|| R^igvedaH vaidikasvaravirahitaH maNDalaM 1 || agnimILe purohitaM yaj~nasya devamR^itvijam | hotAraM ratnadhAtamam || 1\.001\.01 agniH pUrvebhirR^iShibhirIDyo nUtanairuta | sa devA.N eha vakShati || 1\.001\.02 agninA rayimashnavatpoShameva divedive | yashasaM vIravattamam || 1\.001\.03 agne yaM yaj~namadhvaraM vishvataH paribhUrasi | sa iddeveShu gachChati || 1\.001\.04 agnirhotA kavikratuH satyashchitrashravastamaH | devo devebhirA gamat || 1\.001\.05 yada~Nga dAshuShe tvamagne bhadraM kariShyasi | tavettatsatyama~NgiraH || 1\.001\.06 upa tvAgne divedive doShAvastardhiyA vayam | namo bharanta emasi || 1\.001\.07 rAjantamadhvarANAM gopAmR^itasya dIdivim | vardhamAnaM sve dame || 1\.001\.08 sa naH piteva sUnave.agne sUpAyano bhava | sachasvA naH svastaye || 1\.001\.09 vAyavA yAhi darshateme somA araMkR^itAH | teShAM pAhi shrudhI havam || 1\.002\.01 vAya ukthebhirjarante tvAmachChA jaritAraH | sutasomA aharvidaH || 1\.002\.02 vAyo tava prapR^i~nchatI dhenA jigAti dAshuShe | urUchI somapItaye || 1\.002\.03 indravAyU ime sutA upa prayobhirA gatam | indavo vAmushanti hi || 1\.002\.04 vAyavindrashcha chetathaH sutAnAM vAjinIvasU | tAvA yAtamupa dravat || 1\.002\.05 vAyavindrashcha sunvata A yAtamupa niShkR^itam | makShvitthA dhiyA narA || 1\.002\.06 mitraM huve pUtadakShaM varuNaM cha rishAdasam | dhiyaM ghR^itAchIM sAdhantA || 1\.002\.07 R^itena mitrAvaruNAvR^itAvR^idhAvR^itaspR^ishA | kratuM bR^ihantamAshAthe || 1\.002\.08 kavI no mitrAvaruNA tuvijAtA urukShayA | dakShaM dadhAte apasam || 1\.002\.09 ashvinA yajvarIriSho dravatpANI shubhaspatI | purubhujA chanasyatam || 1\.003\.01 ashvinA purudaMsasA narA shavIrayA dhiyA | dhiShNyA vanataM giraH || 1\.003\.02 dasrA yuvAkavaH sutA nAsatyA vR^iktabarhiShaH | A yAtaM rudravartanI || 1\.003\.03 indrA yAhi chitrabhAno sutA ime tvAyavaH | aNvIbhistanA pUtAsaH || 1\.003\.04 indrA yAhi dhiyeShito viprajUtaH sutAvataH | upa brahmANi vAghataH || 1\.003\.05 indrA yAhi tUtujAna upa brahmANi harivaH | sute dadhiShva nashchanaH || 1\.003\.06 omAsashcharShaNIdhR^ito vishve devAsa A gata | dAshvAMso dAshuShaH sutam || 1\.003\.07 vishve devAso apturaH sutamA ganta tUrNayaH | usrA iva svasarANi || 1\.003\.08 vishve devAso asridha ehimAyAso adruhaH | medhaM juShanta vahnayaH || 1\.003\.09 pAvakA naH sarasvatI vAjebhirvAjinIvatI | yaj~naM vaShTu dhiyAvasuH || 1\.003\.10 chodayitrI sUnR^itAnAM chetantI sumatInAm | yaj~naM dadhe sarasvatI || 1\.003\.11 maho arNaH sarasvatI pra chetayati ketunA | dhiyo vishvA vi rAjati || 1\.003\.12 surUpakR^itnumUtaye sudughAmiva goduhe | juhUmasi dyavidyavi || 1\.004\.01 upa naH savanA gahi somasya somapAH piba | godA idrevato madaH || 1\.004\.02 athA te antamAnAM vidyAma sumatInAm | mA no ati khya A gahi || 1\.004\.03 parehi vigramastR^itamindraM pR^ichChA vipashchitam | yaste sakhibhya A varam || 1\.004\.04 uta bruvantu no nido niranyatashchidArata | dadhAnA indra idduvaH || 1\.004\.05 uta naH subhagA.N arirvocheyurdasma kR^iShTayaH | syAmedindrasya sharmaNi || 1\.004\.06 emAshumAshave bhara yaj~nashriyaM nR^imAdanam | patayanmandayatsakham || 1\.004\.07 asya pItvA shatakrato ghano vR^itrANAmabhavaH | prAvo vAjeShu vAjinam || 1\.004\.08 taM tvA vAjeShu vAjinaM vAjayAmaH shatakrato | dhanAnAmindra sAtaye || 1\.004\.09 yo rAyo.avanirmahAnsupAraH sunvataH sakhA | tasmA indrAya gAyata || 1\.004\.10 A tvetA ni ShIdatendramabhi pra gAyata | sakhAyaH stomavAhasaH || 1\.005\.01 purUtamaM purUNAmIshAnaM vAryANAm | indraM some sachA sute || 1\.005\.02 sa ghA no yoga A bhuvatsa rAye sa puraMdhyAm | gamadvAjebhirA sa naH || 1\.005\.03 yasya saMsthe na vR^iNvate harI samatsu shatravaH | tasmA indrAya gAyata || 1\.005\.04 sutapAvne sutA ime shuchayo yanti vItaye | somAso dadhyAshiraH || 1\.005\.05 tvaM sutasya pItaye sadyo vR^iddho ajAyathAH | indra jyaiShThyAya sukrato || 1\.005\.06 A tvA vishantvAshavaH somAsa indra girvaNaH | shaM te santu prachetase || 1\.005\.07 tvAM stomA avIvR^idhantvAmukthA shatakrato | tvAM vardhantu no giraH || 1\.005\.08 akShitotiH sanedimaM vAjamindraH sahasriNam | yasminvishvAni pauMsyA || 1\.005\.09 mA no martA abhi druhantanUnAmindra girvaNaH | IshAno yavayA vadham || 1\.005\.10 yu~njanti bradhnamaruShaM charantaM pari tasthuShaH | rochante rochanA divi || 1\.006\.01 yu~njantyasya kAmyA harI vipakShasA rathe | shoNA dhR^iShNU nR^ivAhasA || 1\.006\.02 ketuM kR^iNvannaketave pesho maryA apeshase | samuShadbhirajAyathAH || 1\.006\.03 Adaha svadhAmanu punargarbhatvamerire | dadhAnA nAma yaj~niyam || 1\.006\.04 vILu chidArujatnubhirguhA chidindra vahnibhiH | avinda usriyA anu || 1\.006\.05 devayanto yathA matimachChA vidadvasuM giraH | mahAmanUShata shrutam || 1\.006\.06 indreNa saM hi dR^ikShase saMjagmAno abibhyuShA | mandU samAnavarchasA || 1\.006\.07 anavadyairabhidyubhirmakhaH sahasvadarchati | gaNairindrasya kAmyaiH || 1\.006\.08 ataH parijmannA gahi divo vA rochanAdadhi | samasminnR^i~njate giraH || 1\.006\.09 ito vA sAtimImahe divo vA pArthivAdadhi | indraM maho vA rajasaH || 1\.006\.10 indramidgAthino bR^ihadindramarkebhirarkiNaH | indraM vANIranUShata || 1\.007\.01 indra iddharyoH sachA sammishla A vachoyujA | indro vajrI hiraNyayaH || 1\.007\.02 indro dIrghAya chakShasa A sUryaM rohayaddivi | vi gobhiradrimairayat || 1\.007\.03 indra vAjeShu no.ava sahasrapradhaneShu cha | ugra ugrAbhirUtibhiH || 1\.007\.04 indraM vayaM mahAdhana indramarbhe havAmahe | yujaM vR^itreShu vajriNam || 1\.007\.05 sa no vR^iShannamuM charuM satrAdAvannapA vR^idhi | asmabhyamapratiShkutaH || 1\.007\.06 tu~njetu~nje ya uttare stomA indrasya vajriNaH | na vindhe asya suShTutim || 1\.007\.07 vR^iShA yUtheva vaMsagaH kR^iShTIriyartyojasA | IshAno apratiShkutaH || 1\.007\.08 ya ekashcharShaNInAM vasUnAmirajyati | indraH pa~ncha kShitInAm || 1\.007\.09 indraM vo vishvataspari havAmahe janebhyaH | asmAkamastu kevalaH || 1\.007\.10 endra sAnasiM rayiM sajitvAnaM sadAsaham | varShiShThamUtaye bhara || 1\.008\.01 ni yena muShTihatyayA ni vR^itrA ruNadhAmahai | tvotAso nyarvatA || 1\.008\.02 indra tvotAsa A vayaM vajraM ghanA dadImahi | jayema saM yudhi spR^idhaH || 1\.008\.03 vayaM shUrebhirastR^ibhirindra tvayA yujA vayam | sAsahyAma pR^itanyataH || 1\.008\.04 mahA.N indraH parashcha nu mahitvamastu vajriNe | dyaurna prathinA shavaH || 1\.008\.05 samohe vA ya Ashata narastokasya sanitau | viprAso vA dhiyAyavaH || 1\.008\.06 yaH kukShiH somapAtamaH samudra iva pinvate | urvIrApo na kAkudaH || 1\.008\.07 evA hyasya sUnR^itA virapshI gomatI mahI | pakvA shAkhA na dAshuShe || 1\.008\.08 evA hi te vibhUtaya Utaya indra mAvate | sadyashchitsanti dAshuShe || 1\.008\.09 evA hyasya kAmyA stoma ukthaM cha shaMsyA | indrAya somapItaye || 1\.008\.10 indrehi matsyandhaso vishvebhiH somaparvabhiH | mahA.N abhiShTirojasA || 1\.009\.01 emenaM sR^ijatA sute mandimindrAya mandine | chakriM vishvAni chakraye || 1\.009\.02 matsvA sushipra mandibhiH stomebhirvishvacharShaNe | sachaiShu savaneShvA || 1\.009\.03 asR^igramindra te giraH prati tvAmudahAsata | ajoShA vR^iShabhaM patim || 1\.009\.04 saM chodaya chitramarvAgrAdha indra vareNyam | asaditte vibhu prabhu || 1\.009\.05 asmAnsu tatra chodayendra rAye rabhasvataH | tuvidyumna yashasvataH || 1\.009\.06 saM gomadindra vAjavadasme pR^ithu shravo bR^ihat | vishvAyurdhehyakShitam || 1\.009\.07 asme dhehi shravo bR^ihaddyumnaM sahasrasAtamam | indra tA rathinIriShaH || 1\.009\.08 vasorindraM vasupatiM gIrbhirgR^iNanta R^igmiyam | homa gantAramUtaye || 1\.009\.09 sutesute nyokase bR^ihadbR^ihata edariH | indrAya shUShamarchati || 1\.009\.10 gAyanti tvA gAyatriNo.archantyarkamarkiNaH | brahmANastvA shatakrata udvaMshamiva yemire || 1\.010\.01 yatsAnoH sAnumAruhadbhUryaspaShTa kartvam | tadindro arthaM chetati yUthena vR^iShNirejati || 1\.010\.02 yukShvA hi keshinA harI vR^iShaNA kakShyaprA | athA na indra somapA girAmupashrutiM chara || 1\.010\.03 ehi stomA.N abhi svarAbhi gR^iNIhyA ruva | brahma cha no vaso sachendra yaj~naM cha vardhaya || 1\.010\.04 ukthamindrAya shaMsyaM vardhanaM puruniShShidhe | shakro yathA suteShu No rAraNatsakhyeShu cha || 1\.010\.05 tamitsakhitva Imahe taM rAye taM suvIrye | sa shakra uta naH shakadindro vasu dayamAnaH || 1\.010\.06 suvivR^itaM sunirajamindra tvAdAtamidyashaH | gavAmapa vrajaM vR^idhi kR^iNuShva rAdho adrivaH || 1\.010\.07 nahi tvA rodasI ubhe R^ighAyamANaminvataH | jeShaH svarvatIrapaH saM gA asmabhyaM dhUnuhi || 1\.010\.08 AshrutkarNa shrudhI havaM nU chiddadhiShva me giraH | indra stomamimaM mama kR^iShvA yujashchidantaram || 1\.010\.09 vidmA hi tvA vR^iShantamaM vAjeShu havanashrutam | vR^iShantamasya hUmaha UtiM sahasrasAtamAm || 1\.010\.10 A tU na indra kaushika mandasAnaH sutaM piba | navyamAyuH pra sU tira kR^idhI sahasrasAmR^iShim || 1\.010\.11 pari tvA girvaNo gira imA bhavantu vishvataH | vR^iddhAyumanu vR^iddhayo juShTA bhavantu juShTayaH || 1\.010\.12 indraM vishvA avIvR^idhansamudravyachasaM giraH | rathItamaM rathInAM vAjAnAM satpatiM patim || 1\.011\.01 sakhye ta indra vAjino mA bhema shavasaspate | tvAmabhi pra Nonumo jetAramaparAjitam || 1\.011\.02 pUrvIrindrasya rAtayo na vi dasyantyUtayaH | yadI vAjasya gomataH stotR^ibhyo maMhate magham || 1\.011\.03 purAM bhinduryuvA kaviramitaujA ajAyata | indro vishvasya karmaNo dhartA vajrI puruShTutaH || 1\.011\.04 tvaM valasya gomato.apAvaradrivo bilam | tvAM devA abibhyuShastujyamAnAsa AviShuH || 1\.011\.05 tavAhaM shUra rAtibhiH pratyAyaM sindhumAvadan | upAtiShThanta girvaNo viduShTe tasya kAravaH || 1\.011\.06 mAyAbhirindra mAyinaM tvaM shuShNamavAtiraH | viduShTe tasya medhirAsteShAM shravAMsyuttira || 1\.011\.07 indramIshAnamojasAbhi stomA anUShata | sahasraM yasya rAtaya uta vA santi bhUyasIH || 1\.011\.08 agniM dUtaM vR^iNImahe hotAraM vishvavedasam | asya yaj~nasya sukratum || 1\.012\.01 agnimagniM havImabhiH sadA havanta vishpatim | havyavAhaM purupriyam || 1\.012\.02 agne devA.N ihA vaha jaj~nAno vR^iktabarhiShe | asi hotA na IDyaH || 1\.012\.03 tA.N ushato vi bodhaya yadagne yAsi dUtyam | devairA satsi barhiShi || 1\.012\.04 ghR^itAhavana dIdivaH prati Shma riShato daha | agne tvaM rakShasvinaH || 1\.012\.05 agninAgniH samidhyate kavirgR^ihapatiryuvA | havyavADjuhvAsyaH || 1\.012\.06 kavimagnimupa stuhi satyadharmANamadhvare | devamamIvachAtanam || 1\.012\.07 yastvAmagne haviShpatirdUtaM deva saparyati | tasya sma prAvitA bhava || 1\.012\.08 yo agniM devavItaye haviShmA.N AvivAsati | tasmai pAvaka mR^iLaya || 1\.012\.09 sa naH pAvaka dIdivo.agne devA.N ihA vaha | upa yaj~naM havishcha naH || 1\.012\.10 sa naH stavAna A bhara gAyatreNa navIyasA | rayiM vIravatImiSham || 1\.012\.11 agne shukreNa shochiShA vishvAbhirdevahUtibhiH | imaM stomaM juShasva naH || 1\.012\.12 susamiddho na A vaha devA.N agne haviShmate | hotaH pAvaka yakShi cha || 1\.013\.01 madhumantaM tanUnapAdyaj~naM deveShu naH kave | adyA kR^iNuhi vItaye || 1\.013\.02 narAshaMsamiha priyamasminyaj~na upa hvaye | madhujihvaM haviShkR^itam || 1\.013\.03 agne sukhatame rathe devA.N ILita A vaha | asi hotA manurhitaH || 1\.013\.04 stR^iNIta barhirAnuShagghR^itapR^iShThaM manIShiNaH | yatrAmR^itasya chakShaNam || 1\.013\.05 vi shrayantAmR^itAvR^idho dvAro devIrasashchataH | adyA nUnaM cha yaShTave || 1\.013\.06 naktoShAsA supeshasAsminyaj~na upa hvaye | idaM no barhirAsade || 1\.013\.07 tA sujihvA upa hvaye hotArA daivyA kavI | yaj~naM no yakShatAmimam || 1\.013\.08 iLA sarasvatI mahI tisro devIrmayobhuvaH | barhiH sIdantvasridhaH || 1\.013\.09 iha tvaShTAramagriyaM vishvarUpamupa hvaye | asmAkamastu kevalaH || 1\.013\.10 ava sR^ijA vanaspate deva devebhyo haviH | pra dAturastu chetanam || 1\.013\.11 svAhA yaj~naM kR^iNotanendrAya yajvano gR^ihe | tatra devA.N upa hvaye || 1\.013\.12 aibhiragne duvo giro vishvebhiH somapItaye | devebhiryAhi yakShi cha || 1\.014\.01 A tvA kaNvA ahUShata gR^iNanti vipra te dhiyaH | devebhiragna A gahi || 1\.014\.02 indravAyU bR^ihaspatiM mitrAgniM pUShaNaM bhagam | AdityAnmArutaM gaNam || 1\.014\.03 pra vo bhriyanta indavo matsarA mAdayiShNavaH | drapsA madhvashchamUShadaH || 1\.014\.04 ILate tvAmavasyavaH kaNvAso vR^iktabarhiShaH | haviShmanto araMkR^itaH || 1\.014\.05 ghR^itapR^iShThA manoyujo ye tvA vahanti vahnayaH | A devAnsomapItaye || 1\.014\.06 tAnyajatrA.N R^itAvR^idho.agne patnIvataskR^idhi | madhvaH sujihva pAyaya || 1\.014\.07 ye yajatrA ya IDyAste te pibantu jihvayA | madhoragne vaShaTkR^iti || 1\.014\.08 AkIM sUryasya rochanAdvishvAndevA.N uSharbudhaH | vipro hoteha vakShati || 1\.014\.09 vishvebhiH somyaM madhvagna indreNa vAyunA | pibA mitrasya dhAmabhiH || 1\.014\.10 tvaM hotA manurhito.agne yaj~neShu sIdasi | semaM no adhvaraM yaja || 1\.014\.11 yukShvA hyaruShI rathe harito deva rohitaH | tAbhirdevA.N ihA vaha || 1\.014\.12 indra somaM piba R^itunA tvA vishantvindavaH | matsarAsastadokasaH || 1\.015\.01 marutaH pibata R^itunA potrAdyaj~naM punItana | yUyaM hi ShThA sudAnavaH || 1\.015\.02 abhi yaj~naM gR^iNIhi no gnAvo neShTaH piba R^itunA | tvaM hi ratnadhA asi || 1\.015\.03 agne devA.N ihA vaha sAdayA yoniShu triShu | pari bhUSha piba R^itunA || 1\.015\.04 brAhmaNAdindra rAdhasaH pibA somamR^itU.Nranu | taveddhi sakhyamastR^itam || 1\.015\.05 yuvaM dakShaM dhR^itavrata mitrAvaruNa dULabham | R^itunA yaj~namAshAthe || 1\.015\.06 draviNodA draviNaso grAvahastAso adhvare | yaj~neShu devamILate || 1\.015\.07 draviNodA dadAtu no vasUni yAni shR^iNvire | deveShu tA vanAmahe || 1\.015\.08 draviNodAH pipIShati juhota pra cha tiShThata | neShTrAdR^itubhiriShyata || 1\.015\.09 yattvA turIyamR^itubhirdraviNodo yajAmahe | adha smA no dadirbhava || 1\.015\.10 ashvinA pibataM madhu dIdyagnI shuchivratA | R^itunA yaj~navAhasA || 1\.015\.11 gArhapatyena santya R^itunA yaj~nanIrasi | devAndevayate yaja || 1\.015\.12 A tvA vahantu harayo vR^iShaNaM somapItaye | indra tvA sUrachakShasaH || 1\.016\.01 imA dhAnA ghR^itasnuvo harI ihopa vakShataH | indraM sukhatame rathe || 1\.016\.02 indraM prAtarhavAmaha indraM prayatyadhvare | indraM somasya pItaye || 1\.016\.03 upa naH sutamA gahi haribhirindra keshibhiH | sute hi tvA havAmahe || 1\.016\.04 semaM naH stomamA gahyupedaM savanaM sutam | gauro na tR^iShitaH piba || 1\.016\.05 ime somAsa indavaH sutAso adhi barhiShi | tA.N indra sahase piba || 1\.016\.06 ayaM te stomo agriyo hR^idispR^igastu shaMtamaH | athA somaM sutaM piba || 1\.016\.07 vishvamitsavanaM sutamindro madAya gachChati | vR^itrahA somapItaye || 1\.016\.08 semaM naH kAmamA pR^iNa gobhirashvaiH shatakrato | stavAma tvA svAdhyaH || 1\.016\.09 indrAvaruNayorahaM samrAjorava A vR^iNe | tA no mR^iLAta IdR^ishe || 1\.017\.01 gantArA hi stho.avase havaM viprasya mAvataH | dhartArA charShaNInAm || 1\.017\.02 anukAmaM tarpayethAmindrAvaruNa rAya A | tA vAM nediShThamImahe || 1\.017\.03 yuvAku hi shachInAM yuvAku sumatInAm | bhUyAma vAjadAvnAm || 1\.017\.04 indraH sahasradAvnAM varuNaH shaMsyAnAm | kraturbhavatyukthyaH || 1\.017\.05 tayoridavasA vayaM sanema ni cha dhImahi | syAduta prarechanam || 1\.017\.06 indrAvaruNa vAmahaM huve chitrAya rAdhase | asmAnsu jigyuShaskR^itam || 1\.017\.07 indrAvaruNa nU nu vAM siShAsantIShu dhIShvA | asmabhyaM sharma yachChatam || 1\.017\.08 pra vAmashnotu suShTutirindrAvaruNa yAM huve | yAmR^idhAthe sadhastutim || 1\.017\.09 somAnaM svaraNaM kR^iNuhi brahmaNaspate | kakShIvantaM ya aushijaH || 1\.018\.01 yo revAnyo amIvahA vasuvitpuShTivardhanaH | sa naH siShaktu yasturaH || 1\.018\.02 mA naH shaMso araruSho dhUrtiH praNa~Nmartyasya | rakShA No brahmaNaspate || 1\.018\.03 sa ghA vIro na riShyati yamindro brahmaNaspatiH | somo hinoti martyam || 1\.018\.04 tvaM taM brahmaNaspate soma indrashcha martyam | dakShiNA pAtvaMhasaH || 1\.018\.05 sadasaspatimadbhutaM priyamindrasya kAmyam | saniM medhAmayAsiSham || 1\.018\.06 yasmAdR^ite na sidhyati yaj~no vipashchitashchana | sa dhInAM yogaminvati || 1\.018\.07 AdR^idhnoti haviShkR^itiM prA~nchaM kR^iNotyadhvaram | hotrA deveShu gachChati || 1\.018\.08 narAshaMsaM sudhR^iShTamamapashyaM saprathastamam | divo na sadmamakhasam || 1\.018\.09 prati tyaM chArumadhvaraM gopIthAya pra hUyase | marudbhiragna A gahi || 1\.019\.01 nahi devo na martyo mahastava kratuM paraH | marudbhiragna A gahi || 1\.019\.02 ye maho rajaso vidurvishve devAso adruhaH | marudbhiragna A gahi || 1\.019\.03 ya ugrA arkamAnR^ichuranAdhR^iShTAsa ojasA | marudbhiragna A gahi || 1\.019\.04 ye shubhrA ghoravarpasaH sukShatrAso rishAdasaH | marudbhiragna A gahi || 1\.019\.05 ye nAkasyAdhi rochane divi devAsa Asate | marudbhiragna A gahi || 1\.019\.06 ya I~Nkhayanti parvatAntiraH samudramarNavam | marudbhiragna A gahi || 1\.019\.07 A ye tanvanti rashmibhistiraH samudramojasA | marudbhiragna A gahi || 1\.019\.08 abhi tvA pUrvapItaye sR^ijAmi somyaM madhu | marudbhiragna A gahi || 1\.019\.09 ayaM devAya janmane stomo viprebhirAsayA | akAri ratnadhAtamaH || 1\.020\.01 ya indrAya vachoyujA tatakShurmanasA harI | shamIbhiryaj~namAshata || 1\.020\.02 takShannAsatyAbhyAM parijmAnaM sukhaM ratham | takShandhenuM sabardughAm || 1\.020\.03 yuvAnA pitarA punaH satyamantrA R^ijUyavaH | R^ibhavo viShTyakrata || 1\.020\.04 saM vo madAso agmatendreNa cha marutvatA | Adityebhishcha rAjabhiH || 1\.020\.05 uta tyaM chamasaM navaM tvaShTurdevasya niShkR^itam | akarta chaturaH punaH || 1\.020\.06 te no ratnAni dhattana trirA sAptAni sunvate | ekamekaM sushastibhiH || 1\.020\.07 adhArayanta vahnayo.abhajanta sukR^ityayA | bhAgaM deveShu yaj~niyam || 1\.020\.08 ihendrAgnI upa hvaye tayoritstomamushmasi | tA somaM somapAtamA || 1\.021\.01 tA yaj~neShu pra shaMsatendrAgnI shumbhatA naraH | tA gAyatreShu gAyata || 1\.021\.02 tA mitrasya prashastaya indrAgnI tA havAmahe | somapA somapItaye || 1\.021\.03 ugrA santA havAmaha upedaM savanaM sutam | indrAgnI eha gachChatAm || 1\.021\.04 tA mahAntA sadaspatI indrAgnI rakSha ubjatam | aprajAH santvatriNaH || 1\.021\.05 tena satyena jAgR^itamadhi prachetune pade | indrAgnI sharma yachChatam || 1\.021\.06 prAtaryujA vi bodhayAshvinAveha gachChatAm | asya somasya pItaye || 1\.022\.01 yA surathA rathItamobhA devA divispR^ishA | ashvinA tA havAmahe || 1\.022\.02 yA vAM kashA madhumatyashvinA sUnR^itAvatI | tayA yaj~naM mimikShatam || 1\.022\.03 nahi vAmasti dUrake yatrA rathena gachChathaH | ashvinA somino gR^iham || 1\.022\.04 hiraNyapANimUtaye savitAramupa hvaye | sa chettA devatA padam || 1\.022\.05 apAM napAtamavase savitAramupa stuhi | tasya vratAnyushmasi || 1\.022\.06 vibhaktAraM havAmahe vasoshchitrasya rAdhasaH | savitAraM nR^ichakShasam || 1\.022\.07 sakhAya A ni ShIdata savitA stomyo nu naH | dAtA rAdhAMsi shumbhati || 1\.022\.08 agne patnIrihA vaha devAnAmushatIrupa | tvaShTAraM somapItaye || 1\.022\.09 A gnA agna ihAvase hotrAM yaviShTha bhAratIm | varUtrIM dhiShaNAM vaha || 1\.022\.10 abhi no devIravasA mahaH sharmaNA nR^ipatnIH | achChinnapatrAH sachantAm || 1\.022\.11 ihendrANImupa hvaye varuNAnIM svastaye | agnAyIM somapItaye || 1\.022\.12 mahI dyauH pR^ithivI cha na imaM yaj~naM mimikShatAm | pipR^itAM no bharImabhiH || 1\.022\.13 tayoridghR^itavatpayo viprA rihanti dhItibhiH | gandharvasya dhruve pade || 1\.022\.14 syonA pR^ithivi bhavAnR^ikSharA niveshanI | yachChA naH sharma saprathaH || 1\.022\.15 ato devA avantu no yato viShNurvichakrame | pR^ithivyAH sapta dhAmabhiH || 1\.022\.16 idaM viShNurvi chakrame tredhA ni dadhe padam | samULhamasya pAMsure || 1\.022\.17 trINi padA vi chakrame viShNurgopA adAbhyaH | ato dharmANi dhArayan || 1\.022\.18 viShNoH karmANi pashyata yato vratAni paspashe | indrasya yujyaH sakhA || 1\.022\.19 tadviShNoH paramaM padaM sadA pashyanti sUrayaH | divIva chakShurAtatam || 1\.022\.20 tadviprAso vipanyavo jAgR^ivAMsaH samindhate | viShNoryatparamaM padam || 1\.022\.21 tIvrAH somAsa A gahyAshIrvantaH sutA ime | vAyo tAnprasthitAnpiba || 1\.023\.01 ubhA devA divispR^ishendravAyU havAmahe | asya somasya pItaye || 1\.023\.02 indravAyU manojuvA viprA havanta Utaye | sahasrAkShA dhiyaspatI || 1\.023\.03 mitraM vayaM havAmahe varuNaM somapItaye | jaj~nAnA pUtadakShasA || 1\.023\.04 R^itena yAvR^itAvR^idhAvR^itasya jyotiShaspatI | tA mitrAvaruNA huve || 1\.023\.05 varuNaH prAvitA bhuvanmitro vishvAbhirUtibhiH | karatAM naH surAdhasaH || 1\.023\.06 marutvantaM havAmaha indramA somapItaye | sajUrgaNena tR^impatu || 1\.023\.07 indrajyeShThA marudgaNA devAsaH pUSharAtayaH | vishve mama shrutA havam || 1\.023\.08 hata vR^itraM sudAnava indreNa sahasA yujA | mA no duHshaMsa Ishata || 1\.023\.09 vishvAndevAnhavAmahe marutaH somapItaye | ugrA hi pR^ishnimAtaraH || 1\.023\.10 jayatAmiva tanyaturmarutAmeti dhR^iShNuyA | yachChubhaM yAthanA naraH || 1\.023\.11 haskArAdvidyutasparyato jAtA avantu naH | maruto mR^iLayantu naH || 1\.023\.12 A pUSha~nchitrabarhiShamAghR^iNe dharuNaM divaH | AjA naShTaM yathA pashum || 1\.023\.13 pUShA rAjAnamAghR^iNirapagULhaM guhA hitam | avindachchitrabarhiSham || 1\.023\.14 uto sa mahyamindubhiH ShaDyuktA.N anuseShidhat | gobhiryavaM na charkR^iShat || 1\.023\.15 ambayo yantyadhvabhirjAmayo adhvarIyatAm | pR^i~nchatIrmadhunA payaH || 1\.023\.16 amUryA upa sUrye yAbhirvA sUryaH saha | tA no hinvantvadhvaram || 1\.023\.17 apo devIrupa hvaye yatra gAvaH pibanti naH | sindhubhyaH kartvaM haviH || 1\.023\.18 apsvantaramR^itamapsu bheShajamapAmuta prashastaye | devA bhavata vAjinaH || 1\.023\.19 apsu me somo abravIdantarvishvAni bheShajA | agniM cha vishvashambhuvamApashcha vishvabheShajIH || 1\.023\.20 ApaH pR^iNIta bheShajaM varUthaM tanve mama | jyokcha sUryaM dR^ishe || 1\.023\.21 idamApaH pra vahata yatkiM cha duritaM mayi | yadvAhamabhidudroha yadvA shepa utAnR^itam || 1\.023\.22 Apo adyAnvachAriShaM rasena samagasmahi | payasvAnagna A gahi taM mA saM sR^ija varchasA || 1\.023\.23 saM mAgne varchasA sR^ija saM prajayA samAyuShA | vidyurme asya devA indro vidyAtsaha R^iShibhiH || 1\.023\.24 kasya nUnaM katamasyAmR^itAnAM manAmahe chAru devasya nAma | ko no mahyA aditaye punardAtpitaraM cha dR^isheyaM mAtaraM cha || 1\.024\.01 agnervayaM prathamasyAmR^itAnAM manAmahe chAru devasya nAma | sa no mahyA aditaye punardAtpitaraM cha dR^isheyaM mAtaraM cha || 1\.024\.02 abhi tvA deva savitarIshAnaM vAryANAm | sadAvanbhAgamImahe || 1\.024\.03 yashchiddhi ta itthA bhagaH shashamAnaH purA nidaH | adveSho hastayordadhe || 1\.024\.04 bhagabhaktasya te vayamudashema tavAvasA | mUrdhAnaM rAya Arabhe || 1\.024\.05 nahi te kShatraM na saho na manyuM vayashchanAmI patayanta ApuH | nemA Apo animiShaM charantIrna ye vAtasya praminantyabhvam || 1\.024\.06 abudhne rAjA varuNo vanasyordhvaM stUpaM dadate pUtadakShaH | nIchInAH sthurupari budhna eShAmasme antarnihitAH ketavaH syuH || 1\.024\.07 uruM hi rAjA varuNashchakAra sUryAya panthAmanvetavA u | apade pAdA pratidhAtave.akarutApavaktA hR^idayAvidhashchit || 1\.024\.08 shataM te rAjanbhiShajaH sahasramurvI gabhIrA sumatiShTe astu | bAdhasva dUre nirR^itiM parAchaiH kR^itaM chidenaH pra mumugdhyasmat || 1\.024\.09 amI ya R^ikShA nihitAsa uchchA naktaM dadR^ishre kuha chiddiveyuH | adabdhAni varuNasya vratAni vichAkashachchandramA naktameti || 1\.024\.10 tattvA yAmi brahmaNA vandamAnastadA shAste yajamAno havirbhiH | aheLamAno varuNeha bodhyurushaMsa mA na AyuH pra moShIH || 1\.024\.11 tadinnaktaM taddivA mahyamAhustadayaM keto hR^ida A vi chaShTe | shunaHshepo yamahvadgR^ibhItaH so asmAnrAjA varuNo mumoktu || 1\.024\.12 shunaHshepo hyahvadgR^ibhItastriShvAdityaM drupadeShu baddhaH | avainaM rAjA varuNaH sasR^ijyAdvidvA.N adabdho vi mumoktu pAshAn || 1\.024\.13 ava te heLo varuNa namobhirava yaj~nebhirImahe havirbhiH | kShayannasmabhyamasura prachetA rAjannenAMsi shishrathaH kR^itAni || 1\.024\.14 uduttamaM varuNa pAshamasmadavAdhamaM vi madhyamaM shrathAya | athA vayamAditya vrate tavAnAgaso aditaye syAma || 1\.024\.15 yachchiddhi te visho yathA pra deva varuNa vratam | minImasi dyavidyavi || 1\.025\.01 mA no vadhAya hatnave jihILAnasya rIradhaH | mA hR^iNAnasya manyave || 1\.025\.02 vi mR^iLIkAya te mano rathIrashvaM na saMditam | gIrbhirvaruNa sImahi || 1\.025\.03 parA hi me vimanyavaH patanti vasya{}iShTaye | vayo na vasatIrupa || 1\.025\.04 kadA kShatrashriyaM naramA varuNaM karAmahe | mR^iLIkAyoruchakShasam || 1\.025\.05 taditsamAnamAshAte venantA na pra yuchChataH | dhR^itavratAya dAshuShe || 1\.025\.06 vedA yo vInAM padamantarikSheNa patatAm | veda nAvaH samudriyaH || 1\.025\.07 veda mAso dhR^itavrato dvAdasha prajAvataH | vedA ya upajAyate || 1\.025\.08 veda vAtasya vartanimurorR^iShvasya bR^ihataH | vedA ye adhyAsate || 1\.025\.09 ni ShasAda dhR^itavrato varuNaH pastyAsvA | sAmrAjyAya sukratuH || 1\.025\.10 ato vishvAnyadbhutA chikitvA.N abhi pashyati | kR^itAni yA cha kartvA || 1\.025\.11 sa no vishvAhA sukraturAdityaH supathA karat | pra Na AyUMShi tAriShat || 1\.025\.12 bibhraddrApiM hiraNyayaM varuNo vasta nirNijam | pari spasho ni Shedire || 1\.025\.13 na yaM dipsanti dipsavo na druhvANo janAnAm | na devamabhimAtayaH || 1\.025\.14 uta yo mAnuSheShvA yashashchakre asAmyA | asmAkamudareShvA || 1\.025\.15 parA me yanti dhItayo gAvo na gavyUtIranu | ichChantIruruchakShasam || 1\.025\.16 saM nu vochAvahai punaryato me madhvAbhR^itam | hoteva kShadase priyam || 1\.025\.17 darshaM nu vishvadarshataM darshaM rathamadhi kShami | etA juShata me giraH || 1\.025\.18 imaM me varuNa shrudhI havamadyA cha mR^iLaya | tvAmavasyurA chake || 1\.025\.19 tvaM vishvasya medhira divashcha gmashcha rAjasi | sa yAmani prati shrudhi || 1\.025\.20 uduttamaM mumugdhi no vi pAshaM madhyamaM chR^ita | avAdhamAni jIvase || 1\.025\.21 vasiShvA hi miyedhya vastrANyUrjAM pate | semaM no adhvaraM yaja || 1\.026\.01 ni no hotA vareNyaH sadA yaviShTha manmabhiH | agne divitmatA vachaH || 1\.026\.02 A hi ShmA sUnave pitApiryajatyApaye | sakhA sakhye vareNyaH || 1\.026\.03 A no barhI rishAdaso varuNo mitro aryamA | sIdantu manuSho yathA || 1\.026\.04 pUrvya hotarasya no mandasva sakhyasya cha | imA u Shu shrudhI giraH || 1\.026\.05 yachchiddhi shashvatA tanA devaMdevaM yajAmahe | tve iddhUyate haviH || 1\.026\.06 priyo no astu vishpatirhotA mandro vareNyaH | priyAH svagnayo vayam || 1\.026\.07 svagnayo hi vAryaM devAso dadhire cha naH | svagnayo manAmahe || 1\.026\.08 athA na ubhayeShAmamR^ita martyAnAm | mithaH santu prashastayaH || 1\.026\.09 vishvebhiragne agnibhirimaM yaj~namidaM vachaH | chano dhAH sahaso yaho || 1\.026\.10 ashvaM na tvA vAravantaM vandadhyA agniM namobhiH | samrAjantamadhvarANAm || 1\.027\.01 sa ghA naH sUnuH shavasA pR^ithupragAmA sushevaH | mIDhvA.N asmAkaM babhUyAt || 1\.027\.02 sa no dUrAchchAsAchcha ni martyAdaghAyoH | pAhi sadamidvishvAyuH || 1\.027\.03 imamU Shu tvamasmAkaM saniM gAyatraM navyAMsam | agne deveShu pra vochaH || 1\.027\.04 A no bhaja parameShvA vAjeShu madhyameShu | shikShA vasvo antamasya || 1\.027\.05 vibhaktAsi chitrabhAno sindhorUrmA upAka A | sadyo dAshuShe kSharasi || 1\.027\.06 yamagne pR^itsu martyamavA vAjeShu yaM junAH | sa yantA shashvatIriShaH || 1\.027\.07 nakirasya sahantya paryetA kayasya chit | vAjo asti shravAyyaH || 1\.027\.08 sa vAjaM vishvacharShaNirarvadbhirastu tarutA | viprebhirastu sanitA || 1\.027\.09 jarAbodha tadviviDDhi vishevishe yaj~niyAya | stomaM rudrAya dR^ishIkam || 1\.027\.10 sa no mahA.N animAno dhUmaketuH purushchandraH | dhiye vAjAya hinvatu || 1\.027\.11 sa revA.N iva vishpatirdaivyaH ketuH shR^iNotu naH | ukthairagnirbR^ihadbhAnuH || 1\.027\.12 namo mahadbhyo namo arbhakebhyo namo yuvabhyo nama AshinebhyaH | yajAma devAnyadi shaknavAma mA jyAyasaH shaMsamA vR^ikShi devAH || 1\.027\.13 yatra grAvA pR^ithubudhna Urdhvo bhavati sotave | ulUkhalasutAnAmavedvindra jalgulaH || 1\.028\.01 yatra dvAviva jaghanAdhiShavaNyA kR^itA | ulUkhalasutAnAmavedvindra jalgulaH || 1\.028\.02 yatra nAryapachyavamupachyavaM cha shikShate | ulUkhalasutAnAmavedvindra jalgulaH || 1\.028\.03 yatra manthAM vibadhnate rashmInyamitavA iva | ulUkhalasutAnAmavedvindra jalgulaH || 1\.028\.04 yachchiddhi tvaM gR^ihegR^iha ulUkhalaka yujyase | iha dyumattamaM vada jayatAmiva dundubhiH || 1\.028\.05 uta sma te vanaspate vAto vi vAtyagramit | atho indrAya pAtave sunu somamulUkhala || 1\.028\.06 AyajI vAjasAtamA tA hyuchchA vijarbhR^itaH | harI ivAndhAMsi bapsatA || 1\.028\.07 tA no adya vanaspatI R^iShvAvR^iShvebhiH sotR^ibhiH | indrAya madhumatsutam || 1\.028\.08 uchChiShTaM chamvorbhara somaM pavitra A sR^ija | ni dhehi goradhi tvachi || 1\.028\.09 yachchiddhi satya somapA anAshastA iva smasi | A tU na indra shaMsaya goShvashveShu shubhriShu sahasreShu tuvImagha || 1\.029\.01 shiprinvAjAnAM pate shachIvastava daMsanA | A tU na indra shaMsaya goShvashveShu shubhriShu sahasreShu tuvImagha || 1\.029\.02 ni ShvApayA mithUdR^ishA sastAmabudhyamAne | A tU na indra shaMsaya goShvashveShu shubhriShu sahasreShu tuvImagha || 1\.029\.03 sasantu tyA arAtayo bodhantu shUra rAtayaH | A tU na indra shaMsaya goShvashveShu shubhriShu sahasreShu tuvImagha || 1\.029\.04 samindra gardabhaM mR^iNa nuvantaM pApayAmuyA | A tU na indra shaMsaya goShvashveShu shubhriShu sahasreShu tuvImagha || 1\.029\.05 patAti kuNDR^iNAchyA dUraM vAto vanAdadhi | A tU na indra shaMsaya goShvashveShu shubhriShu sahasreShu tuvImagha || 1\.029\.06 sarvaM parikroshaM jahi jambhayA kR^ikadAshvam | A tU na indra shaMsaya goShvashveShu shubhriShu sahasreShu tuvImagha || 1\.029\.07 A va indraM kriviM yathA vAjayantaH shatakratum | maMhiShThaM si~ncha indubhiH || 1\.030\.01 shataM vA yaH shuchInAM sahasraM vA samAshirAm | edu nimnaM na rIyate || 1\.030\.02 saM yanmadAya shuShmiNa enA hyasyodare | samudro na vyacho dadhe || 1\.030\.03 ayamu te samatasi kapota iva garbhadhim | vachastachchinna ohase || 1\.030\.04 stotraM rAdhAnAM pate girvAho vIra yasya te | vibhUtirastu sUnR^itA || 1\.030\.05 UrdhvastiShThA na Utaye.asminvAje shatakrato | samanyeShu bravAvahai || 1\.030\.06 yogeyoge tavastaraM vAjevAje havAmahe | sakhAya indramUtaye || 1\.030\.07 A ghA gamadyadi shravatsahasriNIbhirUtibhiH | vAjebhirupa no havam || 1\.030\.08 anu pratnasyaukaso huve tuvipratiM naram | yaM te pUrvaM pitA huve || 1\.030\.09 taM tvA vayaM vishvavArA shAsmahe puruhUta | sakhe vaso jaritR^ibhyaH || 1\.030\.10 asmAkaM shipriNInAM somapAH somapAvnAm | sakhe vajrinsakhInAm || 1\.030\.11 tathA tadastu somapAH sakhe vajrintathA kR^iNu | yathA ta ushmasIShTaye || 1\.030\.12 revatIrnaH sadhamAda indre santu tuvivAjAH | kShumanto yAbhirmadema || 1\.030\.13 A gha tvAvAntmanAptaH stotR^ibhyo dhR^iShNaviyAnaH | R^iNorakShaM na chakryoH || 1\.030\.14 A yadduvaH shatakratavA kAmaM jaritR^INAm | R^iNorakShaM na shachIbhiH || 1\.030\.15 shashvadindraH popruthadbhirjigAya nAnadadbhiH shAshvasadbhirdhanAni | sa no hiraNyarathaM daMsanAvAnsa naH sanitA sanaye sa no.adAt || 1\.030\.16 AshvinAvashvAvatyeShA yAtaM shavIrayA | gomaddasrA hiraNyavat || 1\.030\.17 samAnayojano hi vAM ratho dasrAvamartyaH | samudre ashvineyate || 1\.030\.18 nyaghnyasya mUrdhani chakraM rathasya yemathuH | pari dyAmanyadIyate || 1\.030\.19 kasta uShaH kadhapriye bhuje marto amartye | kaM nakShase vibhAvari || 1\.030\.20 vayaM hi te amanmahyAntAdA parAkAt | ashve na chitre aruShi || 1\.030\.21 tvaM tyebhirA gahi vAjebhirduhitardivaH | asme rayiM ni dhAraya || 1\.030\.22 tvamagne prathamo a~NgirA R^iShirdevo devAnAmabhavaH shivaH sakhA | tava vrate kavayo vidmanApaso.ajAyanta maruto bhrAjadR^iShTayaH || 1\.031\.01 tvamagne prathamo a~NgirastamaH kavirdevAnAM pari bhUShasi vratam | vibhurvishvasmai bhuvanAya medhiro dvimAtA shayuH katidhA chidAyave || 1\.031\.02 tvamagne prathamo mAtarishvana Avirbhava sukratUyA vivasvate | arejetAM rodasI hotR^ivUrye.asaghnorbhAramayajo maho vaso || 1\.031\.03 tvamagne manave dyAmavAshayaH purUravase sukR^ite sukR^ittaraH | shvAtreNa yatpitrormuchyase paryA tvA pUrvamanayannAparaM punaH || 1\.031\.04 tvamagne vR^iShabhaH puShTivardhana udyatasruche bhavasi shravAyyaH | ya AhutiM pari vedA vaShaTkR^itimekAyuragre visha AvivAsasi || 1\.031\.05 tvamagne vR^ijinavartaniM naraM sakmanpiparShi vidathe vicharShaNe | yaH