkAshaH ko.apyasau rAkShaseshvara . 
narmadA.n rodhavadruddhvA krIDApayati yoShitaH .. 18..\\
tena bAhusahasreNa saMniruddhajalA nadI . 
sAgarodgArasa~NkAshAnudgArAnsR^ijate muhuH .. 19..\\
ityevaM bhAShamANau tau nishamya shukasAraNau . 
rAvaNo.arjuna ityuktvA uttasthau yuddhalAlasaH .. 20..\\
arjunAbhimukhe tasminprasthite rAkShaseshvare . 
sakR^ideva kR^ito rAvaH saraktaH preShito ghanaiH .. 21..\\
mahodaramahApArshvadhUmrAkShashukasAraNaiH . 
sa.nvR^ito rAkShasendrastu tatrAgAdyatra so.arjunaH .. 22..\\
nAtidIrgheNa kAlena sa tato rAkShaso balI . 
taM narmadA hradaM bhImamAjagAmA~njanaprabhaH .. 23..\\
sa tatra strIparivR^ita.n vAshitAbhiriva dvipam . 
narendraM pashyate rAjA rAkShasAnA.n tadArjunam .. 24..\\
sa roShAdraktanayano rAkShasendro baloddhataH . 
ityevamarjunAmAtyAnAha gambhIrayA girA .. 25..\\
amAtyAH kShipramAkhyAta haihayasya nR^ipasya vai . 
yuddhArtha.n samanuprApto rAvaNo nAma nAmataH .. 26..\\
rAvaNasya vachaH shrutvA mantriNo.athArjunasya te . 
uttasthuH sAyudhAsta.n cha rAvaNa.n vAkyamabruvan .. 27..\\
yuddhasya kAlo viGYAtaH sAdhu bhoH sAdhu rAvaNa . 
yaH kShIba.n strIvR^ita.n chaiva yoddhumichchhAmi no nR^ipam . 
vAshitAmadhyagaM matta.n shArdUla iva ku~njaram .. 28..\\
kShamasvAdya dashagrIva uShyatA.n rajanI tvayA . 
yuddhashraddhA tu yadyasti shvastAta samare.arjunam .. 29..\\
yadi vApi tvarA tubhya.n yuddhatR^iShNAsamAvR^itA . 
nihatyAsmA.nstato yuddhamarjunenopayAsyasi .. 30..\\
tataste rAvaNAmAtyairamAtyAH pArthivasya tu . 
sUditAshchApi te yuddhe bhakShitAshcha bubhukShitaiH .. 31..\\
tato halahalAshabdo narmadA tira Ababhau . 
arjunasyAnuyAtrANA.n rAvaNasya cha mantriNAm .. 32..\\
iShubhistomaraiH shUlairvajrakalpaiH sakarShaNaiH . 
sarAvaNAnardayantaH samantAtsamabhidrutAH .. 33..\\
haihayAdhipayodhAnA.n vega AsItsudAruNaH . 
sanakramInamakarasamudrasyeva nisvanaH .. 34..\\
rAvaNasya tu te.amAtyAH prahastashukasAraNAH . 
kArtavIryabala.n kruddhA nirdahantyagnitejasaH .. 35..\\
arjunAya tu tatkarma rAvaNasya samantriNaH . 
krIDamAnAya kathitaM puruShairdvArarakShibhiH .. 36..\\
uktvA na bhetavyamiti strIjana.n sa tato.arjunaH . 
uttatAra jalAttasmAdga~NgAtoyAdivA~njanaH .. 37..\\
krodhadUShitanetrastu sa tato.arjuna pAvakaH . 
prajajvAla mahAghoro yugAnta iva pAvakaH .. 38..\\
sa tUrNataramAdAya varahemA~Ngado gadAm . 
abhidravati rakShA.nsi tamA.nsIva divAkaraH .. 39..\\
bAhuvikShepakaraNA.n samudyamya mahAgadAm . 
gAruNa.n vegamAsthAya ApapAtaiva so.arjunaH .. 40..\\
tasya marga.n samAvR^itya vindhyo.arkasyeva parvataH . 
sthito vindhya ivAkampyaH prahasto musalAyudhaH .. 41..\\
tato.asya musala.n ghora.n lohabaddhaM madoddhataH . 
prahastaH preShayankruddho rarAsa cha yathAmbudaH .. 42..\\
tasyAgre musalasyAgnirashokApIDasaMnibhaH . 
prahastakaramuktasya babhUva pradahanniva .. 43..\\
AdhAvamAnaM musala.n kArtavIryastadArjunaH . 
nipuNa.n va~nchayAmAsa sagado gajavikramaH .. 44..\\
tatastamabhidudrAva prahasta.n haihayAdhipaH . 
