|| R^igvedaH vaidikasvaravirahitaH maNDalaM 2 || tvamagne dyubhistvamAshushukShaNistvamadbhyastvamashmanaspari | tvaM vanebhyastvamoShadhIbhyastvaM nR^iNAM nR^ipate jAyase shuchiH || 2\.001\.01 tavAgne hotraM tava potramR^itviyaM tava neShTraM tvamagnidR^itAyataH | tava prashAstraM tvamadhvarIyasi brahmA chAsi gR^ihapatishcha no dame || 2\.001\.02 tvamagna indro vR^iShabhaH satAmasi tvaM viShNururugAyo namasyaH | tvaM brahmA rayividbrahmaNaspate tvaM vidhartaH sachase puraMdhyA || 2\.001\.03 tvamagne rAjA varuNo dhR^itavratastvaM mitro bhavasi dasma IDyaH | tvamaryamA satpatiryasya sambhujaM tvamaMsho vidathe deva bhAjayuH || 2\.001\.04 tvamagne tvaShTA vidhate suvIryaM tava gnAvo mitramahaH sajAtyam | tvamAshuhemA rariShe svashvyaM tvaM narAM shardho asi purUvasuH || 2\.001\.05 tvamagne rudro asuro maho divastvaM shardho mArutaM pR^ikSha IshiShe | tvaM vAtairaruNairyAsi shaMgayastvaM pUShA vidhataH pAsi nu tmanA || 2\.001\.06 tvamagne draviNodA araMkR^ite tvaM devaH savitA ratnadhA asi | tvaM bhago nR^ipate vasva IshiShe tvaM pAyurdame yaste.avidhat || 2\.001\.07 tvAmagne dama A vishpatiM vishastvAM rAjAnaM suvidatramR^i~njate | tvaM vishvAni svanIka patyase tvaM sahasrANi shatA dasha prati || 2\.001\.08 tvAmagne pitaramiShTibhirnarastvAM bhrAtrAya shamyA tanUrucham | tvaM putro bhavasi yaste.avidhattvaM sakhA sushevaH pAsyAdhR^iShaH || 2\.001\.09 tvamagna R^ibhurAke namasyastvaM vAjasya kShumato rAya IshiShe | tvaM vi bhAsyanu dakShi dAvane tvaM vishikShurasi yaj~namAtaniH || 2\.001\.10 tvamagne aditirdeva dAshuShe tvaM hotrA bhAratI vardhase girA | tvamiLA shatahimAsi dakShase tvaM vR^itrahA vasupate sarasvatI || 2\.001\.11 tvamagne subhR^ita uttamaM vayastava spArhe varNa A saMdR^ishi shriyaH | tvaM vAjaH prataraNo bR^ihannasi tvaM rayirbahulo vishvataspR^ithuH || 2\.001\.12 tvAmagna AdityAsa AsyaM tvAM jihvAM shuchayashchakrire kave | tvAM rAtiShAcho adhvareShu sashchire tve devA haviradantyAhutam || 2\.001\.13 tve agne vishve amR^itAso adruha AsA devA haviradantyAhutam | tvayA martAsaH svadanta AsutiM tvaM garbho vIrudhAM jaj~niShe shuchiH || 2\.001\.14 tvaM tAnsaM cha prati chAsi majmanAgne sujAta pra cha deva richyase | pR^ikSho yadatra mahinA vi te bhuvadanu dyAvApR^ithivI rodasI ubhe || 2\.001\.15 ye stotR^ibhyo go/agrAmashvapeshasamagne rAtimupasR^ijanti sUrayaH | asmA~ncha tA.Nshcha pra hi neShi vasya A bR^ihadvadema vidathe suvIrAH || 2\.001\.16 yaj~nena vardhata jAtavedasamagniM yajadhvaM haviShA tanA girA | samidhAnaM suprayasaM svarNaraM dyukShaM hotAraM vR^ijaneShu dhUrShadam || 2\.002\.01 abhi tvA naktIruShaso vavAshire.agne vatsaM na svasareShu dhenavaH | diva ivedaratirmAnuShA yugA kShapo bhAsi puruvAra saMyataH || 2\.002\.02 taM devA budhne rajasaH sudaMsasaM divaspR^ithivyoraratiM nyerire | rathamiva vedyaM shukrashochiShamagniM mitraM na kShitiShu prashaMsyam || 2\.002\.03 tamukShamANaM rajasi sva A dame chandramiva suruchaM hvAra A dadhuH | pR^ishnyAH pataraM chitayantamakShabhiH pAtho na pAyuM janasI ubhe anu || 2\.002\.04 sa hotA vishvaM pari bhUtvadhvaraM tamu havyairmanuSha R^i~njate girA | hirishipro vR^idhasAnAsu jarbhuraddyaurna stR^ibhishchitayadrodasI anu || 2\.002\.05 sa no revatsamidhAnaH svastaye saMdadasvAnrayimasmAsu dIdihi | A naH kR^iNuShva suvitAya rodasI agne havyA manuSho deva vItaye || 2\.002\.06 dA no agne bR^ihato dAH sahasriNo duro na vAjaM shrutyA apA vR^idhi | prAchI dyAvApR^ithivI brahmaNA kR^idhi svarNa shukramuShaso vi didyutaH || 2\.002\.07 sa idhAna uShaso rAmyA anu svarNa dIdedaruSheNa bhAnunA | hotrAbhiragnirmanuShaH svadhvaro rAjA vishAmatithishchArurAyave || 2\.002\.08 evA no agne amR^iteShu pUrvya dhIShpIpAya bR^ihaddiveShu mAnuShA | duhAnA dhenurvR^ijaneShu kArave tmanA shatinaM pururUpamiShaNi || 2\.002\.09 vayamagne arvatA vA suvIryaM brahmaNA vA chitayemA janA.N ati | asmAkaM dyumnamadhi pa~ncha kR^iShTiShUchchA svarNa shushuchIta duShTaram || 2\.002\.10 sa no bodhi sahasya prashaMsyo yasminsujAtA iShayanta sUrayaH | yamagne yaj~namupayanti vAjino nitye toke dIdivAMsaM sve dame || 2\.002\.11 ubhayAso jAtavedaH syAma te stotAro agne sUrayashcha sharmaNi | vasvo rAyaH purushchandrasya bhUyasaH prajAvataH svapatyasya shagdhi naH || 2\.002\.12 ye stotR^ibhyo go/agrAmashvapeshasamagne rAtimupasR^ijanti sUrayaH | asmA~ncha tA.Nshcha pra hi neShi vasya A bR^ihadvadema vidathe suvIrAH || 2\.002\.13 samiddho agnirnihitaH pR^ithivyAM pratya~NvishvAni bhuvanAnyasthAt | hotA pAvakaH pradivaH sumedhA devo devAnyajatvagnirarhan || 2\.003\.01 narAshaMsaH prati dhAmAnya~njantisro divaH prati mahnA svarchiH | ghR^itapruShA manasA havyamundanmUrdhanyaj~nasya samanaktu devAn || 2\.003\.02 ILito agne manasA no arhandevAnyakShi mAnuShAtpUrvo adya | sa A vaha marutAM shardho achyutamindraM naro barhiShadaM yajadhvam || 2\.003\.03 deva barhirvardhamAnaM suvIraM stIrNaM rAye subharaM vedyasyAm | ghR^itenAktaM vasavaH sIdatedaM vishve devA AdityA yaj~niyAsaH || 2\.003\.04 vi shrayantAmurviyA hUyamAnA dvAro devIH suprAyaNA namobhiH | vyachasvatIrvi prathantAmajuryA varNaM punAnA yashasaM suvIram || 2\.003\.05 sAdhvapAMsi sanatA na ukShite uShAsAnaktA vayyeva raNvite | tantuM tataM saMvayantI samIchI yaj~nasya peshaH sudughe payasvatI || 2\.003\.06 daivyA hotArA prathamA viduShTara R^iju yakShataH samR^ichA vapuShTarA | devAnyajantAvR^ituthA sama~njato nAbhA pR^ithivyA adhi sAnuShu triShu || 2\.003\.07 sarasvatI sAdhayantI dhiyaM na iLA devI bhAratI vishvatUrtiH | tisro devIH svadhayA barhiredamachChidraM pAntu sharaNaM niShadya || 2\.003\.08 pisha~NgarUpaH subharo vayodhAH shruShTI vIro jAyate devakAmaH | prajAM tvaShTA vi Shyatu nAbhimasme athA devAnAmapyetu pAthaH || 2\.003\.09 vanaspatiravasR^ijannupa sthAdagnirhaviH sUdayAti pra dhIbhiH | tridhA samaktaM nayatu prajAnandevebhyo daivyaH shamitopa havyam || 2\.003\.10 ghR^itaM mimikShe ghR^itamasya yonirghR^ite shrito ghR^itamvasya dhAma | anuShvadhamA vaha mAdayasva svAhAkR^itaM vR^iShabha vakShi havyam || 2\.003\.11 huve vaH sudyotmAnaM suvR^iktiM vishAmagnimatithiM suprayasam | mitra iva yo didhiShAyyo bhUddeva Adeve jane jAtavedAH || 2\.004\.01 imaM vidhanto apAM sadhasthe dvitAdadhurbhR^igavo vikShvAyoH | eSha vishvAnyabhyastu bhUmA devAnAmagniraratirjIrAshvaH || 2\.004\.02 agniM devAso mAnuShIShu vikShu priyaM dhuH kSheShyanto na mitram | sa dIdayadushatIrUrmyA A dakShAyyo yo dAsvate dama A || 2\.004\.03 asya raNvA svasyeva puShTiH saMdR^iShTirasya hiyAnasya dakShoH | vi yo bharibhradoShadhIShu jihvAmatyo na rathyo dodhavIti vArAn || 2\.004\.04 A yanme abhvaM vanadaH panantoshigbhyo nAmimIta varNam | sa chitreNa chikite raMsu bhAsA jujurvA.N yo muhurA yuvA bhUt || 2\.004\.05 A yo vanA tAtR^iShANo na bhAti vArNa pathA rathyeva svAnIt | kR^iShNAdhvA tapU raNvashchiketa dyauriva smayamAno nabhobhiH || 2\.004\.06 sa yo vyasthAdabhi dakShadurvIM pashurnaiti svayuragopAH | agniH shochiShmA.N atasAnyuShNankR^iShNavyathirasvadayanna bhUma || 2\.004\.07 nU te pUrvasyAvaso adhItau tR^itIye vidathe manma shaMsi | asme agne saMyadvIraM bR^ihantaM kShumantaM vAjaM svapatyaM rayiM dAH || 2\.004\.08 tvayA yathA gR^itsamadAso agne guhA vanvanta uparA.N abhi ShyuH | suvIrAso abhimAtiShAhaH smatsUribhyo gR^iNate tadvayo dhAH || 2\.004\.09 hotAjaniShTa chetanaH pitA pitR^ibhya Utaye | prayakSha~njenyaM vasu shakema vAjino yamam || 2\.005\.01 A yasminsapta rashmayastatA yaj~nasya netari | manuShvaddaivyamaShTamaM potA vishvaM tadinvati || 2\.005\.02 dadhanve vA yadImanu vochadbrahmANi veru tat | pari vishvAni kAvyA nemishchakramivAbhavat || 