\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 61
tachchhrutvA bhAShita.n tasya shatrughnasya mahAtmanaH . 
krodhamAhArayattIvra.n tiShTha tiShTheti chAbravIt .. 1..\\
pANau pANi.n viniShpiShya dantAnkaTakaTAyya cha . 
lavaNo raghushArdUlamAhvayAmAsa chAsakR^it .. 2..\\
taM bruvANa.n tathA vAkya.n lavaNaM ghoravikramam . 
shatrughno deva shatrughna ida.n vachanamabravIt .. 3..\\
shatrughno na tadA jAto yadAnye nirjitAstvayA . 
tadadya bANAbhihato vraja ta.n yamasAdanam .. 4..\\
R^iShayo.apyadya pApAtmanmayA tvAM nihata.n raNe . 
pashyantu viprA vidvA.nsastridashA iva rAvaNam .. 5..\\
tvayi madbANanirdagdhe patite.adya nishAchara . 
pura.n janapadaM chApi kShemametadbhaviShyati .. 6..\\
adya madbAhuniShkrAntaH sharo vajranibhAnanaH . 
pravekShyate te hR^idayaM padmamaMshurivArkajaH .. 7..\\
evamukto mahAvR^ikSha.n lavaNaH krodhamUrchhitaH . 
shatrughnorasi chikShepa ta.n shUraH shatadhAchchhinat .. 8..\\
taddR^iShTvA viphala.n karma rAkShasaH punareva tu . 
pAdapAnsubahUngR^ihya shatrughne vyasR^ijadbalI .. 9..\\
shatrughnashchApi tejasvI vR^ikShAnApatato bahUn . 
tribhishchaturbhirekaika.n chichchheda nataparvabhiH .. 10..\\
tato bANamaya.n varShaM vyasR^ijadrAkShasorasi . 
shatrughno vIryasampanno vivyathe na cha rAkShasaH .. 11..\\
tataH prahasya lavaNo vR^ikShamutpATya lIlayA . 
shirasyabhyahanachchhUra.n srastA~NgaH sa mumoha vai .. 12..\\
tasminnipatite vIre hAhAkAro mahAnabhUt . 
R^iShINA.n deva sa~NghAnAM gandharvApsarasAm api .. 13..\\
tamavaGYAya tu hata.n shatrughnaM bhuvi pAtitam . 
rakSho labdhAntaramapi na vivesha svamAlayam .. 14..\\
nApi shUlaM prajagrAha ta.n dR^iShTvA bhuvi pAtitam . 
tato hata iti GYAtvA tAnbhakShAnsamudAvahat .. 15..\\
muhUrtAllabdhasa.nj~nastu punastasthau dhR^itAyudhaH . 
shatrughno rAkShasadvAri R^iShibhiH samprapUjitaH .. 16..\\
tato divyamamogha.n taM jagrAha sharamuttamam . 
jvalanta.n tejasA ghoraM pUrayantaM disho dasha .. 17..\\
vajrAnana.n vajravegaM merumandara gauravam . 
nataM parvasu sarveShu sa.nyugeShvaparAjitam .. 18..\\
asR^ikchandanadigdhA~Nga.n chArupatraM patatriNam . 
dAnavendrAchalendrANAmasurANA.n cha dAruNam .. 19..\\
ta.n dIptamiva kAlAgni.n yugAnte samupasthite . 
dR^iShTvA sarvANi bhUtAni paritrAsamupAgaman .. 20..\\
sadevAsuragandharva.n samuniM sApsarogaNam . 
jagaddhi sarvamasvasthaM pitAmahamupasthitam .. 21..\\
Uchushcha devadevesha.n varadaM prapitAmaham . 
kachchillokakShayo deva prApto vA yugasa~NkayaH .. 22..\\
nedR^isha.n dR^iShTapUrvaM na shruta.n vA prapitAmaha . 
devAnAM bhayasaMmoho lokAnA.n sa~NkShayaH prabho .. 23..\\
teShA.n tadvachana.n shrutvA brahmA lokapitAmanaH . 
bhayakAraNamAchaShTe devAnAmabhaya~NkaraH .. 24..\\
vadhAya lavaNasyAjau sharaH shatrughnadhAritaH . 
tejasA yasya sarve sma saMmUDhAH surasattamAH .. 25..\\
eSho hi pUrva.n devasya lokakartuH sanAtanaH . 
sharastejomayo vatsA yena vai bhayamAgatam .. 26..\\
eSha vai kaiTabhasyArthe madhunashcha mahAsharaH . 
sR^iShTo mahAtmanA tena vadhArtha.n daityayostayoH .. 27..\\
evametaM prajAnIdhva.n viShNostejomayaM sharam . 
eShA chaiva tanuH pUrvA viShNostasya mahAtmanaH .. 28..\\
ito gachchhatA pashyadhva.n vadhyamAnaM mahAtmanA . 
rAmAnujena vIreNa lavaNa.n rAkShasottamam .. 29..\\
tasya te devadevasya nishamya madhurA.n giram . 
Ajagmuryatra yudhyete shatrughnalavaNAvubhau .. 30..\\
ta.n shara.n divyasa~NkAshaM shatrughnakaradhAritam . 
dadR^ishuH sarvabhUtAni yugAntAgnimivotthitam .. 31..\\
AkAshamAvR^ita.n dR^iShTvA devairhi raghunandanaH . 
si.nhanAdaM muhuH kR^itvA dadarsha lavaNaM punaH .. 32..\\
AhUtashcha tatastena shatrughnena mahAtmanA . 
lavaNaH krodhasa.nyukto yuddhAya samupasthitaH .. 33..\\
AkarNAtsa vikR^iShyAtha taddhanurdhanvinA.n varaH . 
sa mumocha mahAbANa.n lavaNasya mahorasi . 
urastasya vidAryAshu pravivesha rasAtalam .. 34..\\
gatvA rasAtala.n divya.n sharo vibudhapUjitaH . 
punarevAgamattUrNamikShvAkukulanandanam .. 35..\\
shatrughnasharanirbhinno lavaNaH sa nishAcharaH . 
papAta sahasA bhUmau vajrAhata ivAchalaH .. 36..\\
tachcha divyaM mahachchhUla.n hate lavaNarAkShase . 
pashyatA.n sarvabhUtAnAM rudrasya vashamanvagAt .. 37..\\
ekeShupAtena bhayaM nihatya 
lokatrayasyAsya raghupravIraH . 
vinirbabhAvudyatachApabANas 
tamaH praNudyeva sahasrarashmiH .. 38..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}