shUrasAtA paritakmye dhane dabhrebhishchitsamR^itA haMsi bhUyasaH || 1\.031\.06 tvaM tamagne amR^itatva uttame martaM dadhAsi shravase divedive | yastAtR^iShANa ubhayAya janmane mayaH kR^iNoShi praya A cha sUraye || 1\.031\.07 tvaM no agne sanaye dhanAnAM yashasaM kAruM kR^iNuhi stavAnaH | R^idhyAma karmApasA navena devairdyAvApR^ithivI prAvataM naH || 1\.031\.08 tvaM no agne pitrorupastha A devo deveShvanavadya jAgR^iviH | tanUkR^idbodhi pramatishcha kArave tvaM kalyANa vasu vishvamopiShe || 1\.031\.09 tvamagne pramatistvaM pitAsi nastvaM vayaskR^ittava jAmayo vayam | saM tvA rAyaH shatinaH saM sahasriNaH suvIraM yanti vratapAmadAbhya || 1\.031\.10 tvAmagne prathamamAyumAyave devA akR^iNvannahuShasya vishpatim | iLAmakR^iNvanmanuShasya shAsanIM pituryatputro mamakasya jAyate || 1\.031\.11 tvaM no agne tava deva pAyubhirmaghono rakSha tanvashcha vandya | trAtA tokasya tanaye gavAmasyanimeShaM rakShamANastava vrate || 1\.031\.12 tvamagne yajyave pAyurantaro.aniSha~NgAya chaturakSha idhyase | yo rAtahavyo.avR^ikAya dhAyase kIreshchinmantraM manasA vanoShi tam || 1\.031\.13 tvamagna urushaMsAya vAghate spArhaM yadrekNaH paramaM vanoShi tat | Adhrasya chitpramatiruchyase pitA pra pAkaM shAssi pra disho viduShTaraH || 1\.031\.14 tvamagne prayatadakShiNaM naraM varmeva syUtaM pari pAsi vishvataH | svAdukShadmA yo vasatau syonakR^ijjIvayAjaM yajate sopamA divaH || 1\.031\.15 imAmagne sharaNiM mImR^iSho na imamadhvAnaM yamagAma dUrAt | ApiH pitA pramatiH somyAnAM bhR^imirasyR^iShikR^inmartyAnAm || 1\.031\.16 manuShvadagne a~Ngirasvada~Ngiro yayAtivatsadane pUrvavachChuche | achCha yAhyA vahA daivyaM janamA sAdaya barhiShi yakShi cha priyam || 1\.031\.17 etenAgne brahmaNA vAvR^idhasva shaktI vA yatte chakR^imA vidA vA | uta pra NeShyabhi vasyo asmAnsaM naH sR^ija sumatyA vAjavatyA || 1\.031\.18 indrasya nu vIryANi pra vochaM yAni chakAra prathamAni vajrI | ahannahimanvapastatarda pra vakShaNA abhinatparvatAnAm || 1\.032\.01 ahannahiM parvate shishriyANaM tvaShTAsmai vajraM svaryaM tatakSha | vAshrA iva dhenavaH syandamAnA a~njaH samudramava jagmurApaH || 1\.032\.02 vR^iShAyamANo.avR^iNIta somaM trikadrukeShvapibatsutasya | A sAyakaM maghavAdatta vajramahannenaM prathamajAmahInAm || 1\.032\.03 yadindrAhanprathamajAmahInAmAnmAyinAmaminAH prota mAyAH | AtsUryaM janayandyAmuShAsaM tAdItnA shatruM na kilA vivitse || 1\.032\.04 ahanvR^itraM vR^itrataraM vyaMsamindro vajreNa mahatA vadhena | skandhAMsIva kulishenA vivR^ikNAhiH shayata upapR^ikpR^ithivyAH || 1\.032\.05 ayoddheva durmada A hi juhve mahAvIraM tuvibAdhamR^ijISham | nAtArIdasya samR^itiM vadhAnAM saM rujAnAH pipiSha indrashatruH || 1\.032\.06 apAdahasto apR^itanyadindramAsya vajramadhi sAnau jaghAna | vR^iShNo vadhriH pratimAnaM bubhUShanpurutrA vR^itro ashayadvyastaH || 1\.032\.07 nadaM na bhinnamamuyA shayAnaM mano ruhANA ati yantyApaH | yAshchidvR^itro mahinA paryatiShThattAsAmahiH patsutaHshIrbabhUva || 1\.032\.08 nIchAvayA abhavadvR^itraputrendro asyA ava vadharjabhAra | uttarA sUradharaH putra AsIddAnuH shaye sahavatsA na dhenuH || 1\.032\.09 atiShThantInAmaniveshanAnAM kAShThAnAM madhye nihitaM sharIram | vR^itrasya niNyaM vi charantyApo dIrghaM tama AshayadindrashatruH || 1\.032\.10 dAsapatnIrahigopA atiShThanniruddhA ApaH paNineva gAvaH | apAM bilamapihitaM yadAsIdvR^itraM jaghanvA.N apa tadvavAra || 1\.032\.11 ashvyo vAro abhavastadindra sR^ike yattvA pratyahandeva ekaH | ajayo gA ajayaH shUra somamavAsR^ijaH sartave sapta sindhUn || 1\.032\.12 nAsmai vidyunna tanyatuH siShedha na yAM mihamakiraddhrAduniM cha | indrashcha yadyuyudhAte ahishchotAparIbhyo maghavA vi jigye || 1\.032\.13 aheryAtAraM kamapashya indra hR^idi yatte jaghnuSho bhIragachChat | nava cha yannavatiM cha sravantIH shyeno na bhIto ataro rajAMsi || 1\.032\.14 indro yAto.avasitasya rAjA shamasya cha shR^i~NgiNo vajrabAhuH | sedu rAjA kShayati charShaNInAmarAnna nemiH pari tA babhUva || 1\.032\.15 etAyAmopa gavyanta indramasmAkaM su pramatiM vAvR^idhAti | anAmR^iNaH kuvidAdasya rAyo gavAM ketaM paramAvarjate naH || 1\.033\.01 upedahaM dhanadAmapratItaM juShTAM na shyeno vasatiM patAmi | indraM namasyannupamebhirarkairyaH stotR^ibhyo havyo asti yAman || 1\.033\.02 ni sarvasena iShudhI.Nrasakta samaryo gA ajati yasya vaShTi | choShkUyamANa indra bhUri vAmaM mA paNirbhUrasmadadhi pravR^iddha || 1\.033\.03 vadhIrhi dasyuM dhaninaM ghanena.N ekashcharannupashAkebhirindra | dhanoradhi viShuNakte vyAyannayajvAnaH sanakAH pretimIyuH || 1\.033\.04 parA chichChIrShA vavR^ijusta indrAyajvAno yajvabhiH spardhamAnAH | pra yaddivo harivaH sthAtarugra niravratA.N adhamo rodasyoH || 1\.033\.05 ayuyutsannanavadyasya senAmayAtayanta kShitayo navagvAH | vR^iShAyudho na vadhrayo niraShTAH pravadbhirindrAchchitayanta Ayan || 1\.033\.06 tvametAnrudato jakShatashchAyodhayo rajasa indra pAre | avAdaho diva A dasyumuchchA pra sunvataH stuvataH shaMsamAvaH || 1\.033\.07 chakrANAsaH parINahaM pR^ithivyA hiraNyena maNinA shumbhamAnAH | na hinvAnAsastitirusta indraM pari spasho adadhAtsUryeNa || 1\.033\.08 pari yadindra rodasI ubhe abubhojIrmahinA vishvataH sIm | amanyamAnA.N abhi manyamAnairnirbrahmabhiradhamo dasyumindra || 1\.033\.09 na ye divaH pR^ithivyA antamApurna mAyAbhirdhanadAM paryabhUvan | yujaM vajraM vR^iShabhashchakra indro nirjyotiShA tamaso gA adukShat || 1\.033\.10 anu svadhAmakSharannApo asyAvardhata madhya A nAvyAnAm | sadhrIchInena manasA tamindra ojiShThena hanmanAhannabhi dyUn || 1\.033\.11 nyAvidhyadilIbishasya dR^iLhA vi shR^i~NgiNamabhinachChuShNamindraH | yAvattaro maghavanyAvadojo vajreNa shatrumavadhIH pR^itanyum || 1\.033\.12 abhi sidhmo ajigAdasya shatrUnvi tigmena vR^iShabheNA puro.abhet | saM vajreNAsR^ijadvR^itramindraH pra svAM matimatirachChAshadAnaH || 1\.033\.13 AvaH kutsamindra yasmi~nchAkanprAvo yudhyantaM vR^iShabhaM dashadyum | shaphachyuto reNurnakShata dyAmuchChvaitreyo nR^iShAhyAya tasthau || 1\.033\.14 AvaH shamaM vR^iShabhaM tugryAsu kShetrajeShe maghava~nChvitryaM gAm | jyokchidatra tasthivAMso akra~nChatrUyatAmadharA vedanAkaH || 1\.033\.15 trishchinno adyA bhavataM navedasA vibhurvAM yAma uta rAtirashvinA | yuvorhi yantraM himyeva vAsaso.abhyAyaMsenyA bhavataM manIShibhiH || 1\.034\.01 trayaH pavayo madhuvAhane rathe somasya venAmanu vishva idviduH | trayaH skambhAsaH skabhitAsa Arabhe trirnaktaM yAthastrirvashvinA divA || 1\.034\.02 samAne ahantriravadyagohanA triradya yaj~naM madhunA mimikShatam | trirvAjavatIriSho ashvinA yuvaM doShA asmabhyamuShasashcha pinvatam || 1\.034\.03 trirvartiryAtaM triranuvrate jane triH suprAvye tredheva shikShatam | trirnAndyaM vahatamashvinA yuvaM triH pR^ikSho asme akShareva pinvatam || 1\.034\.04 trirno rayiM vahatamashvinA yuvaM trirdevatAtA trirutAvataM dhiyaH | triH saubhagatvaM triruta shravAMsi nastriShThaM vAM sUre duhitA ruhadratham || 1\.034\.05 trirno ashvinA divyAni bheShajA triH pArthivAni triru dattamadbhyaH | omAnaM shaMyormamakAya sUnave tridhAtu sharma vahataM shubhaspatI || 1\.034\.06 trirno ashvinA yajatA divedive pari tridhAtu pR^ithivImashAyatam | tisro nAsatyA rathyA parAvata Atmeva vAtaH svasarANi gachChatam || 1\.034\.07 trirashvinA sindhubhiH saptamAtR^ibhistraya AhAvAstredhA haviShkR^itam | tisraH pR^ithivIrupari pravA divo nAkaM rakShethe dyubhiraktubhirhitam || 1\.034\.08 kva trI chakrA trivR^ito rathasya kva trayo vandhuro ye sanILAH | kadA yogo vAjino rAsabhasya yena yaj~naM nAsatyopayAthaH || 1\.034\.09 A nAsatyA gachChataM hUyate havirmadhvaH pibataM madhupebhirAsabhiH | yuvorhi pUrvaM savitoShaso rathamR^itAya chitraM ghR^itavantamiShyati || 1\.034\.10 A nAsatyA tribhirekAdashairiha devebhiryAtaM madhupeyamashvinA | prAyustAriShTaM nI rapAMsi mR^ikShataM sedhataM dveSho bhavataM sachAbhuvA || 1\.034\.11 A no ashvinA trivR^itA rathenArvA~nchaM rayiM vahataM suvIram | shR^iNvantA vAmavase johavImi vR^idhe cha no bhavataM vAjasAtau || 1\.034\.12 hvayAmyagniM prathamaM svastaye hvayAmi mitrAvaruNAvihAvase | hvayAmi rAtrIM jagato niveshanIM hvayAmi devaM savitAramUtaye || 1\.035\.01 A kR^iShNena rajasA vartamAno niveshayannamR^itaM martyaM cha | hiraNyayena savitA rathenA devo yAti bhuvanAni pashyan || 1\.035\.02 yAti devaH pravatA yAtyudvatA yAti shubhrAbhyAM yajato haribhyAm | A devo yAti savitA parAvato.apa vishvA duritA bAdhamAnaH || 1\.035\.03 abhIvR^itaM kR^ishanairvishvarUpaM hiraNyashamyaM yajato bR^ihantam | AsthAdrathaM savitA chitrabhAnuH kR^iShNA rajAMsi taviShIM dadhAnaH || 1\.035\.04 vi janA~nChyAvAH shitipAdo akhyanrathaM hiraNyapra{}ugaM vahantaH | shashvadvishaH saviturdaivyasyopasthe vishvA bhuvanAni tasthuH || 1\.035\.05 tisro dyAvaH saviturdvA upasthA.N ekA yamasya bhuvane virAShAT | ANiM na rathyamamR^itAdhi tasthuriha bravItu ya u tachchiketat || 1\.035\.06 vi suparNo antarikShANyakhyadgabhIravepA asuraH sunIthaH | kvedAnIM sUryaH kashchiketa katamAM dyAM rashmirasyA tatAna || 1\.035\.07 aShTau vyakhyatkakubhaH pR^ithivyAstrI dhanva yojanA sapta sindhUn | hiraNyAkShaH savitA deva AgAddadhadratnA dAshuShe vAryANi || 1\.035\.08 hiraNyapANiH savitA vicharShaNirubhe dyAvApR^ithivI antarIyate | apAmIvAM bAdhate veti sUryamabhi kR^iShNena rajasA dyAmR^iNoti || 1\.035\.09 hiraNyahasto asuraH sunIthaH sumR^iLIkaH svavA.N yAtvarvA~N | apasedhanrakShaso yAtudhAnAnasthAddevaH pratidoShaM gR^iNAnaH || 1\.035\.10 ye te panthAH savitaH pUrvyAso.areNavaH sukR^itA antarikShe | tebhirno adya pathibhiH sugebhI rakShA cha no adhi cha brUhi deva || 1\.035\.11 pra vo yahvaM purUNAM vishAM devayatInAm | agniM sUktebhirvachobhirImahe yaM sImidanya ILate || 1\.036\.01 janAso agniM dadhire sahovR^idhaM haviShmanto vidhema te | sa tvaM no adya sumanA ihAvitA bhavA vAjeShu santya || 1\.036\.02 pra tvA dUtaM vR^iNImahe hotAraM vishvavedasam | mahaste sato vi charantyarchayo divi spR^ishanti bhAnavaH || 1\.036\.03 devAsastvA varuNo mitro aryamA saM dUtaM pratnamindhate | vishvaM so agne jayati tvayA dhanaM yaste dadAsha martyaH || 1\.036\.04 mandro hotA gR^ihapatiragne dUto vishAmasi | tve vishvA saMgatAni vratA dhruvA yAni devA akR^iNvata || 1\.036\.05 tve idagne subhage yaviShThya vishvamA hUyate haviH | sa tvaM no adya sumanA utAparaM yakShi devAnsuvIryA || 1\.036\.06 taM ghemitthA namasvina upa svarAjamAsate | hotrAbhiragniM manuShaH samindhate titirvAMso ati sridhaH || 1\.036\.07 ghnanto vR^itramataranrodasI apa uru kShayAya chakrire | bhuvatkaNve vR^iShA dyumnyAhutaH krandadashvo gaviShTiShu || 1\.036\.08 saM sIdasva mahA.N asi shochasva devavItamaH | vi dhUmamagne aruShaM miyedhya sR^ija prashasta darshatam || 1\.036\.09 yaM tvA devAso manave dadhuriha yajiShThaM havyavAhana | yaM kaNvo medhyAtithirdhanaspR^itaM yaM vR^iShA yamupastutaH || 1\.036\.10 yamagniM medhyAtithiH kaNva Idha R^itAdadhi | tasya preSho dIdiyustamimA R^ichastamagniM vardhayAmasi || 1\.036\.11 rAyaspUrdhi svadhAvo.asti hi te.agne deveShvApyam | tvaM vAjasya shrutyasya rAjasi sa no mR^iLa mahA.N asi || 1\.036\.12 Urdhva U Shu Na Utaye tiShThA devo na savitA | Urdhvo vAjasya sanitA yada~njibhirvAghadbhirvihvayAmahe || 1\.036\.13 Urdhvo naH pAhyaMhaso ni ketunA vishvaM samatriNaM daha | kR^idhI na UrdhvA~ncharathAya jIvase vidA deveShu no duvaH || 1\.036\.14 pAhi no agne rakShasaH pAhi dhUrterarAvNaH | pAhi rIShata uta vA jighAMsato bR^ihadbhAno yaviShThya || 1\.036\.15 ghaneva viShvagvi jahyarAvNastapurjambha yo asmadhruk | yo martyaH shishIte atyaktubhirmA naH sa ripurIshata || 1\.036\.16 agnirvavne suvIryamagniH kaNvAya saubhagam | agniH prAvanmitrota medhyAtithimagniH sAtA upastutam || 1\.036\.17 agninA turvashaM yaduM parAvata ugrAdevaM havAmahe | agnirnayannavavAstvaM bR^ihadrathaM turvItiM dasyave sahaH || 1\.036\.18 ni tvAmagne manurdadhe jyotirjanAya shashvate | dIdetha kaNva R^itajAta ukShito yaM namasyanti kR^iShTayaH || 1\.036\.19 tveShAso agneramavanto archayo bhImAso na pratItaye | rakShasvinaH sadamidyAtumAvato vishvaM samatriNaM daha || 1\.036\.20 krILaM vaH shardho mArutamanarvANaM ratheshubham | kaNvA abhi pra gAyata || 1\.037\.01 ye pR^iShatIbhirR^iShTibhiH sAkaM vAshIbhira~njibhiH | ajAyanta svabhAnavaH || 1\.037\.02 iheva shR^iNva eShAM kashA hasteShu yadvadAn | ni yAma~nchitramR^i~njate || 1\.037\.03 pra vaH shardhAya ghR^iShvaye tveShadyumnAya shuShmiNe | devattaM brahma gAyata || 1\.037\.04 pra shaMsA goShvaghnyaM krILaM yachChardho mArutam | jambhe rasasya vAvR^idhe || 1\.037\.05 ko vo varShiShTha A naro divashcha gmashcha dhUtayaH | yatsImantaM na dhUnutha || 1\.037\.06 ni vo yAmAya mAnuSho dadhra ugrAya manyave | jihIta parvato giriH || 1\.037\.07 yeShAmajmeShu pR^ithivI jujurvA.N iva vishpatiH | bhiyA yAmeShu rejate || 1\.037\.08 sthiraM hi jAnameShAM vayo mAturniretave | yatsImanu dvitA shavaH || 1\.037\.09 udu tye sUnavo giraH kAShThA ajmeShvatnata | vAshrA abhij~nu yAtave || 1\.037\.10 tyaM chidghA dIrghaM pR^ithuM miho napAtamamR^idhram | pra chyAvayanti yAmabhiH || 1\.037\.11 maruto yaddha vo balaM janA.N achuchyavItana | girI.NrachuchyavItana || 1\.037\.12 yaddha yAnti marutaH saM ha bruvate.adhvannA | shR^iNoti kashchideShAm || 1\.037\.13 pra yAta shIbhamAshubhiH santi kaNveShu vo duvaH | tatro Shu mAdayAdhvai || 1\.037\.14 asti hi ShmA madAya vaH smasi ShmA vayameShAm | vishvaM chidAyurjIvase || 1\.037\.15 kaddha nUnaM kadhapriyaH pitA putraM na hastayoH | dadhidhve vR^iktabarhiShaH || 1\.038\.01 kva nUnaM kadvo arthaM gantA divo na pR^ithivyAH | kva vo gAvo na raNyanti || 1\.038\.02 kva vaH sumnA navyAMsi marutaH kva suvitA | kvo vishvAni saubhagA || 1\.038\.03 yadyUyaM pR^ishnimAtaro martAsaH syAtana | stotA vo amR^itaH syAt || 1\.038\.04 mA vo mR^igo na yavase jaritA bhUdajoShyaH | pathA yamasya gAdupa || 1\.038\.05 mo Shu NaH parAparA nirR^itirdurhaNA vadhIt | padIShTa tR^iShNayA saha || 1\.038\.06 satyaM tveShA amavanto dhanva~nchidA rudriyAsaH | mihaM kR^iNvantyavAtAm || 1\.038\.07 vAshreva vidyunmimAti vatsaM na mAtA siShakti | yadeShAM vR^iShTirasarji || 1\.038\.08 divA chittamaH kR^iNvanti parjanyenodavAhena | yatpR^ithivIM vyundanti || 1\.038\.09 adha svanAnmarutAM vishvamA sadma pArthivam | arejanta pra mAnuShAH || 1\.038\.10 maruto vILupANibhishchitrA rodhasvatIranu | yAtemakhidrayAmabhiH || 1\.038\.11 sthirA vaH santu nemayo rathA ashvAsa eShAm | susaMskR^itA abhIshavaH || 1\.038\.12 achChA vadA tanA girA jarAyai brahmaNaspatim | agniM mitraM na darshatam || 1\.038\.13 mimIhi shlokamAsye parjanya iva tatanaH | gAya gAyatramukthyam || 1\.038\.14 vandasva mArutaM gaNaM tveShaM panasyumarkiNam | asme vR^iddhA asanniha || 1\.038\.15 pra yaditthA parAvataH shochirna mAnamasyatha | kasya kratvA marutaH kasya varpasA kaM yAtha kaM ha dhUtayaH || 1\.039\.01 sthirA vaH santvAyudhA parANude vILU uta pratiShkabhe | yuShmAkamastu taviShI panIyasI mA martyasya mAyinaH || 1\.039\.02 parA ha yatsthiraM hatha naro vartayathA guru | vi yAthana vaninaH pR^ithivyA vyAshAH parvatAnAm || 1\.039\.03 nahi vaH shatrurvivide adhi dyavi na bhUmyAM rishAdasaH | yuShmAkamastu taviShI tanA yujA rudrAso nU chidAdhR^iShe || 1\.039\.04 pra vepayanti parvatAnvi vi~nchanti vanaspatIn | pro Arata maruto durmadA iva devAsaH sarvayA vishA || 1\.039\.05 upo ratheShu pR^iShatIrayugdhvaM praShTirvahati rohitaH | A vo yAmAya pR^ithivI chidashrodabIbhayanta mAnuShAH || 1\.039\.06 A vo makShU tanAya kaM rudrA avo vR^iNImahe | gantA nUnaM no.avasA yathA puretthA kaNvAya bibhyuShe || 1\.039\.07 yuShmeShito maruto martyeShita A yo no abhva IShate | vi taM yuyota shavasA vyojasA vi yuShmAkAbhirUtibhiH || 1\.039\.08 asAmi hi prayajyavaH kaNvaM dada prachetasaH | asAmibhirmaruta A na UtibhirgantA vR^iShTiM na vidyutaH || 1\.039\.09 asAmyojo bibhR^ithA sudAnavo.asAmi dhUtayaH shavaH | R^iShidviShe marutaH parimanyava iShuM na sR^ijata dviSham || 1\.039\.10 uttiShTha brahmaNaspate devayantastvemahe | upa pra yantu marutaH sudAnava indra prAshUrbhavA sachA || 1\.040\.01 tvAmiddhi sahasasputra martya upabrUte dhane hite | suvIryaM maruta A svashvyaM dadhIta yo va Achake || 1\.040\.02 praitu brahmaNaspatiH pra devyetu sUnR^itA | achChA vIraM naryaM pa~NktirAdhasaM devA yaj~naM nayantu naH || 1\.040\.03 yo vAghate dadAti sUnaraM vasu sa dhatte akShiti shravaH | tasmA iLAM suvIrAmA yajAmahe supratUrtimanehasam || 1\.040\.04 pra nUnaM brahmaNaspatirmantraM vadatyukthyam | yasminnindro varuNo mitro aryamA devA okAMsi chakrire || 1\.040\.05 tamidvochemA vidatheShu shambhuvaM mantraM devA anehasam | imAM cha vAchaM pratiharyathA naro vishvedvAmA vo ashnavat || 1\.040\.06 ko devayantamashnavajjanaM ko vR^iktabarhiSham | prapra dAshvAnpastyAbhirasthitAntarvAvatkShayaM dadhe || 1\.040\.07 upa kShatraM pR^i~nchIta hanti rAjabhirbhaye chitsukShitiM dadhe | nAsya vartA na tarutA mahAdhane nArbhe asti vajriNaH || 1\.040\.08 yaM rakShanti prachetaso varuNo mitro aryamA | nU chitsa dabhyate janaH || 1\.041\.01 yaM bAhuteva piprati pAnti martyaM riShaH | ariShTaH sarva edhate || 1\.041\.02 vi durgA vi dviShaH puro ghnanti rAjAna eShAm | nayanti duritA tiraH || 1\.041\.03 sugaH panthA anR^ikShara AdityAsa R^itaM yate | nAtrAvakhAdo asti vaH || 1\.041\.04 yaM yaj~naM nayathA nara AdityA R^ijunA pathA | pra vaH sa dhItaye nashat || 1\.041\.05 sa ratnaM martyo vasu vishvaM tokamuta tmanA | achChA gachChatyastR^itaH || 1\.041\.06 kathA rAdhAma sakhAyaH stomaM mitrasyAryamNaH | mahi psaro varuNasya || 1\.041\.07 mA vo ghnantaM mA shapantaM prati voche devayantam | sumnairidva A vivAse || 1\.041\.08 chaturashchiddadamAnAdbibhIyAdA nidhAtoH | na duruktAya spR^ihayet || 1\.041\.09 saM pUShannadhvanastira vyaMho vimucho napAt | sakShvA deva pra NaspuraH || 1\.042\.01 yo naH pUShannagho vR^iko duHsheva Adideshati | apa sma taM patho jahi || 1\.042\.02 apa tyaM paripanthinaM muShIvANaM hurashchitam | dUramadhi sruteraja || 1\.042\.03 tvaM tasya dvayAvino.aghashaMsasya kasya chit | padAbhi tiShTha tapuShim || 1\.042\.04 A tatte dasra mantumaH pUShannavo vR^iNImahe | yena pitR^InachodayaH || 1\.042\.05 adhA no vishvasaubhaga hiraNyavAshImattama | dhanAni suShaNA kR^idhi || 1\.042\.06 ati naH sashchato naya sugA naH supathA kR^iNu | pUShanniha kratuM vidaH || 1\.042\.07 abhi sUyavasaM naya na navajvAro adhvane | pUShanniha kratuM vidaH || 1\.042\.08 shagdhi pUrdhi pra yaMsi cha shishIhi prAsyudaram | pUShanniha kratuM vidaH || 1\.042\.09 na pUShaNaM methAmasi sUktairabhi gR^iNImasi | vasUni dasmamImahe || 1\.042\.10 kadrudrAya prachetase mILhuShTamAya tavyase | vochema shaMtamaM hR^ide || 1\.043\.01 yathA no aditiH karatpashve nR^ibhyo yathA gave | yathA tokAya rudriyam || 1\.043\.02 yathA no mitro varuNo yathA rudrashchiketati | yathA vishve sajoShasaH || 1\.043\.03 gAthapatiM medhapatiM rudraM jalAShabheShajam | tachChaMyoH sumnamImahe || 1\.043\.04 yaH shukra iva sUryo hiraNyamiva rochate | shreShTho devAnAM vasuH || 1\.043\.05 shaM naH karatyarvate sugaM meShAya meShye | nR^ibhyo nAribhyo gave || 1\.043\.06 asme soma shriyamadhi ni dhehi shatasya nR^iNAm | mahi shravastuvinR^imNam || 1\.043\.07 mA naH somaparibAdho mArAtayo juhuranta | A na indo vAje bhaja || 1\.043\.08 yAste prajA amR^itasya parasmindhAmannR^itasya | mUrdhA nAbhA soma vena AbhUShantIH soma vedaH || 1\.043\.09 agne vivasvaduShasashchitraM rAdho amartya | A dAshuShe jAtavedo vahA tvamadyA devA.N uSharbudhaH || 1\.044\.01 juShTo hi dUto asi havyavAhano.agne rathIradhvarANAm | sajUrashvibhyAmuShasA suvIryamasme dhehi shravo bR^ihat || 1\.044\.02 adyA dUtaM vR^iNImahe vasumagniM purupriyam | dhUmaketuM bhAR^ijIkaM vyuShTiShu yaj~nAnAmadhvarashriyam || 1\.044\.03 shreShThaM yaviShThamatithiM svAhutaM juShTaM janAya dAshuShe | devA.N achChA yAtave jAtavedasamagnimILe vyuShTiShu || 1\.044\.04 staviShyAmi tvAmahaM vishvasyAmR^ita bhojana | agne trAtAramamR^itaM miyedhya yajiShThaM havyavAhana || 1\.044\.05 sushaMso bodhi gR^iNate yaviShThya madhujihvaH svAhutaH | praskaNvasya pratirannAyurjIvase namasyA daivyaM janam || 1\.044\.06 hotAraM vishvavedasaM saM hi tvA visha indhate | sa A vaha puruhUta prachetaso.agne devA.N iha dravat || 1\.044\.07 savitAramuShasamashvinA bhagamagniM vyuShTiShu kShapaH | kaNvAsastvA sutasomAsa indhate havyavAhaM svadhvara || 1\.044\.08 patirhyadhvarANAmagne dUto vishAmasi | uSharbudha A vaha somapItaye devA.N adya svardR^ishaH || 1\.044\.09 agne pUrvA anUShaso vibhAvaso dIdetha vishvadarshataH | asi grAmeShvavitA purohito.asi yaj~neShu mAnuShaH || 1\.044\.10 ni tvA yaj~nasya sAdhanamagne hotAramR^itvijam | manuShvaddeva dhImahi prachetasaM jIraM dUtamamartyam || 1\.044\.11 yaddevAnAM mitramahaH purohito.antaro yAsi dUtyam | sindhoriva prasvanitAsa Urmayo.agnerbhrAjante archayaH || 1\.044\.12 shrudhi shrutkarNa vahnibhirdevairagne sayAvabhiH | A sIdantu barhiShi mitro aryamA prAtaryAvANo adhvaram || 1\.044\.13 shR^iNvantu stomaM marutaH sudAnavo.agnijihvA R^itAvR^idhaH | pibatu somaM varuNo dhR^itavrato.ashvibhyAmuShasA sajUH || 1\.044\.14 tvamagne vasU.Nriha rudrA.N AdityA.N uta | yajA svadhvaraM janaM manujAtaM ghR^itapruSham || 1\.045\.01 shruShTIvAno hi dAshuShe devA agne vichetasaH | tAnrohidashva girvaNastrayastriMshatamA vaha || 1\.045\.02 priyamedhavadatrivajjAtavedo virUpavat | a~Ngirasvanmahivrata praskaNvasya shrudhI havam || 1\.045\.03 mahikerava Utaye priyamedhA ahUShata | rAjantamadhvarANAmagniM shukreNa shochiShA || 1\.045\.04 ghR^itAhavana santyemA u Shu shrudhI giraH | yAbhiH kaNvasya sUnavo havante.avase tvA || 1\.045\.05 tvAM chitrashravastama havante vikShu jantavaH | shochiShkeshaM purupriyAgne havyAya voLhave || 1\.045\.06 ni tvA hotAramR^itvijaM dadhire vasuvittamam | shrutkarNaM saprathastamaM viprA agne diviShTiShu || 1\.045\.07 A tvA viprA achuchyavuH sutasomA abhi prayaH | bR^ihadbhA bibhrato haviragne martAya dAshuShe || 1\.045\.08 prAtaryAvNaH sahaskR^ita somapeyAya santya | ihAdya daivyaM janaM barhirA sAdayA vaso || 1\.045\.09 arvA~nchaM daivyaM janamagne yakShva sahUtibhiH | ayaM somaH sudAnavastaM pAta tiro/ahnyam || 1\.045\.10 eSho uShA apUrvyA vyuchChati priyA divaH | stuShe vAmashvinA bR^ihat || 1\.046\.01 yA dasrA sindhumAtarA manotarA rayINAm | dhiyA devA vasuvidA || 1\.046\.02 vachyante vAM kakuhAso jUrNAyAmadhi viShTapi | yadvAM ratho vibhiShpatAt || 1\.046\.03 haviShA jAro apAM piparti papurirnarA | pitA kuTasya charShaNiH || 1\.046\.04 AdAro vAM matInAM nAsatyA matavachasA | pAtaM somasya dhR^iShNuyA || 1\.046\.05 yA naH pIparadashvinA jyotiShmatI tamastiraH | tAmasme rAsAthAmiSham || 1\.046\.06 A no nAvA matInAM yAtaM pArAya gantave | yu~njAthAmashvinA ratham || 1\.046\.07 aritraM vAM divaspR^ithu tIrthe sindhUnAM rathaH | dhiyA yuyujra indavaH || 1\.046\.08 divaskaNvAsa indavo vasu sindhUnAM pade | svaM vavriM kuha dhitsathaH || 1\.046\.09 abhUdu bhA u aMshave hiraNyaM prati sUryaH | vyakhyajjihvayAsitaH || 1\.046\.10 abhUdu pArametave panthA R^itasya sAdhuyA | adarshi vi srutirdivaH || 1\.046\.11 tattadidashvinoravo jaritA prati bhUShati | made somasya pipratoH || 1\.046\.12 vAvasAnA vivasvati somasya pItyA girA | manuShvachChambhU A gatam || 1\.046\.13 yuvoruShA anu shriyaM parijmanorupAcharat | R^itA vanatho aktubhiH || 1\.046\.14 ubhA pibatamashvinobhA naH sharma yachChatam | avidriyAbhirUtibhiH || 1\.046\.15 ayaM vAM madhumattamaH sutaH soma R^itAvR^idhA | tamashvinA pibataM tiro/ahnyaM dhattaM ratnAni dAshuShe || 1\.047\.01 trivandhureNa trivR^itA supeshasA rathenA yAtamashvinA | kaNvAso vAM brahma kR^iNvantyadhvare teShAM su shR^iNutaM havam || 1\.047\.02 ashvinA madhumattamaM pAtaM somamR^itAvR^idhA | athAdya dasrA vasu bibhratA rathe dAshvAMsamupa gachChatam || 1\.047\.03 triShadhasthe barhiShi vishvavedasA madhvA yaj~naM mimikShatam | kaNvAso vAM sutasomA abhidyavo yuvAM havante ashvinA || 1\.047\.04 yAbhiH kaNvamabhiShTibhiH prAvataM yuvamashvinA | tAbhiH ShvasmA.N avataM shubhaspatI pAtaM somamR^itAvR^idhA || 1\.047\.05 sudAse dasrA vasu bibhratA rathe pR^ikSho vahatamashvinA | rayiM samudrAduta vA divasparyasme dhattaM puruspR^iham || 1\.047\.06 yannAsatyA parAvati yadvA stho adhi turvashe | ato rathena suvR^itA na A gataM sAkaM sUryasya rashmibhiH || 1\.047\.07 arvA~nchA vAM saptayo.adhvarashriyo vahantu savanedupa | iShaM pR^i~nchantA sukR^ite sudAnava A barhiH sIdataM narA || 1\.047\.08 tena nAsatyA gataM rathena sUryatvachA | yena shashvadUhathurdAshuShe vasu madhvaH somasya pItaye || 1\.047\.09 ukthebhirarvAgavase purUvasU arkaishcha ni hvayAmahe | shashvatkaNvAnAM sadasi priye hi kaM somaM papathurashvinA || 1\.047\.10 saha vAmena na uSho vyuchChA duhitardivaH | saha dyumnena bR^ihatA vibhAvari rAyA devi dAsvatI || 1\.048\.01 ashvAvatIrgomatIrvishvasuvido bhUri chyavanta vastave | udIraya prati mA sUnR^itA uShashchoda rAdho maghonAm || 1\.048\.02 uvAsoShA uchChAchcha nu devI jIrA rathAnAm | ye asyA AcharaNeShu dadhrire samudre na shravasyavaH || 1\.048\.03 uSho ye te pra yAmeShu yu~njate mano dAnAya sUrayaH | atrAha tatkaNva eShAM kaNvatamo nAma gR^iNAti nR^iNAm || 1\.048\.04 A ghA yoSheva sUnaryuShA yAti prabhu~njatI | jarayantI vR^ijanaM padvadIyata utpAtayati pakShiNaH || 1\.048\.05 vi yA sR^ijati samanaM vyarthinaH padaM na vetyodatI | vayo nakiShTe paptivAMsa Asate vyuShTau vAjinIvati || 1\.048\.06 eShAyukta parAvataH sUryasyodayanAdadhi | shataM rathebhiH subhagoShA iyaM vi yAtyabhi mAnuShAn || 1\.048\.07 vishvamasyA nAnAma chakShase jagajjyotiShkR^iNoti sUnarI | apa dveSho maghonI duhitA diva uShA uchChadapa sridhaH || 1\.048\.08 uSha A bhAhi bhAnunA chandreNa duhitardivaH | AvahantI bhUryasmabhyaM saubhagaM vyuchChantI diviShTiShu || 1\.048\.09 vishvasya hi prANanaM jIvanaM tve vi yaduchChasi sUnari | sA no rathena bR^ihatA vibhAvari shrudhi chitrAmaghe havam || 1\.048\.10 uSho vAjaM hi vaMsva yashchitro mAnuShe jane | tenA vaha sukR^ito adhvarA.N upa ye tvA gR^iNanti vahnayaH || 1\.048\.11 vishvAndevA.N A vaha somapItaye.antarikShAduShastvam | sAsmAsu dhA gomadashvAvadukthyamuSho vAjaM suvIryam || 1\.048\.12 yasyA rushanto archayaH prati bhadrA adR^ikShata | sA no rayiM vishvavAraM supeshasamuShA dadAtu sugmyam || 1\.048\.13 ye chiddhi tvAmR^iShayaH pUrva Utaye juhUre.avase mahi | sA naH stomA.N abhi gR^iNIhi rAdhasoShaH shukreNa shochiShA || 1\.048\.14 uSho yadadya bhAnunA vi dvArAvR^iNavo divaH | pra no yachChatAdavR^ikaM pR^ithu chChardiH pra devi gomatIriShaH || 1\.048\.15 saM no rAyA bR^ihatA vishvapeshasA mimikShvA samiLAbhirA | saM dyumnena vishvaturoSho mahi saM vAjairvAjinIvati || 1\.048\.16 uSho bhadrebhirA gahi divashchidrochanAdadhi | vahantvaruNapsava upa tvA somino gR^iham || 1\.049\.01 supeshasaM sukhaM rathaM yamadhyasthA uShastvam | tenA sushravasaM janaM prAvAdya duhitardivaH || 1\.049\.02 vayashchitte patatriNo dvipachchatuShpadarjuni | uShaH prArannR^itU.Nranu divo antebhyaspari || 1\.049\.03 vyuchChantI hi rashmibhirvishvamAbhAsi rochanam | tAM tvAmuSharvasUyavo gIrbhiH kaNvA ahUShata || 1\.049\.04 udu tyaM jAtavedasaM devaM vahanti ketavaH | dR^ishe vishvAya sUryam || 1\.050\.01 apa tye tAyavo yathA nakShatrA yantyaktubhiH | sUrAya vishvachakShase || 1\.050\.02 adR^ishramasya ketavo vi rashmayo janA.N anu | bhrAjanto agnayo yathA || 1\.050\.03 taraNirvishvadarshato jyotiShkR^idasi sUrya | vishvamA bhAsi rochanam || 1\.050\.04 pratya~NdevAnAM vishaH pratya~N~NudeShi mAnuShAn | pratya~NvishvaM svardR^ishe || 1\.050\.05 yenA pAvaka chakShasA bhuraNyantaM janA.N anu | tvaM varuNa pashyasi || 1\.050\.06 vi dyAmeShi rajaspR^ithvahA mimAno aktubhiH | pashya~njanmAni sUrya || 1\.050\.07 sapta tvA harito rathe vahanti deva sUrya | shochiShkeshaM vichakShaNa || 1\.050\.08 ayukta sapta shundhyuvaH sUro rathasya naptyaH | tAbhiryAti svayuktibhiH || 1\.050\.09 udvayaM tamasaspari jyotiShpashyanta uttaram | devaM devatrA sUryamaganma jyotiruttamam || 1\.050\.10 udyannadya mitramaha ArohannuttarAM divam | hR^idrogaM mama sUrya harimANaM cha nAshaya || 1\.050\.11 shukeShu me harimANaM ropaNAkAsu dadhmasi | atho hAridraveShu me harimANaM ni dadhmasi || 1\.050\.12 udagAdayamAdityo vishvena sahasA saha | dviShantaM mahyaM randhayanmo ahaM dviShate radham || 1\.050\.13 abhi tyaM meShaM puruhUtamR^igmiyamindraM gIrbhirmadatA vasvo arNavam | yasya dyAvo na vicharanti mAnuShA bhuje maMhiShThamabhi vipramarchata || 1\.051\.01 abhImavanvansvabhiShTimUtayo.antarikShaprAM taviShIbhirAvR^itam | indraM dakShAsa R^ibhavo madachyutaM shatakratuM javanI sUnR^itAruhat || 1\.051\.02 tvaM gotrama~Ngirobhyo.avR^iNorapotAtraye shatadureShu gAtuvit | sasena chidvimadAyAvaho vasvAjAvadriM vAvasAnasya nartayan || 1\.051\.03 tvamapAmapidhAnAvR^iNorapAdhArayaH parvate dAnumadvasu | vR^itraM yadindra shavasAvadhIrahimAditsUryaM divyArohayo dR^ishe || 1\.051\.04 tvaM mAyAbhirapa mAyino.adhamaH svadhAbhirye adhi shuptAvajuhvata | tvaM piprornR^imaNaH prArujaH puraH pra R^ijishvAnaM dasyuhatyeShvAvitha || 1\.051\.05 tvaM kutsaM shuShNahatyeShvAvithArandhayo.atithigvAya shambaram | mahAntaM chidarbudaM ni kramIH padA sanAdeva dasyuhatyAya jaj~niShe || 1\.051\.06 tve vishvA taviShI sadhryagghitA tava rAdhaH somapIthAya harShate | tava vajrashchikite bAhvorhito vR^ishchA shatrorava vishvAni vR^iShNyA || 1\.051\.07 vi jAnIhyAryAnye cha dasyavo barhiShmate randhayA shAsadavratAn | shAkI bhava yajamAnasya choditA vishvettA te sadhamAdeShu chAkana || 1\.051\.08 anuvratAya randhayannapavratAnAbhUbhirindraH shnathayannanAbhuvaH | vR^iddhasya chidvardhato dyAminakShataH stavAno vamro vi jaghAna saMdihaH || 1\.051\.09 takShadyatta ushanA sahasA saho vi rodasI majmanA bAdhate shavaH | A tvA vAtasya nR^imaNo manoyuja A pUryamANamavahannabhi shravaH || 1\.051\.10 mandiShTa yadushane kAvye sachA.N indro va~NkU va~NkutarAdhi tiShThati | ugro yayiM nirapaH srotasAsR^ijadvi shuShNasya dR^iMhitA airayatpuraH || 1\.051\.11 A smA rathaM vR^iShapANeShu tiShThasi shAryAtasya prabhR^itA yeShu mandase | indra yathA sutasomeShu chAkano.anarvANaM shlokamA rohase divi || 1\.051\.12 adadA arbhAM mahate vachasyave kakShIvate vR^ichayAmindra sunvate | menAbhavo vR^iShaNashvasya sukrato vishvettA te savaneShu pravAchyA || 1\.051\.13 indro ashrAyi sudhyo nireke pajreShu stomo duryo na yUpaH | ashvayurgavyU rathayurvasUyurindra idrAyaH kShayati prayantA || 1\.051\.14 idaM namo vR^iShabhAya svarAje satyashuShmAya tavase.avAchi | asminnindra vR^ijane sarvavIrAH smatsUribhistava sharmansyAma || 1\.051\.15 tyaM su meShaM mahayA svarvidaM shataM yasya subhvaH sAkamIrate | atyaM na vAjaM havanasyadaM rathamendraM vavR^ityAmavase suvR^iktibhiH || 1\.052\.01 sa parvato na dharuNeShvachyutaH sahasramUtistaviShIShu vAvR^idhe | indro yadvR^itramavadhInnadIvR^itamubjannarNAMsi jarhR^iShANo andhasA || 1\.052\.02 sa hi dvaro dvariShu vavra Udhani chandrabudhno madavR^iddho manIShibhiH | indraM tamahve svapasyayA dhiyA maMhiShTharAtiM sa hi paprirandhasaH || 1\.052\.03 A yaM pR^iNanti divi sadmabarhiShaH samudraM na subhvaH svA abhiShTayaH | taM vR^itrahatye anu tasthurUtayaH shuShmA indramavAtA ahrutapsavaH || 1\.052\.04 abhi svavR^iShTiM made asya yudhyato raghvIriva pravaNe sasrurUtayaH | indro yadvajrI dhR^iShamANo andhasA bhinadvalasya paridhI.Nriva tritaH || 1\.052\.05 parIM ghR^iNA charati titviShe shavo.apo vR^itvI rajaso budhnamAshayat | vR^itrasya yatpravaNe durgR^ibhishvano nijaghantha hanvorindra tanyatum || 1\.052\.06 hradaM na hi tvA nyR^iShantyUrmayo brahmANIndra tava yAni vardhanA | tvaShTA chitte yujyaM vAvR^idhe shavastatakSha vajramabhibhUtyojasam || 1\.052\.07 jaghanvA.N u haribhiH sambhR^itakratavindra vR^itraM manuShe gAtuyannapaH | ayachChathA bAhvorvajramAyasamadhArayo divyA sUryaM dR^ishe || 1\.052\.08 bR^ihatsvashchandramamavadyadukthyamakR^iNvata bhiyasA rohaNaM divaH | yanmAnuShapradhanA indramUtayaH svarnR^iShAcho maruto.amadannanu || 1\.052\.09 dyaushchidasyAmavA.N aheH svanAdayoyavIdbhiyasA vajra indra te | vR^itrasya yadbadbadhAnasya rodasI made sutasya shavasAbhinachChiraH || 1\.052\.10 yadinnvindra pR^ithivI dashabhujirahAni vishvA tatananta kR^iShTayaH | atrAha te maghavanvishrutaM saho dyAmanu shavasA barhaNA bhuvat || 1\.052\.11 