\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 41
sa visR^ijya tato rAmaH puShpaka.n hemabhUShitam . 
pravivesha mahAbAhurashokavanikA.n tadA .. 1..\\
chandanAgaru chUtaishcha tu~Nga kAleyakairapi . 
devadAruvanaishchApi samantAdupashobhitAm .. 2..\\
priya~NgubhiH kadambaishcha tathA kurabakairapi . 
jambUbhiH pATalIbhishcha kovidAraishcha sa.nvR^itAm .. 3..\\
sarvadA kusumai ramyaiH phalavadbhirmanoramaiH . 
chArupallavapuShpADhyairmattabhramarasa~NkulaiH .. 4..\\
kokilairbhR^i~NgarAjaishcha nAnAvarNaishcha pakShibhiH . 
shobhitA.n shatashashchitraishchUtavR^ikShAvata.nsakaiH .. 5..\\
shAtakumbhanibhAH ke chitke chidagnishikhopamAH . 
nIlA~njananibhAshchAnye bhAnti tatra sma pAdapAH .. 6..\\
dIrghikA vividhAkArAH pUrNAH paramavAriNA . 
mahArhamaNisopAnasphaTikAntarakuTTimAH .. 7..\\
phullapadmotpalavanAshchakravAkopashobhitAH . 
prAkArairvividhAkAraiH shobhitAshcha shilAtalaiH .. 8..\\
tatra tatra vanoddeshe vaidUryamaNisaMnibhaiH . 
shAdvalaiH paramopetAH puShpitadrumasa.nyutAH .. 9..\\
nandana.n hi yathendrasya brAhma.n chaitrarathaM yathA . 
tathArUpa.n hi rAmasya kAnana.n tanniveshitam .. 10..\\
bahvAsanagR^ihopetA.n latAgR^ihasamAvR^itAm . 
ashokavanikA.n sphItAM pravishya raghunandanaH .. 11..\\
Asane tu shubhAkAre puShpastabakabhUShite . 
kuthAstaraNasa.nvIte rAmaH saMniShasAda ha .. 12..\\
sItA.n sa~NgR^ihya bAhubhyAM madhumaireyamuttamam . 
pAyayAmAsa kAkutsthaH shachImindro yathAmR^itam .. 13..\\
mA.nsAni cha vichitrANi phalAni vividhAni cha . 
rAmasyAbhyavahArArtha.n ki~NkarAstUrNamAharan .. 14..\\
upanR^ityanti rAjAnaM nR^ityagItavishAradAH . 
bAlAshcha rUpavatyashcha striyaH pAnavasha.n gatAH .. 15..\\
eva.n rAmo mudA yuktA sItAM suruchirAnanAm . 
ramayAmAsa vaidehIm ahanyahani devavat .. 16..\\
tathA tu ramamANasya tasyaiva.n shishiraH shubhaH . 
atyakrAmannarendrasya rAghavasya mahAtmanaH .. 17..\\
pUrvAhNe paurakR^ityAni kR^itvA dharmeNa dharmavit . 
sheSha.n divasabhAgArdhamantaHpuragato.abhavat .. 18..\\
sItA cha devakAryANi kR^itvA paurvAhNikAni tu . 
shvashrUNAmavisheSheNa sarvAsAM prA~njaliH sthitA .. 19..\\
tato rAmamupAgachchhadvichitrabahubhUShaNA . 
triviShTape sahasrAkShamupaviShTa.n yathA shachI .. 20..\\
dR^iShTvA tu rAghavaH patnI.n kalyANena samanvitAm . 
praharShamatula.n lebhe sAdhu sAdhviti chAbravIt .. 21..\\
apatyalAbho vaidehi mamAya.n samupasthitaH . 
kimichchhasi hi tadbrUhi kaH kAmaH kriyatA.n tava .. 22..\\
prahasantI tu vaidehI rAma.n vAkyamathAbravIt . 
tapovanAni puNyAni draShTumichchhAmi rAghava .. 23..\\
ga~NgAtIre niviShTAni R^iShINAM puNyakarmaNAm . 
phalamUlAshinA.n vIra pAdamUleShu vartitum .. 24..\\
eSha me paramaH kAmo yanmUlaphalabhojiShu . 
apyekarAtra.n kAkutstha vaseyaM puNyashAliShu .. 25..\\
tatheti cha pratiGYAta.n rAmeNAkliShTakarmaNA . 
visrabdhA bhava vaidehi shvo gamiShyasyasaMshayam .. 26..\\
evamuktvA tu kAkutstho maithilI.n janakAtmajAm . 
madhyakakShAntara.n rAmo nirjagAma suhR^idvR^itaH .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}