|| R^igvedaH vaidikasvaravirahitaH maNDalaM 9 || svAdiShThayA madiShThayA pavasva soma dhArayA | indrAya pAtave sutaH || 9\.001\.01 rakShohA vishvacharShaNirabhi yonimayohatam | druNA sadhasthamAsadat || 9\.001\.02 varivodhAtamo bhava maMhiShTho vR^itrahantamaH | parShi rAdho maghonAm || 9\.001\.03 abhyarSha mahAnAM devAnAM vItimandhasA | abhi vAjamuta shravaH || 9\.001\.04 tvAmachChA charAmasi tadidarthaM divedive | indo tve na AshasaH || 9\.001\.05 punAti te parisrutaM somaM sUryasya duhitA | vAreNa shashvatA tanA || 9\.001\.06 tamImaNvIH samarya A gR^ibhNanti yoShaNo dasha | svasAraH pArye divi || 9\.001\.07 tamIM hinvantyagruvo dhamanti bAkuraM dR^itim | tridhAtu vAraNaM madhu || 9\.001\.08 abhImamaghnyA uta shrINanti dhenavaH shishum | somamindrAya pAtave || 9\.001\.09 asyedindro madeShvA vishvA vR^itrANi jighnate | shUro maghA cha maMhate || 9\.001\.10 pavasva devavIrati pavitraM soma raMhyA | indramindo vR^iShA visha || 9\.002\.01 A vachyasva mahi psaro vR^iShendo dyumnavattamaH | A yoniM dharNasiH sadaH || 9\.002\.02 adhukShata priyaM madhu dhArA sutasya vedhasaH | apo vasiShTa sukratuH || 9\.002\.03 mahAntaM tvA mahIranvApo arShanti sindhavaH | yadgobhirvAsayiShyase || 9\.002\.04 samudro apsu mAmR^ije viShTambho dharuNo divaH | somaH pavitre asmayuH || 9\.002\.05 achikradadvR^iShA harirmahAnmitro na darshataH | saM sUryeNa rochate || 9\.002\.06 girasta inda ojasA marmR^ijyante apasyuvaH | yAbhirmadAya shumbhase || 9\.002\.07 taM tvA madAya ghR^iShvaya u lokakR^itnumImahe | tava prashastayo mahIH || 9\.002\.08 asmabhyamindavindrayurmadhvaH pavasva dhArayA | parjanyo vR^iShTimA.N iva || 9\.002\.09 goShA indo nR^iShA asyashvasA vAjasA uta | AtmA yaj~nasya pUrvyaH || 9\.002\.10 eSha devo amartyaH parNavIriva dIyati | abhi droNAnyAsadam || 9\.003\.01 eSha devo vipA kR^ito.ati hvarAMsi dhAvati | pavamAno adAbhyaH || 9\.003\.02 eSha devo vipanyubhiH pavamAna R^itAyubhiH | harirvAjAya mR^ijyate || 9\.003\.03 eSha vishvAni vAryA shUro yanniva satvabhiH | pavamAnaH siShAsati || 9\.003\.04 eSha devo ratharyati pavamAno dashasyati | AviShkR^iNoti vagvanum || 9\.003\.05 eSha viprairabhiShTuto.apo devo vi gAhate | dadhadratnAni dAshuShe || 9\.003\.06 eSha divaM vi dhAvati tiro rajAMsi dhArayA | pavamAnaH kanikradat || 9\.003\.07 eSha divaM vyAsarattiro rajAMsyaspR^itaH | pavamAnaH svadhvaraH || 9\.003\.08 eSha pratnena janmanA devo devebhyaH sutaH | hariH pavitre arShati || 9\.003\.09 eSha u sya puruvrato jaj~nAno janayanniShaH | dhArayA pavate sutaH || 9\.003\.10 sanA cha soma jeShi cha pavamAna mahi shravaH | athA no vasyasaskR^idhi || 9\.004\.01 sanA jyotiH sanA svarvishvA cha soma saubhagA | athA no vasyasaskR^idhi || 9\.004\.02 sanA dakShamuta kratumapa soma mR^idho jahi | athA no vasyasaskR^idhi || 9\.004\.03 pavItAraH punItana somamindrAya pAtave | athA no vasyasaskR^idhi || 9\.004\.04 tvaM sUrye na A bhaja tava kratvA tavotibhiH | athA no vasyasaskR^idhi || 9\.004\.05 tava kratvA tavotibhirjyokpashyema sUryam | athA no vasyasaskR^idhi || 9\.004\.06 abhyarSha svAyudha soma dvibarhasaM rayim | athA no vasyasaskR^idhi || 9\.004\.07 abhyarShAnapachyuto rayiM samatsu sAsahiH | athA no vasyasaskR^idhi || 9\.004\.08 tvAM yaj~nairavIvR^idhanpavamAna vidharmaNi | athA no vasyasaskR^idhi || 9\.004\.09 rayiM nashchitramashvinamindo vishvAyumA bhara | athA no vasyasaskR^idhi || 9\.004\.10 samiddho vishvataspatiH pavamAno vi rAjati | prINanvR^iShA kanikradat || 9\.005\.01 tanUnapAtpavamAnaH shR^i~Nge shishAno arShati | antarikSheNa rArajat || 9\.005\.02 ILenyaH pavamAno rayirvi rAjati dyumAn | madhordhArAbhirojasA || 9\.005\.03 barhiH prAchInamojasA pavamAnaH stR^iNanhariH | deveShu deva Iyate || 9\.005\.04 udAtairjihate bR^ihaddvAro devIrhiraNyayIH | pavamAnena suShTutAH || 9\.005\.05 sushilpe bR^ihatI mahI pavamAno vR^iShaNyati | naktoShAsA na darshate || 9\.005\.06 ubhA devA nR^ichakShasA hotArA daivyA huve | pavamAna indro vR^iShA || 9\.005\.07 bhAratI pavamAnasya sarasvatILA mahI | imaM no yaj~namA gamantisro devIH supeshasaH || 9\.005\.08 tvaShTAramagrajAM gopAM puroyAvAnamA huve | indurindro vR^iShA hariH pavamAnaH prajApatiH || 9\.005\.09 vanaspatiM pavamAna madhvA sama~Ngdhi dhArayA | sahasravalshaM haritaM bhrAjamAnaM hiraNyayam || 9\.005\.10 vishve devAH svAhAkR^itiM pavamAnasyA gata | vAyurbR^ihaspatiH sUryo.agnirindraH sajoShasaH || 9\.005\.11 mandrayA soma dhArayA vR^iShA pavasva devayuH | avyo vAreShvasmayuH || 9\.006\.01 abhi tyaM madyaM madamindavindra iti kShara | abhi vAjino arvataH || 9\.006\.02 abhi tyaM pUrvyaM madaM suvAno arSha pavitra A | abhi vAjamuta shravaH || 9\.006\.03 anu drapsAsa indava Apo na pravatAsaran | punAnA indramAshata || 9\.006\.04 yamatyamiva vAjinaM mR^ijanti yoShaNo dasha | vane krILantamatyavim || 9\.006\.05 taM gobhirvR^iShaNaM rasaM madAya devavItaye | sutaM bharAya saM sR^ija || 9\.006\.06 devo devAya dhArayendrAya pavate sutaH | payo yadasya pIpayat || 9\.006\.07 AtmA yaj~nasya raMhyA suShvANaH pavate sutaH | pratnaM ni pAti kAvyam || 9\.006\.08 evA punAna indrayurmadaM madiShTha vItaye | guhA chiddadhiShe giraH || 9\.006\.09 asR^igramindavaH pathA dharmannR^itasya sushriyaH | vidAnA asya yojanam || 9\.007\.01 pra dhArA madhvo agriyo mahIrapo vi gAhate | havirhaviShShu vandyaH || 9\.007\.02 pra yujo vAcho agriyo vR^iShAva chakradadvane | sadmAbhi satyo adhvaraH || 9\.007\.03 pari yatkAvyA kavirnR^imNA vasAno arShati | svarvAjI siShAsati || 9\.007\.04 pavamAno abhi spR^idho visho rAjeva sIdati | yadImR^iNvanti vedhasaH || 9\.007\.05 avyo vAre pari priyo harirvaneShu sIdati | rebho vanuShyate matI || 9\.007\.06 sa vAyumindramashvinA sAkaM madena gachChati | raNA yo asya dharmabhiH || 9\.007\.07 A mitrAvaruNA bhagaM madhvaH pavanta UrmayaH | vidAnA asya shakmabhiH || 9\.007\.08 asmabhyaM rodasI rayiM madhvo vAjasya sAtaye | shravo vasUni saM jitam || 9\.007\.09 ete somA abhi priyamindrasya kAmamakSharan | vardhanto asya vIryam || 9\.008\.01 punAnAsashchamUShado gachChanto vAyumashvinA | te no dhAntu suvIryam || 9\.008\.02 indrasya soma rAdhase punAno hArdi chodaya | R^itasya yonimAsadam || 9\.008\.03 mR^ijanti tvA dasha kShipo hinvanti sapta dhItayaH | anu viprA amAdiShuH || 9\.008\.04 devebhyastvA madAya kaM sR^ijAnamati meShyaH | saM gobhirvAsayAmasi || 9\.008\.05 punAnaH kalasheShvA vastrANyaruSho hariH | pari gavyAnyavyata || 9\.008\.06 maghona A pavasva no jahi vishvA apa dviShaH | indo sakhAyamA visha || 9\.008\.07 vR^iShTiM divaH pari srava dyumnaM pR^ithivyA adhi | saho naH soma pR^itsu dhAH || 9\.008\.08 nR^ichakShasaM tvA vayamindrapItaM svarvidam | bhakShImahi prajAmiSham || 9\.008\.09 pari priyA divaH kavirvayAMsi naptyorhitaH | suvAno yAti kavikratuH || 9\.009\.01 prapra kShayAya panyase janAya juShTo adruhe | vItyarSha chaniShThayA || 9\.009\.02 sa sUnurmAtarA shuchirjAto jAte arochayat | mahAnmahI R^itAvR^idhA || 9\.009\.03 sa sapta dhItibhirhito nadyo ajinvadadruhaH | yA ekamakShi vAvR^idhuH || 9\.009\.04 tA abhi santamastR^itaM mahe yuvAnamA dadhuH | indumindra tava vrate || 9\.009\.05 abhi vahniramartyaH sapta pashyati vAvahiH | krivirdevIratarpayat || 9\.009\.06 avA kalpeShu naH pumastamAMsi soma yodhyA | tAni punAna ja~NghanaH || 9\.009\.07 nU navyase navIyase sUktAya sAdhayA pathaH | pratnavadrochayA ruchaH || 9\.009\.08 pavamAna mahi shravo gAmashvaM rAsi vIravat | sanA medhAM sanA svaH || 9\.009\.09 pra svAnAso rathA ivArvanto na shravasyavaH | somAso rAye akramuH || 9\.010\.01 hinvAnAso rathA iva dadhanvire gabhastyoH | bharAsaH kAriNAmiva || 9\.010\.02 rAjAno na prashastibhiH somAso gobhira~njate | yaj~no na sapta dhAtR^ibhiH || 9\.010\.03 pari suvAnAsa indavo madAya barhaNA girA | sutA arShanti dhArayA || 9\.010\.04 ApAnAso vivasvato jananta uShaso bhagam | sUrA aNvaM vi tanvate || 9\.010\.05 apa dvArA matInAM pratnA R^iNvanti kAravaH | vR^iShNo harasa AyavaH || 9\.010\.06 samIchInAsa Asate hotAraH saptajAmayaH | padamekasya piprataH || 9\.010\.07 nAbhA nAbhiM na A dade chakShushchitsUrye sachA | kaverapatyamA duhe || 9\.010\.08 abhi priyA divaspadamadhvaryubhirguhA hitam | sUraH pashyati chakShasA || 9\.010\.09 upAsmai gAyatA naraH pavamAnAyendave | abhi devA.N iyakShate || 9\.011\.01 abhi te madhunA payo.atharvANo ashishrayuH | devaM devAya devayu || 9\.011\.02 sa naH pavasva shaM gave shaM janAya shamarvate | shaM rAjannoShadhIbhyaH || 9\.011\.03 babhrave nu svatavase.aruNAya divispR^ishe | somAya gAthamarchata || 9\.011\.04 hastachyutebhiradribhiH sutaM somaM punItana | madhAvA dhAvatA madhu || 9\.011\.05 namasedupa sIdata dadhnedabhi shrINItana | indumindre dadhAtana || 9\.011\.06 amitrahA vicharShaNiH pavasva soma shaM gave | devebhyo anukAmakR^it || 9\.011\.07 indrAya soma pAtave madAya pari Shichyase | manashchinmanasaspatiH || 9\.011\.08 pavamAna suvIryaM rayiM soma rirIhi naH | indavindreNa no yujA || 9\.011\.09 somA asR^igramindavaH sutA R^itasya sAdane | indrAya madhumattamAH || 9\.012\.01 abhi viprA anUShata gAvo vatsaM na mAtaraH | indraM somasya pItaye || 9\.012\.02 madachyutkSheti sAdane sindhorUrmA vipashchit | somo gaurI adhi shritaH || 9\.012\.03 divo nAbhA vichakShaNo.avyo vAre mahIyate | somo yaH sukratuH kaviH || 9\.012\.04 yaH somaH kalasheShvA.N antaH pavitra AhitaH | taminduH pari Shasvaje || 9\.012\.05 pra vAchaminduriShyati samudrasyAdhi viShTapi | jinvankoshaM madhushchutam || 9\.012\.06 nityastotro vanaspatirdhInAmantaH sabardughaH | hinvAno mAnuShA yugA || 9\.012\.07 abhi priyA divaspadA somo hinvAno arShati | viprasya dhArayA kaviH || 9\.012\.08 A pavamAna dhAraya rayiM sahasravarchasam | asme indo svAbhuvam || 9\.012\.09 somaH punAno arShati sahasradhAro atyaviH | vAyorindrasya niShkR^itam || 9\.013\.01 pavamAnamavasyavo vipramabhi pra gAyata | suShvANaM devavItaye || 9\.013\.02 pavante vAjasAtaye somAH sahasrapAjasaH | gR^iNAnA devavItaye || 9\.013\.03 uta no vAjasAtaye pavasva bR^ihatIriShaH | dyumadindo suvIryam || 9\.013\.04 te naH sahasriNaM rayiM pavantAmA suvIryam | suvAnA devAsa indavaH || 9\.013\.05 atyA hiyAnA na hetR^ibhirasR^igraM vAjasAtaye | vi vAramavyamAshavaH || 9\.013\.06 vAshrA arShantIndavo.abhi vatsaM na dhenavaH | dadhanvire gabhastyoH || 9\.013\.07 juShTa indrAya matsaraH pavamAna kanikradat | vishvA apa dviSho jahi || 9\.013\.08 apaghnanto arAvNaH pavamAnAH svardR^ishaH | yonAvR^itasya sIdata || 9\.013\.09 pari prAsiShyadatkaviH sindhorUrmAvadhi shritaH | kAraM bibhratpuruspR^iham || 9\.014\.01 girA yadI sabandhavaH pa~ncha vrAtA apasyavaH | pariShkR^iNvanti dharNasim || 9\.014\.02 Adasya shuShmiNo rase vishve devA amatsata | yadI gobhirvasAyate || 9\.014\.03 niriNAno vi dhAvati jahachCharyANi tAnvA | atrA saM jighnate yujA || 9\.014\.04 naptIbhiryo vivasvataH shubhro na mAmR^ije yuvA | gAH kR^iNvAno na nirNijam || 9\.014\.05 ati shritI tirashchatA gavyA jigAtyaNvyA | vagnumiyarti yaM vide || 9\.014\.06 abhi kShipaH samagmata marjayantIriShaspatim | pR^iShThA gR^ibhNata vAjinaH || 9\.014\.07 pari divyAni marmR^ishadvishvAni soma pArthivA | vasUni yAhyasmayuH || 9\.014\.08 eSha dhiyA yAtyaNvyA shUro rathebhirAshubhiH | gachChannindrasya niShkR^itam || 9\.015\.01 eSha purU dhiyAyate bR^ihate devatAtaye | yatrAmR^itAsa Asate || 9\.015\.02 eSha hito vi nIyate.antaH shubhrAvatA pathA | yadI tu~njanti bhUrNayaH || 9\.015\.03 eSha shR^i~NgANi dodhuvachChishIte yUthyo vR^iShA | nR^imNA dadhAna ojasA || 9\.015\.04 eSha rukmibhirIyate vAjI shubhrebhiraMshubhiH | patiH sindhUnAM bhavan || 9\.015\.05 eSha vasUni pibdanA paruShA yayivA.N ati | ava shAdeShu gachChati || 9\.015\.06 etaM mR^ijanti marjyamupa droNeShvAyavaH | prachakrANaM mahIriShaH || 9\.015\.07 etamu tyaM dasha kShipo mR^ijanti sapta dhItayaH | svAyudhaM madintamam || 9\.015\.08 pra te sotAra oNyo rasaM madAya ghR^iShvaye | sargo na taktyetashaH || 9\.016\.01 kratvA dakShasya rathyamapo vasAnamandhasA | goShAmaNveShu sashchima || 9\.016\.02 anaptamapsu duShTaraM somaM pavitra A sR^ija | punIhIndrAya pAtave || 9\.016\.03 pra punAnasya chetasA somaH pavitre arShati | kratvA sadhasthamAsadat || 9\.016\.04 pra tvA namobhirindava indra somA asR^ikShata | mahe bharAya kAriNaH || 9\.016\.05 punAno rUpe avyaye vishvA arShannabhi shriyaH | shUro na goShu tiShThati || 9\.016\.06 divo na sAnu pipyuShI dhArA sutasya vedhasaH | vR^ithA pavitre arShati || 9\.016\.07 tvaM soma vipashchitaM tanA punAna AyuShu | avyo vAraM vi dhAvasi || 9\.016\.08 pra nimneneva sindhavo ghnanto vR^itrANi bhUrNayaH | somA asR^igramAshavaH || 9\.017\.01 abhi suvAnAsa indavo vR^iShTayaH pR^ithivImiva | indraM somAso akSharan || 9\.017\.02 atyUrmirmatsaro madaH somaH pavitre arShati | vighnanrakShAMsi devayuH || 9\.017\.03 A kalasheShu dhAvati pavitre pari Shichyate | ukthairyaj~neShu vardhate || 9\.017\.04 ati trI soma rochanA rohanna bhrAjase divam | iShNansUryaM na chodayaH || 9\.017\.05 abhi viprA anUShata mUrdhanyaj~nasya kAravaH | dadhAnAshchakShasi priyam || 9\.017\.06 tamu tvA vAjinaM naro dhIbhirviprA avasyavaH | mR^ijanti devatAtaye || 9\.017\.07 madhordhArAmanu kShara tIvraH sadhasthamAsadaH | chArurR^itAya pItaye || 9\.017\.08 pari suvAno giriShThAH pavitre somo akShAH | madeShu sarvadhA asi || 9\.018\.01 tvaM viprastvaM kavirmadhu pra jAtamandhasaH | madeShu sarvadhA asi || 9\.018\.02 tava vishve sajoShaso devAsaH pItimAshata | madeShu sarvadhA asi || 9\.018\.03 A yo vishvAni vAryA vasUni hastayordadhe | madeShu sarvadhA asi || 9\.018\.04 ya ime rodasI mahI saM mAtareva dohate | madeShu sarvadhA asi || 9\.018\.05 pari yo rodasI ubhe sadyo vAjebhirarShati | madeShu sarvadhA asi || 9\.018\.06 sa shuShmI kalasheShvA punAno achikradat | madeShu sarvadhA asi || 9\.018\.07 yatsoma chitramukthyaM divyaM pArthivaM vasu | tannaH punAna A bhara || 9\.019\.01 yuvaM hi sthaH svarpatI indrashcha soma gopatI | IshAnA pipyataM dhiyaH || 9\.019\.02 vR^iShA punAna AyuShu stanayannadhi barhiShi | hariH sanyonimAsadat || 9\.019\.03 avAvashanta dhItayo vR^iShabhasyAdhi retasi | sUnorvatsasya mAtaraH || 9\.019\.04 kuvidvR^iShaNyantIbhyaH punAno garbhamAdadhat | yAH shukraM duhate payaH || 9\.019\.05 upa shikShApatasthuSho bhiyasamA dhehi shatruShu | pavamAna vidA rayim || 9\.019\.06 ni shatroH soma vR^iShNyaM ni shuShmaM ni vayastira | dUre vA sato anti vA || 9\.019\.07 pra kavirdevavItaye.avyo vArebhirarShati | sAhvAnvishvA abhi spR^idhaH || 9\.020\.01 sa hi ShmA jaritR^ibhya A vAjaM gomantaminvati | pavamAnaH sahasriNam || 9\.020\.02 pari vishvAni chetasA mR^ishase pavase matI | sa naH soma shravo vidaH || 9\.020\.03 abhyarSha bR^ihadyasho maghavadbhyo dhruvaM rayim | iShaM stotR^ibhya A bhara || 9\.020\.04 tvaM rAjeva suvrato giraH somA viveshitha | punAno vahne adbhuta || 9\.020\.05 sa vahnirapsu duShTaro mR^ijyamAno gabhastyoH | somashchamUShu sIdati || 9\.020\.06 krILurmakho na maMhayuH pavitraM soma gachChasi | dadhatstotre suvIryam || 9\.020\.07 ete dhAvantIndavaH somA indrAya ghR^iShvayaH | matsarAsaH svarvidaH || 9\.021\.01 pravR^iNvanto abhiyujaH suShvaye varivovidaH | svayaM stotre vayaskR^itaH || 9\.021\.02 vR^ithA krILanta indavaH sadhasthamabhyekamit | sindhorUrmA vyakSharan || 9\.021\.03 ete vishvAni vAryA pavamAnAsa Ashata | hitA na saptayo rathe || 9\.021\.04 Asminpisha~Ngamindavo dadhAtA venamAdishe | yo asmabhyamarAvA || 9\.021\.05 R^ibhurna rathyaM navaM dadhAtA ketamAdishe | shukrAH pavadhvamarNasA || 9\.021\.06 eta u tye avIvashankAShThAM vAjino akrata | sataH prAsAviShurmatim || 9\.021\.07 ete somAsa Ashavo rathA iva pra vAjinaH | sargAH sR^iShTA aheShata || 9\.022\.01 ete vAtA ivoravaH parjanyasyeva vR^iShTayaH | agneriva bhramA vR^ithA || 9\.022\.02 ete pUtA vipashchitaH somAso dadhyAshiraH | vipA vyAnashurdhiyaH || 9\.022\.03 ete mR^iShTA amartyAH sasR^ivAMso na shashramuH | iyakShantaH patho rajaH || 9\.022\.04 ete pR^iShThAni rodasorviprayanto vyAnashuH | utedamuttamaM rajaH || 9\.022\.05 tantuM tanvAnamuttamamanu pravata Ashata | utedamuttamAyyam || 9\.022\.06 tvaM soma paNibhya A vasu gavyAni dhArayaH | tataM tantumachikradaH || 9\.022\.07 somA asR^igramAshavo madhormadasya dhArayA | abhi vishvAni kAvyA || 9\.023\.01 anu pratnAsa AyavaH padaM navIyo akramuH | ruche jananta sUryam || 9\.023\.02 A pavamAna no bharAryo adAshuSho gayam | kR^idhi prajAvatIriShaH || 9\.023\.03 abhi somAsa AyavaH pavante madyaM madam | abhi koshaM madhushchutam || 9\.023\.04 somo arShati dharNasirdadhAna indriyaM rasam | suvIro abhishastipAH || 9\.023\.05 indrAya soma pavase devebhyaH sadhamAdyaH | indo vAjaM siShAsasi || 9\.023\.06 asya pItvA madAnAmindro vR^itrANyaprati | jaghAna jaghanachcha nu || 9\.023\.07 pra somAso adhanviShuH pavamAnAsa indavaH | shrINAnA apsu mR^i~njata || 9\.024\.01 abhi gAvo adhanviShurApo na pravatA yatIH | punAnA indramAshata || 9\.024\.02 pra pavamAna dhanvasi somendrAya pAtave | nR^ibhiryato vi nIyase || 9\.024\.03 tvaM soma nR^imAdanaH pavasva charShaNIsahe | sasniryo anumAdyaH || 9\.024\.04 indo yadadribhiH sutaH pavitraM paridhAvasi | aramindrasya dhAmne || 9\.024\.05 pavasva vR^itrahantamokthebhiranumAdyaH | shuchiH pAvako adbhutaH || 9\.024\.06 shuchiH pAvaka uchyate somaH sutasya madhvaH | devAvIraghashaMsahA || 9\.024\.07 pavasva dakShasAdhano devebhyaH pItaye hare | marudbhyo vAyave madaH || 9\.025\.01 pavamAna dhiyA hito.abhi yoniM kanikradat | dharmaNA vAyumA visha || 9\.025\.02 saM devaiH shobhate vR^iShA kaviryonAvadhi priyaH | vR^itrahA devavItamaH || 9\.025\.03 vishvA rUpANyAvishanpunAno yAti haryataH | yatrAmR^itAsa Asate || 9\.025\.04 aruSho janayangiraH somaH pavata AyuShak | indraM gachChankavikratuH || 9\.025\.05 A pavasva madintama pavitraM dhArayA kave | arkasya yonimAsadam || 9\.025\.06 tamamR^ikShanta vAjinamupasthe aditeradhi | viprAso aNvyA dhiyA || 9\.026\.01 taM gAvo abhyanUShata sahasradhAramakShitam | induM dhartAramA divaH || 9\.026\.02 taM vedhAM medhayAhyanpavamAnamadhi dyavi | dharNasiM bhUridhAyasam || 9\.026\.03 tamahyanbhurijordhiyA saMvasAnaM vivasvataH | patiM vAcho adAbhyam || 9\.026\.04 taM sAnAvadhi jAmayo hariM hinvantyadribhiH | haryataM bhUrichakShasam || 9\.026\.05 taM tvA hinvanti vedhasaH pavamAna girAvR^idham | indavindrAya matsaram || 9\.026\.06 eSha kavirabhiShTutaH pavitre adhi toshate | punAno ghnannapa sridhaH || 9\.027\.01 eSha indrAya vAyave svarjitpari Shichyate | pavitre dakShasAdhanaH || 9\.027\.02 eSha nR^ibhirvi nIyate divo mUrdhA vR^iShA sutaH | somo vaneShu vishvavit || 9\.027\.03 eSha gavyurachikradatpavamAno hiraNyayuH | induH satrAjidastR^itaH || 9\.027\.04 eSha sUryeNa hAsate pavamAno adhi dyavi | pavitre matsaro madaH || 9\.027\.05 eSha shuShmyasiShyadadantarikShe vR^iShA hariH | punAna indurindramA || 9\.027\.06 eSha vAjI hito nR^ibhirvishvavinmanasaspatiH | avyo vAraM vi dhAvati || 9\.028\.01 eSha pavitre akSharatsomo devebhyaH sutaH | vishvA dhAmAnyAvishan || 9\.028\.02 eSha devaH shubhAyate.adhi yonAvamartyaH | vR^itrahA devavItamaH || 9\.028\.03 eSha vR^iShA kanikradaddashabhirjAmibhiryataH | abhi droNAni dhAvati || 9\.028\.04 eSha sUryamarochayatpavamAno vicharShaNiH | vishvA dhAmAni vishvavit || 9\.028\.05 eSha shuShmyadAbhyaH somaH punAno arShati | devAvIraghashaMsahA || 9\.028\.06 prAsya dhArA akSharanvR^iShNaH sutasyaujasA | devA.N anu prabhUShataH || 9\.029\.01 saptiM mR^ijanti vedhaso gR^iNantaH kAravo girA | jyotirjaj~nAnamukthyam || 9\.029\.02 suShahA soma tAni te punAnAya prabhUvaso | vardhA samudramukthyam || 9\.029\.03 vishvA vasUni saMjayanpavasva soma dhArayA | inu dveShAMsi sadhryak || 9\.029\.04 rakShA su no araruShaH svanAtsamasya kasya chit | nido yatra mumuchmahe || 9\.029\.05 endo pArthivaM rayiM divyaM pavasva dhArayA | dyumantaM shuShmamA bhara || 9\.029\.06 pra dhArA asya shuShmiNo vR^ithA pavitre akSharan | punAno vAchamiShyati || 9\.030\.01 indurhiyAnaH sotR^ibhirmR^ijyamAnaH kanikradat | iyarti vagnumindriyam || 9\.030\.02 A naH shuShmaM nR^iShAhyaM vIravantaM puruspR^iham | pavasva soma dhArayA || 9\.030\.03 pra somo ati dhArayA pavamAno asiShyadat | abhi droNAnyAsadam || 9\.030\.04 apsu tvA madhumattamaM hariM hinvantyadribhiH | indavindrAya pItaye || 9\.030\.05 sunotA madhumattamaM somamindrAya vajriNe | chAruM shardhAya matsaram || 9\.030\.06 pra somAsaH svAdhyaH pavamAnAso akramuH | rayiM kR^iNvanti chetanam || 9\.031\.01 divaspR^ithivyA adhi bhavendo dyumnavardhanaH | bhavA vAjAnAM patiH || 9\.031\.02 tubhyaM vAtA abhipriyastubhyamarShanti sindhavaH | soma vardhanti te mahaH || 9\.031\.03 A pyAyasva sametu te vishvataH soma vR^iShNyam | bhavA vAjasya saMgathe || 9\.031\.04 tubhyaM gAvo ghR^itaM payo babhro duduhre akShitam | varShiShThe adhi sAnavi || 9\.031\.05 svAyudhasya te sato bhuvanasya pate vayam | indo sakhitvamushmasi || 9\.031\.06 pra somAso madachyutaH shravase no maghonaH | sutA vidathe akramuH || 9\.032\.01 AdIM tritasya yoShaNo hariM hinvantyadribhiH | indumindrAya pItaye || 9\.032\.02 AdIM haMso yathA gaNaM vishvasyAvIvashanmatim | atyo na gobhirajyate || 9\.032\.03 ubhe somAvachAkashanmR^igo na takto arShasi | sIdannR^itasya yonimA || 9\.032\.04 abhi gAvo anUShata yoShA jAramiva priyam | agannAjiM yathA hitam || 9\.032\.05 asme dhehi dyumadyasho maghavadbhyashcha mahyaM cha | saniM medhAmuta shravaH || 9\.032\.06 pra somAso vipashchito.apAM na yantyUrmayaH | vanAni mahiShA iva || 9\.033\.01 abhi droNAni babhravaH shukrA R^itasya dhArayA | vAjaM gomantamakSharan || 9\.033\.02 sutA indrAya vAyave varuNAya marudbhyaH | somA arShanti viShNave || 9\.033\.03 tisro vAcha udIrate gAvo mimanti dhenavaH | harireti kanikradat || 9\.033\.04 abhi brahmIranUShata yahvIrR^itasya mAtaraH | marmR^ijyante divaH shishum || 9\.033\.05 rAyaH samudrA.Nshchaturo.asmabhyaM soma vishvataH | A pavasva sahasriNaH || 9\.033\.06 pra suvAno dhArayA tanendurhinvAno arShati | rujaddR^iLhA vyojasA || 9\.034\.01 suta indrAya vAyave varuNAya marudbhyaH | somo arShati viShNave || 9\.034\.02 vR^iShANaM vR^iShabhiryataM sunvanti somamadribhiH | duhanti shakmanA payaH || 9\.034\.03 bhuvattritasya marjyo bhuvadindrAya matsaraH | saM rUpairajyate hariH || 9\.034\.04 abhImR^itasya viShTapaM duhate pR^ishnimAtaraH | chAru priyatamaM haviH || 9\.034\.05 samenamahrutA imA giro arShanti sasrutaH | dhenUrvAshro avIvashat || 9\.034\.06 A naH pavasva dhArayA pavamAna rayiM pR^ithum | yayA jyotirvidAsi naH || 9\.035\.01 indo samudramI~Nkhaya pavasva vishvamejaya | rAyo dhartA na ojasA || 9\.035\.02 tvayA vIreNa vIravo.abhi ShyAma pR^itanyataH | kSharA No abhi vAryam || 9\.035\.03 pra vAjaminduriShyati siShAsanvAjasA R^iShiH | vratA vidAna AyudhA || 9\.035\.04 taM gIrbhirvAchamI~NkhayaM punAnaM vAsayAmasi | somaM janasya gopatim || 9\.035\.05 vishvo yasya vrate jano dAdhAra dharmaNaspateH | punAnasya prabhUvasoH || 9\.035\.06 asarji rathyo yathA pavitre chamvoH sutaH | kArShmanvAjI nyakramIt || 9\.036\.01 sa vahniH soma jAgR^iviH pavasva devavIrati | abhi koshaM madhushchutam || 9\.036\.02 sa no jyotIMShi pUrvya pavamAna vi rochaya | kratve dakShAya no hinu || 9\.036\.03 shumbhamAna R^itAyubhirmR^ijyamAno gabhastyoH | pavate vAre avyaye || 9\.036\.04 sa vishvA dAshuShe vasu somo divyAni pArthivA | pavatAmAntarikShyA || 9\.036\.05 A divaspR^iShThamashvayurgavyayuH soma rohasi | vIrayuH shavasaspate || 9\.036\.06 sa sutaH pItaye vR^iShA somaH pavitre arShati | vighnanrakShAMsi devayuH || 9\.037\.01 sa pavitre vichakShaNo harirarShati dharNasiH | abhi yoniM kanikradat || 9\.037\.02 sa vAjI rochanA divaH pavamAno vi dhAvati | rakShohA vAramavyayam || 9\.037\.03 sa tritasyAdhi sAnavi pavamAno arochayat | jAmibhiH sUryaM saha || 9\.037\.04 sa vR^itrahA vR^iShA suto varivovidadAbhyaH | somo vAjamivAsarat || 9\.037\.05 sa devaH kavineShito.abhi droNAni dhAvati | indurindrAya maMhanA || 9\.037\.06 eSha u sya vR^iShA ratho.avyo vArebhirarShati | gachChanvAjaM sahasriNam || 9\.038\.01 etaM tritasya yoShaNo hariM hinvantyadribhiH | indumindrAya pItaye || 9\.038\.02 etaM tyaM harito dasha marmR^ijyante apasyuvaH | yAbhirmadAya shumbhate || 9\.038\.03 eSha sya mAnuShIShvA shyeno na vikShu sIdati | gachCha~njAro na yoShitam || 9\.038\.04 eSha sya madyo raso.ava chaShTe divaH shishuH | ya indurvAramAvishat || 9\.038\.05 eSha sya pItaye suto harirarShati dharNasiH | krandanyonimabhi priyam || 9\.038\.06 AshurarSha bR^ihanmate pari priyeNa dhAmnA | yatra devA iti bravan || 9\.039\.01 pariShkR^iNvannaniShkR^itaM janAya yAtayanniShaH | vR^iShTiM divaH pari srava || 9\.039\.02 suta eti pavitra A tviShiM dadhAna ojasA | vichakShANo virochayan || 9\.039\.03 ayaM sa yo divaspari raghuyAmA pavitra A | sindhorUrmA vyakSharat || 9\.039\.04 AvivAsanparAvato atho arvAvataH sutaH | indrAya sichyate madhu || 9\.039\.05 samIchInA anUShata hariM hinvantyadribhiH | yonAvR^itasya sIdata || 9\.039\.06 punAno akramIdabhi vishvA mR^idho vicharShaNiH | shumbhanti vipraM dhItibhiH || 9\.040\.01 A yonimaruNo ruhadgamadindraM vR^iShA sutaH | dhruve sadasi sIdati || 9\.040\.02 nU no rayiM mahAmindo.asmabhyaM soma vishvataH | A pavasva sahasriNam || 9\.040\.03 vishvA soma pavamAna dyumnAnIndavA bhara | vidAH sahasriNIriShaH || 9\.040\.04 sa naH punAna A bhara rayiM stotre suvIryam | jariturvardhayA giraH || 9\.040\.05 punAna indavA bhara soma dvibarhasaM rayim | vR^iShannindo na ukthyam || 9\.040\.06 pra ye gAvo na bhUrNayastveShA ayAso akramuH | ghnantaH kR^iShNAmapa tvacham || 9\.041\.01 suvitasya manAmahe.ati setuM durAvyam | sAhvAMso dasyumavratam || 9\.041\.02 shR^iNve vR^iShTeriva svanaH pavamAnasya shuShmiNaH | charanti vidyuto divi || 9\.041\.03 A pavasva mahImiShaM gomadindo hiraNyavat | ashvAvadvAjavatsutaH || 9\.041\.04 sa pavasva vicharShaNa A mahI rodasI pR^iNa | uShAH sUryo na rashmibhiH || 9\.041\.05 pari NaH sharmayantyA dhArayA soma vishvataH | sarA raseva viShTapam || 9\.041\.06 janayanrochanA divo janayannapsu sUryam | vasAno gA apo hariH || 9\.042\.01 eSha pratnena manmanA devo devebhyaspari | dhArayA pavate sutaH || 9\.042\.02 vAvR^idhAnAya tUrvaye pavante vAjasAtaye | somAH sahasrapAjasaH || 9\.042\.03 duhAnaH pratnamitpayaH pavitre pari Shichyate | krandandevA.N ajIjanat || 9\.042\.04 abhi vishvAni vAryAbhi devA.N R^itAvR^idhaH | somaH punAno arShati || 9\.042\.05 gomannaH soma vIravadashvAvadvAjavatsutaH | pavasva bR^ihatIriShaH || 9\.042\.06 yo atya iva mR^ijyate gobhirmadAya haryataH | taM gIrbhirvAsayAmasi || 9\.043\.01 taM no vishvA avasyuvo giraH shumbhanti pUrvathA | indumindrAya pItaye || 9\.043\.02 punAno yAti haryataH somo gIrbhiH pariShkR^itaH | viprasya medhyAtitheH || 9\.043\.03 pavamAna vidA rayimasmabhyaM soma sushriyam | indo sahasravarchasam || 9\.043\.04 induratyo na vAjasR^itkanikranti pavitra A | yadakShArati devayuH || 9\.043\.05 pavasva vAjasAtaye viprasya gR^iNato vR^idhe | soma rAsva suvIryam || 9\.043\.06 pra Na indo mahe tana UrmiM na bibhradarShasi | abhi devA.N ayAsyaH || 9\.044\.01 matI juShTo dhiyA hitaH somo hinve parAvati | viprasya dhArayA kaviH || 9\.044\.02 ayaM deveShu jAgR^iviH suta eti pavitra A | somo yAti vicharShaNiH || 9\.044\.03 sa naH pavasva vAjayushchakrANashchArumadhvaram | barhiShmA.N A vivAsati || 9\.044\.04 sa no bhagAya vAyave vipravIraH sadAvR^idhaH | somo deveShvA yamat || 9\.044\.05 sa no adya vasuttaye kratuvidgAtuvittamaH | vAjaM jeShi shravo bR^ihat || 9\.044\.06 sa pavasva madAya kaM nR^ichakShA devavItaye | indavindrAya pItaye || 9\.045\.01 sa no arShAbhi dUtyaM tvamindrAya toshase | devAnsakhibhya A varam || 9\.045\.02 uta tvAmaruNaM vayaM gobhira~njmo madAya kam | vi no rAye duro vR^idhi || 9\.045\.03 atyU pavitramakramIdvAjI dhuraM na yAmani | indurdeveShu patyate || 9\.045\.04 samI sakhAyo asvaranvane krILantamatyavim | induM nAvA anUShata || 9\.045\.05 tayA pavasva dhArayA yayA pIto vichakShase | indo stotre suvIryam || 9\.045\.06 asR^igrandevavItaye.atyAsaH kR^itvyA iva | kSharantaH parvatAvR^idhaH || 9\.046\.01 pariShkR^itAsa indavo yoSheva pitryAvatI | vAyuM somA asR^ikShata || 9\.046\.02 ete somAsa indavaH prayasvantashchamU sutAH | indraM vardhanti karmabhiH || 9\.046\.03 A dhAvatA suhastyaH shukrA gR^ibhNIta manthinA | gobhiH shrINIta matsaram || 9\.046\.04 sa pavasva dhanaMjaya prayantA rAdhaso mahaH | asmabhyaM soma gAtuvit || 9\.046\.05 etaM mR^ijanti marjyaM pavamAnaM dasha kShipaH | indrAya matsaraM madam || 9\.046\.06 ayA somaH sukR^ityayA mahashchidabhyavardhata | mandAna udvR^iShAyate || 9\.047\.01 kR^itAnIdasya kartvA chetante dasyutarhaNA | R^iNA cha dhR^iShNushchayate || 9\.047\.02 Atsoma indriyo raso vajraH sahasrasA bhuvat | ukthaM yadasya jAyate || 9\.047\.03 svayaM kavirvidhartari viprAya ratnamichChati | yadI marmR^ijyate dhiyaH || 9\.047\.04 siShAsatU rayINAM vAjeShvarvatAmiva | bhareShu jigyuShAmasi || 9\.047\.05 taM tvA nR^imNAni bibhrataM sadhastheShu maho divaH | chAruM sukR^ityayemahe || 9\.048\.01 saMvR^iktadhR^iShNumukthyaM mahAmahivrataM madam | shataM puro rurukShaNim || 9\.048\.02 atastvA rayimabhi rAjAnaM sukrato divaH | suparNo avyathirbharat || 9\.048\.03 vishvasmA itsvardR^ishe sAdhAraNaM rajasturam | gopAmR^itasya virbharat || 9\.048\.04 adhA hinvAna indriyaM jyAyo mahitvamAnashe | abhiShTikR^idvicharShaNiH || 9\.048\.05 pavasva vR^iShTimA su no.apAmUrmiM divaspari | ayakShmA bR^ihatIriShaH || 9\.049\.01 tayA pavasva dhArayA yayA gAva ihAgaman | janyAsa upa no gR^iham || 9\.049\.02 ghR^itaM pavasva dhArayA yaj~neShu devavItamaH | asmabhyaM vR^iShTimA pava || 9\.049\.03 sa na Urje vyavyayaM pavitraM dhAva dhArayA | devAsaH shR^iNavanhi kam || 9\.049\.04 pavamAno asiShyadadrakShAMsyapaja~Nghanat | pratnavadrochayanruchaH || 9\.049\.05 utte shuShmAsa Irate sindhorUrmeriva svanaH | vANasya chodayA pavim || 9\.050\.01 prasave ta udIrate tisro vAcho makhasyuvaH | yadavya eShi sAnavi || 9\.050\.02 avyo vAre pari priyaM hariM hinvantyadribhiH | pavamAnaM madhushchutam || 9\.050\.03 A pavasva madintama pavitraM dhArayA kave | arkasya yonimAsadam || 9\.050\.04 sa pavasva madintama gobhira~njAno aktubhiH | indavindrAya pItaye || 9\.050\.05 adhvaryo adribhiH sutaM somaM pavitra A sR^ija | punIhIndrAya pAtave || 9\.051\.01 divaH pIyUShamuttamaM somamindrAya vajriNe | sunotA madhumattamam || 9\.051\.02 tava tya indo andhaso devA madhorvyashnate | pavamAnasya marutaH || 9\.051\.03 tvaM hi soma vardhayansuto madAya bhUrNaye | vR^iShanstotAramUtaye || 9\.051\.04 abhyarSha vichakShaNa pavitraM dhArayA sutaH | abhi vAjamuta shravaH || 9\.051\.05 pari dyukShaH sanadrayirbharadvAjaM no andhasA | suvAno arSha pavitra A || 9\.052\.01 tava pratnebhiradhvabhiravyo vAre pari priyaH | sahasradhAro yAttanA || 9\.052\.02 charurna yastamI~Nkhayendo na dAnamI~Nkhaya | vadhairvadhasnavI~Nkhaya || 9\.052\.03 ni shuShmamindaveShAM puruhUta janAnAm | yo asmA.N Adideshati || 9\.052\.04 shataM na inda UtibhiH sahasraM vA shuchInAm | pavasva maMhayadrayiH || 9\.052\.05 utte shuShmAso asthU rakSho bhindanto adrivaH | nudasva yAH parispR^idhaH || 9\.053\.01 ayA nijaghnirojasA rathasaMge dhane hite | stavA abibhyuShA hR^idA || 9\.053\.02 asya vratAni nAdhR^iShe pavamAnasya dUDhyA | ruja yastvA pR^itanyati || 9\.053\.03 taM hinvanti madachyutaM hariM nadIShu vAjinam | indumindrAya matsaram || 9\.053\.04 asya pratnAmanu dyutaM shukraM duduhre ahrayaH | payaH sahasrasAmR^iShim || 9\.054\.01 ayaM sUrya ivopadR^igayaM sarAMsi dhAvati | sapta pravata A divam || 9\.054\.02 ayaM vishvAni tiShThati punAno bhuvanopari | somo devo na sUryaH || 9\.054\.03 pari No devavItaye vAjA.N arShasi gomataH | punAna indavindrayuH || 9\.054\.04 yavaMyavaM no andhasA puShTampuShTaM pari srava | soma vishvA cha saubhagA || 9\.055\.01 indo yathA tava stavo yathA te jAtamandhasaH | ni barhiShi priye sadaH || 9\.055\.02 uta no govidashvavitpavasva somAndhasA | makShUtamebhirahabhiH || 9\.055\.03 yo jinAti na jIyate hanti shatrumabhItya | sa pavasva sahasrajit || 9\.055\.04 pari soma R^itaM bR^ihadAshuH pavitre arShati | vighnanrakShAMsi devayuH || 9\.056\.01 yatsomo vAjamarShati shataM dhArA apasyuvaH | indrasya sakhyamAvishan || 9\.056\.02 abhi tvA yoShaNo dasha jAraM na kanyAnUShata | mR^ijyase soma sAtaye || 9\.056\.03 tvamindrAya viShNave svAdurindo pari srava | nR^InstotR^InpAhyaMhasaH || 9\.056\.04 pra te dhArA asashchato divo na yanti vR^iShTayaH | achChA vAjaM sahasriNam || 9\.057\.01 abhi priyANi kAvyA vishvA chakShANo arShati | haristu~njAna AyudhA || 9\.057\.02 sa marmR^ijAna Ayubhiribho rAjeva suvrataH | shyeno na vaMsu ShIdati || 9\.057\.03 sa no vishvA divo vasUto pR^ithivyA adhi | punAna indavA bhara || 9\.057\.04 taratsa mandI dhAvati dhArA sutasyAndhasaH | taratsa mandI dhAvati || 9\.058\.01 usrA veda vasUnAM martasya devyavasaH | taratsa mandI dhAvati || 9\.058\.02 dhvasrayoH puruShantyorA sahasrANi dadmahe | taratsa mandI dhAvati || 9\.058\.03 A yayostriMshataM tanA sahasrANi cha dadmahe | taratsa mandI dhAvati || 9\.058\.04 pavasva gojidashvajidvishvajitsoma raNyajit | prajAvadratnamA bhara || 9\.059\.01 pavasvAdbhyo adAbhyaH pavasvauShadhIbhyaH | pavasva dhiShaNAbhyaH || 9\.059\.02 tvaM soma pavamAno vishvAni duritA tara | kaviH sIda ni barhiShi || 9\.059\.03 pavamAna svarvido jAyamAno.abhavo mahAn | indo vishvA.N abhIdasi || 9\.059\.04 pra gAyatreNa gAyata pavamAnaM vicharShaNim | induM sahasrachakShasam || 9\.060\.01 taM tvA sahasrachakShasamatho sahasrabharNasam | ati vAramapAviShuH || 9\.060\.02 ati vArAnpavamAno asiShyadatkalashA.N abhi dhAvati | indrasya hArdyAvishan || 9\.060\.03 indrasya soma rAdhase shaM pavasva vicharShaNe | prajAvadreta A bhara || 9\.060\.04 ayA vItI pari srava yasta indo madeShvA | avAhannavatIrnava || 9\.061\.01 puraH sadya itthAdhiye divodAsAya shambaram | adha tyaM turvashaM yadum || 9\.061\.02 pari No ashvamashvavidgomadindo hiraNyavat | kSharA sahasriNIriShaH || 9\.061\.03 pavamAnasya te vayaM pavitramabhyundataH | sakhitvamA vR^iNImahe || 9\.061\.04 ye te pavitramUrmayo.abhikSharanti dhArayA | tebhirnaH soma mR^iLaya || 9\.061\.05 sa naH punAna A bhara rayiM vIravatImiSham | IshAnaH soma vishvataH || 9\.061\.06 etamu tyaM dasha kShipo mR^ijanti sindhumAtaram | samAdityebhirakhyata || 9\.061\.07 samindreNota vAyunA suta eti pavitra A | saM sUryasya rashmibhiH || 9\.061\.08 sa no bhagAya vAyave pUShNe pavasva madhumAn | chArurmitre varuNe cha || 9\.061\.09 uchchA te jAtamandhaso divi ShadbhUmyA dade | ugraM sharma mahi shravaH || 9\.061\.10 enA vishvAnyarya A dyumnAni mAnuShANAm | siShAsanto vanAmahe || 9\.061\.11 sa na indrAya yajyave varuNAya marudbhyaH | varivovitpari srava || 9\.061\.12 upo Shu jAtamapturaM gobhirbha~NgaM pariShkR^itam | induM devA ayAsiShuH || 9\.061\.13 tamidvardhantu no giro vatsaM saMshishvarIriva | ya indrasya hR^idaMsaniH || 9\.061\.14 arShA NaH soma shaM gave dhukShasva pipyuShImiSham | vardhA samudramukthyam || 9\.061\.15 pavamAno ajIjanaddivashchitraM na tanyatum | jyotirvaishvAnaraM bR^ihat || 9\.061\.16 pavamAnasya te raso mado rAjannaduchChunaH | vi vAramavyamarShati || 9\.061\.17 pavamAna rasastava dakSho vi rAjati dyumAn | jyotirvishvaM svardR^ishe || 9\.061\.18 yaste mado vareNyastenA pavasvAndhasA | devAvIraghashaMsahA || 9\.061\.19 jaghnirvR^itramamitriyaM sasnirvAjaM divedive | goShA u ashvasA asi || 9\.061\.20 sammishlo aruSho bhava sUpasthAbhirna dhenubhiH | sIda~nChyeno na yonimA || 9\.061\.21 sa pavasva ya AvithendraM vR^itrAya hantave | vavrivAMsaM mahIrapaH || 9\.061\.22 suvIrAso vayaM dhanA jayema soma mIDhvaH | punAno vardha no giraH || 9\.061\.23 tvotAsastavAvasA syAma vanvanta AmuraH | soma vrateShu jAgR^ihi || 9\.061\.24 apaghnanpavate mR^idho.apa somo arAvNaH | gachChannindrasya niShkR^itam || 9\.061\.25 maho no rAya A bhara pavamAna jahI mR^idhaH | rAsvendo vIravadyashaH || 9\.061\.26 na tvA shataM chana hruto rAdho ditsantamA minan | yatpunAno makhasyase || 9\.061\.27 pavasvendo vR^iShA sutaH kR^idhI no yashaso jane | vishvA apa dviSho jahi || 9\.061\.28 asya te sakhye vayaM tavendo dyumna uttame | sAsahyAma pR^itanyataH || 9\.061\.29 yA te bhImAnyAyudhA tigmAni santi dhUrvaNe | rakShA samasya no nidaH || 9\.061\.30 ete asR^igramindavastiraH pavitramAshavaH | vishvAnyabhi saubhagA || 9\.062\.01 vighnanto duritA puru sugA tokAya vAjinaH | tanA kR^iNvanto arvate || 9\.062\.02 kR^iNvanto varivo gave.abhyarShanti suShTutim | iLAmasmabhyaM saMyatam || 9\.062\.03 asAvyaMshurmadAyApsu dakSho giriShThAH | shyeno na yonimAsadat || 9\.062\.04 shubhramandho devavAtamapsu dhUto nR^ibhiH sutaH | svadanti gAvaH payobhiH || 9\.062\.05 AdImashvaM na hetAro.ashUshubhannamR^itAya | madhvo rasaM sadhamAde || 9\.062\.06 yAste dhArA madhushchuto.asR^igraminda Utaye | tAbhiH pavitramAsadaH || 9\.062\.07 so arShendrAya pItaye tiro romANyavyayA | sIdanyonA vaneShvA || 9\.062\.08 tvamindo pari srava svAdiShTho a~NgirobhyaH | varivovidghR^itaM payaH || 9\.062\.09 ayaM vicharShaNirhitaH pavamAnaH sa chetati | hinvAna ApyaM bR^ihat || 9\.062\.10 eSha vR^iShA vR^iShavrataH pavamAno ashastihA | karadvasUni dAshuShe || 9\.062\.11 A pavasva sahasriNaM rayiM gomantamashvinam | purushchandraM puruspR^iham || 9\.062\.12 eSha sya pari Shichyate marmR^ijyamAna AyubhiH | urugAyaH kavikratuH || 9\.062\.13 sahasrotiH shatAmagho vimAno rajasaH kaviH | indrAya pavate madaH || 9\.062\.14 girA jAta iha stuta indurindrAya dhIyate | viryonA vasatAviva || 9\.062\.15 pavamAnaH suto nR^ibhiH somo vAjamivAsarat | chamUShu shakmanAsadam || 9\.062\.16 taM tripR^iShThe trivandhure rathe yu~njanti yAtave | R^iShINAM sapta dhItibhiH || 9\.062\.17 taM sotAro dhanaspR^itamAshuM vAjAya yAtave | hariM hinota vAjinam || 9\.062\.18 AvishankalashaM suto vishvA arShannabhi shriyaH | shUro na goShu tiShThati || 9\.062\.19 A ta indo madAya kaM payo duhantyAyavaH | devA devebhyo madhu || 9\.062\.20 A naH somaM pavitra A sR^ijatA madhumattamam | devebhyo devashruttamam || 9\.062\.21 ete somA asR^ikShata gR^iNAnAH shravase mahe | madintamasya dhArayA || 9\.062\.22 abhi gavyAni vItaye nR^imNA punAno arShasi | sanadvAjaH pari srava || 9\.062\.23 uta no gomatIriSho vishvA arSha pariShTubhaH | gR^iNAno jamadagninA || 9\.062\.24 pavasva vAcho agriyaH soma chitrAbhirUtibhiH | abhi vishvAni kAvyA || 9\.062\.25 tvaM samudriyA apo.agriyo vAcha Irayan | pavasva vishvamejaya || 9\.062\.26 tubhyemA bhuvanA kave mahimne soma tasthire | tubhyamarShanti sindhavaH || 9\.062\.27 pra te divo na vR^iShTayo dhArA yantyasashchataH | abhi shukrAmupastiram || 9\.062\.28 indrAyenduM punItanograM dakShAya sAdhanam | IshAnaM vItirAdhasam || 9\.062\.29 pavamAna R^itaH kaviH somaH pavitramAsadat | dadhatstotre suvIryam || 9\.062\.30 A pavasva sahasriNaM rayiM soma suvIryam | asme shravAMsi dhAraya || 9\.063\.01 iShamUrjaM cha pinvasa indrAya matsarintamaH | chamUShvA ni ShIdasi || 9\.063\.02 suta indrAya viShNave somaH kalashe akSharat | madhumA.N astu vAyave || 9\.063\.03 ete asR^igramAshavo.ati hvarAMsi babhravaH | somA R^itasya dhArayA || 9\.063\.04 indraM vardhanto apturaH kR^iNvanto vishvamAryam | apaghnanto arAvNaH || 9\.063\.05 sutA anu svamA rajo.abhyarShanti babhravaH | indraM gachChanta indavaH || 9\.063\.06 ayA pavasva dhArayA yayA sUryamarochayaH | hinvAno mAnuShIrapaH || 9\.063\.07 ayukta sUra etashaM pavamAno manAvadhi | antarikSheNa yAtave || 9\.063\.08 uta tyA harito dasha sUro ayukta yAtave | indurindra iti bruvan || 9\.063\.09 parIto vAyave sutaM gira indrAya matsaram | avyo vAreShu si~nchata || 9\.063\.10 pavamAna vidA rayimasmabhyaM soma duShTaram | yo dUNAsho vanuShyatA || 9\.063\.11 abhyarSha sahasriNaM rayiM gomantamashvinam | abhi vAjamuta shravaH || 9\.063\.12 somo devo na sUryo.adribhiH pavate sutaH | dadhAnaH kalashe rasam || 9\.063\.13 ete dhAmAnyAryA shukrA R^itasya dhArayA | vAjaM gomantamakSharan || 9\.063\.14 sutA indrAya vajriNe somAso dadhyAshiraH | pavitramatyakSharan || 9\.063\.15 pra soma madhumattamo rAye arSha pavitra A | mado yo devavItamaH || 9\.063\.16 tamI mR^ijantyAyavo hariM nadIShu vAjinam | indumindrAya matsaram || 9\.063\.17 A pavasva hiraNyavadashvAvatsoma vIravat | vAjaM gomantamA bhara || 9\.063\.18 pari vAje na vAjayumavyo vAreShu si~nchata | indrAya madhumattamam || 9\.063\.19 kaviM mR^ijanti marjyaM dhIbhirviprA avasyavaH | vR^iShA kanikradarShati || 9\.063\.20 vR^iShaNaM dhIbhirapturaM somamR^itasya dhArayA | matI viprAH samasvaran || 9\.063\.21 pavasva devAyuShagindraM gachChatu te madaH | vAyumA roha dharmaNA || 9\.063\.22 pavamAna ni toshase rayiM soma shravAyyam | priyaH samudramA visha || 9\.063\.23 apaghnanpavase mR^idhaH kratuvitsoma matsaraH | nudasvAdevayuM janam || 9\.063\.24 pavamAnA asR^ikShata somAH shukrAsa indavaH | abhi vishvAni kAvyA || 9\.063\.25 pavamAnAsa AshavaH shubhrA asR^igramindavaH | ghnanto vishvA apa dviShaH || 9\.063\.26 pavamAnA divasparyantarikShAdasR^ikShata | pR^ithivyA adhi sAnavi || 9\.063\.27 punAnaH soma dhArayendo vishvA apa sridhaH | jahi rakShAMsi sukrato || 9\.063\.28 apaghnansoma rakShaso.abhyarSha kanikradat | dyumantaM shuShmamuttamam || 9\.063\.29 asme vasUni dhAraya soma divyAni pArthivA | indo vishvAni vAryA || 9\.063\.30 vR^iShA soma dyumA.N asi vR^iShA deva vR^iShavrataH | vR^iShA dharmANi dadhiShe || 9\.064\.01 vR^iShNaste vR^iShNyaM shavo vR^iShA vanaM vR^iShA madaH | satyaM vR^iShanvR^iShedasi || 9\.064\.02 ashvo na chakrado vR^iShA saM gA indo samarvataH | vi no rAye duro vR^idhi || 9\.064\.03 asR^ikShata pra vAjino gavyA somAso ashvayA | shukrAso vIrayAshavaH || 9\.064\.04 shumbhamAnA R^itAyubhirmR^ijyamAnA gabhastyoH | pavante vAre avyaye || 9\.064\.05 te vishvA dAshuShe vasu somA divyAni pArthivA | pavantAmAntarikShyA || 9\.064\.06 pavamAnasya vishvavitpra te sargA asR^ikShata | sUryasyeva na rashmayaH || 9\.064\.07 ketuM kR^iNvandivaspari vishvA rUpAbhyarShasi | samudraH soma pinvase || 9\.064\.08 hinvAno vAchamiShyasi pavamAna vidharmaNi | akrAndevo na sUryaH || 9\.064\.09 induH paviShTa chetanaH priyaH kavInAM matI | sR^ijadashvaM rathIriva || 9\.064\.10 Urmiryaste pavitra A devAvIH paryakSharat | sIdannR^itasya yonimA || 9\.064\.11 sa no arSha pavitra A mado yo devavItamaH | indavindrAya pItaye || 9\.064\.12 iShe pavasva dhArayA mR^ijyamAno manIShibhiH | indo ruchAbhi gA ihi || 9\.064\.13 punAno varivaskR^idhyUrjaM janAya girvaNaH | hare sR^ijAna Ashiram || 9\.064\.14 punAno devavItaya indrasya yAhi niShkR^itam | dyutAno vAjibhiryataH || 9\.064\.15 pra hinvAnAsa indavo.achChA samudramAshavaH | dhiyA jUtA asR^ikShata || 9\.064\.16 marmR^ijAnAsa Ayavo vR^ithA samudramindavaH | agmannR^itasya yonimA || 9\.064\.17 pari No yAhyasmayurvishvA vasUnyojasA | pAhi naH sharma vIravat || 9\.064\.18 mimAti vahniretashaH padaM yujAna R^ikvabhiH | pra yatsamudra AhitaH || 9\.064\.19 A yadyoniM hiraNyayamAshurR^itasya sIdati | jahAtyaprachetasaH || 9\.064\.20 abhi venA anUShateyakShanti prachetasaH | majjantyavichetasaH || 9\.064\.21 indrAyendo marutvate pavasva madhumattamaH | R^itasya yonimAsadam || 9\.064\.22 taM tvA viprA vachovidaH pari ShkR^iNvanti vedhasaH | saM tvA mR^ijantyAyavaH || 9\.064\.23 rasaM te mitro aryamA pibanti varuNaH kave | pavamAnasya marutaH || 9\.064\.24 tvaM soma vipashchitaM punAno vAchamiShyasi | indo sahasrabharNasam || 9\.064\.25 uto sahasrabharNasaM vAchaM soma makhasyuvam | punAna indavA bhara || 9\.064\.26 punAna indaveShAM puruhUta janAnAm | priyaH samudramA visha || 9\.064\.27 davidyutatyA ruchA pariShTobhantyA kR^ipA | somAH shukrA gavAshiraH || 9\.064\.28 hinvAno hetR^ibhiryata A vAjaM vAjyakramIt | sIdanto vanuSho yathA || 9\.064\.29 R^idhaksoma svastaye saMjagmAno divaH kaviH | pavasva sUryo dR^ishe || 9\.064\.30 hinvanti sUramusrayaH svasAro jAmayaspatim | mahAminduM mahIyuvaH || 9\.065\.01 pavamAna ruchAruchA devo devebhyaspari | vishvA vasUnyA visha || 9\.065\.02 A pavamAna suShTutiM vR^iShTiM devebhyo duvaH | iShe pavasva saMyatam || 9\.065\.03 vR^iShA hyasi bhAnunA dyumantaM tvA havAmahe | pavamAna svAdhyaH || 9\.065\.04 A pavasva suvIryaM mandamAnaH svAyudha | iho ShvindavA gahi || 9\.065\.05 yadadbhiH pariShichyase mR^ijyamAno gabhastyoH | druNA sadhasthamashnuShe || 9\.065\.06 pra somAya vyashvavatpavamAnAya gAyata | mahe sahasrachakShase || 9\.065\.07 yasya varNaM madhushchutaM hariM hinvantyadribhiH | indumindrAya pItaye || 9\.065\.08 tasya te vAjino vayaM vishvA dhanAni jigyuShaH | sakhitvamA vR^iNImahe || 9\.065\.09 vR^iShA pavasva dhArayA