tvamasya pAre rajaso vyomanaH svabhUtyojA avase dhR^iShanmanaH | chakR^iShe bhUmiM pratimAnamojaso.apaH svaH paribhUreShyA divam || 1\.052\.12 tvaM bhuvaH pratimAnaM pR^ithivyA R^iShvavIrasya bR^ihataH patirbhUH | vishvamAprA antarikShaM mahitvA satyamaddhA nakiranyastvAvAn || 1\.052\.13 na yasya dyAvApR^ithivI anu vyacho na sindhavo rajaso antamAnashuH | nota svavR^iShTiM made asya yudhyata eko anyachchakR^iShe vishvamAnuShak || 1\.052\.14 Archannatra marutaH sasminnAjau vishve devAso amadannanu tvA | vR^itrasya yadbhR^iShTimatA vadhena ni tvamindra pratyAnaM jaghantha || 1\.052\.15 nyU Shu vAchaM pra mahe bharAmahe gira indrAya sadane vivasvataH | nU chiddhi ratnaM sasatAmivAvidanna duShTutirdraviNodeShu shasyate || 1\.053\.01 duro ashvasya dura indra gorasi duro yavasya vasuna inaspatiH | shikShAnaraH pradivo akAmakarshanaH sakhA sakhibhyastamidaM gR^iNImasi || 1\.053\.02 shachIva indra purukR^iddyumattama tavedidamabhitashchekite vasu | ataH saMgR^ibhyAbhibhUta A bhara mA tvAyato jarituH kAmamUnayIH || 1\.053\.03 ebhirdyubhiH sumanA ebhirindubhirnirundhAno amatiM gobhirashvinA | indreNa dasyuM darayanta indubhiryutadveShasaH samiShA rabhemahi || 1\.053\.04 samindra rAyA samiShA rabhemahi saM vAjebhiH purushchandrairabhidyubhiH | saM devyA pramatyA vIrashuShmayA go/agrayAshvAvatyA rabhemahi || 1\.053\.05 te tvA madA amadantAni vR^iShNyA te somAso vR^itrahatyeShu satpate | yatkArave dasha vR^itrANyaprati barhiShmate ni sahasrANi barhayaH || 1\.053\.06 yudhA yudhamupa ghedeShi dhR^iShNuyA purA puraM samidaM haMsyojasA | namyA yadindra sakhyA parAvati nibarhayo namuchiM nAma mAyinam || 1\.053\.07 tvaM kara~njamuta parNayaM vadhIstejiShThayAtithigvasya vartanI | tvaM shatA va~NgR^idasyAbhinatpuro.anAnudaH pariShUtA R^ijishvanA || 1\.053\.08 tvametA~njanarAj~no dvirdashAbandhunA sushravasopajagmuShaH | ShaShTiM sahasrA navatiM nava shruto ni chakreNa rathyA duShpadAvR^iNak || 1\.053\.09 tvamAvitha sushravasaM tavotibhistava trAmabhirindra tUrvayANam | tvamasmai kutsamatithigvamAyuM mahe rAj~ne yUne arandhanAyaH || 1\.053\.10 ya udR^ichIndra devagopAH sakhAyaste shivatamA asAma | tvAM stoShAma tvayA suvIrA drAghIya AyuH prataraM dadhAnAH || 1\.053\.11 mA no asminmaghavanpR^itsvaMhasi nahi te antaH shavasaH parINashe | akrandayo nadyo roruvadvanA kathA na kShoNIrbhiyasA samArata || 1\.054\.01 archA shakrAya shAkine shachIvate shR^iNvantamindraM mahayannabhi ShTuhi | yo dhR^iShNunA shavasA rodasI ubhe vR^iShA vR^iShatvA vR^iShabho nyR^i~njate || 1\.054\.02 archA dive bR^ihate shUShyaM vachaH svakShatraM yasya dhR^iShato dhR^iShanmanaH | bR^ihachChravA asuro barhaNA kR^itaH puro haribhyAM vR^iShabho ratho hi ShaH || 1\.054\.03 tvaM divo bR^ihataH sAnu kopayo.ava tmanA dhR^iShatA shambaraM bhinat | yanmAyino vrandino mandinA dhR^iShachChitAM gabhastimashaniM pR^itanyasi || 1\.054\.04 ni yadvR^iNakShi shvasanasya mUrdhani shuShNasya chidvrandino roruvadvanA | prAchInena manasA barhaNAvatA yadadyA chitkR^iNavaH kastvA pari || 1\.054\.05 tvamAvitha naryaM turvashaM yaduM tvaM turvItiM vayyaM shatakrato | tvaM rathametashaM kR^itvye dhane tvaM puro navatiM dambhayo nava || 1\.054\.06 sa ghA rAjA satpatiH shUshuvajjano rAtahavyaH prati yaH shAsaminvati | ukthA vA yo abhigR^iNAti rAdhasA dAnurasmA uparA pinvate divaH || 1\.054\.07 asamaM kShatramasamA manIShA pra somapA apasA santu neme | ye ta indra daduSho vardhayanti mahi kShatraM sthaviraM vR^iShNyaM cha || 1\.054\.08 tubhyedete bahulA adridugdhAshchamUShadashchamasA indrapAnAH | vyashnuhi tarpayA kAmameShAmathA mano vasudeyAya kR^iShva || 1\.054\.09 apAmatiShThaddharuNahvaraM tamo.antarvR^itrasya jaThareShu parvataH | abhImindro nadyo vavriNA hitA vishvA anuShThAH pravaNeShu jighnate || 1\.054\.10 sa shevR^idhamadhi dhA dyumnamasme mahi kShatraM janAShALindra tavyam | rakShA cha no maghonaH pAhi sUrInrAye cha naH svapatyA iShe dhAH || 1\.054\.11 divashchidasya varimA vi papratha indraM na mahnA pR^ithivI chana prati | bhImastuviShmA~ncharShaNibhya AtapaH shishIte vajraM tejase na vaMsagaH || 1\.055\.01 so arNavo na nadyaH samudriyaH prati gR^ibhNAti vishritA varImabhiH | indraH somasya pItaye vR^iShAyate sanAtsa yudhma ojasA panasyate || 1\.055\.02 tvaM tamindra parvataM na bhojase maho nR^imNasya dharmaNAmirajyasi | pra vIryeNa devatAti chekite vishvasmA ugraH karmaNe purohitaH || 1\.055\.03 sa idvane namasyubhirvachasyate chAru janeShu prabruvANa indriyam | vR^iShA Chandurbhavati haryato vR^iShA kShemeNa dhenAM maghavA yadinvati || 1\.055\.04 sa inmahAni samithAni majmanA kR^iNoti yudhma ojasA janebhyaH | adhA chana shraddadhati tviShImata indrAya vajraM nighanighnate vadham || 1\.055\.05 sa hi shravasyuH sadanAni kR^itrimA kShmayA vR^idhAna ojasA vinAshayan | jyotIMShi kR^iNvannavR^ikANi yajyave.ava sukratuH sartavA apaH sR^ijat || 1\.055\.06 dAnAya manaH somapAvannastu te.arvA~nchA harI vandanashrudA kR^idhi | yamiShThAsaH sArathayo ya indra te na tvA ketA A dabhnuvanti bhUrNayaH || 1\.055\.07 aprakShitaM vasu bibharShi hastayoraShALhaM sahastanvi shruto dadhe | AvR^itAso.avatAso na kartR^ibhistanUShu te kratava indra bhUrayaH || 1\.055\.08 eSha pra pUrvIrava tasya chamriSho.atyo na yoShAmudayaMsta bhurvaNiH | dakShaM mahe pAyayate hiraNyayaM rathamAvR^ityA hariyogamR^ibhvasam || 1\.056\.01 taM gUrtayo nemanniShaH parINasaH samudraM na saMcharaNe saniShyavaH | patiM dakShasya vidathasya nU saho giriM na venA adhi roha tejasA || 1\.056\.02 sa turvaNirmahA.N areNu pauMsye girerbhR^iShTirna bhrAjate tujA shavaH | yena shuShNaM mAyinamAyaso made dudhra AbhUShu rAmayanni dAmani || 1\.056\.03 devI yadi taviShI tvAvR^idhotaya indraM siShaktyuShasaM na sUryaH | yo dhR^iShNunA shavasA bAdhate tama iyarti reNuM bR^ihadarhariShvaNiH || 1\.056\.04 vi yattiro dharuNamachyutaM rajo.atiShThipo diva AtAsu barhaNA | svarmILhe yanmada indra harShyAhanvR^itraM nirapAmaubjo arNavam || 1\.056\.05 tvaM divo dharuNaM dhiSha ojasA pR^ithivyA indra sadaneShu mAhinaH | tvaM sutasya made ariNA apo vi vR^itrasya samayA pAShyArujaH || 1\.056\.06 pra maMhiShThAya bR^ihate bR^ihadraye satyashuShmAya tavase matiM bhare | apAmiva pravaNe yasya durdharaM rAdho vishvAyu shavase apAvR^itam || 1\.057\.01 adha te vishvamanu hAsadiShTaya Apo nimneva savanA haviShmataH | yatparvate na samashIta haryata indrasya vajraH shnathitA hiraNyayaH || 1\.057\.02 asmai bhImAya namasA samadhvara uSho na shubhra A bharA panIyase | yasya dhAma shravase nAmendriyaM jyotirakAri harito nAyase || 1\.057\.03 ime ta indra te vayaM puruShTuta ye tvArabhya charAmasi prabhUvaso | nahi tvadanyo girvaNo giraH saghatkShoNIriva prati no harya tadvachaH || 1\.057\.04 bhUri ta indra vIryaM tava smasyasya stoturmaghavankAmamA pR^iNa | anu te dyaurbR^ihatI vIryaM mama iyaM cha te pR^ithivI nema ojase || 1\.057\.05 tvaM tamindra parvataM mahAmuruM vajreNa vajrinparvashashchakartitha | avAsR^ijo nivR^itAH sartavA apaH satrA vishvaM dadhiShe kevalaM sahaH || 1\.057\.06 nU chitsahojA amR^ito ni tundate hotA yaddUto abhavadvivasvataH | vi sAdhiShThebhiH pathibhI rajo mama A devatAtA haviShA vivAsati || 1\.058\.01 A svamadma yuvamAno ajarastR^iShvaviShyannataseShu tiShThati | atyo na pR^iShThaM pruShitasya rochate divo na sAnu stanayannachikradat || 1\.058\.02 krANA rudrebhirvasubhiH purohito hotA niShatto rayiShALamartyaH | ratho na vikShvR^i~njasAna AyuShu vyAnuShagvAryA deva R^iNvati || 1\.058\.03 vi vAtajUto ataseShu tiShThate vR^ithA juhUbhiH sR^iNyA tuviShvaNiH | tR^iShu yadagne vanino vR^iShAyase kR^iShNaM ta ema rushadUrme ajara || 1\.058\.04 tapurjambho vana A vAtachodito yUthe na sAhvA.N ava vAti vaMsagaH | abhivrajannakShitaM pAjasA rajaH sthAtushcharathaM bhayate patatriNaH || 1\.058\.05 dadhuShTvA bhR^igavo mAnuSheShvA rayiM na chAruM suhavaM janebhyaH | hotAramagne atithiM vareNyaM mitraM na shevaM divyAya janmane || 1\.058\.06 hotAraM sapta juhvo yajiShThaM yaM vAghato vR^iNate adhvareShu | agniM vishveShAmaratiM vasUnAM saparyAmi prayasA yAmi ratnam || 1\.058\.07 achChidrA sUno sahaso no adya stotR^ibhyo mitramahaH sharma yachCha | agne gR^iNantamaMhasa uruShyorjo napAtpUrbhirAyasIbhiH || 1\.058\.08 bhavA varUthaM gR^iNate vibhAvo bhavA maghavanmaghavadbhyaH sharma | uruShyAgne aMhaso gR^iNantaM prAtarmakShU dhiyAvasurjagamyAt || 1\.058\.09 vayA idagne agnayaste anye tve vishve amR^itA mAdayante | vaishvAnara nAbhirasi kShitInAM sthUNeva janA.N upamidyayantha || 1\.059\.01 mUrdhA divo nAbhiragniH pR^ithivyA athAbhavadaratI rodasyoH | taM tvA devAso.ajanayanta devaM vaishvAnara jyotiridAryAya || 1\.059\.02 A sUrye na rashmayo dhruvAso vaishvAnare dadhire.agnA vasUni | yA parvateShvoShadhIShvapsu yA mAnuSheShvasi tasya rAjA || 1\.059\.03 bR^ihatI iva sUnave rodasI giro hotA manuShyo na dakShaH | svarvate satyashuShmAya pUrvIrvaishvAnarAya nR^itamAya yahvIH || 1\.059\.04 divashchitte bR^ihato jAtavedo vaishvAnara pra ririche mahitvam | rAjA kR^iShTInAmasi mAnuShINAM yudhA devebhyo varivashchakartha || 1\.059\.05 pra nU mahitvaM vR^iShabhasya vochaM yaM pUravo vR^itrahaNaM sachante | vaishvAnaro dasyumagnirjaghanvA.N adhUnotkAShThA ava shambaraM bhet || 1\.059\.06 vaishvAnaro mahimnA vishvakR^iShTirbharadvAjeShu yajato vibhAvA | shAtavaneye shatinIbhiragniH puruNIthe jarate sUnR^itAvAn || 1\.059\.07 vahniM yashasaM vidathasya ketuM suprAvyaM dUtaM sadyo/artham | dvijanmAnaM rayimiva prashastaM rAtiM bharadbhR^igave mAtarishvA || 1\.060\.01 asya shAsurubhayAsaH sachante haviShmanta ushijo ye cha martAH | divashchitpUrvo nyasAdi hotApR^ichChyo vishpatirvikShu vedhAH || 1\.060\.02 taM navyasI hR^ida A jAyamAnamasmatsukIrtirmadhujihvamashyAH | yamR^itvijo vR^ijane mAnuShAsaH prayasvanta Ayavo jIjananta || 1\.060\.03 ushikpAvako vasurmAnuSheShu vareNyo hotAdhAyi vikShu | damUnA gR^ihapatirdama A.N agnirbhuvadrayipatI rayINAm || 1\.060\.04 taM tvA vayaM patimagne rayINAM pra shaMsAmo matibhirgotamAsaH | AshuM na vAjambharaM marjayantaH prAtarmakShU dhiyAvasurjagamyAt || 1\.060\.05 asmA idu pra tavase turAya prayo na harmi stomaM mAhinAya | R^ichIShamAyAdhrigava ohamindrAya brahmANi rAtatamA || 1\.061\.01 asmA idu praya iva pra yaMsi bharAmyA~NgUShaM bAdhe suvR^ikti | indrAya hR^idA manasA manIShA pratnAya patye dhiyo marjayanta || 1\.061\.02 asmA idu tyamupamaM svarShAM bharAmyA~NgUShamAsyena | maMhiShThamachChoktibhirmatInAM suvR^iktibhiH sUriM vAvR^idhadhyai || 1\.061\.03 asmA idu stomaM saM hinomi rathaM na taShTeva tatsinAya | girashcha girvAhase suvR^iktIndrAya vishvaminvaM medhirAya || 1\.061\.04 asmA idu saptimiva shravasyendrAyArkaM juhvA sama~nje | vIraM dAnaukasaM vandadhyai purAM gUrtashravasaM darmANam || 1\.061\.05 asmA idu tvaShTA takShadvajraM svapastamaM svaryaM raNAya | vR^itrasya chidvidadyena marma tujannIshAnastujatA kiyedhAH || 1\.061\.06 asyedu mAtuH savaneShu sadyo mahaH pituM papivA~nchArvannA | muShAyadviShNuH pachataM sahIyAnvidhyadvarAhaM tiro adrimastA || 1\.061\.07 asmA idu gnAshchiddevapatnIrindrAyArkamahihatya UvuH | pari dyAvApR^ithivI jabhra urvI nAsya te mahimAnaM pari ShTaH || 1\.061\.08 asyedeva pra ririche mahitvaM divaspR^ithivyAH paryantarikShAt | svarALindro dama A vishvagUrtaH svariramatro vavakShe raNAya || 1\.061\.09 asyedeva shavasA shuShantaM vi vR^ishchadvajreNa vR^itramindraH | gA na vrANA avanIramu~nchadabhi shravo dAvane sachetAH || 1\.061\.10 asyedu tveShasA ranta sindhavaH pari yadvajreNa sImayachChat | IshAnakR^iddAshuShe dashasyanturvItaye gAdhaM turvaNiH kaH || 1\.061\.11 asmA idu pra bharA tUtujAno vR^itrAya vajramIshAnaH kiyedhAH | gorna parva vi radA tirashcheShyannarNAMsyapAM charadhyai || 1\.061\.12 asyedu pra brUhi pUrvyANi turasya karmANi navya ukthaiH | yudhe yadiShNAna AyudhAnyR^ighAyamANo niriNAti shatrUn || 1\.061\.13 asyedu bhiyA girayashcha dR^iLhA dyAvA cha bhUmA januShastujete | upo venasya joguvAna oNiM sadyo bhuvadvIryAya nodhAH || 1\.061\.14 asmA idu tyadanu dAyyeShAmeko yadvavne bhUrerIshAnaH | praitashaM sUrye paspR^idhAnaM sauvashvye suShvimAvadindraH || 1\.061\.15 evA te hAriyojanA suvR^iktIndra brahmANi gotamAso akran | aiShu vishvapeshasaM dhiyaM dhAH prAtarmakShU dhiyAvasurjagamyAt || 1\.061\.16 pra manmahe shavasAnAya shUShamA~NgUShaM girvaNase a~Ngirasvat | suvR^iktibhiH stuvata R^igmiyAyArchAmArkaM nare vishrutAya || 1\.062\.01 pra vo mahe mahi namo bharadhvamA~NgUShyaM shavasAnAya sAma | yenA naH pUrve pitaraH padaj~nA archanto a~Ngiraso gA avindan || 1\.062\.02 indrasyA~NgirasAM cheShTau vidatsaramA tanayAya dhAsim | bR^ihaspatirbhinadadriM vidadgAH samusriyAbhirvAvashanta naraH || 1\.062\.03 sa suShTubhA sa stubhA sapta vipraiH svareNAdriM svaryo navagvaiH | saraNyubhiH phaligamindra shakra valaM raveNa darayo dashagvaiH || 1\.062\.04 gR^iNAno a~Ngirobhirdasma vi varuShasA sUryeNa gobhirandhaH | vi bhUmyA aprathaya indra sAnu divo raja uparamastabhAyaH || 1\.062\.05 tadu prayakShatamamasya karma dasmasya chArutamamasti daMsaH | upahvare yaduparA apinvanmadhvarNaso nadyashchatasraH || 1\.062\.06 dvitA vi vavre sanajA sanILe ayAsyaH stavamAnebhirarkaiH | bhago na mene parame vyomannadhArayadrodasI sudaMsAH || 1\.062\.07 sanAddivaM pari bhUmA virUpe punarbhuvA yuvatI svebhirevaiH | kR^iShNebhiraktoShA rushadbhirvapurbhirA charato anyAnyA || 1\.062\.08 sanemi sakhyaM svapasyamAnaH sUnurdAdhAra shavasA sudaMsAH | AmAsu chiddadhiShe pakvamantaH payaH kR^iShNAsu rushadrohiNIShu || 1\.062\.09 sanAtsanILA avanIravAtA vratA rakShante amR^itAH sahobhiH | purU sahasrA janayo na patnIrduvasyanti svasAro ahrayANam || 1\.062\.10 sanAyuvo namasA navyo arkairvasUyavo matayo dasma dadruH | patiM na patnIrushatIrushantaM spR^ishanti tvA shavasAvanmanIShAH || 1\.062\.11 sanAdeva tava rAyo gabhastau na kShIyante nopa dasyanti dasma | dyumA.N asi kratumA.N indra dhIraH shikShA shachIvastava naH shachIbhiH || 1\.062\.12 sanAyate gotama indra navyamatakShadbrahma hariyojanAya | sunIthAya naH shavasAna nodhAH prAtarmakShU dhiyAvasurjagamyAt || 1\.062\.13 tvaM mahA.N indra yo ha shuShmairdyAvA jaj~nAnaH pR^ithivI ame dhAH | yaddha te vishvA girayashchidabhvA bhiyA dR^iLhAsaH kiraNA naijan || 1\.063\.01 A yaddharI indra vivratA verA te vajraM jaritA bAhvordhAt | yenAviharyatakrato amitrAnpura iShNAsi puruhUta pUrvIH || 1\.063\.02 tvaM satya indra dhR^iShNuretAntvamR^ibhukShA naryastvaM ShAT | tvaM shuShNaM vR^ijane pR^ikSha ANau yUne kutsAya dyumate sachAhan || 1\.063\.03 tvaM ha tyadindra chodIH sakhA vR^itraM yadvajrinvR^iShakarmannubhnAH | yaddha shUra vR^iShamaNaH parAchairvi dasyU.NryonAvakR^ito vR^ithAShAT || 1\.063\.04 tvaM ha tyadindrAriShaNyandR^iLhasya chinmartAnAmajuShTau | vyasmadA kAShThA arvate varghaneva vajri~nChnathihyamitrAn || 1\.063\.05 tvAM ha tyadindrArNasAtau svarmILhe nara AjA havante | tava svadhAva iyamA samarya UtirvAjeShvatasAyyA bhUt || 1\.063\.06 tvaM ha tyadindra sapta yudhyanpuro vajrinpurukutsAya dardaH | barhirna yatsudAse vR^ithA vargaMho rAjanvarivaH pUrave kaH || 1\.063\.07 tvaM tyAM na indra deva chitrAmiShamApo na pIpayaH parijman | yayA shUra pratyasmabhyaM yaMsi tmanamUrjaM na vishvadha kSharadhyai || 1\.063\.08 akAri ta indra gotamebhirbrahmANyoktA namasA haribhyAm | supeshasaM vAjamA bharA naH prAtarmakShU dhiyAvasurjagamyAt || 1\.063\.09 vR^iShNe shardhAya sumakhAya vedhase nodhaH suvR^iktiM pra bharA marudbhyaH | apo na dhIro manasA suhastyo giraH sama~nje vidatheShvAbhuvaH || 1\.064\.01 te jaj~nire diva R^iShvAsa ukShaNo rudrasya maryA asurA arepasaH | pAvakAsaH shuchayaH sUryA iva satvAno na drapsino ghoravarpasaH || 1\.064\.02 yuvAno rudrA ajarA abhogghano vavakShuradhrigAvaH parvatA iva | dR^iLhA chidvishvA bhuvanAni pArthivA pra chyAvayanti divyAni majmanA || 1\.064\.03 chitraira~njibhirvapuShe vya~njate vakShassu rukmA.N adhi yetire shubhe | aMseShveShAM ni mimR^ikShurR^iShTayaH sAkaM jaj~nire svadhayA divo naraH || 1\.064\.04 IshAnakR^ito dhunayo rishAdaso vAtAnvidyutastaviShIbhirakrata | duhantyUdhardivyAni dhUtayo bhUmiM pinvanti payasA parijrayaH || 1\.064\.05 pinvantyapo marutaH sudAnavaH payo ghR^itavadvidatheShvAbhuvaH | atyaM na mihe vi nayanti vAjinamutsaM duhanti stanayantamakShitam || 1\.064\.06 mahiShAso mAyinashchitrabhAnavo girayo na svatavaso raghuShyadaH | mR^igA iva hastinaH khAdathA vanA yadAruNIShu taviShIrayugdhvam || 1\.064\.07 siMhA iva nAnadati prachetasaH pishA iva supisho vishvavedasaH | kShapo jinvantaH pR^iShatIbhirR^iShTibhiH samitsabAdhaH shavasAhimanyavaH || 1\.064\.08 rodasI A vadatA gaNashriyo nR^iShAchaH shUrAH shavasAhimanyavaH | A vandhureShvamatirna darshatA vidyunna tasthau maruto ratheShu vaH || 1\.064\.09 vishvavedaso rayibhiH samokasaH sammishlAsastaviShIbhirvirapshinaH | astAra iShuM dadhire gabhastyoranantashuShmA vR^iShakhAdayo naraH || 1\.064\.10 hiraNyayebhiH pavibhiH payovR^idha ujjighnanta Apathyo na parvatAn | makhA ayAsaH svasR^ito dhruvachyuto dudhrakR^ito maruto bhrAjadR^iShTayaH || 1\.064\.11 ghR^iShuM pAvakaM vaninaM vicharShaNiM rudrasya sUnuM havasA gR^iNImasi | rajasturaM tavasaM mArutaM gaNamR^ijIShiNaM vR^iShaNaM sashchata shriye || 1\.064\.12 pra nU sa martaH shavasA janA.N ati tasthau va UtI maruto yamAvata | arvadbhirvAjaM bharate dhanA nR^ibhirApR^ichChyaM kratumA kSheti puShyati || 1\.064\.13 charkR^ityaM marutaH pR^itsu duShTaraM dyumantaM shuShmaM maghavatsu dhattana | dhanaspR^itamukthyaM vishvacharShaNiM tokaM puShyema tanayaM shataM himAH || 1\.064\.14 nU ShThiraM maruto vIravantamR^itIShAhaM rayimasmAsu dhatta | sahasriNaM shatinaM shUshuvAMsaM prAtarmakShU dhiyAvasurjagamyAt || 1\.064\.15 pashvA na tAyuM guhA chatantaM namo yujAnaM namo vahantam || 1\.065\.01 sajoShA dhIrAH padairanu gmannupa tvA sIdanvishve yajatrAH || 1\.065\.02 R^itasya devA anu vratA gurbhuvatpariShTirdyaurna bhUma || 1\.065\.03 vardhantImApaH panvA sushishvimR^itasya yonA garbhe sujAtam || 1\.065\.04 puShTirna raNvA kShitirna pR^ithvI girirna bhujma kShodo na shambhu || 1\.065\.05 atyo nAjmansargaprataktaH sindhurna kShodaH ka IM varAte || 1\.065\.06 jAmiH sindhUnAM bhrAteva svasrAmibhyAnna rAjA vanAnyatti || 1\.065\.07 yadvAtajUto vanA vyasthAdagnirha dAti romA pR^ithivyAH || 1\.065\.08 shvasityapsu haMso na sIdankratvA chetiShTho vishAmuSharbhut || 1\.065\.09 somo na vedhA R^itaprajAtaH pashurna shishvA vibhurdUrebhAH || 1\.065\.10 rayirna chitrA sUro na saMdR^igAyurna prANo nityo na sUnuH || 1\.066\.01 takvA na bhUrNirvanA siShakti payo na dhenuH shuchirvibhAvA || 1\.066\.02 dAdhAra kShemamoko na raNvo yavo na pakvo jetA janAnAm || 1\.066\.03 R^iShirna stubhvA vikShu prashasto vAjI na prIto vayo dadhAti || 1\.066\.04 durokashochiH kraturna nityo jAyeva yonAvaraM vishvasmai || 1\.066\.05 chitro yadabhrAT Chveto na vikShu ratho na rukmI tveShaH samatsu || 1\.066\.06 seneva sR^iShTAmaM dadhAtyasturna didyuttveShapratIkA || 1\.066\.07 yamo ha jAto yamo janitvaM jAraH kanInAM patirjanInAm || 1\.066\.08 taM vashcharAthA vayaM vasatyAstaM na gAvo nakShanta iddham || 1\.066\.09 sindhurna kShodaH pra nIchIrainonnavanta gAvaH svardR^ishIke || 1\.066\.10 vaneShu jAyurmarteShu mitro vR^iNIte shruShTiM rAjevAjuryam || 1\.067\.01 kShemo na sAdhuH kraturna bhadro bhuvatsvAdhIrhotA havyavAT || 1\.067\.02 haste dadhAno nR^imNA vishvAnyame devAndhAdguhA niShIdan || 1\.067\.03 vidantImatra naro dhiyaMdhA hR^idA yattaShTAnmantrA.N ashaMsan || 1\.067\.04 ajo na kShAM dAdhAra pR^ithivIM tastambha dyAM mantrebhiH satyaiH || 1\.067\.05 priyA padAni pashvo ni pAhi vishvAyuragne guhA guhaM gAH || 1\.067\.06 ya IM chiketa guhA bhavantamA yaH sasAda dhArAmR^itasya || 1\.067\.07 vi ye chR^itantyR^itA sapanta AdidvasUni pra vavAchAsmai || 1\.067\.08 vi yo vIrutsu rodhanmahitvota prajA uta prasUShvantaH || 1\.067\.09 chittirapAM dame vishvAyuH sadmeva dhIrAH sammAya chakruH || 1\.067\.10 shrINannupa sthAddivaM bhuraNyuH sthAtushcharathamaktUnvyUrNot || 1\.068\.01 pari yadeShAmeko vishveShAM bhuvaddevo devAnAM mahitvA || 1\.068\.02 Aditte vishve kratuM juShanta shuShkAdyaddeva jIvo janiShThAH || 1\.068\.03 bhajanta vishve devatvaM nAma R^itaM sapanto amR^itamevaiH || 1\.068\.04 R^itasya preShA R^itasya dhItirvishvAyurvishve apAMsi chakruH || 1\.068\.05 yastubhyaM dAshAdyo vA te shikShAttasmai chikitvAnrayiM dayasva || 1\.068\.06 hotA niShatto manorapatye sa chinnvAsAM patI rayINAm || 1\.068\.07 ichChanta reto mithastanUShu saM jAnata svairdakShairamUrAH || 1\.068\.08 piturna putrAH kratuM juShanta shroShanye asya shAsaM turAsaH || 1\.068\.09 vi rAya aurNodduraH purukShuH pipesha nAkaM stR^ibhirdamUnAH || 1\.068\.10 shukraH shushukvA.N uSho na jAraH paprA samIchI divo na jyotiH || 1\.069\.01 pari prajAtaH kratvA babhUtha bhuvo devAnAM pitA putraH san || 1\.069\.02 vedhA adR^ipto agnirvijAnannUdharna gonAM svAdmA pitUnAm || 1\.069\.03 jane na sheva AhUryaH sanmadhye niShatto raNvo duroNe || 1\.069\.04 putro na jAto raNvo duroNe vAjI na prIto visho vi tArIt || 1\.069\.05 visho yadahve nR^ibhiH sanILA agnirdevatvA vishvAnyashyAH || 1\.069\.06 nakiShTa etA vratA minanti nR^ibhyo yadebhyaH shruShTiM chakartha || 1\.069\.07 tattu te daMso yadahansamAnairnR^ibhiryadyukto vive rapAMsi || 1\.069\.08 uSho na jAro vibhAvosraH saMj~nAtarUpashchiketadasmai || 1\.069\.09 tmanA vahanto duro vyR^iNvannavanta vishve svardR^ishIke || 1\.069\.10 vanema pUrvIraryo manIShA agniH sushoko vishvAnyashyAH || 1\.070\.01 A daivyAni vratA chikitvAnA mAnuShasya janasya janma || 1\.070\.02 garbho yo apAM garbho vanAnAM garbhashcha sthAtAM garbhashcharathAm || 1\.070\.03 adrau chidasmA antarduroNe vishAM na vishvo amR^itaH svAdhIH || 1\.070\.04 sa hi kShapAvA.N agnI rayINAM dAshadyo asmA araM sUktaiH || 1\.070\.05 etA chikitvo bhUmA ni pAhi devAnAM janma martA.Nshcha vidvAn || 1\.070\.06 vardhAnyaM pUrvIH kShapo virUpAH sthAtushcha rathamR^itapravItam || 1\.070\.07 arAdhi hotA svarniShattaH kR^iNvanvishvAnyapAMsi satyA || 1\.070\.08 goShu prashastiM vaneShu dhiShe bharanta vishve baliM svarNaH || 1\.070\.09 vi tvA naraH purutrA saparyanpiturna jivrervi vedo bharanta || 1\.070\.10 sAdhurna gR^idhnurasteva shUro yAteva bhImastveShaH samatsu || 1\.070\.11 upa pra jinvannushatIrushantaM patiM na nityaM janayaH sanILAH | svasAraH shyAvImaruShImajuShra~nchitramuchChantImuShasaM na gAvaH || 1\.071\.01 vILu chiddR^iLhA pitaro na ukthairadriM rujanna~Ngiraso raveNa | chakrurdivo bR^ihato gAtumasme ahaH svarvividuH ketumusrAH || 1\.071\.02 dadhannR^itaM dhanayannasya dhItimAdidaryo didhiShvo vibhR^itrAH | atR^iShyantIrapaso yantyachChA devA~njanma prayasA vardhayantIH || 1\.071\.03 mathIdyadIM vibhR^ito mAtarishvA gR^ihegR^ihe shyeto jenyo bhUt | AdIM rAj~ne na sahIyase sachA sannA dUtyaM bhR^igavANo vivAya || 1\.071\.04 mahe yatpitra IM rasaM dive karava tsaratpR^ishanyashchikitvAn | sR^ijadastA dhR^iShatA didyumasmai svAyAM devo duhitari tviShiM dhAt || 1\.071\.05 sva A yastubhyaM dama A vibhAti namo vA dAshAdushato anu dyUn | vardho agne vayo asya dvibarhA yAsadrAyA sarathaM yaM junAsi || 1\.071\.06 agniM vishvA abhi pR^ikShaH sachante samudraM na sravataH sapta yahvIH | na jAmibhirvi chikite vayo no vidA deveShu pramatiM chikitvAn || 1\.071\.07 A yadiShe nR^ipatiM teja AnaT Chuchi reto niShiktaM dyaurabhIke | agniH shardhamanavadyaM yuvAnaM svAdhyaM janayatsUdayachcha || 1\.071\.08 mano na yo.adhvanaH sadya etyekaH satrA sUro vasva Ishe | rAjAnA mitrAvaruNA supANI goShu priyamamR^itaM rakShamANA || 1\.071\.09 mA no agne sakhyA pitryANi pra marShiShThA abhi viduShkaviH san | nabho na rUpaM jarimA minAti purA tasyA abhishasteradhIhi || 1\.071\.10 ni kAvyA vedhasaH shashvataskarhaste dadhAno naryA purUNi | agnirbhuvadrayipatI rayINAM satrA chakrANo amR^itAni vishvA || 1\.072\.01 asme vatsaM pari ShantaM na vindannichChanto vishve amR^itA amUrAH | shramayuvaH padavyo dhiyaMdhAstasthuH pade parame chArvagneH || 1\.072\.02 tisro yadagne sharadastvAmichChuchiM ghR^itena shuchayaH saparyAn | nAmAni chiddadhire yaj~niyAnyasUdayanta tanvaH sujAtAH || 1\.072\.03 A rodasI bR^ihatI vevidAnAH pra rudriyA jabhrire yaj~niyAsaH | vidanmarto nemadhitA chikitvAnagniM pade parame tasthivAMsam || 1\.072\.04 saMjAnAnA upa sIdannabhij~nu patnIvanto namasyaM namasyan | ririkvAMsastanvaH kR^iNvata svAH sakhA sakhyurnimiShi rakShamANAH || 1\.072\.05 triH sapta yadguhyAni tve itpadAvidannihitA yaj~niyAsaH | tebhI rakShante amR^itaM sajoShAH pashU~ncha sthAtR^I~ncharathaM cha pAhi || 1\.072\.06 vidvA.N agne vayunAni kShitInAM vyAnuShakChurudho jIvase dhAH | antarvidvA.N adhvano devayAnAnatandro dUto abhavo havirvAT || 1\.072\.07 svAdhyo diva A sapta yahvI rAyo duro vyR^itaj~nA ajAnan | vidadgavyaM saramA dR^iLhamUrvaM yenA nu kaM mAnuShI bhojate viT || 1\.072\.08 A ye vishvA svapatyAni tasthuH kR^iNvAnAso amR^itatvAya gAtum | mahnA mahadbhiH pR^ithivI vi tasthe mAtA putrairaditirdhAyase veH || 1\.072\.09 adhi shriyaM ni dadhushchArumasmindivo yadakShI amR^itA akR^iNvan | adha kSharanti sindhavo na sR^iShTAH pra nIchIragne aruShIrajAnan || 1\.072\.10 rayirna yaH pitR^ivitto vayodhAH supraNItishchikituSho na shAsuH | syonashIratithirna prINAno hoteva sadma vidhato vi tArIt || 1\.073\.01 devo na yaH savitA satyamanmA kratvA nipAti vR^ijanAni vishvA | puruprashasto amatirna satya Atmeva shevo didhiShAyyo bhUt || 1\.073\.02 devo na yaH pR^ithivIM vishvadhAyA upakSheti hitamitro na rAjA | puraHsadaH sharmasado na vIrA anavadyA patijuShTeva nArI || 1\.073\.03 taM tvA naro dama A nityamiddhamagne sachanta kShitiShu dhruvAsu | adhi dyumnaM ni dadhurbhUryasminbhavA vishvAyurdharuNo rayINAm || 1\.073\.04 vi pR^ikSho agne maghavAno ashyurvi sUrayo dadato vishvamAyuH | sanema vAjaM samitheShvaryo bhAgaM deveShu shravase dadhAnAH || 1\.073\.05 R^itasya hi dhenavo vAvashAnAH smadUdhnIH pIpayanta dyubhaktAH | parAvataH sumatiM bhikShamANA vi sindhavaH samayA sasruradrim || 1\.073\.06 tve agne sumatiM bhikShamANA divi shravo dadhire yaj~niyAsaH | naktA cha chakruruShasA virUpe kR^iShNaM cha varNamaruNaM cha saM dhuH || 1\.073\.07 yAnrAye martAnsuShUdo agne te syAma maghavAno vayaM cha | ChAyeva vishvaM bhuvanaM sisakShyApaprivAnrodasI antarikSham || 1\.073\.08 arvadbhiragne arvato nR^ibhirnR^InvIrairvIrAnvanuyAmA tvotAH | IshAnAsaH pitR^ivittasya rAyo vi sUrayaH shatahimA no ashyuH || 1\.073\.09 etA te agna uchathAni vedho juShTAni santu manase hR^ide cha | shakema rAyaH sudhuro yamaM te.adhi shravo devabhaktaM dadhAnAH || 1\.073\.10 upaprayanto adhvaraM mantraM vochemAgnaye | Are asme cha shR^iNvate || 1\.074\.01 yaH snIhitIShu pUrvyaH saMjagmAnAsu kR^iShTiShu | arakShaddAshuShe gayam || 1\.074\.02 uta bruvantu jantava udagnirvR^itrahAjani | dhanaMjayo raNeraNe || 1\.074\.03 yasya dUto asi kShaye veShi havyAni vItaye | dasmatkR^iNoShyadhvaram || 1\.074\.04 tamitsuhavyama~NgiraH sudevaM sahaso yaho | janA AhuH subarhiSham || 1\.074\.05 A cha vahAsi tA.N iha devA.N upa prashastaye | havyA sushchandra vItaye || 1\.074\.06 na yorupabdirashvyaH shR^iNve rathasya kachchana | yadagne yAsi dUtyam || 1\.074\.07 tvoto vAjyahrayo.abhi pUrvasmAdaparaH | pra dAshvA.N agne asthAt || 1\.074\.08 uta dyumatsuvIryaM bR^ihadagne vivAsasi | devebhyo deva dAshuShe || 1\.074\.09 juShasva saprathastamaM vacho devapsarastamam | havyA juhvAna Asani || 1\.075\.01 athA te a~NgirastamAgne vedhastama priyam | vochema brahma sAnasi || 1\.075\.02 kaste jAmirjanAnAmagne ko dAshvadhvaraH | ko ha kasminnasi shritaH || 1\.075\.03 tvaM jAmirjanAnAmagne mitro asi priyaH | sakhA sakhibhya IDyaH || 1\.075\.04 yajA no mitrAvaruNA yajA devA.N R^itaM bR^ihat | agne yakShi svaM damam || 1\.075\.05 kA ta upetirmanaso varAya bhuvadagne shaMtamA kA manIShA | ko vA yaj~naiH pari dakShaM ta Apa kena vA te manasA dAshema || 1\.076\.01 ehyagna iha hotA ni ShIdAdabdhaH su pura/etA bhavA naH | avatAM tvA rodasI vishvaminve yajA mahe saumanasAya devAn || 1\.076\.02 pra su vishvAnrakShaso dhakShyagne bhavA yaj~nAnAmabhishastipAvA | athA vaha somapatiM haribhyAmAtithyamasmai chakR^imA sudAvne || 1\.076\.03 prajAvatA vachasA vahnirAsA cha huve ni cha satsIha devaiH | veShi hotramuta potraM yajatra bodhi prayantarjanitarvasUnAm || 1\.076\.04 yathA viprasya manuSho havirbhirdevA.N ayajaH kavibhiH kaviH san | evA hotaH satyatara tvamadyAgne mandrayA juhvA yajasva || 1\.076\.05 kathA dAshemAgnaye kAsmai devajuShTochyate bhAmine gIH | yo martyeShvamR^ita R^itAvA hotA yajiShTha itkR^iNoti devAn || 1\.077\.01 yo adhvareShu shaMtama R^itAvA hotA tamU namobhirA kR^iNudhvam | agniryadvermartAya devAnsa chA bodhAti manasA yajAti || 1\.077\.02 sa hi kratuH sa maryaH sa sAdhurmitro na bhUdadbhutasya rathIH | taM medheShu prathamaM devayantIrvisha upa bruvate dasmamArIH || 1\.077\.03 sa no nR^iNAM nR^itamo rishAdA agnirgiro.avasA vetu dhItim | tanA cha ye maghavAnaH shaviShThA vAjaprasUtA iShayanta manma || 1\.077\.04 evAgnirgotamebhirR^itAvA viprebhirastoShTa jAtavedAH | sa eShu dyumnaM pIpayatsa vAjaM sa puShTiM yAti joShamA chikitvAn || 1\.077\.05 abhi tvA gotamA girA jAtavedo vicharShaNe | dyumnairabhi pra NonumaH || 1\.078\.01 tamu tvA gotamo girA rAyaskAmo duvasyati | dyumnairabhi pra NonumaH || 1\.078\.02 tamu tvA vAjasAtamama~NgirasvaddhavAmahe | dyumnairabhi pra NonumaH || 1\.078\.03 tamu tvA vR^itrahantamaM yo dasyU.NravadhUnuShe | dyumnairabhi pra NonumaH || 1\.078\.04 avochAma rahUgaNA agnaye madhumadvachaH | dyumnairabhi pra NonumaH || 1\.078\.05 hiraNyakesho rajaso visAre.ahirdhunirvAta iva dhrajImAn | shuchibhrAjA uShaso navedA yashasvatIrapasyuvo na satyAH || 1\.079\.01 A te suparNA aminanta.N evaiH kR^iShNo nonAva vR^iShabho yadIdam | shivAbhirna smayamAnAbhirAgAtpatanti mihaH stanayantyabhrA || 1\.079\.02 yadImR^itasya payasA piyAno nayannR^itasya pathibhI rajiShThaiH | aryamA mitro varuNaH parijmA tvachaM pR^i~nchantyuparasya yonau || 1\.079\.03 agne vAjasya gomata IshAnaH sahaso yaho | asme dhehi jAtavedo mahi shravaH || 1\.079\.04 sa idhAno vasuShkaviragnirILenyo girA | revadasmabhyaM purvaNIka dIdihi || 1\.079\.05 kShapo rAjannuta tmanAgne vastorutoShasaH | sa tigmajambha rakShaso daha prati || 1\.079\.06 avA no agna UtibhirgAyatrasya prabharmaNi | vishvAsu dhIShu vandya || 1\.079\.07 A no agne rayiM bhara satrAsAhaM vareNyam | vishvAsu pR^itsu duShTaram || 1\.079\.08 A no agne suchetunA rayiM vishvAyupoShasam | mArDIkaM dhehi jIvase || 1\.079\.09 pra pUtAstigmashochiShe vAcho gotamAgnaye | bharasva sumnayurgiraH || 1\.079\.10 yo no agne.abhidAsatyanti dUre padIShTa saH | asmAkamidvR^idhe bhava || 1\.079\.11 sahasrAkSho vicharShaNiragnI rakShAMsi sedhati | hotA gR^iNIta ukthyaH || 1\.079\.12 itthA hi soma inmade brahmA chakAra vardhanam | shaviShTha vajrinnojasA pR^ithivyA niH shashA ahimarchannanu svarAjyam || 1\.080\.01 sa tvAmadadvR^iShA madaH somaH shyenAbhR^itaH sutaH | yenA vR^itraM niradbhyo jaghantha vajrinnojasArchannanu svarAjyam || 1\.080\.02 prehyabhIhi dhR^iShNuhi na te vajro ni yaMsate | indra nR^imNaM hi te shavo hano vR^itraM jayA apo.archannanu svarAjyam || 1\.080\.03 nirindra bhUmyA adhi vR^itraM jaghantha nirdivaH | sR^ijA marutvatIrava jIvadhanyA imA apo.archannanu svarAjyam || 1\.080\.04 indro vR^itrasya dodhataH sAnuM vajreNa hILitaH | abhikramyAva jighnate.apaH sarmAya chodayannarchannanu svarAjyam || 1\.080\.05 adhi sAnau ni jighnate vajreNa shataparvaNA | mandAna indro andhasaH sakhibhyo gAtumichChatyarchannanu svarAjyam || 1\.080\.06 indra tubhyamidadrivo.anuttaM vajrinvIryam | yaddha tyaM mAyinaM mR^igaM tamu tvaM mAyayAvadhIrarchannanu svarAjyam || 1\.080\.07 vi te vajrAso asthirannavatiM nAvyA anu | mahatta indra vIryaM bAhvoste balaM hitamarchannanu svarAjyam || 1\.080\.08 sahasraM sAkamarchata pari ShTobhata viMshatiH | shatainamanvanonavurindrAya brahmodyatamarchannanu svarAjyam || 1\.080\.09 indro vR^itrasya taviShIM nirahansahasA sahaH | mahattadasya pauMsyaM vR^itraM jaghanvA.N asR^ijadarchannanu svarAjyam || 1\.080\.10 ime chittava manyave vepete bhiyasA mahI | yadindra vajrinnojasA vR^itraM marutvA.N avadhIrarchannanu svarAjyam || 1\.080\.11 na vepasA na tanyatendraM vR^itro vi