2\.005\.03 sAkaM hi shuchinA shuchiH prashAstA kratunAjani | vidvA.N asya vratA dhruvA vayA ivAnu rohate || 2\.005\.04 tA asya varNamAyuvo neShTuH sachanta dhenavaH | kuvittisR^ibhya A varaM svasAro yA idaM yayuH || 2\.005\.05 yadI mAturupa svasA ghR^itaM bharantyasthita | tAsAmadhvaryurAgatau yavo vR^iShTIva modate || 2\.005\.06 svaH svAya dhAyase kR^iNutAmR^itvigR^itvijam | stomaM yaj~naM chAdaraM vanemA rarimA vayam || 2\.005\.07 yathA vidvA.N araM karadvishvebhyo yajatebhyaH | ayamagne tve api yaM yaj~naM chakR^imA vayam || 2\.005\.08 imAM me agne samidhamimAmupasadaM vaneH | imA u Shu shrudhI giraH || 2\.006\.01 ayA te agne vidhemorjo napAdashvamiShTe | enA sUktena sujAta || 2\.006\.02 taM tvA gIrbhirgirvaNasaM draviNasyuM draviNodaH | saparyema saparyavaH || 2\.006\.03 sa bodhi sUrirmaghavA vasupate vasudAvan | yuyodhyasmaddveShAMsi || 2\.006\.04 sa no vR^iShTiM divaspari sa no vAjamanarvANam | sa naH sahasriNIriShaH || 2\.006\.05 ILAnAyAvasyave yaviShTha dUta no girA | yajiShTha hotarA gahi || 2\.006\.06 antarhyagna Iyase vidvA~njanmobhayA kave | dUto janyeva mitryaH || 2\.006\.07 sa vidvA.N A cha piprayo yakShi chikitva AnuShak | A chAsminsatsi barhiShi || 2\.006\.08 shreShThaM yaviShTha bhAratAgne dyumantamA bhara | vaso puruspR^ihaM rayim || 2\.007\.01 mA no arAtirIshata devasya martyasya cha | parShi tasyA uta dviShaH || 2\.007\.02 vishvA uta tvayA vayaM dhArA udanyA iva | ati gAhemahi dviShaH || 2\.007\.03 shuchiH pAvaka vandyo.agne bR^ihadvi rochase | tvaM ghR^itebhirAhutaH || 2\.007\.04 tvaM no asi bhAratAgne vashAbhirukShabhiH | aShTApadIbhirAhutaH || 2\.007\.05 drvannaH sarpirAsutiH pratno hotA vareNyaH | sahasasputro adbhutaH || 2\.007\.06 vAjayanniva nU rathAnyogA.N agnerupa stuhi | yashastamasya mILhuShaH || 2\.008\.01 yaH sunItho dadAshuShe.ajuryo jarayannarim | chArupratIka AhutaH || 2\.008\.02 ya u shriyA dameShvA doShoShasi prashasyate | yasya vrataM na mIyate || 2\.008\.03 A yaH svarNa bhAnunA chitro vibhAtyarchiShA | a~njAno ajarairabhi || 2\.008\.04 atrimanu svarAjyamagnimukthAni vAvR^idhuH | vishvA adhi shriyo dadhe || 2\.008\.05 agnerindrasya somasya devAnAmUtibhirvayam | ariShyantaH sachemahyabhi ShyAma pR^itanyataH || 2\.008\.06 ni hotA hotR^iShadane vidAnastveSho dIdivA.N asadatsudakShaH | adabdhavratapramatirvasiShThaH sahasrambharaH shuchijihvo agniH || 2\.009\.01 tvaM dUtastvamu naH paraspAstvaM vasya A vR^iShabha praNetA | agne tokasya nastane tanUnAmaprayuchChandIdyadbodhi gopAH || 2\.009\.02 vidhema te parame janmannagne vidhema stomairavare sadhasthe | yasmAdyonerudArithA yaje taM pra tve havIMShi juhure samiddhe || 2\.009\.03 agne yajasva haviShA yajIyA~nChruShTI deShNamabhi gR^iNIhi rAdhaH | tvaM hyasi rayipatI rayINAM tvaM shukrasya vachaso manotA || 2\.009\.04 ubhayaM te na kShIyate vasavyaM divedive jAyamAnasya dasma | kR^idhi kShumantaM jaritAramagne kR^idhi patiM svapatyasya rAyaH || 2\.009\.05 sainAnIkena suvidatro asme yaShTA devA.N AyajiShThaH svasti | adabdho gopA uta naH paraspA agne dyumaduta revaddidIhi || 2\.009\.06 johUtro agniH prathamaH piteveLaspade manuShA yatsamiddhaH | shriyaM vasAno amR^ito vichetA marmR^ijenyaH shravasyaH sa vAjI || 2\.010\.01 shrUyA agnishchitrabhAnurhavaM me vishvAbhirgIrbhiramR^ito vichetAH | shyAvA rathaM vahato rohitA votAruShAha chakre vibhR^itraH || 2\.010\.02 uttAnAyAmajanayansuShUtaM bhuvadagniH purupeshAsu garbhaH | shiriNAyAM chidaktunA mahobhiraparIvR^ito vasati prachetAH || 2\.010\.03 jigharmyagniM haviShA ghR^itena pratikShiyantaM bhuvanAni vishvA | pR^ithuM tirashchA vayasA bR^ihantaM vyachiShThamannai rabhasaM dR^ishAnam || 2\.010\.04 A vishvataH pratya~nchaM jigharmyarakShasA manasA tajjuSheta | maryashrIH spR^ihayadvarNo agnirnAbhimR^ishe tanvA jarbhurANaH || 2\.010\.05 j~neyA bhAgaM sahasAno vareNa tvAdUtAso manuvadvadema | anUnamagniM juhvA vachasyA madhupR^ichaM dhanasA johavImi || 2\.010\.06 shrudhI havamindra mA riShaNyaH syAma te dAvane vasUnAm | imA hi tvAmUrjo vardhayanti vasUyavaH sindhavo na kSharantaH || 2\.011\.01 sR^ijo mahIrindra yA apinvaH pariShThitA ahinA shUra pUrvIH | amartyaM chiddAsaM manyamAnamavAbhinadukthairvAvR^idhAnaH || 2\.011\.02 uktheShvinnu shUra yeShu chAkanstomeShvindra rudriyeShu cha | tubhyedetA yAsu mandasAnaH pra vAyave sisrate na shubhrAH || 2\.011\.03 shubhraM nu te shuShmaM vardhayantaH shubhraM vajraM bAhvordadhAnAH | shubhrastvamindra vAvR^idhAno asme dAsIrvishaH sUryeNa sahyAH || 2\.011\.04 guhA hitaM guhyaM gULhamapsvapIvR^itaM mAyinaM kShiyantam | uto apo dyAM tastabhvAMsamahannahiM shUra vIryeNa || 2\.011\.05 stavA nu ta indra pUrvyA mahAnyuta stavAma nUtanA kR^itAni | stavA vajraM bAhvorushantaM stavA harI sUryasya ketU || 2\.011\.06 harI nu ta indra vAjayantA ghR^itashchutaM svAramasvArShTAm | vi samanA bhUmiraprathiShTAraMsta parvatashchitsariShyan || 2\.011\.07 ni parvataH sAdyaprayuchChansaM mAtR^ibhirvAvashAno akrAn | dUre pAre vANIM vardhayanta indreShitAM dhamaniM paprathanni || 2\.011\.08 indro mahAM sindhumAshayAnaM mAyAvinaM vR^itramasphuranniH | arejetAM rodasI bhiyAne kanikradato vR^iShNo asya vajrAt || 2\.011\.09 aroravIdvR^iShNo asya vajro.amAnuShaM yanmAnuSho nijUrvAt | ni mAyino dAnavasya mAyA apAdayatpapivAnsutasya || 2\.011\.10 pibApibedindra shUra somaM mandantu tvA mandinaH sutAsaH | pR^iNantaste kukShI vardhayantvitthA sutaH paura indramAva || 2\.011\.11 tve indrApyabhUma viprA dhiyaM vanema R^itayA sapantaH | avasyavo dhImahi prashastiM sadyaste rAyo dAvane syAma || 2\.011\.12 syAma te ta indra ye ta UtI avasyava UrjaM vardhayantaH | shuShmintamaM yaM chAkanAma devAsme rayiM rAsi vIravantam || 2\.011\.13 rAsi kShayaM rAsi mitramasme rAsi shardha indra mArutaM naH | sajoShaso ye cha mandasAnAH pra vAyavaH pAntyagraNItim || 2\.011\.14 vyantvinnu yeShu mandasAnastR^ipatsomaM pAhi drahyadindra | asmAnsu pR^itsvA tarutrAvardhayo dyAM bR^ihadbhirarkaiH || 2\.011\.15 bR^ihanta innu ye te tarutrokthebhirvA sumnamAvivAsAn | stR^iNAnAso barhiH pastyAvattvotA idindra vAjamagman || 2\.011\.16 ugreShvinnu shUra mandasAnastrikadrukeShu pAhi somamindra | pradodhuvachChmashruShu prINAno yAhi haribhyAM sutasya pItim || 2\.011\.17 dhiShvA shavaH shUra yena vR^itramavAbhinaddAnumaurNavAbham | apAvR^iNorjyotirAryAya ni savyataH sAdi dasyurindra || 2\.011\.18 sanema ye ta Utibhistaranto vishvAH spR^idha AryeNa dasyUn | asmabhyaM tattvAShTraM vishvarUpamarandhayaH sAkhyasya tritAya || 2\.011\.19 asya suvAnasya mandinastritasya nyarbudaM vAvR^idhAno astaH | avartayatsUryo na chakraM bhinadvalamindro a~NgirasvAn || 2\.011\.20 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.011\.21 yo jAta eva prathamo manasvAndevo devAnkratunA paryabhUShat | yasya shuShmAdrodasI abhyasetAM nR^imNasya mahnA sa janAsa indraH || 2\.012\.01 yaH pR^ithivIM vyathamAnAmadR^iMhadyaH parvatAnprakupitA.N aramNAt | yo antarikShaM vimame varIyo yo dyAmastabhnAtsa janAsa indraH || 2\.012\.02 yo hatvAhimariNAtsapta sindhUnyo gA udAjadapadhA valasya | yo ashmanorantaragniM jajAna saMvR^iksamatsu sa janAsa indraH || 2\.012\.03 yenemA vishvA chyavanA kR^itAni yo dAsaM varNamadharaM guhAkaH | shvaghnIva yo jigIvA.NllakShamAdadaryaH puShTAni sa janAsa indraH || 2\.012\.04 yaM smA pR^ichChanti kuha seti ghoramutemAhurnaiSho astItyenam | so aryaH puShTIrvija ivA minAti shradasmai dhatta sa janAsa indraH || 2\.012\.05 yo radhrasya choditA yaH kR^ishasya yo brahmaNo nAdhamAnasya kIreH | yuktagrAvNo yo.avitA sushipraH sutasomasya sa janAsa indraH || 2\.012\.06 yasyAshvAsaH pradishi yasya gAvo yasya grAmA yasya vishve