marutvate cha matsaraH | vishvA dadhAna ojasA || 9\.065\.10 taM tvA dhartAramoNyoH pavamAna svardR^isham | hinve vAjeShu vAjinam || 9\.065\.11 ayA chitto vipAnayA hariH pavasva dhArayA | yujaM vAjeShu chodaya || 9\.065\.12 A na indo mahImiShaM pavasva vishvadarshataH | asmabhyaM soma gAtuvit || 9\.065\.13 A kalashA anUShatendo dhArAbhirojasA | endrasya pItaye visha || 9\.065\.14 yasya te madyaM rasaM tIvraM duhantyadribhiH | sa pavasvAbhimAtihA || 9\.065\.15 rAjA medhAbhirIyate pavamAno manAvadhi | antarikSheNa yAtave || 9\.065\.16 A na indo shatagvinaM gavAM poShaM svashvyam | vahA bhagattimUtaye || 9\.065\.17 A naH soma saho juvo rUpaM na varchase bhara | suShvANo devavItaye || 9\.065\.18 arShA soma dyumattamo.abhi droNAni roruvat | sIda~nChyeno na yonimA || 9\.065\.19 apsA indrAya vAyave varuNAya marudbhyaH | somo arShati viShNave || 9\.065\.20 iShaM tokAya no dadhadasmabhyaM soma vishvataH | A pavasva sahasriNam || 9\.065\.21 ye somAsaH parAvati ye arvAvati sunvire | ye vAdaH sharyaNAvati || 9\.065\.22 ya ArjIkeShu kR^itvasu ye madhye pastyAnAm | ye vA janeShu pa~nchasu || 9\.065\.23 te no vR^iShTiM divaspari pavantAmA suvIryam | suvAnA devAsa indavaH || 9\.065\.24 pavate haryato harirgR^iNAno jamadagninA | hinvAno goradhi tvachi || 9\.065\.25 pra shukrAso vayojuvo hinvAnAso na saptayaH | shrINAnA apsu mR^i~njata || 9\.065\.26 taM tvA suteShvAbhuvo hinvire devatAtaye | sa pavasvAnayA ruchA || 9\.065\.27 A te dakShaM mayobhuvaM vahnimadyA vR^iNImahe | pAntamA puruspR^iham || 9\.065\.28 A mandramA vareNyamA vipramA manIShiNam | pAntamA puruspR^iham || 9\.065\.29 A rayimA suchetunamA sukrato tanUShvA | pAntamA puruspR^iham || 9\.065\.30 pavasva vishvacharShaNe.abhi vishvAni kAvyA | sakhA sakhibhya IDyaH || 9\.066\.01 tAbhyAM vishvasya rAjasi ye pavamAna dhAmanI | pratIchI soma tasthatuH || 9\.066\.02 pari dhAmAni yAni te tvaM somAsi vishvataH | pavamAna R^itubhiH kave || 9\.066\.03 pavasva janayanniSho.abhi vishvAni vAryA | sakhA sakhibhya Utaye || 9\.066\.04 tava shukrAso archayo divaspR^iShThe vi tanvate | pavitraM soma dhAmabhiH || 9\.066\.05 taveme sapta sindhavaH prashiShaM soma sisrate | tubhyaM dhAvanti dhenavaH || 9\.066\.06 pra soma yAhi dhArayA suta indrAya matsaraH | dadhAno akShiti shravaH || 9\.066\.07 samu tvA dhIbhirasvaranhinvatIH sapta jAmayaH | vipramAjA vivasvataH || 9\.066\.08 mR^ijanti tvA samagruvo.avye jIrAvadhi ShvaNi | rebho yadajyase vane || 9\.066\.09 pavamAnasya te kave vAjinsargA asR^ikShata | arvanto na shravasyavaH || 9\.066\.10 achChA koshaM madhushchutamasR^igraM vAre avyaye | avAvashanta dhItayaH || 9\.066\.11 achChA samudramindavo.astaM gAvo na dhenavaH | agmannR^itasya yonimA || 9\.066\.12 pra Na indo mahe raNa Apo arShanti sindhavaH | yadgobhirvAsayiShyase || 9\.066\.13 asya te sakhye vayamiyakShantastvotayaH | indo sakhitvamushmasi || 9\.066\.14 A pavasva gaviShTaye mahe soma nR^ichakShase | endrasya jaThare visha || 9\.066\.15 mahA.N asi soma jyeShTha ugrANAminda ojiShThaH | yudhvA sa~nChashvajjigetha || 9\.066\.16 ya ugrebhyashchidojIyA~nChUrebhyashchichChUrataraH | bhUridAbhyashchinmaMhIyAn || 9\.066\.17 tvaM soma sUra eShastokasya sAtA tanUnAm | vR^iNImahe sakhyAya vR^iNImahe yujyAya || 9\.066\.18 agna AyUMShi pavasa A suvorjamiShaM cha naH | Are bAdhasva duchChunAm || 9\.066\.19 agnirR^iShiH pavamAnaH pA~nchajanyaH purohitaH | tamImahe mahAgayam || 9\.066\.20 agne pavasva svapA asme varchaH suvIryam | dadhadrayiM mayi poSham || 9\.066\.21 pavamAno ati sridho.abhyarShati suShTutim | sUro na vishvadarshataH || 9\.066\.22 sa marmR^ijAna AyubhiH prayasvAnprayase hitaH | induratyo vichakShaNaH || 9\.066\.23 pavamAna R^itaM bR^ihachChukraM jyotirajIjanat | kR^iShNA tamAMsi ja~Nghanat || 9\.066\.24 pavamAnasya ja~Nghnato hareshchandrA asR^ikShata | jIrA ajirashochiShaH || 9\.066\.25 pavamAno rathItamaH shubhrebhiH shubhrashastamaH | harishchandro marudgaNaH || 9\.066\.26 pavamAno vyashnavadrashmibhirvAjasAtamaH | dadhatstotre suvIryam || 9\.066\.27 pra suvAna indurakShAH pavitramatyavyayam | punAna indurindramA || 9\.066\.28 eSha somo adhi tvachi gavAM krILatyadribhiH | indraM madAya johuvat || 9\.066\.29 yasya te dyumnavatpayaH pavamAnAbhR^itaM divaH | tena no mR^iLa jIvase || 9\.066\.30 tvaM somAsi dhArayurmandra ojiShTho adhvare | pavasva maMhayadrayiH || 9\.067\.01 tvaM suto nR^imAdano dadhanvAnmatsarintamaH | indrAya sUrirandhasA || 9\.067\.02 tvaM suShvANo adribhirabhyarSha kanikradat | dyumantaM shuShmamuttamam || 9\.067\.03 indurhinvAno arShati tiro vArANyavyayA | harirvAjamachikradat || 9\.067\.04 indo vyavyamarShasi vi shravAMsi vi saubhagA | vi vAjAnsoma gomataH || 9\.067\.05 A na indo shatagvinaM rayiM gomantamashvinam | bharA soma sahasriNam || 9\.067\.06 pavamAnAsa indavastiraH pavitramAshavaH | indraM yAmebhirAshata || 9\.067\.07 kakuhaH somyo rasa indurindrAya pUrvyaH | AyuH pavata Ayave || 9\.067\.08 hinvanti sUramusrayaH pavamAnaM madhushchutam | abhi girA samasvaran || 9\.067\.09 avitA no ajAshvaH pUShA yAmaniyAmani | A bhakShatkanyAsu naH || 9\.067\.10 ayaM somaH kapardine ghR^itaM na pavate madhu | A bhakShatkanyAsu naH || 9\.067\.11 ayaM ta AghR^iNe suto ghR^itaM na pavate shuchi | A bhakShatkanyAsu naH || 9\.067\.12 vAcho jantuH kavInAM pavasva soma dhArayA | deveShu ratnadhA asi || 9\.067\.13 A kalasheShu dhAvati shyeno varma vi gAhate | abhi droNA kanikradat || 9\.067\.14 pari pra soma te raso.asarji kalashe sutaH | shyeno na takto arShati || 9\.067\.15 pavasva soma mandayannindrAya madhumattamaH || 9\.067\.16 asR^igrandevavItaye vAjayanto rathA iva || 9\.067\.17 te sutAso madintamAH shukrA vAyumasR^ikShata || 9\.067\.18 grAvNA tunno abhiShTutaH pavitraM soma gachChasi | dadhatstotre suvIryam || 9\.067\.19 eSha tunno abhiShTutaH pavitramati gAhate | rakShohA vAramavyayam || 9\.067\.20 yadanti yachcha dUrake bhayaM vindati mAmiha | pavamAna vi tajjahi || 9\.067\.21 pavamAnaH so adya naH pavitreNa vicharShaNiH | yaH potA sa punAtu naH || 9\.067\.22 yatte pavitramarchiShyagne vitatamantarA | brahma tena punIhi naH || 9\.067\.23 yatte pavitramarchivadagne tena punIhi naH | brahmasavaiH punIhi naH || 9\.067\.24 ubhAbhyAM deva savitaH pavitreNa savena cha | mAM punIhi vishvataH || 9\.067\.25 tribhiShTvaM deva savitarvarShiShThaiH soma dhAmabhiH | agne dakShaiH punIhi naH || 9\.067\.26 punantu mAM devajanAH punantu vasavo dhiyA | vishve devAH punIta mA jAtavedaH punIhi mA || 9\.067\.27 pra pyAyasva pra syandasva soma vishvebhiraMshubhiH | devebhya uttamaM haviH || 9\.067\.28 upa priyaM panipnataM yuvAnamAhutIvR^idham | aganma bibhrato namaH || 9\.067\.29 alAyyasya parashurnanAsha tamA pavasva deva soma | AkhuM chideva deva soma || 9\.067\.30 yaH pAvamAnIradhyetyR^iShibhiH sambhR^itaM rasam | sarvaM sa pUtamashnAti svaditaM mAtarishvanA || 9\.067\.31 pAvamAnIryo adhyetyR^iShibhiH sambhR^itaM rasam | tasmai sarasvatI duhe kShIraM sarpirmadhUdakam || 9\.067\.32 pra devamachChA madhumanta indavo.asiShyadanta gAva A na dhenavaH | barhiShado vachanAvanta UdhabhiH parisrutamusriyA nirNijaM dhire || 9\.068\.01 sa roruvadabhi pUrvA achikradadupAruhaH shrathayansvAdate hariH | tiraH pavitraM pariyannuru jrayo ni sharyANi dadhate deva A varam || 9\.068\.02 vi yo mame yamyA saMyatI madaH sAkaMvR^idhA payasA pinvadakShitA | mahI apAre rajasI vivevidadabhivrajannakShitaM pAja A dade || 9\.068\.03 sa mAtarA vicharanvAjayannapaH pra medhiraH svadhayA pinvate padam | aMshuryavena pipishe yato nR^ibhiH saM jAmibhirnasate rakShate shiraH || 9\.068\.04 saM dakSheNa manasA jAyate kavirR^itasya garbho nihito yamA paraH | yUnA ha santA prathamaM vi jaj~naturguhA hitaM janima nemamudyatam || 9\.068\.05 mandrasya rUpaM vividurmanIShiNaH shyeno yadandho abharatparAvataH | taM marjayanta suvR^idhaM nadIShvA.N ushantamaMshuM pariyantamR^igmiyam || 9\.068\.06 tvAM mR^ijanti dasha yoShaNaH sutaM soma R^iShibhirmatibhirdhItibhirhitam | avyo vArebhiruta devahUtibhirnR^ibhiryato vAjamA darShi sAtaye || 9\.068\.07 pariprayantaM vayyaM suShaMsadaM somaM manIShA abhyanUShata stubhaH | yo dhArayA madhumA.N UrmiNA diva iyarti vAchaM rayiShALamartyaH || 9\.068\.08 ayaM diva iyarti vishvamA rajaH somaH punAnaH kalasheShu sIdati | adbhirgobhirmR^ijyate adribhiH sutaH punAna indurvarivo vidatpriyam || 9\.068\.09 evA naH soma pariShichyamAno vayo dadhachchitratamaM pavasva | adveShe dyAvApR^ithivI huvema devA dhatta rayimasme suvIram || 9\.068\.10 iShurna dhanvanprati dhIyate matirvatso na mAturupa sarjyUdhani | urudhAreva duhe agra Ayatyasya vrateShvapi soma iShyate || 9\.069\.01 upo matiH pR^ichyate sichyate madhu mandrAjanI chodate antarAsani | pavamAnaH saMtaniH praghnatAmiva madhumAndrapsaH pari vAramarShati || 9\.069\.02 avye vadhUyuH pavate pari tvachi shrathnIte naptIraditerR^itaM yate | harirakrAnyajataH saMyato mado nR^imNA shishAno mahiSho na shobhate || 9\.069\.03 ukShA mimAti prati yanti dhenavo devasya devIrupa yanti niShkR^itam | atyakramIdarjunaM vAramavyayamatkaM na niktaM pari somo avyata || 9\.069\.04 amR^iktena rushatA vAsasA hariramartyo nirNijAnaH pari vyata | divaspR^iShThaM barhaNA nirNije kR^itopastaraNaM chamvornabhasmayam || 9\.069\.05 sUryasyeva rashmayo drAvayitnavo matsarAsaH prasupaH sAkamIrate | tantuM tataM pari sargAsa Ashavo nendrAdR^ite pavate dhAma kiM chana || 9\.069\.06 sindhoriva pravaNe nimna Ashavo vR^iShachyutA madAso gAtumAshata | shaM no niveshe dvipade chatuShpade.asme vAjAH soma tiShThantu kR^iShTayaH || 9\.069\.07 A naH pavasva vasumaddhiraNyavadashvAvadgomadyavamatsuvIryam | yUyaM hi soma pitaro mama sthana divo mUrdhAnaH prasthitA vayaskR^itaH || 9\.069\.08 ete somAH pavamAnAsa indraM rathA iva pra yayuH sAtimachCha | sutAH pavitramati yantyavyaM hitvI vavriM harito vR^iShTimachCha || 9\.069\.09 indavindrAya bR^ihate pavasva sumR^iLIko anavadyo rishAdAH | bharA chandrANi gR^iNate vasUni devairdyAvApR^ithivI prAvataM naH || 9\.069\.10 trirasmai sapta dhenavo duduhre satyAmAshiraM pUrvye vyomani | chatvAryanyA bhuvanAni nirNije chArUNi chakre yadR^itairavardhata || 9\.070\.01 sa bhikShamANo amR^itasya chAruNa ubhe dyAvA kAvyenA vi shashrathe | tejiShThA apo maMhanA pari vyata yadI devasya shravasA sado viduH || 9\.070\.02 te asya santu ketavo.amR^ityavo.adAbhyAso januShI ubhe anu | yebhirnR^imNA cha devyA cha punata AdidrAjAnaM mananA agR^ibhNata || 9\.070\.03 sa mR^ijyamAno dashabhiH sukarmabhiH pra madhyamAsu mAtR^iShu prame sachA | vratAni pAno amR^itasya chAruNa ubhe nR^ichakShA anu pashyate vishau || 9\.070\.04 sa marmR^ijAna indriyAya dhAyasa obhe antA rodasI harShate hitaH | vR^iShA shuShmeNa bAdhate vi durmatIrAdedishAnaH sharyaheva shurudhaH || 9\.070\.05 sa mAtarA na dadR^ishAna usriyo nAnadadeti marutAmiva svanaH | jAnannR^itaM prathamaM yatsvarNaraM prashastaye kamavR^iNIta sukratuH || 9\.070\.06 ruvati bhImo vR^iShabhastaviShyayA shR^i~Nge shishAno hariNI vichakShaNaH | A yoniM somaH sukR^itaM ni ShIdati gavyayI tvagbhavati nirNigavyayI || 9\.070\.07 shuchiH punAnastanvamarepasamavye harirnyadhAviShTa sAnavi | juShTo mitrAya varuNAya vAyave tridhAtu madhu kriyate sukarmabhiH || 9\.070\.08 pavasva soma devavItaye vR^iShendrasya hArdi somadhAnamA visha | purA no bAdhAdduritAti pAraya kShetraviddhi disha AhA vipR^ichChate || 9\.070\.09 hito na saptirabhi vAjamarShendrasyendo jaTharamA pavasva | nAvA na sindhumati parShi vidvA~nChUro na yudhyannava no nidaH spaH || 9\.070\.10 A dakShiNA sR^ijyate shuShmyAsadaM veti druho rakShasaH pAti jAgR^iviH | hariropashaM kR^iNute nabhaspaya upastire chamvorbrahma nirNije || 9\.071\.01 pra kR^iShTiheva shUSha eti roruvadasuryaM varNaM ni riNIte asya tam | jahAti vavriM pitureti niShkR^itamupaprutaM kR^iNute nirNijaM tanA || 9\.071\.02 adribhiH sutaH pavate gabhastyorvR^iShAyate nabhasA vepate matI | sa modate nasate sAdhate girA nenikte apsu yajate parImaNi || 9\.071\.03 pari dyukShaM sahasaH parvatAvR^idhaM madhvaH si~nchanti harmyasya sakShaNim | A yasmingAvaH suhutAda Udhani mUrdha~nChrINantyagriyaM varImabhiH || 9\.071\.04 samI rathaM na bhurijoraheShata dasha svasAro aditerupastha A | jigAdupa jrayati gorapIchyaM padaM yadasya matuthA ajIjanan || 9\.071\.05 shyeno na yoniM sadanaM dhiyA kR^itaM hiraNyayamAsadaM deva eShati | e riNanti barhiShi priyaM girAshvo na devA.N apyeti yaj~niyaH || 9\.071\.06 parA vyakto aruSho divaH kavirvR^iShA tripR^iShTho anaviShTa gA abhi | sahasraNItiryatiH parAyatI rebho na pUrvIruShaso vi rAjati || 9\.071\.07 tveShaM rUpaM kR^iNute varNo asya sa yatrAshayatsamR^itA sedhati sridhaH | apsA yAti svadhayA daivyaM janaM saM suShTutI nasate saM go/agrayA || 9\.071\.08 ukSheva yUthA pariyannarAvIdadhi tviShIradhita sUryasya | divyaH suparNo.ava chakShata kShAM somaH pari kratunA pashyate jAH || 9\.071\.09 hariM mR^ijantyaruSho na yujyate saM dhenubhiH kalashe somo ajyate | udvAchamIrayati hinvate matI puruShTutasya kati chitparipriyaH || 9\.072\.01 sAkaM vadanti bahavo manIShiNa indrasya somaM jaThare yadAduhuH | yadI mR^ijanti sugabhastayo naraH sanILAbhirdashabhiH kAmyaM madhu || 9\.072\.02 aramamANo atyeti gA abhi sUryasya priyaM duhitustiro ravam | anvasmai joShamabharadvinaMgR^isaH saM dvayIbhiH svasR^ibhiH kSheti jAmibhiH || 9\.072\.03 nR^idhUto adriShuto barhiShi priyaH patirgavAM pradiva indurR^itviyaH | puraMdhivAnmanuSho yaj~nasAdhanaH shuchirdhiyA pavate soma indra te || 9\.072\.04 nR^ibAhubhyAM chodito dhArayA suto.anuShvadhaM pavate soma indra te | AprAH kratUnsamajairadhvare matIrverna druShachchamvorAsadaddhariH || 9\.072\.05 aMshuM duhanti stanayantamakShitaM kaviM kavayo.apaso manIShiNaH | samI gAvo matayo yanti saMyata R^itasya yonA sadane punarbhuvaH || 9\.072\.06 nAbhA pR^ithivyA dharuNo maho divo.apAmUrmau sindhuShvantarukShitaH | indrasya vajro vR^iShabho vibhUvasuH somo hR^ide pavate chAru matsaraH || 9\.072\.07 sa tU pavasva pari pArthivaM rajaH stotre shikShannAdhUnvate cha sukrato | mA no nirbhAgvasunaH sAdanaspR^isho rayiM pisha~NgaM bahulaM vasImahi || 9\.072\.08 A tU na indo shatadAtvashvyaM sahasradAtu pashumaddhiraNyavat | upa mAsva bR^ihatI revatIriSho.adhi stotrasya pavamAna no gahi || 9\.072\.09 srakve drapsasya dhamataH samasvarannR^itasya yonA samaranta nAbhayaH | trInsa mUrdhno asurashchakra Arabhe satyasya nAvaH sukR^itamapIparan || 9\.073\.01 samyaksamya~ncho mahiShA aheShata sindhorUrmAvadhi venA avIvipan | madhordhArAbhirjanayanto arkamitpriyAmindrasya tanvamavIvR^idhan || 9\.073\.02 pavitravantaH pari vAchamAsate pitaiShAM pratno abhi rakShati vratam | mahaH samudraM varuNastiro dadhe dhIrA ichChekurdharuNeShvArabham || 9\.073\.03 sahasradhAre.ava te samasvarandivo nAke madhujihvA asashchataH | asya spasho na ni miShanti bhUrNayaH padepade pAshinaH santi setavaH || 9\.073\.04 