bIbhayat | abhyenaM vajra AyasaH sahasrabhR^iShTirAyatArchannanu svarAjyam || 1\.080\.12 yadvR^itraM tava chAshaniM vajreNa samayodhayaH | ahimindra jighAMsato divi te badbadhe shavo.archannanu svarAjyam || 1\.080\.13 abhiShTane te adrivo yatsthA jagachcha rejate | tvaShTA chittava manyava indra vevijyate bhiyArchannanu svarAjyam || 1\.080\.14 nahi nu yAdadhImasIndraM ko vIryA paraH | tasminnR^imNamuta kratuM devA ojAMsi saM dadhurarchannanu svarAjyam || 1\.080\.15 yAmatharvA manuShpitA dadhya~Ndhiyamatnata | tasminbrahmANi pUrvathendra ukthA samagmatArchannanu svarAjyam || 1\.080\.16 indro madAya vAvR^idhe shavase vR^itrahA nR^ibhiH | taminmahatsvAjiShUtemarbhe havAmahe sa vAjeShu pra no.aviShat || 1\.081\.01 asi hi vIra senyo.asi bhUri parAdadiH | asi dabhrasya chidvR^idho yajamAnAya shikShasi sunvate bhUri te vasu || 1\.081\.02 yadudIrata Ajayo dhR^iShNave dhIyate dhanA | yukShvA madachyutA harI kaM hanaH kaM vasau dadho.asmA.N indra vasau dadhaH || 1\.081\.03 kratvA mahA.N anuShvadhaM bhIma A vAvR^idhe shavaH | shriya R^iShva upAkayorni shiprI harivAndadhe hastayorvajramAyasam || 1\.081\.04 A paprau pArthivaM rajo badbadhe rochanA divi | na tvAvA.N indra kashchana na jAto na janiShyate.ati vishvaM vavakShitha || 1\.081\.05 yo aryo martabhojanaM parAdadAti dAshuShe | indro asmabhyaM shikShatu vi bhajA bhUri te vasu bhakShIya tava rAdhasaH || 1\.081\.06 mademade hi no dadiryUthA gavAmR^ijukratuH | saM gR^ibhAya purU shatobhayAhastyA vasu shishIhi rAya A bhara || 1\.081\.07 mAdayasva sute sachA shavase shUra rAdhase | vidmA hi tvA purUvasumupa kAmAnsasR^ijmahe.athA no.avitA bhava || 1\.081\.08 ete ta indra jantavo vishvaM puShyanti vAryam | antarhi khyo janAnAmaryo vedo adAshuShAM teShAM no veda A bhara || 1\.081\.09 upo Shu shR^iNuhI giro maghavanmAtathA iva | yadA naH sUnR^itAvataH kara AdarthayAsa idyojA nvindra te harI || 1\.082\.01 akShannamImadanta hyava priyA adhUShata | astoShata svabhAnavo viprA naviShThayA matI yojA nvindra te harI || 1\.082\.02 susaMdR^ishaM tvA vayaM maghavanvandiShImahi | pra nUnaM pUrNavandhuraH stuto yAhi vashA.N anu yojA nvindra te harI || 1\.082\.03 sa ghA taM vR^iShaNaM rathamadhi tiShThAti govidam | yaH pAtraM hAriyojanaM pUrNamindra chiketati yojA nvindra te harI || 1\.082\.04 yuktaste astu dakShiNa uta savyaH shatakrato | tena jAyAmupa priyAM mandAno yAhyandhaso yojA nvindra te harI || 1\.082\.05 yunajmi te brahmaNA keshinA harI upa pra yAhi dadhiShe gabhastyoH | uttvA sutAso rabhasA amandiShuH pUShaNvAnvajrinsamu patnyAmadaH || 1\.082\.06 ashvAvati prathamo goShu gachChati suprAvIrindra martyastavotibhiH | tamitpR^iNakShi vasunA bhavIyasA sindhumApo yathAbhito vichetasaH || 1\.083\.01 Apo na devIrupa yanti hotriyamavaH pashyanti vitataM yathA rajaH | prAchairdevAsaH pra Nayanti devayuM brahmapriyaM joShayante varA iva || 1\.083\.02 adhi dvayoradadhA ukthyaM vacho yatasruchA mithunA yA saparyataH | asaMyatto vrate te kSheti puShyati bhadrA shaktiryajamAnAya sunvate || 1\.083\.03 Ada~NgirAH prathamaM dadhire vaya iddhAgnayaH shamyA ye sukR^ityayA | sarvaM paNeH samavindanta bhojanamashvAvantaM gomantamA pashuM naraH || 1\.083\.04 yaj~nairatharvA prathamaH pathastate tataH sUryo vratapA vena Ajani | A gA AjadushanA kAvyaH sachA yamasya jAtamamR^itaM yajAmahe || 1\.083\.05 barhirvA yatsvapatyAya vR^ijyate.arko vA shlokamAghoShate divi | grAvA yatra vadati kArurukthyastasyedindro abhipitveShu raNyati || 1\.083\.06 asAvi soma indra te shaviShTha dhR^iShNavA gahi | A tvA pR^iNaktvindriyaM rajaH sUryo na rashmibhiH || 1\.084\.01 indramiddharI vahato.apratidhR^iShTashavasam | R^iShINAM cha stutIrupa yaj~naM cha mAnuShANAm || 1\.084\.02 A tiShTha vR^itrahanrathaM yuktA te brahmaNA harI | arvAchInaM su te mano grAvA kR^iNotu vagnunA || 1\.084\.03 imamindra sutaM piba jyeShThamamartyaM madam | shukrasya tvAbhyakSharandhArA R^itasya sAdane || 1\.084\.04 indrAya nUnamarchatokthAni cha bravItana | sutA amatsurindavo jyeShThaM namasyatA sahaH || 1\.084\.05 nakiShTvadrathItaro harI yadindra yachChase | nakiShTvAnu majmanA nakiH svashva Anashe || 1\.084\.06 ya eka idvidayate vasu martAya dAshuShe | IshAno apratiShkuta indro a~Nga || 1\.084\.07 kadA martamarAdhasaM padA kShumpamiva sphurat | kadA naH shushravadgira indro a~Nga || 1\.084\.08 yashchiddhi tvA bahubhya A sutAvA.N AvivAsati | ugraM tatpatyate shava indro a~Nga || 1\.084\.09 svAdoritthA viShUvato madhvaH pibanti gauryaH | yA indreNa sayAvarIrvR^iShNA madanti shobhase vasvIranu svarAjyam || 1\.084\.10 tA asya pR^ishanAyuvaH somaM shrINanti pR^ishnayaH | priyA indrasya dhenavo vajraM hinvanti sAyakaM vasvIranu svarAjyam || 1\.084\.11 tA asya namasA sahaH saparyanti prachetasaH | vratAnyasya sashchire purUNi pUrvachittaye vasvIranu svarAjyam || 1\.084\.12 indro dadhIcho asthabhirvR^itrANyapratiShkutaH | jaghAna navatIrnava || 1\.084\.13 ichChannashvasya yachChiraH parvateShvapashritam | tadvidachCharyaNAvati || 1\.084\.14 atrAha goramanvata nAma tvaShTurapIchyam | itthA chandramaso gR^ihe || 1\.084\.15 ko adya yu~Nkte dhuri gA R^itasya shimIvato bhAmino durhR^iNAyUn | AsanniShUnhR^itsvaso mayobhUnya eShAM bhR^ityAmR^iNadhatsa jIvAt || 1\.084\.16 ka IShate tujyate ko bibhAya ko maMsate santamindraM ko anti | kastokAya ka ibhAyota rAye.adhi bravattanve ko janAya || 1\.084\.17 ko agnimITTe haviShA ghR^itena sruchA yajAtA R^itubhirdhruvebhiH | kasmai devA A vahAnAshu homa ko maMsate vItihotraH sudevaH || 1\.084\.18 tvama~Nga pra shaMsiSho devaH shaviShTha martyam | na tvadanyo maghavannasti marDitendra bravImi te vachaH || 1\.084\.19 mA te rAdhAMsi mA ta Utayo vaso.asmAnkadA chanA dabhan | vishvA cha na upamimIhi mAnuSha vasUni charShaNibhya A || 1\.084\.20 pra ye shumbhante janayo na saptayo yAmanrudrasya sUnavaH sudaMsasaH | rodasI hi marutashchakrire vR^idhe madanti vIrA vidatheShu ghR^iShvayaH || 1\.085\.01 ta ukShitAso mahimAnamAshata divi rudrAso adhi chakrire sadaH | archanto arkaM janayanta indriyamadhi shriyo dadhire pR^ishnimAtaraH || 1\.085\.02 gomAtaro yachChubhayante a~njibhistanUShu shubhrA dadhire virukmataH | bAdhante vishvamabhimAtinamapa vartmAnyeShAmanu rIyate ghR^itam || 1\.085\.03 vi ye bhrAjante sumakhAsa R^iShTibhiH prachyAvayanto achyutA chidojasA | manojuvo yanmaruto ratheShvA vR^iShavrAtAsaH pR^iShatIrayugdhvam || 1\.085\.04 pra yadratheShu pR^iShatIrayugdhvaM vAje adriM maruto raMhayantaH | utAruShasya vi Shyanti dhArAshcharmevodabhirvyundanti bhUma || 1\.085\.05 A vo vahantu saptayo raghuShyado raghupatvAnaH pra jigAta bAhubhiH | sIdatA barhiruru vaH sadaskR^itaM mAdayadhvaM maruto madhvo andhasaH || 1\.085\.06 te.avardhanta svatavaso mahitvanA nAkaM tasthururu chakrire sadaH | viShNuryaddhAvadvR^iShaNaM madachyutaM vayo na sIdannadhi barhiShi priye || 1\.085\.07 shUrA ivedyuyudhayo na jagmayaH shravasyavo na pR^itanAsu yetire | bhayante vishvA bhuvanA marudbhyo rAjAna iva tveShasaMdR^isho naraH || 1\.085\.08 tvaShTA yadvajraM sukR^itaM hiraNyayaM sahasrabhR^iShTiM svapA avartayat | dhatta indro naryapAMsi kartave.ahanvR^itraM nirapAmaubjadarNavam || 1\.085\.09 UrdhvaM nunudre.avataM ta ojasA dAdR^ihANaM chidbibhidurvi parvatam | dhamanto vANaM marutaH sudAnavo made somasya raNyAni chakrire || 1\.085\.10 jihmaM nunudre.avataM tayA dishAsi~nchannutsaM gotamAya tR^iShNaje | A gachChantImavasA chitrabhAnavaH kAmaM viprasya tarpayanta dhAmabhiH || 1\.085\.11 yA vaH sharma shashamAnAya santi tridhAtUni dAshuShe yachChatAdhi | asmabhyaM tAni maruto vi yanta rayiM no dhatta vR^iShaNaH suvIram || 1\.085\.12 maruto yasya hi kShaye pAthA divo vimahasaH | sa sugopAtamo janaH || 1\.086\.01 yaj~nairvA yaj~navAhaso viprasya vA matInAm | marutaH shR^iNutA havam || 1\.086\.02 uta vA yasya vAjino.anu vipramatakShata | sa gantA gomati vraje || 1\.086\.03 asya vIrasya barhiShi sutaH somo diviShTiShu | ukthaM madashcha shasyate || 1\.086\.04 asya shroShantvA bhuvo vishvA yashcharShaNIrabhi | sUraM chitsasruShIriShaH || 1\.086\.05 pUrvIbhirhi dadAshima sharadbhirmaruto vayam | avobhishcharShaNInAm || 1\.086\.06 subhagaH sa prayajyavo maruto astu martyaH | yasya prayAMsi parShatha || 1\.086\.07 shashamAnasya vA naraH svedasya satyashavasaH | vidA kAmasya venataH || 1\.086\.08 yUyaM tatsatyashavasa AviShkarta mahitvanA | vidhyatA vidyutA rakShaH || 1\.086\.09 gUhatA guhyaM tamo vi yAta vishvamatriNam | jyotiShkartA yadushmasi || 1\.086\.10 pratvakShasaH pratavaso virapshino.anAnatA avithurA R^ijIShiNaH | juShTatamAso nR^itamAso a~njibhirvyAnajre ke chidusrA iva stR^ibhiH || 1\.087\.01 upahvareShu yadachidhvaM yayiM vaya iva marutaH kena chitpathA | shchotanti koshA upa vo ratheShvA ghR^itamukShatA madhuvarNamarchate || 1\.087\.02 praiShAmajmeShu vithureva rejate bhUmiryAmeShu yaddha yu~njate shubhe | te krILayo dhunayo bhrAjadR^iShTayaH svayaM mahitvaM panayanta dhUtayaH || 1\.087\.03 sa hi svasR^itpR^iShadashvo yuvA gaNo.ayA IshAnastaviShIbhirAvR^itaH | asi satya R^iNayAvAnedyo.asyA dhiyaH prAvitAthA vR^iShA gaNaH || 1\.087\.04 pituH pratnasya janmanA vadAmasi somasya jihvA pra jigAti chakShasA | yadImindraM shamyR^ikvANa AshatAdinnAmAni yaj~niyAni dadhire || 1\.087\.05 shriyase kaM bhAnubhiH saM mimikShire te rashmibhista R^ikvabhiH sukhAdayaH | te vAshImanta iShmiNo abhIravo vidre priyasya mArutasya dhAmnaH || 1\.087\.06 A vidyunmadbhirmarutaH svarkai rathebhiryAta R^iShTimadbhirashvaparNaiH | A varShiShThayA na iShA vayo na paptatA sumAyAH || 1\.088\.01 te.aruNebhirvaramA pisha~NgaiH shubhe kaM yAnti rathatUrbhirashvaiH | rukmo na chitraH svadhitIvAnpavyA rathasya ja~Nghananta bhUma || 1\.088\.02 shriye kaM vo adhi tanUShu vAshIrmedhA vanA na kR^iNavanta UrdhvA | yuShmabhyaM kaM marutaH sujAtAstuvidyumnAso dhanayante adrim || 1\.088\.03 ahAni gR^idhrAH paryA va AgurimAM dhiyaM vArkAryAM cha devIm | brahma kR^iNvanto gotamAso arkairUrdhvaM nunudra utsadhiM pibadhyai || 1\.088\.04 etattyanna yojanamacheti sasvarha yanmaruto gotamo vaH | pashyanhiraNyachakrAnayodaMShTrAnvidhAvato varAhUn || 1\.088\.05 eShA syA vo maruto.anubhartrI prati ShTobhati vAghato na vANI | astobhayadvR^ithAsAmanu svadhAM gabhastyoH || 1\.088\.06 A no bhadrAH kratavo yantu vishvato.adabdhAso aparItAsa udbhidaH | devA no yathA sadamidvR^idhe asannaprAyuvo rakShitAro divedive || 1\.089\.01 devAnAM bhadrA sumatirR^ijUyatAM devAnAM rAtirabhi no ni vartatAm | devAnAM sakhyamupa sedimA vayaM devA na AyuH pra tirantu jIvase || 1\.089\.02 tAnpUrvayA nividA hUmahe vayaM bhagaM mitramaditiM dakShamasridham | aryamaNaM varuNaM somamashvinA sarasvatI naH subhagA mayaskarat || 1\.089\.03 tanno vAto mayobhu vAtu bheShajaM tanmAtA pR^ithivI tatpitA dyauH | tadgrAvANaH somasuto mayobhuvastadashvinA shR^iNutaM dhiShNyA yuvam || 1\.089\.04 tamIshAnaM jagatastasthuShaspatiM dhiyaMjinvamavase hUmahe vayam | pUShA no yathA vedasAmasadvR^idhe rakShitA pAyuradabdhaH svastaye || 1\.089\.05 svasti na indro vR^iddhashravAH svasti naH pUShA vishvavedAH | svasti nastArkShyo ariShTanemiH svasti no bR^ihaspatirdadhAtu || 1\.089\.06 pR^iShadashvA marutaH pR^ishnimAtaraH shubhaMyAvAno vidatheShu jagmayaH | agnijihvA manavaH sUrachakShaso vishve no devA avasA gamanniha || 1\.089\.07 bhadraM karNebhiH shR^iNuyAma devA bhadraM pashyemAkShabhiryajatrAH | sthiraira~NgaistuShTuvAMsastanUbhirvyashema devahitaM yadAyuH || 1\.089\.08 shataminnu sharado anti devA yatrA nashchakrA jarasaM tanUnAm | putrAso yatra pitaro bhavanti mA no madhyA rIriShatAyurgantoH || 1\.089\.09 aditirdyauraditirantarikShamaditirmAtA sa pitA sa putraH | vishve devA aditiH pa~ncha janA aditirjAtamaditirjanitvam || 1\.089\.10 R^ijunItI no varuNo mitro nayatu vidvAn | aryamA devaiH sajoShAH || 1\.090\.01 te hi vasvo vasavAnAste apramUrA mahobhiH | vratA rakShante vishvAhA || 1\.090\.02 te asmabhyaM sharma yaMsannamR^itA martyebhyaH | bAdhamAnA apa dviShaH || 1\.090\.03 vi naH pathaH suvitAya chiyantvindro marutaH | pUShA bhago vandyAsaH || 1\.090\.04 uta no dhiyo go/agrAH pUShanviShNavevayAvaH | kartA naH svastimataH || 1\.090\.05 madhu vAtA R^itAyate madhu kSharanti sindhavaH | mAdhvIrnaH santvoShadhIH || 1\.090\.06 madhu naktamutoShaso madhumatpArthivaM rajaH | madhu dyaurastu naH pitA || 1\.090\.07 madhumAnno vanaspatirmadhumA.N astu sUryaH | mAdhvIrgAvo bhavantu naH || 1\.090\.08 shaM no mitraH shaM varuNaH shaM no bhavatvaryamA | shaM na indro bR^ihaspatiH shaM no viShNururukramaH || 1\.090\.09 tvaM soma pra chikito manIShA tvaM rajiShThamanu neShi panthAm | tava praNItI pitaro na indo deveShu ratnamabhajanta dhIrAH || 1\.091\.01 tvaM soma kratubhiH sukraturbhUstvaM dakShaiH sudakSho vishvavedAH | tvaM vR^iShA vR^iShatvebhirmahitvA dyumnebhirdyumnyabhavo nR^ichakShAH || 1\.091\.02 rAj~no nu te varuNasya vratAni bR^ihadgabhIraM tava soma dhAma | shuchiShTvamasi priyo na mitro dakShAyyo aryamevAsi soma || 1\.091\.03 yA te dhAmAni divi yA pR^ithivyAM yA parvateShvoShadhIShvapsu | tebhirno vishvaiH sumanA aheLanrAjansoma prati havyA gR^ibhAya || 1\.091\.04 tvaM somAsi satpatistvaM rAjota vR^itrahA | tvaM bhadro asi kratuH || 1\.091\.05 tvaM cha soma no vasho jIvAtuM na marAmahe | priyastotro vanaspatiH || 1\.091\.06 tvaM soma mahe bhagaM tvaM yUna R^itAyate | dakShaM dadhAsi jIvase || 1\.091\.07 tvaM naH soma vishvato rakShA rAjannaghAyataH | na riShyettvAvataH sakhA || 1\.091\.08 soma yAste mayobhuva UtayaH santi dAshuShe | tAbhirno.avitA bhava || 1\.091\.09 imaM yaj~namidaM vacho jujuShANa upAgahi | soma tvaM no vR^idhe bhava || 1\.091\.10 soma gIrbhiShTvA vayaM vardhayAmo vachovidaH | sumR^iLIko na A visha || 1\.091\.11 gayasphAno amIvahA vasuvitpuShTivardhanaH | sumitraH soma no bhava || 1\.091\.12 soma rArandhi no hR^idi gAvo na yavaseShvA | marya iva sva okye || 1\.091\.13 yaH soma sakhye tava rAraNaddeva martyaH | taM dakShaH sachate kaviH || 1\.091\.14 uruShyA No abhishasteH soma ni pAhyaMhasaH | sakhA susheva edhi naH || 1\.091\.15 A pyAyasva sametu te vishvataH soma vR^iShNyam | bhavA vAjasya saMgathe || 1\.091\.16 A pyAyasva madintama soma vishvebhiraMshubhiH | bhavA naH sushravastamaH sakhA vR^idhe || 1\.091\.17 saM te payAMsi samu yantu vAjAH saM vR^iShNyAnyabhimAtiShAhaH | ApyAyamAno amR^itAya soma divi shravAMsyuttamAni dhiShva || 1\.091\.18 yA te dhAmAni haviShA yajanti tA te vishvA paribhUrastu yaj~nam | gayasphAnaH prataraNaH suvIro.avIrahA pra charA soma duryAn || 1\.091\.19 somo dhenuM somo arvantamAshuM somo vIraM karmaNyaM dadAti | sAdanyaM vidathyaM sabheyaM pitR^ishravaNaM yo dadAshadasmai || 1\.091\.20 aShALhaM yutsu pR^itanAsu papriM svarShAmapsAM vR^ijanasya gopAm | bhareShujAM sukShitiM sushravasaM jayantaM tvAmanu madema soma || 1\.091\.21 tvamimA oShadhIH soma vishvAstvamapo ajanayastvaM gAH | tvamA tatanthorvantarikShaM tvaM jyotiShA vi tamo vavartha || 1\.091\.22 devena no manasA deva soma rAyo bhAgaM sahasAvannabhi yudhya | mA tvA tanadIshiShe vIryasyobhayebhyaH pra chikitsA gaviShTau || 1\.091\.23 etA u tyA uShasaH ketumakrata pUrve ardhe rajaso bhAnuma~njate | niShkR^iNvAnA AyudhAnIva dhR^iShNavaH prati gAvo.aruShIryanti mAtaraH || 1\.092\.01 udapaptannaruNA bhAnavo vR^ithA svAyujo aruShIrgA ayukShata | akrannuShAso vayunAni pUrvathA rushantaM bhAnumaruShIrashishrayuH || 1\.092\.02 archanti nArIrapaso na viShTibhiH samAnena yojanenA parAvataH | iShaM vahantIH sukR^ite sudAnave vishvedaha yajamAnAya sunvate || 1\.092\.03 adhi peshAMsi vapate nR^itUrivAporNute vakSha usreva barjaham | jyotirvishvasmai bhuvanAya kR^iNvatI gAvo na vrajaM vyuShA AvartamaH || 1\.092\.04 pratyarchI rushadasyA adarshi vi tiShThate bAdhate kR^iShNamabhvam | svaruM na pesho vidatheShva~nja~nchitraM divo duhitA bhAnumashret || 1\.092\.05 atAriShma tamasaspAramasyoShA uchChantI vayunA kR^iNoti | shriye Chando na smayate vibhAtI supratIkA saumanasAyAjIgaH || 1\.092\.06 bhAsvatI netrI sUnR^itAnAM divaH stave duhitA gotamebhiH | prajAvato nR^ivato ashvabudhyAnuSho go/agrA.N upa mAsi vAjAn || 1\.092\.07 uShastamashyAM yashasaM suvIraM dAsapravargaM rayimashvabudhyam | sudaMsasA shravasA yA vibhAsi vAjaprasUtA subhage bR^ihantam || 1\.092\.08 vishvAni devI bhuvanAbhichakShyA pratIchI chakShururviyA vi bhAti | vishvaM jIvaM charase bodhayantI vishvasya vAchamavidanmanAyoH || 1\.092\.09 punaHpunarjAyamAnA purANI samAnaM varNamabhi shumbhamAnA | shvaghnIva kR^itnurvija AminAnA martasya devI jarayantyAyuH || 1\.092\.10 vyUrNvatI divo antA.N abodhyapa svasAraM sanutaryuyoti | praminatI manuShyA yugAni yoShA jArasya chakShasA vi bhAti || 1\.092\.11 pashUnna chitrA subhagA prathAnA sindhurna kShoda urviyA vyashvait | aminatI daivyAni vratAni sUryasya cheti rashmibhirdR^ishAnA || 1\.092\.12 uShastachchitramA bharAsmabhyaM vAjinIvati | yena tokaM cha tanayaM cha dhAmahe || 1\.092\.13 uSho adyeha gomatyashvAvati vibhAvari | revadasme vyuchCha sUnR^itAvati || 1\.092\.14 yukShvA hi vAjinIvatyashvA.N adyAruNA.N uShaH | athA no vishvA saubhagAnyA vaha || 1\.092\.15 ashvinA vartirasmadA gomaddasrA hiraNyavat | arvAgrathaM samanasA ni yachChatam || 1\.092\.16 yAvitthA shlokamA divo jyotirjanAya chakrathuH | A na UrjaM vahatamashvinA yuvam || 1\.092\.17 eha devA mayobhuvA dasrA hiraNyavartanI | uSharbudho vahantu somapItaye || 1\.092\.18 agnIShomAvimaM su me shR^iNutaM vR^iShaNA havam | prati sUktAni haryataM bhavataM dAshuShe mayaH || 1\.093\.01 agnIShomA yo adya vAmidaM vachaH saparyati | tasmai dhattaM suvIryaM gavAM poShaM svashvyam || 1\.093\.02 agnIShomA ya AhutiM yo vAM dAshAddhaviShkR^itim | sa prajayA suvIryaM vishvamAyurvyashnavat || 1\.093\.03 agnIShomA cheti tadvIryaM vAM yadamuShNItamavasaM paNiM gAH | avAtirataM bR^isayasya sheSho.avindataM jyotirekaM bahubhyaH || 1\.093\.04 yuvametAni divi rochanAnyagnishcha soma sakratU adhattam | yuvaM sindhU.NrabhishasteravadyAdagnIShomAvamu~nchataM gR^ibhItAn || 1\.093\.05 AnyaM divo mAtarishvA jabhArAmathnAdanyaM pari shyeno adreH | agnIShomA brahmaNA vAvR^idhAnoruM yaj~nAya chakrathuru lokam || 1\.093\.06 agnIShomA haviShaH prasthitasya vItaM haryataM vR^iShaNA juShethAm | susharmANA svavasA hi bhUtamathA dhattaM yajamAnAya shaM yoH || 1\.093\.07 yo agnIShomA haviShA saparyAddevadrIchA manasA yo ghR^itena | tasya vrataM rakShataM pAtamaMhaso vishe janAya mahi sharma yachChatam || 1\.093\.08 agnIShomA savedasA sahUtI vanataM giraH | saM devatrA babhUvathuH || 1\.093\.09 agnIShomAvanena vAM yo vAM ghR^itena dAshati | tasmai dIdayataM bR^ihat || 1\.093\.10 agnIShomAvimAni no yuvaM havyA jujoShatam | A yAtamupa naH sachA || 1\.093\.11 agnIShomA pipR^itamarvato na A pyAyantAmusriyA havyasUdaH | asme balAni maghavatsu dhattaM kR^iNutaM no adhvaraM shruShTimantam || 1\.093\.12 imaM stomamarhate jAtavedase rathamiva saM mahemA manIShayA | bhadrA hi naH pramatirasya saMsadyagne sakhye mA riShAmA vayaM tava || 1\.094\.01 yasmai tvamAyajase sa sAdhatyanarvA kSheti dadhate suvIryam | sa tUtAva nainamashnotyaMhatiragne sakhye mA riShAmA vayaM tava || 1\.094\.02 shakema tvA samidhaM sAdhayA dhiyastve devA haviradantyAhutam | tvamAdityA.N A vaha tAnhyushmasyagne sakhye mA riShAmA vayaM tava || 1\.094\.03 bharAmedhmaM kR^iNavAmA havIMShi te chitayantaH parvaNAparvaNA vayam | jIvAtave prataraM sAdhayA dhiyo.agne sakhye mA riShAmA vayaM tava || 1\.094\.04 vishAM gopA asya charanti jantavo dvipachcha yaduta chatuShpadaktubhiH | chitraH praketa uShaso mahA.N asyagne sakhye mA riShAmA vayaM tava || 1\.094\.05 tvamadhvaryuruta hotAsi pUrvyaH prashAstA potA januShA purohitaH | vishvA vidvA.N ArtvijyA dhIra puShyasyagne sakhye mA riShAmA vayaM tava || 1\.094\.06 yo vishvataH supratIkaH sadR^i~N~Nasi dUre chitsantaLidivAti rochase | rAtryAshchidandho ati deva pashyasyagne sakhye mA riShAmA vayaM tava || 1\.094\.07 pUrvo devA bhavatu sunvato ratho.asmAkaM shaMso abhyastu dUDhyaH | tadA jAnItota puShyatA vacho.agne sakhye mA riShAmA vayaM tava || 1\.094\.08 vadhairduHshaMsA.N apa dUDhyo jahi dUre vA ye anti vA ke chidatriNaH | athA yaj~nAya gR^iNate sugaM kR^idhyagne sakhye mA riShAmA vayaM tava || 1\.094\.09 yadayukthA aruShA rohitA rathe vAtajUtA vR^iShabhasyeva te ravaH | Adinvasi vanino dhUmaketunAgne sakhye mA riShAmA vayaM tava || 1\.094\.10 adha svanAduta bibhyuH patatriNo drapsA yatte yavasAdo vyasthiran | sugaM tatte tAvakebhyo rathebhyo.agne sakhye mA riShAmA vayaM tava || 1\.094\.11 ayaM mitrasya varuNasya dhAyase.avayAtAM marutAM heLo adbhutaH | mR^iLA su no bhUtveShAM manaH punaragne sakhye mA riShAmA vayaM tava || 1\.094\.12 devo devAnAmasi mitro adbhuto vasurvasUnAmasi chAruradhvare | sharmansyAma tava saprathastame.agne sakhye mA riShAmA vayaM tava || 1\.094\.13 tatte bhadraM yatsamiddhaH sve dame somAhuto jarase mR^iLayattamaH | dadhAsi ratnaM draviNaM cha dAshuShe.agne sakhye mA riShAmA vayaM tava || 1\.094\.14 yasmai tvaM sudraviNo dadAsho.anAgAstvamadite sarvatAtA | yaM bhadreNa shavasA chodayAsi prajAvatA rAdhasA te syAma || 1\.094\.15 sa tvamagne saubhagatvasya vidvAnasmAkamAyuH pra tireha deva | tanno mitro varuNo mAmahantAmaditiH sindhuH pR^ithivI uta dyauH || 1\.094\.16 dve virUpe charataH svarthe anyAnyA vatsamupa dhApayete | hariranyasyAM bhavati svadhAvA~nChukro anyasyAM dadR^ishe suvarchAH || 1\.095\.01 dashemaM tvaShTurjanayanta garbhamatandrAso yuvatayo vibhR^itram | tigmAnIkaM svayashasaM janeShu virochamAnaM pari ShIM nayanti || 1\.095\.02 trINi jAnA pari bhUShantyasya samudra ekaM divyekamapsu | pUrvAmanu pra dishaM pArthivAnAmR^itUnprashAsadvi dadhAvanuShThu || 1\.095\.03 ka imaM vo niNyamA chiketa vatso mAtR^Irjanayata svadhAbhiH | bahvInAM garbho apasAmupasthAnmahAnkavirnishcharati svadhAvAn || 1\.095\.04 AviShTyo vardhate chArurAsu jihmAnAmUrdhvaH svayashA upasthe | ubhe tvaShTurbibhyaturjAyamAnAtpratIchI siMhaM prati joShayete || 1\.095\.05 ubhe bhadre joShayete na mene gAvo na vAshrA upa tasthurevaiH | sa dakShANAM dakShapatirbabhUvA~njanti yaM dakShiNato havirbhiH || 1\.095\.06 udyaMyamIti saviteva bAhU ubhe sichau yatate bhIma R^i~njan | uchChukramatkamajate simasmAnnavA mAtR^ibhyo vasanA jahAti || 1\.095\.07 tveShaM rUpaM kR^iNuta uttaraM yatsampR^i~nchAnaH sadane gobhiradbhiH | kavirbudhnaM pari marmR^ijyate dhIH sA devatAtA samitirbabhUva || 1\.095\.08 uru te jrayaH paryeti budhnaM virochamAnaM mahiShasya dhAma | vishvebhiragne svayashobhiriddho.adabdhebhiH pAyubhiH pAhyasmAn || 1\.095\.09 dhanvansrotaH kR^iNute gAtumUrmiM shukrairUrmibhirabhi nakShati kShAm | vishvA sanAni jaThareShu dhatte.antarnavAsu charati prasUShu || 1\.095\.10 evA no agne samidhA vR^idhAno revatpAvaka shravase vi bhAhi | tanno mitro varuNo mAmahantAmaditiH sindhuH pR^ithivI uta dyauH || 1\.095\.11 sa pratnathA sahasA jAyamAnaH sadyaH kAvyAni baLadhatta vishvA | Apashcha mitraM dhiShaNA cha sAdhandevA agniM dhArayandraviNodAm || 1\.096\.01 sa pUrvayA nividA kavyatAyorimAH prajA ajanayanmanUnAm | vivasvatA chakShasA dyAmapashcha devA agniM dhArayandraviNodAm || 1\.096\.02 tamILata prathamaM yaj~nasAdhaM visha ArIrAhutamR^i~njasAnam | UrjaH putraM bharataM sR^ipradAnuM devA agniM dhArayandraviNodAm || 1\.096\.03 sa mAtarishvA puruvArapuShTirvidadgAtuM tanayAya svarvit | vishAM gopA janitA rodasyordevA agniM dhArayandraviNodAm || 1\.096\.04 naktoShAsA varNamAmemyAne dhApayete shishumekaM samIchI | dyAvAkShAmA rukmo antarvi bhAti devA agniM dhArayandraviNodAm || 1\.096\.05 rAyo budhnaH saMgamano vasUnAM yaj~nasya keturmanmasAdhano veH | amR^itatvaM rakShamANAsa enaM devA agniM dhArayandraviNodAm || 1\.096\.06 nU cha purA cha sadanaM rayINAM jAtasya cha jAyamAnasya cha kShAm | satashcha gopAM bhavatashcha bhUrerdevA agniM dhArayandraviNodAm || 1\.096\.07 draviNodA draviNasasturasya draviNodAH sanarasya pra yaMsat | draviNodA vIravatImiShaM no draviNodA rAsate dIrghamAyuH || 1\.096\.08 evA no agne samidhA vR^idhAno revatpAvaka shravase vi bhAhi | tanno mitro varuNo mAmahantAmaditiH sindhuH pR^ithivI uta dyauH || 1\.096\.09 apa naH shoshuchadaghamagne shushugdhyA rayim | apa naH shoshuchadagham || 1\.097\.01 sukShetriyA sugAtuyA vasUyA cha yajAmahe | apa naH shoshuchadagham || 1\.097\.02 pra yadbhandiShTha eShAM prAsmAkAsashcha sUrayaH | apa naH shoshuchadagham || 1\.097\.03 pra yatte agne sUrayo jAyemahi pra te vayam | apa naH shoshuchadagham || 1\.097\.04 pra yadagneH sahasvato vishvato yanti bhAnavaH | apa naH shoshuchadagham || 1\.097\.05 tvaM hi vishvatomukha vishvataH paribhUrasi | apa naH shoshuchadagham || 1\.097\.06 dviSho no vishvatomukhAti nAveva pAraya | apa naH shoshuchadagham || 1\.097\.07 sa naH sindhumiva nAvayAti parShA svastaye | apa naH shoshuchadagham || 1\.097\.08 vaishvAnarasya sumatau syAma rAjA hi kaM bhuvanAnAmabhishrIH | ito jAto vishvamidaM vi chaShTe vaishvAnaro yatate sUryeNa || 1\.098\.01 pR^iShTo divi pR^iShTo agniH pR^ithivyAM pR^iShTo vishvA oShadhIrA vivesha | vaishvAnaraH sahasA pR^iShTo agniH sa no divA sa riShaH pAtu naktam || 1\.098\.02 vaishvAnara tava tatsatyamastvasmAnrAyo maghavAnaH sachantAm | tanno mitro varuNo mAmahantAmaditiH sindhuH pR^ithivI uta dyauH || 1\.098\.03 jAtavedase sunavAma somamarAtIyato ni dahAti vedaH | sa naH parShadati durgANi vishvA nAveva sindhuM duritAtyagniH || 1\.099\.01 sa yo vR^iShA vR^iShNyebhiH samokA maho divaH pR^ithivyAshcha samrAT | satInasatvA havyo bhareShu marutvAnno bhavatvindra UtI || 1\.100\.01 yasyAnAptaH sUryasyeva yAmo bharebhare vR^itrahA shuShmo asti | vR^iShantamaH sakhibhiH svebhirevairmarutvAnno bhavatvindra UtI || 1\.100\.02 divo na yasya retaso dughAnAH panthAso yanti shavasAparItAH | taraddveShAH sAsahiH pauMsyebhirmarutvAnno bhavatvindra UtI || 1\.100\.03 so a~Ngirobhira~Ngirastamo bhUdvR^iShA vR^iShabhiH sakhibhiH sakhA san | R^igmibhirR^igmI gAtubhirjyeShTho marutvAnno bhavatvindra UtI || 1\.100\.04 sa sUnubhirna rudrebhirR^ibhvA nR^iShAhye sAsahvA.N amitrAn | sanILebhiH shravasyAni tUrvanmarutvAnno bhavatvindra UtI || 1\.100\.05 sa manyumIH samadanasya kartAsmAkebhirnR^ibhiH sUryaM sanat | asminnahansatpatiH puruhUto marutvAnno bhavatvindra UtI || 1\.100\.06 tamUtayo raNaya~nChUrasAtau taM kShemasya kShitayaH kR^iNvata trAm | sa vishvasya karuNasyesha eko marutvAnno bhavatvindra UtI || 1\.100\.07 tamapsanta shavasa utsaveShu naro naramavase taM dhanAya | so andhe chittamasi jyotirvidanmarutvAnno bhavatvindra UtI || 1\.100\.08 sa savyena yamati vrAdhatashchitsa dakShiNe saMgR^ibhItA kR^itAni | sa kIriNA chitsanitA dhanAni marutvAnno bhavatvindra UtI || 1\.100\.09 sa grAmebhiH sanitA sa rathebhirvide vishvAbhiH kR^iShTibhirnvadya | sa pauMsyebhirabhibhUrashastIrmarutvAnno bhavatvindra UtI || 1\.100\.10 sa jAmibhiryatsamajAti mILhe.ajAmibhirvA puruhUta evaiH | apAM tokasya tanayasya jeShe marutvAnno bhavatvindra UtI || 1\.100\.11 sa vajrabhR^iddasyuhA bhIma ugraH sahasrachetAH shatanItha R^ibhvA | chamrISho na shavasA pA~nchajanyo marutvAnno bhavatvindra UtI || 1\.100\.12 tasya vajraH krandati smatsvarShA divo na tveSho ravathaH shimIvAn | taM sachante sanayastaM dhanAni marutvAnno bhavatvindra UtI || 1\.100\.13 yasyAjasraM shavasA mAnamukthaM paribhujadrodasI vishvataH sIm | sa pAriShatkratubhirmandasAno marutvAnno bhavatvindra UtI || 1\.100\.14 na yasya devA devatA na martA Apashchana shavaso antamApuH | sa prarikvA tvakShasA kShmo divashcha marutvAnno bhavatvindra UtI || 1\.100\.15 rohichChyAvA sumadaMshurlalAmIrdyukShA rAya R^ijrAshvasya | vR^iShaNvantaM bibhratI dhUrShu rathaM mandrA chiketa nAhuShIShu vikShu || 1\.100\.16 etattyatta indra vR^iShNa ukthaM vArShAgirA abhi gR^iNanti rAdhaH | R^ijrAshvaH praShTibhirambarIShaH sahadevo bhayamAnaH surAdhAH || 1\.100\.17 dasyU~nChimyU.Nshcha puruhUta evairhatvA pR^ithivyAM sharvA ni barhIt | sanatkShetraM sakhibhiH shvitnyebhiH sanatsUryaM sanadapaH suvajraH || 1\.100\.18 vishvAhendro adhivaktA no astvaparihvR^itAH sanuyAma vAjam | tanno mitro varuNo mAmahantAmaditiH sindhuH pR^ithivI uta dyauH || 1\.100\.19 pra mandine pitumadarchatA vacho yaH kR^iShNagarbhA nirahannR^ijishvanA | avasyavo vR^iShaNaM vajradakShiNaM marutvantaM sakhyAya havAmahe || 1\.101\.01 yo vyaMsaM jAhR^iShANena manyunA yaH shambaraM yo ahanpiprumavratam | indro yaH shuShNamashuShaM nyAvR^iNa~NmarutvantaM sakhyAya havAmahe || 1\.101\.02 yasya dyAvApR^ithivI pauMsyaM mahadyasya vrate varuNo yasya sUryaH | yasyendrasya sindhavaH sashchati vrataM marutvantaM sakhyAya havAmahe || 1\.101\.03 yo ashvAnAM yo gavAM gopatirvashI ya AritaH karmaNikarmaNi sthiraH | vILoshchidindro yo asunvato vadho marutvantaM sakhyAya havAmahe || 1\.101\.04 yo vishvasya jagataH prANataspatiryo brahmaNe prathamo gA avindat | indro yo dasyU.NradharA.N avAtiranmarutvantaM sakhyAya havAmahe || 1\.101\.05 yaH shUrebhirhavyo yashcha bhIrubhiryo dhAvadbhirhUyate yashcha jigyubhiH | indraM yaM vishvA bhuvanAbhi saMdadhurmarutvantaM sakhyAya havAmahe || 1\.101\.06 rudrANAmeti pradishA vichakShaNo rudrebhiryoShA tanute pR^ithu jrayaH | indraM manIShA abhyarchati shrutaM marutvantaM sakhyAya havAmahe || 1\.101\.07 yadvA marutvaH parame sadhasthe yadvAvame vR^ijane mAdayAse | ata A yAhyadhvaraM no achChA tvAyA havishchakR^imA satyarAdhaH || 1\.101\.08 tvAyendra somaM suShumA sudakSha tvAyA havishchakR^imA brahmavAhaH | adhA niyutvaH sagaNo marudbhirasminyaj~ne barhiShi mAdayasva || 1\.101\.09 mAdayasva haribhirye ta indra vi Shyasva shipre vi sR^ijasva dhene | A tvA sushipra harayo vahantUshanhavyAni prati no juShasva || 1\.101\.10 marutstotrasya vR^ijanasya gopA vayamindreNa sanuyAma vAjam | tanno mitro varuNo mAmahantAmaditiH sindhuH pR^ithivI uta dyauH || 1\.101\.11 imAM te dhiyaM pra bhare maho mahImasya stotre dhiShaNA yatta Anaje | tamutsave cha prasave cha sAsahimindraM devAsaH shavasAmadannanu || 1\.102\.01 asya shravo nadyaH sapta bibhrati dyAvAkShAmA pR^ithivI darshataM vapuH | asme sUryAchandramasAbhichakShe shraddhe kamindra charato vitarturam || 1\.102\.02 taM smA rathaM maghavanprAva sAtaye jaitraM yaM te anumadAma saMgame | AjA na indra manasA puruShTuta tvAyadbhyo maghava~nCharma yachCha naH || 1\.102\.03 vayaM jayema tvayA yujA vR^itamasmAkamaMshamudavA bharebhare | asmabhyamindra varivaH sugaM kR^idhi pra shatrUNAM maghavanvR^iShNyA ruja || 1\.102\.04 nAnA hi tvA havamAnA janA ime dhanAnAM dhartaravasA vipanyavaH | asmAkaM smA rathamA tiShTha sAtaye jaitraM hIndra nibhR^itaM manastava || 1\.102\.05 gojitA bAhU amitakratuH simaH karmankarma~nChatamUtiH khajaMkaraH | akalpa indraH pratimAnamojasAthA janA vi hvayante siShAsavaH || 1\.102\.06 utte shatAnmaghavannuchcha bhUyasa utsahasrAdririche kR^iShTiShu shravaH | amAtraM tvA dhiShaNA titviShe mahyadhA vR^itrANi jighnase puraMdara || 1\.102\.07 triviShTidhAtu pratimAnamojasastisro bhUmIrnR^ipate trINi rochanA | atIdaM vishvaM bhuvanaM vavakShithAshatrurindra januShA sanAdasi || 1\.102\.08 tvAM deveShu prathamaM havAmahe tvaM babhUtha pR^itanAsu sAsahiH | semaM naH kArumupamanyumudbhidamindraH kR^iNotu prasave rathaM puraH || 1\.102\.09 tvaM jigetha na dhanA rurodhithArbheShvAjA maghavanmahatsu cha | tvAmugramavase saM shishImasyathA na indra havaneShu chodaya || 1\.102\.10 vishvAhendro adhivaktA no astvaparihvR^itAH sanuyAma vAjam | tanno mitro varuNo mAmahantAmaditiH sindhuH pR^ithivI uta dyauH || 1\.102\.11 tatta indriyaM paramaM parAchairadhArayanta kavayaH puredam | kShamedamanyaddivyanyadasya samI pR^ichyate samaneva ketuH || 1\.103\.01 sa dhArayatpR^ithivIM paprathachcha vajreNa hatvA nirapaH sasarja | ahannahimabhinadrauhiNaM vyahanvyaMsaM maghavA shachIbhiH || 1\.103\.02 sa jAtUbharmA shraddadhAna ojaH puro vibhindannacharadvi dAsIH | vidvAnvajrindasyave hetimasyAryaM saho vardhayA dyumnamindra || 1\.103\.03 tadUchuShe mAnuShemA yugAni kIrtenyaM maghavA nAma bibhrat | upaprayandasyuhatyAya vajrI yaddha sUnuH shravase nAma dadhe || 1\.103\.04 tadasyedaM pashyatA bhUri puShTaM shradindrasya dhattana vIryAya | sa gA avindatso avindadashvAnsa oShadhIH so apaH sa vanAni || 1\.103\.05 bhUrikarmaNe vR^iShabhAya vR^iShNe satyashuShmAya sunavAma somam | ya AdR^ityA paripanthIva shUro.ayajvano vibhajanneti vedaH || 1\.103\.06 tadindra preva