|| R^igvedaH vaidikasvaravirahitaH maNDalaM 4 || tvAM hyagne sadamitsamanyavo devAso devamaratiM nyerira iti kratvA nyerire | amartyaM yajata martyeShvA devamAdevaM janata prachetasaM vishvamAdevaM janata prachetasam || 4\.001\.01 sa bhrAtaraM varuNamagna A vavR^itsva devA.N achChA sumatI yaj~navanasaM jyeShThaM yaj~navanasam | R^itAvAnamAdityaM charShaNIdhR^itaM rAjAnaM charShaNIdhR^itam || 4\.001\.02 sakhe sakhAyamabhyA vavR^itsvAshuM na chakraM rathyeva raMhyAsmabhyaM dasma raMhyA | agne mR^iLIkaM varuNe sachA vido marutsu vishvabhAnuShu | tokAya tuje shushuchAna shaM kR^idhyasmabhyaM dasma shaM kR^idhi || 4\.001\.03 tvaM no agne varuNasya vidvAndevasya heLo.ava yAsisIShThAH | yajiShTho vahnitamaH shoshuchAno vishvA dveShAMsi pra mumugdhyasmat || 4\.001\.04 sa tvaM no agne.avamo bhavotI nediShTho asyA uShaso vyuShTau | ava yakShva no varuNaM rarANo vIhi mR^iLIkaM suhavo na edhi || 4\.001\.05 asya shreShThA subhagasya saMdR^igdevasya chitratamA martyeShu | shuchi ghR^itaM na taptamaghnyAyAH spArhA devasya maMhaneva dhenoH || 4\.001\.06 trirasya tA paramA santi satyA spArhA devasya janimAnyagneH | anante antaH parivIta AgAchChuchiH shukro aryo roruchAnaH || 4\.001\.07 sa dUto vishvedabhi vaShTi sadmA hotA hiraNyaratho raMsujihvaH | rohidashvo vapuShyo vibhAvA sadA raNvaH pitumatIva saMsat || 4\.001\.08 sa chetayanmanuSho yaj~nabandhuH pra taM mahyA rashanayA nayanti | sa kShetyasya duryAsu sAdhandevo martasya sadhanitvamApa || 4\.001\.09 sa tU no agnirnayatu prajAnannachChA ratnaM devabhaktaM yadasya | dhiyA yadvishve amR^itA akR^iNvandyauShpitA janitA satyamukShan || 4\.001\.10 sa jAyata prathamaH pastyAsu maho budhne rajaso asya yonau | apAdashIrShA guhamAno antAyoyuvAno vR^iShabhasya nILe || 4\.001\.11 pra shardha Arta prathamaM vipanyA.N R^itasya yonA vR^iShabhasya nILe | spArho yuvA vapuShyo vibhAvA sapta priyAso.ajanayanta vR^iShNe || 4\.001\.12 asmAkamatra pitaro manuShyA abhi pra sedurR^itamAshuShANAH | ashmavrajAH sudughA vavre antarudusrA AjannuShaso huvAnAH || 4\.001\.13 te marmR^ijata dadR^ivAMso adriM tadeShAmanye abhito vi vochan | pashvayantrAso abhi kAramarchanvidanta jyotishchakR^ipanta dhIbhiH || 4\.001\.14 te gavyatA manasA dR^idhramubdhaM gA yemAnaM pari Shantamadrim | dR^iLhaM naro vachasA daivyena vrajaM gomantamushijo vi vavruH || 4\.001\.15 te manvata prathamaM nAma dhenostriH sapta mAtuH paramANi vindan | tajjAnatIrabhyanUShata vrA AvirbhuvadaruNIryashasA goH || 4\.001\.16 neshattamo dudhitaM rochata dyauruddevyA uShaso bhAnurarta | A sUryo bR^ihatastiShThadajrA.N R^iju marteShu vR^ijinA cha pashyan || 4\.001\.17 AditpashchA bubudhAnA vyakhyannAdidratnaM dhArayanta dyubhaktam | vishve vishvAsu duryAsu devA mitra dhiye varuNa satyamastu || 4\.001\.18 achChA vocheya shushuchAnamagniM hotAraM vishvabharasaM yajiShTham | shuchyUdho atR^iNanna gavAmandho na pUtaM pariShiktamaMshoH || 4\.001\.19 vishveShAmaditiryaj~niyAnAM vishveShAmatithirmAnuShANAm | agnirdevAnAmava AvR^iNAnaH sumR^iLIko bhavatu jAtavedAH || 4\.001\.20 yo martyeShvamR^ita R^itAvA devo deveShvaratirnidhAyi | hotA yajiShTho mahnA shuchadhyai havyairagnirmanuSha Irayadhyai || 4\.002\.01 iha tvaM sUno sahaso no adya jAto jAtA.N ubhayA.N antaragne | dUta Iyase yuyujAna R^iShva R^ijumuShkAnvR^iShaNaH shukrA.Nshcha || 4\.002\.02 atyA vR^idhasnU rohitA ghR^itasnU R^itasya manye manasA javiShThA | antarIyase aruShA yujAno yuShmA.Nshcha devAnvisha A cha martAn || 4\.002\.03 aryamaNaM varuNaM mitrameShAmindrAviShNU maruto ashvinota | svashvo agne surathaH surAdhA edu vaha suhaviShe janAya || 4\.002\.04 gomA.N agne.avimA.N ashvI yaj~no nR^ivatsakhA sadamidapramR^iShyaH | iLAvA.N eSho asura prajAvAndIrgho rayiH pR^ithubudhnaH sabhAvAn || 4\.002\.05 yasta idhmaM jabharatsiShvidAno mUrdhAnaM vA tatapate tvAyA | bhuvastasya svatavA.NH pAyuragne vishvasmAtsImaghAyata uruShya || 4\.002\.06 yaste bharAdanniyate chidannaM nishiShanmandramatithimudIrat | A devayurinadhate duroNe tasminrayirdhruvo astu dAsvAn || 4\.002\.07 yastvA doShA ya uShasi prashaMsAtpriyaM vA tvA kR^iNavate haviShmAn | ashvo na sve dama A hemyAvAntamaMhasaH pIparo dAshvAMsam || 4\.002\.08 yastubhyamagne amR^itAya dAshadduvastve kR^iNavate yatasruk | na sa rAyA shashamAno vi yoShannainamaMhaH pari varadaghAyoH || 4\.002\.09 yasya tvamagne adhvaraM jujoSho devo martasya sudhitaM rarANaH | prItedasaddhotrA sA yaviShThAsAma yasya vidhato vR^idhAsaH || 4\.002\.10 chittimachittiM chinavadvi vidvAnpR^iShTheva vItA vR^ijinA cha martAn | rAye cha naH svapatyAya deva ditiM cha rAsvAditimuruShya || 4\.002\.11 kaviM shashAsuH kavayo.adabdhA nidhArayanto duryAsvAyoH | atastvaM dR^ishyA.N agna etAnpaDbhiH pashyeradbhutA.N arya evaiH || 4\.002\.12 tvamagne vAghate supraNItiH sutasomAya vidhate yaviShTha | ratnaM bhara shashamAnAya ghR^iShve pR^ithu shchandramavase charShaNiprAH || 4\.002\.13 adhA ha yadvayamagne tvAyA paDbhirhastebhishchakR^imA tanUbhiH | rathaM na kranto apasA bhurijorR^itaM yemuH sudhya AshuShANAH || 4\.002\.14 adhA mAturuShasaH sapta viprA jAyemahi prathamA vedhaso nR^In | divasputrA a~Ngiraso bhavemAdriM rujema dhaninaM shuchantaH || 4\.002\.15 adhA yathA naH pitaraH parAsaH pratnAso agna R^itamAshuShANAH | shuchIdayandIdhitimukthashAsaH kShAmA bhindanto aruNIrapa vran || 4\.002\.16 sukarmANaH surucho devayanto.ayo na devA janimA dhamantaH | shuchanto agniM vavR^idhanta indramUrvaM gavyaM pariShadanto agman || 4\.002\.17 A yUtheva kShumati pashvo akhyaddevAnAM yajjanimAntyugra | martAnAM chidurvashIrakR^ipranvR^idhe chidarya uparasyAyoH || 4\.002\.18 akarma te svapaso abhUma R^itamavasrannuShaso vibhAtIH | anUnamagniM purudhA sushchandraM devasya marmR^ijatashchAru chakShuH || 4\.002\.19 etA te agna uchathAni vedho.avochAma kavaye tA juShasva | uchChochasva kR^iNuhi vasyaso no maho rAyaH puruvAra pra yandhi || 4\.002\.20 A vo rAjAnamadhvarasya rudraM hotAraM satyayajaM rodasyoH | agniM purA tanayitnorachittAddhiraNyarUpamavase kR^iNudhvam || 4\.003\.01 ayaM yonishchakR^imA yaM vayaM te jAyeva patya ushatI suvAsAH | arvAchInaH parivIto ni ShIdemA u te svapAka pratIchIH || 4\.003\.02 AshR^iNvate adR^ipitAya manma nR^ichakShase sumR^iLIkAya vedhaH | devAya shastimamR^itAya shaMsa grAveva sotA madhuShudyamILe || 4\.003\.03 tvaM chinnaH shamyA agne asyA R^itasya bodhyR^itachitsvAdhIH | kadA ta ukthA sadhamAdyAni kadA bhavanti sakhyA gR^ihe te || 4\.003\.04 kathA ha tadvaruNAya tvamagne kathA dive garhase kanna AgaH | kathA mitrAya mILhuShe pR^ithivyai bravaH kadaryamNe kadbhagAya || 4\.003\.05 kaddhiShNyAsu vR^idhasAno agne kadvAtAya pratavase shubhaMye | parijmane nAsatyAya kShe bravaH kadagne rudrAya nR^ighne || 4\.003\.06 kathA mahe puShTimbharAya pUShNe kadrudrAya sumakhAya havirde | kadviShNava urugAyAya reto bravaH kadagne sharave bR^ihatyai || 4\.003\.07 kathA shardhAya marutAmR^itAya kathA sUre bR^ihate pR^ichChyamAnaH | prati bravo.aditaye turAya sAdhA divo jAtavedashchikitvAn || 4\.003\.08 R^itena R^itaM niyatamILa A gorAmA sachA madhumatpakvamagne | kR^iShNA satI rushatA dhAsinaiShA jAmaryeNa payasA pIpAya || 4\.003\.09 R^itena hi ShmA vR^iShabhashchidaktaH pumA.N agniH payasA pR^iShThyena | aspandamAno acharadvayodhA vR^iShA shukraM duduhe pR^ishnirUdhaH || 4\.003\.10 R^itenAdriM vyasanbhidantaH sama~Ngiraso navanta gobhiH | shunaM naraH pari ShadannuShAsamAviH svarabhavajjAte agnau || 4\.003\.11 R^itena devIramR^itA amR^iktA arNobhirApo madhumadbhiragne | vAjI na sargeShu prastubhAnaH pra sadamitsravitave dadhanyuH || 4\.003\.12 mA kasya yakShaM sadamiddhuro gA mA veshasya praminato mApeH | mA bhrAturagne anR^ijorR^iNaM vermA sakhyurdakShaM riporbhujema || 4\.003\.13 rakShA No agne tava rakShaNebhI rArakShANaH sumakha prINAnaH | prati Shphura vi ruja vIDvaMho jahi rakSho mahi chidvAvR^idhAnam || 4\.003\.14 ebhirbhava sumanA agne arkairimAnspR^isha manmabhiH shUra vAjAn | uta brahmANya~Ngiro juShasva saM te shastirdevavAtA jareta || 4\.003\.15 etA vishvA viduShe tubhyaM vedho nIthAnyagne niNyA vachAMsi | nivachanA kavaye kAvyAnyashaMsiShaM matibhirvipra ukthaiH || 4\.003\.16 kR^iNuShva pAjaH prasitiM na pR^ithvIM yAhi rAjevAmavA.N ibhena | tR^iShvImanu prasitiM drUNAno.astAsi vidhya rakShasastapiShThaiH || 4\.004\.01 tava bhramAsa AshuyA patantyanu spR^isha dhR^iShatA shoshuchAnaH | tapUMShyagne juhvA pataMgAnasaMdito vi sR^ija viShvagulkAH || 4\.004\.02 prati spasho vi sR^ija tUrNitamo bhavA pAyurvisho asyA adabdhaH | yo no dUre aghashaMso yo antyagne mAkiShTe vyathirA dadharShIt || 4\.004\.03 udagne tiShTha pratyA tanuShva nyamitrA.N oShatAttigmahete | yo no arAtiM samidhAna chakre nIchA taM dhakShyatasaM na shuShkam || 4\.004\.04 Urdhvo bhava prati vidhyAdhyasmadAviShkR^iNuShva daivyAnyagne | ava sthirA tanuhi yAtujUnAM jAmimajAmiM pra mR^iNIhi shatrUn || 4\.004\.05 sa te jAnAti sumatiM yaviShTha ya Ivate brahmaNe gAtumairat | vishvAnyasmai sudinAni rAyo dyumnAnyaryo vi duro abhi dyaut || 4\.004\.06 sedagne astu subhagaH sudAnuryastvA nityena haviShA ya ukthaiH | piprIShati sva AyuShi duroNe vishvedasmai sudinA sAsadiShTiH || 4\.004\.07 archAmi te sumatiM ghoShyarvAksaM te vAvAtA jaratAmiyaM gIH | svashvAstvA surathA marjayemAsme kShatrANi dhArayeranu dyUn || 4\.004\.08 iha tvA bhUryA charedupa tmandoShAvastardIdivAMsamanu dyUn | krILantastvA sumanasaH sapemAbhi dyumnA tasthivAMso janAnAm || 4\.004\.09 yastvA svashvaH suhiraNyo agna upayAti vasumatA rathena | tasya trAtA bhavasi tasya sakhA yasta AtithyamAnuShagjujoShat || 4\.004\.10 maho rujAmi bandhutA vachobhistanmA piturgotamAdanviyAya | tvaM no asya