\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 7
nArAyaNagiri.n te tu garjanto rAkShasAmbudAH . 
avarShanniShuvarSheNa varSheNAdrimivAmbudAH .. 1..\\
shyAmAvadAtastairviShNurnIlairnakta~ncarottamaiH . 
vR^ito.a~njanagirIvAsIdvarShamANaiH payodharaiH .. 2..\\
shalabhA iva kedAraM mashakA iva parvatam . 
yathAmR^itaghaTa.n jIvA makarA iva chArNavam .. 3..\\
tathA rakShodhanurmuktA vajrAnilamanojavAH . 
hari.n vishanti sma sharA lokAstamiva paryaye .. 4..\\
syandanaiH syandanagatA gajaishcha gajadhUrgatAH . 
ashvArohAH sadashvaishcha pAdAtAshchAmbare charAH .. 5..\\
rAkShasendrA girinibhAH sharashaktyR^iShTitomaraiH . 
niruchchhvAsa.n hari.n chakruH prANAyAma iva dvijam .. 6..\\
nishAcharaistudyamAno mInairiva mahAtimiH . 
shAr~NgamAyamya gAtrANi rAkShasAnAM mahAhave .. 7..\\
sharaiH pUrNAyatotsR^iShTairvajravaktrairmanojavaiH . 
chichchheda tilasho viShNuH shatasho.atha sahasrashaH .. 8..\\
vidrAvya sharavarSha.n ta.n varShaM vAyurivotthitam . 
pA~nchajanyaM mahAsha~NkhaM pradadhmau puruShottamaH .. 9..\\
so.ambujo hariNA dhmAtaH sarvaprANena sha~NkharAT . 
rarAsa bhImanihrAdo yugAnte jalado yathA .. 10..\\
sha~NkharAjavachaH so.atha trAsayAmAsa rAkShasAn . 
mR^igarAja ivAraNye samadAniva ku~njarAn .. 11..\\
na shekurashvAH sa.nsthAtu.n vimadAH ku~njarAbhavan . 
syandanebhyashchyutA yodhAH sha~NkharAvitadurbalAH .. 12..\\
shAr~NgachApavinirmuktA vajratulyAnanAH sharAH . 
vidArya tAni rakShA.nsi supu~NkhA vivishuH kShitim .. 13..\\
bhidyamAnAH sharaishchAnye nArAyaNadhanushchyutaiH . 
nipetU rAkShasA bhImAH shailA vajrahatA iva .. 14..\\
vraNairvraNakarArINAmadhokShajasharodbhavaiH . 
asR^ikkSharanti dhArAbhiH svarNadhArAmivAchalAH .. 15..\\
sha~NkharAjaravashchApi shAr~NgachAparavastathA . 
rAkShasAnA.n ravAMshchApi grasate vaiShNavo ravaH .. 16..\\
sUryAdiva karA ghorA UrmayaH sAgarAdiva . 
parvatAdiva nAgendrA vAryoghA iva chAmbudAt .. 17..\\
tathA bANA vinirmuktAH shAr~NgAnnarAyaNeritAH . 
nirdhAvantIShavastUrNa.n shatasho.atha sahasrashaH .. 18..\\
sharabheNa yathA si.nhAH si.nhena dviradA yathA . 
dviradena yathA vyAghrA vyAghreNa dvIpino yathA .. 19..\\
dvIpinA cha yathA shvAnaH shunA mArjarakA yathA . 
mArjAreNa yathA sarpAH sarpeNa cha yathAkhavaH .. 20..\\
tathA te rAkShasA yuddhe viShNunA prabhaviShNunA . 
dravanti drAvitAshchaiva shAyitAshcha mahItale .. 21..\\
rAkShasAnA.n sahasrANi nihatya madhusUdanaH . 
vArijaM nAdayAmAsa toyada.n surarAD iva .. 22..\\
nArAyaNasharagrasta.n sha~NkhanAdasuvihvalam . 
yayau la~NkAmabhimukhaM prabhagna.n rAkShasaM balam .. 23..\\
prabhagne rAkShasabale nArAyaNasharAhate . 
sumAlI sharavarSheNa AvavAra raNe harim .. 24..\\
utkShipya hemAbharaNa.n karaM karamiva dvipaH . 
rarAsa rAkShaso harShAtsataDittoyado yathA .. 25..\\
sumAlernardatastasya shiro jvalitakuNDalam . 
chichchheda yanturashvAshcha bhrAntAstasya tu rakShasaH .. 26..\\
tairashvairbhrAmyate bhrAntaiH sumAlI rAkShaseshvaraH . 