bhrAmayANo gadA.n gurvIM pa~nchabAhushatochchhrayAm .. 45..\\
tenAhato.ativegena prahasto gadayA tadA . 
nipapAta sthitaH shailo vajrivajrahato yathA .. 46..\\
prahastaM patita.n dR^iShTvA mArIchashukasAara.naa.h . 
samahodaradhUmrAkShA apasR^iptA raNAjirAt .. 47..\\
apakrAnteShvamAtyeShu prahaste cha nipAtite . 
rAvaNo.abhyadravattUrNamarjunaM nR^ipasattamam .. 48..\\
sahasrabAhostadyuddha.n viMshadbAhoshcha dAruNam . 
nR^iparAkShasayostatra Arabdha.n lomaharShaNam .. 49..\\
sAgarAviva sa~NkShubdhau chalamUlAvivAchalau . 
tejoyuktAvivAdityau pradahantAvivAnalau .. 50..\\
baloddhatau yathA nAgau vAshitArthe yathA vR^iShau . 
meghAviva vinardantau si.nhAviva balotkaTau .. 51..\\
rudrakAlAviva kruddhau tau tathA rAkasArjunau . 
paraspara.n gadAbhyAM tau tADayAmAsaturbhR^isham .. 52..\\
vajraprahArAnachalA yathA ghorAnviShehire . 
gadAprahArA.nstadvattau sahete nararAkShasau .. 53..\\
yathAshaniravebhyastu jAyate vai pratishrutiH . 
tathA tAbhyA.n gadApAtairdishaH sarvAH pratishrutAH .. 54..\\
arjunasya gadA sA tu pAtyamAnAhitorasi . 
kA~nchanAbhaM nabhashchakre vidyutsaudAmanI yathA .. 55..\\
tathaiva rAvaNenApi pAtyamAnA muhurmuhuH . 
arjunorasi nirbhAti gadokleva mahAgirau .. 56..\\
nArjunaH khedamApnoti na rAkShasagaNeshvaraH . 
samamAsIttayoryuddha.n yathA pUrvaM balIndrayoH .. 57..\\
shR^i~NgairmaharShabhau yadvaddantAgrairiva ku~njarau . 
paraspara.n vinighnantau nararAkShasasattamau .. 58..\\
tato.arjunena kruddhena sarvaprANena sA gadA . 
stanayorantare muktA rAvaNasya mahAhave .. 59..\\
varadAnakR^itatrANe sA gadA rAvaNorasi . 
durbaleva yathA senA dvidhAbhUtApatatkShitau .. 60..\\
sa tvarjunapramuktena gadApAtena rAvaNaH . 
apAsarpaddhanurmAtraM niShasAada ca ni.s.tanan .. 61..\\
sa vihvala.n tadAlakShya dashagrIvaM tato.arjunaH . 
sahasA pratijagrAha garutmAniva pannagam .. 62..\\
sa taM bAhusahasreNa balAdgR^ihya dashAnanam . 
babandha balavAnrAjA baliM nArAyaNo yathA .. 63..\\
badhyamAne dashagrIve siddhachAraNadevatAH . 
sAdhvIti vAdinaH puShpaiH kirantyarjunamUrdhani .. 64..\\
vyAghro mR^igamivAdAya si.nharAD iva dantinam . 
rarAsa haihayo rAjA harShAdambudavanmuhuH .. 65..\\
prahastastu samAshvasto dR^iShTvA baddha.n dashAnanam . 
saha tai rAkasaiH kruddha abhidudrAva pArthivam .. 66..\\
nakta~ncarANA.n vegastu teShAmApatatAM babhau . 
uddhR^ita AtapApAye samudrANAmivAdbhutaH .. 67..\\
mu~ncha mu~ncheti bhAShantastiShTha tiShTheti chAsakR^it . 
musalAni cha shUlAni utsasarjustadArjune .. 68..\\
aprAptAnyeva tAnyAshu asambhrAntastadArjunaH . 
AyudhAnyamarArINA.n jagrAha ripusUdanaH .. 69..\\
tatastaireva rakShA.nsi durdharaiH pravarAyudhaiH . 
bhittvA vidrAvayAmAsa vAyurambudharAniva .. 70..\\
rAkShasA.nstrAsayitvA tu kArtavIryArjunastadA . 
rAvaNa.n gR^ihya nagaraM pravivesha suhR^idvR^itaH .. 71..\\
sa kIryamANaH kusumAkShatotkarair 
dvijaiH sapauraiH puruhUtasaMnibhaH . 
tadArjunaH sampravivesha tAM purIM 
baliM nigR^ihyaiva sahasralochanaH .. 72..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}