piturmAturadhyA ye samasvarannR^ichA shochantaH saMdahanto avratAn | indradviShTAmapa dhamanti mAyayA tvachamasiknIM bhUmano divaspari || 9\.073\.05 pratnAnmAnAdadhyA ye samasvara~nChlokayantrAso rabhasasya mantavaH | apAnakShAso badhirA ahAsata R^itasya panthAM na taranti duShkR^itaH || 9\.073\.06 sahasradhAre vitate pavitra A vAchaM punanti kavayo manIShiNaH | rudrAsa eShAmiShirAso adruhaH spashaH sva~nchaH sudR^isho nR^ichakShasaH || 9\.073\.07 R^itasya gopA na dabhAya sukratustrI Sha pavitrA hR^idyantarA dadhe | vidvAnsa vishvA bhuvanAbhi pashyatyavAjuShTAnvidhyati karte avratAn || 9\.073\.08 R^itasya tanturvitataH pavitra A jihvAyA agre varuNasya mAyayA | dhIrAshchittatsaminakShanta AshatAtrA kartamava padAtyaprabhuH || 9\.073\.09 shishurna jAto.ava chakradadvane svaryadvAjyaruShaH siShAsati | divo retasA sachate payovR^idhA tamImahe sumatI sharma saprathaH || 9\.074\.01 divo yaH skambho dharuNaH svAtata ApUrNo aMshuH paryeti vishvataH | seme mahI rodasI yakShadAvR^itA samIchIne dAdhAra samiShaH kaviH || 9\.074\.02 mahi psaraH sukR^itaM somyaM madhUrvI gavyUtiraditerR^itaM yate | Ishe yo vR^iShTerita usriyo vR^iShApAM netA ya ita/UtirR^igmiyaH || 9\.074\.03 Atmanvannabho duhyate ghR^itaM paya R^itasya nAbhiramR^itaM vi jAyate | samIchInAH sudAnavaH prINanti taM naro hitamava mehanti peravaH || 9\.074\.04 arAvIdaMshuH sachamAna UrmiNA devAvyaM manuShe pinvati tvacham | dadhAti garbhamaditerupastha A yena tokaM cha tanayaM cha dhAmahe || 9\.074\.05 sahasradhAre.ava tA asashchatastR^itIye santu rajasi prajAvatIH | chatasro nAbho nihitA avo divo havirbharantyamR^itaM ghR^itashchutaH || 9\.074\.06 shvetaM rUpaM kR^iNute yatsiShAsati somo mIDhvA.N asuro veda bhUmanaH | dhiyA shamI sachate semabhi pravaddivaskavandhamava darShadudriNam || 9\.074\.07 adha shvetaM kalashaM gobhiraktaM kArShmannA vAjyakramItsasavAn | A hinvire manasA devayantaH kakShIvate shatahimAya gonAm || 9\.074\.08 adbhiH soma papR^ichAnasya te raso.avyo vAraM vi pavamAna dhAvati | sa mR^ijyamAnaH kavibhirmadintama svadasvendrAya pavamAna pItaye || 9\.074\.09 abhi priyANi pavate chanohito nAmAni yahvo adhi yeShu vardhate | A sUryasya bR^ihato bR^ihannadhi rathaM viShva~nchamaruhadvichakShaNaH || 9\.075\.01 R^itasya jihvA pavate madhu priyaM vaktA patirdhiyo asyA adAbhyaH | dadhAti putraH pitrorapIchyaM nAma tR^itIyamadhi rochane divaH || 9\.075\.02 ava dyutAnaH kalashA.N achikradannR^ibhiryemAnaH kosha A hiraNyaye | abhImR^itasya dohanA anUShatAdhi tripR^iShTha uShaso vi rAjati || 9\.075\.03 adribhiH suto matibhishchanohitaH prarochayanrodasI mAtarA shuchiH | romANyavyA samayA vi dhAvati madhordhArA pinvamAnA divedive || 9\.075\.04 pari soma pra dhanvA svastaye nR^ibhiH punAno abhi vAsayAshiram | ye te madA Ahanaso vihAyasastebhirindraM chodaya dAtave magham || 9\.075\.05 dhartA divaH pavate kR^itvyo raso dakSho devAnAmanumAdyo nR^ibhiH | hariH sR^ijAno atyo na satvabhirvR^ithA pAjAMsi kR^iNute nadIShvA || 9\.076\.01 shUro na dhatta AyudhA gabhastyoH svaH siShAsanrathiro gaviShTiShu | indrasya shuShmamIrayannapasyubhirindurhinvAno ajyate manIShibhiH || 9\.076\.02 indrasya soma pavamAna UrmiNA taviShyamANo jaThareShvA visha | pra NaH pinva vidyudabhreva rodasI dhiyA na vAjA.N upa mAsi shashvataH || 9\.076\.03 vishvasya rAjA pavate svardR^isha R^itasya dhItimR^iShiShALavIvashat | yaH sUryasyAsireNa mR^ijyate pitA matInAmasamaShTakAvyaH || 9\.076\.04 vR^iSheva yUthA pari koshamarShasyapAmupasthe vR^iShabhaH kanikradat | sa indrAya pavase matsarintamo yathA jeShAma samithe tvotayaH || 9\.076\.05 eSha pra koshe madhumA.N achikradadindrasya vajro vapuSho vapuShTaraH | abhImR^itasya sudughA ghR^itashchuto vAshrA arShanti payaseva dhenavaH || 9\.077\.01 sa pUrvyaH pavate yaM divaspari shyeno mathAyadiShitastiro rajaH | sa madhva A yuvate vevijAna itkR^ishAnorasturmanasAha bibhyuShA || 9\.077\.02 te naH pUrvAsa uparAsa indavo mahe vAjAya dhanvantu gomate | IkSheNyAso ahyo na chAravo brahmabrahma ye jujuShurhavirhaviH || 9\.077\.03 ayaM no vidvAnvanavadvanuShyata induH satrAchA manasA puruShTutaH | inasya yaH sadane garbhamAdadhe gavAmurubjamabhyarShati vrajam || 9\.077\.04 chakrirdivaH pavate kR^itvyo raso mahA.N adabdho varuNo hurugyate | asAvi mitro vR^ijaneShu yaj~niyo.atyo na yUthe vR^iShayuH kanikradat || 9\.077\.05 pra rAjA vAchaM janayannasiShyadadapo vasAno abhi gA iyakShati | gR^ibhNAti ripramavirasya tAnvA shuddho devAnAmupa yAti niShkR^itam || 9\.078\.01 indrAya soma pari Shichyase nR^ibhirnR^ichakShA UrmiH kavirajyase vane | pUrvIrhi te srutayaH santi yAtave sahasramashvA harayashchamUShadaH || 9\.078\.02 samudriyA apsaraso manIShiNamAsInA antarabhi somamakSharan | tA IM hinvanti harmyasya sakShaNiM yAchante sumnaM pavamAnamakShitam || 9\.078\.03 gojinnaH somo rathajiddhiraNyajitsvarjidabjitpavate sahasrajit | yaM devAsashchakrire pItaye madaM svAdiShThaM drapsamaruNaM mayobhuvam || 9\.078\.04 etAni soma pavamAno asmayuH satyAni kR^iNvandraviNAnyarShasi | jahi shatrumantike dUrake cha ya urvIM gavyUtimabhayaM cha naskR^idhi || 9\.078\.05 achodaso no dhanvantvindavaH pra suvAnAso bR^ihaddiveShu harayaH | vi cha nashanna iSho arAtayo.aryo nashanta saniShanta no dhiyaH || 9\.079\.01 pra No dhanvantvindavo madachyuto dhanA vA yebhirarvato junImasi | tiro martasya kasya chitparihvR^itiM vayaM dhanAni vishvadhA bharemahi || 9\.079\.02 uta svasyA arAtyA arirhi Sha utAnyasyA arAtyA vR^iko hi ShaH | dhanvanna tR^iShNA samarIta tA.N abhi soma jahi pavamAna durAdhyaH || 9\.079\.03 divi te nAbhA paramo ya Adade pR^ithivyAste ruruhuH sAnavi kShipaH | adrayastvA bapsati goradhi tvachyapsu tvA hastairduduhurmanIShiNaH || 9\.079\.04 evA ta indo subhvaM supeshasaM rasaM tu~njanti prathamA abhishriyaH | nidaMnidaM pavamAna ni tAriSha Aviste shuShmo bhavatu priyo madaH || 9\.079\.05 somasya dhArA pavate nR^ichakShasa R^itena devAnhavate divaspari | bR^ihaspate ravathenA vi didyute samudrAso na savanAni vivyachuH || 9\.080\.01 yaM tvA vAjinnaghnyA abhyanUShatAyohataM yonimA rohasi dyumAn | maghonAmAyuH pratiranmahi shrava indrAya soma pavase vR^iShA madaH || 9\.080\.02 endrasya kukShA pavate madintama UrjaM vasAnaH shravase suma~NgalaH | pratya~Nsa vishvA bhuvanAbhi paprathe krILanhariratyaH syandate vR^iShA || 9\.080\.03 taM tvA devebhyo madhumattamaM naraH sahasradhAraM duhate dasha kShipaH | nR^ibhiH soma prachyuto grAvabhiH suto vishvAndevA.N A pavasvA sahasrajit || 9\.080\.04 taM tvA hastino madhumantamadribhirduhantyapsu vR^iShabhaM dasha kShipaH | indraM soma mAdayandaivyaM janaM sindhorivormiH pavamAno arShasi || 9\.080\.05 pra somasya pavamAnasyormaya indrasya yanti jaTharaM supeshasaH | dadhnA yadImunnItA yashasA gavAM dAnAya shUramudamandiShuH sutAH || 9\.081\.01 achChA hi somaH kalashA.N asiShyadadatyo na voLhA raghuvartanirvR^iShA | athA devAnAmubhayasya janmano vidvA.N ashnotyamuta itashcha yat || 9\.081\.02 A naH soma pavamAnaH kirA vasvindo bhava maghavA rAdhaso mahaH | shikShA vayodho vasave su chetunA mA no gayamAre asmatparA sichaH || 9\.081\.03 A naH pUShA pavamAnaH surAtayo mitro gachChantu varuNaH sajoShasaH | bR^ihaspatirmaruto vAyurashvinA tvaShTA savitA suyamA sarasvatI || 9\.081\.04 ubhe dyAvApR^ithivI vishvaminve aryamA devo aditirvidhAtA | bhago nR^ishaMsa urvantarikShaM vishve devAH pavamAnaM juShanta || 9\.081\.05 asAvi somo aruSho vR^iShA harI rAjeva dasmo abhi gA achikradat | punAno vAraM paryetyavyayaM shyeno na yoniM ghR^itavantamAsadam || 9\.082\.01 kavirvedhasyA paryeShi mAhinamatyo na mR^iShTo abhi vAjamarShasi | apasedhanduritA soma mR^iLaya ghR^itaM vasAnaH pari yAsi nirNijam || 9\.082\.02 parjanyaH pitA mahiShasya parNino nAbhA pR^ithivyA giriShu kShayaM dadhe | svasAra Apo abhi gA utAsaransaM grAvabhirnasate vIte adhvare || 9\.082\.03 jAyeva patyAvadhi sheva maMhase pajrAyA garbha shR^iNuhi bravImi te | antarvANIShu pra charA su jIvase.anindyo vR^ijane soma jAgR^ihi || 9\.082\.04 yathA pUrvebhyaH shatasA amR^idhraH sahasrasAH paryayA vAjamindo | evA pavasva suvitAya navyase tava vratamanvApaH sachante || 9\.082\.05 pavitraM te vitataM brahmaNaspate prabhurgAtrANi paryeShi vishvataH | ataptatanUrna tadAmo ashnute shR^itAsa idvahantastatsamAshata || 9\.083\.01 tapoShpavitraM vitataM divaspade shochanto asya tantavo vyasthiran | avantyasya pavItAramAshavo divaspR^iShThamadhi tiShThanti chetasA || 9\.083\.02 arUruchaduShasaH pR^ishniragriya ukShA bibharti bhuvanAni vAjayuH | mAyAvino mamire asya mAyayA nR^ichakShasaH pitaro garbhamA dadhuH || 9\.083\.03 gandharva itthA padamasya rakShati pAti devAnAM janimAnyadbhutaH | gR^ibhNAti ripuM nidhayA nidhApatiH sukR^ittamA madhuno bhakShamAshata || 9\.083\.04 havirhaviShmo mahi sadma daivyaM nabho vasAnaH pari yAsyadhvaram | rAjA pavitraratho vAjamAruhaH sahasrabhR^iShTirjayasi shravo bR^ihat || 9\.083\.05 pavasva devamAdano vicharShaNirapsA indrAya varuNAya vAyave | kR^idhI no adya varivaH svastimadurukShitau gR^iNIhi daivyaM janam || 9\.084\.01 A yastasthau bhuvanAnyamartyo vishvAni somaH pari tAnyarShati | kR^iNvansaMchR^itaM vichR^itamabhiShTaya induH siShaktyuShasaM na sUryaH || 9\.084\.02 A yo gobhiH sR^ijyata oShadhIShvA devAnAM sumna iShayannupAvasuH | A vidyutA pavate dhArayA suta indraM somo mAdayandaivyaM janam || 9\.084\.03 eSha sya somaH pavate sahasrajiddhinvAno vAchamiShirAmuSharbudham | induH samudramudiyarti vAyubhirendrasya hArdi kalasheShu sIdati || 9\.084\.04 abhi tyaM gAvaH payasA payovR^idhaM somaM shrINanti matibhiH svarvidam | dhanaMjayaH pavate kR^itvyo raso vipraH kaviH kAvyenA svarchanAH || 9\.084\.05 indrAya soma suShutaH pari sravApAmIvA bhavatu rakShasA saha | mA te rasasya matsata dvayAvino draviNasvanta iha santvindavaH || 9\.085\.01 asmAnsamarye pavamAna chodaya dakSho devAnAmasi hi priyo madaH | jahi shatrU.NrabhyA bhandanAyataH pibendra somamava no mR^idho jahi || 9\.085\.02 adabdha indo pavase madintama Atmendrasya bhavasi dhAsiruttamaH | abhi svaranti bahavo manIShiNo rAjAnamasya bhuvanasya niMsate || 9\.085\.03 sahasraNIthaH shatadhAro adbhuta indrAyenduH pavate kAmyaM madhu | jayankShetramabhyarShA jayannapa uruM no gAtuM kR^iNu soma mIDhvaH || 9\.085\.04 kanikradatkalashe gobhirajyase vyavyayaM samayA vAramarShasi | marmR^ijyamAno atyo na sAnasirindrasya soma jaThare samakSharaH || 9\.085\.05 svAduH pavasva divyAya janmane svAdurindrAya suhavItunAmne | svAdurmitrAya varuNAya vAyave bR^ihaspataye madhumA.N adAbhyaH || 9\.085\.06 atyaM mR^ijanti kalashe dasha kShipaH pra viprANAM matayo vAcha Irate | pavamAnA abhyarShanti suShTutimendraM vishanti madirAsa indavaH || 9\.085\.07 pavamAno abhyarShA suvIryamurvIM gavyUtiM mahi sharma saprathaH | mAkirno asya pariShUtirIshatendo jayema tvayA dhanaMdhanam || 9\.085\.08 adhi dyAmasthAdvR^iShabho vichakShaNo.arUruchadvi divo rochanA kaviH | rAjA pavitramatyeti roruvaddivaH pIyUShaM duhate nR^ichakShasaH || 9\.085\.09 divo nAke madhujihvA asashchato venA duhantyukShaNaM giriShThAm | apsu drapsaM vAvR^idhAnaM samudra A sindhorUrmA madhumantaM pavitra A || 9\.085\.10 nAke suparNamupapaptivAMsaM giro venAnAmakR^ipanta pUrvIH | shishuM rihanti matayaH panipnataM hiraNyayaM shakunaM kShAmaNi sthAm || 9\.085\.11 Urdhvo gandharvo adhi nAke asthAdvishvA rUpA pratichakShANo asya | bhAnuH shukreNa shochiShA vyadyautprArUruchadrodasI mAtarA shuchiH || 9\.085\.12 pra ta AshavaH pavamAna dhIjavo madA arShanti raghujA iva tmanA | divyAH suparNA madhumanta indavo madintamAsaH pari koshamAsate || 9\.086\.01 pra te madAso madirAsa Ashavo.asR^ikShata rathyAso yathA pR^ithak | dhenurna vatsaM payasAbhi vajriNamindramindavo madhumanta UrmayaH || 9\.086\.02 atyo na hiyAno abhi vAjamarSha svarvitkoshaM divo adrimAtaram | vR^iShA pavitre adhi sAno avyaye somaH punAna indriyAya dhAyase || 9\.086\.03 pra ta AshvinIH pavamAna dhIjuvo divyA asR^igranpayasA dharImaNi | prAntarR^iShayaH sthAvirIrasR^ikShata ye tvA mR^ijantyR^iShiShANa vedhasaH || 9\.086\.04 vishvA dhAmAni vishvachakSha R^ibhvasaH prabhoste sataH pari yanti ketavaH | vyAnashiH pavase soma dharmabhiH patirvishvasya bhuvanasya rAjasi || 9\.086\.05 ubhayataH pavamAnasya rashmayo dhruvasya sataH pari yanti ketavaH | yadI pavitre adhi mR^ijyate hariH sattA ni yonA kalasheShu sIdati || 9\.086\.06 yaj~nasya ketuH pavate svadhvaraH somo devAnAmupa yAti niShkR^itam | sahasradhAraH pari koshamarShati vR^iShA pavitramatyeti roruvat || 9\.086\.07 rAjA samudraM nadyo vi gAhate.apAmUrmiM sachate sindhuShu shritaH | adhyasthAtsAnu pavamAno avyayaM nAbhA pR^ithivyA dharuNo maho divaH || 9\.086\.08 divo na sAnu stanayannachikradaddyaushcha yasya pR^ithivI cha dharmabhiH | indrasya sakhyaM pavate vivevidatsomaH punAnaH kalasheShu sIdati || 9\.086\.09 jyotiryaj~nasya pavate madhu priyaM pitA devAnAM janitA vibhUvasuH | dadhAti ratnaM svadhayorapIchyaM madintamo matsara indriyo rasaH || 9\.086\.10 abhikrandankalashaM vAjyarShati patirdivaH shatadhAro vichakShaNaH | harirmitrasya sadaneShu sIdati marmR^ijAno.avibhiH sindhubhirvR^iShA || 9\.086\.11 agre sindhUnAM pavamAno arShatyagre vAcho agriyo goShu gachChati | agre vAjasya bhajate mahAdhanaM svAyudhaH sotR^ibhiH pUyate vR^iShA || 9\.086\.12 ayaM matavA~nChakuno yathA hito.avye sasAra pavamAna UrmiNA | tava kratvA rodasI antarA kave shuchirdhiyA pavate soma indra te || 9\.086\.13 drApiM vasAno yajato divispR^ishamantarikShaprA bhuvaneShvarpitaH | svarjaj~nAno nabhasAbhyakramItpratnamasya pitaramA vivAsati || 9\.086\.14 so asya vishe mahi sharma yachChati yo asya dhAma prathamaM vyAnashe | padaM yadasya parame vyomanyato vishvA abhi saM yAti saMyataH || 9\.086\.15 pro ayAsIdindurindrasya niShkR^itaM sakhA sakhyurna pra minAti saMgiram | marya iva yuvatibhiH samarShati somaH kalashe shatayAmnA pathA || 9\.086\.16 pra vo dhiyo mandrayuvo vipanyuvaH panasyuvaH saMvasaneShvakramuH | somaM manIShA abhyanUShata stubho.abhi dhenavaH payasemashishrayuH || 9\.086\.17 A naH soma saMyataM pipyuShImiShamindo pavasva pavamAno asridham | yA no dohate trirahannasashchuShI kShumadvAjavanmadhumatsuvIryam || 9\.086\.18 vR^iShA matInAM pavate vichakShaNaH somo ahnaH pratarItoShaso divaH | krANA sindhUnAM kalashA.N avIvashadindrasya hArdyAvishanmanIShibhiH || 9\.086\.19 manIShibhiH pavate pUrvyaH kavirnR^ibhiryataH pari koshA.N achikradat | tritasya nAma janayanmadhu kSharadindrasya vAyoH sakhyAya kartave || 9\.086\.20 ayaM punAna uShaso vi rochayadayaM sindhubhyo abhavadu lokakR^it | ayaM triH sapta duduhAna AshiraM somo hR^ide pavate chAru matsaraH || 9\.086\.21 pavasva soma divyeShu dhAmasu sR^ijAna indo kalashe pavitra A | sIdannindrasya jaThare kanikradannR^ibhiryataH sUryamArohayo divi || 9\.086\.22 adribhiH sutaH pavase pavitra A.N indavindrasya jaThareShvAvishan | tvaM nR^ichakShA abhavo