vIryaM chakartha yatsasantaM vajreNAbodhayo.ahim | anu tvA patnIrhR^iShitaM vayashcha vishve devAso amadannanu tvA || 1\.103\.07 shuShNaM pipruM kuyavaM vR^itramindra yadAvadhIrvi puraH shambarasya | tanno mitro varuNo mAmahantAmaditiH sindhuH pR^ithivI uta dyauH || 1\.103\.08 yoniShTa indra niShade akAri tamA ni ShIda svAno nArvA | vimuchyA vayo.avasAyAshvAndoShA vastorvahIyasaH prapitve || 1\.104\.01 o tye nara indramUtaye gurnU chittAnsadyo adhvano jagamyAt | devAso manyuM dAsasya shchamnante na A vakShansuvitAya varNam || 1\.104\.02 ava tmanA bharate ketavedA ava tmanA bharate phenamudan | kShIreNa snAtaH kuyavasya yoShe hate te syAtAM pravaNe shiphAyAH || 1\.104\.03 yuyopa nAbhiruparasyAyoH pra pUrvAbhistirate rAShTi shUraH | a~njasI kulishI vIrapatnI payo hinvAnA udabhirbharante || 1\.104\.04 prati yatsyA nIthAdarshi dasyoroko nAchChA sadanaM jAnatI gAt | adha smA no maghava~ncharkR^itAdinmA no magheva niShShapI parA dAH || 1\.104\.05 sa tvaM na indra sUrye so apsvanAgAstva A bhaja jIvashaMse | mAntarAM bhujamA rIriSho naH shraddhitaM te mahata indriyAya || 1\.104\.06 adhA manye shratte asmA adhAyi vR^iShA chodasva mahate dhanAya | mA no akR^ite puruhUta yonAvindra kShudhyadbhyo vaya AsutiM dAH || 1\.104\.07 mA no vadhIrindra mA parA dA mA naH priyA bhojanAni pra moShIH | ANDA mA no maghava~nChakra nirbhenmA naH pAtrA bhetsahajAnuShANi || 1\.104\.08 arvA~Nehi somakAmaM tvAhurayaM sutastasya pibA madAya | uruvyachA jaThara A vR^iShasva piteva naH shR^iNuhi hUyamAnaH || 1\.104\.09 chandramA apsvantarA suparNo dhAvate divi | na vo hiraNyanemayaH padaM vindanti vidyuto vittaM me asya rodasI || 1\.105\.01 arthamidvA u arthina A jAyA yuvate patim | tu~njAte vR^iShNyaM payaH paridAya rasaM duhe vittaM me asya rodasI || 1\.105\.02 mo Shu devA adaH svarava pAdi divaspari | mA somyasya shambhuvaH shUne bhUma kadA chana vittaM me asya rodasI || 1\.105\.03 yaj~naM pR^ichChAmyavamaM sa taddUto vi vochati | kva R^itaM pUrvyaM gataM kastadbibharti nUtano vittaM me asya rodasI || 1\.105\.04 amI ye devAH sthana triShvA rochane divaH | kadva R^itaM kadanR^itaM kva pratnA va AhutirvittaM me asya rodasI || 1\.105\.05 kadva R^itasya dharNasi kadvaruNasya chakShaNam | kadaryamNo mahaspathAti krAmema dUDhyo vittaM me asya rodasI || 1\.105\.06 ahaM so asmi yaH purA sute vadAmi kAni chit | taM mA vyantyAdhyo vR^iko na tR^iShNajaM mR^igaM vittaM me asya rodasI || 1\.105\.07 saM mA tapantyabhitaH sapatnIriva parshavaH | mUSho na shishnA vyadanti mAdhyaH stotAraM te shatakrato vittaM me asya rodasI || 1\.105\.08 amI ye sapta rashmayastatrA me nAbhirAtatA | tritastadvedAptyaH sa jAmitvAya rebhati vittaM me asya rodasI || 1\.105\.09 amI ye pa~nchokShaNo madhye tasthurmaho divaH | devatrA nu pravAchyaM sadhrIchInA ni vAvR^iturvittaM me asya rodasI || 1\.105\.10 suparNA eta Asate madhya Arodhane divaH | te sedhanti patho vR^ikaM tarantaM yahvatIrapo vittaM me asya rodasI || 1\.105\.11 navyaM tadukthyaM hitaM devAsaH supravAchanam | R^itamarShanti sindhavaH satyaM tAtAna sUryo vittaM me asya rodasI || 1\.105\.12 agne tava tyadukthyaM deveShvastyApyam | sa naH satto manuShvadA devAnyakShi viduShTaro vittaM me asya rodasI || 1\.105\.13 satto hotA manuShvadA devA.N achChA viduShTaraH | agnirhavyA suShUdati devo deveShu medhiro vittaM me asya rodasI || 1\.105\.14 brahmA kR^iNoti varuNo gAtuvidaM tamImahe | vyUrNoti hR^idA matiM navyo jAyatAmR^itaM vittaM me asya rodasI || 1\.105\.15 asau yaH panthA Adityo divi pravAchyaM kR^itaH | na sa devA atikrame taM martAso na pashyatha vittaM me asya rodasI || 1\.105\.16 tritaH kUpe.avahito devAnhavata Utaye | tachChushrAva bR^ihaspatiH kR^iNvannaMhUraNAduru vittaM me asya rodasI || 1\.105\.17 aruNo mA sakR^idvR^ikaH pathA yantaM dadarsha hi | ujjihIte nichAyyA taShTeva pR^iShTyAmayI vittaM me asya rodasI || 1\.105\.18 enA~NgUSheNa vayamindravanto.abhi ShyAma vR^ijane sarvavIrAH | tanno mitro varuNo mAmahantAmaditiH sindhuH pR^ithivI uta dyauH || 1\.105\.19 indraM mitraM varuNamagnimUtaye mArutaM shardho aditiM havAmahe | rathaM na durgAdvasavaH sudAnavo vishvasmAnno aMhaso niShpipartana || 1\.106\.01 ta AdityA A gatA sarvatAtaye bhUta devA vR^itratUryeShu shambhuvaH | rathaM na durgAdvasavaH sudAnavo vishvasmAnno aMhaso niShpipartana || 1\.106\.02 avantu naH pitaraH supravAchanA uta devI devaputre R^itAvR^idhA | rathaM na durgAdvasavaH sudAnavo vishvasmAnno aMhaso niShpipartana || 1\.106\.03 narAshaMsaM vAjinaM vAjayanniha kShayadvIraM pUShaNaM sumnairImahe | rathaM na durgAdvasavaH sudAnavo vishvasmAnno aMhaso niShpipartana || 1\.106\.04 bR^ihaspate sadaminnaH sugaM kR^idhi shaM yoryatte manurhitaM tadImahe | rathaM na durgAdvasavaH sudAnavo vishvasmAnno aMhaso niShpipartana || 1\.106\.05 indraM kutso vR^itrahaNaM shachIpatiM kATe nibALha R^iShirahvadUtaye | rathaM na durgAdvasavaH sudAnavo vishvasmAnno aMhaso niShpipartana || 1\.106\.06 devairno devyaditirni pAtu devastrAtA trAyatAmaprayuchChan | tanno mitro varuNo mAmahantAmaditiH sindhuH pR^ithivI uta dyauH || 1\.106\.07 yaj~no devAnAM pratyeti sumnamAdityAso bhavatA mR^iLayantaH | A vo.arvAchI sumatirvavR^ityAdaMhoshchidyA varivovittarAsat || 1\.107\.01 upa no devA avasA gamantva~NgirasAM sAmabhiH stUyamAnAH | indra indriyairmaruto marudbhirAdityairno aditiH sharma yaMsat || 1\.107\.02 tanna indrastadvaruNastadagnistadaryamA tatsavitA chano dhAt | tanno mitro varuNo mAmahantAmaditiH sindhuH pR^ithivI uta dyauH || 1\.107\.03 ya indrAgnI chitratamo ratho vAmabhi vishvAni bhuvanAni chaShTe | tenA yAtaM sarathaM tasthivAMsAthA somasya pibataM sutasya || 1\.108\.01 yAvadidaM bhuvanaM vishvamastyuruvyachA varimatA gabhIram | tAvA.N ayaM pAtave somo astvaramindrAgnI manase yuvabhyAm || 1\.108\.02 chakrAthe hi sadhrya~NnAma bhadraM sadhrIchInA vR^itrahaNA uta sthaH | tAvindrAgnI sadhrya~nchA niShadyA vR^iShNaH somasya vR^iShaNA vR^iShethAm || 1\.108\.03 samiddheShvagniShvAnajAnA yatasruchA barhiru tistirANA | tIvraiH somaiH pariShiktebhirarvAgendrAgnI saumanasAya yAtam || 1\.108\.04 yAnIndrAgnI chakrathurvIryANi yAni rUpANyuta vR^iShNyAni | yA vAM pratnAni sakhyA shivAni tebhiH somasya pibataM sutasya || 1\.108\.05 yadabravaM prathamaM vAM vR^iNAno.ayaM somo asurairno vihavyaH | tAM satyAM shraddhAmabhyA hi yAtamathA somasya pibataM sutasya || 1\.108\.06 yadindrAgnI madathaH sve duroNe yadbrahmaNi rAjani vA yajatrA | ataH pari vR^iShaNAvA hi yAtamathA somasya pibataM sutasya || 1\.108\.07 yadindrAgnI yaduShu turvasheShu yaddruhyuShvanuShu pUruShu sthaH | ataH pari vR^iShaNAvA hi yAtamathA somasya pibataM sutasya || 1\.108\.08 yadindrAgnI avamasyAM pR^ithivyAM madhyamasyAM paramasyAmuta sthaH | ataH pari vR^iShaNAvA hi yAtamathA somasya pibataM sutasya || 1\.108\.09 yadindrAgnI paramasyAM pR^ithivyAM madhyamasyAmavamasyAmuta sthaH | ataH pari vR^iShaNAvA hi yAtamathA somasya pibataM sutasya || 1\.108\.10 yadindrAgnI divi ShTho yatpR^ithivyAM yatparvateShvoShadhIShvapsu | ataH pari vR^iShaNAvA hi yAtamathA somasya pibataM sutasya || 1\.108\.11 yadindrAgnI uditA sUryasya madhye divaH svadhayA mAdayethe | ataH pari vR^iShaNAvA hi yAtamathA somasya pibataM sutasya || 1\.108\.12 evendrAgnI papivAMsA sutasya vishvAsmabhyaM saM jayataM dhanAni | tanno mitro varuNo mAmahantAmaditiH sindhuH pR^ithivI uta dyauH || 1\.108\.13 vi hyakhyaM manasA vasya ichChannindrAgnI j~nAsa uta vA sajAtAn | nAnyA yuvatpramatirasti mahyaM sa vAM dhiyaM vAjayantImatakSham || 1\.109\.01 ashravaM hi bhUridAvattarA vAM vijAmAturuta vA ghA syAlAt | athA somasya prayatI yuvabhyAmindrAgnI stomaM janayAmi navyam || 1\.109\.02 mA chChedma rashmI.Nriti nAdhamAnAH pitR^INAM shaktIranuyachChamAnAH | indrAgnibhyAM kaM vR^iShaNo madanti tA hyadrI dhiShaNAyA upasthe || 1\.109\.03 yuvAbhyAM devI dhiShaNA madAyendrAgnI somamushatI sunoti | tAvashvinA bhadrahastA supANI A dhAvataM madhunA pR^i~Nktamapsu || 1\.109\.04 yuvAmindrAgnI vasuno vibhAge tavastamA shushrava vR^itrahatye | tAvAsadyA barhiShi yaj~ne asminpra charShaNI mAdayethAM sutasya || 1\.109\.05 pra charShaNibhyaH pR^itanAhaveShu pra pR^ithivyA ririchAthe divashcha | pra sindhubhyaH pra giribhyo mahitvA prendrAgnI vishvA bhuvanAtyanyA || 1\.109\.06 A bharataM shikShataM vajrabAhU asmA.N indrAgnI avataM shachIbhiH | ime nu te rashmayaH sUryasya yebhiH sapitvaM pitaro na Asan || 1\.109\.07 puraMdarA shikShataM vajrahastAsmA.N indrAgnI avataM bhareShu | tanno mitro varuNo mAmahantAmaditiH sindhuH pR^ithivI uta dyauH || 1\.109\.08 tataM me apastadu tAyate punaH svAdiShThA dhItiruchathAya shasyate | ayaM samudra iha vishvadevyaH svAhAkR^itasya samu tR^ipNuta R^ibhavaH || 1\.110\.01 AbhogayaM pra yadichChanta aitanApAkAH prA~ncho mama ke chidApayaH | saudhanvanAsashcharitasya bhUmanAgachChata saviturdAshuSho gR^iham || 1\.110\.02 tatsavitA vo.amR^itatvamAsuvadagohyaM yachChravayanta aitana | tyaM chichchamasamasurasya bhakShaNamekaM santamakR^iNutA chaturvayam || 1\.110\.03 viShTvI shamI taraNitvena vAghato martAsaH santo amR^itatvamAnashuH | saudhanvanA R^ibhavaH sUrachakShasaH saMvatsare samapR^ichyanta dhItibhiH || 1\.110\.04 kShetramiva vi mamustejanena.N ekaM pAtramR^ibhavo jehamAnam | upastutA upamaM nAdhamAnA amartyeShu shrava ichChamAnAH || 1\.110\.05 A manIShAmantarikShasya nR^ibhyaH srucheva ghR^itaM juhavAma vidmanA | taraNitvA ye piturasya sashchira R^ibhavo vAjamaruhandivo rajaH || 1\.110\.06 R^ibhurna indraH shavasA navIyAnR^ibhurvAjebhirvasubhirvasurdadiH | yuShmAkaM devA avasAhani priye.abhi tiShThema pR^itsutIrasunvatAm || 1\.110\.07 nishcharmaNa R^ibhavo gAmapiMshata saM vatsenAsR^ijatA mAtaraM punaH | saudhanvanAsaH svapasyayA naro jivrI yuvAnA pitarAkR^iNotana || 1\.110\.08 vAjebhirno vAjasAtAvaviDDhyR^ibhumA.N indra chitramA darShi rAdhaH | tanno mitro varuNo mAmahantAmaditiH sindhuH pR^ithivI uta dyauH || 1\.110\.09 takShanrathaM suvR^itaM vidmanApasastakShanharI indravAhA vR^iShaNvasU | takShanpitR^ibhyAmR^ibhavo yuvadvayastakShanvatsAya mAtaraM sachAbhuvam || 1\.111\.01 A no yaj~nAya takShata R^ibhumadvayaH kratve dakShAya suprajAvatImiSham | yathA kShayAma sarvavIrayA vishA tannaH shardhAya dhAsathA svindriyam || 1\.111\.02 A takShata sAtimasmabhyamR^ibhavaH sAtiM rathAya sAtimarvate naraH | sAtiM no jaitrIM saM maheta vishvahA jAmimajAmiM pR^itanAsu sakShaNim || 1\.111\.03 R^ibhukShaNamindramA huva Utaya R^ibhUnvAjAnmarutaH somapItaye | ubhA mitrAvaruNA nUnamashvinA te no hinvantu sAtaye dhiye jiShe || 1\.111\.04 R^ibhurbharAya saM shishAtu sAtiM samaryajidvAjo asmA.N aviShTu | tanno mitro varuNo mAmahantAmaditiH sindhuH pR^ithivI uta dyauH || 1\.111\.05 ILe dyAvApR^ithivI pUrvachittaye.agniM gharmaM suruchaM yAmanniShTaye | yAbhirbhare kAramaMshAya jinvathastAbhirU Shu UtibhirashvinA gatam || 1\.112\.01 yuvordAnAya subharA asashchato rathamA tasthurvachasaM na mantave | yAbhirdhiyo.avathaH karmanniShTaye tAbhirU Shu UtibhirashvinA gatam || 1\.112\.02 yuvaM tAsAM divyasya prashAsane vishAM kShayatho amR^itasya majmanA | yAbhirdhenumasvaM pinvatho narA tAbhirU Shu UtibhirashvinA gatam || 1\.112\.03 yAbhiH parijmA tanayasya majmanA dvimAtA tUrShu taraNirvibhUShati | yAbhistrimanturabhavadvichakShaNastAbhirU Shu UtibhirashvinA gatam || 1\.112\.04 yAbhI rebhaM nivR^itaM sitamadbhya udvandanamairayataM svardR^ishe | yAbhiH kaNvaM pra siShAsantamAvataM tAbhirU Shu UtibhirashvinA gatam || 1\.112\.05 yAbhirantakaM jasamAnamAraNe bhujyuM yAbhiravyathibhirjijinvathuH | yAbhiH karkandhuM vayyaM cha jinvathastAbhirU Shu UtibhirashvinA gatam || 1\.112\.06 yAbhiH shuchantiM dhanasAM suShaMsadaM taptaM gharmamomyAvantamatraye | yAbhiH pR^ishniguM purukutsamAvataM tAbhirU Shu UtibhirashvinA gatam || 1\.112\.07 yAbhiH shachIbhirvR^iShaNA parAvR^ijaM prAndhaM shroNaM chakShasa etave kR^ithaH | yAbhirvartikAM grasitAmamu~nchataM tAbhirU Shu UtibhirashvinA gatam || 1\.112\.08 yAbhiH sindhuM madhumantamasashchataM vasiShThaM yAbhirajarAvajinvatam | yAbhiH kutsaM shrutaryaM naryamAvataM tAbhirU Shu UtibhirashvinA gatam || 1\.112\.09 yAbhirvishpalAM dhanasAmatharvyaM sahasramILha AjAvajinvatam | yAbhirvashamashvyaM preNimAvataM tAbhirU Shu UtibhirashvinA gatam || 1\.112\.10 yAbhiH sudAnU aushijAya vaNije dIrghashravase madhu kosho akSharat | kakShIvantaM stotAraM yAbhirAvataM tAbhirU Shu UtibhirashvinA gatam || 1\.112\.11 yAbhI rasAM kShodasodnaH pipinvathuranashvaM yAbhI rathamAvataM jiShe | yAbhistrishoka usriyA udAjata tAbhirU Shu UtibhirashvinA gatam || 1\.112\.12 yAbhiH sUryaM pariyAthaH parAvati mandhAtAraM kShaitrapatyeShvAvatam | yAbhirvipraM pra bharadvAjamAvataM tAbhirU Shu UtibhirashvinA gatam || 1\.112\.13 yAbhirmahAmatithigvaM kashojuvaM divodAsaM shambarahatya Avatam | yAbhiH pUrbhidye trasadasyumAvataM tAbhirU Shu UtibhirashvinA gatam || 1\.112\.14 yAbhirvamraM vipipAnamupastutaM kaliM yAbhirvittajAniM duvasyathaH | yAbhirvyashvamuta pR^ithimAvataM tAbhirU Shu UtibhirashvinA gatam || 1\.112\.15 yAbhirnarA shayave yAbhiratraye yAbhiH purA manave gAtumIShathuH | yAbhiH shArIrAjataM syUmarashmaye tAbhirU Shu UtibhirashvinA gatam || 1\.112\.16 yAbhiH paTharvA jaTharasya majmanAgnirnAdIdechchita iddho ajmannA | yAbhiH sharyAtamavatho mahAdhane tAbhirU Shu UtibhirashvinA gatam || 1\.112\.17 yAbhira~Ngiro manasA niraNyatho.agraM gachChatho vivare go/arNasaH | yAbhirmanuM shUramiShA samAvataM tAbhirU Shu UtibhirashvinA gatam || 1\.112\.18 yAbhiH patnIrvimadAya nyUhathurA gha vA yAbhiraruNIrashikShatam | yAbhiH sudAsa UhathuH sudevyaM tAbhirU Shu UtibhirashvinA gatam || 1\.112\.19 yAbhiH shaMtAtI bhavatho dadAshuShe bhujyuM yAbhiravatho yAbhiradhrigum | omyAvatIM subharAmR^itastubhaM tAbhirU Shu UtibhirashvinA gatam || 1\.112\.20 yAbhiH kR^ishAnumasane duvasyatho jave yAbhiryUno arvantamAvatam | madhu priyaM bharatho yatsaraDbhyastAbhirU Shu UtibhirashvinA gatam || 1\.112\.21 yAbhirnaraM goShuyudhaM nR^iShAhye kShetrasya sAtA tanayasya jinvathaH | yAbhI rathA.N avatho yAbhirarvatastAbhirU Shu UtibhirashvinA gatam || 1\.112\.22 yAbhiH kutsamArjuneyaM shatakratU pra turvItiM pra cha dabhItimAvatam | yAbhirdhvasantiM puruShantimAvataM tAbhirU Shu UtibhirashvinA gatam || 1\.112\.23 apnasvatImashvinA vAchamasme kR^itaM no dasrA vR^iShaNA manIShAm | adyUtye.avase ni hvaye vAM vR^idhe cha no bhavataM vAjasAtau || 1\.112\.24 dyubhiraktubhiH pari pAtamasmAnariShTebhirashvinA saubhagebhiH | tanno mitro varuNo mAmahantAmaditiH sindhuH pR^ithivI uta dyauH || 1\.112\.25 idaM shreShThaM jyotiShAM jyotirAgAchchitraH praketo ajaniShTa vibhvA | yathA prasUtA savituH savAya.N evA rAtryuShase yonimAraik || 1\.113\.01 rushadvatsA rushatI shvetyAgAdAraigu kR^iShNA sadanAnyasyAH | samAnabandhU amR^ite anUchI dyAvA varNaM charata AminAne || 1\.113\.02 samAno adhvA svasroranantastamanyAnyA charato devashiShTe | na methete na tasthatuH sumeke naktoShAsA samanasA virUpe || 1\.113\.03 bhAsvatI netrI sUnR^itAnAmacheti chitrA vi duro na AvaH | prArpyA jagadvyu no rAyo akhyaduShA ajIgarbhuvanAni vishvA || 1\.113\.04 jihmashye charitave maghonyAbhogaya iShTaye rAya u tvam | dabhraM pashyadbhya urviyA vichakSha uShA ajIgarbhuvanAni vishvA || 1\.113\.05 kShatrAya tvaM shravase tvaM mahIyA iShTaye tvamarthamiva tvamityai | visadR^ishA jIvitAbhiprachakSha uShA ajIgarbhuvanAni vishvA || 1\.113\.06 eShA divo duhitA pratyadarshi vyuchChantI yuvatiH shukravAsAH | vishvasyeshAnA pArthivasya vasva uSho adyeha subhage vyuchCha || 1\.113\.07 parAyatInAmanveti pAtha AyatInAM prathamA shashvatInAm | vyuchChantI jIvamudIrayantyuShA mR^itaM kaM chana bodhayantI || 1\.113\.08 uSho yadagniM samidhe chakartha vi yadAvashchakShasA sUryasya | yanmAnuShAnyakShyamANA.N ajIgastaddeveShu chakR^iShe bhadramapnaH || 1\.113\.09 kiyAtyA yatsamayA bhavAti yA vyUShuryAshcha nUnaM vyuchChAn | anu pUrvAH kR^ipate vAvashAnA pradIdhyAnA joShamanyAbhireti || 1\.113\.10 IyuShTe ye pUrvatarAmapashyanvyuchChantImuShasaM martyAsaH | asmAbhirU nu pratichakShyAbhUdo te yanti ye aparIShu pashyAn || 1\.113\.11 yAvayaddveShA R^itapA R^itejAH sumnAvarI sUnR^itA IrayantI | suma~NgalIrbibhratI devavItimihAdyoShaH shreShThatamA vyuchCha || 1\.113\.12 shashvatpuroShA vyuvAsa devyatho adyedaM vyAvo maghonI | atho vyuchChAduttarA.N anu dyUnajarAmR^itA charati svadhAbhiH || 1\.113\.13 vya~njibhirdiva AtAsvadyaudapa kR^iShNAM nirNijaM devyAvaH | prabodhayantyaruNebhirashvairoShA yAti suyujA rathena || 1\.113\.14 AvahantI poShyA vAryANi chitraM ketuM kR^iNute chekitAnA | IyuShINAmupamA shashvatInAM vibhAtInAM prathamoShA vyashvait || 1\.113\.15 udIrdhvaM jIvo asurna AgAdapa prAgAttama A jyotireti | AraikpanthAM yAtave sUryAyAganma yatra pratiranta AyuH || 1\.113\.16 syUmanA vAcha udiyarti vahniH stavAno rebha uShaso vibhAtIH | adyA taduchCha gR^iNate maghonyasme Ayurni didIhi prajAvat || 1\.113\.17 yA gomatIruShasaH sarvavIrA vyuchChanti dAshuShe martyAya | vAyoriva sUnR^itAnAmudarke tA ashvadA ashnavatsomasutvA || 1\.113\.18 mAtA devAnAmaditeranIkaM yaj~nasya keturbR^ihatI vi bhAhi | prashastikR^idbrahmaNe no vyuchChA no jane janaya vishvavAre || 1\.113\.19 yachchitramapna uShaso vahantIjAnAya shashamAnAya bhadram | tanno mitro varuNo mAmahantAmaditiH sindhuH pR^ithivI uta dyauH || 1\.113\.20 imA rudrAya tavase kapardine kShayadvIrAya pra bharAmahe matIH | yathA shamasaddvipade chatuShpade vishvaM puShTaM grAme asminnanAturam || 1\.114\.01 mR^iLA no rudrota no mayaskR^idhi kShayadvIrAya namasA vidhema te | yachChaM cha yoshcha manurAyeje pitA tadashyAma tava rudra praNItiShu || 1\.114\.02 ashyAma te sumatiM devayajyayA kShayadvIrasya tava rudra mIDhvaH | sumnAyannidvisho asmAkamA charAriShTavIrA juhavAma te haviH || 1\.114\.03 tveShaM vayaM rudraM yaj~nasAdhaM va~NkuM kavimavase ni hvayAmahe | Are asmaddaivyaM heLo asyatu sumatimidvayamasyA vR^iNImahe || 1\.114\.04 divo varAhamaruShaM kapardinaM tveShaM rUpaM namasA ni hvayAmahe | haste bibhradbheShajA vAryANi sharma varma chChardirasmabhyaM yaMsat || 1\.114\.05 idaM pitre marutAmuchyate vachaH svAdoH svAdIyo rudrAya vardhanam | rAsvA cha no amR^ita martabhojanaM tmane tokAya tanayAya mR^iLa || 1\.114\.06 mA no mahAntamuta mA no arbhakaM mA na ukShantamuta mA na ukShitam | mA no vadhIH pitaraM mota mAtaraM mA naH priyAstanvo rudra rIriShaH || 1\.114\.07 mA nastoke tanaye mA na Ayau mA no goShu mA no ashveShu rIriShaH | vIrAnmA no rudra bhAmito vadhIrhaviShmantaH sadamittvA havAmahe || 1\.114\.08 upa te stomAnpashupA ivAkaraM rAsvA pitarmarutAM sumnamasme | bhadrA hi te sumatirmR^iLayattamAthA vayamava itte vR^iNImahe || 1\.114\.09 Are te goghnamuta pUruShaghnaM kShayadvIra sumnamasme te astu | mR^iLA cha no adhi cha brUhi devAdhA cha naH sharma yachCha dvibarhAH || 1\.114\.10 avochAma namo asmA avasyavaH shR^iNotu no havaM rudro marutvAn | tanno mitro varuNo mAmahantAmaditiH sindhuH pR^ithivI uta dyauH || 1\.114\.11 chitraM devAnAmudagAdanIkaM chakShurmitrasya varuNasyAgneH | AprA dyAvApR^ithivI antarikShaM sUrya AtmA jagatastasthuShashcha || 1\.115\.01 sUryo devImuShasaM rochamAnAM maryo na yoShAmabhyeti pashchAt | yatrA naro devayanto yugAni vitanvate prati bhadrAya bhadram || 1\.115\.02 bhadrA ashvA haritaH sUryasya chitrA etagvA anumAdyAsaH | namasyanto diva A pR^iShThamasthuH pari dyAvApR^ithivI yanti sadyaH || 1\.115\.03 tatsUryasya devatvaM tanmahitvaM madhyA kartorvitataM saM jabhAra | yadedayukta haritaH sadhasthAdAdrAtrI vAsastanute simasmai || 1\.115\.04 tanmitrasya varuNasyAbhichakShe sUryo rUpaM kR^iNute dyorupasthe | anantamanyadrushadasya pAjaH kR^iShNamanyaddharitaH saM bharanti || 1\.115\.05 adyA devA uditA sUryasya niraMhasaH pipR^itA niravadyAt | tanno mitro varuNo mAmahantAmaditiH sindhuH pR^ithivI uta dyauH || 1\.115\.06 nAsatyAbhyAM barhiriva pra vR^i~nje stomA.N iyarmyabhriyeva vAtaH | yAvarbhagAya vimadAya jAyAM senAjuvA nyUhatU rathena || 1\.116\.01 vILupatmabhirAshuhemabhirvA devAnAM vA jUtibhiH shAshadAnA | tadrAsabho nAsatyA sahasramAjA yamasya pradhane jigAya || 1\.116\.02 tugro ha bhujyumashvinodameghe rayiM na kashchinmamR^ivA.N avAhAH | tamUhathurnaubhirAtmanvatIbhirantarikShaprudbhirapodakAbhiH || 1\.116\.03 tisraH kShapastrirahAtivrajadbhirnAsatyA bhujyumUhathuH pataMgaiH | samudrasya dhanvannArdrasya pAre tribhI rathaiH shatapadbhiH ShaLashvaiH || 1\.116\.04 anArambhaNe tadavIrayethAmanAsthAne agrabhaNe samudre | yadashvinA UhathurbhujyumastaM shatAritrAM nAvamAtasthivAMsam || 1\.116\.05 yamashvinA dadathuH shvetamashvamaghAshvAya shashvaditsvasti | tadvAM dAtraM mahi kIrtenyaM bhUtpaidvo vAjI sadamiddhavyo aryaH || 1\.116\.06 yuvaM narA stuvate pajriyAya kakShIvate aradataM puraMdhim | kArotarAchChaphAdashvasya vR^iShNaH shataM kumbhA.N asi~nchataM surAyAH || 1\.116\.07 himenAgniM ghraMsamavArayethAM pitumatImUrjamasmA adhattam | R^ibIse atrimashvinAvanItamunninyathuH sarvagaNaM svasti || 1\.116\.08 parAvataM nAsatyAnudethAmuchchAbudhnaM chakrathurjihmabAram | kSharannApo na pAyanAya rAye sahasrAya tR^iShyate gotamasya || 1\.116\.09 jujuruSho nAsatyota vavriM prAmu~nchataM drApimiva chyavAnAt | prAtirataM jahitasyAyurdasrAditpatimakR^iNutaM kanInAm || 1\.116\.10 tadvAM narA shaMsyaM rAdhyaM chAbhiShTimannAsatyA varUtham | yadvidvAMsA nidhimivApagULhamuddarshatAdUpathurvandanAya || 1\.116\.11 tadvAM narA sanaye daMsa ugramAviShkR^iNomi tanyaturna vR^iShTim | dadhya~Nha yanmadhvAtharvaNo vAmashvasya shIrShNA pra yadImuvAcha || 1\.116\.12 ajohavInnAsatyA karA vAM mahe yAmanpurubhujA puraMdhiH | shrutaM tachChAsuriva vadhrimatyA hiraNyahastamashvinAvadattam || 1\.116\.13 Asno vR^ikasya vartikAmabhIke yuvaM narA nAsatyAmumuktam | uto kaviM purubhujA yuvaM ha kR^ipamANamakR^iNutaM vichakShe || 1\.116\.14 charitraM hi verivAchChedi parNamAjA khelasya paritakmyAyAm | sadyo ja~NghAmAyasIM vishpalAyai dhane hite sartave pratyadhattam || 1\.116\.15 shataM meShAnvR^ikye chakShadAnamR^ijrAshvaM taM pitAndhaM chakAra | tasmA akShI nAsatyA vichakSha AdhattaM dasrA bhiShajAvanarvan || 1\.116\.16 A vAM rathaM duhitA sUryasya kArShmevAtiShThadarvatA jayantI | vishve devA anvamanyanta hR^idbhiH samu shriyA nAsatyA sachethe || 1\.116\.17 yadayAtaM divodAsAya vartirbharadvAjAyAshvinA hayantA | revaduvAha sachano ratho vAM vR^iShabhashcha shiMshumArashcha yuktA || 1\.116\.18 rayiM sukShatraM svapatyamAyuH suvIryaM nAsatyA vahantA | A jahnAvIM samanasopa vAjaistrirahno bhAgaM dadhatImayAtam || 1\.116\.19 pariviShTaM jAhuShaM vishvataH sIM sugebhirnaktamUhathU rajobhiH | vibhindunA nAsatyA rathena vi parvatA.N ajarayU ayAtam || 1\.116\.20 ekasyA vastorAvataM raNAya vashamashvinA sanaye sahasrA | nirahataM duchChunA indravantA pR^ithushravaso vR^iShaNAvarAtIH || 1\.116\.21 sharasya chidArchatkasyAvatAdA nIchAduchchA chakrathuH pAtave vAH | shayave chinnAsatyA shachIbhirjasuraye staryaM pipyathurgAm || 1\.116\.22 avasyate stuvate kR^iShNiyAya R^ijUyate nAsatyA shachIbhiH | pashuM na naShTamiva darshanAya viShNApvaM dadathurvishvakAya || 1\.116\.23 dasha rAtrIrashivenA nava dyUnavanaddhaM shnathitamapsvantaH | viprutaM rebhamudani pravR^iktamunninyathuH somamiva sruveNa || 1\.116\.24 pra vAM daMsAMsyashvinAvavochamasya patiH syAM sugavaH suvIraH | uta pashyannashnuvandIrghamAyurastamivejjarimANaM jagamyAm || 1\.116\.25 madhvaH somasyAshvinA madAya pratno hotA vivAsate vAm | barhiShmatI rAtirvishritA gIriShA yAtaM nAsatyopa vAjaiH || 1\.117\.01 yo vAmashvinA manaso javIyAnrathaH svashvo visha AjigAti | yena gachChathaH sukR^ito duroNaM tena narA vartirasmabhyaM yAtam || 1\.117\.02 R^iShiM narAvaMhasaH pA~nchajanyamR^ibIsAdatriM mu~nchatho gaNena | minantA dasyorashivasya mAyA anupUrvaM vR^iShaNA chodayantA || 1\.117\.03 ashvaM na gULhamashvinA durevairR^iShiM narA vR^iShaNA rebhamapsu | saM taM riNItho viprutaM daMsobhirna vAM jUryanti pUrvyA kR^itAni || 1\.117\.04 suShupvAMsaM na nirR^iterupasthe sUryaM na dasrA tamasi kShiyantam | shubhe rukmaM na darshataM nikhAtamudUpathurashvinA vandanAya || 1\.117\.05 tadvAM narA shaMsyaM pajriyeNa kakShIvatA nAsatyA parijman | shaphAdashvasya vAjino janAya shataM kumbhA.N asi~nchataM madhUnAm || 1\.117\.06 yuvaM narA stuvate kR^iShNiyAya viShNApvaM dadathurvishvakAya | ghoShAyai chitpitR^iShade duroNe patiM jUryantyA ashvinAvadattam || 1\.117\.07 yuvaM shyAvAya rushatImadattaM mahaH kShoNasyAshvinA kaNvAya | pravAchyaM tadvR^iShaNA kR^itaM vAM yannArShadAya shravo adhyadhattam || 1\.117\.08 purU varpAMsyashvinA dadhAnA ni pedava UhathurAshumashvam | sahasrasAM vAjinamapratItamahihanaM shravasyaM tarutram || 1\.117\.09 etAni vAM shravasyA sudAnU brahmA~NgUShaM sadanaM rodasyoH | yadvAM pajrAso ashvinA havante yAtamiShA cha viduShe cha vAjam || 1\.117\.10 sUnormAnenAshvinA gR^iNAnA vAjaM viprAya bhuraNA radantA | agastye brahmaNA vAvR^idhAnA saM vishpalAM nAsatyAriNItam || 1\.117\.11 kuha yAntA suShTutiM kAvyasya divo napAtA vR^iShaNA shayutrA | hiraNyasyeva kalashaM nikhAtamudUpathurdashame ashvinAhan || 1\.117\.12 yuvaM chyavAnamashvinA jarantaM punaryuvAnaM chakrathuH shachIbhiH | yuvo rathaM duhitA sUryasya saha shriyA nAsatyAvR^iNIta || 1\.117\.13 yuvaM tugrAya pUrvyebhirevaiH punarmanyAvabhavataM yuvAnA | yuvaM bhujyumarNaso niH samudrAdvibhirUhathurR^ijrebhirashvaiH || 1\.117\.14 ajohavIdashvinA taugryo vAM proLhaH samudramavyathirjaganvAn | niShTamUhathuH suyujA rathena manojavasA vR^iShaNA svasti || 1\.117\.15 ajohavIdashvinA vartikA vAmAsno yatsImamu~nchataM vR^ikasya | vi jayuShA yayathuH sAnvadrerjAtaM viShvAcho ahataM viSheNa || 1\.117\.16 shataM meShAnvR^ikye mAmahAnaM tamaH praNItamashivena pitrA | AkShI R^ijrAshve ashvinAvadhattaM jyotirandhAya chakrathurvichakShe || 1\.117\.17 shunamandhAya bharamahvayatsA vR^ikIrashvinA vR^iShaNA nareti | jAraH kanIna iva chakShadAna R^ijrAshvaH shatamekaM cha meShAn || 1\.117\.18 mahI vAmUtirashvinA mayobhUruta srAmaM dhiShNyA saM riNIthaH | athA yuvAmidahvayatpuraMdhirAgachChataM sIM vR^iShaNAvavobhiH || 1\.117\.19 adhenuM dasrA staryaM viShaktAmapinvataM shayave ashvinA gAm | yuvaM shachIbhirvimadAya jAyAM nyUhathuH purumitrasya yoShAm || 1\.117\.20 yavaM vR^ikeNAshvinA vapanteShaM duhantA manuShAya dasrA | abhi dasyuM bakureNA dhamantoru jyotishchakrathurAryAya || 1\.117\.21 AtharvaNAyAshvinA dadhIche.ashvyaM shiraH pratyairayatam | sa vAM madhu pra vochadR^itAyantvAShTraM yaddasrAvapikakShyaM vAm || 1\.117\.22 sadA kavI sumatimA chake vAM vishvA dhiyo ashvinA prAvataM me | asme rayiM nAsatyA bR^ihantamapatyasAchaM shrutyaM rarAthAm || 1\.117\.23 hiraNyahastamashvinA rarANA putraM narA vadhrimatyA adattam | tridhA ha shyAvamashvinA vikastamujjIvasa airayataM sudAnU || 1\.117\.24 etAni vAmashvinA vIryANi pra pUrvyANyAyavo.avochan | brahma kR^iNvanto vR^iShaNA yuvabhyAM suvIrAso vidathamA vadema || 1\.117\.25 A vAM ratho ashvinA shyenapatvA sumR^iLIkaH svavA.N yAtvarvA~N | yo martyasya manaso javIyAntrivandhuro vR^iShaNA vAtaraMhAH || 1\.118\.01 trivandhureNa trivR^itA rathena trichakreNa suvR^itA yAtamarvAk | pinvataM gA jinvatamarvato no vardhayatamashvinA vIramasme || 1\.118\.02 pravadyAmanA suvR^itA rathena dasrAvimaM shR^iNutaM shlokamadreH | kima~Nga vAM pratyavartiM gamiShThAhurviprAso ashvinA purAjAH || 1\.118\.03 A vAM shyenAso ashvinA vahantu rathe yuktAsa AshavaH pataMgAH | ye apturo divyAso na gR^idhrA abhi prayo nAsatyA vahanti || 1\.118\.04 A vAM rathaM yuvatistiShThadatra juShTvI narA duhitA sUryasya | pari vAmashvA vapuShaH pataMgA vayo vahantvaruShA abhIke || 1\.118\.05 udvandanamairataM daMsanAbhirudrebhaM dasrA vR^iShaNA shachIbhiH | niShTaugryaM pArayathaH samudrAtpunashchyavAnaM chakrathuryuvAnam || 1\.118\.06 yuvamatraye.avanItAya taptamUrjamomAnamashvinAvadhattam | yuvaM kaNvAyApiriptAya chakShuH pratyadhattaM suShTutiM jujuShANA || 1\.118\.07 yuvaM dhenuM shayave nAdhitAyApinvatamashvinA pUrvyAya | amu~nchataM vartikAmaMhaso niH prati ja~NghAM vishpalAyA adhattam || 1\.118\.08 yuvaM shvetaM pedava indrajUtamahihanamashvinAdattamashvam | johUtramaryo abhibhUtimugraM sahasrasAM vR^iShaNaM vIDva~Ngam || 1\.118\.09 tA vAM narA svavase sujAtA havAmahe ashvinA nAdhamAnAH | A na upa vasumatA rathena giro juShANA suvitAya yAtam || 1\.118\.10 A shyenasya javasA nUtanenAsme yAtaM nAsatyA sajoShAH | have hi vAmashvinA rAtahavyaH shashvattamAyA uShaso vyuShTau || 1\.118\.11 A vAM rathaM purumAyaM manojuvaM jIrAshvaM yaj~niyaM jIvase huve | sahasraketuM vaninaM shatadvasuM shruShTIvAnaM varivodhAmabhi prayaH || 1\.119\.01 UrdhvA dhItiH pratyasya prayAmanyadhAyi shasmansamayanta A dishaH | svadAmi gharmaM prati yantyUtaya A vAmUrjAnI rathamashvinAruhat || 1\.119\.02 saM yanmithaH paspR^idhAnAso agmata shubhe makhA amitA jAyavo raNe | yuvoraha pravaNe chekite ratho yadashvinA vahathaH sUrimA varam || 1\.119\.03 yuvaM bhujyuM bhuramANaM vibhirgataM svayuktibhirnivahantA pitR^ibhya A | yAsiShTaM vartirvR^iShaNA vijenyaM divodAsAya mahi cheti vAmavaH || 1\.119\.04 yuvorashvinA vapuShe yuvAyujaM rathaM vANI yematurasya shardhyam | A vAM patitvaM sakhyAya jagmuShI yoShAvR^iNIta jenyA yuvAM patI || 1\.119\.05 yuvaM rebhaM pariShUteruruShyatho himena gharmaM paritaptamatraye | yuvaM shayoravasaM pipyathurgavi pra dIrgheNa vandanastAryAyuShA || 1\.119\.06 yuvaM vandanaM nirR^itaM jaraNyayA rathaM na dasrA karaNA saminvathaH | kShetrAdA vipraM janatho vipanyayA pra vAmatra vidhate daMsanA bhuvat || 1\.119\.07 agachChataM kR^ipamANaM parAvati pituH svasya tyajasA nibAdhitam | svarvatIrita UtIryuvoraha chitrA abhIke abhavannabhiShTayaH || 1\.119\.08 uta syA vAM madhumanmakShikArapanmade somasyaushijo huvanyati | yuvaM dadhIcho mana A vivAsatho.athA shiraH prati vAmashvyaM vadat || 1\.119\.09 yuvaM pedave puruvAramashvinA spR^idhAM shvetaM tarutAraM duvasyathaH | sharyairabhidyuM pR^itanAsu duShTaraM charkR^ityamindramiva charShaNIsaham || 1\.119\.10 kA rAdhaddhotrAshvinA vAM ko vAM joSha ubhayoH | kathA vidhAtyaprachetAH || 1\.120\.01 vidvAMsAvidduraH pR^ichChedavidvAnitthAparo achetAH | nU chinnu marte akrau || 1\.120\.02 tA vidvAMsA havAmahe vAM tA no vidvAMsA manma vochetamadya | prArchaddayamAno yuvAkuH || 1\.120\.03 vi pR^ichChAmi pAkyA na devAnvaShaTkR^itasyAdbhutasya dasrA | pAtaM cha sahyaso yuvaM cha rabhyaso naH || 1\.120\.04 pra yA ghoShe bhR^igavANe na shobhe yayA vAchA yajati pajriyo vAm | praiShayurna vidvAn || 1\.120\.05 shrutaM gAyatraM takavAnasyAhaM chiddhi rirebhAshvinA vAm | AkShI shubhaspatI dan || 1\.120\.06 yuvaM hyAstaM maho ranyuvaM vA yanniratataMsatam | tA no vasU sugopA syAtaM pAtaM no vR^ikAdaghAyoH || 1\.120\.07 mA kasmai dhAtamabhyamitriNe no mAkutrA no gR^ihebhyo dhenavo guH | stanAbhujo ashishvIH || 1\.120\.08 duhIyanmitradhitaye yuvAku rAye cha no mimItaM vAjavatyai | iShe cha no mimItaM dhenumatyai || 1\.120\.09 ashvinorasanaM rathamanashvaM vAjinIvatoH | tenAhaM bhUri chAkana || 1\.120\.10 ayaM samaha mA tanUhyAte janA.N anu | somapeyaM sukho rathaH || 1\.120\.11 adha svapnasya nirvide.abhu~njatashcha revataH | ubhA tA basri nashyataH || 1\.120\.12 kaditthA nR^I.NH pAtraM devayatAM shravadgiro a~NgirasAM turaNyan | pra yadAnaDvisha A harmyasyoru kraMsate adhvare yajatraH || 1\.121\.01 stambhIddha dyAM sa dharuNaM pruShAyadR^ibhurvAjAya draviNaM naro goH | anu svajAM mahiShashchakShata vrAM menAmashvasya pari mAtaraM goH || 1\.121\.02 nakShaddhavamaruNIH pUrvyaM rAT turo vishAma~NgirasAmanu dyUn | takShadvajraM niyutaM tastambhaddyAM chatuShpade naryAya dvipAde || 1\.121\.03 asya made svaryaM dA R^itAyApIvR^itamusriyANAmanIkam | yaddha prasarge trikakumnivartadapa druho mAnuShasya duro vaH || 1\.121\.04 tubhyaM payo yatpitarAvanItAM rAdhaH suretasturaNe bhuraNyU | shuchi yatte rekNa Ayajanta sabardughAyAH paya usriyAyAH || 1\.121\.05 adha pra jaj~ne taraNirmamattu pra rochyasyA uShaso na sUraH | induryebhirAShTa sveduhavyaiH sruveNa si~ncha~njaraNAbhi dhAma || 1\.121\.06 svidhmA yadvanadhitirapasyAtsUro adhvare pari rodhanA goH | yaddha prabhAsi kR^itvyA.N anu dyUnanarvishe pashviShe turAya || 1\.121\.07 aShTA maho diva Ado harI iha dyumnAsAhamabhi yodhAna utsam | hariM yatte mandinaM dukShanvR^idhe gorabhasamadribhirvAtApyam || 1\.121\.08 tvamAyasaM prati vartayo gordivo ashmAnamupanItamR^ibhvA | kutsAya yatra puruhUta vanva~nChuShNamanantaiH pariyAsi vadhaiH || 1\.121\.09 purA yatsUrastamaso apItestamadrivaH phaligaM hetimasya | shuShNasya chitparihitaM yadojo divaspari sugrathitaM tadAdaH || 1\.121\.10 anu tvA mahI pAjasI achakre dyAvAkShAmA madatAmindra karman | tvaM vR^itramAshayAnaM sirAsu maho vajreNa siShvapo varAhum || 1\.121\.11 tvamindra naryo yA.N avo nR^IntiShThA vAtasya suyujo vahiShThAn | yaM te kAvya ushanA mandinaM dAdvR^itrahaNaM pAryaM tatakSha vajram || 1\.121\.12 tvaM sUro harito rAmayo nR^Inbharachchakrametasho nAyamindra | prAsya pAraM navatiM nAvyAnAmapi kartamavartayo.ayajyUn || 1\.121\.13 tvaM no asyA indra durhaNAyAH pAhi vajrivo duritAdabhIke | pra no vAjAnrathyo ashvabudhyAniShe yandhi shravase sUnR^itAyai || 1\.121\.14 mA sA te asmatsumatirvi dasadvAjapramahaH samiSho varanta | A no bhaja maghavangoShvaryo maMhiShThAste sadhamAdaH syAma || 1\.121\.15 pra vaH pAntaM raghumanyavo.andho yaj~naM rudrAya mILhuShe bharadhvam | divo astoShyasurasya vIrairiShudhyeva maruto rodasyoH || 1\.122\.01 patnIva pUrvahUtiM vAvR^idhadhyA uShAsAnaktA purudhA vidAne | starIrnAtkaM vyutaM vasAnA sUryasya shriyA sudR^ishI hiraNyaiH || 1\.122\.02 mamattu naH parijmA vasarhA mamattu vAto apAM vR^iShaNvAn | shishItamindrAparvatA yuvaM nastanno vishve varivasyantu devAH || 1\.122\.03 uta tyA me yashasA shvetanAyai vyantA pAntaushijo huvadhyai | pra vo napAtamapAM kR^iNudhvaM pra mAtarA rAspinasyAyoH || 1\.122\.04 A vo ruvaNyumaushijo huvadhyai ghoSheva shaMsamarjunasya naMshe | pra vaH pUShNe dAvana A.N achChA vocheya vasutAtimagneH || 1\.122\.05 shrutaM me mitrAvaruNA havemota shrutaM sadane vishvataH sIm | shrotu naH shroturAtiH sushrotuH sukShetrA sindhuradbhiH || 1\.122\.06 stuShe sA vAM varuNa mitra rAtirgavAM shatA pR^ikShayAmeShu pajre | shrutarathe priyarathe dadhAnAH sadyaH puShTiM nirundhAnAso agman || 1\.122\.07 asya stuShe mahimaghasya rAdhaH sachA sanema nahuShaH suvIrAH | jano yaH pajrebhyo vAjinIvAnashvAvato rathino mahyaM sUriH || 1\.122\.08 jano yo mitrAvaruNAvabhidhrugapo na vAM sunotyakShNayAdhruk | svayaM sa yakShmaM hR^idaye ni dhatta Apa yadIM hotrAbhirR^itAvA || 1\.122\.09 sa vrAdhato nahuSho daMsujUtaH shardhastaro narAM gUrtashravAH | visR^iShTarAtiryAti bALhasR^itvA vishvAsu pR^itsu sadamichChUraH || 1\.122\.10 adha gmantA nahuSho havaM sUreH shrotA rAjAno amR^itasya mandrAH | nabhojuvo yanniravasya rAdhaH prashastaye mahinA rathavate || 1\.122\.11 etaM shardhaM dhAma yasya sUrerityavochandashatayasya naMshe | dyumnAni yeShu vasutAtI rAranvishve sanvantu prabhR^itheShu vAjam || 1\.122\.12 mandAmahe dashatayasya dhAserdviryatpa~ncha bibhrato yantyannA | kimiShTAshva iShTarashmireta IshAnAsastaruSha R^i~njate nR^In || 1\.122\.13 hiraNyakarNaM maNigrIvamarNastanno vishve varivasyantu devAH | aryo giraH sadya A jagmuShIrosrAshchAkantUbhayeShvasme || 1\.122\.14 chatvAro mA masharshArasya shishvastrayo rAj~na Ayavasasya jiShNoH | ratho vAM mitrAvaruNA dIrghApsAH syUmagabhastiH sUro nAdyaut || 1\.122\.15 pR^ithU ratho dakShiNAyA ayojyainaM devAso amR^itAso asthuH | kR^iShNAdudasthAdaryA vihAyAshchikitsantI mAnuShAya kShayAya || 1\.123\.01 pUrvA vishvasmAdbhuvanAdabodhi jayantI vAjaM bR^ihatI sanutrI | uchchA vyakhyadyuvatiH punarbhUroShA aganprathamA pUrvahUtau || 1\.123\.02 yadadya bhAgaM vibhajAsi nR^ibhya uSho devi martyatrA sujAte | devo no atra savitA damUnA anAgaso vochati sUryAya || 1\.123\.03 gR^ihaMgR^ihamahanA yAtyachChA divedive adhi nAmA dadhAnA | siShAsantI dyotanA shashvadAgAdagramagramidbhajate vasUnAm || 1\.123\.04 bhagasya svasA varuNasya jAmiruShaH sUnR^ite prathamA jarasva | pashchA sa daghyA yo aghasya dhAtA jayema taM dakShiNayA rathena || 1\.123\.05 udIratAM sUnR^itA utpuraMdhIrudagnayaH shushuchAnAso asthuH | spArhA vasUni tamasApagULhAviShkR^iNvantyuShaso vibhAtIH || 1\.123\.06 apAnyadetyabhyanyadeti viShurUpe ahanI saM charete | parikShitostamo anyA guhAkaradyauduShAH shoshuchatA rathena || 1\.123\.07 sadR^ishIradya sadR^ishIridu shvo dIrghaM sachante varuNasya dhAma | anavadyAstriMshataM yojanAnyekaikA kratuM pari yanti sadyaH || 1\.123\.08 jAnatyahnaH prathamasya nAma shukrA kR^iShNAdajaniShTa shvitIchI | R^itasya yoShA na minAti dhAmAharaharniShkR^itamAcharantI || 1\.123\.09 kanyeva tanvA shAshadAnA.N eShi devi devamiyakShamANam | saMsmayamAnA yuvatiH purastAdAvirvakShAMsi kR^iNuShe vibhAtI || 1\.123\.10 susaMkAshA mAtR^imR^iShTeva yoShAvistanvaM kR^iNuShe dR^ishe kam | bhadrA tvamuSho vitaraM vyuchCha na tatte anyA uShaso nashanta || 1\.123\.11 ashvAvatIrgomatIrvishvavArA yatamAnA rashmibhiH sUryasya | parA cha yanti punarA cha yanti bhadrA nAma vahamAnA uShAsaH || 1\.123\.12 R^itasya rashmimanuyachChamAnA bhadrambhadraM kratumasmAsu dhehi | uSho no adya suhavA vyuchChAsmAsu rAyo maghavatsu cha syuH || 1\.123\.13 uShA uchChantI samidhAne agnA udyansUrya urviyA jyotirashret | devo no atra savitA nvarthaM prAsAvIddvipatpra chatuShpadityai || 1\.124\.01 aminatI daivyAni vratAni praminatI manuShyA yugAni | IyuShINAmupamA shashvatInAmAyatInAM prathamoShA vyadyaut || 1\.124\.02 eShA divo duhitA pratyadarshi jyotirvasAnA samanA purastAt | R^itasya panthAmanveti sAdhu prajAnatIva na disho minAti || 1\.124\.03 upo adarshi shundhyuvo na vakSho nodhA ivAvirakR^ita priyANi | admasanna sasato bodhayantI shashvattamAgAtpunareyuShINAm || 1\.124\.04 pUrve ardhe rajaso aptyasya gavAM janitryakR^ita pra ketum | vyu prathate vitaraM varIya obhA pR^iNantI pitrorupasthA || 1\.124\.05 evedeShA purutamA dR^ishe kaM nAjAmiM na pari vR^iNakti jAmim | arepasA tanvA shAshadAnA nArbhAdIShate na maho vibhAtI || 1\.124\.06 abhrAteva puMsa eti pratIchI gartArugiva sanaye dhanAnAm | jAyeva patya ushatI suvAsA uShA hasreva ni riNIte apsaH || 1\.124\.07 svasA svasre jyAyasyai yonimAraigapaityasyAH pratichakShyeva | vyuchChantI rashmibhiH sUryasyA~njya~Nkte samanagA iva vrAH || 1\.124\.08 AsAM pUrvAsAmahasu svasR^INAmaparA pUrvAmabhyeti pashchAt | tAH pratnavannavyasIrnUnamasme revaduchChantu sudinA uShAsaH || 1\.124\.09 pra bodhayoShaH pR^iNato maghonyabudhyamAnAH paNayaH sasantu | revaduchCha maghavadbhyo maghoni revatstotre sUnR^ite jArayantI || 1\.124\.10 aveyamashvaidyuvatiH purastAdyu~Nkte gavAmaruNAnAmanIkam | vi nUnamuchChAdasati pra keturgR^ihaMgR^ihamupa tiShThAte agniH || 1\.124\.11 utte vayashchidvasaterapaptannarashcha ye pitubhAjo vyuShTau | amA sate vahasi bhUri vAmamuSho devi dAshuShe martyAya || 1\.124\.12 astoDhvaM stomyA brahmaNA me.avIvR^idhadhvamushatIruShAsaH | yuShmAkaM devIravasA sanema sahasriNaM cha shatinaM cha vAjam || 1\.124\.13 prAtA ratnaM prAtaritvA dadhAti taM chikitvAnpratigR^ihyA ni dhatte | tena prajAM vardhayamAna AyU rAyaspoSheNa sachate suvIraH || 1\.125\.01 sugurasatsuhiraNyaH svashvo bR^ihadasmai vaya indro dadhAti | yastvAyantaM vasunA prAtaritvo mukShIjayeva padimutsinAti || 1\.125\.02 Ayamadya sukR^itaM prAtarichChanniShTeH putraM vasumatA rathena | aMshoH sutaM pAyaya matsarasya kShayadvIraM vardhaya sUnR^itAbhiH || 1\.125\.03 upa kSharanti sindhavo mayobhuva IjAnaM cha yakShyamANaM cha dhenavaH | pR^iNantaM cha papuriM cha shravasyavo ghR^itasya dhArA upa yanti vishvataH || 1\.125\.04 nAkasya pR^iShThe adhi tiShThati shrito yaH pR^iNAti sa ha deveShu gachChati | tasmA Apo ghR^itamarShanti sindhavastasmA iyaM dakShiNA pinvate sadA || 1\.125\.05 dakShiNAvatAmidimAni chitrA dakShiNAvatAM divi sUryAsaH | dakShiNAvanto amR^itaM bhajante dakShiNAvantaH pra tiranta AyuH || 1\.125\.06 mA pR^iNanto duritamena AranmA jAriShuH sUrayaH suvratAsaH | anyasteShAM paridhirastu kashchidapR^iNantamabhi saM yantu shokAH || 1\.125\.07 amandAnstomAnpra bhare manIShA sindhAvadhi kShiyato bhAvyasya | yo me sahasramamimIta savAnatUrto rAjA shrava ichChamAnaH || 1\.126\.01 shataM rAj~no nAdhamAnasya niShkA~nChatamashvAnprayatAnsadya Adam | shataM kakShIvA.N asurasya gonAM divi shravo.ajaramA tatAna || 1\.126\.02 upa mA shyAvAH svanayena dattA vadhUmanto dasha rathAso asthuH | ShaShTiH sahasramanu gavyamAgAtsanatkakShIvA.N abhipitve ahnAm || 1\.126\.03 chatvAriMshaddasharathasya shoNAH sahasrasyAgre shreNiM nayanti | madachyutaH kR^ishanAvato atyAnkakShIvanta udamR^ikShanta pajrAH || 1\.126\.04 pUrvAmanu prayatimA dade vastrInyuktA.N aShTAvaridhAyaso gAH | subandhavo ye vishyA iva vrA anasvantaH shrava aiShanta pajrAH || 1\.126\.05 AgadhitA parigadhitA yA kashIkeva ja~Ngahe | dadAti mahyaM yAdurI yAshUnAM bhojyA shatA || 1\.126\.06 upopa me parA mR^isha mA me dabhrANi manyathAH | sarvAhamasmi romashA gandhArINAmivAvikA || 1\.126\.07 agniM hotAraM manye dAsvantaM vasuM sUnuM sahaso jAtavedasaM vipraM na jAtavedasam | ya UrdhvayA svadhvaro devo devAchyA kR^ipA | ghR^itasya vibhrAShTimanu vaShTi shochiShAjuhvAnasya sarpiShaH || 1\.127\.01 yajiShThaM tvA yajamAnA huvema jyeShThama~NgirasAM vipra manmabhirviprebhiH shukra manmabhiH | parijmAnamiva dyAM hotAraM charShaNInAm | shochiShkeshaM vR^iShaNaM yamimA vishaH prAvantu jUtaye vishaH || 1\.127\.02 sa hi purU chidojasA virukmatA dIdyAno bhavati druhaMtaraH parashurna druhaMtaraH | vILu chidyasya samR^itau shruvadvaneva yatsthiram | niHShahamANo yamate nAyate dhanvAsahA nAyate || 1\.127\.03 dR^iLhA chidasmA anu duryathA vide tejiShThAbhiraraNibhirdAShTyavase.agnaye dAShTyavase | pra yaH purUNi gAhate takShadvaneva shochiShA | sthirA chidannA ni riNAtyojasA ni sthirANi chidojasA || 1\.127\.04 tamasya pR^ikShamuparAsu dhImahi naktaM yaH sudarshataro divAtarAdaprAyuShe divAtarAt | AdasyAyurgrabhaNavadvILu sharma na sUnave | bhaktamabhaktamavo vyanto ajarA agnayo vyanto ajarAH || 1\.127\.05 sa hi shardho na mArutaM tuviShvaNirapnasvatIShUrvarAsviShTanirArtanAsviShTaniH | AdaddhavyAnyAdadiryaj~nasya keturarhaNA | adha smAsya harShato hR^iShIvato vishve juShanta panthAM naraH shubhe na panthAm || 1\.127\.06 dvitA yadIM kIstAso abhidyavo namasyanta upavochanta bhR^igavo mathnanto dAshA bhR^igavaH | agnirIshe vasUnAM shuchiryo dharNireShAm | priyA.N apidhI.NrvaniShIShTa medhira A vaniShIShTa medhiraH || 1\.127\.07 vishvAsAM tvA vishAM patiM havAmahe sarvAsAM samAnaM dampatiM bhuje satyagirvAhasaM bhuje | atithiM mAnuShANAM piturna yasyAsayA | amI cha vishve amR^itAsa A vayo havyA deveShvA vayaH || 1\.127\.08 tvamagne sahasA sahantamaH shuShmintamo jAyase devatAtaye rayirna devatAtaye | shuShmintamo hi te mado dyumnintama uta kratuH | adha smA te pari charantyajara shruShTIvAno nAjara || 1\.127\.09 pra vo mahe sahasA sahasvata uSharbudhe pashuShe nAgnaye stomo babhUtvagnaye | prati yadIM haviShmAnvishvAsu kShAsu joguve | agre rebho na jarata R^iShUNAM jUrNirhota R^iShUNAm || 1\.127\.10 sa no nediShThaM dadR^ishAna A bharAgne devebhiH sachanAH suchetunA maho rAyaH suchetunA | mahi shaviShTha naskR^idhi saMchakShe bhuje asyai | mahi stotR^ibhyo maghavansuvIryaM mathIrugro na shavasA || 1\.127\.11 ayaM jAyata manuSho dharImaNi hotA yajiShTha ushijAmanu vratamagniH svamanu vratam | vishvashruShTiH sakhIyate rayiriva shravasyate | adabdho hotA ni ShadadiLaspade parivIta iLaspade || 1\.128\.01 taM yaj~nasAdhamapi vAtayAmasyR^itasya pathA namasA haviShmatA devatAtA haviShmatA | sa na UrjAmupAbhR^ityayA kR^ipA na jUryati | yaM mAtarishvA manave parAvato devaM bhAH parAvataH || 1\.128\.02 evena sadyaH paryeti pArthivaM muhurgI reto vR^iShabhaH kanikradaddadhadretaH kanikradat | shataM chakShANo akShabhirdevo vaneShu turvaNiH | sado dadhAna upareShu sAnuShvagniH pareShu sAnuShu || 1\.128\.03 sa sukratuH purohito damedame.agniryaj~nasyAdhvarasya chetati kratvA yaj~nasya chetati | kratvA vedhA iShUyate vishvA jAtAni paspashe | yato ghR^itashrIratithirajAyata vahnirvedhA ajAyata || 1\.128\.04 kratvA yadasya taviShIShu pR^i~nchate.agneraveNa marutAM na bhojyeShirAya na bhojyA | sa hi ShmA dAnaminvati vasUnAM cha majmanA | sa nastrAsate duritAdabhihrutaH shaMsAdaghAdabhihrutaH || 1\.128\.05 vishvo vihAyA aratirvasurdadhe haste dakShiNe taraNirna shishrathachChravasyayA na shishrathat | vishvasmA idiShudhyate devatrA havyamohiShe | vishvasmA itsukR^ite vAramR^iNvatyagnirdvArA vyR^iNvati || 1\.128\.06 sa mAnuShe vR^ijane shaMtamo hito.agniryaj~neShu jenyo na vishpatiH priyo yaj~neShu vishpatiH | sa havyA mAnuShANAmiLA kR^itAni patyate | sa nastrAsate varuNasya dhUrtermaho devasya dhUrteH || 1\.128\.07 agniM hotAramILate vasudhitiM priyaM chetiShThamaratiM nyerire havyavAhaM nyerire | vishvAyuM vishvavedasaM hotAraM yajataM kavim | devAso raNvamavase vasUyavo gIrbhI raNvaM vasUyavaH || 1\.128\.08 yaM tvaM rathamindra medhasAtaye.apAkA santamiShira praNayasi prAnavadya nayasi | sadyashchittamabhiShTaye karo vashashcha vAjinam | sAsmAkamanavadya tUtujAna vedhasAmimAM vAchaM na vedhasAm || 1\.129\.01 sa shrudhi yaH smA pR^itanAsu kAsu chiddakShAyya indra bharahUtaye nR^ibhirasi pratUrtaye nR^ibhiH | yaH shUraiH svaH sanitA yo viprairvAjaM tarutA | tamIshAnAsa iradhanta vAjinaM pR^ikShamatyaM na vAjinam || 1\.129\.02 dasmo hi ShmA vR^iShaNaM pinvasi tvachaM kaM chidyAvIrararuM shUra martyaM parivR^iNakShi martyam | indrota tubhyaM taddive tadrudrAya svayashase | mitrAya vochaM varuNAya saprathaH sumR^iLIkAya saprathaH || 1\.129\.03 asmAkaM va indramushmasIShTaye sakhAyaM vishvAyuM prAsahaM yujaM vAjeShu prAsahaM yujam | asmAkaM brahmotaye.avA pR^itsuShu kAsu chit | nahi tvA shatruH starate stR^iNoShi yaM vishvaM shatruM stR^iNoShi yam || 1\.129\.04 ni ShU namAtimatiM kayasya chittejiShThAbhiraraNibhirnotibhirugrAbhirugrotibhiH | neShi No yathA purAnenAH shUra manyase | vishvAni pUrorapa parShi vahnirAsA vahnirno achCha || 1\.129\.05 pra tadvocheyaM bhavyAyendave havyo na ya iShavAnmanma rejati rakShohA manma rejati | svayaM so asmadA nido vadhairajeta durmatim | ava sravedaghashaMso.avataramava kShudramiva sravet || 1\.129\.06 vanema taddhotrayA chitantyA vanema rayiM rayivaH suvIryaM raNvaM santaM suvIryam | durmanmAnaM sumantubhiremiShA pR^ichImahi | A satyAbhirindraM dyumnahUtibhiryajatraM dyumnahUtibhiH || 1\.129\.07 praprA vo asme svayashobhirUtI parivarga indro durmatInAM darImandurmatInAm | svayaM sA riShayadhyai yA na upeShe atraiH | hatemasanna vakShati kShiptA jUrNirna vakShati || 1\.129\.08 tvaM na indra rAyA parINasA yAhi pathA.N anehasA puro yAhyarakShasA | sachasva naH parAka A sachasvAstamIka A | pAhi no dUrAdArAdabhiShTibhiH sadA pAhyabhiShTibhiH || 1\.129\.09 tvaM na indra rAyA tarUShasograM chittvA mahimA sakShadavase mahe mitraM nAvase | ojiShTha trAtaravitA rathaM kaM chidamartya | anyamasmadririSheH kaM chidadrivo ririkShantaM chidadrivaH || 1\.129\.10 pAhi na indra suShTuta sridho.avayAtA sadamiddurmatInAM devaH sandurmatInAm | hantA pApasya rakShasastrAtA viprasya mAvataH | adhA hi tvA janitA jIjanadvaso rakShohaNaM tvA jIjanadvaso || 1\.129\.11 endra yAhyupa naH parAvato nAyamachChA vidathAnIva satpatirastaM rAjeva satpatiH | havAmahe tvA vayaM prayasvantaH sute sachA | putrAso na pitaraM vAjasAtaye maMhiShThaM vAjasAtaye || 1\.130\.01 pibA somamindra suvAnamadribhiH koshena siktamavataM na vaMsagastAtR^iShANo na vaMsagaH | madAya haryatAya te tuviShTamAya dhAyase | A tvA yachChantu harito na sUryamahA vishveva sUryam || 1\.130\.02 avindaddivo nihitaM guhA nidhiM verna garbhaM parivItamashmanyanante antarashmani | vrajaM vajrI gavAmiva siShAsanna~NgirastamaH | apAvR^iNodiSha indraH parIvR^itA dvAra iShaH parIvR^itAH || 1\.130\.03 dAdR^ihANo vajramindro gabhastyoH kShadmeva tigmamasanAya saM shyadahihatyAya saM shyat | saMvivyAna ojasA shavobhirindra majmanA | taShTeva vR^ikShaM vanino ni vR^ishchasi parashveva ni vR^ishchasi || 1\.130\.04 tvaM vR^ithA nadya indra sartave.achChA samudramasR^ijo rathA.N iva vAjayato rathA.N iva | ita UtIrayu~njata samAnamarthamakShitam | dhenUriva manave vishvadohaso janAya vishvadohasaH || 1\.130\.05 imAM te vAchaM vasUyanta Ayavo rathaM na dhIraH svapA atakShiShuH sumnAya tvAmatakShiShuH | shumbhanto jenyaM yathA vAjeShu vipra vAjinam | atyamiva shavase sAtaye dhanA vishvA dhanAni sAtaye || 1\.130\.06 bhinatpuro navatimindra pUrave divodAsAya mahi dAshuShe nR^ito vajreNa dAshuShe nR^ito | atithigvAya shambaraM girerugro avAbharat | maho dhanAni dayamAna ojasA vishvA dhanAnyojasA || 1\.130\.07 indraH samatsu yajamAnamAryaM prAvadvishveShu shatamUtirAjiShu svarmILheShvAjiShu | manave shAsadavratAntvachaM kR^iShNAmarandhayat | dakShanna vishvaM tatR^iShANamoShati nyarshasAnamoShati || 1\.130\.08 sUrashchakraM pra vR^ihajjAta ojasA prapitve vAchamaruNo muShAyatIshAna A muShAyati | ushanA yatparAvato.ajagannUtaye kave | sumnAni vishvA manuSheva turvaNirahA vishveva turvaNiH || 1\.130\.09 sa no navyebhirvR^iShakarmannukthaiH purAM dartaH pAyubhiH pAhi shagmaiH | divodAsebhirindra stavAno vAvR^idhIthA ahobhiriva dyauH || 1\.130\.10 indrAya hi dyaurasuro anamnatendrAya mahI pR^ithivI varImabhirdyumnasAtA varImabhiH | indraM vishve sajoShaso devAso dadhire puraH | indrAya vishvA savanAni mAnuShA rAtAni santu mAnuShA || 1\.131\.01 vishveShu hi tvA savaneShu tu~njate samAnamekaM vR^iShamaNyavaH pR^ithaksvaH saniShyavaH pR^ithak | taM tvA nAvaM na parShaNiM shUShasya dhuri dhImahi | indraM na yaj~naishchitayanta AyavaH stomebhirindramAyavaH || 1\.131\.02 vi tvA tatasre mithunA avasyavo vrajasya sAtA gavyasya niHsR^ijaH sakShanta indra niHsR^ijaH | yadgavyantA dvA janA svaryantA samUhasi | AviShkarikradvR^iShaNaM sachAbhuvaM vajramindra sachAbhuvam || 1\.131\.03 viduShTe asya vIryasya pUravaH puro yadindra shAradIravAtiraH sAsahAno avAtiraH | shAsastamindra martyamayajyuM shavasaspate | mahImamuShNAH pR^ithivImimA apo mandasAna imA apaH || 1\.131\.04 Aditte asya vIryasya charkiranmadeShu vR^iShannushijo yadAvitha sakhIyato yadAvitha | chakartha kAramebhyaH pR^itanAsu pravantave | te anyAmanyAM nadyaM saniShNata shravasyantaH saniShNata || 1\.131\.05 uto no asyA uShaso juSheta hyarkasya bodhi haviSho havImabhiH svarShAtA havImabhiH | yadindra hantave mR^idho vR^iShA vajri~nchiketasi | A me asya vedhaso navIyaso manma shrudhi navIyasaH || 1\.131\.06 tvaM tamindra vAvR^idhAno asmayuramitrayantaM tuvijAta martyaM vajreNa shUra martyam | jahi yo no aghAyati shR^iNuShva sushravastamaH | riShTaM na yAmannapa bhUtu durmatirvishvApa bhUtu durmatiH || 1\.131\.07 tvayA vayaM maghavanpUrvye dhana indratvotAH sAsahyAma pR^itanyato vanuyAma vanuShyataH | nediShThe asminnahanyadhi vochA nu sunvate | asminyaj~ne vi chayemA bhare kR^itaM vAjayanto bhare kR^itam || 1\.132\.01 svarjeShe bhara Aprasya vakmanyuSharbudhaH svasminna~njasi krANasya svasminna~njasi | ahannindro yathA vide shIrShNAshIrShNopavAchyaH | asmatrA te sadhryaksantu rAtayo bhadrA bhadrasya rAtayaH || 1\.132\.02 tattu prayaH pratnathA te shushukvanaM yasminyaj~ne vAramakR^iNvata kShayamR^itasya vArasi kShayam | vi tadvocheradha dvitAntaH pashyanti rashmibhiH | sa ghA vide anvindro gaveShaNo bandhukShidbhyo gaveShaNaH || 1\.132\.03 nU itthA te pUrvathA cha pravAchyaM yada~Ngirobhyo.avR^iNorapa vrajamindra shikShannapa vrajam | aibhyaH samAnyA dishAsmabhyaM jeShi yotsi cha | sunvadbhyo randhayA kaM chidavrataM hR^iNAyantaM chidavratam || 1\.132\.04 saM yajjanAnkratubhiH shUra IkShayaddhane hite taruShanta shravasyavaH pra yakShanta shravasyavaH | tasmA AyuH prajAvadidbAdhe archantyojasA | indra okyaM didhiShanta dhItayo devA.N achChA na dhItayaH || 1\.132\.05 yuvaM tamindrAparvatA puroyudhA yo naH pR^itanyAdapa taMtamiddhataM vajreNa taMtamiddhatam | dUre chattAya chChantsadgahanaM yadinakShat | asmAkaM shatrUnpari shUra vishvato darmA darShIShTa vishvataH || 1\.132\.06 ubhe punAmi rodasI R^itena druho dahAmi saM mahIranindrAH | abhivlagya yatra hatA amitrA vailasthAnaM pari tR^iLhA asheran || 1\.133\.01 abhivlagyA chidadrivaH shIrShA yAtumatInAm | Chindhi vaTUriNA padA mahAvaTUriNA padA || 1\.133\.02 avAsAM maghava~njahi shardho yAtumatInAm | vailasthAnake armake mahAvailasthe armake || 1\.133\.03 yAsAM tisraH pa~nchAshato.abhivla~NgairapAvapaH | tatsu te manAyati takatsu te manAyati || 1\.133\.04 pisha~NgabhR^iShTimambhR^iNaM pishAchimindra saM mR^iNa | sarvaM rakSho ni barhaya || 1\.133\.05 avarmaha indra dAdR^ihi shrudhI naH shushocha hi dyauH kShA na bhIShA.N adrivo ghR^iNAnna bhIShA.N adrivaH | shuShmintamo hi shuShmibhirvadhairugrebhirIyase | apUruShaghno apratIta shUra satvabhistrisaptaiH shUra satvabhiH || 1\.133\.06 vanoti hi sunvankShayaM parINasaH sunvAno hi ShmA yajatyava dviSho devAnAmava dviShaH | sunvAna itsiShAsati sahasrA vAjyavR^itaH | sunvAnAyendro dadAtyAbhuvaM rayiM dadAtyAbhuvam || 1\.133\.07 A tvA juvo rArahANA abhi prayo vAyo vahantviha pUrvapItaye somasya pUrvapItaye | UrdhvA te anu sUnR^itA manastiShThatu jAnatI | niyutvatA rathenA yAhi dAvane vAyo makhasya dAvane || 1\.134\.01 mandantu tvA mandino vAyavindavo.asmatkrANAsaH sukR^itA abhidyavo gobhiH krANA abhidyavaH | yaddha krANA iradhyai dakShaM sachanta UtayaH | sadhrIchInA niyuto dAvane dhiya upa bruvata IM dhiyaH || 1\.134\.02 vAyuryu~Nkte rohitA vAyuraruNA vAyU rathe ajirA dhuri voLhave vahiShThA dhuri voLhave | pra bodhayA puraMdhiM jAra A sasatImiva | pra chakShaya rodasI vAsayoShasaH shravase vAsayoShasaH || 1\.134\.03 tubhyamuShAsaH shuchayaH parAvati bhadrA vastrA tanvate daMsu rashmiShu chitrA navyeShu rashmiShu | tubhyaM dhenuH sabardughA vishvA vasUni dohate | ajanayo maruto vakShaNAbhyo diva A vakShaNAbhyaH || 1\.134\.04 tubhyaM shukrAsaH shuchayasturaNyavo madeShUgrA iShaNanta bhurvaNyapAmiShanta bhurvaNi | tvAM tsArI dasamAno bhagamITTe takvavIye | tvaM vishvasmAdbhuvanAtpAsi dharmaNAsuryAtpAsi dharmaNA || 1\.134\.05 tvaM no vAyaveShAmapUrvyaH somAnAM prathamaH pItimarhasi sutAnAM pItimarhasi | uto vihutmatInAM vishAM vavarjuShINAm | vishvA itte dhenavo duhra AshiraM ghR^itaM duhrata Ashiram || 1\.134\.06 stIrNaM barhirupa no yAhi vItaye sahasreNa niyutA niyutvate shatinIbhirniyutvate | tubhyaM hi pUrvapItaye devA devAya yemire | pra te sutAso madhumanto asthiranmadAya kratve asthiran || 1\.135\.01 tubhyAyaM somaH paripUto adribhiH spArhA vasAnaH pari koshamarShati shukrA vasAno arShati | tavAyaM bhAga AyuShu somo deveShu hUyate | vaha vAyo niyuto yAhyasmayurjuShANo yAhyasmayuH || 1\.135\.02 A no niyudbhiH shatinIbhiradhvaraM sahasriNIbhirupa yAhi vItaye vAyo havyAni vItaye | tavAyaM bhAga R^itviyaH sarashmiH sUrye sachA | adhvaryubhirbharamANA ayaMsata vAyo shukrA ayaMsata || 1\.135\.03 A vAM ratho niyutvAnvakShadavase.abhi prayAMsi sudhitAni vItaye vAyo havyAni vItaye | pibataM madhvo andhasaH pUrvapeyaM hi vAM hitam | vAyavA chandreNa rAdhasA gatamindrashcha rAdhasA gatam || 1\.135\.04 A vAM dhiyo vavR^ityuradhvarA.N upemaminduM marmR^ijanta vAjinamAshumatyaM na vAjinam | teShAM pibatamasmayU A no gantamihotyA | indravAyU sutAnAmadribhiryuvaM madAya vAjadA yuvam || 1\.135\.05 ime vAM somA apsvA sutA ihAdhvaryubhirbharamANA ayaMsata vAyo shukrA ayaMsata | ete vAmabhyasR^ikShata tiraH pavitramAshavaH | yuvAyavo.ati romANyavyayA somAso atyavyayA || 1\.135\.06 ati vAyo sasato yAhi shashvato yatra grAvA vadati tatra gachChataM gR^ihamindrashcha gachChatam | vi sUnR^itA dadR^ishe rIyate ghR^itamA pUrNayA niyutA yAtho adhvaramindrashcha yAtho adhvaram || 1\.135\.07 atrAha tadvahethe madhva AhutiM yamashvatthamupatiShThanta jAyavo.asme te santu jAyavaH | sAkaM gAvaH suvate pachyate yavo na te vAya upa dasyanti dhenavo nApa dasyanti dhenavaH || 1\.135\.08 ime ye te su vAyo bAhvojaso.antarnadI te patayantyukShaNo mahi vrAdhanta ukShaNaH | dhanva~nchidye anAshavo jIrAshchidagiraukasaH | sUryasyeva rashmayo durniyantavo hastayordurniyantavaH || 1\.135\.09 pra su jyeShThaM nichirAbhyAM bR^ihannamo havyaM matiM bharatA mR^iLayadbhyAM svAdiShThaM mR^iLayadbhyAm | tA samrAjA ghR^itAsutI yaj~neyaj~na upastutA | athainoH kShatraM na kutashchanAdhR^iShe devatvaM nU chidAdhR^iShe || 1\.136\.01 adarshi gAtururave varIyasI panthA R^itasya samayaMsta rashmibhishchakShurbhagasya rashmibhiH | dyukShaM mitrasya sAdanamaryamNo varuNasya cha | athA dadhAte bR^ihadukthyaM vaya upastutyaM bR^ihadvayaH || 1\.136\.02 jyotiShmatImaditiM dhArayatkShitiM svarvatImA sachete divedive jAgR^ivAMsA divedive | jyotiShmatkShatramAshAte AdityA dAnunaspatI | mitrastayorvaruNo yAtayajjano.aryamA yAtayajjanaH || 1\.136\.03 ayaM mitrAya varuNAya shaMtamaH somo bhUtvavapAneShvAbhago devo deveShvAbhagaH | taM devAso juSherata vishve adya sajoShasaH | tathA rAjAnA karatho yadImaha R^itAvAnA yadImahe || 1\.136\.04 yo mitrAya varuNAyAvidhajjano.anarvANaM taM pari pAto aMhaso dAshvAMsaM martamaMhasaH | tamaryamAbhi rakShatyR^ijUyantamanu vratam | ukthairya enoH paribhUShati vrataM stomairAbhUShati vratam || 1\.136\.05 namo dive bR^ihate rodasIbhyAM mitrAya vochaM varuNAya mILhuShe sumR^iLIkAya mILhuShe | indramagnimupa stuhi dyukShamaryamaNaM bhagam | jyogjIvantaH prajayA sachemahi somasyotI sachemahi || 1\.136\.06 UtI devAnAM vayamindravanto maMsImahi svayashaso marudbhiH | agnirmitro varuNaH sharma yaMsantadashyAma maghavAno vayaM cha || 1\.136\.07 suShumA yAtamadribhirgoshrItA matsarA ime somAso matsarA ime | A rAjAnA divispR^ishAsmatrA gantamupa naH | ime vAM mitrAvaruNA gavAshiraH somAH shukrA gavAshiraH || 1\.137\.01 ima A yAtamindavaH somAso dadhyAshiraH sutAso dadhyAshiraH | uta vAmuShaso budhi sAkaM sUryasya rashmibhiH | suto mitrAya varuNAya pItaye chArurR^itAya pItaye || 1\.137\.02 tAM vAM dhenuM na vAsarImaMshuM duhantyadribhiH somaM duhantyadribhiH | asmatrA gantamupa no.arvA~nchA somapItaye | ayaM vAM mitrAvaruNA nR^ibhiH sutaH soma A pItaye sutaH || 1\.137\.03 prapra pUShNastuvijAtasya shasyate mahitvamasya tavaso na tandate stotramasya na tandate | archAmi sumnayannahamantyUtiM mayobhuvam | vishvasya yo mana Ayuyuve makho deva Ayuyuve makhaH || 1\.138\.01 pra hi tvA pUShannajiraM na yAmani stomebhiH kR^iNva R^iNavo yathA mR^idha uShTro na pIparo mR^idhaH | huve yattvA mayobhuvaM devaM sakhyAya martyaH | asmAkamA~NgUShAndyumninaskR^idhi vAjeShu dyumninaskR^idhi || 1\.138\.02 yasya te pUShansakhye vipanyavaH kratvA chitsanto.avasA bubhujrira iti kratvA bubhujrire | tAmanu tvA navIyasIM niyutaM rAya Imahe | aheLamAna urushaMsa sarI bhava vAjevAje sarI bhava || 1\.138\.03 asyA U Shu Na upa sAtaye bhuvo.aheLamAno rarivA.N ajAshva shravasyatAmajAshva | o Shu tvA vavR^itImahi stomebhirdasma sAdhubhiH | nahi tvA pUShannatimanya AghR^iNe na te sakhyamapahnuve || 1\.138\.04 astu shrauShaT puro agniM dhiyA dadha A nu tachChardho divyaM vR^iNImaha indravAyU vR^iNImahe | yaddha krANA vivasvati nAbhA saMdAyi navyasI | adha pra sU na upa yantu dhItayo devA.N achChA na dhItayaH || 1\.139\.01 yaddha tyanmitrAvaruNAvR^itAdadhyAdadAthe anR^itaM svena manyunA dakShasya svena manyunA | yuvoritthAdhi sadmasvapashyAma hiraNyayam | dhIbhishchana manasA svebhirakShabhiH somasya svebhirakShabhiH || 1\.139\.02 yuvAM stomebhirdevayanto ashvinAshrAvayanta iva shlokamAyavo yuvAM havyAbhyAyavaH | yuvorvishvA adhi shriyaH pR^ikShashcha vishvavedasA | pruShAyante vAM pavayo hiraNyaye rathe dasrA hiraNyaye || 1\.139\.03 acheti dasrA vyu nAkamR^iNvatho yu~njate vAM rathayujo diviShTiShvadhvasmAno diviShTiShu | adhi vAM sthAma vandhure rathe dasrA hiraNyaye | patheva yantAvanushAsatA rajo.a~njasA shAsatA rajaH || 1\.139\.04 shachIbhirnaH shachIvasU divA naktaM dashasyatam | mA vAM rAtirupa dasatkadA chanAsmadrAtiH kadA chana || 1\.139\.05 vR^iShannindra vR^iShapANAsa indava ime sutA adriShutAsa udbhidastubhyaM sutAsa udbhidaH | te tvA mandantu dAvane mahe chitrAya rAdhase | gIrbhirgirvAhaH stavamAna A gahi sumR^iLIko na A gahi || 1\.139\.06 o ShU No agne shR^iNuhi tvamILito devebhyo bravasi yaj~niyebhyo rAjabhyo yaj~niyebhyaH | yaddha tyAma~Ngirobhyo dhenuM devA adattana | vi tAM duhre aryamA kartarI sachA.N eSha tAM veda me sachA || 1\.139\.07 mo Shu vo asmadabhi tAni pauMsyA sanA bhUvandyumnAni mota jAriShurasmatpurota jAriShuH | yadvashchitraM yugeyuge navyaM ghoShAdamartyam | asmAsu tanmaruto yachcha duShTaraM didhR^itA yachcha duShTaram || 1\.139\.08 dadhya~Nha me januShaM pUrvo a~NgirAH priyamedhaH kaNvo atrirmanurviduste me pUrve manurviduH | teShAM deveShvAyatirasmAkaM teShu nAbhayaH | teShAM padena mahyA name girendrAgnI A name girA || 1\.139\.09 hotA yakShadvanino vanta vAryaM bR^ihaspatiryajati vena ukShabhiH puruvArebhirukShabhiH | jagR^ibhmA dUra/AdishaM shlokamadreradha tmanA | adhArayadararindAni sukratuH purU sadmAni sukratuH || 1\.139\.10 ye devAso divyekAdasha stha pR^ithivyAmadhyekAdasha stha | apsukShito mahinaikAdasha stha te devAso yaj~namimaM juShadhvam || 1\.139\.11 vediShade priyadhAmAya sudyute dhAsimiva pra bharA yonimagnaye | vastreNeva vAsayA manmanA shuchiM jyotIrathaM shukravarNaM tamohanam || 1\.140\.01 abhi dvijanmA trivR^idannamR^ijyate saMvatsare vAvR^idhe jagdhamI punaH | anyasyAsA jihvayA jenyo vR^iShA nyanyena vanino mR^iShTa vAraNaH || 1\.140\.02 kR^iShNaprutau vevije asya sakShitA ubhA tarete abhi mAtarA shishum | prAchAjihvaM dhvasayantaM tR^iShuchyutamA sAchyaM kupayaM vardhanaM pituH || 1\.140\.03 mumukShvo manave mAnavasyate raghudruvaH kR^iShNasItAsa U juvaH | asamanA ajirAso raghuShyado vAtajUtA upa yujyanta AshavaH || 1\.140\.04 Adasya te dhvasayanto vR^itherate kR^iShNamabhvaM mahi varpaH karikrataH | yatsIM mahImavaniM prAbhi marmR^ishadabhishvasanstanayanneti nAnadat || 1\.140\.05 bhUShanna yo.adhi babhrUShu namnate vR^iSheva patnIrabhyeti roruvat | ojAyamAnastanvashcha shumbhate bhImo na shR^i~NgA davidhAva durgR^ibhiH || 1\.140\.06 sa saMstiro viShTiraH saM gR^ibhAyati jAnanneva jAnatIrnitya A shaye | punarvardhante api yanti devyamanyadvarpaH pitroH kR^iNvate sachA || 1\.140\.07 tamagruvaH keshinIH saM hi rebhira UrdhvAstasthurmamruShIH prAyave punaH | tAsAM jarAM pramu~nchanneti nAnadadasuM paraM janaya~njIvamastR^itam || 1\.140\.08 adhIvAsaM pari mAtU rihannaha tuvigrebhiH satvabhiryAti vi jrayaH | vayo dadhatpadvate rerihatsadAnu shyenI sachate vartanIraha || 1\.140\.09 asmAkamagne maghavatsu dIdihyadha shvasIvAnvR^iShabho damUnAH | avAsyA shishumatIradIdervarmeva yutsu parijarbhurANaH || 1\.140\.10 idamagne sudhitaM durdhitAdadhi priyAdu chinmanmanaH preyo astu te | yatte shukraM tanvo rochate shuchi tenAsmabhyaM vanase ratnamA tvam || 1\.140\.11 rathAya nAvamuta no gR^ihAya nityAritrAM padvatIM rAsyagne | asmAkaM vIrA.N uta no maghono janA.Nshcha yA pArayAchCharma yA cha || 1\.140\.12 abhI no agna ukthamijjuguryA dyAvAkShAmA sindhavashcha svagUrtAH | gavyaM yavyaM yanto dIrghAheShaM varamaruNyo varanta || 1\.140\.13 baLitthA tadvapuShe dhAyi darshataM devasya bhargaH sahaso yato jani | yadImupa hvarate sAdhate matirR^itasya dhenA anayanta sasrutaH || 1\.141\.01 pR^ikSho vapuH pitumAnnitya A shaye dvitIyamA saptashivAsu mAtR^iShu | tR^itIyamasya vR^iShabhasya dohase dashapramatiM janayanta yoShaNaH || 1\.141\.02 niryadIM budhnAnmahiShasya varpasa IshAnAsaH shavasA kranta sUrayaH | yadImanu pradivo madhva Adhave guhA santaM mAtarishvA mathAyati || 1\.141\.03 pra yatpituH paramAnnIyate paryA pR^ikShudho vIrudho daMsu rohati | ubhA yadasya januShaM yadinvata AdidyaviShTho abhavadghR^iNA shuchiH || 1\.141\.04 AdinmAtR^IrAvishadyAsvA shuchirahiMsyamAna urviyA vi vAvR^idhe | anu yatpUrvA aruhatsanAjuvo ni navyasIShvavarAsu dhAvate || 1\.141\.05 AdiddhotAraM vR^iNate diviShTiShu bhagamiva papR^ichAnAsa R^i~njate | devAnyatkratvA majmanA puruShTuto martaM shaMsaM vishvadhA veti dhAyase || 1\.141\.06 vi yadasthAdyajato vAtachodito hvAro na vakvA jaraNA anAkR^itaH | tasya patmandakShuShaH kR^iShNajaMhasaH shuchijanmano raja A vyadhvanaH || 1\.141\.07 ratho na yAtaH shikvabhiH kR^ito dyAma~NgebhiraruShebhirIyate | Adasya te kR^iShNAso dakShi sUrayaH shUrasyeva tveShathAdIShate vayaH || 1\.141\.08 tvayA hyagne varuNo dhR^itavrato mitraH shAshadre aryamA sudAnavaH | yatsImanu kratunA vishvathA vibhurarAnna nemiH paribhUrajAyathAH || 1\.141\.09 tvamagne shashamAnAya sunvate ratnaM yaviShTha devatAtiminvasi | taM tvA nu navyaM sahaso yuvanvayaM bhagaM na kAre mahiratna dhImahi || 1\.141\.10 