|| R^igvedaH vaidikasvaravirahitaH maNDalaM 10 || agre bR^ihannuShasAmUrdhvo asthAnnirjaganvAntamaso jyotiShAgAt | agnirbhAnunA rushatA sva~Nga A jAto vishvA sadmAnyaprAH || 10\.001\.01 sa jAto garbho asi rodasyoragne chArurvibhR^ita oShadhIShu | chitraH shishuH pari tamAMsyaktUnpra mAtR^ibhyo adhi kanikradadgAH || 10\.001\.02 viShNuritthA paramamasya vidvA~njAto bR^ihannabhi pAti tR^itIyam | AsA yadasya payo akrata svaM sachetaso abhyarchantyatra || 10\.001\.03 ata u tvA pitubhR^ito janitrIrannAvR^idhaM prati charantyannaiH | tA IM pratyeShi punaranyarUpA asi tvaM vikShu mAnuShIShu hotA || 10\.001\.04 hotAraM chitrarathamadhvarasya yaj~nasyayaj~nasya ketuM rushantam | pratyardhiM devasyadevasya mahnA shriyA tvagnimatithiM janAnAm || 10\.001\.05 sa tu vastrANyadha peshanAni vasAno agnirnAbhA pR^ithivyAH | aruSho jAtaH pada iLAyAH purohito rAjanyakShIha devAn || 10\.001\.06 A hi dyAvApR^ithivI agna ubhe sadA putro na mAtarA tatantha | pra yAhyachChoshato yaviShThAthA vaha sahasyeha devAn || 10\.001\.07 piprIhi devA.N ushato yaviShTha vidvA.N R^itU.NrR^itupate yajeha | ye daivyA R^itvijastebhiragne tvaM hotR^INAmasyAyajiShThaH || 10\.002\.01 veShi hotramuta potraM janAnAM mandhAtAsi draviNodA R^itAvA | svAhA vayaM kR^iNavAmA havIMShi devo devAnyajatvagnirarhan || 10\.002\.02 A devAnAmapi panthAmaganma yachChaknavAma tadanu pravoLhum | agnirvidvAnsa yajAtsedu hotA so adhvarAnsa R^itUnkalpayAti || 10\.002\.03 yadvo vayaM praminAma vratAni viduShAM devA aviduShTarAsaH | agniShTadvishvamA pR^iNAti vidvAnyebhirdevA.N R^itubhiH kalpayAti || 10\.002\.04 yatpAkatrA manasA dInadakShA na yaj~nasya manvate martyAsaH | agniShTaddhotA kratuvidvijAnanyajiShTho devA.N R^itusho yajAti || 10\.002\.05 vishveShAM hyadhvarANAmanIkaM chitraM ketuM janitA tvA jajAna | sa A yajasva nR^ivatIranu kShAH spArhA iShaH kShumatIrvishvajanyAH || 10\.002\.06 yaM tvA dyAvApR^ithivI yaM tvApastvaShTA yaM tvA sujanimA jajAna | panthAmanu pravidvAnpitR^iyANaM dyumadagne samidhAno vi bhAhi || 10\.002\.07 ino rAjannaratiH samiddho raudro dakShAya suShumA.N adarshi | chikidvi bhAti bhAsA bR^ihatAsiknImeti rushatImapAjan || 10\.003\.01 kR^iShNAM yadenImabhi varpasA bhUjjanayanyoShAM bR^ihataH piturjAm | UrdhvaM bhAnuM sUryasya stabhAyandivo vasubhiraratirvi bhAti || 10\.003\.02 bhadro bhadrayA sachamAna AgAtsvasAraM jAro abhyeti pashchAt | supraketairdyubhiragnirvitiShThanrushadbhirvarNairabhi rAmamasthAt || 10\.003\.03 asya yAmAso bR^ihato na vagnUnindhAnA agneH sakhyuH shivasya | IDyasya vR^iShNo bR^ihataH svAso bhAmAso yAmannaktavashchikitre || 10\.003\.04 svanA na yasya bhAmAsaH pavante rochamAnasya bR^ihataH sudivaH | jyeShThebhiryastejiShThaiH krILumadbhirvarShiShThebhirbhAnubhirnakShati dyAm || 10\.003\.05 