\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 40
visR^ijya cha mahAbAhurR^ikShavAnararAkShasAn . 
bhrAtR^ibhiH sahito rAmaH pramumoda sukhI sukham .. 1..\\
athAparAhNasamaye bhrAtR^ibhiH saha rAghavaH . 
shushrAva madhurA.n vANImantarikShAtprabhAShitAm .. 2..\\
saumya rAma nirIkShasva saumyena vadanena mAm . 
kailAsashikharAtprApta.n viddhi mAM puShkaraM prabho .. 3..\\
tava shAsanamAGYAya gato.asmi dhanadaM prati . 
upasthAtuM narashreShTha sa cha mAM pratyabhAShata .. 4..\\
nirjitastvaM narendreNa rAghaveNa mahAtmanA . 
nihatya yudhi durdharSha.n rAvaNaM rAkShasAdhipam .. 5..\\
mamApi paramA prItirhate tasmindurAtmani . 
rAvaNe sagaNe saumya saputrAmAtyabAndhave .. 6..\\
sa tva.n rAmeNa la~NkAyAM nirjitaH paramAtmanA . 
vaha saumya tameva tvamahamAGYApayAmi te .. 7..\\
eSha me paramaH kAmo yattva.n rAghavanandanam . 
vaherlokasya sa.nyAna.n gachchhasva vigatajvaraH .. 8..\\
tachchhAsanamaha.n GYAtvA dhanadasya mahAtmanaH . 
tvatsakAshaM punaH prAptaH sa evaM pratigR^ihNa mAm .. 9..\\
bADhamityeva kAkutsthaH puShpaka.n samapUjayat . 
lAjAkShataishcha puShpaishcha gandhaishcha susugandhibhiH .. 10..\\
gamyatA.n cha yathAkAmamAgachchhestva.n yadA smare . 
evamastviti rAmeNa visR^iShTaH puShpakaH punaH . 
abhipretA.n dishaM prAyAtpuShpakaH puShpabhUShitaH .. 11..\\
evamantarhite tasminpuShpake vividhAtmani . 
bharataH prA~njalirvAkyamuvAcha raghunandanam .. 12..\\
atyadbhutAni dR^ishyante tvayi rAjyaM prashAsati . 
amAnuShANA.n sattvAnAM vyAhR^itAni muhurmuhuH .. 13..\\
anAmayAchcha martyAnA.n sAgro mAso gato hyayam . 
jIrNAnAmapi sattvAnAM mR^ityurnAyAti rAghava .. 14..\\
putrAnnAryaH prasUyante vapuShmantashcha mAnavAH . 
harShashchAbhyadhiko rAja~njanasya puravAsinaH .. 15..\\
kAle cha vAsavo varShaM pAtayatyamR^itopamam . 
vAyavashchApi vAyante sparshavantaH sukhapradAH .. 16..\\
IdR^isho nashchira.n rAjA bhavatviti nareshvara . 
kathayanti pure paurA janA janapadeShu cha .. 17..\\
etA vAchaH sumadhurA bharatena samIritAH . 
shrutvA rAmo mudA yuktaH pramumoda sukhI sukham .. 18..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}