vachasashchikiddhi hotaryaviShTha sukrato damUnAH || 4\.004\.11 asvapnajastaraNayaH sushevA atandrAso.avR^ikA ashramiShThAH | te pAyavaH sadhrya~ncho niShadyAgne tava naH pAntvamUra || 4\.004\.12 ye pAyavo mAmateyaM te agne pashyanto andhaM duritAdarakShan | rarakSha tAnsukR^ito vishvavedA dipsanta idripavo nAha debhuH || 4\.004\.13 tvayA vayaM sadhanyastvotAstava praNItyashyAma vAjAn | ubhA shaMsA sUdaya satyatAte.anuShThuyA kR^iNuhyahrayANa || 4\.004\.14 ayA te agne samidhA vidhema prati stomaM shasyamAnaM gR^ibhAya | dahAshaso rakShasaH pAhyasmAndruho nido mitramaho avadyAt || 4\.004\.15 vaishvAnarAya mILhuShe sajoShAH kathA dAshemAgnaye bR^ihadbhAH | anUnena bR^ihatA vakShathenopa stabhAyadupaminna rodhaH || 4\.005\.01 mA nindata ya imAM mahyaM rAtiM devo dadau martyAya svadhAvAn | pAkAya gR^itso amR^ito vichetA vaishvAnaro nR^itamo yahvo agniH || 4\.005\.02 sAma dvibarhA mahi tigmabhR^iShTiH sahasraretA vR^iShabhastuviShmAn | padaM na gorapagULhaM vividvAnagnirmahyaM predu vochanmanIShAm || 4\.005\.03 pra tA.N agnirbabhasattigmajambhastapiShThena shochiShA yaH surAdhAH | pra ye minanti varuNasya dhAma priyA mitrasya chetato dhruvANi || 4\.005\.04 abhrAtaro na yoShaNo vyantaH patiripo na janayo durevAH | pApAsaH santo anR^itA asatyA idaM padamajanatA gabhIram || 4\.005\.05 idaM me agne kiyate pAvakAminate guruM bhAraM na manma | bR^ihaddadhAtha dhR^iShatA gabhIraM yahvaM pR^iShThaM prayasA saptadhAtu || 4\.005\.06 taminnveva samanA samAnamabhi kratvA punatI dhItirashyAH | sasasya charmannadhi chAru pR^ishneragre rupa ArupitaM jabAru || 4\.005\.07 pravAchyaM vachasaH kiM me asya guhA hitamupa niNigvadanti | yadusriyANAmapa vAriva vranpAti priyaM rupo agraM padaM veH || 4\.005\.08 idamu tyanmahi mahAmanIkaM yadusriyA sachata pUrvyaM gauH | R^itasya pade adhi dIdyAnaM guhA raghuShyadraghuyadviveda || 4\.005\.09 adha dyutAnaH pitroH sachAsAmanuta guhyaM chAru pR^ishneH | mAtuShpade parame anti ShadgorvR^iShNaH shochiShaH prayatasya jihvA || 4\.005\.10 R^itaM voche namasA pR^ichChyamAnastavAshasA jAtavedo yadIdam | tvamasya kShayasi yaddha vishvaM divi yadu draviNaM yatpR^ithivyAm || 4\.005\.11 kiM no asya draviNaM kaddha ratnaM vi no vocho jAtavedashchikitvAn | guhAdhvanaH paramaM yanno asya reku padaM na nidAnA aganma || 4\.005\.12 kA maryAdA vayunA kaddha vAmamachChA gamema raghavo na vAjam | kadA no devIramR^itasya patnIH sUro varNena tatanannuShAsaH || 4\.005\.13 anireNa vachasA phalgvena pratItyena kR^idhunAtR^ipAsaH | adhA te agne kimihA vadantyanAyudhAsa AsatA sachantAm || 4\.005\.14 asya shriye samidhAnasya vR^iShNo vasoranIkaM dama A rurocha | rushadvasAnaH sudR^ishIkarUpaH kShitirna rAyA puruvAro adyaut || 4\.005\.15 Urdhva U Shu No adhvarasya hotaragne tiShTha devatAtA yajIyAn | tvaM hi vishvamabhyasi manma pra vedhasashchittirasi manIShAm || 4\.006\.01 amUro hotA nyasAdi vikShvagnirmandro vidatheShu prachetAH | UrdhvaM bhAnuM savitevAshrenmeteva dhUmaM stabhAyadupa dyAm || 4\.006\.02 yatA sujUrNI rAtinI ghR^itAchI pradakShiNiddevatAtimurANaH | udu svarurnavajA nAkraH pashvo anakti sudhitaH sumekaH || 4\.006\.03 stIrNe barhiShi samidhAne agnA Urdhvo adhvaryurjujuShANo asthAt | paryagniH pashupA na hotA triviShTyeti pradiva urANaH || 4\.006\.04 pari tmanA mitadrureti hotAgnirmandro madhuvachA R^itAvA | dravantyasya vAjino na shokA bhayante vishvA bhuvanA yadabhrAT || 4\.006\.05 bhadrA te agne svanIka saMdR^igghorasya sato viShuNasya chAruH | na yatte shochistamasA varanta na dhvasmAnastanvI repa A dhuH || 4\.006\.06 na yasya sAturjanitoravAri na mAtarApitarA nU chidiShTau | adhA mitro na sudhitaH pAvako.agnirdIdAya mAnuShIShu vikShu || 4\.006\.07 dviryaM pa~ncha jIjanansaMvasAnAH svasAro agniM mAnuShIShu vikShu | uSharbudhamatharyo na dantaM shukraM svAsaM parashuM na tigmam || 4\.006\.08 tava tye agne harito ghR^itasnA rohitAsa R^ijva~nchaH sva~nchaH | aruShAso vR^iShaNa R^ijumuShkA A devatAtimahvanta dasmAH || 4\.006\.09 ye ha tye te sahamAnA ayAsastveShAso agne archayashcharanti | shyenAso na duvasanAso arthaM tuviShvaNaso mArutaM na shardhaH || 4\.006\.10 akAri brahma samidhAna tubhyaM shaMsAtyukthaM yajate vyU dhAH | hotAramagniM manuSho ni Shedurnamasyanta ushijaH shaMsamAyoH || 4\.006\.11 ayamiha prathamo dhAyi dhAtR^ibhirhotA yajiShTho adhvareShvIDyaH | yamapnavAno bhR^igavo viruruchurvaneShu chitraM vibhvaM vishevishe || 4\.007\.01 agne kadA ta AnuShagbhuvaddevasya chetanam | adhA hi tvA jagR^ibhrire martAso vikShvIDyam || 4\.007\.02 R^itAvAnaM vichetasaM pashyanto dyAmiva stR^ibhiH | vishveShAmadhvarANAM haskartAraM damedame || 4\.007\.03 AshuM dUtaM vivasvato vishvA yashcharShaNIrabhi | A jabhruH ketumAyavo bhR^igavANaM vishevishe || 4\.007\.04 tamIM hotAramAnuShakchikitvAMsaM ni Shedire | raNvaM pAvakashochiShaM yajiShThaM sapta dhAmabhiH || 4\.007\.05 taM shashvatIShu mAtR^iShu vana A vItamashritam | chitraM santaM guhA hitaM suvedaM kUchidarthinam || 4\.007\.06 sasasya yadviyutA sasminnUdhannR^itasya dhAmanraNayanta devAH | mahA.N agnirnamasA rAtahavyo veradhvarAya sadamidR^itAvA || 4\.007\.07 veradhvarasya dUtyAni vidvAnubhe antA rodasI saMchikitvAn | dUta Iyase pradiva urANo viduShTaro diva ArodhanAni || 4\.007\.08 kR^iShNaM ta ema rushataH puro bhAshchariShNvarchirvapuShAmidekam | yadapravItA dadhate ha garbhaM sadyashchijjAto bhavasIdu dUtaH || 4\.007\.09 sadyo jAtasya dadR^ishAnamojo yadasya vAto anuvAti shochiH | vR^iNakti tigmAmataseShu jihvAM sthirA chidannA dayate vi jambhaiH || 4\.007\.10 tR^iShu yadannA tR^iShuNA vavakSha tR^iShuM dUtaM kR^iNute yahvo agniH | vAtasya meLiM sachate nijUrvannAshuM na vAjayate hinve arvA || 4\.007\.11 dUtaM vo vishvavedasaM havyavAhamamartyam | yajiShThamR^i~njase girA || 4\.008\.01 sa hi vedA vasudhitiM mahA.N ArodhanaM divaH | sa devA.N eha vakShati || 4\.008\.02 sa veda deva AnamaM devA.N R^itAyate dame | dAti priyANi chidvasu || 4\.008\.03 sa hotA sedu dUtyaM chikitvA.N antarIyate | vidvA.N ArodhanaM divaH || 4\.008\.04 te syAma ye agnaye dadAshurhavyadAtibhiH | ya IM puShyanta indhate || 4\.008\.05 te rAyA te suvIryaiH sasavAMso vi shR^iNvire | ye agnA dadhire duvaH || 4\.008\.06 asme rAyo divedive saM charantu puruspR^ihaH | asme vAjAsa IratAm || 4\.008\.07 sa viprashcharShaNInAM shavasA mAnuShANAm | ati kShipreva vidhyati || 4\.008\.08 agne mR^iLa mahA.N asi ya ImA devayuM janam | iyetha barhirAsadam || 4\.009\.01 sa mAnuShIShu dULabho vikShu prAvIramartyaH | dUto vishveShAM bhuvat || 4\.009\.02 sa sadma pari NIyate hotA mandro diviShTiShu | uta potA ni ShIdati || 4\.009\.03 uta gnA agniradhvara uto gR^ihapatirdame | uta brahmA ni ShIdati || 4\.009\.04 veShi hyadhvarIyatAmupavaktA janAnAm | havyA cha mAnuShANAm || 4\.009\.05 veShIdvasya dUtyaM yasya jujoSho adhvaram | havyaM martasya voLhave || 4\.009\.06 asmAkaM joShyadhvaramasmAkaM yaj~nama~NgiraH | asmAkaM shR^iNudhI havam || 4\.009\.07 pari te dULabho ratho.asmA.N ashnotu vishvataH | yena rakShasi dAshuShaH || 4\.009\.08 agne tamadyAshvaM na stomaiH kratuM na bhadraM hR^idispR^isham | R^idhyAmA ta ohaiH || 4\.010\.01 adhA hyagne kratorbhadrasya dakShasya sAdhoH | rathIrR^itasya bR^ihato babhUtha || 4\.010\.02 ebhirno arkairbhavA no arvA~NsvarNa jyotiH | agne vishvebhiH sumanA anIkaiH || 4\.010\.03 AbhiShTe adya gIrbhirgR^iNanto.agne dAshema | pra te divo na stanayanti shuShmAH || 4\.010\.04 tava svAdiShThAgne saMdR^iShTiridA chidahna idA chidaktoH | shriye rukmo na rochata upAke || 4\.010\.05 ghR^itaM na pUtaM tanUrarepAH shuchi hiraNyam | tatte rukmo na rochata svadhAvaH || 4\.010\.06 kR^itaM chiddhi ShmA sanemi dveSho.agna inoShi martAt | itthA yajamAnAdR^itAvaH || 4\.010\.07 shivA naH sakhyA santu bhrAtrAgne deveShu yuShme | sA no nAbhiH sadane sasminnUdhan || 4\.010\.08 bhadraM te agne sahasinnanIkamupAka A rochate sUryasya | rushaddR^ishe dadR^ishe naktayA chidarUkShitaM dR^isha A rUpe annam || 4\.011\.01 vi ShAhyagne gR^iNate manIShAM khaM vepasA tuvijAta stavAnaH | vishvebhiryadvAvanaH shukra devaistanno rAsva sumaho bhUri manma || 4\.011\.02 tvadagne kAvyA tvanmanIShAstvadukthA jAyante rAdhyAni | tvadeti draviNaM vIrapeshA itthAdhiye dAshuShe martyAya || 4\.011\.03 tvadvAjI vAjambharo vihAyA abhiShTikR^ijjAyate satyashuShmaH | tvadrayirdevajUto mayobhustvadAshurjUjuvA.N agne arvA || 4\.011\.04 tvAmagne prathamaM devayanto devaM martA amR^ita mandrajihvam | dveShoyutamA vivAsanti dhIbhirdamUnasaM gR^ihapatimamUram || 4\.011\.05 Are asmadamatimAre aMha Are vishvAM durmatiM yannipAsi | doShA shivaH sahasaH sUno agne yaM deva A chitsachase svasti || 4\.011\.06 yastvAmagna inadhate yatasruktriste annaM kR^iNavatsasminnahan | sa su dyumnairabhyastu prasakShattava kratvA jAtavedashchikitvAn || 4\.012\.01 idhmaM yaste jabharachChashramANo maho agne anIkamA saparyan | sa idhAnaH prati doShAmuShAsaM puShyanrayiM sachate ghnannamitrAn || 4\.012\.02 agnirIshe bR^ihataH kShatriyasyAgnirvAjasya paramasya rAyaH | dadhAti ratnaM vidhate yaviShTho vyAnuSha~NmartyAya svadhAvAn || 4\.012\.03 yachchiddhi te puruShatrA yaviShThAchittibhishchakR^imA kachchidAgaH | kR^idhI ShvasmA.N aditeranAgAnvyenAMsi shishratho viShvagagne || 4\.012\.04 mahashchidagna enaso abhIka UrvAddevAnAmuta martyAnAm | mA te sakhAyaH sadamidriShAma yachChA tokAya tanayAya shaM yoH || 4\.012\.05 yathA ha tyadvasavo gauryaM chitpadi ShitAmamu~nchatA yajatrAH | evo Shvasmanmu~nchatA vyaMhaH pra tAryagne prataraM na AyuH || 4\.012\.06 pratyagniruShasAmagramakhyadvibhAtInAM sumanA ratnadheyam | yAtamashvinA sukR^ito duroNamutsUryo jyotiShA deva eti || 4\.013\.01 UrdhvaM bhAnuM