rathAsaH | yaH sUryaM ya uShasaM jajAna yo apAM netA sa janAsa indraH || 2\.012\.07 yaM krandasI saMyatI vihvayete pare.avara ubhayA amitrAH | samAnaM chidrathamAtasthivAMsA nAnA havete sa janAsa indraH || 2\.012\.08 yasmAnna R^ite vijayante janAso yaM yudhyamAnA avase havante | yo vishvasya pratimAnaM babhUva yo achyutachyutsa janAsa indraH || 2\.012\.09 yaH shashvato mahyeno dadhAnAnamanyamAnA~nCharvA jaghAna | yaH shardhate nAnudadAti shR^idhyAM yo dasyorhantA sa janAsa indraH || 2\.012\.10 yaH shambaraM parvateShu kShiyantaM chatvAriMshyAM sharadyanvavindat | ojAyamAnaM yo ahiM jaghAna dAnuM shayAnaM sa janAsa indraH || 2\.012\.11 yaH saptarashmirvR^iShabhastuviShmAnavAsR^ijatsartave sapta sindhUn | yo rauhiNamasphuradvajrabAhurdyAmArohantaM sa janAsa indraH || 2\.012\.12 dyAvA chidasmai pR^ithivI namete shuShmAchchidasya parvatA bhayante | yaH somapA nichito vajrabAhuryo vajrahastaH sa janAsa indraH || 2\.012\.13 yaH sunvantamavati yaH pachantaM yaH shaMsantaM yaH shashamAnamUtI | yasya brahma vardhanaM yasya somo yasyedaM rAdhaH sa janAsa indraH || 2\.012\.14 yaH sunvate pachate dudhra A chidvAjaM dardarShi sa kilAsi satyaH | vayaM ta indra vishvaha priyAsaH suvIrAso vidathamA vadema || 2\.012\.15 R^iturjanitrI tasyA apaspari makShU jAta AvishadyAsu vardhate | tadAhanA abhavatpipyuShI payoM.ashoH pIyUShaM prathamaM tadukthyam || 2\.013\.01 sadhrImA yanti pari bibhratIH payo vishvapsnyAya pra bharanta bhojanam | samAno adhvA pravatAmanuShyade yastAkR^iNoH prathamaM sAsyukthyaH || 2\.013\.02 anveko vadati yaddadAti tadrUpA minantadapA eka Iyate | vishvA ekasya vinudastitikShate yastAkR^iNoH prathamaM sAsyukthyaH || 2\.013\.03 prajAbhyaH puShTiM vibhajanta Asate rayimiva pR^iShThaM prabhavantamAyate | asinvandaMShTraiH pituratti bhojanaM yastAkR^iNoH prathamaM sAsyukthyaH || 2\.013\.04 adhAkR^iNoH pR^ithivIM saMdR^ishe dive yo dhautInAmahihannAriNakpathaH | taM tvA stomebhirudabhirna vAjinaM devaM devA ajanansAsyukthyaH || 2\.013\.05 yo bhojanaM cha dayase cha vardhanamArdrAdA shuShkaM madhumaddudohitha | sa shevadhiM ni dadhiShe vivasvati vishvasyaika IshiShe sAsyukthyaH || 2\.013\.06 yaH puShpiNIshcha prasvashcha dharmaNAdhi dAne vyavanIradhArayaH | yashchAsamA ajano didyuto diva ururUrvA.N abhitaH sAsyukthyaH || 2\.013\.07 yo nArmaraM sahavasuM nihantave pR^ikShAya cha dAsaveshAya chAvahaH | UrjayantyA apariviShTamAsyamutaivAdya purukR^itsAsyukthyaH || 2\.013\.08 shataM vA yasya dasha sAkamAdya ekasya shruShTau yaddha chodamAvitha | arajjau dasyUnsamunabdabhItaye suprAvyo abhavaH sAsyukthyaH || 2\.013\.09 vishvedanu rodhanA asya pauMsyaM dadurasmai dadhire kR^itnave dhanam | ShaLastabhnA viShTiraH pa~ncha saMdR^ishaH pari paro abhavaH sAsyukthyaH || 2\.013\.10 supravAchanaM tava vIra vIryaM yadekena kratunA vindase vasu | jAtUShThirasya pra vayaH sahasvato yA chakartha sendra vishvAsyukthyaH || 2\.013\.11 aramayaH sarapasastarAya kaM turvItaye cha vayyAya cha srutim | nIchA santamudanayaH parAvR^ijaM prAndhaM shroNaM shravayansAsyukthyaH || 2\.013\.12 asmabhyaM tadvaso dAnAya rAdhaH samarthayasva bahu te vasavyam | indra yachchitraM shravasyA anu dyUnbR^ihadvadema vidathe suvIrAH || 2\.013\.13 adhvaryavo bharatendrAya somamAmatrebhiH si~nchatA madyamandhaH | kAmI hi vIraH sadamasya pItiM juhota vR^iShNe tadideSha vaShTi || 2\.014\.01 adhvaryavo yo apo vavrivAMsaM vR^itraM jaghAnAshanyeva vR^ikSham | tasmA etaM bharata tadvashAya.N eSha indro arhati pItimasya || 2\.014\.02 adhvaryavo yo dR^ibhIkaM jaghAna yo gA udAjadapa hi valaM vaH | tasmA etamantarikShe na vAtamindraM somairorNuta jUrna vastraiH || 2\.014\.03 adhvaryavo ya uraNaM jaghAna nava chakhvAMsaM navatiM cha bAhUn | yo arbudamava nIchA babAdhe tamindraM somasya bhR^ithe hinota || 2\.014\.04 adhvaryavo yaH svashnaM jaghAna yaH shuShNamashuShaM yo vyaMsam | yaH pipruM namuchiM yo rudhikrAM tasmA indrAyAndhaso juhota || 2\.014\.05 adhvaryavo yaH shataM shambarasya puro bibhedAshmaneva pUrvIH | yo varchinaH shatamindraH sahasramapAvapadbharatA somamasmai || 2\.014\.06 adhvaryavo yaH shatamA sahasraM bhUmyA upasthe.avapajjaghanvAn | kutsasyAyoratithigvasya vIrAnnyAvR^iNagbharatA somamasmai || 2\.014\.07 adhvaryavo yannaraH kAmayAdhve shruShTI vahanto nashathA tadindre | gabhastipUtaM bharata shrutAyendrAya somaM yajyavo juhota || 2\.014\.08 adhvaryavaH kartanA shruShTimasmai vane nipUtaM vana unnayadhvam | juShANo hastyamabhi vAvashe va indrAya somaM madiraM juhota || 2\.014\.09 adhvaryavaH payasodharyathA goH somebhirIM pR^iNatA bhojamindram | vedAhamasya nibhR^itaM ma etadditsantaM bhUyo yajatashchiketa || 2\.014\.10 adhvaryavo yo divyasya vasvo yaH pArthivasya kShamyasya rAjA | tamUrdaraM na pR^iNatA yavenendraM somebhistadapo vo astu || 2\.014\.11 asmabhyaM tadvaso dAnAya rAdhaH samarthayasva bahu te vasavyam | indra yachchitraM shravasyA anu dyUnbR^ihadvadema vidathe suvIrAH || 2\.014\.12 pra ghA nvasya mahato mahAni satyA satyasya karaNAni vocham | trikadrukeShvapibatsutasyAsya made ahimindro jaghAna || 2\.015\.01 avaMshe dyAmastabhAyadbR^ihantamA rodasI apR^iNadantarikSham | sa dhArayatpR^ithivIM paprathachcha somasya tA mada indrashchakAra || 2\.015\.02 sadmeva prAcho vi mimAya mAnairvajreNa khAnyatR^iNannadInAm | vR^ithAsR^ijatpathibhirdIrghayAthaiH somasya tA mada indrashchakAra || 2\.015\.03 sa pravoLhR^InparigatyA dabhItervishvamadhAgAyudhamiddhe agnau | saM gobhirashvairasR^ijadrathebhiH somasya tA mada indrashchakAra || 2\.015\.04 sa IM mahIM dhunimetoraramNAtso asnAtR^InapArayatsvasti | ta utsnAya rayimabhi pra tasthuH somasya tA mada indrashchakAra || 2\.015\.05 soda~nchaM sindhumariNAnmahitvA vajreNAna uShasaH saM pipeSha | ajavaso javinIbhirvivR^ishchansomasya tA mada indrashchakAra || 2\.015\.06 sa vidvA.N apagohaM kanInAmAvirbhavannudatiShThatparAvR^ik | prati shroNaH sthAdvyanagachaShTa somasya tA mada indrashchakAra || 2\.015\.07 bhinadvalama~NgirobhirgR^iNAno vi parvatasya dR^iMhitAnyairat | riNagrodhAMsi kR^itrimANyeShAM somasya tA mada indrashchakAra || 2\.015\.08 svapnenAbhyupyA chumuriM dhuniM cha jaghantha dasyuM pra dabhItimAvaH | rambhI chidatra vivide hiraNyaM somasya tA mada indrashchakAra || 2\.015\.09 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.015\.10 pra vaH satAM jyeShThatamAya suShTutimagnAviva samidhAne havirbhare | indramajuryaM jarayantamukShitaM sanAdyuvAnamavase havAmahe || 2\.016\.01 yasmAdindrAdbR^ihataH kiM chanemR^ite vishvAnyasminsambhR^itAdhi vIryA | jaThare somaM tanvI saho maho haste vajraM bharati shIrShaNi kratum || 2\.016\.02 na kShoNIbhyAM paribhve ta indriyaM na samudraiH parvatairindra te rathaH | na te vajramanvashnoti kashchana yadAshubhiH patasi yojanA puru || 2\.016\.03 vishve hyasmai yajatAya dhR^iShNave kratuM bharanti vR^iShabhAya sashchate | vR^iShA yajasva haviShA viduShTaraH pibendra somaM vR^iShabheNa bhAnunA || 2\.016\.04 vR^iShNaH koshaH pavate madhva UrmirvR^iShabhAnnAya vR^iShabhAya pAtave | vR^iShaNAdhvaryU vR^iShabhAso adrayo vR^iShaNaM somaM vR^iShabhAya suShvati || 2\.016\.05 vR^iShA te vajra uta te vR^iShA ratho vR^iShaNA harI vR^iShabhANyAyudhA | vR^iShNo madasya vR^iShabha tvamIshiSha indra somasya vR^iShabhasya tR^ipNuhi || 2\.016\.06 pra te nAvaM na samane vachasyuvaM brahmaNA yAmi savaneShu dAdhR^iShiH | kuvinno asya vachaso nibodhiShadindramutsaM na vasunaH sichAmahe || 2\.016\.07 purA sambAdhAdabhyA vavR^itsva no dhenurna vatsaM yavasasya pipyuShI | sakR^itsu te sumatibhiH shatakrato saM patnIbhirna vR^iShaNo nasImahi || 2\.016\.08 