vichakShaNa soma gotrama~Ngirobhyo.avR^iNorapa || 9\.086\.23 tvAM soma pavamAnaM svAdhyo.anu viprAso amadannavasyavaH | tvAM suparNa AbharaddivasparIndo vishvAbhirmatibhiH pariShkR^itam || 9\.086\.24 avye punAnaM pari vAra UrmiNA hariM navante abhi sapta dhenavaH | apAmupasthe adhyAyavaH kavimR^itasya yonA mahiShA aheShata || 9\.086\.25 induH punAno ati gAhate mR^idho vishvAni kR^iNvansupathAni yajyave | gAH kR^iNvAno nirNijaM haryataH kaviratyo na krILanpari vAramarShati || 9\.086\.26 asashchataH shatadhArA abhishriyo hariM navante.ava tA udanyuvaH | kShipo mR^ijanti pari gobhirAvR^itaM tR^itIye pR^iShThe adhi rochane divaH || 9\.086\.27 tavemAH prajA divyasya retasastvaM vishvasya bhuvanasya rAjasi | athedaM vishvaM pavamAna te vashe tvamindo prathamo dhAmadhA asi || 9\.086\.28 tvaM samudro asi vishvavitkave tavemAH pa~ncha pradisho vidharmaNi | tvaM dyAM cha pR^ithivIM chAti jabhriShe tava jyotIMShi pavamAna sUryaH || 9\.086\.29 tvaM pavitre rajaso vidharmaNi devebhyaH soma pavamAna pUyase | tvAmushijaH prathamA agR^ibhNata tubhyemA vishvA bhuvanAni yemire || 9\.086\.30 pra rebha etyati vAramavyayaM vR^iShA vaneShvava chakradaddhariH | saM dhItayo vAvashAnA anUShata shishuM rihanti matayaH panipnatam || 9\.086\.31 sa sUryasya rashmibhiH pari vyata tantuM tanvAnastrivR^itaM yathA vide | nayannR^itasya prashiSho navIyasIH patirjanInAmupa yAti niShkR^itam || 9\.086\.32 rAjA sindhUnAM pavate patirdiva R^itasya yAti pathibhiH kanikradat | sahasradhAraH pari Shichyate hariH punAno vAchaM janayannupAvasuH || 9\.086\.33 pavamAna mahyarNo vi dhAvasi sUro na chitro avyayAni pavyayA | gabhastipUto nR^ibhiradribhiH suto mahe vAjAya dhanyAya dhanvasi || 9\.086\.34 iShamUrjaM pavamAnAbhyarShasi shyeno na vaMsu kalasheShu sIdasi | indrAya madvA madyo madaH suto divo viShTambha upamo vichakShaNaH || 9\.086\.35 sapta svasAro abhi mAtaraH shishuM navaM jaj~nAnaM jenyaM vipashchitam | apAM gandharvaM divyaM nR^ichakShasaM somaM vishvasya bhuvanasya rAjase || 9\.086\.36 IshAna imA bhuvanAni vIyase yujAna indo haritaH suparNyaH | tAste kSharantu madhumadghR^itaM payastava vrate soma tiShThantu kR^iShTayaH || 9\.086\.37 tvaM nR^ichakShA asi soma vishvataH pavamAna vR^iShabha tA vi dhAvasi | sa naH pavasva vasumaddhiraNyavadvayaM syAma bhuvaneShu jIvase || 9\.086\.38 govitpavasva vasuviddhiraNyavidretodhA indo bhuvaneShvarpitaH | tvaM suvIro asi soma vishvavittaM tvA viprA upa girema Asate || 9\.086\.39 unmadhva UrmirvananA atiShThipadapo vasAno mahiSho vi gAhate | rAjA pavitraratho vAjamAruhatsahasrabhR^iShTirjayati shravo bR^ihat || 9\.086\.40 sa bhandanA udiyarti prajAvatIrvishvAyurvishvAH subharA ahardivi | brahma prajAvadrayimashvapastyaM pIta indavindramasmabhyaM yAchatAt || 9\.086\.41 so agre ahnAM harirharyato madaH pra chetasA chetayate anu dyubhiH | dvA janA yAtayannantarIyate narA cha shaMsaM daivyaM cha dhartari || 9\.086\.42 a~njate vya~njate sama~njate kratuM rihanti madhunAbhya~njate | sindhoruchChvAse patayantamukShaNaM hiraNyapAvAH pashumAsu gR^ibhNate || 9\.086\.43 vipashchite pavamAnAya gAyata mahI na dhArAtyandho arShati | ahirna jUrNAmati sarpati tvachamatyo na krILannasaradvR^iShA hariH || 9\.086\.44 agrego rAjApyastaviShyate vimAno ahnAM bhuvaneShvarpitaH | harirghR^itasnuH sudR^ishIko arNavo jyotIrathaH pavate rAya okyaH || 9\.086\.45 asarji skambho diva udyato madaH pari tridhAturbhuvanAnyarShati | aMshuM rihanti matayaH panipnataM girA yadi nirNijamR^igmiNo yayuH || 9\.086\.46 pra te dhArA atyaNvAni meShyaH punAnasya saMyato yanti raMhayaH | yadgobhirindo chamvoH samajyasa A suvAnaH soma kalasheShu sIdasi || 9\.086\.47 pavasva soma kratuvinna ukthyo.avyo vAre pari dhAva madhu priyam | jahi vishvAnrakShasa indo atriNo bR^ihadvadema vidathe suvIrAH || 9\.086\.48 pra tu drava pari koshaM ni ShIda nR^ibhiH punAno abhi vAjamarSha | ashvaM na tvA vAjinaM marjayanto.achChA barhI rashanAbhirnayanti || 9\.087\.01 svAyudhaH pavate deva indurashastihA vR^ijanaM rakShamANaH | pitA devAnAM janitA sudakSho viShTambho divo dharuNaH pR^ithivyAH || 9\.087\.02 R^iShirvipraH pura/etA janAnAmR^ibhurdhIra ushanA kAvyena | sa chidviveda nihitaM yadAsAmapIchyaM guhyaM nAma gonAm || 9\.087\.03 eSha sya te madhumA.N indra somo vR^iShA vR^iShNe pari pavitre akShAH | sahasrasAH shatasA bhUridAvA shashvattamaM barhirA vAjyasthAt || 9\.087\.04 ete somA abhi gavyA sahasrA mahe vAjAyAmR^itAya shravAMsi | pavitrebhiH pavamAnA asR^igra~nChravasyavo na pR^itanAjo atyAH || 9\.087\.05 pari hi ShmA puruhUto janAnAM vishvAsaradbhojanA pUyamAnaH | athA bhara shyenabhR^ita prayAMsi rayiM tu~njAno abhi vAjamarSha || 9\.087\.06 eSha suvAnaH pari somaH pavitre sargo na sR^iShTo adadhAvadarvA | tigme shishAno mahiSho na shR^i~Nge gA gavyannabhi shUro na satvA || 9\.087\.07 eShA yayau paramAdantaradreH kUchitsatIrUrve gA viveda | divo na vidyutstanayantyabhraiH somasya te pavata indra dhArA || 9\.087\.08 uta sma rAshiM pari yAsi gonAmindreNa soma sarathaM punAnaH | pUrvIriSho bR^ihatIrjIradAno shikShA shachIvastava tA upaShTut || 9\.087\.09 ayaM soma indra tubhyaM sunve tubhyaM pavate tvamasya pAhi | tvaM ha yaM chakR^iShe tvaM vavR^iSha induM madAya yujyAya somam || 9\.088\.01 sa IM ratho na bhuriShALayoji mahaH purUNi sAtaye vasUni | AdIM vishvA nahuShyANi jAtA svarShAtA vana UrdhvA navanta || 9\.088\.02 vAyurna yo niyutvA.N iShTayAmA nAsatyeva hava A shambhaviShThaH | vishvavAro draviNodA iva tmanpUSheva dhIjavano.asi soma || 9\.088\.03 indro na yo mahA karmANi chakrirhantA vR^itrANAmasi soma pUrbhit | paidvo na hi tvamahinAmnAM hantA vishvasyAsi soma dasyoH || 9\.088\.04 agnirna yo vana A sR^ijyamAno vR^ithA pAjAMsi kR^iNute nadIShu | jano na yudhvA mahata upabdiriyarti somaH pavamAna Urmim || 9\.088\.05 ete somA ati vArANyavyA divyA na koshAso abhravarShAH | vR^ithA samudraM sindhavo na nIchIH sutAso abhi kalashA.N asR^igran || 9\.088\.06 shuShmI shardho na mArutaM pavasvAnabhishastA divyA yathA viT | Apo na makShU sumatirbhavA naH sahasrApsAH pR^itanAShANna yaj~naH || 9\.088\.07 rAj~no nu te varuNasya vratAni bR^ihadgabhIraM tava soma dhAma | shuchiShTvamasi priyo na mitro dakShAyyo aryamevAsi soma || 9\.088\.08 pro sya vahniH pathyAbhirasyAndivo na vR^iShTiH pavamAno akShAH | sahasradhAro asadannyasme mAturupasthe vana A cha somaH || 9\.089\.01 rAjA sindhUnAmavasiShTa vAsa R^itasya nAvamAruhadrajiShThAm | apsu drapso vAvR^idhe shyenajUto duha IM pitA duha IM piturjAm || 9\.089\.02 siMhaM nasanta madhvo ayAsaM harimaruShaM divo asya patim | shUro yutsu prathamaH pR^ichChate gA asya chakShasA pari pAtyukShA || 9\.089\.03 madhupR^iShThaM ghoramayAsamashvaM rathe yu~njantyuruchakra R^iShvam | svasAra IM jAmayo marjayanti sanAbhayo vAjinamUrjayanti || 9\.089\.04 chatasra IM ghR^itaduhaH sachante samAne antardharuNe niShattAH | tA ImarShanti namasA punAnAstA IM vishvataH pari Shanti pUrvIH || 9\.089\.05 viShTambho divo dharuNaH pR^ithivyA vishvA uta kShitayo haste asya | asatta utso gR^iNate niyutvAnmadhvo aMshuH pavata indriyAya || 9\.089\.06 vanvannavAto abhi devavItimindrAya soma vR^itrahA pavasva | shagdhi mahaH purushchandrasya rAyaH suvIryasya patayaH syAma || 9\.089\.07 pra hinvAno janitA rodasyo ratho na vAjaM saniShyannayAsIt | indraM gachChannAyudhA saMshishAno vishvA vasu hastayorAdadhAnaH || 9\.090\.01 abhi tripR^iShThaM vR^iShaNaM vayodhAmA~NgUShANAmavAvashanta vANIH | vanA vasAno varuNo na sindhUnvi ratnadhA dayate vAryANi || 9\.090\.02 shUragrAmaH sarvavIraH sahAvA~njetA pavasva sanitA dhanAni | tigmAyudhaH kShipradhanvA samatsvaShALhaH sAhvAnpR^itanAsu shatrUn || 9\.090\.03 urugavyUtirabhayAni kR^iNvansamIchIne A pavasvA puraMdhI | apaH siShAsannuShasaH svargAH saM chikrado maho asmabhyaM vAjAn || 9\.090\.04 matsi soma varuNaM matsi mitraM matsIndramindo pavamAna viShNum | matsi shardho mArutaM matsi devAnmatsi mahAmindramindo madAya || 9\.090\.05 evA rAjeva kratumA.N amena vishvA ghanighnadduritA pavasva | indo sUktAya vachase vayo dhA yUyaM pAta svastibhiH sadA naH || 9\.090\.06 asarji vakvA rathye yathAjau dhiyA manotA prathamo manIShI | dasha svasAro adhi sAno avye.ajanti vahniM sadanAnyachCha || 9\.091\.01 vItI janasya divyasya kavyairadhi suvAno nahuShyebhirinduH | pra yo nR^ibhiramR^ito martyebhirmarmR^ijAno.avibhirgobhiradbhiH || 9\.091\.02 vR^iShA vR^iShNe roruvadaMshurasmai pavamAno rushadIrte payo goH | sahasramR^ikvA pathibhirvachovidadhvasmabhiH sUro aNvaM vi yAti || 9\.091\.03 rujA dR^iLhA chidrakShasaH sadAMsi punAna inda UrNuhi vi vAjAn | vR^ishchopariShTAttujatA vadhena ye anti dUrAdupanAyameShAm || 9\.091\.04 sa pratnavannavyase vishvavAra sUktAya pathaH kR^iNuhi prAchaH | ye duHShahAso vanuShA bR^ihantastA.Nste ashyAma purukR^itpurukSho || 9\.091\.05 evA punAno apaH svargA asmabhyaM tokA tanayAni bhUri | shaM naH kShetramuru jyotIMShi soma jyo~NnaH sUryaM dR^ishaye rirIhi || 9\.091\.06 pari suvAno hariraMshuH pavitre ratho na sarji sanaye hiyAnaH | ApachChlokamindriyaM pUyamAnaH prati devA.N ajuShata prayobhiH || 9\.092\.01 achChA nR^ichakShA asaratpavitre nAma dadhAnaH kavirasya yonau | sIdanhoteva sadane chamUShUpemagmannR^iShayaH sapta viprAH || 9\.092\.02 pra sumedhA gAtuvidvishvadevaH somaH punAnaH sada eti nityam | bhuvadvishveShu kAvyeShu rantAnu janAnyatate pa~ncha dhIraH || 9\.092\.03 tava tye soma pavamAna niNye vishve devAstraya ekAdashAsaH | dasha svadhAbhiradhi sAno avye mR^ijanti tvA nadyaH sapta yahvIH || 9\.092\.04 tannu satyaM pavamAnasyAstu yatra vishve kAravaH saMnasanta | jyotiryadahne akR^iNodu lokaM prAvanmanuM dasyave karabhIkam || 9\.092\.05 pari sadmeva pashumAnti hotA rAjA na satyaH samitIriyAnaH | somaH punAnaH kalashA.N ayAsItsIdanmR^igo na mahiSho vaneShu || 9\.092\.06 sAkamukSho marjayanta svasAro dasha dhIrasya dhItayo dhanutrIH | hariH paryadravajjAH sUryasya droNaM nanakShe atyo na vAjI || 9\.093\.01 saM mAtR^ibhirna shishurvAvashAno vR^iShA dadhanve puruvAro adbhiH | maryo na yoShAmabhi niShkR^itaM yansaM gachChate kalasha usriyAbhiH || 9\.093\.02 uta pra pipya UdharaghnyAyA indurdhArAbhiH sachate sumedhAH | mUrdhAnaM gAvaH payasA chamUShvabhi shrINanti vasubhirna niktaiH || 9\.093\.03 sa no devebhiH pavamAna radendo rayimashvinaM vAvashAnaH | rathirAyatAmushatI puraMdhirasmadryagA dAvane vasUnAm || 9\.093\.04 nU no rayimupa mAsva nR^ivantaM punAno vAtApyaM vishvashchandram | pra vanditurindo tAryAyuH prAtarmakShU dhiyAvasurjagamyAt || 9\.093\.05 adhi yadasminvAjinIva shubhaH spardhante dhiyaH sUrye na vishaH | apo vR^iNAnaH pavate kavIyanvrajaM na pashuvardhanAya manma || 9\.094\.01 dvitA vyUrNvannamR^itasya dhAma svarvide bhuvanAni prathanta | dhiyaH pinvAnAH svasare na gAva R^itAyantIrabhi vAvashra indum || 9\.094\.02 pari yatkaviH kAvyA bharate shUro na ratho bhuvanAni vishvA | deveShu yasho martAya bhUShandakShAya rAyaH purubhUShu navyaH || 9\.094\.03 shriye jAtaH shriya A niriyAya shriyaM vayo jaritR^ibhyo dadhAti | shriyaM vasAnA amR^itatvamAyanbhavanti satyA samithA mitadrau || 9\.094\.04 iShamUrjamabhyarShAshvaM gAmuru jyotiH kR^iNuhi matsi devAn | vishvAni hi suShahA tAni tubhyaM pavamAna bAdhase soma shatrUn || 9\.094\.05 kanikranti harirA sR^ijyamAnaH sIdanvanasya jaThare punAnaH | nR^ibhiryataH kR^iNute nirNijaM gA ato matIrjanayata svadhAbhiH || 9\.095\.01 hariH sR^ijAnaH pathyAmR^itasyeyarti vAchamariteva nAvam | devo devAnAM guhyAni nAmAviShkR^iNoti barhiShi pravAche || 9\.095\.02 apAmivedUrmayastarturANAH pra manIShA Irate somamachCha | namasyantIrupa cha yanti saM chA cha vishantyushatIrushantam || 9\.095\.03 taM marmR^ijAnaM mahiShaM na sAnAvaMshuM duhantyukShaNaM giriShThAm | taM vAvashAnaM matayaH sachante trito bibharti varuNaM samudre || 9\.095\.04 iShyanvAchamupavakteva hotuH punAna indo vi ShyA manIShAm | indrashcha yatkShayathaH saubhagAya suvIryasya patayaH syAma || 9\.095\.05 pra senAnIH shUro agre rathAnAM gavyanneti harShate asya senA | bhadrAnkR^iNvannindrahavAnsakhibhya A somo vastrA rabhasAni datte || 9\.096\.01 samasya hariM harayo mR^ijantyashvahayairanishitaM namobhiH | A tiShThati rathamindrasya sakhA vidvA.N enA sumatiM yAtyachCha || 9\.096\.02 sa no deva devatAte pavasva mahe soma psarasa indrapAnaH | kR^iNvannapo varShayandyAmutemAmurorA no varivasyA punAnaH || 9\.096\.03 ajItaye.ahataye pavasva svastaye sarvatAtaye bR^ihate | tadushanti vishva ime sakhAyastadahaM vashmi pavamAna soma || 9\.096\.04 somaH pavate janitA matInAM janitA divo janitA pR^ithivyAH | janitAgnerjanitA sUryasya janitendrasya janitota viShNoH || 9\.096\.05 brahmA devAnAM padavIH kavInAmR^iShirviprANAM mahiSho mR^igANAm | shyeno gR^idhrANAM svadhitirvanAnAM somaH pavitramatyeti rebhan || 9\.096\.06 prAvIvipadvAcha UrmiM na sindhurgiraH somaH pavamAno manIShAH | antaH pashyanvR^ijanemAvarANyA tiShThati vR^iShabho goShu jAnan || 9\.096\.07 sa matsaraH pR^itsu vanvannavAtaH sahasraretA abhi vAjamarSha | indrAyendo pavamAno manIShyaMshorUrmimIraya gA iShaNyan || 9\.096\.08 pari priyaH kalashe devavAta indrAya somo raNyo madAya | sahasradhAraH shatavAja indurvAjI na saptiH samanA jigAti || 9\.096\.09 sa pUrvyo vasuvijjAyamAno mR^ijAno apsu duduhAno adrau | abhishastipA bhuvanasya rAjA vidadgAtuM brahmaNe pUyamAnaH || 9\.096\.10 tvayA hi naH pitaraH soma pUrve karmANi chakruH pavamAna dhIrAH | vanvannavAtaH paridhI.NraporNu vIrebhirashvairmaghavA bhavA naH || 9\.096\.11 yathApavathA manave vayodhA amitrahA varivoviddhaviShmAn | evA pavasva draviNaM dadhAna indre saM tiShTha janayAyudhAni || 9\.096\.12 pavasva soma madhumA.N R^itAvApo vasAno adhi sAno avye | ava droNAni ghR^itavAnti sIda madintamo matsara indrapAnaH || 9\.096\.13 vR^iShTiM divaH shatadhAraH pavasva sahasrasA vAjayurdevavItau | saM sindhubhiH kalashe vAvashAnaH samusriyAbhiH pratiranna AyuH || 9\.096\.14 eSha sya somo matibhiH punAno.atyo na vAjI taratIdarAtIH | payo na dugdhamaditeriShiramurviva gAtuH suyamo na voLhA || 9\.096\.15 svAyudhaH sotR^ibhiH pUyamAno.abhyarSha guhyaM chAru nAma | abhi vAjaM saptiriva shravasyAbhi vAyumabhi gA deva soma || 9\.096\.16 shishuM jaj~nAnaM haryataM mR^ijanti shumbhanti vahniM maruto gaNena | kavirgIrbhiH kAvyenA kaviH sansomaH pavitramatyeti rebhan || 9\.096\.17 R^iShimanA ya R^iShikR^itsvarShAH sahasraNIthaH padavIH kavInAm | tR^itIyaM dhAma mahiShaH siShAsansomo virAjamanu rAjati ShTup || 9\.096\.18 chamUShachChyenaH shakuno vibhR^itvA govindurdrapsa AyudhAni bibhrat | apAmUrmiM sachamAnaH samudraM turIyaM dhAma mahiSho vivakti || 9\.096\.19 maryo na shubhrastanvaM mR^ijAno.atyo na sR^itvA sanaye dhanAnAm | vR^iSheva yUthA pari koshamarShankanikradachchamvorA vivesha || 9\.096\.20 pavasvendo pavamAno mahobhiH kanikradatpari vArANyarSha | krILa~nchamvorA visha pUyamAna indraM te raso madiro mamattu || 9\.096\.21 