savitA devo ashreddrapsaM davidhvadgaviSho na satvA | anu vrataM varuNo yanti mitro yatsUryaM divyArohayanti || 4\.013\.02 yaM sImakR^iNvantamase vipR^iche dhruvakShemA anavasyanto artham | taM sUryaM haritaH sapta yahvIH spashaM vishvasya jagato vahanti || 4\.013\.03 vahiShThebhirviharanyAsi tantumavavyayannasitaM deva vasma | davidhvato rashmayaH sUryasya charmevAvAdhustamo apsvantaH || 4\.013\.04 anAyato anibaddhaH kathAyaM nya~N~NuttAno.ava padyate na | kayA yAti svadhayA ko dadarsha divaH skambhaH samR^itaH pAti nAkam || 4\.013\.05 pratyagniruShaso jAtavedA akhyaddevo rochamAnA mahobhiH | A nAsatyorugAyA rathenemaM yaj~namupa no yAtamachCha || 4\.014\.01 UrdhvaM ketuM savitA devo ashrejjyotirvishvasmai bhuvanAya kR^iNvan | AprA dyAvApR^ithivI antarikShaM vi sUryo rashmibhishchekitAnaH || 4\.014\.02 AvahantyaruNIrjyotiShAgAnmahI chitrA rashmibhishchekitAnA | prabodhayantI suvitAya devyuShA Iyate suyujA rathena || 4\.014\.03 A vAM vahiShThA iha te vahantu rathA ashvAsa uShaso vyuShTau | ime hi vAM madhupeyAya somA asminyaj~ne vR^iShaNA mAdayethAm || 4\.014\.04 anAyato anibaddhaH kathAyaM nya~N~NuttAno.ava padyate na | kayA yAti svadhayA ko dadarsha divaH skambhaH samR^itaH pAti nAkam || 4\.014\.05 agnirhotA no adhvare vAjI sanpari NIyate | devo deveShu yaj~niyaH || 4\.015\.01 pari triviShTyadhvaraM yAtyagnI rathIriva | A deveShu prayo dadhat || 4\.015\.02 pari vAjapatiH kaviragnirhavyAnyakramIt | dadhadratnAni dAshuShe || 4\.015\.03 ayaM yaH sR^i~njaye puro daivavAte samidhyate | dyumA.N amitradambhanaH || 4\.015\.04 asya ghA vIra Ivato.agnerIshIta martyaH | tigmajambhasya mILhuShaH || 4\.015\.05 tamarvantaM na sAnasimaruShaM na divaH shishum | marmR^ijyante divedive || 4\.015\.06 bodhadyanmA haribhyAM kumAraH sAhadevyaH | achChA na hUta udaram || 4\.015\.07 uta tyA yajatA harI kumArAtsAhadevyAt | prayatA sadya A dade || 4\.015\.08 eSha vAM devAvashvinA kumAraH sAhadevyaH | dIrghAyurastu somakaH || 4\.015\.09 taM yuvaM devAvashvinA kumAraM sAhadevyam | dIrghAyuShaM kR^iNotana || 4\.015\.10 A satyo yAtu maghavA.N R^ijIShI dravantvasya haraya upa naH | tasmA idandhaH suShumA sudakShamihAbhipitvaM karate gR^iNAnaH || 4\.016\.01 ava sya shUrAdhvano nAnte.asminno adya savane mandadhyai | shaMsAtyukthamushaneva vedhAshchikituShe asuryAya manma || 4\.016\.02 kavirna niNyaM vidathAni sAdhanvR^iShA yatsekaM vipipAno archAt | diva itthA jIjanatsapta kArUnahnA chichchakrurvayunA gR^iNantaH || 4\.016\.03 svaryadvedi sudR^ishIkamarkairmahi jyotI ruruchuryaddha vastoH | andhA tamAMsi dudhitA vichakShe nR^ibhyashchakAra nR^itamo abhiShTau || 4\.016\.04 vavakSha indro amitamR^ijIShyubhe A paprau rodasI mahitvA | atashchidasya mahimA vi rechyabhi yo vishvA bhuvanA babhUva || 4\.016\.05 vishvAni shakro naryANi vidvAnapo rirecha sakhibhirnikAmaiH | ashmAnaM chidye bibhidurvachobhirvrajaM gomantamushijo vi vavruH || 4\.016\.06 apo vR^itraM vavrivAMsaM parAhanprAvatte vajraM pR^ithivI sachetAH | prArNAMsi samudriyANyainoH patirbhava~nChavasA shUra dhR^iShNo || 4\.016\.07 apo yadadriM puruhUta dardarAvirbhuvatsaramA pUrvyaM te | sa no netA vAjamA darShi bhUriM gotrA rujanna~NgirobhirgR^iNAnaH || 4\.016\.08 achChA kaviM nR^imaNo gA abhiShTau svarShAtA maghavannAdhamAnam | UtibhistamiShaNo dyumnahUtau ni mAyAvAnabrahmA dasyurarta || 4\.016\.09 A dasyughnA manasA yAhyastaM bhuvatte kutsaH sakhye nikAmaH | sve yonau ni ShadataM sarUpA vi vAM chikitsadR^itachiddha nArI || 4\.016\.10 yAsi kutsena sarathamavasyustodo vAtasya haryorIshAnaH | R^ijrA vAjaM na gadhyaM yuyUShankaviryadahanpAryAya bhUShAt || 4\.016\.11 kutsAya shuShNamashuShaM ni barhIH prapitve ahnaH kuyavaM sahasrA | sadyo dasyUnpra mR^iNa kutsyena pra sUrashchakraM vR^ihatAdabhIke || 4\.016\.12 tvaM pipruM mR^igayaM shUshuvAMsamR^ijishvane vaidathinAya randhIH | pa~nchAshatkR^iShNA ni vapaH sahasrAtkaM na puro jarimA vi dardaH || 4\.016\.13 sUra upAke tanvaM dadhAno vi yatte chetyamR^itasya varpaH | mR^igo na hastI taviShImuShANaH siMho na bhIma AyudhAni bibhrat || 4\.016\.14 indraM kAmA vasUyanto agmansvarmILhe na savane chakAnAH | shravasyavaH shashamAnAsa ukthairoko na raNvA sudR^ishIva puShTiH || 4\.016\.15 tamidva indraM suhavaM huvema yastA chakAra naryA purUNi | yo mAvate jaritre gadhyaM chinmakShU vAjaM bharati spArharAdhAH || 4\.016\.16 tigmA yadantarashaniH patAti kasmi~nchichChUra muhuke janAnAm | ghorA yadarya samR^itirbhavAtyadha smA nastanvo bodhi gopAH || 4\.016\.17 bhuvo.avitA vAmadevasya dhInAM bhuvaH sakhAvR^iko vAjasAtau | tvAmanu pramatimA jaganmorushaMso jaritre vishvadha syAH || 4\.016\.18 ebhirnR^ibhirindra tvAyubhiShTvA maghavadbhirmaghavanvishva Ajau | dyAvo na dyumnairabhi santo aryaH kShapo madema sharadashcha pUrvIH || 4\.016\.19 evedindrAya vR^iShabhAya vR^iShNe brahmAkarma bhR^igavo na ratham | nU chidyathA naH sakhyA viyoShadasanna ugro.avitA tanUpAH || 4\.016\.20 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.016\.21 tvaM mahA.N indra tubhyaM ha kShA anu kShatraM maMhanA manyata dyauH | tvaM vR^itraM shavasA jaghanvAnsR^ijaH sindhU.NrahinA jagrasAnAn || 4\.017\.01 tava tviSho janimanrejata dyau rejadbhUmirbhiyasA svasya manyoH | R^ighAyanta subhvaH parvatAsa ArdandhanvAni sarayanta ApaH || 4\.017\.02 bhinadgiriM shavasA vajramiShNannAviShkR^iNvAnaH sahasAna ojaH | vadhIdvR^itraM vajreNa mandasAnaH sarannApo javasA hatavR^iShNIH || 4\.017\.03 suvIraste janitA manyata dyaurindrasya kartA svapastamo bhUt | ya IM jajAna svaryaM suvajramanapachyutaM sadaso na bhUma || 4\.017\.04 ya eka ichchyAvayati pra bhUmA rAjA kR^iShTInAM puruhUta indraH | satyamenamanu vishve madanti rAtiM devasya gR^iNato maghonaH || 4\.017\.05 satrA somA abhavannasya vishve satrA madAso bR^ihato madiShThAH | satrAbhavo vasupatirvasUnAM datre vishvA adhithA indra kR^iShTIH || 4\.017\.06 tvamadha prathamaM jAyamAno.ame vishvA adhithA indra kR^iShTIH | tvaM prati pravata AshayAnamahiM vajreNa maghavanvi vR^ishchaH || 4\.017\.07 satrAhaNaM dAdhR^iShiM tumramindraM mahAmapAraM vR^iShabhaM suvajram | hantA yo vR^itraM sanitota vAjaM dAtA maghAni maghavA surAdhAH || 4\.017\.08 ayaM vR^itashchAtayate samIchIrya AjiShu maghavA shR^iNva ekaH | ayaM vAjaM bharati yaM sanotyasya priyAsaH sakhye syAma || 4\.017\.09 ayaM shR^iNve adha jayannuta ghnannayamuta pra kR^iNute yudhA gAH | yadA satyaM kR^iNute manyumindro vishvaM dR^iLhaM bhayata ejadasmAt || 4\.017\.10 samindro gA ajayatsaM hiraNyA samashviyA maghavA yo ha pUrvIH | ebhirnR^ibhirnR^itamo asya shAkai rAyo vibhaktA sambharashcha vasvaH || 4\.017\.11 kiyatsvidindro adhyeti mAtuH kiyatpiturjanituryo jajAna | yo asya shuShmaM muhukairiyarti vAto na jUtaH stanayadbhirabhraiH || 4\.017\.12 kShiyantaM tvamakShiyantaM kR^iNotIyarti reNuM maghavA samoham | vibha~njanurashanimA.N iva dyauruta stotAraM maghavA vasau dhAt || 4\.017\.13 ayaM chakramiShaNatsUryasya nyetashaM rIramatsasR^imANam | A kR^iShNa IM juhurANo jigharti tvacho budhne rajaso asya yonau || 4\.017\.14 asiknyAM yajamAno na hotA || 4\.017\.15 gavyanta indraM sakhyAya viprA ashvAyanto vR^iShaNaM vAjayantaH | janIyanto janidAmakShitotimA chyAvayAmo.avate na kosham || 4\.017\.16 trAtA no bodhi dadR^ishAna ApirabhikhyAtA marDitA somyAnAm | sakhA pitA pitR^itamaH pitR^INAM kartemu lokamushate vayodhAH || 4\.017\.17 sakhIyatAmavitA bodhi sakhA gR^iNAna indra stuvate vayo dhAH | vayaM hyA te chakR^imA sabAdha AbhiH shamIbhirmahayanta indra || 4\.017\.18 stuta indro maghavA yaddha vR^itrA bhUrINyeko apratIni hanti | asya priyo jaritA yasya sharmannakirdevA vArayante na martAH || 4\.017\.19 evA na indro maghavA virapshI karatsatyA charShaNIdhR^idanarvA | tvaM rAjA januShAM dhehyasme adhi shravo mAhinaM yajjaritre || 4\.017\.20 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.017\.21 ayaM panthA anuvittaH purANo yato devA udajAyanta vishve | atashchidA janiShIShTa pravR^iddho mA mAtaramamuyA pattave kaH || 4\.018\.01 nAhamato nirayA durgahaitattirashchatA pArshvAnnirgamANi | bahUni me akR^itA kartvAni yudhyai tvena saM tvena pR^ichChai || 4\.018\.02 parAyatIM mAtaramanvachaShTa na nAnu gAnyanu nU gamAni | tvaShTurgR^ihe apibatsomamindraH shatadhanyaM chamvoH sutasya || 4\.018\.03 kiM sa R^idhakkR^iNavadyaM sahasraM mAso jabhAra sharadashcha pUrvIH | nahI nvasya pratimAnamastyantarjAteShUta ye janitvAH || 4\.018\.04 avadyamiva manyamAnA guhAkarindraM mAtA vIryeNA nyR^iShTam | athodasthAtsvayamatkaM vasAna A rodasI apR^iNAjjAyamAnaH || 4\.018\.05 etA arShantyalalAbhavantIrR^itAvarIriva saMkroshamAnAH | etA vi pR^ichCha kimidaM bhananti kamApo adriM paridhiM rujanti || 4\.018\.06 kimu Shvidasmai nivido bhanantendrasyAvadyaM didhiShanta ApaH | mamaitAnputro mahatA vadhena vR^itraM jaghanvA.N asR^ijadvi sindhUn || 4\.018\.07 mamachchana tvA yuvatiH parAsa mamachchana tvA kuShavA jagAra | mamachchidApaH shishave mamR^iDyurmamachchidindraH sahasodatiShThat || 4\.018\.08 mamachchana te maghavanvyaMso nivividhvA.N apa hanU jaghAna | adhA nividdha uttaro babhUvA~nChiro dAsasya saM piNagvadhena || 4\.018\.09 gR^iShTiH sasUva sthaviraM tavAgAmanAdhR^iShyaM vR^iShabhaM tumramindram | arILhaM vatsaM charathAya mAtA svayaM gAtuM tanva ichChamAnam || 4\.018\.10 uta mAtA mahiShamanvavenadamI tvA jahati putra devAH | athAbravIdvR^itramindro haniShyansakhe viShNo vitaraM vi kramasva || 4\.018\.11 kaste mAtaraM vidhavAmachakrachChayuM kastvAmajighAMsachcharantam | kaste devo adhi mArDIka AsIdyatprAkShiNAH pitaraM pAdagR^ihya || 4\.018\.12 avartyA shuna AntrANi peche na deveShu vivide marDitAram | apashyaM jAyAmamahIyamAnAmadhA me shyeno madhvA