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.016\.09 tadasmai navyama~Ngirasvadarchata shuShmA yadasya pratnathodIrate | vishvA yadgotrA sahasA parIvR^itA made somasya dR^iMhitAnyairayat || 2\.017\.01 sa bhUtu yo ha prathamAya dhAyasa ojo mimAno mahimAnamAtirat | shUro yo yutsu tanvaM parivyata shIrShaNi dyAM mahinA pratyamu~nchata || 2\.017\.02 adhAkR^iNoH prathamaM vIryaM mahadyadasyAgre brahmaNA shuShmamairayaH | ratheShThena haryashvena vichyutAH pra jIrayaH sisrate sadhryakpR^ithak || 2\.017\.03 adhA yo vishvA bhuvanAbhi majmaneshAnakR^itpravayA abhyavardhata | AdrodasI jyotiShA vahnirAtanotsIvyantamAMsi dudhitA samavyayat || 2\.017\.04 sa prAchInAnparvatAndR^iMhadojasAdharAchInamakR^iNodapAmapaH | adhArayatpR^ithivIM vishvadhAyasamastabhnAnmAyayA dyAmavasrasaH || 2\.017\.05 sAsmA araM bAhubhyAM yaM pitAkR^iNodvishvasmAdA januSho vedasaspari | yenA pR^ithivyAM ni kriviM shayadhyai vajreNa hatvyavR^iNaktuviShvaNiH || 2\.017\.06 amAjUriva pitroH sachA satI samAnAdA sadasastvAmiye bhagam | kR^idhi praketamupa mAsyA bhara daddhi bhAgaM tanvo yena mAmahaH || 2\.017\.07 bhojaM tvAmindra vayaM huvema dadiShTvamindrApAMsi vAjAn | aviDDhIndra chitrayA na UtI kR^idhi vR^iShannindra vasyaso naH || 2\.017\.08 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.017\.09 prAtA ratho navo yoji sasnishchaturyugastrikashaH saptarashmiH | dashAritro manuShyaH svarShAH sa iShTibhirmatibhI raMhyo bhUt || 2\.018\.01 sAsmA araM prathamaM sa dvitIyamuto tR^itIyaM manuShaH sa hotA | anyasyA garbhamanya U jananta so anyebhiH sachate jenyo vR^iShA || 2\.018\.02 harI nu kaM ratha indrasya yojamAyai sUktena vachasA navena | mo Shu tvAmatra bahavo hi viprA ni rIramanyajamAnAso anye || 2\.018\.03 A dvAbhyAM haribhyAmindra yAhyA chaturbhirA ShaDbhirhUyamAnaH | AShTAbhirdashabhiH somapeyamayaM sutaH sumakha mA mR^idhaskaH || 2\.018\.04 A viMshatyA triMshatA yAhyarvA~NA chatvAriMshatA haribhiryujAnaH | A pa~nchAshatA surathebhirindrA ShaShTyA saptatyA somapeyam || 2\.018\.05 AshItyA navatyA yAhyarvA~NA shatena haribhiruhyamAnaH | ayaM hi te shunahotreShu soma indra tvAyA pariShikto madAya || 2\.018\.06 mama brahmendra yAhyachChA vishvA harI dhuri dhiShvA rathasya | purutrA hi vihavyo babhUthAsmi~nChUra savane mAdayasva || 2\.018\.07 na ma indreNa sakhyaM vi yoShadasmabhyamasya dakShiNA duhIta | upa jyeShThe varUthe gabhastau prAyeprAye jigIvAMsaH syAma || 2\.018\.08 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.018\.09 apAyyasyAndhaso madAya manIShiNaH suvAnasya prayasaH | yasminnindraH pradivi vAvR^idhAna oko dadhe brahmaNyantashcha naraH || 2\.019\.01 asya mandAno madhvo vajrahasto.ahimindro arNovR^itaM vi vR^ishchat | pra yadvayo na svasarANyachChA prayAMsi cha nadInAM chakramanta || 2\.019\.02 sa mAhina indro arNo apAM prairayadahihAchChA samudram | ajanayatsUryaM vidadgA aktunAhnAM vayunAni sAdhat || 2\.019\.03 so apratIni manave purUNIndro dAshaddAshuShe hanti vR^itram | sadyo yo nR^ibhyo atasAyyo bhUtpaspR^idhAnebhyaH sUryasya sAtau || 2\.019\.04 sa sunvata indraH sUryamA devo riNa~NmartyAya stavAn | A yadrayiM guhadavadyamasmai bharadaMshaM naitasho dashasyan || 2\.019\.05 sa randhayatsadivaH sArathaye shuShNamashuShaM kuyavaM kutsAya | divodAsAya navatiM cha navendraH puro vyairachChambarasya || 2\.019\.06 evA ta indrochathamahema shravasyA na tmanA vAjayantaH | ashyAma tatsAptamAshuShANA nanamo vadharadevasya pIyoH || 2\.019\.07 evA te gR^itsamadAH shUra manmAvasyavo na vayunAni takShuH | brahmaNyanta indra te navIya iShamUrjaM sukShitiM sumnamashyuH || 2\.019\.08 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.019\.09 vayaM te vaya indra viddhi Shu NaH pra bharAmahe vAjayurna ratham | vipanyavo dIdhyato manIShA sumnamiyakShantastvAvato nR^In || 2\.020\.01 tvaM na indra tvAbhirUtI tvAyato abhiShTipAsi janAn | tvamino dAshuSho varUtetthAdhIrabhi yo nakShati tvA || 2\.020\.02 sa no yuvendro johUtraH sakhA shivo narAmastu pAtA | yaH shaMsantaM yaH shashamAnamUtI pachantaM cha stuvantaM cha praNeShat || 2\.020\.03 tamu stuSha indraM taM gR^iNIShe yasminpurA vAvR^idhuH shAshadushcha | sa vasvaH kAmaM pIparadiyAno brahmaNyato nUtanasyAyoH || 2\.020\.04 so a~NgirasAmuchathA jujuShvAnbrahmA tUtodindro gAtumiShNan | muShNannuShasaH sUryeNa stavAnashnasya chichChishnathatpUrvyANi || 2\.020\.05 sa ha shruta indro nAma deva Urdhvo bhuvanmanuShe dasmatamaH | ava priyamarshasAnasya sAhvA~nChiro bharaddAsasya svadhAvAn || 2\.020\.06 sa vR^itrahendraH kR^iShNayonIH puraMdaro dAsIrairayadvi | ajanayanmanave kShAmapashcha satrA shaMsaM yajamAnasya tUtot || 2\.020\.07 tasmai tavasyamanu dAyi satrendrAya devebhirarNasAtau | prati yadasya vajraM bAhvordhurhatvI dasyUnpura AyasIrni tArIt || 2\.020\.08 nUnaM sA te prati varaM jaritre duhIyadindra dakShiNA maghonI | shikShA stotR^ibhyo mAti dhagbhago no bR^ihadvadema vidathe suvIrAH || 2\.020\.09 vishvajite dhanajite svarjite satrAjite nR^ijita urvarAjite | ashvajite gojite abjite bharendrAya somaM yajatAya haryatam || 2\.021\.01 abhibhuve.abhibha~NgAya vanvate.aShALhAya sahamAnAya vedhase | tuvigraye vahnaye duShTarItave satrAsAhe nama indrAya vochata || 2\.021\.02 satrAsAho janabhakSho janaMsahashchyavano yudhmo anu joShamukShitaH | vR^itaMchayaH sahurirvikShvArita indrasya vochaM pra kR^itAni vIryA || 2\.021\.03 anAnudo vR^iShabho dodhato vadho gambhIra R^iShvo asamaShTakAvyaH | radhrachodaH shnathano vILitaspR^ithurindraH suyaj~na uShasaH svarjanat || 2\.021\.04 yaj~nena gAtumapturo vividrire dhiyo hinvAnA ushijo manIShiNaH | abhisvarA niShadA gA avasyava indre hinvAnA draviNAnyAshata || 2\.021\.05 indra shreShThAni draviNAni dhehi chittiM dakShasya subhagatvamasme | poShaM rayINAmariShTiM tanUnAM svAdmAnaM vAchaH sudinatvamahnAm || 2\.021\.06 trikadrukeShu mahiSho yavAshiraM tuvishuShmastR^ipatsomamapibadviShNunA sutaM yathAvashat | sa IM mamAda mahi karma kartave mahAmuruM sainaM sashchaddevo devaM satyamindraM satya induH || 2\.022\.01 adha tviShImA.N abhyojasA kriviM yudhAbhavadA rodasI apR^iNadasya majmanA pra vAvR^idhe | adhattAnyaM jaThare premarichyata sainaM sashchaddevo devaM satyamindraM satya induH || 2\.022\.02 sAkaM jAtaH kratunA sAkamojasA vavakShitha sAkaM vR^iddho vIryaiH sAsahirmR^idho vicharShaNiH | dAtA rAdhaH stuvate kAmyaM vasu sainaM sashchaddevo devaM satyamindraM satya induH || 2\.022\.03 tava tyannaryaM nR^ito.apa indra prathamaM pUrvyaM divi pravAchyaM kR^itam | yaddevasya shavasA prAriNA asuM riNannapaH | bhuvadvishvamabhyAdevamojasA vidAdUrjaM shatakraturvidAdiSham || 2\.022\.04 gaNAnAM tvA gaNapatiM havAmahe kaviM kavInAmupamashravastamam | jyeShTharAjaM brahmaNAM brahmaNaspata A naH shR^iNvannUtibhiH sIda sAdanam || 2\.023\.01 devAshchitte asurya prachetaso bR^ihaspate yaj~niyaM bhAgamAnashuH | usrA iva sUryo jyotiShA maho vishveShAmijjanitA brahmaNAmasi || 2\.023\.02 A vibAdhyA parirApastamAMsi cha jyotiShmantaM rathamR^itasya tiShThasi | bR^ihaspate bhImamamitradambhanaM rakShohaNaM gotrabhidaM svarvidam || 2\.023\.03 sunItibhirnayasi trAyase janaM yastubhyaM dAshAnna tamaMho ashnavat | brahmadviShastapano manyumIrasi bR^ihaspate mahi tatte mahitvanam || 2\.023\.04 na tamaMho na duritaM kutashchana nArAtayastitirurna dvayAvinaH | vishvA idasmAddhvaraso vi bAdhase yaM sugopA rakShasi brahmaNaspate || 2\.023\.05 tvaM no gopAH pathikR^idvichakShaNastava vratAya matibhirjarAmahe | bR^ihaspate yo no abhi hvaro dadhe svA taM marmartu duchChunA harasvatI || 2\.023\.06 uta vA yo no marchayAdanAgaso.arAtIvA martaH sAnuko vR^ikaH | bR^ihaspate apa taM vartayA pathaH sugaM no asyai devavItaye