asme rayiM na svarthaM damUnasaM bhagaM dakShaM na papR^ichAsi dharNasim | rashmI.Nriva yo yamati janmanI ubhe devAnAM shaMsamR^ita A cha sukratuH || 1\.141\.11 uta naH sudyotmA jIrAshvo hotA mandraH shR^iNavachchandrarathaH | sa no neShanneShatamairamUro.agnirvAmaM suvitaM vasyo achCha || 1\.141\.12 astAvyagniH shimIvadbhirarkaiH sAmrAjyAya prataraM dadhAnaH | amI cha ye maghavAno vayaM cha mihaM na sUro ati niShTatanyuH || 1\.141\.13 samiddho agna A vaha devA.N adya yatasruche | tantuM tanuShva pUrvyaM sutasomAya dAshuShe || 1\.142\.01 ghR^itavantamupa mAsi madhumantaM tanUnapAt | yaj~naM viprasya mAvataH shashamAnasya dAshuShaH || 1\.142\.02 shuchiH pAvako adbhuto madhvA yaj~naM mimikShati | narAshaMsastrirA divo devo deveShu yaj~niyaH || 1\.142\.03 ILito agna A vahendraM chitramiha priyam | iyaM hi tvA matirmamAchChA sujihva vachyate || 1\.142\.04 stR^iNAnAso yatasrucho barhiryaj~ne svadhvare | vR^i~nje devavyachastamamindrAya sharma saprathaH || 1\.142\.05 vi shrayantAmR^itAvR^idhaH prayai devebhyo mahIH | pAvakAsaH puruspR^iho dvAro devIrasashchataH || 1\.142\.06 A bhandamAne upAke naktoShAsA supeshasA | yahvI R^itasya mAtarA sIdatAM barhirA sumat || 1\.142\.07 mandrajihvA jugurvaNI hotArA daivyA kavI | yaj~naM no yakShatAmimaM sidhramadya divispR^isham || 1\.142\.08 shuchirdeveShvarpitA hotrA marutsu bhAratI | iLA sarasvatI mahI barhiH sIdantu yaj~niyAH || 1\.142\.09 tannasturIpamadbhutaM puru vAraM puru tmanA | tvaShTA poShAya vi Shyatu rAye nAbhA no asmayuH || 1\.142\.10 avasR^ijannupa tmanA devAnyakShi vanaspate | agnirhavyA suShUdati devo deveShu medhiraH || 1\.142\.11 pUShaNvate marutvate vishvadevAya vAyave | svAhA gAyatravepase havyamindrAya kartana || 1\.142\.12 svAhAkR^itAnyA gahyupa havyAni vItaye | indrA gahi shrudhI havaM tvAM havante adhvare || 1\.142\.13 pra tavyasIM navyasIM dhItimagnaye vAcho matiM sahasaH sUnave bhare | apAM napAdyo vasubhiH saha priyo hotA pR^ithivyAM nyasIdadR^itviyaH || 1\.143\.01 sa jAyamAnaH parame vyomanyAviragnirabhavanmAtarishvane | asya kratvA samidhAnasya majmanA pra dyAvA shochiH pR^ithivI arochayat || 1\.143\.02 asya tveShA ajarA asya bhAnavaH susaMdR^ishaH supratIkasya sudyutaH | bhAtvakShaso atyakturna sindhavo.agne rejante asasanto ajarAH || 1\.143\.03 yamerire bhR^igavo vishvavedasaM nAbhA pR^ithivyA bhuvanasya majmanA | agniM taM gIrbhirhinuhi sva A dame ya eko vasvo varuNo na rAjati || 1\.143\.04 na yo varAya marutAmiva svanaH seneva sR^iShTA divyA yathAshaniH | agnirjambhaistigitairatti bharvati yodho na shatrUnsa vanA nyR^i~njate || 1\.143\.05 kuvinno agniruchathasya vIrasadvasuShkuvidvasubhiH kAmamAvarat | chodaH kuvittutujyAtsAtaye dhiyaH shuchipratIkaM tamayA dhiyA gR^iNe || 1\.143\.06 ghR^itapratIkaM va R^itasya dhUrShadamagniM mitraM na samidhAna R^i~njate | indhAno akro vidatheShu dIdyachChukravarNAmudu no yaMsate dhiyam || 1\.143\.07 aprayuchChannaprayuchChadbhiragne shivebhirnaH pAyubhiH pAhi shagmaiH | adabdhebhiradR^ipitebhiriShTe.animiShadbhiH pari pAhi no jAH || 1\.143\.08 eti pra hotA vratamasya mAyayordhvAM dadhAnaH shuchipeshasaM dhiyam | abhi sruchaH kramate dakShiNAvR^ito yA asya dhAma prathamaM ha niMsate || 1\.144\.01 abhImR^itasya dohanA anUShata yonau devasya sadane parIvR^itAH | apAmupasthe vibhR^ito yadAvasadadha svadhA adhayadyAbhirIyate || 1\.144\.02 yuyUShataH savayasA tadidvapuH samAnamarthaM vitaritratA mithaH | AdIM bhago na havyaH samasmadA voLhurna rashmInsamayaMsta sArathiH || 1\.144\.03 yamIM dvA savayasA saparyataH samAne yonA mithunA samokasA | divA na naktaM palito yuvAjani purU charannajaro mAnuShA yugA || 1\.144\.04 tamIM hinvanti dhItayo dasha vrisho devaM martAsa Utaye havAmahe | dhanoradhi pravata A sa R^iNvatyabhivrajadbhirvayunA navAdhita || 1\.144\.05 tvaM hyagne divyasya rAjasi tvaM pArthivasya pashupA iva tmanA | enI ta ete bR^ihatI abhishriyA hiraNyayI vakvarI barhirAshAte || 1\.144\.06 agne juShasva prati harya tadvacho mandra svadhAva R^itajAta sukrato | yo vishvataH pratya~N~Nasi darshato raNvaH saMdR^iShTau pitumA.N iva kShayaH || 1\.144\.07 taM pR^ichChatA sa jagAmA sa veda sa chikitvA.N Iyate sA nvIyate | tasminsanti prashiShastasminniShTayaH sa vAjasya shavasaH shuShmiNaspatiH || 1\.145\.01 tamitpR^ichChanti na simo vi pR^ichChati sveneva dhIro manasA yadagrabhIt | na mR^iShyate prathamaM nAparaM vacho.asya kratvA sachate apradR^ipitaH || 1\.145\.02 tamidgachChanti juhvastamarvatIrvishvAnyekaH shR^iNavadvachAMsi me | purupraiShastaturiryaj~nasAdhano.achChidrotiH shishurAdatta saM rabhaH || 1\.145\.03 upasthAyaM charati yatsamArata sadyo jAtastatsAra yujyebhiH | abhi shvAntaM mR^ishate nAndye mude yadIM gachChantyushatIrapiShThitam || 1\.145\.04 sa IM mR^igo apyo vanargurupa tvachyupamasyAM ni dhAyi | vyabravIdvayunA martyebhyo.agnirvidvA.N R^itachiddhi satyaH || 1\.145\.05 trimUrdhAnaM saptarashmiM gR^iNIShe.anUnamagniM pitrorupasthe | niShattamasya charato dhruvasya vishvA divo rochanApaprivAMsam || 1\.146\.01 ukShA mahA.N abhi vavakSha ene ajarastasthAvita/UtirR^iShvaH | urvyAH pado ni dadhAti sAnau rihantyUdho aruShAso asya || 1\.146\.02 samAnaM vatsamabhi saMcharantI viShvagdhenU vi charataH sumeke | anapavR^ijyA.N adhvano mimAne vishvAnketA.N adhi maho dadhAne || 1\.146\.03 dhIrAsaH padaM kavayo nayanti nAnA hR^idA rakShamANA ajuryam | siShAsantaH paryapashyanta sindhumAvirebhyo abhavatsUryo nR^In || 1\.146\.04 didR^ikSheNyaH pari kAShThAsu jenya ILenyo maho arbhAya jIvase | purutrA yadabhavatsUrahaibhyo garbhebhyo maghavA vishvadarshataH || 1\.146\.05 kathA te agne shuchayanta AyordadAshurvAjebhirAshuShANAH | ubhe yattoke tanaye dadhAnA R^itasya sAmanraNayanta devAH || 1\.147\.01 bodhA me asya vachaso yaviShTha maMhiShThasya prabhR^itasya svadhAvaH | pIyati tvo anu tvo gR^iNAti vandAruste tanvaM vande agne || 1\.147\.02 ye pAyavo mAmateyaM te agne pashyanto andhaM duritAdarakShan | rarakSha tAnsukR^ito vishvavedA dipsanta idripavo nAha debhuH || 1\.147\.03 yo no agne ararivA.N aghAyurarAtIvA marchayati dvayena | mantro guruH punarastu so asmA anu mR^ikShIShTa tanvaM duruktaiH || 1\.147\.04 uta vA yaH sahasya pravidvAnmarto martaM marchayati dvayena | ataH pAhi stavamAna stuvantamagne mAkirno duritAya dhAyIH || 1\.147\.05 mathIdyadIM viShTo mAtarishvA hotAraM vishvApsuM vishvadevyam | ni yaM dadhurmanuShyAsu vikShu svarNa chitraM vapuShe vibhAvam || 1\.148\.01 dadAnaminna dadabhanta manmAgnirvarUthaM mama tasya chAkan | juShanta vishvAnyasya karmopastutiM bharamANasya kAroH || 1\.148\.02 nitye chinnu yaM sadane jagR^ibhre prashastibhirdadhire yaj~niyAsaH | pra sU nayanta gR^ibhayanta iShTAvashvAso na rathyo rArahANAH || 1\.148\.03 purUNi dasmo ni riNAti jambhairAdrochate vana A vibhAvA | Adasya vAto anu vAti shochirasturna sharyAmasanAmanu dyUn || 1\.148\.04 na yaM ripavo na riShaNyavo garbhe santaM reShaNA reShayanti | andhA apashyA na dabhannabhikhyA nityAsa IM pretAro arakShan || 1\.148\.05 mahaH sa rAya eShate patirdannina inasya vasunaH pada A | upa dhrajantamadrayo vidhannit || 1\.149\.01 sa yo vR^iShA narAM na rodasyoH shravobhirasti jIvapItasargaH | pra yaH sasrANaH shishrIta yonau || 1\.149\.02 A yaH puraM nArmiNImadIdedatyaH kavirnabhanyo nArvA | sUro na rurukvA~nChatAtmA || 1\.149\.03 abhi dvijanmA trI rochanAni vishvA rajAMsi shushuchAno asthAt | hotA yajiShTho apAM sadhasthe || 1\.149\.04 ayaM sa hotA yo dvijanmA vishvA dadhe vAryANi shravasyA | marto yo asmai sutuko dadAsha || 1\.149\.05 puru tvA dAshvAnvoche.ariragne tava svidA | todasyeva sharaNa A mahasya || 1\.150\.01 vyaninasya dhaninaH prahoShe chidararuShaH | kadA chana prajigato adevayoH || 1\.150\.02 sa chandro vipra martyo maho vrAdhantamo divi | praprette agne vanuShaH syAma || 1\.150\.03 mitraM na yaM shimyA goShu gavyavaH svAdhyo vidathe apsu jIjanan | arejetAM rodasI pAjasA girA prati priyaM yajataM januShAmavaH || 1\.151\.01 yaddha tyadvAM purumILhasya sominaH pra mitrAso na dadhire svAbhuvaH | adha kratuM vidataM gAtumarchata uta shrutaM vR^iShaNA pastyAvataH || 1\.151\.02 A vAM bhUShankShitayo janma rodasyoH pravAchyaM vR^iShaNA dakShase mahe | yadImR^itAya bharatho yadarvate pra hotrayA shimyA vItho adhvaram || 1\.151\.03 pra sA kShitirasura yA mahi priya R^itAvAnAvR^itamA ghoShatho bR^ihat | yuvaM divo bR^ihato dakShamAbhuvaM gAM na dhuryupa yu~njAthe apaH || 1\.151\.04 mahI atra mahinA vAramR^iNvatho.areNavastuja A sadmandhenavaH | svaranti tA uparatAti sUryamA nimrucha uShasastakvavIriva || 1\.151\.05 A vAmR^itAya keshinIranUShata mitra yatra varuNa gAtumarchathaH | ava tmanA sR^ijataM pinvataM dhiyo yuvaM viprasya manmanAmirajyathaH || 1\.151\.06 yo vAM yaj~naiH shashamAno ha dAshati kavirhotA yajati manmasAdhanaH | upAha taM gachChatho vItho adhvaramachChA giraH sumatiM gantamasmayU || 1\.151\.07 yuvAM yaj~naiH prathamA gobhira~njata R^itAvAnA manaso na prayuktiShu | bharanti vAM manmanA saMyatA giro.adR^ipyatA manasA revadAshAthe || 1\.151\.08 revadvayo dadhAthe revadAshAthe narA mAyAbhirita/Uti mAhinam | na vAM dyAvo.ahabhirnota sindhavo na devatvaM paNayo nAnashurmagham || 1\.151\.09 yuvaM vastrANi pIvasA vasAthe yuvorachChidrA mantavo ha sargAH | avAtiratamanR^itAni vishva R^itena mitrAvaruNA sachethe || 1\.152\.01 etachchana tvo vi chiketadeShAM satyo mantraH kavishasta R^ighAvAn | trirashriM hanti chaturashrirugro devanido ha prathamA ajUryan || 1\.152\.02 apAdeti prathamA padvatInAM kastadvAM mitrAvaruNA chiketa | garbho bhAraM bharatyA chidasya R^itaM pipartyanR^itaM ni tArIt || 1\.152\.03 prayantamitpari jAraM kanInAM pashyAmasi nopanipadyamAnam | anavapR^igNA vitatA vasAnaM priyaM mitrasya varuNasya dhAma || 1\.152\.04 anashvo jAto anabhIshurarvA kanikradatpatayadUrdhvasAnuH | achittaM brahma jujuShuryuvAnaH pra mitre dhAma varuNe gR^iNantaH || 1\.152\.05 A dhenavo mAmateyamavantIrbrahmapriyaM pIpayansasminnUdhan | pitvo bhikSheta vayunAni vidvAnAsAvivAsannaditimuruShyet || 1\.152\.06 A vAM mitrAvaruNA havyajuShTiM namasA devAvavasA vavR^ityAm | asmAkaM brahma pR^itanAsu sahyA asmAkaM vR^iShTirdivyA supArA || 1\.152\.07 yajAmahe vAM mahaH sajoShA havyebhirmitrAvaruNA namobhiH | ghR^itairghR^itasnU adha yadvAmasme adhvaryavo na dhItibhirbharanti || 1\.153\.01 prastutirvAM dhAma na prayuktirayAmi mitrAvaruNA suvR^iktiH | anakti yadvAM vidatheShu hotA sumnaM vAM sUrirvR^iShaNAviyakShan || 1\.153\.02 pIpAya dhenuraditirR^itAya janAya mitrAvaruNA havirde | hinoti yadvAM vidathe saparyansa rAtahavyo mAnuSho na hotA || 1\.153\.03 uta vAM vikShu madyAsvandho gAva Apashcha pIpayanta devIH | uto no asya pUrvyaH patirdanvItaM pAtaM payasa usriyAyAH || 1\.153\.04 viShNornu kaM vIryANi pra vochaM yaH pArthivAni vimame rajAMsi | yo askabhAyaduttaraM sadhasthaM vichakramANastredhorugAyaH || 1\.154\.01 pra tadviShNuH stavate vIryeNa mR^igo na bhImaH kucharo giriShThAH | yasyoruShu triShu vikramaNeShvadhikShiyanti bhuvanAni vishvA || 1\.154\.02 pra viShNave shUShametu manma girikShita urugAyAya vR^iShNe | ya idaM dIrghaM prayataM sadhasthameko vimame tribhiritpadebhiH || 1\.154\.03 yasya trI pUrNA madhunA padAnyakShIyamANA svadhayA madanti | ya u tridhAtu pR^ithivImuta dyAmeko dAdhAra bhuvanAni vishvA || 1\.154\.04 tadasya priyamabhi pAtho ashyAM naro yatra devayavo madanti | urukramasya sa hi bandhuritthA viShNoH pade parame madhva utsaH || 1\.154\.05 tA vAM vAstUnyushmasi gamadhyai yatra gAvo bhUrishR^i~NgA ayAsaH | atrAha tadurugAyasya vR^iShNaH paramaM padamava bhAti bhUri || 1\.154\.06 pra vaH pAntamandhaso dhiyAyate mahe shUrAya viShNave chArchata | yA sAnuni parvatAnAmadAbhyA mahastasthaturarvateva sAdhunA || 1\.155\.01 tveShamitthA samaraNaM shimIvatorindrAviShNU sutapA vAmuruShyati | yA martyAya pratidhIyamAnamitkR^ishAnorasturasanAmuruShyathaH || 1\.155\.02 tA IM vardhanti mahyasya pauMsyaM ni mAtarA nayati retase bhuje | dadhAti putro.avaraM paraM piturnAma tR^itIyamadhi rochane divaH || 1\.155\.03 tattadidasya pauMsyaM gR^iNImasInasya trAturavR^ikasya mILhuShaH | yaH pArthivAni tribhiridvigAmabhiruru kramiShTorugAyAya jIvase || 1\.155\.04 dve idasya kramaNe svardR^isho.abhikhyAya martyo bhuraNyati | tR^itIyamasya nakirA dadharShati vayashchana patayantaH patatriNaH || 1\.155\.05 chaturbhiH sAkaM navatiM cha nAmabhishchakraM na vR^ittaM vyatI.NravIvipat | bR^ihachCharIro vimimAna R^ikvabhiryuvAkumAraH pratyetyAhavam || 1\.155\.06 bhavA mitro na shevyo ghR^itAsutirvibhUtadyumna evayA u saprathAH | adhA te viShNo viduShA chidardhyaH stomo yaj~nashcha rAdhyo haviShmatA || 1\.156\.01 yaH pUrvyAya vedhase navIyase sumajjAnaye viShNave dadAshati | yo jAtamasya mahato mahi bravatsedu shravobhiryujyaM chidabhyasat || 1\.156\.02 tamu stotAraH pUrvyaM yathA vida R^itasya garbhaM januShA pipartana | Asya jAnanto nAma chidvivaktana mahaste viShNo sumatiM bhajAmahe || 1\.156\.03 tamasya rAjA varuNastamashvinA kratuM sachanta mArutasya vedhasaH | dAdhAra dakShamuttamamaharvidaM vrajaM cha viShNuH sakhivA.N aporNute || 1\.156\.04 A yo vivAya sachathAya daivya indrAya viShNuH sukR^ite sukR^ittaraH | vedhA ajinvattriShadhastha AryamR^itasya bhAge yajamAnamAbhajat || 1\.156\.05 abodhyagnirjma udeti sUryo vyuShAshchandrA mahyAvo archiShA | AyukShAtAmashvinA yAtave rathaM prAsAvIddevaH savitA jagatpR^ithak || 1\.157\.01 yadyu~njAthe vR^iShaNamashvinA rathaM ghR^itena no madhunA kShatramukShatam | asmAkaM brahma pR^itanAsu jinvataM vayaM dhanA shUrasAtA bhajemahi || 1\.157\.02 arvA~Ntrichakro madhuvAhano ratho jIrAshvo ashvinoryAtu suShTutaH | trivandhuro maghavA vishvasaubhagaH shaM na A vakShaddvipade chatuShpade || 1\.157\.03 A na UrjaM vahatamashvinA yuvaM madhumatyA naH kashayA mimikShatam | prAyustAriShTaM nI rapAMsi mR^ikShataM sedhataM dveSho bhavataM sachAbhuvA || 1\.157\.04 yuvaM ha garbhaM jagatIShu dhattho yuvaM vishveShu bhuvaneShvantaH | yuvamagniM cha vR^iShaNAvapashcha vanaspatI.NrashvinAvairayethAm || 1\.157\.05 yuvaM ha stho bhiShajA bheShajebhiratho ha stho rathyA rAthyebhiH | atho ha kShatramadhi dhattha ugrA yo vAM haviShmAnmanasA dadAsha || 1\.157\.06 vasU rudrA purumantU vR^idhantA dashasyataM no vR^iShaNAvabhiShTau | dasrA ha yadrekNa auchathyo vAM pra yatsasrAthe akavAbhirUtI || 1\.158\.01 ko vAM dAshatsumataye chidasyai vasU yaddhethe namasA pade goH | jigR^itamasme revatIH puraMdhIH kAmapreNeva manasA charantA || 1\.158\.02 yukto ha yadvAM taugryAya perurvi madhye arNaso dhAyi pajraH | upa vAmavaH sharaNaM gameyaM shUro nAjma patayadbhirevaiH || 1\.158\.03 upastutirauchathyamuruShyenmA mAmime patatriNI vi dugdhAm | mA mAmedho dashatayashchito dhAkpra yadvAM baddhastmani khAdati kShAm || 1\.158\.04 na mA garannadyo mAtR^itamA dAsA yadIM susamubdhamavAdhuH | shiro yadasya traitano vitakShatsvayaM dAsa uro aMsAvapi gdha || 1\.158\.05 dIrghatamA mAmateyo jujurvAndashame yuge | apAmarthaM yatInAM brahmA bhavati sArathiH || 1\.158\.06 pra dyAvA yaj~naiH pR^ithivI R^itAvR^idhA mahI stuShe vidatheShu prachetasA | devebhirye devaputre sudaMsasetthA dhiyA vAryANi prabhUShataH || 1\.159\.01 uta manye pituradruho mano mAturmahi svatavastaddhavImabhiH | suretasA pitarA bhUma chakratururu prajAyA amR^itaM varImabhiH || 1\.159\.02 te sUnavaH svapasaH sudaMsaso mahI jaj~nurmAtarA pUrvachittaye | sthAtushcha satyaM jagatashcha dharmaNi putrasya pAthaH padamadvayAvinaH || 1\.159\.03 te mAyino mamire suprachetaso jAmI sayonI mithunA samokasA | navyaMnavyaM tantumA tanvate divi samudre antaH kavayaH sudItayaH || 1\.159\.04 tadrAdho adya saviturvareNyaM vayaM devasya prasave manAmahe | asmabhyaM dyAvApR^ithivI suchetunA rayiM dhattaM vasumantaM shatagvinam || 1\.159\.05 te hi dyAvApR^ithivI vishvashambhuva R^itAvarI rajaso dhArayatkavI | sujanmanI dhiShaNe antarIyate devo devI dharmaNA sUryaH shuchiH || 1\.160\.01 uruvyachasA mahinI asashchatA pitA mAtA cha bhuvanAni rakShataH | sudhR^iShTame vapuShye na rodasI pitA yatsImabhi rUpairavAsayat || 1\.160\.02 sa vahniH putraH pitroH pavitravAnpunAti dhIro bhuvanAni mAyayA | dhenuM cha pR^ishniM vR^iShabhaM suretasaM vishvAhA shukraM payo asya dukShata || 1\.160\.03 ayaM devAnAmapasAmapastamo yo jajAna rodasI vishvashambhuvA | vi yo mame rajasI sukratUyayAjarebhiH skambhanebhiH samAnR^iche || 1\.160\.04 te no gR^iNAne mahinI mahi shravaH kShatraM dyAvApR^ithivI dhAsatho bR^ihat | yenAbhi kR^iShTIstatanAma vishvahA panAyyamojo asme saminvatam || 1\.160\.05 kimu shreShThaH kiM yaviShTho na AjagankimIyate dUtyaM kadyadUchima | na nindima chamasaM yo mahAkulo.agne bhrAtardruNa idbhUtimUdima || 1\.161\.01 ekaM chamasaM chaturaH kR^iNotana tadvo devA abruvantadva Agamam | saudhanvanA yadyevA kariShyatha sAkaM devairyaj~niyAso bhaviShyatha || 1\.161\.02 agniM dUtaM prati yadabravItanAshvaH kartvo ratha uteha kartvaH | dhenuH kartvA yuvashA kartvA dvA tAni bhrAtaranu vaH kR^itvyemasi || 1\.161\.03 chakR^ivAMsa R^ibhavastadapR^ichChata kvedabhUdyaH sya dUto na Ajagan | yadAvAkhyachchamasA~nchaturaH kR^itAnAdittvaShTA gnAsvantarnyAnaje || 1\.161\.04 hanAmainA.N iti tvaShTA yadabravIchchamasaM ye devapAnamanindiShuH | anyA nAmAni kR^iNvate sute sachA.N anyairenAnkanyA nAmabhiH sparat || 1\.161\.05 indro harI yuyuje ashvinA rathaM bR^ihaspatirvishvarUpAmupAjata | R^ibhurvibhvA vAjo devA.N agachChata svapaso yaj~niyaM bhAgamaitana || 1\.161\.06 nishcharmaNo gAmariNIta dhItibhiryA jarantA yuvashA tAkR^iNotana | saudhanvanA ashvAdashvamatakShata yuktvA rathamupa devA.N ayAtana || 1\.161\.07 idamudakaM pibatetyabravItanedaM vA ghA pibatA mu~njanejanam | saudhanvanA yadi tanneva haryatha tR^itIye ghA savane mAdayAdhvai || 1\.161\.08 Apo bhUyiShThA ityeko abravIdagnirbhUyiShTha ityanyo abravIt | vadharyantIM bahubhyaH praiko abravIdR^itA vadantashchamasA.N apiMshata || 1\.161\.09 shroNAmeka udakaM gAmavAjati mAMsamekaH piMshati sUnayAbhR^itam | A nimruchaH shakR^ideko apAbharatkiM svitputrebhyaH pitarA upAvatuH || 1\.161\.10 udvatsvasmA akR^iNotanA tR^iNaM nivatsvapaH svapasyayA naraH | agohyasya yadasastanA gR^ihe tadadyedamR^ibhavo nAnu gachChatha || 1\.161\.11 sammIlya yadbhuvanA paryasarpata kva svittAtyA pitarA va AsatuH | ashapata yaH karasnaM va Adade yaH prAbravItpro tasmA abravItana || 1\.161\.12 suShupvAMsa R^ibhavastadapR^ichChatAgohya ka idaM no abUbudhat | shvAnaM basto bodhayitAramabravItsaMvatsara idamadyA vyakhyata || 1\.161\.13 divA yAnti maruto bhUmyAgnirayaM vAto antarikSheNa yAti | adbhiryAti varuNaH samudrairyuShmA.N ichChantaH shavaso napAtaH || 1\.161\.14 mA no mitro varuNo aryamAyurindra R^ibhukShA marutaH pari khyan | yadvAjino devajAtasya sapteH pravakShyAmo vidathe vIryANi || 1\.162\.01 yannirNijA rekNasA prAvR^itasya rAtiM gR^ibhItAM mukhato nayanti | suprA~Najo memyadvishvarUpa indrApUShNoH priyamapyeti pAthaH || 1\.162\.02 eSha chChAgaH puro ashvena vAjinA pUShNo bhAgo nIyate vishvadevyaH | abhipriyaM yatpuroLAshamarvatA tvaShTedenaM saushravasAya jinvati || 1\.162\.03 yaddhaviShyamR^itusho devayAnaM trirmAnuShAH paryashvaM nayanti | atrA pUShNaH prathamo bhAga eti yaj~naM devebhyaH prativedayannajaH || 1\.162\.04 hotAdhvaryurAvayA agnimindho grAvagrAbha uta shaMstA suvipraH | tena yaj~nena svaraMkR^itena sviShTena vakShaNA A pR^iNadhvam || 1\.162\.05 yUpavraskA uta ye yUpavAhAshchaShAlaM ye ashvayUpAya takShati | ye chArvate pachanaM sambharantyuto teShAmabhigUrtirna invatu || 1\.162\.06 upa prAgAtsumanme.adhAyi manma devAnAmAshA upa vItapR^iShThaH | anvenaM viprA R^iShayo madanti devAnAM puShTe chakR^imA subandhum || 1\.162\.07 yadvAjino dAma saMdAnamarvato yA shIrShaNyA rashanA rajjurasya | yadvA ghAsya prabhR^itamAsye tR^iNaM sarvA tA te api deveShvastu || 1\.162\.08 yadashvasya kraviSho makShikAsha yadvA svarau svadhitau riptamasti | yaddhastayoH shamituryannakheShu sarvA tA te api deveShvastu || 1\.162\.09 yadUvadhyamudarasyApavAti ya Amasya kraviSho gandho asti | sukR^itA tachChamitAraH kR^iNvantUta medhaM shR^itapAkaM pachantu || 1\.162\.10 yatte gAtrAdagninA pachyamAnAdabhi shUlaM nihatasyAvadhAvati | mA tadbhUmyAmA shriShanmA tR^iNeShu devebhyastadushadbhyo rAtamastu || 1\.162\.11 ye vAjinaM paripashyanti pakvaM ya ImAhuH surabhirnirhareti | ye chArvato mAMsabhikShAmupAsata uto teShAmabhigUrtirna invatu || 1\.162\.12 yannIkShaNaM mA.NspachanyA ukhAyA yA pAtrANi yUShNa AsechanAni | UShmaNyApidhAnA charUNAma~NkAH sUnAH pari bhUShantyashvam || 1\.162\.13 nikramaNaM niShadanaM vivartanaM yachcha paDbIshamarvataH | yachcha papau yachcha ghAsiM jaghAsa sarvA tA te api deveShvastu || 1\.162\.14 mA tvAgnirdhvanayIddhUmagandhirmokhA bhrAjantyabhi vikta jaghriH | iShTaM vItamabhigUrtaM vaShaTkR^itaM taM devAsaH prati gR^ibhNantyashvam || 1\.162\.15 yadashvAya vAsa upastR^iNantyadhIvAsaM yA hiraNyAnyasmai | saMdAnamarvantaM paDbIshaM priyA deveShvA yAmayanti || 1\.162\.16 yatte sAde mahasA shUkR^itasya pArShNyA vA kashayA vA tutoda | srucheva tA haviSho adhvareShu sarvA tA te brahmaNA sUdayAmi || 1\.162\.17 chatustriMshadvAjino devabandhorva~NkrIrashvasya svadhitiH sameti | achChidrA gAtrA vayunA kR^iNota paruShparuranughuShyA vi shasta || 1\.162\.18 ekastvaShTurashvasyA vishastA dvA yantArA bhavatastatha R^ituH | yA te gAtrANAmR^ituthA kR^iNomi tAtA piNDAnAM pra juhomyagnau || 1\.162\.19 mA tvA tapatpriya AtmApiyantaM mA svadhitistanva A tiShThipatte | mA te gR^idhnuravishastAtihAya ChidrA gAtrANyasinA mithU kaH || 1\.162\.20 na vA u etanmriyase na riShyasi devA.N ideShi pathibhiH sugebhiH | harI te yu~njA pR^iShatI abhUtAmupAsthAdvAjI dhuri rAsabhasya || 1\.162\.21 sugavyaM no vAjI svashvyaM puMsaH putrA.N uta vishvApuShaM rayim | anAgAstvaM no aditiH kR^iNotu kShatraM no ashvo vanatAM haviShmAn || 1\.162\.22 yadakrandaH prathamaM jAyamAna udyansamudrAduta vA purIShAt | shyenasya pakShA hariNasya bAhU upastutyaM mahi jAtaM te arvan || 1\.163\.01 yamena dattaM trita enamAyunagindra eNaM prathamo adhyatiShThat | gandharvo asya rashanAmagR^ibhNAtsUrAdashvaM vasavo nirataShTa || 1\.163\.02 asi yamo asyAdityo arvannasi trito guhyena vratena | asi somena samayA vipR^ikta Ahuste trINi divi bandhanAni || 1\.163\.03 trINi ta Ahurdivi bandhanAni trINyapsu trINyantaH samudre | uteva me varuNashChantsyarvanyatrA ta AhuH paramaM janitram || 1\.163\.04 imA te vAjinnavamArjanAnImA shaphAnAM saniturnidhAnA | atrA te bhadrA rashanA apashyamR^itasya yA abhirakShanti gopAH || 1\.163\.05 AtmAnaM te manasArAdajAnAmavo divA patayantaM pataMgam | shiro apashyaM pathibhiH sugebhirareNubhirjehamAnaM patatri || 1\.163\.06 atrA te rUpamuttamamapashyaM jigIShamANamiSha A pade goH | yadA te marto anu bhogamAnaLAdidgrasiShTha oShadhIrajIgaH || 1\.163\.07 anu tvA ratho anu maryo arvannanu gAvo.anu bhagaH kanInAm | anu vrAtAsastava sakhyamIyuranu devA mamire vIryaM te || 1\.163\.08 hiraNyashR^i~Ngo.ayo asya pAdA manojavA avara indra AsIt | devA idasya haviradyamAyanyo arvantaM prathamo adhyatiShThat || 1\.163\.09 IrmAntAsaH silikamadhyamAsaH saM shUraNAso divyAso atyAH | haMsA iva shreNisho yatante yadAkShiShurdivyamajmamashvAH || 1\.163\.10 tava sharIraM patayiShNvarvantava chittaM vAta iva dhrajImAn | tava shR^i~NgANi viShThitA purutrAraNyeShu jarbhurANA charanti || 1\.163\.11 upa prAgAchChasanaM vAjyarvA devadrIchA manasA dIdhyAnaH | ajaH puro nIyate nAbhirasyAnu pashchAtkavayo yanti rebhAH || 1\.163\.12 upa prAgAtparamaM yatsadhasthamarvA.N achChA pitaraM mAtaraM cha | adyA devA~njuShTatamo hi gamyA athA shAste dAshuShe vAryANi || 1\.163\.13 asya vAmasya palitasya hotustasya bhrAtA madhyamo astyashnaH | tR^itIyo bhrAtA ghR^itapR^iShTho asyAtrApashyaM vishpatiM saptaputram || 1\.164\.01 sapta yu~njanti rathamekachakrameko ashvo vahati saptanAmA | trinAbhi chakramajaramanarvaM yatremA vishvA bhuvanAdhi tasthuH || 1\.164\.02 imaM rathamadhi ye sapta tasthuH saptachakraM sapta vahantyashvAH | sapta svasAro abhi saM navante yatra gavAM nihitA sapta nAma || 1\.164\.03 ko dadarsha prathamaM jAyamAnamasthanvantaM yadanasthA bibharti | bhUmyA asurasR^igAtmA kva svitko vidvAMsamupa gAtpraShTumetat || 1\.164\.04 pAkaH pR^ichChAmi manasAvijAnandevAnAmenA nihitA padAni | vatse baShkaye.adhi sapta tantUnvi tatnire kavaya otavA u || 1\.164\.05 achikitvA~nchikituShashchidatra kavInpR^ichChAmi vidmane na vidvAn | vi yastastambha ShaLimA rajAMsyajasya rUpe kimapi svidekam || 1\.164\.06 iha bravItu ya Ima~Nga vedAsya vAmasya nihitaM padaM veH | shIrShNaH kShIraM duhrate gAvo asya vavriM vasAnA udakaM padApuH || 1\.164\.07 mAtA pitaramR^ita A babhAja dhItyagre manasA saM hi jagme | sA bIbhatsurgarbharasA nividdhA namasvanta idupavAkamIyuH || 1\.164\.08 yuktA mAtAsIddhuri dakShiNAyA atiShThadgarbho vR^ijanIShvantaH | amImedvatso anu gAmapashyadvishvarUpyaM triShu yojaneShu || 1\.164\.09 tisro mAtR^IstrInpitR^Inbibhradeka Urdhvastasthau nemava glApayanti | mantrayante divo amuShya pR^iShThe vishvavidaM vAchamavishvaminvAm || 1\.164\.10 dvAdashAraM nahi tajjarAya varvarti chakraM pari dyAmR^itasya | A putrA agne mithunAso atra sapta shatAni viMshatishcha tasthuH || 1\.164\.11 pa~nchapAdaM pitaraM dvAdashAkR^itiM diva AhuH pare ardhe purIShiNam | atheme anya upare vichakShaNaM saptachakre ShaLara Ahurarpitam || 1\.164\.12 pa~nchAre chakre parivartamAne tasminnA tasthurbhuvanAni vishvA | tasya nAkShastapyate bhUribhAraH sanAdeva na shIryate sanAbhiH || 1\.164\.13 sanemi chakramajaraM vi vAvR^ita uttAnAyAM dasha yuktA vahanti | sUryasya chakShU rajasaityAvR^itaM tasminnArpitA bhuvanAni vishvA || 1\.164\.14 sAkaMjAnAM saptathamAhurekajaM ShaLidyamA R^iShayo devajA iti | teShAmiShTAni vihitAni dhAmashaH sthAtre rejante vikR^itAni rUpashaH || 1\.164\.15 striyaH satIstA.N u me puMsa AhuH pashyadakShaNvAnna vi chetadandhaH | kaviryaH putraH sa ImA chiketa yastA vijAnAtsa pituShpitAsat || 1\.164\.16 avaH pareNa para enAvareNa padA vatsaM bibhratI gaurudasthAt | sA kadrIchI kaM svidardhaM parAgAtkva svitsUte nahi yUthe antaH || 1\.164\.17 avaH pareNa pitaraM yo asyAnuveda para enAvareNa | kavIyamAnaH ka iha pra vochaddevaM manaH kuto adhi prajAtam || 1\.164\.18 ye arvA~nchastA.N u parAcha Ahurye parA~nchastA.N u arvAcha AhuH | indrashcha yA chakrathuH soma tAni dhurA na yuktA rajaso vahanti || 1\.164\.19 dvA suparNA sayujA sakhAyA samAnaM vR^ikShaM pari ShasvajAte | tayoranyaH pippalaM svAdvattyanashnannanyo abhi chAkashIti || 1\.164\.20 yatrA suparNA amR^itasya bhAgamanimeShaM vidathAbhisvaranti | ino vishvasya bhuvanasya gopAH sa mA dhIraH pAkamatrA vivesha || 1\.164\.21 yasminvR^ikShe madhvadaH suparNA nivishante suvate chAdhi vishve | tasyedAhuH pippalaM svAdvagre tannonnashadyaH pitaraM na veda || 1\.164\.22 yadgAyatre adhi gAyatramAhitaM traiShTubhAdvA traiShTubhaM niratakShata | yadvA jagajjagatyAhitaM padaM ya ittadviduste amR^itatvamAnashuH || 1\.164\.23 gAyatreNa prati mimIte arkamarkeNa sAma traiShTubhena vAkam | vAkena vAkaM dvipadA chatuShpadAkShareNa mimate sapta vANIH || 1\.164\.24 jagatA sindhuM divyastabhAyadrathaMtare sUryaM paryapashyat | gAyatrasya samidhastisra Ahustato mahnA pra ririche mahitvA || 1\.164\.25 upa hvaye sudughAM dhenumetAM suhasto godhuguta dohadenAm | shreShThaM savaM savitA sAviShanno.abhIddho gharmastadu Shu pra vocham || 1\.164\.26 hi~NkR^iNvatI vasupatnI vasUnAM vatsamichChantI manasAbhyAgAt | duhAmashvibhyAM payo aghnyeyaM sA vardhatAM mahate saubhagAya || 1\.164\.27 gauramImedanu vatsaM miShantaM mUrdhAnaM hi~N~NakR^iNonmAtavA u | sR^ikvANaM gharmamabhi vAvashAnA mimAti mAyuM payate payobhiH || 1\.164\.28 ayaM sa shi~Nkte yena gaurabhIvR^itA mimAti mAyuM dhvasanAvadhi shritA | sA chittibhirni hi chakAra martyaM vidyudbhavantI prati vavrimauhata || 1\.164\.29 anachChaye turagAtu jIvamejaddhruvaM madhya A pastyAnAm | jIvo mR^itasya charati svadhAbhiramartyo martyenA sayoniH || 1\.164\.30 apashyaM gopAmanipadyamAnamA cha parA cha pathibhishcharantam | sa sadhrIchIH sa viShUchIrvasAna A varIvarti bhuvaneShvantaH || 1\.164\.31 ya IM chakAra na so asya veda ya IM dadarsha hiruginnu tasmAt | sa mAturyonA parivIto antarbahuprajA nirR^itimA vivesha || 1\.164\.32 dyaurme pitA janitA nAbhiratra bandhurme mAtA pR^ithivI mahIyam | uttAnayoshchamvoryonirantaratrA pitA duhiturgarbhamAdhAt || 1\.164\.33 pR^ichChAmi tvA paramantaM pR^ithivyAH pR^ichChAmi yatra bhuvanasya nAbhiH | pR^ichChAmi tvA vR^iShNo ashvasya retaH pR^ichChAmi vAchaH paramaM vyoma || 1\.164\.34 iyaM vediH paro antaH pR^ithivyA ayaM yaj~no bhuvanasya nAbhiH | ayaM somo vR^iShNo ashvasya reto brahmAyaM vAchaH paramaM vyoma || 1\.164\.35 saptArdhagarbhA bhuvanasya reto viShNostiShThanti pradishA vidharmaNi | te dhItibhirmanasA te vipashchitaH paribhuvaH pari bhavanti vishvataH || 1\.164\.36 na vi jAnAmi yadivedamasmi niNyaH saMnaddho manasA charAmi | yadA mAganprathamajA R^itasyAdidvAcho ashnuve bhAgamasyAH || 1\.164\.37 apA~NprA~Neti svadhayA gR^ibhIto.amartyo martyenA sayoniH | tA shashvantA viShUchInA viyantA nyanyaM chikyurna ni chikyuranyam || 1\.164\.38 R^icho akShare parame vyomanyasmindevA adhi vishve niSheduH | yastanna veda kimR^ichA kariShyati ya ittadvidusta ime samAsate || 1\.164\.39 sUyavasAdbhagavatI hi bhUyA atho vayaM bhagavantaH syAma | addhi tR^iNamaghnye vishvadAnIM piba shuddhamudakamAcharantI || 1\.164\.40 gaurIrmimAya salilAni takShatyekapadI dvipadI sA chatuShpadI | aShTApadI navapadI babhUvuShI sahasrAkSharA parame vyoman || 1\.164\.41 tasyAH samudrA adhi vi kSharanti tena jIvanti pradishashchatasraH | tataH kSharatyakSharaM tadvishvamupa jIvati || 1\.164\.42 shakamayaM dhUmamArAdapashyaM viShUvatA para enAvareNa | ukShANaM pR^ishnimapachanta vIrAstAni dharmANi prathamAnyAsan || 1\.164\.43 trayaH keshina R^ituthA vi chakShate saMvatsare vapata eka eShAm | vishvameko abhi chaShTe shachIbhirdhrAjirekasya dadR^ishe na rUpam || 1\.164\.44 chatvAri vAkparimitA padAni tAni vidurbrAhmaNA ye manIShiNaH | guhA trINi nihitA ne~Ngayanti turIyaM vAcho manuShyA vadanti || 1\.164\.45 indraM mitraM varuNamagnimAhuratho divyaH sa suparNo garutmAn | ekaM sadviprA bahudhA vadantyagniM yamaM mAtarishvAnamAhuH || 1\.164\.46 kR^iShNaM niyAnaM harayaH suparNA apo vasAnA divamutpatanti | ta AvavR^itransadanAdR^itasyAdidghR^itena pR^ithivI vyudyate || 1\.164\.47 dvAdasha pradhayashchakramekaM trINi nabhyAni ka u tachchiketa | tasminsAkaM trishatA na sha~Nkavo.arpitAH ShaShTirna chalAchalAsaH || 1\.164\.48 yaste stanaH shashayo yo mayobhUryena vishvA puShyasi vAryANi | yo ratnadhA vasuvidyaH sudatraH sarasvati tamiha dhAtave kaH || 1\.164\.49 yaj~nena yaj~namayajanta devAstAni dharmANi prathamAnyAsan | te ha nAkaM mahimAnaH sachanta yatra pUrve sAdhyAH santi devAH || 1\.164\.50 samAnametadudakamuchchaityava chAhabhiH | bhUmiM parjanyA jinvanti divaM jinvantyagnayaH || 1\.164\.51 divyaM suparNaM vAyasaM bR^ihantamapAM garbhaM darshatamoShadhInAm | abhIpato vR^iShTibhistarpayantaM sarasvantamavase johavImi || 1\.164\.52 kayA shubhA savayasaH sanILAH samAnyA marutaH saM mimikShuH | kayA matI kuta etAsa ete.archanti shuShmaM vR^iShaNo vasUyA || 1\.165\.01 kasya brahmANi jujuShuryuvAnaH ko adhvare maruta A vavarta | shyenA.N iva dhrajato antarikShe kena mahA manasA rIramAma || 1\.165\.02 kutastvamindra mAhinaH sanneko yAsi satpate kiM ta itthA | saM pR^ichChase samarANaH shubhAnairvochestanno harivo yatte asme || 1\.165\.03 brahmANi me matayaH shaM sutAsaH shuShma iyarti prabhR^ito me adriH | A shAsate prati haryantyukthemA harI vahatastA no achCha || 1\.165\.04 ato vayamantamebhiryujAnAH svakShatrebhistanvaH shumbhamAnAH | mahobhiretA.N upa yujmahe nvindra svadhAmanu hi no babhUtha || 1\.165\.05 kva syA vo marutaH svadhAsIdyanmAmekaM samadhattAhihatye | ahaM hyugrastaviShastuviShmAnvishvasya shatroranamaM vadhasnaiH || 1\.165\.06 bhUri chakartha yujyebhirasme samAnebhirvR^iShabha pauMsyebhiH | bhUrINi hi kR^iNavAmA shaviShThendra kratvA maruto yadvashAma || 1\.165\.07 vadhIM vR^itraM maruta indriyeNa svena bhAmena taviSho babhUvAn | ahametA manave vishvashchandrAH sugA apashchakara vajrabAhuH || 1\.165\.08 anuttamA te maghavannakirnu na tvAvA.N asti devatA vidAnaH | na jAyamAno nashate na jAto yAni