jabhAra || 4\.018\.13 evA tvAmindra vajrinnatra vishve devAsaH suhavAsa UmAH | mahAmubhe rodasI vR^iddhamR^iShvaM nirekamidvR^iNate vR^itrahatye || 4\.019\.01 avAsR^ijanta jivrayo na devA bhuvaH samrALindra satyayoniH | ahannahiM parishayAnamarNaH pra vartanIrarado vishvadhenAH || 4\.019\.02 atR^ipNuvantaM viyatamabudhyamabudhyamAnaM suShupANamindra | sapta prati pravata AshayAnamahiM vajreNa vi riNA aparvan || 4\.019\.03 akShodayachChavasA kShAma budhnaM vArNa vAtastaviShIbhirindraH | dR^iLhAnyaubhnAdushamAna ojo.avAbhinatkakubhaH parvatAnAm || 4\.019\.04 abhi pra dadrurjanayo na garbhaM rathA iva pra yayuH sAkamadrayaH | atarpayo visR^ita ubja UrmIntvaM vR^itA.N ariNA indra sindhUn || 4\.019\.05 tvaM mahImavaniM vishvadhenAM turvItaye vayyAya kSharantIm | aramayo namasaijadarNaH sutaraNA.N akR^iNorindra sindhUn || 4\.019\.06 prAgruvo nabhanvo na vakvA dhvasrA apinvadyuvatIrR^itaj~nAH | dhanvAnyajrA.N apR^iNaktR^iShANA.N adhogindraH staryo daMsupatnIH || 4\.019\.07 pUrvIruShasaH sharadashcha gUrtA vR^itraM jaghanvA.N asR^ijadvi sindhUn | pariShThitA atR^iNadbadbadhAnAH sIrA indraH sravitave pR^ithivyA || 4\.019\.08 vamrIbhiH putramagruvo adAnaM niveshanAddhariva A jabhartha | vyandho akhyadahimAdadAno nirbhUdukhachChitsamaranta parva || 4\.019\.09 pra te pUrvANi karaNAni viprAvidvA.N Aha viduShe karAMsi | yathAyathA vR^iShNyAni svagUrtApAMsi rAjannaryAviveShIH || 4\.019\.10 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.019\.11 A na indro dUrAdA na AsAdabhiShTikR^idavase yAsadugraH | ojiShThebhirnR^ipatirvajrabAhuH saMge samatsu turvaNiH pR^itanyUn || 4\.020\.01 A na indro haribhiryAtvachChArvAchIno.avase rAdhase cha | tiShThAti vajrI maghavA virapshImaM yaj~namanu no vAjasAtau || 4\.020\.02 imaM yaj~naM tvamasmAkamindra puro dadhatsaniShyasi kratuM naH | shvaghnIva vajrinsanaye dhanAnAM tvayA vayamarya AjiM jayema || 4\.020\.03 ushannu Shu NaH sumanA upAke somasya nu suShutasya svadhAvaH | pA indra pratibhR^itasya madhvaH samandhasA mamadaH pR^iShThyena || 4\.020\.04 vi yo rarapsha R^iShibhirnavebhirvR^ikSho na pakvaH sR^iNyo na jetA | maryo na yoShAmabhi manyamAno.achChA vivakmi puruhUtamindram || 4\.020\.05 girirna yaH svatavA.N R^iShva indraH sanAdeva sahase jAta ugraH | AdartA vajraM sthaviraM na bhIma udneva koshaM vasunA nyR^iShTam || 4\.020\.06 na yasya vartA januShA nvasti na rAdhasa AmarItA maghasya | udvAvR^iShANastaviShIva ugrAsmabhyaM daddhi puruhUta rAyaH || 4\.020\.07 IkShe rAyaH kShayasya charShaNInAmuta vrajamapavartAsi gonAm | shikShAnaraH samitheShu prahAvAnvasvo rAshimabhinetAsi bhUrim || 4\.020\.08 kayA tachChR^iNve shachyA shachiShTho yayA kR^iNoti muhu kA chidR^iShvaH | puru dAshuShe vichayiShTho aMho.athA dadhAti draviNaM jaritre || 4\.020\.09 mA no mardhIrA bharA daddhi tannaH pra dAshuShe dAtave bhUri yatte | navye deShNe shaste asminta ukthe pra bravAma vayamindra stuvantaH || 4\.020\.10 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.020\.11 A yAtvindro.avasa upa na iha stutaH sadhamAdastu shUraH | vAvR^idhAnastaviShIryasya pUrvIrdyaurna kShatramabhibhUti puShyAt || 4\.021\.01 tasyediha stavatha vR^iShNyAni tuvidyumnasya tuvirAdhaso nR^In | yasya kraturvidathyo na samrAT sAhvAntarutro abhyasti kR^iShTIH || 4\.021\.02 A yAtvindro diva A pR^ithivyA makShU samudrAduta vA purIShAt | svarNarAdavase no marutvAnparAvato vA sadanAdR^itasya || 4\.021\.03 sthUrasya rAyo bR^ihato ya Ishe tamu ShTavAma vidatheShvindram | yo vAyunA jayati gomatIShu pra dhR^iShNuyA nayati vasyo achCha || 4\.021\.04 upa yo namo namasi stabhAyanniyarti vAchaM janayanyajadhyai | R^i~njasAnaH puruvAra ukthairendraM kR^iNvIta sadaneShu hotA || 4\.021\.05 dhiShA yadi dhiShaNyantaH saraNyAnsadanto adrimaushijasya gohe | A duroShAH pAstyasya hotA yo no mahAnsaMvaraNeShu vahniH || 4\.021\.06 satrA yadIM bhArvarasya vR^iShNaH siShakti shuShmaH stuvate bharAya | guhA yadImaushijasya gohe pra yaddhiye prAyase madAya || 4\.021\.07 vi yadvarAMsi parvatasya vR^iNve payobhirjinve apAM javAMsi | vidadgaurasya gavayasya gohe yadI vAjAya sudhyo vahanti || 4\.021\.08 bhadrA te hastA sukR^itota pANI prayantArA stuvate rAdha indra | kA te niShattiH kimu no mamatsi kiM nodudu harShase dAtavA u || 4\.021\.09 evA vasva indraH satyaH samrADDhantA vR^itraM varivaH pUrave kaH | puruShTuta kratvA naH shagdhi rAyo bhakShIya te.avaso daivyasya || 4\.021\.10 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.021\.11 yanna indro jujuShe yachcha vaShTi tanno mahAnkarati shuShmyA chit | brahma stomaM maghavA somamukthA yo ashmAnaM shavasA bibhradeti || 4\.022\.01 vR^iShA vR^iShandhiM chaturashrimasyannugro bAhubhyAM nR^itamaH shachIvAn | shriye paruShNImuShamANa UrNAM yasyAH parvANi sakhyAya vivye || 4\.022\.02 yo devo devatamo jAyamAno maho vAjebhirmahadbhishcha shuShmaiH | dadhAno vajraM bAhvorushantaM dyAmamena rejayatpra bhUma || 4\.022\.03 vishvA rodhAMsi pravatashcha pUrvIrdyaurR^iShvAjjanimanrejata kShAH | A mAtarA bharati shuShmyA gornR^ivatparijmannonuvanta vAtAH || 4\.022\.04 tA tU ta indra mahato mahAni vishveShvitsavaneShu pravAchyA | yachChUra dhR^iShNo dhR^iShatA dadhR^iShvAnahiM vajreNa shavasAviveShIH || 4\.022\.05 tA tU te satyA tuvinR^imNa vishvA pra dhenavaH sisrate vR^iShNa UdhnaH | adhA ha tvadvR^iShamaNo bhiyAnAH pra sindhavo javasA chakramanta || 4\.022\.06 atrAha te harivastA u devIravobhirindra stavanta svasAraH | yatsImanu pra mucho badbadhAnA dIrghAmanu prasitiM syandayadhyai || 4\.022\.07 pipILe aMshurmadyo na sindhurA tvA shamI shashamAnasya shaktiH | asmadryakChushuchAnasya yamyA Ashurna rashmiM tuvyojasaM goH || 4\.022\.08 asme varShiShThA kR^iNuhi jyeShThA nR^imNAni satrA sahure sahAMsi | asmabhyaM vR^itrA suhanAni randhi jahi vadharvanuSho martyasya || 4\.022\.09 asmAkamitsu shR^iNuhi tvamindrAsmabhyaM chitrA.N upa mAhi vAjAn | asmabhyaM vishvA iShaNaH puraMdhIrasmAkaM su maghavanbodhi godAH || 4\.022\.10 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.022\.11 kathA mahAmavR^idhatkasya hoturyaj~naM juShANo abhi somamUdhaH | pibannushAno juShamANo andho vavakSha R^iShvaH shuchate dhanAya || 4\.023\.01 ko asya vIraH sadhamAdamApa samAnaMsha sumatibhiH ko asya | kadasya chitraM chikite kadUtI vR^idhe bhuvachChashamAnasya yajyoH || 4\.023\.02 kathA shR^iNoti hUyamAnamindraH kathA shR^iNvannavasAmasya veda | kA asya pUrvIrupamAtayo ha kathainamAhuH papuriM jaritre || 4\.023\.03 kathA sabAdhaH shashamAno asya nashadabhi draviNaM dIdhyAnaH | devo bhuvannavedA ma R^itAnAM namo jagR^ibhvA.N abhi yajjujoShat || 4\.023\.04 kathA kadasyA uShaso vyuShTau devo martasya sakhyaM jujoSha | kathA kadasya sakhyaM sakhibhyo ye asminkAmaM suyujaM tatasre || 4\.023\.05 kimAdamatraM sakhyaM sakhibhyaH kadA nu te bhrAtraM pra bravAma | shriye sudR^isho vapurasya sargAH svarNa chitratamamiSha A goH || 4\.023\.06 druhaM jighAMsandhvarasamanindrAM tetikte tigmA tujase anIkA | R^iNA chidyatra R^iNayA na ugro dUre aj~nAtA uShaso babAdhe || 4\.023\.07 R^itasya hi shurudhaH santi pUrvIrR^itasya dhItirvR^ijinAni hanti | R^itasya shloko badhirA tatarda karNA budhAnaH shuchamAna AyoH || 4\.023\.08 R^itasya dR^iLhA dharuNAni santi purUNi chandrA vapuShe vapUMShi | R^itena dIrghamiShaNanta pR^ikSha R^itena gAva R^itamA viveshuH || 4\.023\.09 R^itaM yemAna R^itamidvanotyR^itasya shuShmasturayA u gavyuH | R^itAya pR^ithvI bahule gabhIre R^itAya dhenU parame duhAte || 4\.023\.10 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.023\.11 kA suShTutiH shavasaH sUnumindramarvAchInaM rAdhasa A vavartat | dadirhi vIro gR^iNate vasUni sa gopatirniShShidhAM no janAsaH || 4\.024\.01 sa vR^itrahatye havyaH sa IDyaH sa suShTuta indraH satyarAdhAH | sa yAmannA maghavA martyAya brahmaNyate suShvaye varivo dhAt || 4\.024\.02 taminnaro vi hvayante samIke ririkvAMsastanvaH kR^iNvata trAm | mitho yattyAgamubhayAso agmannarastokasya tanayasya sAtau || 4\.024\.03 kratUyanti kShitayo yoga ugrAshuShANAso mitho arNasAtau | saM yadvisho.avavR^itranta yudhmA Adinnema indrayante abhIke || 4\.024\.04 Adiddha nema indriyaM yajanta AditpaktiH puroLAshaM ririchyAt | Aditsomo vi papR^ichyAdasuShvInAdijjujoSha vR^iShabhaM yajadhyai || 4\.024\.05 kR^iNotyasmai varivo ya itthendrAya somamushate sunoti | sadhrIchInena manasAvivenantamitsakhAyaM kR^iNute samatsu || 4\.024\.06 ya indrAya sunavatsomamadya pachAtpaktIruta bhR^ijjAti dhAnAH | prati manAyoruchathAni haryantasmindadhadvR^iShaNaM shuShmamindraH || 4\.024\.07 yadA samaryaM vyachedR^ighAvA dIrghaM yadAjimabhyakhyadaryaH | achikradadvR^iShaNaM patnyachChA duroNa A nishitaM somasudbhiH || 4\.024\.08 bhUyasA vasnamacharatkanIyo.avikrIto akAniShaM punaryan | sa bhUyasA kanIyo nArirechIddInA dakShA vi duhanti pra vANam || 4\.024\.09 ka imaM dashabhirmamendraM krINAti dhenubhiH | yadA vR^itrANi ja~NghanadathainaM me punardadat || 4\.024\.10 nU ShTuta indra nU gR^iNAna iShaM jaritre nadyo na pIpeH | akAri te harivo brahma navyaM dhiyA syAma rathyaH sadAsAH || 4\.024\.11 ko adya naryo devakAma ushannindrasya sakhyaM jujoSha | ko vA mahe.avase pAryAya samiddhe agnau sutasoma ITTe || 4\.025\.01 ko nAnAma vachasA somyAya manAyurvA bhavati vasta usrAH | ka indrasya yujyaM kaH sakhitvaM ko bhrAtraM vaShTi kavaye ka UtI || 4\.025\.02 ko devAnAmavo adyA vR^iNIte ka AdityA.N aditiM jyotirITTe | kasyAshvinAvindro agniH sutasyAMshoH pibanti manasAvivenam || 4\.025\.03 tasmA agnirbhArataH sharma yaMsajjyokpashyAtsUryamuchcharantam | ya indrAya sunavAmetyAha nare naryAya nR^itamAya nR^iNAm || 4\.025\.04 na taM jinanti bahavo na dabhrA urvasmA aditiH sharma yaMsat | priyaH