kR^idhi || 2\.023\.07 trAtAraM tvA tanUnAM havAmahe.avaspartaradhivaktAramasmayum | bR^ihaspate devanido ni barhaya mA durevA uttaraM sumnamunnashan || 2\.023\.08 tvayA vayaM suvR^idhA brahmaNaspate spArhA vasu manuShyA dadImahi | yA no dUre taLito yA arAtayo.abhi santi jambhayA tA anapnasaH || 2\.023\.09 tvayA vayamuttamaM dhImahe vayo bR^ihaspate papriNA sasninA yujA | mA no duHshaMso abhidipsurIshata pra sushaMsA matibhistAriShImahi || 2\.023\.10 anAnudo vR^iShabho jagmirAhavaM niShTaptA shatruM pR^itanAsu sAsahiH | asi satya R^iNayA brahmaNaspata ugrasya chiddamitA vILuharShiNaH || 2\.023\.11 adevena manasA yo riShaNyati shAsAmugro manyamAno jighAMsati | bR^ihaspate mA praNaktasya no vadho ni karma manyuM durevasya shardhataH || 2\.023\.12 bhareShu havyo namasopasadyo gantA vAjeShu sanitA dhanaMdhanam | vishvA idaryo abhidipsvo mR^idho bR^ihaspatirvi vavarhA rathA.N iva || 2\.023\.13 tejiShThayA tapanI rakShasastapa ye tvA nide dadhire dR^iShTavIryam | AvistatkR^iShva yadasatta ukthyaM bR^ihaspate vi parirApo ardaya || 2\.023\.14 bR^ihaspate ati yadaryo arhAddyumadvibhAti kratumajjaneShu | yaddIdayachChavasa R^itaprajAta tadasmAsu draviNaM dhehi chitram || 2\.023\.15 mA naH stenebhyo ye abhi druhaspade nirAmiNo ripavo.anneShu jAgR^idhuH | A devAnAmohate vi vrayo hR^idi bR^ihaspate na paraH sAmno viduH || 2\.023\.16 vishvebhyo hi tvA bhuvanebhyaspari tvaShTAjanatsAmnaHsAmnaH kaviH | sa R^iNachidR^iNayA brahmaNaspatirdruho hantA maha R^itasya dhartari || 2\.023\.17 tava shriye vyajihIta parvato gavAM gotramudasR^ijo yada~NgiraH | indreNa yujA tamasA parIvR^itaM bR^ihaspate nirapAmaubjo arNavam || 2\.023\.18 brahmaNaspate tvamasya yantA sUktasya bodhi tanayaM cha jinva | vishvaM tadbhadraM yadavanti devA bR^ihadvadema vidathe suvIrAH || 2\.023\.19 semAmaviDDhi prabhR^itiM ya IshiShe.ayA vidhema navayA mahA girA | yathA no mIDhvAnstavate sakhA tava bR^ihaspate sIShadhaH sota no matim || 2\.024\.01 yo nantvAnyanamannyojasotAdardarmanyunA shambarANi vi | prAchyAvayadachyutA brahmaNaspatirA chAvishadvasumantaM vi parvatam || 2\.024\.02 taddevAnAM devatamAya kartvamashrathnandR^iLhAvradanta vILitA | udgA AjadabhinadbrahmaNA valamagUhattamo vyachakShayatsvaH || 2\.024\.03 ashmAsyamavataM brahmaNaspatirmadhudhAramabhi yamojasAtR^iNat | tameva vishve papire svardR^isho bahu sAkaM sisichurutsamudriNam || 2\.024\.04 sanA tA kA chidbhuvanA bhavItvA mAdbhiH sharadbhirduro varanta vaH | ayatantA charato anyadanyadidyA chakAra vayunA brahmaNaspatiH || 2\.024\.05 abhinakShanto abhi ye tamAnashurnidhiM paNInAM paramaM guhA hitam | te vidvAMsaH pratichakShyAnR^itA punaryata u AyantadudIyurAvisham || 2\.024\.06 R^itAvAnaH pratichakShyAnR^itA punarAta A tasthuH kavayo mahaspathaH | te bAhubhyAM dhamitamagnimashmani nakiH Sho astyaraNo jahurhi tam || 2\.024\.07 R^itajyena kShipreNa brahmaNaspatiryatra vaShTi pra tadashnoti dhanvanA | tasya sAdhvIriShavo yAbhirasyati nR^ichakShaso dR^ishaye karNayonayaH || 2\.024\.08 sa saMnayaH sa vinayaH purohitaH sa suShTutaH sa yudhi brahmaNaspatiH | chAkShmo yadvAjaM bharate matI dhanAditsUryastapati tapyaturvR^ithA || 2\.024\.09 vibhu prabhu prathamaM mehanAvato bR^ihaspateH suvidatrANi rAdhyA | imA sAtAni venyasya vAjino yena janA ubhaye bhu~njate vishaH || 2\.024\.10 yo.avare vR^ijane vishvathA vibhurmahAmu raNvaH shavasA vavakShitha | sa devo devAnprati paprathe pR^ithu vishvedu tA paribhUrbrahmaNaspatiH || 2\.024\.11 vishvaM satyaM maghavAnA yuvoridApashchana pra minanti vrataM vAm | achChendrAbrahmaNaspatI havirno.annaM yujeva vAjinA jigAtam || 2\.024\.12 utAshiShThA anu shR^iNvanti vahnayaH sabheyo vipro bharate matI dhanA | vILudveShA anu vasha R^iNamAdadiH sa ha vAjI samithe brahmaNaspatiH || 2\.024\.13 brahmaNaspaterabhavadyathAvashaM satyo manyurmahi karmA kariShyataH | yo gA udAjatsa dive vi chAbhajanmahIva rItiH shavasAsaratpR^ithak || 2\.024\.14 brahmaNaspate suyamasya vishvahA rAyaH syAma rathyo vayasvataH | vIreShu vIrA.N upa pR^i~Ndhi nastvaM yadIshAno brahmaNA veShi me havam || 2\.024\.15 brahmaNaspate tvamasya yantA sUktasya bodhi tanayaM cha jinva | vishvaM tadbhadraM yadavanti devA bR^ihadvadema vidathe suvIrAH || 2\.024\.16 indhAno agniM vanavadvanuShyataH kR^itabrahmA shUshuvadrAtahavya it | jAtena jAtamati sa pra sarsR^ite yaMyaM yujaM kR^iNute brahmaNaspatiH || 2\.025\.01 vIrebhirvIrAnvanavadvanuShyato gobhI rayiM paprathadbodhati tmanA | tokaM cha tasya tanayaM cha vardhate yaMyaM yujaM kR^iNute brahmaNaspatiH || 2\.025\.02 sindhurna kShodaH shimIvA.N R^ighAyato vR^iSheva vadhrI.Nrabhi vaShTyojasA | agneriva prasitirnAha vartave yaMyaM yujaM kR^iNute brahmaNaspatiH || 2\.025\.03 tasmA arShanti divyA asashchataH sa satvabhiH prathamo goShu gachChati | anibhR^iShTataviShirhantyojasA yaMyaM yujaM kR^iNute brahmaNaspatiH || 2\.025\.04 tasmA idvishve dhunayanta sindhavo.achChidrA sharma dadhire purUNi | devAnAM sumne subhagaH sa edhate yaMyaM yujaM kR^iNute brahmaNaspatiH || 2\.025\.05 R^ijurichChaMso vanavadvanuShyato devayannidadevayantamabhyasat | suprAvIridvanavatpR^itsu duShTaraM yajvedayajyorvi bhajAti bhojanam || 2\.026\.01 yajasva vIra pra vihi manAyato bhadraM manaH kR^iNuShva vR^itratUrye | haviShkR^iNuShva subhago yathAsasi brahmaNaspaterava A vR^iNImahe || 2\.026\.02 sa ijjanena sa vishA sa janmanA sa putrairvAjaM bharate dhanA nR^ibhiH | devAnAM yaH pitaramAvivAsati shraddhAmanA haviShA brahmaNaspatim || 2\.026\.03 yo asmai havyairghR^itavadbhiravidhatpra taM prAchA nayati brahmaNaspatiH | uruShyatImaMhaso rakShatI riShoM.ahoshchidasmA uruchakriradbhutaH || 2\.026\.04 imA gira Adityebhyo ghR^itasnUH sanAdrAjabhyo juhvA juhomi | shR^iNotu mitro aryamA bhago nastuvijAto varuNo dakSho aMshaH || 2\.027\.01 imaM stomaM sakratavo me adya mitro aryamA varuNo juShanta | AdityAsaH shuchayo dhArapUtA avR^ijinA anavadyA ariShTAH || 2\.027\.02 ta AdityAsa uravo gabhIrA adabdhAso dipsanto bhUryakShAH | antaH pashyanti vR^ijinota sAdhu sarvaM rAjabhyaH paramA chidanti || 2\.027\.03 dhArayanta AdityAso jagatsthA devA vishvasya bhuvanasya gopAH | dIrghAdhiyo rakShamANA asuryamR^itAvAnashchayamAnA R^iNAni || 2\.027\.04 vidyAmAdityA avaso vo asya yadaryamanbhaya A chinmayobhu | yuShmAkaM mitrAvaruNA praNItau pari shvabhreva duritAni vR^ijyAm || 2\.027\.05 sugo hi vo aryamanmitra panthA anR^ikSharo varuNa sAdhurasti | tenAdityA adhi vochatA no yachChatA no duShparihantu sharma || 2\.027\.06 pipartu no aditI rAjaputrAti dveShAMsyaryamA sugebhiH | bR^ihanmitrasya varuNasya sharmopa syAma puruvIrA ariShTAH || 2\.027\.07 tisro bhUmIrdhArayantrI.Nruta dyUntrINi vratA vidathe antareShAm | R^itenAdityA mahi vo mahitvaM tadaryamanvaruNa mitra chAru || 2\.027\.08 trI rochanA divyA dhArayanta hiraNyayAH shuchayo dhArapUtAH | asvapnajo animiShA adabdhA urushaMsA R^ijave martyAya || 2\.027\.09 tvaM vishveShAM varuNAsi rAjA ye cha devA asura ye cha martAH | shataM no rAsva sharado vichakShe.ashyAmAyUMShi sudhitAni pUrvA || 2\.027\.10 na dakShiNA vi chikite na savyA na prAchInamAdityA nota pashchA | pAkyA chidvasavo dhIryA chidyuShmAnIto abhayaM jyotirashyAm || 2\.027\.11 yo rAjabhya R^itanibhyo dadAsha yaM vardhayanti puShTayashcha nityAH | sa revAnyAti prathamo rathena vasudAvA vidatheShu prashastaH || 2\.027\.12 shuchirapaH sUyavasA adabdha upa kSheti vR^iddhavayAH suvIraH | nakiShTaM ghnantyantito na dUrAdya AdityAnAM bhavati praNItau || 2\.027\.13 adite mitra varuNota mR^iLa yadvo vayaM chakR^imA kachchidAgaH | urvashyAmabhayaM jyotirindra mA no dIrghA abhi nashantamisrAH || 2\.027\.14 