\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 4
shrutvAgastyerita.n vAkyaM rAmo vismayamAgataH . 
pUrvamAsIttu la~NkAyA.n rakShasAmiti sambhavaH .. 1..\\
tataH shiraH kampayitvA tretAgnisamavigraham . 
agastya.n taM muhurdR^iShTvA smayamAno.abhyabhAShata .. 2..\\
bhagavanpUrvamapyeShA la~NkAsItpishitAshinam . 
itIdaM bhavataH shrutvA vismayo janito mama .. 3..\\
pulastyavaMshAdudbhUtA rAkShasA iti naH shrutam . 
idAnImanyatashchApi sambhavaH kIrtitastvayA .. 4..\\
rAvaNAtkumbhakarNAchcha prahastAdvikaTAdapi . 
rAvaNasya cha putrebhyaH kiM nu te balavattarAH .. 5..\\
ka eShAM pUrvako brahmankiMnAmA kintapobalaH . 
aparAdha.n cha kaM prApya viShNunA drAvitAH purA .. 6..\\
etadvistarataH sarva.n kathayasva mamAnagha . 
kautUhala.n kR^itaM mahyaM nuda bhAnuryathA tamaH .. 7..\\
rAghavasya tu tachchhrutvA sa.nskArAla~NkR^ita.n vachaH . 
IShadvismayamAnastamagastyaH prAha rAghavam .. 8..\\
prajApatiH purA sR^iShTvA apaH salilasambhavaH . 
tAsA.n gopAyano sattvAnasR^ijatpadmasambhavaH .. 9..\\
te sattvAH sattvakartAra.n vinItavadupasthitAH . 
ki.n kurma iti bhAShantaH kShutpipAsA bhayArditAH .. 10..\\
prajApatistu tAnyAha sattvAhi prahasanniva . 
AbhAShya vAchA yatnena rakShadhvamiti mAnadaH .. 11..\\
rakShAma iti tatrAnyairyakShAmeti tathAparaiH . 
bhu~NkShitAbhu~NkShitairuktastatastAnAha bhUtakR^it .. 12..\\
rakShAma iti yairukta.n rAkShasAste bhavantu vaH . 
yakShAma iti yairukta.n te vai yakShA bhavantu vaH .. 13..\\
tatra hetiH prahetishcha bhrAtarau rAkShasarShabhau . 
madhukaiTabhasa~NkAshau babhUvaturarindamau .. 14..\\
prahetirdhArmikastatra na dArAnso.abhikA~NkShati . 
hetirdArakriyArtha.n tu yatnaM paramathAkarot .. 15..\\
sa kAlabhaginI.n kanyAM bhayAM nAma bhayAvahAm . 
udAvahadameyAtmA svayameva mahAmatiH .. 16..\\
sa tasyA.n janayAmAasa hetii raak.sasapu.mgava.h . 
putraM putravatA.n shreShTho vidyutkesha iti shrutam .. 17..\\
vidyutkesho hetiputraH pradIptAgnisamaprabhaH . 
vyavardhata mahAtejAstoyamadhya ivAmbujam .. 18..\\
sa yadA yauvanaM bhadramanuprApto nishAcharaH . 
tato dArakriyA.n tasya kartu.n vyavasitaH pitA .. 19..\\
sandhyAduhitara.n so.atha sandhyAtulyAM prabhAvataH . 
varayAmAsa putrArtha.n hetI rAkShasapu~NgavaH .. 20..\\
avashyameva dAtavyA parasmai seti sandhyayA . 
chintayitvA sutA dattA vidyutkeshAya rAghava .. 21..\\
sandhyAyAstanayA.n labdhvA vidyutkR^iSho nishAcharaH . 
ramate sa tayA sArdhaM paulomyA maghavAniva .. 22..\\
kena chittvatha kAlena rAma sAlakaTa~NkaTA . 
vidyutkeshAdgarbhamApa ghanarAjirivArNavAt .. 23..\\
tataH sA rAkShasI garbha.n ghanagarbhasamaprabham . 
prabhUtA mandara.n gatvA ga~NgA garbhamivAgnijam .. 24..\\
tamutsR^ijya tu sA garbha.n vidyutkeshAdratArthinI . 
reme sA patinA sArdha.n vismR^itya sutamAtmajam .. 25..\\
tayotsR^iShTaH sa tu shishuH sharadarkasamadyutiH . 
pANimAsye samAdhAya ruroda ghanarAD iva .. 26..\\
athopariShTAdgachchhanvai vR^iShabhastho haraH prabhuH . 
apashyadumayA sArdha.n rudantaM rAkShasAtmajam .. 27..\\
kAruNyabhAvAtpArvatyA bhavastripurahA tataH . 
ta.n rAkShasAtmaja.n chakre mAtureva vayaH samam .. 28..\\
amara.n chaiva taM kR^itvA mahAdevo.akShayo.avyayaH . 
puramAkAshagaM prAdAtpArvatyAH priyakAmyayA .. 29..\\
umayApi varo datto rAkShasInAM nR^ipAtmaja . 
sadyopalabhirgarbhasya prasUtiH sadya eva cha . 
sadya eva vayaHprAptirmAtureva vayaH samam .. 30..\\
tataH sukesho varadAnagarvitaH 
shriyaM prabhoH prApya harasya pArshvataH . 
chachAra sarvatra mahAmatiH khagaH 
khagaM puraM prApya purandaro yathA .. 31..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}