sukR^itpriya indre manAyuH priyaH suprAvIH priyo asya somI || 4\.025\.05 suprAvyaH prAshuShALeSha vIraH suShveH paktiM kR^iNute kevalendraH | nAsuShverApirna sakhA na jAmirduShprAvyo.avahantedavAchaH || 4\.025\.06 na revatA paNinA sakhyamindro.asunvatA sutapAH saM gR^iNIte | Asya vedaH khidati hanti nagnaM vi suShvaye paktaye kevalo bhUt || 4\.025\.07 indraM pare.avare madhyamAsa indraM yAnto.avasitAsa indram | indraM kShiyanta uta yudhyamAnA indraM naro vAjayanto havante || 4\.025\.08 ahaM manurabhavaM sUryashchAhaM kakShIvA.N R^iShirasmi vipraH | ahaM kutsamArjuneyaM nyR^i~nje.ahaM kavirushanA pashyatA mA || 4\.026\.01 ahaM bhUmimadadAmAryAyAhaM vR^iShTiM dAshuShe martyAya | ahamapo anayaM vAvashAnA mama devAso anu ketamAyan || 4\.026\.02 ahaM puro mandasAno vyairaM nava sAkaM navatIH shambarasya | shatatamaM veshyaM sarvatAtA divodAsamatithigvaM yadAvam || 4\.026\.03 pra su Sha vibhyo maruto virastu pra shyenaH shyenebhya AshupatvA | achakrayA yatsvadhayA suparNo havyaM bharanmanave devajuShTam || 4\.026\.04 bharadyadi virato vevijAnaH pathoruNA manojavA asarji | tUyaM yayau madhunA somyenota shravo vivide shyeno atra || 4\.026\.05 R^ijIpI shyeno dadamAno aMshuM parAvataH shakuno mandraM madam | somaM bharaddAdR^ihANo devAvAndivo amuShmAduttarAdAdAya || 4\.026\.06 AdAya shyeno abharatsomaM sahasraM savA.N ayutaM cha sAkam | atrA puraMdhirajahAdarAtIrmade somasya mUrA amUraH || 4\.026\.07 garbhe nu sannanveShAmavedamahaM devAnAM janimAni vishvA | shataM mA pura AyasIrarakShannadha shyeno javasA niradIyam || 4\.027\.01 na ghA sa mAmapa joShaM jabhArAbhImAsa tvakShasA vIryeNa | IrmA puraMdhirajahAdarAtIruta vAtA.N atarachChUshuvAnaH || 4\.027\.02 ava yachChyeno asvanIdadha dyorvi yadyadi vAta UhuH puraMdhim | sR^ijadyadasmA ava ha kShipajjyAM kR^ishAnurastA manasA bhuraNyan || 4\.027\.03 R^ijipya ImindrAvato na bhujyuM shyeno jabhAra bR^ihato adhi ShNoH | antaH patatpatatryasya parNamadha yAmani prasitasya tadveH || 4\.027\.04 adha shvetaM kalashaM gobhiraktamApipyAnaM maghavA shukramandhaH | adhvaryubhiH prayataM madhvo agramindro madAya prati dhatpibadhyai shUro madAya prati dhatpibadhyai || 4\.027\.05 tvA yujA tava tatsoma sakhya indro apo manave sasrutaskaH | ahannahimariNAtsapta sindhUnapAvR^iNodapihiteva khAni || 4\.028\.01 tvA yujA ni khidatsUryasyendrashchakraM sahasA sadya indo | adhi ShNunA bR^ihatA vartamAnaM maho druho apa vishvAyu dhAyi || 4\.028\.02 ahannindro adahadagnirindo purA dasyUnmadhyaMdinAdabhIke | durge duroNe kratvA na yAtAM purU sahasrA sharvA ni barhIt || 4\.028\.03 vishvasmAtsImadhamA.N indra dasyUnvisho dAsIrakR^iNoraprashastAH | abAdhethAmamR^iNataM ni shatrUnavindethAmapachitiM vadhatraiH || 4\.028\.04 evA satyaM maghavAnA yuvaM tadindrashcha somorvamashvyaM goH | AdardR^itamapihitAnyashnA ririchathuH kShAshchittatR^idAnA || 4\.028\.05 A naH stuta upa vAjebhirUtI indra yAhi haribhirmandasAnaH | tirashchidaryaH savanA purUNyA~NgUShebhirgR^iNAnaH satyarAdhAH || 4\.029\.01 A hi ShmA yAti naryashchikitvAnhUyamAnaH sotR^ibhirupa yaj~nam | svashvo yo abhIrurmanyamAnaH suShvANebhirmadati saM ha vIraiH || 4\.029\.02 shrAvayedasya karNA vAjayadhyai juShTAmanu pra dishaM mandayadhyai | udvAvR^iShANo rAdhase tuviShmAnkaranna indraH sutIrthAbhayaM cha || 4\.029\.03 achChA yo gantA nAdhamAnamUtI itthA vipraM havamAnaM gR^iNantam | upa tmani dadhAno dhuryAshUnsahasrANi shatAni vajrabAhuH || 4\.029\.04 tvotAso maghavannindra viprA vayaM te syAma sUrayo gR^iNantaH | bhejAnAso bR^ihaddivasya rAya AkAyyasya dAvane purukShoH || 4\.029\.05 nakirindra tvaduttaro na jyAyA.N asti vR^itrahan | nakirevA yathA tvam || 4\.030\.01 satrA te anu kR^iShTayo vishvA chakreva vAvR^ituH | satrA mahA.N asi shrutaH || 4\.030\.02 vishve chanedanA tvA devAsa indra yuyudhuH | yadahA naktamAtiraH || 4\.030\.03 yatrota bAdhitebhyashchakraM kutsAya yudhyate | muShAya indra sUryam || 4\.030\.04 yatra devA.N R^ighAyato vishvA.N ayudhya eka it | tvamindra vanU.Nrahan || 4\.030\.05 yatrota martyAya kamariNA indra sUryam | prAvaH shachIbhiretasham || 4\.030\.06 kimAdutAsi vR^itrahanmaghavanmanyumattamaH | atrAha dAnumAtiraH || 4\.030\.07 etadgheduta vIryamindra chakartha pauMsyam | striyaM yaddurhaNAyuvaM vadhIrduhitaraM divaH || 4\.030\.08 divashchidghA duhitaraM mahAnmahIyamAnAm | uShAsamindra saM piNak || 4\.030\.09 apoShA anasaH saratsampiShTAdaha bibhyuShI | ni yatsIM shishnathadvR^iShA || 4\.030\.10 etadasyA anaH shaye susampiShTaM vipAshyA | sasAra sIM parAvataH || 4\.030\.11 uta sindhuM vibAlyaM vitasthAnAmadhi kShami | pari ShThA indra mAyayA || 4\.030\.12 uta shuShNasya dhR^iShNuyA pra mR^ikSho abhi vedanam | puro yadasya sampiNak || 4\.030\.13 uta dAsaM kaulitaraM bR^ihataH parvatAdadhi | avAhannindra shambaram || 4\.030\.14 uta dAsasya varchinaH sahasrANi shatAvadhIH | adhi pa~ncha pradhI.Nriva || 4\.030\.15 uta tyaM putramagruvaH parAvR^iktaM shatakratuH | uktheShvindra Abhajat || 4\.030\.16 uta tyA turvashAyadU asnAtArA shachIpatiH | indro vidvA.N apArayat || 4\.030\.17 uta tyA sadya AryA sarayorindra pArataH | arNAchitrarathAvadhIH || 4\.030\.18 anu dvA jahitA nayo.andhaM shroNaM cha vR^itrahan | na tatte sumnamaShTave || 4\.030\.19 shatamashmanmayInAM purAmindro vyAsyat | divodAsAya dAshuShe || 4\.030\.20 asvApayaddabhItaye sahasrA triMshataM hathaiH | dAsAnAmindro mAyayA || 4\.030\.21 sa ghedutAsi vR^itrahansamAna indra gopatiH | yastA vishvAni chichyuShe || 4\.030\.22 uta nUnaM yadindriyaM kariShyA indra pauMsyam | adyA nakiShTadA minat || 4\.030\.23 vAmaMvAmaM ta Adure devo dadAtvaryamA | vAmaM pUShA vAmaM bhago vAmaM devaH karULatI || 4\.030\.24 kayA nashchitra A bhuvadUtI sadAvR^idhaH sakhA | kayA shachiShThayA vR^itA || 4\.031\.01 kastvA satyo madAnAM maMhiShTho matsadandhasaH | dR^iLhA chidAruje vasu || 4\.031\.02 abhI Shu NaH sakhInAmavitA jaritR^INAm | shataM bhavAsyUtibhiH || 4\.031\.03 abhI na A vavR^itsva chakraM na vR^ittamarvataH | niyudbhishcharShaNInAm || 4\.031\.04 pravatA hi kratUnAmA hA padeva gachChasi | abhakShi sUrye sachA || 4\.031\.05 saM yatta indra manyavaH saM chakrANi dadhanvire | adha tve adha sUrye || 4\.031\.06 uta smA hi tvAmAhurinmaghavAnaM shachIpate | dAtAramavidIdhayum || 4\.031\.07 uta smA sadya itpari shashamAnAya sunvate | purU chinmaMhase vasu || 4\.031\.08 nahi ShmA te shataM chana rAdho varanta AmuraH | na chyautnAni kariShyataH || 4\.031\.09 asmA.N avantu te shatamasmAnsahasramUtayaH | asmAnvishvA abhiShTayaH || 4\.031\.10 asmA.N ihA vR^iNIShva sakhyAya svastaye | maho rAye divitmate || 4\.031\.11 asmA.N aviDDhi vishvahendra rAyA parINasA | asmAnvishvAbhirUtibhiH || 4\.031\.12 asmabhyaM tA.N apA vR^idhi vrajA.N asteva gomataH | navAbhirindrotibhiH || 4\.031\.13 asmAkaM dhR^iShNuyA ratho dyumA.N indrAnapachyutaH | gavyurashvayurIyate || 4\.031\.14 asmAkamuttamaM kR^idhi shravo deveShu sUrya | varShiShThaM dyAmivopari || 4\.031\.15 A tU na indra vR^itrahannasmAkamardhamA gahi | mahAnmahIbhirUtibhiH || 4\.032\.01 bhR^imishchidghAsi tUtujirA chitra chitriNIShvA | chitraM kR^iNoShyUtaye || 4\.032\.02 dabhrebhishchichChashIyAMsaM haMsi vrAdhantamojasA | sakhibhirye tve sachA || 4\.032\.03 vayamindra tve sachA vayaM tvAbhi nonumaH | asmA.NasmA.N idudava || 4\.032\.04 sa nashchitrAbhiradrivo.anavadyAbhirUtibhiH | anAdhR^iShTAbhirA gahi || 4\.032\.05 bhUyAmo Shu tvAvataH sakhAya indra gomataH | yujo vAjAya ghR^iShvaye || 4\.032\.06 tvaM hyeka IshiSha indra vAjasya gomataH | sa no yandhi mahImiSham || 4\.032\.07 na tvA varante anyathA yadditsasi stuto magham | stotR^ibhya indra girvaNaH || 4\.032\.08 abhi tvA gotamA girAnUShata pra dAvane | indra vAjAya ghR^iShvaye || 4\.032\.09 pra te vochAma vIryA yA mandasAna ArujaH | puro dAsIrabhItya || 4\.032\.10 tA te gR^iNanti vedhaso yAni chakartha pauMsyA | suteShvindra girvaNaH || 4\.032\.11 avIvR^idhanta gotamA indra tve stomavAhasaH | aiShu dhA vIravadyashaH || 4\.032\.12 yachchiddhi shashvatAmasIndra sAdhAraNastvam | taM tvA vayaM havAmahe || 4\.032\.13 arvAchIno vaso bhavAsme su matsvAndhasaH | somAnAmindra somapAH || 4\.032\.14 asmAkaM tvA matInAmA stoma indra yachChatu | arvAgA vartayA harI || 4\.032\.15 puroLAshaM cha no ghaso joShayAse girashcha naH | vadhUyuriva yoShaNAm || 4\.032\.16 sahasraM vyatInAM yuktAnAmindramImahe | shataM somasya khAryaH || 4\.032\.17 sahasrA te shatA vayaM gavAmA chyAvayAmasi | asmatrA rAdha etu te || 4\.032\.18 dasha te kalashAnAM hiraNyAnAmadhImahi | bhUridA asi vR^itrahan || 4\.032\.19 bhUridA bhUri dehi no mA dabhraM bhUryA bhara | bhUri ghedindra ditsasi || 4\.032\.20 bhUridA hyasi shrutaH purutrA shUra vR^itrahan | A no bhajasva rAdhasi || 4\.032\.21 pra te babhrU vichakShaNa shaMsAmi goShaNo napAt | mAbhyAM gA anu shishrathaH || 4\.032\.22 kanInakeva vidradhe nave drupade arbhake | babhrU yAmeShu shobhete || 4\.032\.23 araM ma usrayAmNe.aramanusrayAmNe | babhrU yAmeShvasridhA || 4\.032\.24 pra R^ibhubhyo dUtamiva vAchamiShya upastire shvaitarIM dhenumILe | ye vAtajUtAstaraNibhirevaiH pari dyAM sadyo apaso babhUvuH || 4\.033\.01 yadAramakrannR^ibhavaH pitR^ibhyAM pariviShTI veShaNA daMsanAbhiH | AdiddevAnAmupa sakhyamAyandhIrAsaH puShTimavahanmanAyai || 4\.033\.02 punarye chakruH pitarA yuvAnA sanA yUpeva jaraNA shayAnA | te vAjo vibhvA.N R^ibhurindravanto madhupsaraso no.avantu yaj~nam || 4\.033\.03 yatsaMvatsamR^ibhavo gAmarakShanyatsaMvatsamR^ibhavo mA apiMshan | yatsaMvatsamabharanbhAso asyAstAbhiH shamIbhiramR^itatvamAshuH || 4\.033\.04 jyeShTha Aha chamasA dvA kareti kanIyAntrInkR^iNavAmetyAha | kaniShTha Aha chaturaskareti tvaShTa