ubhe asmai pIpayataH samIchI divo vR^iShTiM subhago nAma puShyan | ubhA kShayAvAjayanyAti pR^itsUbhAvardhau bhavataH sAdhU asmai || 2\.027\.15 yA vo mAyA abhidruhe yajatrAH pAshA AdityA ripave vichR^ittAH | ashvIva tA.N ati yeShaM rathenAriShTA urAvA sharmansyAma || 2\.027\.16 mAhaM maghono varuNa priyasya bhUridAvna A vidaM shUnamApeH | mA rAyo rAjansuyamAdava sthAM bR^ihadvadema vidathe suvIrAH || 2\.027\.17 idaM kaverAdityasya svarAjo vishvAni sAntyabhyastu mahnA | ati yo mandro yajathAya devaH sukIrtiM bhikShe varuNasya bhUreH || 2\.028\.01 tava vrate subhagAsaH syAma svAdhyo varuNa tuShTuvAMsaH | upAyana uShasAM gomatInAmagnayo na jaramANA anu dyUn || 2\.028\.02 tava syAma puruvIrasya sharmannurushaMsasya varuNa praNetaH | yUyaM naH putrA aditeradabdhA abhi kShamadhvaM yujyAya devAH || 2\.028\.03 pra sImAdityo asR^ijadvidhartA.N R^itaM sindhavo varuNasya yanti | na shrAmyanti na vi muchantyete vayo na paptU raghuyA parijman || 2\.028\.04 vi machChrathAya rashanAmivAga R^idhyAma te varuNa khAmR^itasya | mA tantushChedi vayato dhiyaM me mA mAtrA shAryapasaH pura R^itoH || 2\.028\.05 apo su myakSha varuNa bhiyasaM matsamrALR^itAvo.anu mA gR^ibhAya | dAmeva vatsAdvi mumugdhyaMho nahi tvadAre nimiShashchaneshe || 2\.028\.06 mA no vadhairvaruNa ye ta iShTAvenaH kR^iNvantamasura bhrINanti | mA jyotiShaH pravasathAni ganma vi ShU mR^idhaH shishratho jIvase naH || 2\.028\.07 namaH purA te varuNota nUnamutAparaM tuvijAta bravAma | tve hi kaM parvate na shritAnyaprachyutAni dULabha vratAni || 2\.028\.08 para R^iNA sAvIradha matkR^itAni mAhaM rAjannanyakR^itena bhojam | avyuShTA innu bhUyasIruShAsa A no jIvAnvaruNa tAsu shAdhi || 2\.028\.09 yo me rAjanyujyo vA sakhA vA svapne bhayaM bhIrave mahyamAha | steno vA yo dipsati no vR^iko vA tvaM tasmAdvaruNa pAhyasmAn || 2\.028\.10 mAhaM maghono varuNa priyasya bhUridAvna A vidaM shUnamApeH | mA rAyo rAjansuyamAdava sthAM bR^ihadvadema vidathe suvIrAH || 2\.028\.11 dhR^itavratA AdityA iShirA Are matkarta rahasUrivAgaH | shR^iNvato vo varuNa mitra devA bhadrasya vidvA.N avase huve vaH || 2\.029\.01 yUyaM devAH pramatiryUyamojo yUyaM dveShAMsi sanutaryuyota | abhikShattAro abhi cha kShamadhvamadyA cha no mR^iLayatAparaM cha || 2\.029\.02 kimU nu vaH kR^iNavAmApareNa kiM sanena vasava Apyena | yUyaM no mitrAvaruNAdite cha svastimindrAmaruto dadhAta || 2\.029\.03 haye devA yUyamidApayaH stha te mR^iLata nAdhamAnAya mahyam | mA vo ratho madhyamavALR^ite bhUnmA yuShmAvatsvApiShu shramiShma || 2\.029\.04 pra va eko mimaya bhUryAgo yanmA piteva kitavaM shashAsa | Are pAshA Are aghAni devA mA mAdhi putre vimiva grabhIShTa || 2\.029\.05 arvA~ncho adyA bhavatA yajatrA A vo hArdi bhayamAno vyayeyam | trAdhvaM no devA nijuro vR^ikasya trAdhvaM kartAdavapado yajatrAH || 2\.029\.06 mAhaM maghono varuNa priyasya bhUridAvna A vidaM shUnamApeH | mA rAyo rAjansuyamAdava sthAM bR^ihadvadema vidathe suvIrAH || 2\.029\.07 R^itaM devAya kR^iNvate savitra indrAyAhighne na ramanta ApaH | aharaharyAtyakturapAM kiyAtyA prathamaH sarga AsAm || 2\.030\.01 yo vR^itrAya sinamatrAbhariShyatpra taM janitrI viduSha uvAcha | patho radantIranu joShamasmai divedive dhunayo yantyartham || 2\.030\.02 Urdhvo hyasthAdadhyantarikShe.adhA vR^itrAya pra vadhaM jabhAra | mihaM vasAna upa hImadudrottigmAyudho ajayachChatrumindraH || 2\.030\.03 bR^ihaspate tapuShAshneva vidhya vR^ikadvaraso asurasya vIrAn | yathA jaghantha dhR^iShatA purA chidevA jahi shatrumasmAkamindra || 2\.030\.04 ava kShipa divo ashmAnamuchchA yena shatruM mandasAno nijUrvAH | tokasya sAtau tanayasya bhUrerasmA.N ardhaM kR^iNutAdindra gonAm || 2\.030\.05 pra hi kratuM vR^ihatho yaM vanutho radhrasya stho yajamAnasya chodau | indrAsomA yuvamasmA.N aviShTamasminbhayasthe kR^iNutamu lokam || 2\.030\.06 na mA tamanna shramannota tandranna vochAma mA sunoteti somam | yo me pR^iNAdyo dadadyo nibodhAdyo mA sunvantamupa gobhirAyat || 2\.030\.07 sarasvati tvamasmA.N aviDDhi marutvatI dhR^iShatI jeShi shatrUn | tyaM chichChardhantaM taviShIyamANamindro hanti vR^iShabhaM shaNDikAnAm || 2\.030\.08 yo naH sanutya uta vA jighatnurabhikhyAya taM tigitena vidhya | bR^ihaspata AyudhairjeShi shatrUndruhe rIShantaM pari dhehi rAjan || 2\.030\.09 asmAkebhiH satvabhiH shUra shUrairvIryA kR^idhi yAni te kartvAni | jyogabhUvannanudhUpitAso hatvI teShAmA bharA no vasUni || 2\.030\.10 taM vaH shardhaM mArutaM sumnayurgiropa bruve namasA daivyaM janam | yathA rayiM sarvavIraM nashAmahA apatyasAchaM shrutyaM divedive || 2\.030\.11 asmAkaM mitrAvaruNAvataM rathamAdityai rudrairvasubhiH sachAbhuvA | pra yadvayo na paptanvasmanaspari shravasyavo hR^iShIvanto vanarShadaH || 2\.031\.01 adha smA na udavatA sajoShaso rathaM devAso abhi vikShu vAjayum | yadAshavaH padyAbhistitrato rajaH pR^ithivyAH sAnau ja~Nghananta pANibhiH || 2\.031\.02 uta sya na indro vishvacharShaNirdivaH shardhena mArutena sukratuH | anu nu sthAtyavR^ikAbhirUtibhI rathaM mahe sanaye vAjasAtaye || 2\.031\.03 uta sya devo bhuvanasya sakShaNistvaShTA gnAbhiH sajoShA jUjuvadratham | iLA bhago bR^ihaddivota rodasI pUShA puraMdhirashvinAvadhA patI || 2\.031\.04 uta tye devI subhage mithUdR^ishoShAsAnaktA jagatAmapIjuvA | stuShe yadvAM pR^ithivi navyasA vachaH sthAtushcha vayastrivayA upastire || 2\.031\.05 uta vaH shaMsamushijAmiva shmasyahirbudhnyo.aja ekapAduta | trita R^ibhukShAH savitA chano dadhe.apAM napAdAshuhemA dhiyA shami || 2\.031\.06 etA vo vashmyudyatA yajatrA atakShannAyavo navyase sam | shravasyavo vAjaM chakAnAH saptirna rathyo aha dhItimashyAH || 2\.031\.07 asya me dyAvApR^ithivI R^itAyato bhUtamavitrI vachasaH siShAsataH | yayorAyuH prataraM te idaM pura upastute vasUyurvAM maho dadhe || 2\.032\.01 mA no guhyA ripa AyorahandabhanmA na Abhyo rIradho duchChunAbhyaH | mA no vi yauH sakhyA viddhi tasya naH sumnAyatA manasA tattvemahe || 2\.032\.02 aheLatA manasA shruShTimA vaha duhAnAM dhenuM pipyuShImasashchatam | padyAbhirAshuM vachasA cha vAjinaM tvAM hinomi puruhUta vishvahA || 2\.032\.03 rAkAmahaM suhavAM suShTutI huve shR^iNotu naH subhagA bodhatu tmanA | sIvyatvapaH sUchyAchChidyamAnayA dadAtu vIraM shatadAyamukthyam || 2\.032\.04 yAste rAke sumatayaH supeshaso yAbhirdadAsi dAshuShe vasUni | tAbhirno adya sumanA upAgahi sahasrapoShaM subhage rarANA || 2\.032\.05 sinIvAli pR^ithuShTuke yA devAnAmasi svasA | juShasva havyamAhutaM prajAM devi didiDDhi naH || 2\.032\.06 yA subAhuH sva~NguriH suShUmA bahusUvarI | tasyai vishpatnyai haviH sinIvAlyai juhotana || 2\.032\.07 yA gu~NgUryA sinIvAlI yA rAkA yA sarasvatI | indrANImahva Utaye varuNAnIM svastaye || 2\.032\.08 A te pitarmarutAM sumnametu mA naH sUryasya saMdR^isho yuyothAH | abhi no vIro arvati kShameta pra jAyemahi rudra prajAbhiH || 2\.033\.01 tvAdattebhI rudra shaMtamebhiH shataM himA ashIya bheShajebhiH | vyasmaddveSho vitaraM vyaMho vyamIvAshchAtayasvA viShUchIH || 2\.033\.02 shreShTho jAtasya rudra shriyAsi tavastamastavasAM vajrabAho | parShi NaH pAramaMhasaH svasti vishvA abhItI rapaso yuyodhi || 2\.033\.03 mA tvA rudra chukrudhAmA namobhirmA duShTutI vR^iShabha mA sahUtI | unno vIrA.N arpaya bheShajebhirbhiShaktamaM tvA bhiShajAM shR^iNomi || 2\.033\.04 havImabhirhavate yo havirbhirava stomebhI rudraM diShIya | R^idUdaraH suhavo mA no asyai babhruH sushipro rIradhanmanAyai || 2\.033\.05 unmA mamanda vR^iShabho marutvAntvakShIyasA vayasA nAdhamAnam | ghR^iNIva chChAyAmarapA ashIyA vivAseyaM rudrasya sumnam || 2\.033\.06 kva sya te rudra mR^iLayAkurhasto yo asti bheShajo jalAShaH | apabhartA rapaso daivyasyAbhI nu mA vR^iShabha chakShamIthAH || 