prAsya dhArA bR^ihatIrasR^igrannakto gobhiH kalashA.N A vivesha | sAma kR^iNvansAmanyo vipashchitkrandannetyabhi sakhyurna jAmim || 9\.096\.22 apaghnanneShi pavamAna shatrUnpriyAM na jAro abhigIta induH | sIdanvaneShu shakuno na patvA somaH punAnaH kalasheShu sattA || 9\.096\.23 A te ruchaH pavamAnasya soma yoSheva yanti sudughAH sudhArAH | harirAnItaH puruvAro apsvachikradatkalashe devayUnAm || 9\.096\.24 asya preShA hemanA pUyamAno devo devebhiH samapR^ikta rasam | sutaH pavitraM paryeti rebhanmiteva sadma pashumAnti hotA || 9\.097\.01 bhadrA vastrA samanyA vasAno mahAnkavirnivachanAni shaMsan | A vachyasva chamvoH pUyamAno vichakShaNo jAgR^ivirdevavItau || 9\.097\.02 samu priyo mR^ijyate sAno avye yashastaro yashasAM kShaito asme | abhi svara dhanvA pUyamAno yUyaM pAta svastibhiH sadA naH || 9\.097\.03 pra gAyatAbhyarchAma devAnsomaM hinota mahate dhanAya | svAduH pavAte ati vAramavyamA sIdAti kalashaM devayurnaH || 9\.097\.04 indurdevAnAmupa sakhyamAyansahasradhAraH pavate madAya | nR^ibhiH stavAno anu dhAma pUrvamagannindraM mahate saubhagAya || 9\.097\.05 stotre rAye harirarShA punAna indraM mado gachChatu te bharAya | devairyAhi sarathaM rAdho achChA yUyaM pAta svastibhiH sadA naH || 9\.097\.06 pra kAvyamushaneva bruvANo devo devAnAM janimA vivakti | mahivrataH shuchibandhuH pAvakaH padA varAho abhyeti rebhan || 9\.097\.07 pra haMsAsastR^ipalaM manyumachChAmAdastaM vR^iShagaNA ayAsuH | A~NgUShyaM pavamAnaM sakhAyo durmarShaM sAkaM pra vadanti vANam || 9\.097\.08 sa raMhata urugAyasya jUtiM vR^ithA krILantaM mimate na gAvaH | parINasaM kR^iNute tigmashR^i~Ngo divA harirdadR^ishe naktamR^ijraH || 9\.097\.09 indurvAjI pavate gonyoghA indre somaH saha invanmadAya | hanti rakSho bAdhate paryarAtIrvarivaH kR^iNvanvR^ijanasya rAjA || 9\.097\.10 adha dhArayA madhvA pR^ichAnastiro roma pavate adridugdhaH | indurindrasya sakhyaM juShANo devo devasya matsaro madAya || 9\.097\.11 abhi priyANi pavate punAno devo devAnsvena rasena pR^i~nchan | indurdharmANyR^ituthA vasAno dasha kShipo avyata sAno avye || 9\.097\.12 vR^iShA shoNo abhikanikradadgA nadayanneti pR^ithivImuta dyAm | indrasyeva vagnurA shR^iNva Ajau prachetayannarShati vAchamemAm || 9\.097\.13 rasAyyaH payasA pinvamAna IrayanneShi madhumantamaMshum | pavamAnaH saMtanimeShi kR^iNvannindrAya soma pariShichyamAnaH || 9\.097\.14 evA pavasva madiro madAyodagrAbhasya namayanvadhasnaiH | pari varNaM bharamANo rushantaM gavyurno arSha pari soma siktaH || 9\.097\.15 juShTvI na indo supathA sugAnyurau pavasva varivAMsi kR^iNvan | ghaneva viShvagduritAni vighnannadhi ShNunA dhanva sAno avye || 9\.097\.16 vR^iShTiM no arSha divyAM jigatnumiLAvatIM shaMgayIM jIradAnum | stukeva vItA dhanvA vichinvanbandhU.NrimA.N avarA.N indo vAyUn || 9\.097\.17 granthiM na vi Shya grathitaM punAna R^ijuM cha gAtuM vR^ijinaM cha soma | atyo na krado harirA sR^ijAno maryo deva dhanva pastyAvAn || 9\.097\.18 juShTo madAya devatAta indo pari ShNunA dhanva sAno avye | sahasradhAraH surabhiradabdhaH pari srava vAjasAtau nR^iShahye || 9\.097\.19 arashmAno ye.arathA ayuktA atyAso na sasR^ijAnAsa Ajau | ete shukrAso dhanvanti somA devAsastA.N upa yAtA pibadhyai || 9\.097\.20 evA na indo abhi devavItiM pari srava nabho arNashchamUShu | somo asmabhyaM kAmyaM bR^ihantaM rayiM dadAtu vIravantamugram || 9\.097\.21 takShadyadI manaso venato vAgjyeShThasya vA dharmaNi kShoranIke | AdImAyanvaramA vAvashAnA juShTaM patiM kalashe gAva indum || 9\.097\.22 pra dAnudo divyo dAnupinva R^itamR^itAya pavate sumedhAH | dharmA bhuvadvR^ijanyasya rAjA pra rashmibhirdashabhirbhAri bhUma || 9\.097\.23 pavitrebhiH pavamAno nR^ichakShA rAjA devAnAmuta martyAnAm | dvitA bhuvadrayipatI rayINAmR^itaM bharatsubhR^itaM chArvinduH || 9\.097\.24 arvA.N iva shravase sAtimachChendrasya vAyorabhi vItimarSha | sa naH sahasrA bR^ihatIriSho dA bhavA soma draviNovitpunAnaH || 9\.097\.25 devAvyo naH pariShichyamAnAH kShayaM suvIraM dhanvantu somAH | AyajyavaH sumatiM vishvavArA hotAro na diviyajo mandratamAH || 9\.097\.26 evA deva devatAte pavasva mahe soma psarase devapAnaH | mahashchiddhi Shmasi hitAH samarye kR^idhi suShThAne rodasI punAnaH || 9\.097\.27 ashvo no krado vR^iShabhiryujAnaH siMho na bhImo manaso javIyAn | arvAchInaiH pathibhirye rajiShThA A pavasva saumanasaM na indo || 9\.097\.28 shataM dhArA devajAtA asR^igransahasramenAH kavayo mR^ijanti | indo sanitraM diva A pavasva pura/etAsi mahato dhanasya || 9\.097\.29 divo na sargA asasR^igramahnAM rAjA na mitraM pra minAti dhIraH | piturna putraH kratubhiryatAna A pavasva vishe asyA ajItim || 9\.097\.30 pra te dhArA madhumatIrasR^igranvArAnyatpUto atyeShyavyAn | pavamAna pavase dhAma gonAM jaj~nAnaH sUryamapinvo arkaiH || 9\.097\.31 kanikradadanu panthAmR^itasya shukro vi bhAsyamR^itasya dhAma | sa indrAya pavase matsaravAnhinvAno vAchaM matibhiH kavInAm || 9\.097\.32 divyaH suparNo.ava chakShi soma pinvandhArAH karmaNA devavItau | endo visha kalashaM somadhAnaM krandannihi sUryasyopa rashmim || 9\.097\.33 tisro vAcha Irayati pra vahnirR^itasya dhItiM brahmaNo manIShAm | gAvo yanti gopatiM pR^ichChamAnAH somaM yanti matayo vAvashAnAH || 9\.097\.34 somaM gAvo dhenavo vAvashAnAH somaM viprA matibhiH pR^ichChamAnAH | somaH sutaH pUyate ajyamAnaH some arkAstriShTubhaH saM navante || 9\.097\.35 evA naH soma pariShichyamAna A pavasva pUyamAnaH svasti | indramA visha bR^ihatA raveNa vardhayA vAchaM janayA puraMdhim || 9\.097\.36 A jAgR^ivirvipra R^itA matInAM somaH punAno asadachchamUShu | sapanti yaM mithunAso nikAmA adhvaryavo rathirAsaH suhastAH || 9\.097\.37 sa punAna upa sUre na dhAtobhe aprA rodasI vi Sha AvaH | priyA chidyasya priyasAsa UtI sa tU dhanaM kAriNe na pra yaMsat || 9\.097\.38 sa vardhitA vardhanaH pUyamAnaH somo mIDhvA.N abhi no jyotiShAvIt | yenA naH pUrve pitaraH padaj~nAH svarvido abhi gA adrimuShNan || 9\.097\.39 akrAnsamudraH prathame vidharma~njanayanprajA bhuvanasya rAjA | vR^iShA pavitre adhi sAno avye bR^ihatsomo vAvR^idhe suvAna induH || 9\.097\.40 mahattatsomo mahiShashchakArApAM yadgarbho.avR^iNIta devAn | adadhAdindre pavamAna ojo.ajanayatsUrye jyotirinduH || 9\.097\.41 matsi vAyumiShTaye rAdhase cha matsi mitrAvaruNA pUyamAnaH | matsi shardho mArutaM matsi devAnmatsi dyAvApR^ithivI deva soma || 9\.097\.42 R^ijuH pavasva vR^ijinasya hantApAmIvAM bAdhamAno mR^idhashcha | abhishrINanpayaH payasAbhi gonAmindrasya tvaM tava vayaM sakhAyaH || 9\.097\.43 madhvaH sUdaM pavasva vasva utsaM vIraM cha na A pavasvA bhagaM cha | svadasvendrAya pavamAna indo rayiM cha na A pavasvA samudrAt || 9\.097\.44 somaH suto dhArayAtyo na hitvA sindhurna nimnamabhi vAjyakShAH | A yoniM vanyamasadatpunAnaH samindurgobhirasaratsamadbhiH || 9\.097\.45 eSha sya te pavata indra somashchamUShu dhIra ushate tavasvAn | svarchakShA rathiraH satyashuShmaH kAmo na yo devayatAmasarji || 9\.097\.46 eSha pratnena vayasA punAnastiro varpAMsi duhiturdadhAnaH | vasAnaH sharma trivarUthamapsu hoteva yAti samaneShu rebhan || 9\.097\.47 nU nastvaM rathiro deva soma pari srava chamvoH pUyamAnaH | apsu svAdiShTho madhumA.N R^itAvA devo na yaH savitA satyamanmA || 9\.097\.48 abhi vAyuM vItyarShA gR^iNAno.abhi mitrAvaruNA pUyamAnaH | abhI naraM dhIjavanaM ratheShThAmabhIndraM vR^iShaNaM vajrabAhum || 9\.097\.49 abhi vastrA suvasanAnyarShAbhi dhenUH sudughAH pUyamAnaH | abhi chandrA bhartave no hiraNyAbhyashvAnrathino deva soma || 9\.097\.50 abhI no arSha divyA vasUnyabhi vishvA pArthivA pUyamAnaH | abhi yena draviNamashnavAmAbhyArSheyaM jamadagnivannaH || 9\.097\.51 ayA pavA pavasvainA vasUni mA.Nshchatva indo sarasi pra dhanva | bradhnashchidatra vAto na jUtaH purumedhashchittakave naraM dAt || 9\.097\.52 uta na enA pavayA pavasvAdhi shrute shravAyyasya tIrthe | ShaShTiM sahasrA naiguto vasUni vR^ikShaM na pakvaM dhUnavadraNAya || 9\.097\.53 mahIme asya vR^iShanAma shUShe mA.Nshchatve vA pR^ishane vA vadhatre | asvApayannigutaH snehayachchApAmitrA.N apAchito achetaH || 9\.097\.54 saM trI pavitrA vitatAnyeShyanvekaM dhAvasi pUyamAnaH | asi bhago asi dAtrasya dAtAsi maghavA maghavadbhya indo || 9\.097\.55 eSha vishvavitpavate manIShI somo vishvasya bhuvanasya rAjA | drapsA.N IrayanvidatheShvindurvi vAramavyaM samayAti yAti || 9\.097\.56 induM rihanti mahiShA adabdhAH pade rebhanti kavayo na gR^idhrAH | hinvanti dhIrA dashabhiH kShipAbhiH sama~njate rUpamapAM rasena || 9\.097\.57 tvayA vayaM pavamAnena soma bhare kR^itaM vi chinuyAma shashvat | tanno mitro varuNo mAmahantAmaditiH sindhuH pR^ithivI uta dyauH || 9\.097\.58 abhi no vAjasAtamaM rayimarSha puruspR^iham | indo sahasrabharNasaM tuvidyumnaM vibhvAsaham || 9\.098\.01 pari Shya suvAno avyayaM rathe na varmAvyata | indurabhi druNA hito hiyAno dhArAbhirakShAH || 9\.098\.02 pari Shya suvAno akShA induravye madachyutaH | dhArA ya Urdhvo adhvare bhrAjA naiti gavyayuH || 9\.098\.03 sa hi tvaM deva shashvate vasu martAya dAshuShe | indo sahasriNaM rayiM shatAtmAnaM vivAsasi || 9\.098\.04 vayaM te asya vR^itrahanvaso vasvaH puruspR^ihaH | ni nediShThatamA iShaH syAma sumnasyAdhrigo || 9\.098\.05 dviryaM pa~ncha svayashasaM svasAro adrisaMhatam | priyamindrasya kAmyaM prasnApayantyUrmiNam || 9\.098\.06 pari tyaM haryataM hariM babhruM punanti vAreNa | yo devAnvishvA.N itpari madena saha gachChati || 9\.098\.07 asya vo hyavasA pAnto dakShasAdhanam | yaH sUriShu shravo bR^ihaddadhe svarNa haryataH || 9\.098\.08 sa vAM yaj~neShu mAnavI indurjaniShTa rodasI | devo devI giriShThA asredhantaM tuviShvaNi || 9\.098\.09 indrAya soma pAtave vR^itraghne pari Shichyase | nare cha dakShiNAvate devAya sadanAsade || 9\.098\.10 te pratnAso vyuShTiShu somAH pavitre akSharan | apaprothantaH sanutarhurashchitaH prAtastA.N aprachetasaH || 9\.098\.11 taM sakhAyaH puroruchaM yUyaM vayaM cha sUrayaH | ashyAma vAjagandhyaM sanema vAjapastyam || 9\.098\.12 A haryatAya dhR^iShNave dhanustanvanti pauMsyam | shukrAM vayantyasurAya nirNijaM vipAmagre mahIyuvaH || 9\.099\.01 adha kShapA pariShkR^ito vAjA.N abhi pra gAhate | yadI vivasvato dhiyo hariM hinvanti yAtave || 9\.099\.02 tamasya marjayAmasi mado ya indrapAtamaH | yaM gAva AsabhirdadhuH purA nUnaM cha sUrayaH || 9\.099\.03 taM gAthayA purANyA punAnamabhyanUShata | uto kR^ipanta dhItayo devAnAM nAma bibhratIH || 9\.099\.04 tamukShamANamavyaye vAre punanti dharNasim | dUtaM na pUrvachittaya A shAsate manIShiNaH || 9\.099\.05 sa punAno madintamaH somashchamUShu sIdati | pashau na reta Adadhatpatirvachasyate dhiyaH || 9\.099\.06 sa mR^ijyate sukarmabhirdevo devebhyaH sutaH | vide yadAsu saMdadirmahIrapo vi gAhate || 9\.099\.07 suta indo pavitra A nR^ibhiryato vi nIyase | indrAya matsarintamashchamUShvA ni ShIdasi || 9\.099\.08 abhI navante adruhaH priyamindrasya kAmyam | vatsaM na pUrva Ayuni jAtaM rihanti mAtaraH || 9\.100\.01 punAna indavA bhara soma dvibarhasaM rayim | tvaM vasUni puShyasi vishvAni dAshuSho gR^ihe || 9\.100\.02 tvaM dhiyaM manoyujaM sR^ijA vR^iShTiM na tanyatuH | tvaM vasUni pArthivA divyA cha soma puShyasi || 9\.100\.03 pari te jigyuSho yathA dhArA sutasya dhAvati | raMhamANA vyavyayaM vAraM vAjIva sAnasiH || 9\.100\.04 kratve dakShAya naH kave pavasva soma dhArayA | indrAya pAtave suto mitrAya varuNAya cha || 9\.100\.05 pavasva vAjasAtamaH pavitre dhArayA sutaH | indrAya soma viShNave devebhyo madhumattamaH || 9\.100\.06 tvAM rihanti mAtaro hariM pavitre adruhaH | vatsaM jAtaM na dhenavaH pavamAna vidharmaNi || 9\.100\.07 pavamAna mahi shravashchitrebhiryAsi rashmibhiH | shardhantamAMsi jighnase vishvAni dAshuSho gR^ihe || 9\.100\.08 tvaM dyAM cha mahivrata pR^ithivIM chAti jabhriShe | prati drApimamu~nchathAH pavamAna mahitvanA || 9\.100\.09 purojitI vo andhasaH sutAya mAdayitnave | apa shvAnaM shnathiShTana sakhAyo dIrghajihvyam || 9\.101\.01 yo dhArayA pAvakayA pariprasyandate sutaH | indurashvo na kR^itvyaH || 9\.101\.02 taM duroShamabhI naraH somaM vishvAchyA dhiyA | yaj~naM hinvantyadribhiH || 9\.101\.03 sutAso madhumattamAH somA indrAya mandinaH | pavitravanto akSharandevAngachChantu vo madAH || 9\.101\.04 indurindrAya pavata iti devAso abruvan | vAchaspatirmakhasyate vishvasyeshAna ojasA || 9\.101\.05 sahasradhAraH pavate samudro vAchamI~NkhayaH | somaH patI rayINAM sakhendrasya divedive || 9\.101\.06 ayaM pUShA rayirbhagaH somaH punAno arShati | patirvishvasya bhUmano vyakhyadrodasI ubhe || 9\.101\.07 samu priyA anUShata gAvo madAya ghR^iShvayaH | somAsaH kR^iNvate pathaH pavamAnAsa indavaH || 9\.101\.08 ya ojiShThastamA bhara pavamAna shravAyyam | yaH pa~ncha charShaNIrabhi rayiM yena vanAmahai || 9\.101\.09 somAH pavanta indavo.asmabhyaM gAtuvittamAH | mitrAH suvAnA arepasaH svAdhyaH svarvidaH || 9\.101\.10 suShvANAso vyadribhishchitAnA goradhi tvachi | iShamasmabhyamabhitaH samasvaranvasuvidaH || 9\.101\.11 ete pUtA vipashchitaH somAso dadhyAshiraH | sUryAso na darshatAso jigatnavo dhruvA ghR^ite || 9\.101\.12 pra sunvAnasyAndhaso marto na vR^ita tadvachaH | apa shvAnamarAdhasaM hatA makhaM na bhR^igavaH || 9\.101\.13 A jAmiratke avyata bhuje na putra oNyoH | sarajjAro na yoShaNAM varo na yonimAsadam || 9\.101\.14 sa vIro dakShasAdhano vi yastastambha rodasI | hariH pavitre avyata vedhA na yonimAsadam || 9\.101\.15 avyo vArebhiH pavate somo gavye adhi tvachi | kanikradadvR^iShA haririndrasyAbhyeti niShkR^itam || 9\.101\.16 krANA shishurmahInAM hinvannR^itasya dIdhitim | vishvA pari priyA bhuvadadha dvitA || 9\.102\.01 upa tritasya pAShyorabhakta yadguhA padam | yaj~nasya sapta dhAmabhiradha priyam || 9\.102\.02 trINi tritasya dhArayA pR^iShTheShverayA rayim | mimIte asya yojanA vi sukratuH || 9\.102\.03 jaj~nAnaM sapta mAtaro vedhAmashAsata shriye | ayaM dhruvo rayINAM chiketa yat || 9\.102\.04 asya vrate sajoShaso vishve devAso adruhaH | spArhA bhavanti rantayo juShanta yat || 9\.102\.05 yamI garbhamR^itAvR^idho dR^ishe chArumajIjanan | kaviM maMhiShThamadhvare puruspR^iham || 9\.102\.06 samIchIne abhi tmanA yahvI R^itasya mAtarA | tanvAnA yaj~namAnuShagyada~njate || 9\.102\.07 kratvA shukrebhirakShabhirR^iNorapa vrajaM divaH | hinvannR^itasya dIdhitiM prAdhvare || 9\.102\.08 pra punAnAya vedhase somAya vacha udyatam | bhR^itiM na bharA matibhirjujoShate || 9\.103\.01 pari vArANyavyayA gobhira~njAno arShati | trI ShadhasthA punAnaH kR^iNute hariH || 9\.103\.02 pari koshaM madhushchutamavyaye vAre arShati | abhi vANIrR^iShINAM sapta nUShata || 9\.103\.03 pari NetA matInAM vishvadevo adAbhyaH | somaH punAnashchamvorvishaddhariH || 9\.103\.04 pari daivIranu svadhA indreNa yAhi saratham | punAno vAghadvAghadbhiramartyaH || 9\.103\.05 pari saptirna vAjayurdevo devebhyaH sutaH | vyAnashiH pavamAno vi dhAvati || 9\.103\.06 sakhAya A ni ShIdata punAnAya pra gAyata | shishuM na yaj~naiH pari bhUShata shriye || 9\.104\.01 samI vatsaM na