R^ibhavastatpanayadvacho vaH || 4\.033\.05 satyamUchurnara evA hi chakruranu svadhAmR^ibhavo jagmuretAm | vibhrAjamAnA.NshchamasA.N ahevAvenattvaShTA chaturo dadR^ishvAn || 4\.033\.06 dvAdasha dyUnyadagohyasyAtithye raNannR^ibhavaH sasantaH | sukShetrAkR^iNvannanayanta sindhUndhanvAtiShThannoShadhIrnimnamApaH || 4\.033\.07 rathaM ye chakruH suvR^itaM nareShThAM ye dhenuM vishvajuvaM vishvarUpAm | ta A takShantvR^ibhavo rayiM naH svavasaH svapasaH suhastAH || 4\.033\.08 apo hyeShAmajuShanta devA abhi kratvA manasA dIdhyAnAH | vAjo devAnAmabhavatsukarmendrasya R^ibhukShA varuNasya vibhvA || 4\.033\.09 ye harI medhayokthA madanta indrAya chakruH suyujA ye ashvA | te rAyaspoShaM draviNAnyasme dhatta R^ibhavaH kShemayanto na mitram || 4\.033\.10 idAhnaH pItimuta vo madaM dhurna R^ite shrAntasya sakhyAya devAH | te nUnamasme R^ibhavo vasUni tR^itIye asminsavane dadhAta || 4\.033\.11 R^ibhurvibhvA vAja indro no achChemaM yaj~naM ratnadheyopa yAta | idA hi vo dhiShaNA devyahnAmadhAtpItiM saM madA agmatA vaH || 4\.034\.01 vidAnAso janmano vAjaratnA uta R^itubhirR^ibhavo mAdayadhvam | saM vo madA agmata saM puraMdhiH suvIrAmasme rayimerayadhvam || 4\.034\.02 ayaM vo yaj~na R^ibhavo.akAri yamA manuShvatpradivo dadhidhve | pra vo.achChA jujuShANAso asthurabhUta vishve agriyota vAjAH || 4\.034\.03 abhUdu vo vidhate ratnadheyamidA naro dAshuShe martyAya | pibata vAjA R^ibhavo dade vo mahi tR^itIyaM savanaM madAya || 4\.034\.04 A vAjA yAtopa na R^ibhukShA maho naro draviNaso gR^iNAnAH | A vaH pItayo.abhipitve ahnAmimA astaM navasva iva gman || 4\.034\.05 A napAtaH shavaso yAtanopemaM yaj~naM namasA hUyamAnAH | sajoShasaH sUrayo yasya cha stha madhvaH pAta ratnadhA indravantaH || 4\.034\.06 sajoShA indra varuNena somaM sajoShAH pAhi girvaNo marudbhiH | agrepAbhirR^itupAbhiH sajoShA gnAspatnIbhI ratnadhAbhiH sajoShAH || 4\.034\.07 sajoShasa AdityairmAdayadhvaM sajoShasa R^ibhavaH parvatebhiH | sajoShaso daivyenA savitrA sajoShasaH sindhubhI ratnadhebhiH || 4\.034\.08 ye ashvinA ye pitarA ya UtI dhenuM tatakShurR^ibhavo ye ashvA | ye aMsatrA ya R^idhagrodasI ye vibhvo naraH svapatyAni chakruH || 4\.034\.09 ye gomantaM vAjavantaM suvIraM rayiM dhattha vasumantaM purukShum | te agrepA R^ibhavo mandasAnA asme dhatta ye cha rAtiM gR^iNanti || 4\.034\.10 nApAbhUta na vo.atItR^iShAmAniHshastA R^ibhavo yaj~ne asmin | samindreNa madatha saM marudbhiH saM rAjabhI ratnadheyAya devAH || 4\.034\.11 ihopa yAta shavaso napAtaH saudhanvanA R^ibhavo mApa bhUta | asminhi vaH savane ratnadheyaM gamantvindramanu vo madAsaH || 4\.035\.01 AgannR^ibhUNAmiha ratnadheyamabhUtsomasya suShutasya pItiH | sukR^ityayA yatsvapasyayA cha.N ekaM vichakra chamasaM chaturdhA || 4\.035\.02 vyakR^iNota chamasaM chaturdhA sakhe vi shikShetyabravIta | athaita vAjA amR^itasya panthAM gaNaM devAnAmR^ibhavaH suhastAH || 4\.035\.03 kimmayaH svichchamasa eSha Asa yaM kAvyena chaturo vichakra | athA sunudhvaM savanaM madAya pAta R^ibhavo madhunaH somyasya || 4\.035\.04 shachyAkarta pitarA yuvAnA shachyAkarta chamasaM devapAnam | shachyA harI dhanutarAvataShTendravAhAvR^ibhavo vAjaratnAH || 4\.035\.05 yo vaH sunotyabhipitve ahnAM tIvraM vAjAsaH savanaM madAya | tasmai rayimR^ibhavaH sarvavIramA takShata vR^iShaNo mandasAnAH || 4\.035\.06 prAtaH sutamapibo haryashva mAdhyaMdinaM savanaM kevalaM te | samR^ibhubhiH pibasva ratnadhebhiH sakhI.NryA.N indra chakR^iShe sukR^ityA || 4\.035\.07 ye devAso abhavatA sukR^ityA shyenA ivedadhi divi niSheda | te ratnaM dhAta shavaso napAtaH saudhanvanA abhavatAmR^itAsaH || 4\.035\.08 yattR^itIyaM savanaM ratnadheyamakR^iNudhvaM svapasyA suhastAH | tadR^ibhavaH pariShiktaM va etatsaM madebhirindriyebhiH pibadhvam || 4\.035\.09 anashvo jAto anabhIshurukthyo rathastrichakraH pari vartate rajaH | mahattadvo devyasya pravAchanaM dyAmR^ibhavaH pR^ithivIM yachcha puShyatha || 4\.036\.01 rathaM ye chakruH suvR^itaM suchetaso.avihvarantaM manasaspari dhyayA | tA.N U nvasya savanasya pItaya A vo vAjA R^ibhavo vedayAmasi || 4\.036\.02 tadvo vAjA R^ibhavaH supravAchanaM deveShu vibhvo abhavanmahitvanam | jivrI yatsantA pitarA sanAjurA punaryuvAnA charathAya takShatha || 4\.036\.03 ekaM vi chakra chamasaM chaturvayaM nishcharmaNo gAmariNIta dhItibhiH | athA deveShvamR^itatvamAnasha shruShTI vAjA R^ibhavastadva ukthyam || 4\.036\.04 R^ibhuto rayiH prathamashravastamo vAjashrutAso yamajIjanannaraH | vibhvataShTo vidatheShu pravAchyo yaM devAso.avathA sa vicharShaNiH || 4\.036\.05 sa vAjyarvA sa R^iShirvachasyayA sa shUro astA pR^itanAsu duShTaraH | sa rAyaspoShaM sa suvIryaM dadhe yaM vAjo vibhvA.N R^ibhavo yamAviShuH || 4\.036\.06 shreShThaM vaH pesho adhi dhAyi darshataM stomo vAjA R^ibhavastaM jujuShTana | dhIrAso hi ShThA kavayo vipashchitastAnva enA brahmaNA vedayAmasi || 4\.036\.07 yUyamasmabhyaM dhiShaNAbhyaspari vidvAMso vishvA naryANi bhojanA | dyumantaM vAjaM vR^iShashuShmamuttamamA no rayimR^ibhavastakShatA vayaH || 4\.036\.08 iha prajAmiha rayiM rarANA iha shravo vIravattakShatA naH | yena vayaM chitayemAtyanyAntaM vAjaM chitramR^ibhavo dadA naH || 4\.036\.09 upa no vAjA adhvaramR^ibhukShA devA yAta pathibhirdevayAnaiH | yathA yaj~naM manuSho vikShvAsu dadhidhve raNvAH sudineShvahnAm || 4\.037\.01 te vo hR^ide manase santu yaj~nA juShTAso adya ghR^itanirNijo guH | pra vaH sutAso harayanta pUrNAH kratve dakShAya harShayanta pItAH || 4\.037\.02 tryudAyaM devahitaM yathA vaH stomo vAjA R^ibhukShaNo dade vaH | juhve manuShvaduparAsu vikShu yuShme sachA bR^ihaddiveShu somam || 4\.037\.03 pIvo/ashvAH shuchadrathA hi bhUtAyaHshiprA vAjinaH suniShkAH | indrasya sUno shavaso napAto.anu vashchetyagriyaM madAya || 4\.037\.04 R^ibhumR^ibhukShaNo rayiM vAje vAjintamaM yujam | indrasvantaM havAmahe sadAsAtamamashvinam || 4\.037\.05 sedR^ibhavo yamavatha yUyamindrashcha martyam | sa dhIbhirastu sanitA medhasAtA so arvatA || 4\.037\.06 vi no vAjA R^ibhukShaNaH pathashchitana yaShTave | asmabhyaM sUrayaH stutA vishvA AshAstarIShaNi || 4\.037\.07 taM no vAjA R^ibhukShaNa indra nAsatyA rayim | samashvaM charShaNibhya A puru shasta maghattaye || 4\.037\.08 uto hi vAM dAtrA santi pUrvA yA pUrubhyastrasadasyurnitoshe | kShetrAsAM dadathururvarAsAM ghanaM dasyubhyo abhibhUtimugram || 4\.038\.01 uta vAjinaM puruniShShidhvAnaM dadhikrAmu dadathurvishvakR^iShTim | R^ijipyaM shyenaM pruShitapsumAshuM charkR^ityamaryo nR^ipatiM na shUram || 4\.038\.02 yaM sImanu pravateva dravantaM vishvaH pUrurmadati harShamANaH | paDbhirgR^idhyantaM medhayuM na shUraM rathaturaM vAtamiva dhrajantam || 4\.038\.03 yaH smArundhAno gadhyA samatsu sanutarashcharati goShu gachChan | AvirR^ijIko vidathA nichikyattiro aratiM paryApa AyoH || 4\.038\.04 uta smainaM vastramathiM na tAyumanu kroshanti kShitayo bhareShu | nIchAyamAnaM jasuriM na shyenaM shravashchAchChA pashumachcha yUtham || 4\.038\.05 uta smAsu prathamaH sariShyanni veveti shreNibhI rathAnAm | srajaM kR^iNvAno janyo na shubhvA reNuM rerihatkiraNaM dadashvAn || 4\.038\.06 uta sya vAjI sahurirR^itAvA shushrUShamANastanvA samarye | turaM yatIShu turayannR^ijipyo.adhi bhruvoH kirate reNumR^i~njan || 4\.038\.07 uta smAsya tanyatoriva dyorR^ighAyato abhiyujo bhayante | yadA sahasramabhi ShImayodhIddurvartuH smA bhavati bhIma R^i~njan || 4\.038\.08 uta smAsya panayanti janA jUtiM kR^iShTipro abhibhUtimAshoH | utainamAhuH samithe viyantaH parA dadhikrA asaratsahasraiH || 4\.038\.09 A dadhikrAH shavasA pa~ncha kR^iShTIH sUrya iva jyotiShApastatAna | sahasrasAH shatasA vAjyarvA pR^iNaktu madhvA samimA vachAMsi || 4\.038\.10 AshuM dadhikrAM tamu nu ShTavAma divaspR^ithivyA uta charkirAma | uchChantIrmAmuShasaH sUdayantvati vishvAni duritAni parShan || 4\.039\.01 mahashcharkarmyarvataH kratuprA dadhikrAvNaH puruvArasya vR^iShNaH | yaM pUrubhyo dIdivAMsaM nAgniM dadathurmitrAvaruNA taturim || 4\.039\.02 yo ashvasya dadhikrAvNo akArItsamiddhe agnA uShaso vyuShTau | anAgasaM tamaditiH kR^iNotu sa mitreNa varuNenA sajoShAH || 4\.039\.03 dadhikrAvNa iSha Urjo maho yadamanmahi marutAM nAma bhadram | svastaye varuNaM mitramagniM havAmaha indraM vajrabAhum || 4\.039\.04 indramivedubhaye vi hvayanta udIrANA yaj~namupaprayantaH | dadhikrAmu sUdanaM martyAya dadathurmitrAvaruNA no ashvam || 4\.039\.05 dadhikrAvNo akAriShaM jiShNorashvasya vAjinaH | surabhi no mukhA karatpra Na AyUMShi tAriShat || 4\.039\.06 dadhikrAvNa idu nu charkirAma vishvA inmAmuShasaH sUdayantu | apAmagneruShasaH sUryasya bR^ihaspaterA~Ngirasasya jiShNoH || 4\.040\.01 satvA bhariSho gaviSho duvanyasachChravasyAdiSha uShasasturaNyasat | satyo dravo dravaraH pataMgaro dadhikrAveShamUrjaM svarjanat || 4\.040\.02 uta smAsya dravatasturaNyataH parNaM na veranu vAti pragardhinaH | shyenasyeva dhrajato a~NkasaM pari dadhikrAvNaH sahorjA taritrataH || 4\.040\.03 uta sya vAjI kShipaNiM turaNyati grIvAyAM baddho apikakSha Asani | kratuM dadhikrA anu saMtavItvatpathAma~NkAMsyanvApanIphaNat || 4\.040\.04 haMsaH shuchiShadvasurantarikShasaddhotA vediShadatithirduroNasat | nR^iShadvarasadR^itasadvyomasadabjA gojA R^itajA adrijA R^itam || 4\.040\.05 indrA ko vAM varuNA sumnamApa stomo haviShmA.N amR^ito na hotA | yo vAM hR^idi kratumA.N asmaduktaH pasparshadindrAvaruNA namasvAn || 4\.041\.01 indrA ha yo varuNA chakra ApI devau martaH sakhyAya prayasvAn | sa hanti vR^itrA samitheShu shatrUnavobhirvA mahadbhiH sa pra shR^iNve || 4\.041\.02 indrA ha ratnaM varuNA dheShThetthA nR^ibhyaH shashamAnebhyastA | yadI sakhAyA sakhyAya somaiH sutebhiH suprayasA mAdayaite || 4\.041\.03 indrA yuvaM varuNA didyumasminnojiShThamugrA ni vadhiShTaM vajram | yo no