2\.033\.07 pra babhrave vR^iShabhAya shvitIche maho mahIM suShTutimIrayAmi | namasyA kalmalIkinaM namobhirgR^iNImasi tveShaM rudrasya nAma || 2\.033\.08 sthirebhira~NgaiH pururUpa ugro babhruH shukrebhiH pipishe hiraNyaiH | IshAnAdasya bhuvanasya bhUrerna vA u yoShadrudrAdasuryam || 2\.033\.09 arhanbibharShi sAyakAni dhanvArhanniShkaM yajataM vishvarUpam | arhannidaM dayase vishvamabhvaM na vA ojIyo rudra tvadasti || 2\.033\.10 stuhi shrutaM gartasadaM yuvAnaM mR^igaM na bhImamupahatnumugram | mR^iLA jaritre rudra stavAno.anyaM te asmanni vapantu senAH || 2\.033\.11 kumArashchitpitaraM vandamAnaM prati nAnAma rudropayantam | bhUrerdAtAraM satpatiM gR^iNIShe stutastvaM bheShajA rAsyasme || 2\.033\.12 yA vo bheShajA marutaH shuchIni yA shaMtamA vR^iShaNo yA mayobhu | yAni manuravR^iNItA pitA nastA shaM cha yoshcha rudrasya vashmi || 2\.033\.13 pari No hetI rudrasya vR^ijyAH pari tveShasya durmatirmahI gAt | ava sthirA maghavadbhyastanuShva mIDhvastokAya tanayAya mR^iLa || 2\.033\.14 evA babhro vR^iShabha chekitAna yathA deva na hR^iNIShe na haMsi | havanashrunno rudreha bodhi bR^ihadvadema vidathe suvIrAH || 2\.033\.15 dhArAvarA maruto dhR^iShNvojaso mR^igA na bhImAstaviShIbhirarchinaH | agnayo na shushuchAnA R^ijIShiNo bhR^imiM dhamanto apa gA avR^iNvata || 2\.034\.01 dyAvo na stR^ibhishchitayanta khAdino vyabhriyA na dyutayanta vR^iShTayaH | rudro yadvo maruto rukmavakShaso vR^iShAjani pR^ishnyAH shukra Udhani || 2\.034\.02 ukShante ashvA.N atyA.N ivAjiShu nadasya karNaisturayanta AshubhiH | hiraNyashiprA maruto davidhvataH pR^ikShaM yAtha pR^iShatIbhiH samanyavaH || 2\.034\.03 pR^ikShe tA vishvA bhuvanA vavakShire mitrAya vA sadamA jIradAnavaH | pR^iShadashvAso anavabhrarAdhasa R^ijipyAso na vayuneShu dhUrShadaH || 2\.034\.04 indhanvabhirdhenubhI rapshadUdhabhiradhvasmabhiH pathibhirbhrAjadR^iShTayaH | A haMsAso na svasarANi gantana madhormadAya marutaH samanyavaH || 2\.034\.05 A no brahmANi marutaH samanyavo narAM na shaMsaH savanAni gantana | ashvAmiva pipyata dhenumUdhani kartA dhiyaM jaritre vAjapeshasam || 2\.034\.06 taM no dAta maruto vAjinaM ratha ApAnaM brahma chitayaddivedive | iShaM stotR^ibhyo vR^ijaneShu kArave saniM medhAmariShTaM duShTaraM sahaH || 2\.034\.07 yadyu~njate maruto rukmavakShaso.ashvAnratheShu bhaga A sudAnavaH | dhenurna shishve svasareShu pinvate janAya rAtahaviShe mahImiSham || 2\.034\.08 yo no maruto vR^ikatAti martyo ripurdadhe vasavo rakShatA riShaH | vartayata tapuShA chakriyAbhi tamava rudrA ashaso hantanA vadhaH || 2\.034\.09 chitraM tadvo maruto yAma chekite pR^ishnyA yadUdharapyApayo duhuH | yadvA nide navamAnasya rudriyAstritaM jarAya juratAmadAbhyAH || 2\.034\.10 tAnvo maho maruta evayAvno viShNoreShasya prabhR^ithe havAmahe | hiraNyavarNAnkakuhAnyatasrucho brahmaNyantaH shaMsyaM rAdha Imahe || 2\.034\.11 te dashagvAH prathamA yaj~namUhire te no hinvantUShaso vyuShTiShu | uShA na rAmIraruNairaporNute maho jyotiShA shuchatA go/arNasA || 2\.034\.12 te kShoNIbhiraruNebhirnA~njibhI rudrA R^itasya sadaneShu vAvR^idhuH | nimeghamAnA atyena pAjasA sushchandraM varNaM dadhire supeshasam || 2\.034\.13 tA.N iyAno mahi varUthamUtaya upa ghedenA namasA gR^iNImasi | trito na yAnpa~ncha hotR^InabhiShTaya AvavartadavarA~nchakriyAvase || 2\.034\.14 yayA radhraM pArayathAtyaMho yayA nido mu~nchatha vanditAram | arvAchI sA maruto yA va Utiro Shu vAshreva sumatirjigAtu || 2\.034\.15 upemasR^ikShi vAjayurvachasyAM chano dadhIta nAdyo giro me | apAM napAdAshuhemA kuvitsa supeshasaskarati joShiShaddhi || 2\.035\.01 imaM svasmai hR^ida A sutaShTaM mantraM vochema kuvidasya vedat | apAM napAdasuryasya mahnA vishvAnyaryo bhuvanA jajAna || 2\.035\.02 samanyA yantyupa yantyanyAH samAnamUrvaM nadyaH pR^iNanti | tamU shuchiM shuchayo dIdivAMsamapAM napAtaM pari tasthurApaH || 2\.035\.03 tamasmerA yuvatayo yuvAnaM marmR^ijyamAnAH pari yantyApaH | sa shukrebhiH shikvabhI revadasme dIdAyAnidhmo ghR^itanirNigapsu || 2\.035\.04 asmai tisro avyathyAya nArIrdevAya devIrdidhiShantyannam | kR^itA ivopa hi prasarsre apsu sa pIyUShaM dhayati pUrvasUnAm || 2\.035\.05 ashvasyAtra janimAsya cha svardruho riShaH sampR^ichaH pAhi sUrIn | AmAsu pUrShu paro apramR^iShyaM nArAtayo vi nashannAnR^itAni || 2\.035\.06 sva A dame sudughA yasya dhenuH svadhAM pIpAya subhvannamatti | so apAM napAdUrjayannapsvantarvasudeyAya vidhate vi bhAti || 2\.035\.07 yo apsvA shuchinA daivyena R^itAvAjasra urviyA vibhAti | vayA idanyA bhuvanAnyasya pra jAyante vIrudhashcha prajAbhiH || 2\.035\.08 apAM napAdA hyasthAdupasthaM jihmAnAmUrdhvo vidyutaM vasAnaH | tasya jyeShThaM mahimAnaM vahantIrhiraNyavarNAH pari yanti yahvIH || 2\.035\.09 hiraNyarUpaH sa hiraNyasaMdR^igapAM napAtsedu hiraNyavarNaH | hiraNyayAtpari yonerniShadyA hiraNyadA dadatyannamasmai || 2\.035\.10 tadasyAnIkamuta chAru nAmApIchyaM vardhate napturapAm | yamindhate yuvatayaH samitthA hiraNyavarNaM ghR^itamannamasya || 2\.035\.11 asmai bahUnAmavamAya sakhye yaj~nairvidhema namasA havirbhiH | saM sAnu mArjmi didhiShAmi bilmairdadhAmyannaiH pari vanda R^igbhiH || 2\.035\.12 sa IM vR^iShAjanayattAsu garbhaM sa IM shishurdhayati taM rihanti | so apAM napAdanabhimlAtavarNo.anyasyeveha tanvA viveSha || 2\.035\.13 asminpade parame tasthivAMsamadhvasmabhirvishvahA dIdivAMsam | Apo naptre ghR^itamannaM vahantIH svayamatkaiH pari dIyanti yahvIH || 2\.035\.14 ayAMsamagne sukShitiM janAyAyAMsamu maghavadbhyaH suvR^iktim | vishvaM tadbhadraM yadavanti devA bR^ihadvadema vidathe suvIrAH || 2\.035\.15 tubhyaM hinvAno vasiShTa gA apo.adhukShansImavibhiradribhirnaraH | pibendra svAhA prahutaM vaShaTkR^itaM hotrAdA somaM prathamo ya IshiShe || 2\.036\.01 yaj~naiH sammishlAH pR^iShatIbhirR^iShTibhiryAma~nChubhrAso a~njiShu priyA uta | AsadyA barhirbharatasya sUnavaH potrAdA somaM pibatA divo naraH || 2\.036\.02 ameva naH suhavA A hi gantana ni barhiShi sadatanA raNiShTana | athA mandasva jujuShANo andhasastvaShTardevebhirjanibhiH sumadgaNaH || 2\.036\.03 A vakShi devA.N iha vipra yakShi choshanhotarni ShadA yoniShu triShu | prati vIhi prasthitaM somyaM madhu pibAgnIdhrAttava bhAgasya tR^ipNuhi || 2\.036\.04 eSha sya te tanvo nR^imNavardhanaH saha ojaH pradivi bAhvorhitaH | tubhyaM suto maghavantubhyamAbhR^itastvamasya brAhmaNAdA tR^ipatpiba || 2\.036\.05 juShethAM yaj~naM bodhataM havasya me satto hotA nividaH pUrvyA anu | achChA rAjAnA nama etyAvR^itaM prashAstrAdA pibataM somyaM madhu || 2\.036\.06 mandasva hotrAdanu joShamandhaso.adhvaryavaH sa pUrNAM vaShTyAsicham | tasmA etaM bharata tadvasho dadirhotrAtsomaM draviNodaH piba R^itubhiH || 2\.037\.01 yamu pUrvamahuve tamidaM huve sedu havyo dadiryo nAma patyate | adhvaryubhiH prasthitaM somyaM madhu potrAtsomaM draviNodaH piba R^itubhiH || 2\.037\.02 medyantu te vahnayo yebhirIyase.ariShaNyanvILayasvA vanaspate | AyUyA dhR^iShNo abhigUryA tvaM neShTrAtsomaM draviNodaH piba R^itubhiH || 2\.037\.03 apAddhotrAduta potrAdamattota neShTrAdajuShata prayo hitam | turIyaM pAtramamR^iktamamartyaM draviNodAH pibatu drAviNodasaH || 2\.037\.04 arvA~nchamadya yayyaM nR^ivAhaNaM rathaM yu~njAthAmiha vAM vimochanam | pR^i~NktaM havIMShi madhunA hi kaM gatamathA somaM pibataM vAjinIvasU || 2\.037\.05 joShyagne samidhaM joShyAhutiM joShi brahma janyaM joShi suShTutim | vishvebhirvishvA.N R^itunA vaso maha ushandevA.N ushataH pAyayA haviH || 2\.037\.06 udu Shya devaH savitA savAya shashvattamaM tadapA vahnirasthAt | nUnaM devebhyo vi hi dhAti ratnamathAbhajadvItihotraM svastau || 2\.038\.01 vishvasya hi shruShTaye deva UrdhvaH pra bAhavA pR^ithupANiH sisarti | Apashchidasya vrata A nimR^igrA ayaM chidvAto ramate parijman || 2\.038\.02 AshubhishchidyAnvi muchAti nUnamarIramadatamAnaM chidetoH | ahyarShUNAM chinnyayA.N aviShyAmanu vrataM saviturmokyAgAt || 2\.038\.03 punaH samavyadvitataM vayantI madhyA kartornyadhAchChakma dhIraH | utsaMhAyAsthAdvyR^itU.NradardhararamatiH savitA deva AgAt || 2\.038\.04 nAnaukAMsi duryo vishvamAyurvi tiShThate prabhavaH shoko agneH | jyeShThaM mAtA sUnave bhAgamAdhAdanvasya ketamiShitaM savitrA || 2\.038\.05 samAvavarti viShThito jigIShurvishveShAM kAmashcharatAmamAbhUt | shashvA.N apo vikR^itaM hitvyAgAdanu vrataM saviturdaivyasya || 2\.038\.06 tvayA hitamapyamapsu bhAgaM dhanvAnvA mR^igayaso vi tasthuH | vanAni vibhyo nakirasya tAni vratA devasya saviturminanti || 2\.038\.07 yAdrAdhyaM varuNo yonimapyamanishitaM nimiShi jarbhurANaH | vishvo mArtANDo vrajamA pashurgAtsthasho janmAni savitA vyAkaH || 2\.038\.08 na yasyendro varuNo na mitro vratamaryamA na minanti rudraH | nArAtayastamidaM svasti huve devaM savitAraM namobhiH || 2\.038\.09 bhagaM dhiyaM vAjayantaH puraMdhiM narAshaMso gnAspatirno avyAH | Aye vAmasya saMgathe rayINAM priyA devasya savituH syAma || 2\.038\.10 asmabhyaM taddivo adbhyaH pR^ithivyAstvayA dattaM kAmyaM rAdha A gAt | shaM yatstotR^ibhya Apaye bhavAtyurushaMsAya savitarjaritre || 2\.038\.11 grAvANeva tadidarthaM jarethe gR^idhreva vR^ikShaM nidhimantamachCha | brahmANeva vidatha ukthashAsA dUteva havyA janyA purutrA || 2\.039\.01 prAtaryAvANA rathyeva vIrAjeva yamA varamA sachethe | mene iva tanvA shumbhamAne dampatIva kratuvidA janeShu || 2\.039\.02 shR^i~Ngeva naH prathamA gantamarvAkChaphAviva jarbhurANA tarobhiH | chakravAkeva prati vastorusrArvA~nchA yAtaM rathyeva shakrA || 2\.039\.03 nAveva naH pArayataM yugeva nabhyeva na upadhIva pradhIva | shvAneva no ariShaNyA tanUnAM khR^igaleva visrasaH pAtamasmAn || 2\.039\.04 vAtevAjuryA nadyeva rItirakShI iva chakShuShA yAtamarvAk | hastAviva tanve shambhaviShThA pAdeva no nayataM vasyo achCha || 2\.039\.05 oShThAviva madhvAsne vadantA stanAviva pipyataM jIvase naH | nAseva nastanvo rakShitArA karNAviva sushrutA bhUtamasme || 2\.039\.06 hasteva shaktimabhi saMdadI naH kShAmeva naH samajataM rajAMsi | imA giro ashvinA yuShmayantIH kShNotreNeva svadhitiM saM shishItam || 2\.039\.07 etAni vAmashvinA vardhanAni brahma stomaM gR^itsamadAso akran | tAni narA jujuShANopa yAtaM bR^ihadvadema vidathe suvIrAH || 2\.039\.08 somApUShaNA jananA rayINAM jananA divo jananA pR^ithivyAH | jAtau vishvasya bhuvanasya gopau devA akR^iNvannamR^itasya nAbhim || 2\.040\.01 imau devau jAyamAnau juShantemau tamAMsi gUhatAmajuShTA | AbhyAmindraH pakvamAmAsvantaH somApUShabhyAM janadusriyAsu || 2\.040\.02 somApUShaNA rajaso vimAnaM saptachakraM rathamavishvaminvam | viShUvR^itaM manasA yujyamAnaM taM jinvatho vR^iShaNA pa~ncharashmim || 2\.040\.03 divyanyaH sadanaM chakra uchchA pR^ithivyAmanyo adhyantarikShe | tAvasmabhyaM puruvAraM purukShuM rAyaspoShaM vi ShyatAM nAbhimasme || 2\.040\.04 vishvAnyanyo bhuvanA jajAna vishvamanyo abhichakShANa eti | somApUShaNAvavataM dhiyaM me yuvAbhyAM vishvAH pR^itanA jayema || 2\.040\.05 dhiyaM pUShA jinvatu vishvaminvo rayiM somo rayipatirdadhAtu | avatu devyaditiranarvA bR^ihadvadema vidathe suvIrAH || 2\.040\.06 vAyo ye te sahasriNo rathAsastebhirA gahi | niyutvAnsomapItaye || 2\.041\.01 niyutvAnvAyavA gahyayaM shukro ayAmi te | gantAsi sunvato gR^iham || 2\.041\.02 shukrasyAdya gavAshira indravAyU niyutvataH | A yAtaM pibataM narA || 2\.041\.03 ayaM vAM mitrAvaruNA sutaH soma R^itAvR^idhA | mamediha shrutaM havam || 2\.041\.04 rAjAnAvanabhidruhA dhruve sadasyuttame | sahasrasthUNa AsAte || 2\.041\.05 tA samrAjA ghR^itAsutI AdityA dAnunaspatI | sachete anavahvaram || 2\.041\.06 gomadU Shu nAsatyAshvAvadyAtamashvinA | vartI rudrA nR^ipAyyam || 2\.041\.07 na yatparo nAntara AdadharShadvR^iShaNvasU | duHshaMso martyo ripuH || 2\.041\.08 tA na A voLhamashvinA rayiM pisha~NgasaMdR^isham | dhiShNyA varivovidam || 2\.041\.09 indro a~Nga mahadbhayamabhI Shadapa chuchyavat | sa hi sthiro vicharShaNiH || 2\.041\.10 indrashcha mR^iLayAti no na naH pashchAdaghaM nashat | bhadraM bhavAti naH puraH || 2\.041\.11 indra AshAbhyaspari sarvAbhyo abhayaM karat | jetA shatrUnvicharShaNiH || 2\.041\.12 vishve devAsa A gata shR^iNutA ma imaM havam | edaM barhirni ShIdata || 2\.041\.13 tIvro vo madhumA.N ayaM shunahotreShu matsaraH | etaM pibata kAmyam || 2\.041\.14 indrajyeShThA marudgaNA devAsaH pUSharAtayaH | vishve mama shrutA havam || 2\.041\.15 ambitame nadItame devitame sarasvati | aprashastA iva smasi prashastimamba naskR^idhi || 2\.041\.16 tve vishvA sarasvati shritAyUMShi devyAm | shunahotreShu matsva prajAM devi didiDDhi naH || 2\.041\.17 imA brahma sarasvati juShasva vAjinIvati | yA te manma gR^itsamadA R^itAvari priyA deveShu juhvati || 2\.041\.18 pretAM yaj~nasya shambhuvA yuvAmidA vR^iNImahe | agniM cha havyavAhanam || 2\.041\.19 dyAvA naH pR^ithivI imaM sidhramadya divispR^isham | yaj~naM deveShu yachChatAm || 2\.041\.20 A vAmupasthamadruhA devAH sIdantu yaj~niyAH | ihAdya somapItaye || 2\.041\.21 kanikradajjanuShaM prabruvANa iyarti vAchamariteva nAvam | suma~Ngalashcha shakune bhavAsi mA tvA kA chidabhibhA vishvyA vidat || 2\.042\.01 mA tvA shyena udvadhInmA suparNo mA tvA vidadiShumAnvIro astA | pitryAmanu pradishaM kanikradatsuma~Ngalo bhadravAdI vadeha || 2\.042\.02 ava kranda dakShiNato gR^ihANAM suma~Ngalo bhadravAdI shakunte | mA naH stena Ishata mAghashaMso bR^ihadvadema vidathe suvIrAH || 2\.042\.03 pradakShiNidabhi gR^iNanti kAravo vayo vadanta R^ituthA shakuntayaH | ubhe vAchau vadati sAmagA iva gAyatraM cha traiShTubhaM chAnu rAjati || 2\.043\.01 udgAteva shakune sAma gAyasi brahmaputra iva savaneShu shaMsasi | vR^iSheva vAjI shishumatIrapItyA sarvato naH shakune bhadramA vada vishvato naH shakune puNyamA vada || 2\.043\.02 Avada.NstvaM shakune bhadramA vada tUShNImAsInaH sumatiM chikiddhi naH | yadutpatanvadasi karkariryathA bR^ihadvadema vidathe suvIrAH || 2\.043\.03 ## Last updated July 2, 2013 Special mention : Initial processing and help by Avinash and Shashi Sathaye, Avinash Chopde, Shree Devi Kumar, Sunder Hattangadi, John Gardner. Reprocessed from Original in final form by Detlef Eichler with additional corrections. See Detlef's site http://www.detlef108.de/Rigveda.htm for other details and formats. The text is shown without accents (Anudattas, dependent Svaritas, and independent Svaritas including Kampas). Words are connected (agnimILe). Ch is doubled as in gachChati according to the rules of Rigveda-Pratishakhya. At the end of a word m is replaced by Anusvara M if the initial letter of the following word is a labial stop consonant (p, ph, b, bh, m). Visarga H before sh, Sh or s followed by a voiceless consonant has been restored. Source : The Aufrecht/van Nooten/Holland (Samhita) version of the Rigveda (http://www.people.fas.harvard.edu/~witzel/onlineRV.htm). In this text accented vowels have Udatta or 'independent Svarita' markers. Kampas are not shown. Words are separated (agnim ILe). Ch is not doubled as in gaChati. At the end of a word we find m before a following labial stop consonant (p, ph, b, bh, m). Visarga H before sh, Sh or s followed by a voiceless consonant has been dropped according to a rule of Rigveda-Pratishakhya. Send corrections to : detlefeichler@googlemail.com, sanskrit@cheerful.com The text is to be used for personal studies and research only. Any use for commercial purpose is prohibited as a `gentleman's' agreement.