indriyAshvairyathA bhrAntairdhR^itihIno yathA naraH .. 27..\\
mAlI chAbhyadravadyuddhe pragR^ihya sashara.n dhanuH . 
mAlerdhanushchyutA bANAH kArtasvaravibhUShitAH . 
vivishurharimAsAdya krau~nchaM patrarathA iva .. 28..\\
ardyamAnaH sharaiH so.atha mAlimuktaiH sahasrashaH . 
chukShubhe na raNe viShNurjitendriya ivAdhibhiH .. 29..\\
atha maurvI svana.n kR^itvA bhagavAnbhUtabhAvanaH . 
mAlinaM prati bANaughAnsasarjAsigadAdharaH .. 30..\\
te mAlidehamAsAdya vajravidyutprabhAH sharAH . 
pibanti rudhira.n tasya nAgA iva purAmR^itam .. 31..\\
mAlina.n vimukha.n kR^itvA mAlimauliM harirbalAt . 
ratha.n cha sadhvajaM chApa.n vAjinashcha nyapAtayat .. 32..\\
virathastu gadA.n gR^ihya mAlI nakta~ncarottamaH . 
Apupluve gadApANirgiryagrAdiva keSharI .. 33..\\
sa tayA garuDa.n sa~Nkhye IshAnamiva chAntakaH . 
lalATadeshe.abhyahanadvajreNendro yathAchalam .. 34..\\
gadayAbhihatastena mAlinA garuDo bhR^isham . 
raNAtparA~Nmukha.n devaM kR^itavAnvedanAturaH .. 35..\\
parA~Nmukhe kR^ite deve mAlinA garuDena vai . 
udatiShThanmahAnAdo rakShasAmabhinardatAm .. 36..\\
rakShasAM nadatAM nAda.n shrutvA harihayAnujaH . 
parA~Nmukho.apyutsasarja chakraM mAlijighA.nsayA .. 37..\\
tatsUryamaNDalAbhAsa.n svabhAsA bhAsayannabhaH . 
kAlachakranibha.n chakraM mAleH shIrShamapAtayat .. 38..\\
tachchhiro rAkShasendrasya chakrotkR^itta.n vibhIShaNam . 
papAta rudhirodgAri purA rAhushiro yathA .. 39..\\
tataH suraiH susa.nhR^iShTaiH sarvaprANasamIritaH . 
si.nhanAdaravo muktaH sAdhu deveti vAdibhiH .. 40..\\
mAlinaM nihata.n dR^iShTvA sumAlI malyavAnapi . 
sabalau shokasantaptau la~NkAa.m prati vidhaavitau .. 41..\\
garuNastu samAshvastaH saMnivR^itya mahAmanAH . 
rAkShasAndrAvayAmAsa pakShavAtena kopitaH .. 42..\\
nArAyaNo.apIShuvarAshanIbhir 
vidArayAmAsa dhanuHpramuktaiH . 
nakta~ncarAnmuktavidhUtakeshAn 
yathAshanIbhiH sataDinmahendraH .. 43..\\
bhinnAtapatraM patamAnashastraM 
sharairapadhvastavishIrNadeham . 
viniHsR^itAntraM bhayalolanetraM 
bala.n tadunmattanibhaM babhUva .. 44..\\
si.nhArditAnAmiva ku~njarANAM 
nishAcharANA.n saha ku~njarANAm . 
ravAshcha vegAshcha samaM babhUvuH 
purANasi.nhena vimarditAnAm .. 45..\\
sa~nchAdyamAnA haribANajAlaiH 
svabANajAalaani samuts.rjanta.h . 
dhAvanti nakta~ncarakAlameghA 
vAyupraNunnA iva kAlameghAH .. 46..\\
chakraprahArairvinikR^ittashIrShAH 
sa~ncUrNitA~NgAshcha gadAprahAraiH . 
asiprahArairbahudhA vibhaktAH 
patanti shailA iva rAkShasendrAH .. 47..\\
chakrakR^ittAsyakamalA gadAsa~ncUrNitorasaH . 
lA~NgalaglapitagrIvA musalairbhinnamastakAH .. 48..\\
ke chichchaivAsinA chhinnAstathAnye sharatADitAH . 
nipeturambarAttUrNa.n rAkShasAH sAgarAmbhasi .. 49..\\
tadAmbara.n vigalitahArakuNDalair 
nishAcharairnIlabalAhakopamaiH . 
nipAtyamAnairdadR^ishe nirantaraM 
nipAtyamAnairiva nIlaparvataiH .. 50..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}