durevo vR^ikatirdabhItistasminmimAthAmabhibhUtyojaH || 4\.041\.04 indrA yuvaM varuNA bhUtamasyA dhiyaH pretArA vR^iShabheva dhenoH | sA no duhIyadyavaseva gatvI sahasradhArA payasA mahI gauH || 4\.041\.05 toke hite tanaya urvarAsu sUro dR^ishIke vR^iShaNashcha pauMsye | indrA no atra varuNA syAtAmavobhirdasmA paritakmyAyAm || 4\.041\.06 yuvAmiddhyavase pUrvyAya pari prabhUtI gaviShaH svApI | vR^iNImahe sakhyAya priyAya shUrA maMhiShThA pitareva shambhU || 4\.041\.07 tA vAM dhiyo.avase vAjayantIrAjiM na jagmuryuvayUH sudAnU | shriye na gAva upa somamasthurindraM giro varuNaM me manIShAH || 4\.041\.08 imA indraM varuNaM me manIShA agmannupa draviNamichChamAnAH | upemasthurjoShTAra iva vasvo raghvIriva shravaso bhikShamANAH || 4\.041\.09 ashvyasya tmanA rathyasya puShTernityasya rAyaH patayaH syAma | tA chakrANA UtibhirnavyasIbhirasmatrA rAyo niyutaH sachantAm || 4\.041\.10 A no bR^ihantA bR^ihatIbhirUtI indra yAtaM varuNa vAjasAtau | yaddidyavaH pR^itanAsu prakrILAntasya vAM syAma sanitAra AjeH || 4\.041\.11 mama dvitA rAShTraM kShatriyasya vishvAyorvishve amR^itA yathA naH | kratuM sachante varuNasya devA rAjAmi kR^iShTerupamasya vavreH || 4\.042\.01 ahaM rAjA varuNo mahyaM tAnyasuryANi prathamA dhArayanta | kratuM sachante varuNasya devA rAjAmi kR^iShTerupamasya vavreH || 4\.042\.02 ahamindro varuNaste mahitvorvI gabhIre rajasI sumeke | tvaShTeva vishvA bhuvanAni vidvAnsamairayaM rodasI dhArayaM cha || 4\.042\.03 ahamapo apinvamukShamANA dhArayaM divaM sadana R^itasya | R^itena putro aditerR^itAvota tridhAtu prathayadvi bhUma || 4\.042\.04 mAM naraH svashvA vAjayanto mAM vR^itAH samaraNe havante | kR^iNomyAjiM maghavAhamindra iyarmi reNumabhibhUtyojAH || 4\.042\.05 ahaM tA vishvA chakaraM nakirmA daivyaM saho varate apratItam | yanmA somAso mamadanyadukthobhe bhayete rajasI apAre || 4\.042\.06 viduShTe vishvA bhuvanAni tasya tA pra bravIShi varuNAya vedhaH | tvaM vR^itrANi shR^iNviShe jaghanvAntvaM vR^itA.N ariNA indra sindhUn || 4\.042\.07 asmAkamatra pitarasta Asansapta R^iShayo daurgahe badhyamAne | ta Ayajanta trasadasyumasyA indraM na vR^itraturamardhadevam || 4\.042\.08 purukutsAnI hi vAmadAshaddhavyebhirindrAvaruNA namobhiH | athA rAjAnaM trasadasyumasyA vR^itrahaNaM dadathurardhadevam || 4\.042\.09 rAyA vayaM sasavAMso madema havyena devA yavasena gAvaH | tAM dhenumindrAvaruNA yuvaM no vishvAhA dhattamanapasphurantIm || 4\.042\.10 ka u shravatkatamo yaj~niyAnAM vandAru devaH katamo juShAte | kasyemAM devImamR^iteShu preShThAM hR^idi shreShAma suShTutiM suhavyAm || 4\.043\.01 ko mR^iLAti katama AgamiShTho devAnAmu katamaH shambhaviShThaH | rathaM kamAhurdravadashvamAshuM yaM sUryasya duhitAvR^iNIta || 4\.043\.02 makShU hi ShmA gachChatha Ivato dyUnindro na shaktiM paritakmyAyAm | diva AjAtA divyA suparNA kayA shachInAM bhavathaH shachiShThA || 4\.043\.03 kA vAM bhUdupamAtiH kayA na AshvinA gamatho hUyamAnA | ko vAM mahashchittyajaso abhIka uruShyataM mAdhvI dasrA na UtI || 4\.043\.04 uru vAM rathaH pari nakShati dyAmA yatsamudrAdabhi vartate vAm | madhvA mAdhvI madhu vAM pruShAyanyatsIM vAM pR^ikSho bhurajanta pakvAH || 4\.043\.05 sindhurha vAM rasayA si~nchadashvAnghR^iNA vayo.aruShAsaH pari gman | tadU Shu vAmajiraM cheti yAnaM yena patI bhavathaH sUryAyAH || 4\.043\.06 iheha yadvAM samanA papR^ikShe seyamasme sumatirvAjaratnA | uruShyataM jaritAraM yuvaM ha shritaH kAmo nAsatyA yuvadrik || 4\.043\.07 taM vAM rathaM vayamadyA huvema pR^ithujrayamashvinA saMgatiM goH | yaH sUryAM vahati vandhurAyurgirvAhasaM purutamaM vasUyum || 4\.044\.01 yuvaM shriyamashvinA devatA tAM divo napAtA vanathaH shachIbhiH | yuvorvapurabhi pR^ikShaH sachante vahanti yatkakuhAso rathe vAm || 4\.044\.02 ko vAmadyA karate rAtahavya Utaye vA sutapeyAya vArkaiH | R^itasya vA vanuShe pUrvyAya namo yemAno ashvinA vavartat || 4\.044\.03 hiraNyayena purubhU rathenemaM yaj~naM nAsatyopa yAtam | pibAtha inmadhunaH somyasya dadhatho ratnaM vidhate janAya || 4\.044\.04 A no yAtaM divo achChA pR^ithivyA hiraNyayena suvR^itA rathena | mA vAmanye ni yamandevayantaH saM yaddade nAbhiH pUrvyA vAm || 4\.044\.05 nU no rayiM puruvIraM bR^ihantaM dasrA mimAthAmubhayeShvasme | naro yadvAmashvinA stomamAvansadhastutimAjamILhAso agman || 4\.044\.06 iheha yadvAM samanA papR^ikShe seyamasme sumatirvAjaratnA | uruShyataM jaritAraM yuvaM ha shritaH kAmo nAsatyA yuvadrik || 4\.044\.07 eSha sya bhAnurudiyarti yujyate rathaH parijmA divo asya sAnavi | pR^ikShAso asminmithunA adhi trayo dR^itisturIyo madhuno vi rapshate || 4\.045\.01 udvAM pR^ikShAso madhumanta Irate rathA ashvAsa uShaso vyuShTiShu | aporNuvantastama A parIvR^itaM svarNa shukraM tanvanta A rajaH || 4\.045\.02 madhvaH pibataM madhupebhirAsabhiruta priyaM madhune yu~njAthAM ratham | A vartaniM madhunA jinvathaspatho dR^itiM vahethe madhumantamashvinA || 4\.045\.03 haMsAso ye vAM madhumanto asridho hiraNyaparNA uhuva uSharbudhaH | udapruto mandino mandinispR^isho madhvo na makShaH savanAni gachChathaH || 4\.045\.04 svadhvarAso madhumanto agnaya usrA jarante prati vastorashvinA | yanniktahastastaraNirvichakShaNaH somaM suShAva madhumantamadribhiH || 4\.045\.05 AkenipAso ahabhirdavidhvataH svarNa shukraM tanvanta A rajaH | sUrashchidashvAnyuyujAna Iyate vishvA.N anu svadhayA chetathaspathaH || 4\.045\.06 pra vAmavochamashvinA dhiyaMdhA rathaH svashvo ajaro yo asti | yena sadyaH pari rajAMsi yAtho haviShmantaM taraNiM bhojamachCha || 4\.045\.07 agraM pibA madhUnAM sutaM vAyo diviShTiShu | tvaM hi pUrvapA asi || 4\.046\.01 shatenA no abhiShTibhirniyutvA.N indrasArathiH | vAyo sutasya tR^impatam || 4\.046\.02 A vAM sahasraM haraya indravAyU abhi prayaH | vahantu somapItaye || 4\.046\.03 rathaM hiraNyavandhuramindravAyU svadhvaram | A hi sthAtho divispR^isham || 4\.046\.04 rathena pR^ithupAjasA dAshvAMsamupa gachChatam | indravAyU ihA gatam || 4\.046\.05 indravAyU ayaM sutastaM devebhiH sajoShasA | pibataM dAshuSho gR^ihe || 4\.046\.06 iha prayANamastu vAmindravAyU vimochanam | iha vAM somapItaye || 4\.046\.07 vAyo shukro ayAmi te madhvo agraM diviShTiShu | A yAhi somapItaye spArho deva niyutvatA || 4\.047\.01 indrashcha vAyaveShAM somAnAM pItimarhathaH | yuvAM hi yantIndavo nimnamApo na sadhryak || 4\.047\.02 vAyavindrashcha shuShmiNA sarathaM shavasaspatI | niyutvantA na Utaya A yAtaM somapItaye || 4\.047\.03 yA vAM santi puruspR^iho niyuto dAshuShe narA | asme tA yaj~navAhasendravAyU ni yachChatam || 4\.047\.04 vihi hotrA avItA vipo na rAyo aryaH | vAyavA chandreNa rathena yAhi sutasya pItaye || 4\.048\.01 niryuvANo ashastIrniyutvA.N indrasArathiH | vAyavA chandreNa rathena yAhi sutasya pItaye || 4\.048\.02 anu kR^iShNe vasudhitI yemAte vishvapeshasA | vAyavA chandreNa rathena yAhi sutasya pItaye || 4\.048\.03 vahantu tvA manoyujo yuktAso navatirnava | vAyavA chandreNa rathena yAhi sutasya pItaye || 4\.048\.04 vAyo shataM harINAM yuvasva poShyANAm | uta vA te sahasriNo ratha A yAtu pAjasA || 4\.048\.05 idaM vAmAsye haviH priyamindrAbR^ihaspatI | ukthaM madashcha shasyate || 4\.049\.01 ayaM vAM pari Shichyate soma indrAbR^ihaspatI | chArurmadAya pItaye || 4\.049\.02 A na indrAbR^ihaspatI gR^ihamindrashcha gachChatam | somapA somapItaye || 4\.049\.03 asme indrAbR^ihaspatI rayiM dhattaM shatagvinam | ashvAvantaM sahasriNam || 4\.049\.04 indrAbR^ihaspatI vayaM sute gIrbhirhavAmahe | asya somasya pItaye || 4\.049\.05 somamindrAbR^ihaspatI pibataM dAshuSho gR^ihe | mAdayethAM tadokasA || 4\.049\.06 yastastambha sahasA vi jmo antAnbR^ihaspatistriShadhastho raveNa | taM pratnAsa R^iShayo dIdhyAnAH puro viprA dadhire mandrajihvam || 4\.050\.01 dhunetayaH supraketaM madanto bR^ihaspate abhi ye nastatasre | pR^iShantaM sR^ipramadabdhamUrvaM bR^ihaspate rakShatAdasya yonim || 4\.050\.02 bR^ihaspate yA paramA parAvadata A ta R^itaspR^isho ni SheduH | tubhyaM khAtA avatA adridugdhA madhvaH shchotantyabhito virapsham || 4\.050\.03 bR^ihaspatiH prathamaM jAyamAno maho jyotiShaH parame vyoman | saptAsyastuvijAto raveNa vi saptarashmiradhamattamAMsi || 4\.050\.04 sa suShTubhA sa R^ikvatA gaNena valaM ruroja phaligaM raveNa | bR^ihaspatirusriyA havyasUdaH kanikradadvAvashatIrudAjat || 4\.050\.05 evA pitre vishvadevAya vR^iShNe yaj~nairvidhema namasA havirbhiH | bR^ihaspate suprajA vIravanto vayaM syAma patayo rayINAm || 4\.050\.06 sa idrAjA pratijanyAni vishvA shuShmeNa tasthAvabhi vIryeNa | bR^ihaspatiM yaH subhR^itaM bibharti valgUyati vandate pUrvabhAjam || 4\.050\.07 sa itkSheti sudhita okasi sve tasmA iLA pinvate vishvadAnIm | tasmai vishaH svayamevA namante yasminbrahmA rAjani pUrva eti || 4\.050\.08 apratIto jayati saM dhanAni pratijanyAnyuta yA sajanyA | avasyave yo varivaH kR^iNoti brahmaNe rAjA tamavanti devAH || 4\.050\.09 indrashcha somaM pibataM bR^ihaspate.asminyaj~ne mandasAnA vR^iShaNvasU | A vAM vishantvindavaH svAbhuvo.asme rayiM sarvavIraM ni yachChatam || 4\.050\.10 bR^ihaspata indra vardhataM naH sachA sA vAM sumatirbhUtvasme | aviShTaM dhiyo jigR^itaM puraMdhIrjajastamaryo vanuShAmarAtIH || 4\.050\.11 idamu tyatpurutamaM purastAjjyotistamaso vayunAvadasthAt | nUnaM divo duhitaro vibhAtIrgAtuM kR^iNavannuShaso janAya || 4\.051\.01 asthuru chitrA uShasaH purastAnmitA iva svaravo.adhvareShu | vyU vrajasya tamaso dvArochChantIravra~nChuchayaH pAvakAH || 4\.051\.02 uchChantIradya chitayanta bhojAnrAdhodeyAyoShaso maghonIH | achitre antaH paNayaH sasantvabudhyamAnAstamaso vimadhye || 4\.051\.03 kuvitsa devIH sanayo navo vA yAmo babhUyAduShaso vo adya | yenA navagve a~Ngire dashagve saptAsye revatI revadUSha || 4\.051\.04 yUyaM hi devIrR^itayugbhirashvaiH