kariShyA kR^iNuhi pravR^iddha || 1\.165\.09 ekasya chinme vibhvastvojo yA nu dadhR^iShvAnkR^iNavai manIShA | ahaM hyugro maruto vidAno yAni chyavamindra idIsha eShAm || 1\.165\.10 amandanmA marutaH stomo atra yanme naraH shrutyaM brahma chakra | indrAya vR^iShNe sumakhAya mahyaM sakhye sakhAyastanve tanUbhiH || 1\.165\.11 evedete prati mA rochamAnA anedyaH shrava eSho dadhAnAH | saMchakShyA marutashchandravarNA achChAnta me ChadayAthA cha nUnam || 1\.165\.12 ko nvatra maruto mAmahe vaH pra yAtana sakhI.NrachChA sakhAyaH | manmAni chitrA apivAtayanta eShAM bhUta navedA ma R^itAnAm || 1\.165\.13 A yadduvasyAdduvase na kArurasmA~nchakre mAnyasya medhA | o Shu vartta maruto vipramachChemA brahmANi jaritA vo archat || 1\.165\.14 eSha vaH stomo maruta iyaM gIrmAndAryasya mAnyasya kAroH | eShA yAsIShTa tanve vayAM vidyAmeShaM vR^ijanaM jIradAnum || 1\.165\.15 tannu vochAma rabhasAya janmane pUrvaM mahitvaM vR^iShabhasya ketave | aidheva yAmanmarutastuviShvaNo yudheva shakrAstaviShANi kartana || 1\.166\.01 nityaM na sUnuM madhu bibhrata upa krILanti krILA vidatheShu ghR^iShvayaH | nakShanti rudrA avasA namasvinaM na mardhanti svatavaso haviShkR^itam || 1\.166\.02 yasmA UmAso amR^itA arAsata rAyaspoShaM cha haviShA dadAshuShe | ukShantyasmai maruto hitA iva purU rajAMsi payasA mayobhuvaH || 1\.166\.03 A ye rajAMsi taviShIbhiravyata pra va evAsaH svayatAso adhrajan | bhayante vishvA bhuvanAni harmyA chitro vo yAmaH prayatAsvR^iShTiShu || 1\.166\.04 yattveShayAmA nadayanta parvatAndivo vA pR^iShThaM naryA achuchyavuH | vishvo vo ajmanbhayate vanaspatI rathIyantIva pra jihIta oShadhiH || 1\.166\.05 yUyaM na ugrA marutaH suchetunAriShTagrAmAH sumatiM pipartana | yatrA vo didyudradati krivirdatI riNAti pashvaH sudhiteva barhaNA || 1\.166\.06 pra skambhadeShNA anavabhrarAdhaso.alAtR^iNAso vidatheShu suShTutAH | archantyarkaM madirasya pItaye vidurvIrasya prathamAni pauMsyA || 1\.166\.07 shatabhujibhistamabhihruteraghAtpUrbhI rakShatA maruto yamAvata | janaM yamugrAstavaso virapshinaH pAthanA shaMsAttanayasya puShTiShu || 1\.166\.08 vishvAni bhadrA maruto ratheShu vo mithaspR^idhyeva taviShANyAhitA | aMseShvA vaH prapatheShu khAdayo.akSho vashchakrA samayA vi vAvR^ite || 1\.166\.09 bhUrINi bhadrA naryeShu bAhuShu vakShassu rukmA rabhasAso a~njayaH | aMseShvetAH paviShu kShurA adhi vayo na pakShAnvyanu shriyo dhire || 1\.166\.10 mahAnto mahnA vibhvo vibhUtayo dUredR^isho ye divyA iva stR^ibhiH | mandrAH sujihvAH svaritAra AsabhiH sammishlA indre marutaH pariShTubhaH || 1\.166\.11 tadvaH sujAtA maruto mahitvanaM dIrghaM vo dAtramaditeriva vratam | indrashchana tyajasA vi hruNAti tajjanAya yasmai sukR^ite arAdhvam || 1\.166\.12 tadvo jAmitvaM marutaH pare yuge purU yachChaMsamamR^itAsa Avata | ayA dhiyA manave shruShTimAvyA sAkaM naro daMsanairA chikitrire || 1\.166\.13 yena dIrghaM marutaH shUshavAma yuShmAkena parINasA turAsaH | A yattatananvR^ijane janAsa ebhiryaj~nebhistadabhIShTimashyAm || 1\.166\.14 eSha vaH stomo maruta iyaM gIrmAndAryasya mAnyasya kAroH | eShA yAsIShTa tanve vayAM vidyAmeShaM vR^ijanaM jIradAnum || 1\.166\.15 sahasraM ta indrotayo naH sahasramiSho harivo gUrtatamAH | sahasraM rAyo mAdayadhyai sahasriNa upa no yantu vAjAH || 1\.167\.01 A no.avobhirmaruto yAntvachChA jyeShThebhirvA bR^ihaddivaiH sumAyAH | adha yadeShAM niyutaH paramAH samudrasya chiddhanayanta pAre || 1\.167\.02 mimyakSha yeShu sudhitA ghR^itAchI hiraNyanirNiguparA na R^iShTiH | guhA charantI manuSho na yoShA sabhAvatI vidathyeva saM vAk || 1\.167\.03 parA shubhrA ayAso yavyA sAdhAraNyeva maruto mimikShuH | na rodasI apa nudanta ghorA juShanta vR^idhaM sakhyAya devAH || 1\.167\.04 joShadyadImasuryA sachadhyai viShitastukA rodasI nR^imaNAH | A sUryeva vidhato rathaM gAttveShapratIkA nabhaso netyA || 1\.167\.05 AsthApayanta yuvatiM yuvAnaH shubhe nimishlAM vidatheShu pajrAm | arko yadvo maruto haviShmAngAyadgAthaM sutasomo duvasyan || 1\.167\.06 pra taM vivakmi vakmyo ya eShAM marutAM mahimA satyo asti | sachA yadIM vR^iShamaNA ahaMyuH sthirA chijjanIrvahate subhAgAH || 1\.167\.07 pAnti mitrAvaruNAvavadyAchchayata Imaryamo aprashastAn | uta chyavante achyutA dhruvANi vAvR^idha IM maruto dAtivAraH || 1\.167\.08 nahI nu vo maruto antyasme ArAttAchchichChavaso antamApuH | te dhR^iShNunA shavasA shUshuvAMso.arNo na dveSho dhR^iShatA pari ShThuH || 1\.167\.09 vayamadyendrasya preShThA vayaM shvo vochemahi samarye | vayaM purA mahi cha no anu dyUntanna R^ibhukShA narAmanu ShyAt || 1\.167\.10 eSha vaH stomo maruta iyaM gIrmAndAryasya mAnyasya kAroH | eShA yAsIShTa tanve vayAM vidyAmeShaM vR^ijanaM jIradAnum || 1\.167\.11 yaj~nAyaj~nA vaH samanA tuturvaNirdhiyaMdhiyaM vo devayA u dadhidhve | A vo.arvAchaH suvitAya rodasyormahe vavR^ityAmavase suvR^iktibhiH || 1\.168\.01 vavrAso na ye svajAH svatavasa iShaM svarabhijAyanta dhUtayaH | sahasriyAso apAM normaya AsA gAvo vandyAso nokShaNaH || 1\.168\.02 somAso na ye sutAstR^iptAMshavo hR^itsu pItAso duvaso nAsate | aiShAmaMseShu rambhiNIva rArabhe hasteShu khAdishcha kR^itishcha saM dadhe || 1\.168\.03 ava svayuktA diva A vR^ithA yayuramartyAH kashayA chodata tmanA | areNavastuvijAtA achuchyavurdR^iLhAni chinmaruto bhrAjadR^iShTayaH || 1\.168\.04 ko vo.antarmaruta R^iShTividyuto rejati tmanA hanveva jihvayA | dhanvachyuta iShAM na yAmani purupraiShA ahanyo naitashaH || 1\.168\.05 kva svidasya rajaso mahasparaM kvAvaraM maruto yasminnAyaya | yachchyAvayatha vithureva saMhitaM vyadriNA patatha tveShamarNavam || 1\.168\.06 sAtirna vo.amavatI svarvatI tveShA vipAkA marutaH pipiShvatI | bhadrA vo rAtiH pR^iNato na dakShiNA pR^ithujrayI asuryeva ja~njatI || 1\.168\.07 prati ShTobhanti sindhavaH pavibhyo yadabhriyAM vAchamudIrayanti | ava smayanta vidyutaH pR^ithivyAM yadI ghR^itaM marutaH pruShNuvanti || 1\.168\.08 asUta pR^ishnirmahate raNAya tveShamayAsAM marutAmanIkam | te sapsarAso.ajanayantAbhvamAditsvadhAmiShirAM paryapashyan || 1\.168\.09 eSha vaH stomo maruta iyaM gIrmAndAryasya mAnyasya kAroH | eShA yAsIShTa tanve vayAM vidyAmeShaM vR^ijanaM jIradAnum || 1\.168\.10 mahashchittvamindra yata etAnmahashchidasi tyajaso varUtA | sa no vedho marutAM chikitvAnsumnA vanuShva tava hi preShThA || 1\.169\.01 ayujranta indra vishvakR^iShTIrvidAnAso niShShidho martyatrA | marutAM pR^itsutirhAsamAnA svarmILhasya pradhanasya sAtau || 1\.169\.02 amyaksA ta indra R^iShTirasme sanemyabhvaM maruto junanti | agnishchiddhi ShmAtase shushukvAnApo na dvIpaM dadhati prayAMsi || 1\.169\.03 tvaM tU na indra taM rayiM dA ojiShThayA dakShiNayeva rAtim | stutashcha yAste chakananta vAyoH stanaM na madhvaH pIpayanta vAjaiH || 1\.169\.04 tve rAya indra toshatamAH praNetAraH kasya chidR^itAyoH | te Shu No maruto mR^iLayantu ye smA purA gAtUyantIva devAH || 1\.169\.05 prati pra yAhIndra mILhuSho nR^InmahaH pArthive sadane yatasva | adha yadeShAM pR^ithubudhnAsa etAstIrthe nAryaH pauMsyAni tasthuH || 1\.169\.06 prati ghorANAmetAnAmayAsAM marutAM shR^iNva AyatAmupabdiH | ye martyaM pR^itanAyantamUmairR^iNAvAnaM na patayanta sargaiH || 1\.169\.07 tvaM mAnebhya indra vishvajanyA radA marudbhiH shurudho go/agrAH | stavAnebhiH stavase deva devairvidyAmeShaM vR^ijanaM jIradAnum || 1\.169\.08 na nUnamasti no shvaH kastadveda yadadbhutam | anyasya chittamabhi saMchareNyamutAdhItaM vi nashyati || 1\.170\.01 kiM na indra jighAMsasi bhrAtaro marutastava | tebhiH kalpasva sAdhuyA mA naH samaraNe vadhIH || 1\.170\.02 kiM no bhrAtaragastya sakhA sannati manyase | vidmA hi te yathA mano.asmabhyaminna ditsasi || 1\.170\.03 araM kR^iNvantu vediM samagnimindhatAM puraH | tatrAmR^itasya chetanaM yaj~naM te tanavAvahai || 1\.170\.04 tvamIshiShe vasupate vasUnAM tvaM mitrANAM mitrapate dheShThaH | indra tvaM marudbhiH saM vadasvAdha prAshAna R^ituthA havIMShi || 1\.170\.05 prati va enA namasAhamemi sUktena bhikShe sumatiM turANAm | rarANatA maruto vedyAbhirni heLo dhatta vi muchadhvamashvAn || 1\.171\.01 eSha vaH stomo maruto namasvAnhR^idA taShTo manasA dhAyi devAH | upemA yAta manasA juShANA yUyaM hi ShThA namasa idvR^idhAsaH || 1\.171\.02 stutAso no maruto mR^iLayantUta stuto maghavA shambhaviShThaH | UrdhvA naH santu komyA vanAnyahAni vishvA maruto jigIShA || 1\.171\.03 asmAdahaM taviShAdIShamANa indrAdbhiyA maruto rejamAnaH | yuShmabhyaM havyA nishitAnyAsantAnyAre chakR^imA mR^iLatA naH || 1\.171\.04 yena mAnAsashchitayanta usrA vyuShTiShu shavasA shashvatInAm | sa no marudbhirvR^iShabha shravo dhA ugra ugrebhiH sthaviraH sahodAH || 1\.171\.05 tvaM pAhIndra sahIyaso nR^InbhavA marudbhiravayAtaheLAH | supraketebhiH sAsahirdadhAno vidyAmeShaM vR^ijanaM jIradAnum || 1\.171\.06 chitro vo.astu yAmashchitra UtI sudAnavaH | maruto ahibhAnavaH || 1\.172\.01 Are sA vaH sudAnavo maruta R^i~njatI sharuH | Are ashmA yamasyatha || 1\.172\.02 tR^iNaskandasya nu vishaH pari vR^i~Nkta sudAnavaH | UrdhvAnnaH karta jIvase || 1\.172\.03 gAyatsAma nabhanyaM yathA verarchAma tadvAvR^idhAnaM svarvat | gAvo dhenavo barhiShyadabdhA A yatsadmAnaM divyaM vivAsAn || 1\.173\.01 archadvR^iShA vR^iShabhiH sveduhavyairmR^igo nAshno ati yajjuguryAt | pra mandayurmanAM gUrta hotA bharate maryo mithunA yajatraH || 1\.173\.02 nakShaddhotA pari sadma mitA yanbharadgarbhamA sharadaH pR^ithivyAH | krandadashvo nayamAno ruvadgaurantardUto na rodasI charadvAk || 1\.173\.03 tA karmAShatarAsmai pra chyautnAni devayanto bharante | jujoShadindro dasmavarchA nAsatyeva sugmyo ratheShThAH || 1\.173\.04 tamu ShTuhIndraM yo ha satvA yaH shUro maghavA yo ratheShThAH | pratIchashchidyodhIyAnvR^iShaNvAnvavavruShashchittamaso vihantA || 1\.173\.05 pra yaditthA mahinA nR^ibhyo astyaraM rodasI kakShye nAsmai | saM vivya indro vR^ijanaM na bhUmA bharti svadhAvA.N opashamiva dyAm || 1\.173\.06 samatsu tvA shUra satAmurANaM prapathintamaM paritaMsayadhyai | sajoShasa indraM made kShoNIH sUriM chidye anumadanti vAjaiH || 1\.173\.07 evA hi te shaM savanA samudra Apo yatta Asu madanti devIH | vishvA te anu joShyA bhUdgauH sUrI.Nshchidyadi dhiShA veShi janAn || 1\.173\.08 asAma yathA suShakhAya ena svabhiShTayo narAM na shaMsaiH | asadyathA na indro vandaneShThAsturo na karma nayamAna ukthA || 1\.173\.09 viShpardhaso narAM na shaMsairasmAkAsadindro vajrahastaH | mitrAyuvo na pUrpatiM sushiShTau madhyAyuva upa shikShanti yaj~naiH || 1\.173\.10 yaj~no hi ShmendraM kashchidR^indha~njuhurANashchinmanasA pariyan | tIrthe nAchChA tAtR^iShANamoko dIrgho na sidhramA kR^iNotyadhvA || 1\.173\.11 mo ShU Na indrAtra pR^itsu devairasti hi ShmA te shuShminnavayAH | mahashchidyasya mILhuSho yavyA haviShmato maruto vandate gIH || 1\.173\.12 eSha stoma indra tubhyamasme etena gAtuM harivo vido naH | A no vavR^ityAH suvitAya deva vidyAmeShaM vR^ijanaM jIradAnum || 1\.173\.13 tvaM rAjendra ye cha devA rakShA nR^InpAhyasura tvamasmAn | tvaM satpatirmaghavA nastarutrastvaM satyo vasavAnaH sahodAH || 1\.174\.01 dano visha indra mR^idhravAchaH sapta yatpuraH sharma shAradIrdart | R^iNorapo anavadyArNA yUne vR^itraM purukutsAya randhIH || 1\.174\.02 ajA vR^ita indra shUrapatnIrdyAM cha yebhiH puruhUta nUnam | rakSho agnimashuShaM tUrvayANaM siMho na dame apAMsi vastoH || 1\.174\.03 sheShannu ta indra sasminyonau prashastaye pavIravasya mahnA | sR^ijadarNAMsyava yadyudhA gAstiShThaddharI dhR^iShatA mR^iShTa vAjAn || 1\.174\.04 vaha kutsamindra yasmi~nchAkansyUmanyU R^ijrA vAtasyAshvA | pra sUrashchakraM vR^ihatAdabhIke.abhi spR^idho yAsiShadvajrabAhuH || 1\.174\.05 jaghanvA.N indra mitrerU~nchodapravR^iddho harivo adAshUn | pra ye pashyannaryamaNaM sachAyostvayA shUrtA vahamAnA apatyam || 1\.174\.06 rapatkavirindrArkasAtau kShAM dAsAyopabarhaNIM kaH | karattisro maghavA dAnuchitrA ni duryoNe kuyavAchaM mR^idhi shret || 1\.174\.07 sanA tA ta indra navyA AguH saho nabho.aviraNAya pUrvIH | bhinatpuro na bhido adevIrnanamo vadharadevasya pIyoH || 1\.174\.08 tvaM dhunirindra dhunimatIrR^iNorapaH sIrA na sravantIH | pra yatsamudramati shUra parShi pArayA turvashaM yaduM svasti || 1\.174\.09 tvamasmAkamindra vishvadha syA avR^ikatamo narAM nR^ipAtA | sa no vishvAsAM spR^idhAM sahodA vidyAmeShaM vR^ijanaM jIradAnum || 1\.174\.10 matsyapAyi te mahaH pAtrasyeva harivo matsaro madaH | vR^iShA te vR^iShNa indurvAjI sahasrasAtamaH || 1\.175\.01 A naste gantu matsaro vR^iShA mado vareNyaH | sahAvA.N indra sAnasiH pR^itanAShALamartyaH || 1\.175\.02 tvaM hi shUraH sanitA chodayo manuSho ratham | sahAvAndasyumavratamoShaH pAtraM na shochiShA || 1\.175\.03 muShAya sUryaM kave chakramIshAna ojasA | vaha shuShNAya vadhaM kutsaM vAtasyAshvaiH || 1\.175\.04 shuShmintamo hi te mado dyumnintama uta kratuH | vR^itraghnA varivovidA maMsIShThA ashvasAtamaH || 1\.175\.05 yathA pUrvebhyo jaritR^ibhya indra maya ivApo na tR^iShyate babhUtha | tAmanu tvA nividaM johavImi vidyAmeShaM vR^ijanaM jIradAnum || 1\.175\.06 matsi no vasya{}iShTaya indramindo vR^iShA visha | R^ighAyamANa invasi shatrumanti na vindasi || 1\.176\.01 tasminnA veshayA giro ya ekashcharShaNInAm | anu svadhA yamupyate yavaM na charkR^iShadvR^iShA || 1\.176\.02 yasya vishvAni hastayoH pa~ncha kShitInAM vasu | spAshayasva yo asmadhrugdivyevAshanirjahi || 1\.176\.03 asunvantaM samaM jahi dUNAshaM yo na te mayaH | asmabhyamasya vedanaM daddhi sUrishchidohate || 1\.176\.04 Avo yasya dvibarhaso.arkeShu sAnuShagasat | AjAvindrasyendo prAvo vAjeShu vAjinam || 1\.176\.05 yathA pUrvebhyo jaritR^ibhya indra maya ivApo na tR^iShyate babhUtha | tAmanu tvA nividaM johavImi vidyAmeShaM vR^ijanaM jIradAnum || 1\.176\.06 A charShaNiprA vR^iShabho janAnAM rAjA kR^iShTInAM puruhUta indraH | stutaH shravasyannavasopa madrigyuktvA harI vR^iShaNA yAhyarvA~N || 1\.177\.01 ye te vR^iShaNo vR^iShabhAsa indra brahmayujo vR^iSharathAso atyAH | tA.N A tiShTha tebhirA yAhyarvA~NhavAmahe tvA suta indra some || 1\.177\.02 A tiShTha rathaM vR^iShaNaM vR^iShA te sutaH somaH pariShiktA madhUni | yuktvA vR^iShabhyAM vR^iShabha kShitInAM haribhyAM yAhi pravatopa madrik || 1\.177\.03 ayaM yaj~no devayA ayaM miyedha imA brahmANyayamindra somaH | stIrNaM barhirA tu shakra pra yAhi pibA niShadya vi muchA harI iha || 1\.177\.04 o suShTuta indra yAhyarvA~Nupa brahmANi mAnyasya kAroH | vidyAma vastoravasA gR^iNanto vidyAmeShaM vR^ijanaM jIradAnum || 1\.177\.05 yaddha syA ta indra shruShTirasti yayA babhUtha jaritR^ibhya UtI | mA naH kAmaM mahayantamA dhagvishvA te ashyAM paryApa AyoH || 1\.178\.01 na ghA rAjendra A dabhanno yA nu svasArA kR^iNavanta yonau | Apashchidasmai sutukA aveShangamanna indraH sakhyA vayashcha || 1\.178\.02 jetA nR^ibhirindraH pR^itsu shUraH shrotA havaM nAdhamAnasya kAroH | prabhartA rathaM dAshuSha upAka udyantA giro yadi cha tmanA bhUt || 1\.178\.03 evA nR^ibhirindraH sushravasyA prakhAdaH pR^ikSho abhi mitriNo bhUt | samarya iShaH stavate vivAchi satrAkaro yajamAnasya shaMsaH || 1\.178\.04 tvayA vayaM maghavannindra shatrUnabhi ShyAma mahato manyamAnAn | tvaM trAtA tvamu no vR^idhe bhUrvidyAmeShaM vR^ijanaM jIradAnum || 1\.178\.05 pUrvIrahaM sharadaH shashramANA doShA vastoruShaso jarayantIH | minAti shriyaM jarimA tanUnAmapyU nu patnIrvR^iShaNo jagamyuH || 1\.179\.01 ye chiddhi pUrva R^itasApa AsansAkaM devebhiravadannR^itAni | te chidavAsurnahyantamApuH samU nu patnIrvR^iShabhirjagamyuH || 1\.179\.02 na mR^iShA shrAntaM yadavanti devA vishvA itspR^idho abhyashnavAva | jayAvedatra shatanIthamAjiM yatsamya~nchA mithunAvabhyajAva || 1\.179\.03 nadasya mA rudhataH kAma Agannita AjAto amutaH kutashchit | lopAmudrA vR^iShaNaM nI riNAti dhIramadhIrA dhayati shvasantam || 1\.179\.04 imaM nu somamantito hR^itsu pItamupa bruve | yatsImAgashchakR^imA tatsu mR^iLatu pulukAmo hi martyaH || 1\.179\.05 agastyaH khanamAnaH khanitraiH prajAmapatyaM balamichChamAnaH | ubhau varNAvR^iShirugraH pupoSha satyA deveShvAshiSho jagAma || 1\.179\.06 yuvo rajAMsi suyamAso ashvA ratho yadvAM paryarNAMsi dIyat | hiraNyayA vAM pavayaH pruShAyanmadhvaH pibantA uShasaH sachethe || 1\.180\.01 yuvamatyasyAva nakShatho yadvipatmano naryasya prayajyoH | svasA yadvAM vishvagUrtI bharAti vAjAyeTTe madhupAviShe cha || 1\.180\.02 yuvaM paya usriyAyAmadhattaM pakvamAmAyAmava pUrvyaM goH | antaryadvanino vAmR^itapsU hvAro na shuchiryajate haviShmAn || 1\.180\.03 yuvaM ha gharmaM madhumantamatraye.apo na kShodo.avR^iNItameShe | tadvAM narAvashvinA pashva{}iShTI rathyeva chakrA prati yanti madhvaH || 1\.180\.04 A vAM dAnAya vavR^itIya dasrA goroheNa taugryo na jivriH | apaH kShoNI sachate mAhinA vAM jUrNo vAmakShuraMhaso yajatrA || 1\.180\.05 ni yadyuvethe niyutaH sudAnU upa svadhAbhiH sR^ijathaH puraMdhim | preShadveShadvAto na sUrirA mahe dade suvrato na vAjam || 1\.180\.06 vayaM chiddhi vAM jaritAraH satyA vipanyAmahe vi paNirhitAvAn | adhA chiddhi ShmAshvinAvanindyA pAtho hi ShmA vR^iShaNAvantidevam || 1\.180\.07 yuvAM chiddhi ShmAshvinAvanu dyUnvirudrasya prasravaNasya sAtau | agastyo narAM nR^iShu prashastaH kArAdhunIva chitayatsahasraiH || 1\.180\.08 pra yadvahethe mahinA rathasya pra syandrA yAtho manuSho na hotA | dhattaM sUribhya uta vA svashvyaM nAsatyA rayiShAchaH syAma || 1\.180\.09 taM vAM rathaM vayamadyA huvema stomairashvinA suvitAya navyam | ariShTanemiM pari dyAmiyAnaM vidyAmeShaM vR^ijanaM jIradAnum || 1\.180\.10 kadu preShTAviShAM rayINAmadhvaryantA yadunninItho apAm | ayaM vAM yaj~no akR^ita prashastiM vasudhitI avitArA janAnAm || 1\.181\.01 A vAmashvAsaH shuchayaH payaspA vAtaraMhaso divyAso atyAH | manojuvo vR^iShaNo vItapR^iShThA eha svarAjo ashvinA vahantu || 1\.181\.02 A vAM ratho.avanirna pravatvAnsR^ipravandhuraH suvitAya gamyAH | vR^iShNaH sthAtArA manaso javIyAnahampUrvo yajato dhiShNyA yaH || 1\.181\.03 iheha jAtA samavAvashItAmarepasA tanvA nAmabhiH svaiH | jiShNurvAmanyaH sumakhasya sUrirdivo anyaH subhagaH putra Uhe || 1\.181\.04 pra vAM nicheruH kakuho vashA.N anu pisha~NgarUpaH sadanAni gamyAH | harI anyasya pIpayanta vAjairmathrA rajAMsyashvinA vi ghoShaiH || 1\.181\.05 pra vAM sharadvAnvR^iShabho na niShShAT pUrvIriShashcharati madhva iShNan | evairanyasya pIpayanta vAjairveShantIrUrdhvA nadyo na AguH || 1\.181\.06 asarji vAM sthavirA vedhasA gIrbALhe ashvinA tredhA kSharantI | upastutAvavataM nAdhamAnaM yAmannayAma~nChR^iNutaM havaM me || 1\.181\.07 uta syA vAM rushato vapsaso gIstribarhiShi sadasi pinvate nR^In | vR^iShA vAM megho vR^iShaNA pIpAya gorna seke manuSho dashasyan || 1\.181\.08 yuvAM pUShevAshvinA puraMdhiragnimuShAM na jarate haviShmAn | huve yadvAM varivasyA gR^iNAno vidyAmeShaM vR^ijanaM jIradAnum || 1\.181\.09 abhUdidaM vayunamo Shu bhUShatA ratho vR^iShaNvAnmadatA manIShiNaH | dhiyaMjinvA dhiShNyA vishpalAvasU divo napAtA sukR^ite shuchivratA || 1\.182\.01 indratamA hi dhiShNyA maruttamA dasrA daMsiShThA rathyA rathItamA | pUrNaM rathaM vahethe madhva AchitaM tena dAshvAMsamupa yAtho ashvinA || 1\.182\.02 kimatra dasrA kR^iNuthaH kimAsAthe jano yaH kashchidahavirmahIyate | ati kramiShTaM jurataM paNerasuM jyotirviprAya kR^iNutaM vachasyave || 1\.182\.03 jambhayatamabhito rAyataH shuno hataM mR^idho vidathustAnyashvinA | vAchaMvAchaM jaritU ratninIM kR^itamubhA shaMsaM nAsatyAvataM mama || 1\.182\.04 yuvametaM chakrathuH sindhuShu plavamAtmanvantaM pakShiNaM taugryAya kam | yena devatrA manasA nirUhathuH supaptanI petathuH kShodaso mahaH || 1\.182\.05 avaviddhaM taugryamapsvantaranArambhaNe tamasi praviddham | chatasro nAvo jaThalasya juShTA udashvibhyAmiShitAH pArayanti || 1\.182\.06 kaH svidvR^ikSho niShThito madhye arNaso yaM taugryo nAdhitaH paryaShasvajat | parNA mR^igasya patarorivArabha udashvinA UhathuH shromatAya kam || 1\.182\.07 tadvAM narA nAsatyAvanu ShyAdyadvAM mAnAsa uchathamavochan | asmAdadya sadasaH somyAdA vidyAmeShaM vR^ijanaM jIradAnum || 1\.182\.08 taM yu~njAthAM manaso yo javIyAntrivandhuro vR^iShaNA yastrichakraH | yenopayAthaH sukR^ito duroNaM tridhAtunA patatho virna parNaiH || 1\.183\.01 suvR^idratho vartate yannabhi kShAM yattiShThathaH kratumantAnu pR^ikShe | vapurvapuShyA sachatAmiyaM gIrdivo duhitroShasA sachethe || 1\.183\.02 A tiShThataM suvR^itaM yo ratho vAmanu vratAni vartate haviShmAn | yena narA nAsatyeShayadhyai vartiryAthastanayAya tmane cha || 1\.183\.03 mA vAM vR^iko mA vR^ikIrA dadharShInmA pari varktamuta mAti dhaktam | ayaM vAM bhAgo nihita iyaM gIrdasrAvime vAM nidhayo madhUnAm || 1\.183\.04 yuvAM gotamaH purumILho atrirdasrA havate.avase haviShmAn | dishaM na diShTAmR^ijUyeva yantA me havaM nAsatyopa yAtam || 1\.183\.05 atAriShma tamasaspAramasya prati vAM stomo ashvinAvadhAyi | eha yAtaM pathibhirdevayAnairvidyAmeShaM vR^ijanaM jIradAnum || 1\.183\.06 tA vAmadya tAvaparaM huvemochChantyAmuShasi vahnirukthaiH | nAsatyA kuha chitsantAvaryo divo napAtA sudAstarAya || 1\.184\.01 asme U Shu vR^iShaNA mAdayethAmutpaNI.NrhatamUrmyA madantA | shrutaM me achChoktibhirmatInAmeShTA narA nichetArA cha karNaiH || 1\.184\.02 shriye pUShanniShukR^iteva devA nAsatyA vahatuM sUryAyAH | vachyante vAM kakuhA apsu jAtA yugA jUrNeva varuNasya bhUreH || 1\.184\.03 asme sA vAM mAdhvI rAtirastu stomaM hinotaM mAnyasya kAroH | anu yadvAM shravasyA sudAnU suvIryAya charShaNayo madanti || 1\.184\.04 eSha vAM stomo ashvinAvakAri mAnebhirmaghavAnA suvR^ikti | yAtaM vartistanayAya tmane chAgastye nAsatyA madantA || 1\.184\.05 atAriShma tamasaspAramasya prati vAM stomo ashvinAvadhAyi | eha yAtaM pathibhirdevayAnairvidyAmeShaM vR^ijanaM jIradAnum || 1\.184\.06 katarA pUrvA katarAparAyoH kathA jAte kavayaH ko vi veda | vishvaM tmanA bibhR^ito yaddha nAma vi vartete ahanI chakriyeva || 1\.185\.01 bhUriM dve acharantI charantaM padvantaM garbhamapadI dadhAte | nityaM na sUnuM pitrorupasthe dyAvA rakShataM pR^ithivI no abhvAt || 1\.185\.02 aneho dAtramaditeranarvaM huve svarvadavadhaM namasvat | tadrodasI janayataM jaritre dyAvA rakShataM pR^ithivI no abhvAt || 1\.185\.03 atapyamAne avasAvantI anu ShyAma rodasI devaputre | ubhe devAnAmubhayebhirahnAM dyAvA rakShataM pR^ithivI no abhvAt || 1\.185\.04 saMgachChamAne yuvatI samante svasArA jAmI pitrorupasthe | abhijighrantI bhuvanasya nAbhiM dyAvA rakShataM pR^ithivI no abhvAt || 1\.185\.05 urvI sadmanI bR^ihatI R^itena huve devAnAmavasA janitrI | dadhAte ye amR^itaM supratIke dyAvA rakShataM pR^ithivI no abhvAt || 1\.185\.06 urvI pR^ithvI bahule dUre/ante upa bruve namasA yaj~ne asmin | dadhAte ye subhage supratUrtI dyAvA rakShataM pR^ithivI no abhvAt || 1\.185\.07 devAnvA yachchakR^imA kachchidAgaH sakhAyaM vA sadamijjAspatiM vA | iyaM dhIrbhUyA avayAnameShAM dyAvA rakShataM pR^ithivI no abhvAt || 1\.185\.08 ubhA shaMsA naryA mAmaviShTAmubhe mAmUtI avasA sachetAm | bhUri chidaryaH sudAstarAyeShA madanta iShayema devAH || 1\.185\.09 R^itaM dive tadavochaM pR^ithivyA abhishrAvAya prathamaM sumedhAH | pAtAmavadyAdduritAdabhIke pitA mAtA cha rakShatAmavobhiH || 1\.185\.10 idaM dyAvApR^ithivI satyamastu pitarmAtaryadihopabruve vAm | bhUtaM devAnAmavame avobhirvidyAmeShaM vR^ijanaM jIradAnum || 1\.185\.11 A na iLAbhirvidathe sushasti vishvAnaraH savitA deva etu | api yathA yuvAno matsathA no vishvaM jagadabhipitve manIShA || 1\.186\.01 A no vishva AskrA gamantu devA mitro aryamA varuNaH sajoShAH | bhuvanyathA no vishve vR^idhAsaH karansuShAhA vithuraM na shavaH || 1\.186\.02 preShThaM vo atithiM gR^iNIShe.agniM shastibhisturvaNiH sajoShAH | asadyathA no varuNaH sukIrtiriShashcha parShadarigUrtaH sUriH || 1\.186\.03 upa va eShe namasA jigIShoShAsAnaktA sudugheva dhenuH | samAne ahanvimimAno arkaM viShurUpe payasi sasminnUdhan || 1\.186\.04 uta no.ahirbudhnyo mayaskaH shishuM na pipyuShIva veti sindhuH | yena napAtamapAM junAma manojuvo vR^iShaNo yaM vahanti || 1\.186\.05 uta na IM tvaShTA gantvachChA smatsUribhirabhipitve sajoShAH | A vR^itrahendrashcharShaNiprAstuviShTamo narAM na iha gamyAH || 1\.186\.06 uta na IM matayo.ashvayogAH shishuM na gAvastaruNaM rihanti | tamIM giro janayo na patnIH surabhiShTamaM narAM nasanta || 1\.186\.07 uta na IM maruto vR^iddhasenAH smadrodasI samanasaH sadantu | pR^iShadashvAso.avanayo na rathA rishAdaso mitrayujo na devAH || 1\.186\.08 pra nu yadeShAM mahinA chikitre pra yu~njate prayujaste suvR^ikti | adha yadeShAM sudine na sharurvishvameriNaM pruShAyanta senAH || 1\.186\.09 pro ashvinAvavase kR^iNudhvaM pra pUShaNaM svatavaso hi santi | adveSho viShNurvAta R^ibhukShA achChA sumnAya vavR^itIya devAn || 1\.186\.10 iyaM sA vo asme dIdhitiryajatrA apiprANI cha sadanI cha bhUyAH | ni yA deveShu yatate vasUyurvidyAmeShaM vR^ijanaM jIradAnum || 1\.186\.11 pituM nu stoShaM maho dharmANaM taviShIm | yasya trito vyojasA vR^itraM viparvamardayat || 1\.187\.01 svAdo pito madho pito vayaM tvA vavR^imahe | asmAkamavitA bhava || 1\.187\.02 upa naH pitavA chara shivaH shivAbhirUtibhiH | mayobhuradviSheNyaH sakhA sushevo advayAH || 1\.187\.03 tava tye pito rasA rajAMsyanu viShThitAH | divi vAtA iva shritAH || 1\.187\.04 tava tye pito dadatastava svAdiShTha te pito | pra svAdmAno rasAnAM tuvigrIvA iverate || 1\.187\.05 tve pito mahAnAM devAnAM mano hitam | akAri chAru ketunA tavAhimavasAvadhIt || 1\.187\.06 yadado pito ajaganvivasva parvatAnAm | atrA chinno madho pito.araM bhakShAya gamyAH || 1\.187\.07 yadapAmoShadhInAM pariMshamArishAmahe | vAtApe pIva idbhava || 1\.187\.08 yatte soma gavAshiro yavAshiro bhajAmahe | vAtApe pIva idbhava || 1\.187\.09 karambha oShadhe bhava pIvo vR^ikka udArathiH | vAtApe pIva idbhava || 1\.187\.10 taM tvA vayaM pito vachobhirgAvo na havyA suShUdima | devebhyastvA sadhamAdamasmabhyaM tvA sadhamAdam || 1\.187\.11 samiddho adya rAjasi devo devaiH sahasrajit | dUto havyA kavirvaha || 1\.188\.01 tanUnapAdR^itaM yate madhvA yaj~naH samajyate | dadhatsahasriNIriShaH || 1\.188\.02 AjuhvAno na IDyo devA.N A vakShi yaj~niyAn | agne sahasrasA asi || 1\.188\.03 prAchInaM barhirojasA sahasravIramastR^iNan | yatrAdityA virAjatha || 1\.188\.04 virAT samrADvibhvIH prabhvIrbahvIshcha bhUyasIshcha yAH | duro ghR^itAnyakSharan || 1\.188\.05 surukme hi supeshasAdhi shriyA virAjataH | uShAsAveha sIdatAm || 1\.188\.06 prathamA hi suvAchasA hotArA daivyA kavI | yaj~naM no yakShatAmimam || 1\.188\.07 bhAratILe sarasvati yA vaH sarvA upabruve | tA nashchodayata shriye || 1\.188\.08 tvaShTA rUpANi hi prabhuH pashUnvishvAnsamAnaje | teShAM naH sphAtimA yaja || 1\.188\.09 upa tmanyA vanaspate pAtho devebhyaH sR^ija | agnirhavyAni siShvadat || 1\.188\.10 purogA agnirdevAnAM gAyatreNa samajyate | svAhAkR^itIShu rochate || 1\.188\.11 agne naya supathA rAye asmAnvishvAni deva vayunAni vidvAn | yuyodhyasmajjuhurANameno bhUyiShThAM te nama{}uktiM vidhema || 1\.189\.01 agne tvaM pArayA navyo asmAnsvastibhirati durgANi vishvA | pUshcha pR^ithvI bahulA na urvI bhavA tokAya tanayAya shaM yoH || 1\.189\.02 agne tvamasmadyuyodhyamIvA anagnitrA abhyamanta kR^iShTIH | punarasmabhyaM suvitAya deva kShAM vishvebhiramR^itebhiryajatra || 1\.189\.03 pAhi no agne pAyubhirajasrairuta priye sadana A shushukvAn | mA te bhayaM jaritAraM yaviShTha nUnaM vidanmAparaM sahasvaH || 1\.189\.04 mA no agne.ava sR^ijo aghAyAviShyave ripave duchChunAyai | mA datvate dashate mAdate no mA rIShate sahasAvanparA dAH || 1\.189\.05 vi gha tvAvA.N R^itajAta yaMsadgR^iNAno agne tanve varUtham | vishvAdririkShoruta vA ninitsorabhihrutAmasi hi deva viShpaT || 1\.189\.06 tvaM tA.N agna ubhayAnvi vidvAnveShi prapitve manuSho yajatra | abhipitve manave shAsyo bhUrmarmR^ijenya ushigbhirnAkraH || 1\.189\.07 avochAma nivachanAnyasminmAnasya sUnuH sahasAne agnau | vayaM sahasramR^iShibhiH sanema vidyAmeShaM vR^ijanaM jIradAnum || 1\.189\.08 anarvANaM vR^iShabhaM mandrajihvaM bR^ihaspatiM vardhayA navyamarkaiH | gAthAnyaH surucho yasya devA AshR^iNvanti navamAnasya martAH || 1\.190\.01 tamR^itviyA upa vAchaH sachante sargo na yo devayatAmasarji | bR^ihaspatiH sa hya~njo varAMsi vibhvAbhavatsamR^ite mAtarishvA || 1\.190\.02 upastutiM namasa udyatiM cha shlokaM yaMsatsaviteva pra bAhU | asya kratvAhanyo yo asti mR^igo na bhImo arakShasastuviShmAn || 1\.190\.03 asya shloko divIyate pR^ithivyAmatyo na yaMsadyakShabhR^idvichetAH | mR^igANAM na hetayo yanti chemA bR^ihaspaterahimAyA.N abhi dyUn || 1\.190\.04 ye tvA devosrikaM manyamAnAH pApA bhadramupajIvanti pajrAH | na dUDhye anu dadAsi vAmaM bR^ihaspate chayasa itpiyArum || 1\.190\.05 supraituH sUyavaso na panthA durniyantuH pariprIto na mitraH | anarvANo abhi ye chakShate no.apIvR^itA aporNuvanto asthuH || 1\.190\.06 saM yaM stubho.avanayo na yanti samudraM na sravato rodhachakrAH | sa vidvA.N ubhayaM chaShTe antarbR^ihaspatistara Apashcha gR^idhraH || 1\.190\.07 evA mahastuvijAtastuviShmAnbR^ihaspatirvR^iShabho dhAyi devaH | sa naH stuto vIravaddhAtu gomadvidyAmeShaM vR^ijanaM jIradAnum || 1\.190\.08 ka~Nkato na ka~Nkato.atho satInaka~NkataH | dvAviti pluShI iti nyadR^iShTA alipsata || 1\.191\.01 adR^iShTAnhantyAyatyatho hanti parAyatI | atho avaghnatI hantyatho pinaShTi piMShatI || 1\.191\.02 sharAsaH kusharAso darbhAsaH sairyA uta | mau~njA adR^iShTA vairiNAH sarve sAkaM nyalipsata || 1\.191\.03 ni gAvo goShThe asadanni mR^igAso avikShata | ni ketavo janAnAM nyadR^iShTA alipsata || 1\.191\.04 eta u tye pratyadR^ishranpradoShaM taskarA iva | adR^iShTA vishvadR^iShTAH pratibuddhA abhUtana || 1\.191\.05 dyaurvaH pitA pR^ithivI mAtA somo bhrAtAditiH svasA | adR^iShTA vishvadR^iShTAstiShThatelayatA su kam || 1\.191\.06 ye aMsyA ye a~NgyAH sUchIkA ye praka~NkatAH | adR^iShTAH kiM chaneha vaH sarve sAkaM ni jasyata || 1\.191\.07 utpurastAtsUrya eti vishvadR^iShTo adR^iShTahA | adR^iShTAnsarvA~njambhayansarvAshcha yAtudhAnyaH || 1\.191\.08 udapaptadasau sUryaH puru vishvAni jUrvan | AdityaH parvatebhyo vishvadR^iShTo adR^iShTahA || 1\.191\.09 sUrye viShamA sajAmi dR^itiM surAvato gR^ihe | so chinnu na marAti no vayaM marAmAre asya yojanaM hariShThA madhu tvA madhulA chakAra || 1\.191\.10 iyattikA shakuntikA sakA jaghAsa te viSham | so chinnu na marAti no vayaM marAmAre asya yojanaM hariShThA madhu tvA madhulA chakAra || 1\.191\.11 triH sapta viShpuli~NgakA viShasya puShyamakShan | tAshchinnu na maranti no vayaM marAmAre asya yojanaM hariShThA madhu tvA madhulA chakAra || 1\.191\.12 navAnAM navatInAM viShasya ropuShINAm | sarvAsAmagrabhaM nAmAre asya yojanaM hariShThA madhu tvA madhulA chakAra || 1\.191\.13 triH sapta mayUryaH sapta svasAro agruvaH | tAste viShaM vi jabhrira udakaM kumbhinIriva || 1\.191\.14 iyattakaH kuShumbhakastakaM bhinadmyashmanA | tato viShaM pra vAvR^ite parAchIranu saMvataH || 1\.191\.15 kuShumbhakastadabravIdgireH pravartamAnakaH | vR^ishchikasyArasaM viShamarasaM vR^ishchika te viSham || 1\.191\.16 ## Last updated July 2, 2013 Special mention : Initial processing and help by Avinash and Shashi Sathaye, Avinash Chopde, Shree Devi Kumar, Sunder Hattangadi, John Gardner. Reprocessed from Original in final form by Detlef Eichler with additional corrections. See Detlef's site http://www.detlef108.de/Rigveda.htm for other details and formats. The text is shown without accents (Anudattas, dependent Svaritas, and independent Svaritas including Kampas). Words are connected (agnimILe). Ch is doubled as in gachChati according to the rules of Rigveda-Pratishakhya. At the end of a word m is replaced by Anusvara M if the initial letter of the following word is a labial stop consonant (p, ph, b, bh, m). Visarga H before sh, Sh or s followed by a voiceless consonant has been restored. Source : The Aufrecht/van Nooten/Holland (Samhita) version of the Rigveda (http://www.people.fas.harvard.edu/~witzel/onlineRV.htm). In this text accented vowels have Udatta or 'independent Svarita' markers. Kampas are not shown. Words are separated (agnim ILe). Ch is not doubled as in gaChati. At the end of a word we find m before a following labial stop consonant (p, ph, b, bh, m). Visarga H before sh, Sh or s followed by a voiceless consonant has been dropped according to a rule of Rigveda-Pratishakhya. Send corrections to : detlefeichler@googlemail.com, sanskrit@cheerful.com The text is to be used for personal studies and research only. Any use for commercial purpose is prohibited as a `gentleman's' agreement.