\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 56
evamuktvA tu kAkutsthaM prashasya cha punaH punaH . 
punarevApara.n vAkyamuvAcha raghunandanaH .. 1..\\
imAnyashvasahasrANi chatvAri puruSharShabha . 
rathAnA.n cha sahasre dve gajAnA.n shatameva cha .. 2..\\
antarApaNavIthyashcha nAnApaNyopashobhitAH . 
anugachchhantu shatrughna tathaiva naTanartakAH .. 3..\\
hiraNyasya suvarNasya ayutaM puruSharShabha . 
gR^ihItvA gachchha shatrughna paryAptadhanavAhanaH .. 4..\\
bala.n cha subhR^ita.n vIra hR^iShTapuShTamanuttamam . 
sambhAShya sampradAnena ra~njayasva narottama .. 5..\\
na hyarthAstatra tiShThanti na dArA na cha bAndhavAH . 
suprIto bhR^ityavargastu yatra tiShThati rAghava .. 6..\\
ato hR^iShTajanAkIrNAM prasthApya mahatI.n chamUm . 
eka eva dhanuShpAnistadgachchha tvaM madhorvanam .. 7..\\
yathA tvAM na prajAnAti gachchhanta.n yuddhakA~NkShiNam . 
lavaNastu madhoH putrastathA gachchherasha~NkitaH .. 8..\\
na tasya mR^ityuranyo.asti kashchiddhi puruSharShabha . 
darshana.n yo.abhigachchheta sa vadhyo lavaNena hi .. 9..\\
sa grIShme vyapayAte tu varSharAtra upasthite . 
hanyAstva.n lavaNaM saumya sa hi kAlo.asya durmateH .. 10..\\
maharShI.nstu puraskR^itya prayAntu tava sainikAH . 
yathA grIShmAvasheSheNa tareyurjAhnavIjalam .. 11..\\
tataH sthApya bala.n sarvaM nadItIre samAhitaH . 
agrato dhanuShA sArdha.n gachchha tva.n laghuvikrama .. 12..\\
evamuktastu rAmeNa shatrughnastAnmahAbalAn . 
senAmukhyAnsamAnIya tato vAkyamuvAcha ha .. 13..\\
ete vo gaNitA vAsA yatra yatra nivatsyatha . 
sthAtavya.n chAvirodhena yathA bAdhA na kasya chit .. 14..\\
tathA tA.nstu samAGYApya niryApya cha mahadbalam . 
kausalyA.n cha sumitrAM cha kaukeyIM chAbhyavAdayat .. 15..\\
rAmaM pradakShiNa.n kR^itvA shirasAbhipraNamya cha . 
rANeNa chAbhyanuGYAtaH shatrughnaH shatrutApanaH .. 16..\\
lakShmaNaM bharata.n chaiva praNipatya kR^itA~njaliH . 
purodhasa.n vasiShTha.n cha shatrughnaH prayatAtmavAn . 
pradakShiNamatho kR^itvA nirjagAma mahAbalaH .. 17..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}