pariprayAtha bhuvanAni sadyaH | prabodhayantIruShasaH sasantaM dvipAchchatuShpAchcharathAya jIvam || 4\.051\.05 kva svidAsAM katamA purANI yayA vidhAnA vidadhurR^ibhUNAm | shubhaM yachChubhrA uShasashcharanti na vi j~nAyante sadR^ishIrajuryAH || 4\.051\.06 tA ghA tA bhadrA uShasaH purAsurabhiShTidyumnA R^itajAtasatyAH | yAsvIjAnaH shashamAna ukthaiH stuva~nChaMsandraviNaM sadya Apa || 4\.051\.07 tA A charanti samanA purastAtsamAnataH samanA paprathAnAH | R^itasya devIH sadaso budhAnA gavAM na sargA uShaso jarante || 4\.051\.08 tA innveva samanA samAnIramItavarNA uShasashcharanti | gUhantIrabhvamasitaM rushadbhiH shukrAstanUbhiH shuchayo ruchAnAH || 4\.051\.09 rayiM divo duhitaro vibhAtIH prajAvantaM yachChatAsmAsu devIH | syonAdA vaH pratibudhyamAnAH suvIryasya patayaH syAma || 4\.051\.10 tadvo divo duhitaro vibhAtIrupa bruva uShaso yaj~naketuH | vayaM syAma yashaso janeShu taddyaushcha dhattAM pR^ithivI cha devI || 4\.051\.11 prati ShyA sUnarI janI vyuchChantI pari svasuH | divo adarshi duhitA || 4\.052\.01 ashveva chitrAruShI mAtA gavAmR^itAvarI | sakhAbhUdashvinoruShAH || 4\.052\.02 uta sakhAsyashvinoruta mAtA gavAmasi | utoSho vasva IshiShe || 4\.052\.03 yAvayaddveShasaM tvA chikitvitsUnR^itAvari | prati stomairabhutsmahi || 4\.052\.04 prati bhadrA adR^ikShata gavAM sargA na rashmayaH | oShA aprA uru jrayaH || 4\.052\.05 ApapruShI vibhAvari vyAvarjyotiShA tamaH | uSho anu svadhAmava || 4\.052\.06 A dyAM tanoShi rashmibhirAntarikShamuru priyam | uShaH shukreNa shochiShA || 4\.052\.07 taddevasya saviturvAryaM mahadvR^iNImahe asurasya prachetasaH | Chardiryena dAshuShe yachChati tmanA tanno mahA.N udayAndevo aktubhiH || 4\.053\.01 divo dhartA bhuvanasya prajApatiH pisha~NgaM drApiM prati mu~nchate kaviH | vichakShaNaH prathayannApR^iNannurvajIjanatsavitA sumnamukthyam || 4\.053\.02 AprA rajAMsi divyAni pArthivA shlokaM devaH kR^iNute svAya dharmaNe | pra bAhU asrAksavitA savImani niveshayanprasuvannaktubhirjagat || 4\.053\.03 adAbhyo bhuvanAni prachAkashadvratAni devaH savitAbhi rakShate | prAsrAgbAhU bhuvanasya prajAbhyo dhR^itavrato maho ajmasya rAjati || 4\.053\.04 trirantarikShaM savitA mahitvanA trI rajAMsi paribhustrINi rochanA | tisro divaH pR^ithivIstisra invati tribhirvratairabhi no rakShati tmanA || 4\.053\.05 bR^ihatsumnaH prasavItA niveshano jagataH sthAturubhayasya yo vashI | sa no devaH savitA sharma yachChatvasme kShayAya trivarUthamaMhasaH || 4\.053\.06 Agandeva R^itubhirvardhatu kShayaM dadhAtu naH savitA suprajAmiSham | sa naH kShapAbhirahabhishcha jinvatu prajAvantaM rayimasme saminvatu || 4\.053\.07 abhUddevaH savitA vandyo nu na idAnImahna upavAchyo nR^ibhiH | vi yo ratnA bhajati mAnavebhyaH shreShThaM no atra draviNaM yathA dadhat || 4\.054\.01 devebhyo hi prathamaM yaj~niyebhyo.amR^itatvaM suvasi bhAgamuttamam | AdiddAmAnaM savitarvyUrNuShe.anUchInA jIvitA mAnuShebhyaH || 4\.054\.02 achittI yachchakR^imA daivye jane dInairdakShaiH prabhUtI pUruShatvatA | deveShu cha savitarmAnuSheShu cha tvaM no atra suvatAdanAgasaH || 4\.054\.03 na pramiye saviturdaivyasya tadyathA vishvaM bhuvanaM dhArayiShyati | yatpR^ithivyA varimannA sva~NgurirvarShmandivaH suvati satyamasya tat || 4\.054\.04 indrajyeShThAnbR^ihadbhyaH parvatebhyaH kShayA.N ebhyaH suvasi pastyAvataH | yathAyathA patayanto viyemira evaiva tasthuH savitaH savAya te || 4\.054\.05 ye te trirahansavitaH savAso divedive saubhagamAsuvanti | indro dyAvApR^ithivI sindhuradbhirAdityairno aditiH sharma yaMsat || 4\.054\.06 ko vastrAtA vasavaH ko varUtA dyAvAbhUmI adite trAsIthAM naH | sahIyaso varuNa mitra martAtko vo.adhvare varivo dhAti devAH || 4\.055\.01 pra ye dhAmAni pUrvyANyarchAnvi yaduchChAnviyotAro amUrAH | vidhAtAro vi te dadhurajasrA R^itadhItayo ruruchanta dasmAH || 4\.055\.02 pra pastyAmaditiM sindhumarkaiH svastimILe sakhyAya devIm | ubhe yathA no ahanI nipAta uShAsAnaktA karatAmadabdhe || 4\.055\.03 vyaryamA varuNashcheti panthAmiShaspatiH suvitaM gAtumagniH | indrAviShNU nR^ivadu Shu stavAnA sharma no yantamamavadvarUtham || 4\.055\.04 A parvatasya marutAmavAMsi devasya trAturavri bhagasya | pAtpatirjanyAdaMhaso no mitro mitriyAduta na uruShyet || 4\.055\.05 nU rodasI ahinA budhnyena stuvIta devI apyebhiriShTaiH | samudraM na saMcharaNe saniShyavo gharmasvaraso nadyo apa vran || 4\.055\.06 devairno devyaditirni pAtu devastrAtA trAyatAmaprayuchChan | nahi mitrasya varuNasya dhAsimarhAmasi pramiyaM sAnvagneH || 4\.055\.07 agnirIshe vasavyasyAgnirmahaH saubhagasya | tAnyasmabhyaM rAsate || 4\.055\.08 uSho maghonyA vaha sUnR^ite vAryA puru | asmabhyaM vAjinIvati || 4\.055\.09 tatsu naH savitA bhago varuNo mitro aryamA | indro no rAdhasA gamat || 4\.055\.10 mahI dyAvApR^ithivI iha jyeShThe ruchA bhavatAM shuchayadbhirarkaiH | yatsIM variShThe bR^ihatI viminvanruvaddhokShA paprathAnebhirevaiH || 4\.056\.01 devI devebhiryajate yajatrairaminatI tasthaturukShamANe | R^itAvarI adruhA devaputre yaj~nasya netrI shuchayadbhirarkaiH || 4\.056\.02 sa itsvapA bhuvaneShvAsa ya ime dyAvApR^ithivI jajAna | urvI gabhIre rajasI sumeke avaMshe dhIraH shachyA samairat || 4\.056\.03 nU rodasI bR^ihadbhirno varUthaiH patnIvadbhiriShayantI sajoShAH | urUchI vishve yajate ni pAtaM dhiyA syAma rathyaH sadAsAH || 4\.056\.04 pra vAM mahi dyavI abhyupastutiM bharAmahe | shuchI upa prashastaye || 4\.056\.05 punAne tanvA mithaH svena dakSheNa rAjathaH | UhyAthe sanAdR^itam || 4\.056\.06 mahI mitrasya sAdhathastarantI pipratI R^itam | pari yaj~naM ni ShedathuH || 4\.056\.07 kShetrasya patinA vayaM hiteneva jayAmasi | gAmashvaM poShayitnvA sa no mR^iLAtIdR^ishe || 4\.057\.01 kShetrasya pate madhumantamUrmiM dhenuriva payo asmAsu dhukShva | madhushchutaM ghR^itamiva supUtamR^itasya naH patayo mR^iLayantu || 4\.057\.02 madhumatIroShadhIrdyAva Apo madhumanno bhavatvantarikSham | kShetrasya patirmadhumAnno astvariShyanto anvenaM charema || 4\.057\.03 shunaM vAhAH shunaM naraH shunaM kR^iShatu lA~Ngalam | shunaM varatrA badhyantAM shunamaShTrAmudi~Ngaya || 4\.057\.04 shunAsIrAvimAM vAchaM juShethAM yaddivi chakrathuH payaH | tenemAmupa si~nchatam || 4\.057\.05 arvAchI subhage bhava sIte vandAmahe tvA | yathA naH subhagAsasi yathA naH suphalAsasi || 4\.057\.06 indraH sItAM ni gR^ihNAtu tAM pUShAnu yachChatu | sA naH payasvatI duhAmuttarAmuttarAM samAm || 4\.057\.07 shunaM naH phAlA vi kR^iShantu bhUmiM shunaM kInAshA abhi yantu vAhaiH | shunaM parjanyo madhunA payobhiH shunAsIrA shunamasmAsu dhattam || 4\.057\.08 samudrAdUrmirmadhumA.N udAradupAMshunA samamR^itatvamAnaT | ghR^itasya nAma guhyaM yadasti jihvA devAnAmamR^itasya nAbhiH || 4\.058\.01 vayaM nAma pra bravAmA ghR^itasyAsminyaj~ne dhArayAmA namobhiH | upa brahmA shR^iNavachChasyamAnaM chatuHshR^i~Ngo.avamIdgaura etat || 4\.058\.02 chatvAri shR^i~NgA trayo asya pAdA dve shIrShe sapta hastAso asya | tridhA baddho vR^iShabho roravIti maho devo martyA.N A vivesha || 4\.058\.03 tridhA hitaM paNibhirguhyamAnaM gavi devAso ghR^itamanvavindan | indra ekaM sUrya ekaM jajAna venAdekaM svadhayA niShTatakShuH || 4\.058\.04 etA arShanti hR^idyAtsamudrAchChatavrajA ripuNA nAvachakShe | ghR^itasya dhArA abhi chAkashImi hiraNyayo vetaso madhya AsAm || 4\.058\.05 samyaksravanti sarito na dhenA antarhR^idA manasA pUyamAnAH | ete arShantyUrmayo ghR^itasya mR^igA iva kShipaNorIShamANAH || 4\.058\.06 sindhoriva prAdhvane shUghanAso vAtapramiyaH patayanti yahvAH | ghR^itasya dhArA aruSho na vAjI kAShThA bhindannUrmibhiH pinvamAnaH || 4\.058\.07 abhi pravanta samaneva yoShAH kalyANyaH smayamAnAso agnim | ghR^itasya dhArAH samidho nasanta tA juShANo haryati jAtavedAH || 4\.058\.08 kanyA iva vahatumetavA u a~njya~njAnA abhi chAkashImi | yatra somaH sUyate yatra yaj~no ghR^itasya dhArA abhi tatpavante || 4\.058\.09 abhyarShata suShTutiM gavyamAjimasmAsu bhadrA draviNAni dhatta | imaM yaj~naM nayata devatA no ghR^itasya dhArA madhumatpavante || 4\.058\.10 dhAmante vishvaM bhuvanamadhi shritamantaH samudre hR^idyantarAyuShi | apAmanIke samithe ya AbhR^itastamashyAma madhumantaM ta Urmim || 4\.058\.11 ## Last updated July 2, 2013 Special mention : Initial processing and help by Avinash and Shashi Sathaye, Avinash Chopde, Shree Devi Kumar, Sunder Hattangadi, John Gardner. Reprocessed from Original in final form by Detlef Eichler with additional corrections. See Detlef's site http://www.detlef108.de/Rigveda.htm for other details and formats. The text is shown without accents (Anudattas, dependent Svaritas, and independent Svaritas including Kampas). Words are connected (agnimILe). Ch is doubled as in gachChati according to the rules of Rigveda-Pratishakhya. At the end of a word m is replaced by Anusvara M if the initial letter of the following word is a labial stop consonant (p, ph, b, bh, m). Visarga H before sh, Sh or s followed by a voiceless consonant has been restored. Source : The Aufrecht/van Nooten/Holland (Samhita) version of the Rigveda (http://www.people.fas.harvard.edu/~witzel/onlineRV.htm). In this text accented vowels have Udatta or 'independent Svarita' markers. Kampas are not shown. Words are separated (agnim ILe). Ch is not doubled as in gaChati. At the end of a word we find m before a following labial stop consonant (p, ph, b, bh, m). Visarga H before sh, Sh or s followed by a voiceless consonant has been dropped according to a rule of Rigveda-Pratishakhya. Send corrections to : detlefeichler@googlemail.com, sanskrit@cheerful.com The text is to be used for personal studies and research only. Any use for commercial purpose is prohibited as a `gentleman's' agreement.