\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{6}##
##\begin{center}##
\section{uttarakaaNDa}
##\end{center}##
\medskip
 96
avA~Nmukhamatho dIna.n dR^iShTvA somamivAplutam . 
rAghava.n lakShmaNo vAkyaM hR^iShTo madhuramabravIt .. 1..\\
na santApaM mahAbAho madartha.n kartumarhasi . 
pUrvanirmANabaddhA hi kAlasya gatirIdR^ishI .. 2..\\
jahi mA.n saumya visrabdaH pratiGYAM paripAlaya . 
hInapratiGYAH kAkutstha prayAnti narakaM narAH .. 3..\\
yadi prItirmahArAja yadyanugrAhyatA mayi . 
jahi mAM nirvisha~Nkastva.n dharma.n vardhaya rAghava .. 4..\\
lakShmaNena tathoktastu rAmaH prachalitendriyaH . 
mantriNaH samupAnIya tathaiva cha purodhasaM .. 5..\\
abravIchcha yathAvR^itta.n teShAM madhye narAdhipaH . 
durvAso.abhigama.n chaiva pratiGYAM tApasasya cha .. 6..\\
tachchhrutvA mantriNaH sarve sopAdhyAyAH samAsata . 
vasiShThastu mahAtejA vAkyametaduvAcha ha .. 7..\\
dR^iShTametanmahAbAho kShaya.n te lomaharShaNam . 
lakShmaNena viyogashcha tava rAma mahAyashaH .. 8..\\
tyajainaM balavAnkAlo mA pratiGYA.n vR^ithA kR^ithAH . 
vinaShTAyAM pratiGYAyA.n dharmo hi vilaya.n vrajet .. 9..\\
tato dharme vinaShTe tu trailokye sacharAcharam . 
sadevarShigaNa.n sarvaM vinashyeta na saMshayaH .. 10..\\
sa tvaM puruShashArdUla trailokyasyAbhipAlanam . 
lakShmaNasya vadhenAdya jagatsvastha.n kuruShva ha .. 11..\\
teShA.n tatsamavetAnA.n vAkyaM dharmArthasa.nhitam . 
shrutvA pariShado madhye rAmo lakShmaNamabravIt .. 12..\\
visarjaye tvA.n saumitre mA bhUddharmaviparyayaH . 
tyAgo vadho vA vihitaH sAdhUnAmubhaya.n samam .. 13..\\
rAmeNa bhAShite vAkye bAShpavyAkulitekShaNaH . 
lakShmaNastvaritaH prAyAtsvagR^ihaM na vivesha ha .. 14..\\
sa gatvA sarayUtIramupaspR^ishya kR^itA~njaliH . 
nigR^ihya sarvasrotA.nsi niHshvAsaM na mumocha ha .. 15..\\
anuchchhvasanta.n yukta.n taM sashakrAH sApsarogaNAH . 
devAH sarShigaNAH sarve puShpairavakira.nstadA .. 16..\\
adR^ishya.n sarvamanujaiH sasharIraM mahAbalam . 
pragR^ihya lakShmaNa.n shakro divaM sampravivesha ha .. 17..\\
tato viShNoshchaturbhAgamAgata.n surasattamAH . 
hR^iShTAH pramuditAH sarve.apUjayanR^iShibhiH saha .. 18..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}