\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 52
tataH sumantrastvAgamya rAghava.n vAkyamabravIt . 
ete nivAritA rAjandvAri tiShThanti tApasAH .. 1..\\
bhArgava.n chyavanaM nAma puraskR^itya maharShayaH . 
darshana.n te mahArAja chodayanti kR^itatvarAH . 
prIyamANA naravyAghra yamunAtIravAsinaH .. 2..\\
tasya tadvachana.n shrutvA rAmaH provAcha dharmavit . 
praveshyantAM mahAtmAno bhArgavapramukhA dvijAH .. 3..\\
rAGYastvAGYAM puraskR^itya dvAHstho mUrdhni kR^itA~njaliH . 
praveshayAmAsa tatastApasAnsaMmatAnbahUn .. 4..\\
shata.n samadhika.n tatra dIpyamAnaM svatejasA . 
praviShTa.n rAjabhavana.n tApasAnAM mahAtmanAm .. 5..\\
te dvijAH pUrNakalashaiH sarvatIrthAmbusatkR^itam . 
gR^ihItvA phalamUla.n cha rAmasyAbhyAharanbahu .. 6..\\
pratigR^ihya tu tatsarva.n rAmaH prItipuraskR^itaH . 
tIrthodakAni sarvANi phalAni vividhAni cha .. 7..\\
uvAcha cha mahAbAhuH sarvAneva mahAmunIn . 
imAnyAsanamukhyAni yathArhamupavishyatAm .. 8..\\
rAmasya bhAShita.n shrutvA sarva eva maharShayaH . 
bR^isIShu ruchirAkhyAsu niSheduH kA~nchanIShu te .. 9..\\
upaviShTAnR^iShI.nstatra dR^iShTvA parapura~njayaH . 
prayataH prA~njalirbhUtvA rAghavo vAkyamabravIt .. 10..\\
kimAgamanakarya.n vaH ki.n karomi tapodhanAH . 
AGYApyo.ahaM maharShINA.n sarvakAmakaraH sukham .. 11..\\
ida.n rAjya.n cha sakalaM jIvitaM cha hR^idi sthitam . 
sarvametaddvijArthaM me satyametadbravImi vaH .. 12..\\
tasya tadvachana.n shrutvA sAdhuvAdo mahAnabhUt . 
R^iShINAmugratapasA.n yamunAtIravAsinAm .. 13..\\
Uchushcha te mahAtmAno harSheNa mahatAnvitAH . 
upapannaM narashreShTha tavaiva bhuvi nAnyataH .. 14..\\
bahavaH pArthivA rAjannatikrAntA mahAbalAH . 
kAryagauravamashrutvA pratiGYAM nAbhyarochayan .. 15..\\
tvayA punarbrAhmaNa gauravAdiyaM 
kR^itvA pratiGYA hyanavekShya kAraNam . 
kuruShva kartA hyasi nAtra saMshayo 
mahAbhayAttrAtumR^iShI.nstvamarhasi .. 16..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}