mAtR^ibhiH sR^ijatA gayasAdhanam | devAvyaM madamabhi dvishavasam || 9\.104\.02 punAtA dakShasAdhanaM yathA shardhAya vItaye | yathA mitrAya varuNAya shaMtamaH || 9\.104\.03 asmabhyaM tvA vasuvidamabhi vANIranUShata | gobhiShTe varNamabhi vAsayAmasi || 9\.104\.04 sa no madAnAM pata indo devapsarA asi | sakheva sakhye gAtuvittamo bhava || 9\.104\.05 sanemi kR^idhyasmadA rakShasaM kaM chidatriNam | apAdevaM dvayumaMho yuyodhi naH || 9\.104\.06 taM vaH sakhAyo madAya punAnamabhi gAyata | shishuM na yaj~naiH svadayanta gUrtibhiH || 9\.105\.01 saM vatsa iva mAtR^ibhirindurhinvAno ajyate | devAvIrmado matibhiH pariShkR^itaH || 9\.105\.02 ayaM dakShAya sAdhano.ayaM shardhAya vItaye | ayaM devebhyo madhumattamaH sutaH || 9\.105\.03 gomanna indo ashvavatsutaH sudakSha dhanva | shuchiM te varNamadhi goShu dIdharam || 9\.105\.04 sa no harINAM pata indo devapsarastamaH | sakheva sakhye naryo ruche bhava || 9\.105\.05 sanemi tvamasmadA.N adevaM kaM chidatriNam | sAhvA.N indo pari bAdho apa dvayum || 9\.105\.06 indramachCha sutA ime vR^iShaNaM yantu harayaH | shruShTI jAtAsa indavaH svarvidaH || 9\.106\.01 ayaM bharAya sAnasirindrAya pavate sutaH | somo jaitrasya chetati yathA vide || 9\.106\.02 asyedindro madeShvA grAbhaM gR^ibhNIta sAnasim | vajraM cha vR^iShaNaM bharatsamapsujit || 9\.106\.03 pra dhanvA soma jAgR^ivirindrAyendo pari srava | dyumantaM shuShmamA bharA svarvidam || 9\.106\.04 indrAya vR^iShaNaM madaM pavasva vishvadarshataH | sahasrayAmA pathikR^idvichakShaNaH || 9\.106\.05 asmabhyaM gAtuvittamo devebhyo madhumattamaH | sahasraM yAhi pathibhiH kanikradat || 9\.106\.06 pavasva devavItaya indo dhArAbhirojasA | A kalashaM madhumAnsoma naH sadaH || 9\.106\.07 tava drapsA udapruta indraM madAya vAvR^idhuH | tvAM devAso amR^itAya kaM papuH || 9\.106\.08 A naH sutAsa indavaH punAnA dhAvatA rayim | vR^iShTidyAvo rItyApaH svarvidaH || 9\.106\.09 somaH punAna UrmiNAvyo vAraM vi dhAvati | agre vAchaH pavamAnaH kanikradat || 9\.106\.10 dhIbhirhinvanti vAjinaM vane krILantamatyavim | abhi tripR^iShThaM matayaH samasvaran || 9\.106\.11 asarji kalashA.N abhi mILhe saptirna vAjayuH | punAno vAchaM janayannasiShyadat || 9\.106\.12 pavate haryato harirati hvarAMsi raMhyA | abhyarShanstotR^ibhyo vIravadyashaH || 9\.106\.13 ayA pavasva devayurmadhordhArA asR^ikShata | rebhanpavitraM paryeShi vishvataH || 9\.106\.14 parIto Shi~nchatA sutaM somo ya uttamaM haviH | dadhanvA.N yo naryo apsvantarA suShAva somamadribhiH || 9\.107\.01 nUnaM punAno.avibhiH pari sravAdabdhaH surabhintaraH | sute chittvApsu madAmo andhasA shrINanto gobhiruttaram || 9\.107\.02 pari suvAnashchakShase devamAdanaH kraturindurvichakShaNaH || 9\.107\.03 punAnaH soma dhArayApo vasAno arShasi | A ratnadhA yonimR^itasya sIdasyutso deva hiraNyayaH || 9\.107\.04 duhAna UdhardivyaM madhu priyaM pratnaM sadhasthamAsadat | ApR^ichChyaM dharuNaM vAjyarShati nR^ibhirdhUto vichakShaNaH || 9\.107\.05 punAnaH soma jAgR^iviravyo vAre pari priyaH | tvaM vipro abhavo.a~Ngirastamo madhvA yaj~naM mimikSha naH || 9\.107\.06 somo mIDhvAnpavate gAtuvittama R^iShirvipro vichakShaNaH | tvaM kavirabhavo devavItama A sUryaM rohayo divi || 9\.107\.07 soma u ShuvANaH sotR^ibhiradhi ShNubhiravInAm | ashvayeva haritA yAti dhArayA mandrayA yAti dhArayA || 9\.107\.08 anUpe gomAngobhirakShAH somo dugdhAbhirakShAH | samudraM na saMvaraNAnyagmanmandI madAya toshate || 9\.107\.09 A soma suvAno adribhistiro vArANyavyayA | jano na puri chamvorvishaddhariH sado vaneShu dadhiShe || 9\.107\.10 sa mAmR^ije tiro aNvAni meShyo mILhe saptirna vAjayuH | anumAdyaH pavamAno manIShibhiH somo viprebhirR^ikvabhiH || 9\.107\.11 pra soma devavItaye sindhurna pipye arNasA | aMshoH payasA madiro na jAgR^ivirachChA koshaM madhushchutam || 9\.107\.12 A haryato arjune atke avyata priyaH sUnurna marjyaH | tamIM hinvantyapaso yathA rathaM nadIShvA gabhastyoH || 9\.107\.13 abhi somAsa AyavaH pavante madyaM madam | samudrasyAdhi viShTapi manIShiNo matsarAsaH svarvidaH || 9\.107\.14 taratsamudraM pavamAna UrmiNA rAjA deva R^itaM bR^ihat | arShanmitrasya varuNasya dharmaNA pra hinvAna R^itaM bR^ihat || 9\.107\.15 nR^ibhiryemAno haryato vichakShaNo rAjA devaH samudriyaH || 9\.107\.16 indrAya pavate madaH somo marutvate sutaH | sahasradhAro atyavyamarShati tamI mR^ijantyAyavaH || 9\.107\.17 punAnashchamU janayanmatiM kaviH somo deveShu raNyati | apo vasAnaH pari gobhiruttaraH sIdanvaneShvavyata || 9\.107\.18 tavAhaM soma rAraNa sakhya indo divedive | purUNi babhro ni charanti mAmava paridhI.Nrati tA.N ihi || 9\.107\.19 utAhaM naktamuta soma te divA sakhyAya babhra Udhani | ghR^iNA tapantamati sUryaM paraH shakunA iva paptima || 9\.107\.20 mR^ijyamAnaH suhastya samudre vAchaminvasi | rayiM pisha~NgaM bahulaM puruspR^ihaM pavamAnAbhyarShasi || 9\.107\.21 mR^ijAno vAre pavamAno avyaye vR^iShAva chakrado vane | devAnAM soma pavamAna niShkR^itaM gobhira~njAno arShasi || 9\.107\.22 pavasva vAjasAtaye.abhi vishvAni kAvyA | tvaM samudraM prathamo vi dhArayo devebhyaH soma matsaraH || 9\.107\.23 sa tU pavasva pari pArthivaM rajo divyA cha soma dharmabhiH | tvAM viprAso matibhirvichakShaNa shubhraM hinvanti dhItibhiH || 9\.107\.24 pavamAnA asR^ikShata pavitramati dhArayA | marutvanto matsarA indriyA hayA medhAmabhi prayAMsi cha || 9\.107\.25 apo vasAnaH pari koshamarShatIndurhiyAnaH sotR^ibhiH | janaya~njyotirmandanA avIvashadgAH kR^iNvAno na nirNijam || 9\.107\.26 pavasva madhumattama indrAya soma kratuvittamo madaH | mahi dyukShatamo madaH || 9\.108\.01 yasya te pItvA vR^iShabho vR^iShAyate.asya pItA svarvidaH | sa supraketo abhyakramIdiSho.achChA vAjaM naitashaH || 9\.108\.02 tvaM hya~Nga daivyA pavamAna janimAni dyumattamaH | amR^itatvAya ghoShayaH || 9\.108\.03 yenA navagvo dadhya~N~NaporNute yena viprAsa Apire | devAnAM sumne amR^itasya chAruNo yena shravAMsyAnashuH || 9\.108\.04 eSha sya dhArayA suto.avyo vArebhiH pavate madintamaH | krILannUrmirapAmiva || 9\.108\.05 ya usriyA apyA antarashmano nirgA akR^intadojasA | abhi vrajaM tatniShe gavyamashvyaM varmIva dhR^iShNavA ruja || 9\.108\.06 A sotA pari Shi~nchatAshvaM na stomamapturaM rajasturam | vanakrakShamudaprutam || 9\.108\.07 sahasradhAraM vR^iShabhaM payovR^idhaM priyaM devAya janmane | R^itena ya R^itajAto vivAvR^idhe rAjA deva R^itaM bR^ihat || 9\.108\.08 abhi dyumnaM bR^ihadyasha iShaspate didIhi deva devayuH | vi koshaM madhyamaM yuva || 9\.108\.09 A vachyasva sudakSha chamvoH suto vishAM vahnirna vishpatiH | vR^iShTiM divaH pavasva rItimapAM jinvA gaviShTaye dhiyaH || 9\.108\.10 etamu tyaM madachyutaM sahasradhAraM vR^iShabhaM divo duhuH | vishvA vasUni bibhratam || 9\.108\.11 vR^iShA vi jaj~ne janayannamartyaH pratapa~njyotiShA tamaH | sa suShTutaH kavibhirnirNijaM dadhe tridhAtvasya daMsasA || 9\.108\.12 sa sunve yo vasUnAM yo rAyAmAnetA ya iLAnAm | somo yaH sukShitInAm || 9\.108\.13 yasya na indraH pibAdyasya maruto yasya vAryamaNA bhagaH | A yena mitrAvaruNA karAmaha endramavase mahe || 9\.108\.14 indrAya soma pAtave nR^ibhiryataH svAyudho madintamaH | pavasva madhumattamaH || 9\.108\.15 indrasya hArdi somadhAnamA visha samudramiva sindhavaH | juShTo mitrAya varuNAya vAyave divo viShTambha uttamaH || 9\.108\.16 pari pra dhanvendrAya soma svAdurmitrAya pUShNe bhagAya || 9\.109\.01 indraste soma sutasya peyAH kratve dakShAya vishve cha devAH || 9\.109\.02 evAmR^itAya mahe kShayAya sa shukro arSha divyaH pIyUShaH || 9\.109\.03 pavasva soma mahAnsamudraH pitA devAnAM vishvAbhi dhAma || 9\.109\.04 shukraH pavasva devebhyaH soma dive pR^ithivyai shaM cha prajAyai || 9\.109\.05 divo dhartAsi shukraH pIyUShaH satye vidharmanvAjI pavasva || 9\.109\.06 pavasva soma dyumnI sudhAro mahAmavInAmanu pUrvyaH || 9\.109\.07 nR^ibhiryemAno jaj~nAnaH pUtaH kSharadvishvAni mandraH svarvit || 9\.109\.08 induH punAnaH prajAmurANaH karadvishvAni draviNAni naH || 9\.109\.09 pavasva soma kratve dakShAyAshvo na nikto vAjI dhanAya || 9\.109\.10 taM te sotAro rasaM madAya punanti somaM mahe dyumnAya || 9\.109\.11 shishuM jaj~nAnaM hariM mR^ijanti pavitre somaM devebhya indum || 9\.109\.12 induH paviShTa chArurmadAyApAmupasthe kavirbhagAya || 9\.109\.13 bibharti chArvindrasya nAma yena vishvAni vR^itrA jaghAna || 9\.109\.14 pibantyasya vishve devAso gobhiH shrItasya nR^ibhiH sutasya || 9\.109\.15 pra suvAno akShAH sahasradhArastiraH pavitraM vi vAramavyam || 9\.109\.16 sa vAjyakShAH sahasraretA adbhirmR^ijAno gobhiH shrINAnaH || 9\.109\.17 pra soma yAhIndrasya kukShA nR^ibhiryemAno adribhiH sutaH || 9\.109\.18 asarji vAjI tiraH pavitramindrAya somaH sahasradhAraH || 9\.109\.19 a~njantyenaM madhvo rasenendrAya vR^iShNa induM madAya || 9\.109\.20 devebhyastvA vR^ithA pAjase.apo vasAnaM hariM mR^ijanti || 9\.109\.21 indurindrAya toshate ni toshate shrINannugro riNannapaH || 9\.109\.22 paryU Shu pra dhanva vAjasAtaye pari vR^itrANi sakShaNiH | dviShastaradhyA R^iNayA na Iyase || 9\.110\.01 anu hi tvA sutaM soma madAmasi mahe samaryarAjye | vAjA.N abhi pavamAna pra gAhase || 9\.110\.02 ajIjano hi pavamAna sUryaM vidhAre shakmanA payaH | gojIrayA raMhamANaH puraMdhyA || 9\.110\.03 ajIjano amR^ita martyeShvA.N R^itasya dharmannamR^itasya chAruNaH | sadAsaro vAjamachChA saniShyadat || 9\.110\.04 abhyabhi hi shravasA tatardithotsaM na kaM chijjanapAnamakShitam | sharyAbhirna bharamANo gabhastyoH || 9\.110\.05 AdIM ke chitpashyamAnAsa ApyaM vasurucho divyA abhyanUShata | vAraM na devaH savitA vyUrNute || 9\.110\.06 tve soma prathamA vR^iktabarhiSho mahe vAjAya shravase dhiyaM dadhuH | sa tvaM no vIra vIryAya chodaya || 9\.110\.07 divaH pIyUShaM pUrvyaM yadukthyaM maho gAhAddiva A niradhukShata | indramabhi jAyamAnaM samasvaran || 9\.110\.08 adha yadime pavamAna rodasI imA cha vishvA bhuvanAbhi majmanA | yUthe na niShThA vR^iShabho vi tiShThase || 9\.110\.09 somaH punAno avyaye vAre shishurna krILanpavamAno akShAH | sahasradhAraH shatavAja induH || 9\.110\.10 eSha punAno madhumA.N R^itAvendrAyenduH pavate svAdurUrmiH | vAjasanirvarivovidvayodhAH || 9\.110\.11 sa pavasva sahamAnaH pR^itanyUnsedhanrakShAMsyapa durgahANi | svAyudhaH sAsahvAnsoma shatrUn || 9\.110\.12 ayA ruchA hariNyA punAno vishvA dveShAMsi tarati svayugvabhiH sUro na svayugvabhiH | dhArA sutasya rochate punAno aruSho hariH | vishvA yadrUpA pariyAtyR^ikvabhiH saptAsyebhirR^ikvabhiH || 9\.111\.01 tvaM tyatpaNInAM vido vasu saM mAtR^ibhirmarjayasi sva A dama R^itasya dhItibhirdame | parAvato na sAma tadyatrA raNanti dhItayaH | tridhAtubhiraruShIbhirvayo dadhe rochamAno vayo dadhe || 9\.111\.02 pUrvAmanu pradishaM yAti chekitatsaM rashmibhiryatate darshato ratho daivyo darshato rathaH | agmannukthAni pauMsyendraM jaitrAya harShayan | vajrashcha yadbhavatho anapachyutA samatsvanapachyutA || 9\.111\.03 nAnAnaM vA u no dhiyo vi vratAni janAnAm | takShA riShTaM rutaM bhiShagbrahmA sunvantamichChatIndrAyendo pari srava || 9\.112\.01 jaratIbhiroShadhIbhiH parNebhiH shakunAnAm | kArmAro ashmabhirdyubhirhiraNyavantamichChatIndrAyendo pari srava || 9\.112\.02 kArurahaM tato bhiShagupalaprakShiNI nanA | nAnAdhiyo vasUyavo.anu gA iva tasthimendrAyendo pari srava || 9\.112\.03 ashvo voLhA sukhaM rathaM hasanAmupamantriNaH | shepo romaNvantau bhedau vArinmaNDUka ichChatIndrAyendo pari srava || 9\.112\.04 sharyaNAvati somamindraH pibatu vR^itrahA | balaM dadhAna Atmani kariShyanvIryaM mahadindrAyendo pari srava || 9\.113\.01 A pavasva dishAM pata ArjIkAtsoma mIDhvaH | R^itavAkena satyena shraddhayA tapasA suta indrAyendo pari srava || 9\.113\.02 parjanyavR^iddhaM mahiShaM taM sUryasya duhitAbharat | taM gandharvAH pratyagR^ibhNantaM some rasamAdadhurindrAyendo pari srava || 9\.113\.03 R^itaM vadannR^itadyumna satyaM vadansatyakarman | shraddhAM vadansoma rAjandhAtrA soma pariShkR^ita indrAyendo pari srava || 9\.113\.04 satyamugrasya bR^ihataH saM sravanti saMsravAH | saM yanti rasino rasAH punAno brahmaNA hara indrAyendo pari srava || 9\.113\.05 yatra brahmA pavamAna ChandasyAM vAchaM vadan | grAvNA some mahIyate somenAnandaM janayannindrAyendo pari srava || 9\.113\.06 yatra jyotirajasraM yasmi.Nlloke svarhitam | tasminmAM dhehi pavamAnAmR^ite loke akShita indrAyendo pari srava || 9\.113\.07 yatra rAjA vaivasvato yatrAvarodhanaM divaH | yatrAmUryahvatIrApastatra mAmamR^itaM kR^idhIndrAyendo pari srava || 9\.113\.08 yatrAnukAmaM charaNaM trinAke tridive divaH | lokA yatra jyotiShmantastatra mAmamR^itaM kR^idhIndrAyendo pari srava || 9\.113\.09 yatra kAmA nikAmAshcha yatra bradhnasya viShTapam | svadhA cha yatra tR^iptishcha tatra mAmamR^itaM kR^idhIndrAyendo pari srava || 9\.113\.10 yatrAnandAshcha modAshcha mudaH pramuda Asate | kAmasya yatrAptAH kAmAstatra mAmamR^itaM kR^idhIndrAyendo pari srava || 9\.113\.11 ya indoH pavamAnasyAnu dhAmAnyakramIt | tamAhuH suprajA iti yaste somAvidhanmana indrAyendo pari srava || 9\.114\.01 R^iShe mantrakR^itAM stomaiH kashyapodvardhayangiraH | somaM namasya rAjAnaM yo jaj~ne vIrudhAM patirindrAyendo pari srava || 9\.114\.02 sapta disho nAnAsUryAH sapta hotAra R^itvijaH | devA AdityA ye sapta tebhiH somAbhi rakSha na indrAyendo pari srava || 9\.114\.03 yatte rAja~nChR^itaM havistena somAbhi rakSha naH | arAtIvA mA nastArInmo cha naH kiM chanAmamadindrAyendo pari srava || 9\.114\.04 ## Last updated July 2, 2013 Special mention : Initial processing and help by Avinash and Shashi Sathaye, Avinash Chopde, Shree Devi Kumar, Sunder Hattangadi, John Gardner. Reprocessed from Original in final form by Detlef Eichler with additional corrections. See Detlef's site http://www.detlef108.de/Rigveda.htm for other details and formats. The text is shown without accents (Anudattas, dependent Svaritas, and independent Svaritas including Kampas). Words are connected (agnimILe). Ch is doubled as in gachChati according to the rules of Rigveda-Pratishakhya. At the end of a word m is replaced by Anusvara M if the initial letter of the following word is a labial stop consonant (p, ph, b, bh, m). Visarga H before sh, Sh or s followed by a voiceless consonant has been restored. Source : The Aufrecht/van Nooten/Holland (Samhita) version of the Rigveda (http://www.people.fas.harvard.edu/~witzel/onlineRV.htm). In this text accented vowels have Udatta or 'independent Svarita' markers. Kampas are not shown. Words are separated (agnim ILe). Ch is not doubled as in gaChati. At the end of a word we find m before a following labial stop consonant (p, ph, b, bh, m). Visarga H before sh, Sh or s followed by a voiceless consonant has been dropped according to a rule of Rigveda-Pratishakhya. Send corrections to : detlefeichler@googlemail.com, sanskrit@cheerful.com The text is to be used for personal studies and research only. Any use for commercial purpose is prohibited as a `gentleman's' agreement.