asya shuShmAso dadR^ishAnapaverjehamAnasya svanayanniyudbhiH | pratnebhiryo rushadbhirdevatamo vi rebhadbhiraratirbhAti vibhvA || 10\.003\.06 sa A vakShi mahi na A cha satsi divaspR^ithivyoraratiryuvatyoH | agniH sutukaH sutukebhirashvai rabhasvadbhI rabhasvA.N eha gamyAH || 10\.003\.07 pra te yakShi pra ta iyarmi manma bhuvo yathA vandyo no haveShu | dhanvanniva prapA asi tvamagna iyakShave pUrave pratna rAjan || 10\.004\.01 yaM tvA janAso abhi saMcharanti gAva uShNamiva vrajaM yaviShTha | dUto devAnAmasi martyAnAmantarmahA.Nshcharasi rochanena || 10\.004\.02 shishuM na tvA jenyaM vardhayantI mAtA bibharti sachanasyamAnA | dhanoradhi pravatA yAsi harya~njigIShase pashurivAvasR^iShTaH || 10\.004\.03 mUrA amUra na vayaM chikitvo mahitvamagne tvama~Nga vitse | shaye vavrishcharati jihvayAdanrerihyate yuvatiM vishpatiH san || 10\.004\.04 kUchijjAyate sanayAsu navyo vane tasthau palito dhUmaketuH | asnAtApo vR^iShabho na pra veti sachetaso yaM praNayanta martAH || 10\.004\.05 tanUtyajeva taskarA vanargU rashanAbhirdashabhirabhyadhItAm | iyaM te agne navyasI manIShA yukShvA rathaM na shuchayadbhira~NgaiH || 10\.004\.06 brahma cha te jAtavedo namashcheyaM cha gIH sadamidvardhanI bhUt | rakShA No agne tanayAni tokA rakShota nastanvo aprayuchChan || 10\.004\.07 ekaH samudro dharuNo rayINAmasmaddhR^ido bhUrijanmA vi chaShTe | siShaktyUdharniNyorupastha utsasya madhye nihitaM padaM veH || 10\.005\.01 samAnaM nILaM vR^iShaNo vasAnAH saM jagmire mahiShA arvatIbhiH | R^itasya padaM kavayo ni pAnti guhA nAmAni dadhire parANi || 10\.005\.02 R^itAyinI mAyinI saM dadhAte mitvA shishuM jaj~naturvardhayantI | vishvasya nAbhiM charato dhruvasya kaveshchittantuM manasA viyantaH || 10\.005\.03 R^itasya hi vartanayaH sujAtamiSho vAjAya pradivaH sachante | adhIvAsaM rodasI vAvasAne ghR^itairannairvAvR^idhAte madhUnAm || 10\.005\.04 sapta svasR^IraruShIrvAvashAno vidvAnmadhva ujjabhArA dR^ishe kam | antaryeme antarikShe purAjA ichChanvavrimavidatpUShaNasya || 10\.005\.05 sapta maryAdAH kavayastatakShustAsAmekAmidabhyaMhuro gAt | Ayorha skambha upamasya nILe pathAM visarge dharuNeShu tasthau || 10\.005\.06 asachcha sachcha parame vyomandakShasya janmannaditerupasthe | agnirha naH prathamajA R^itasya pUrva Ayuni vR^iShabhashcha dhenuH || 10\.005\.07 ayaM sa yasya sharmannavobhiragneredhate jaritAbhiShTau | jyeShThebhiryo bhAnubhirR^iShUNAM paryeti parivIto vibhAvA || 10\.006\.01 yo bhAnubhirvibhAvA vibhAtyagnirdevebhirR^itAvAjasraH | A yo vivAya sakhyA sakhibhyo.aparihvR^ito atyo na saptiH || 10\.006\.02 Ishe yo vishvasyA devavIterIshe vishvAyuruShaso vyuShTau | A yasminmanA havIMShyagnAvariShTarathaH skabhnAti shUShaiH || 10\.006\.03 shUShebhirvR^idho juShANo arkairdevA.N achChA raghupatvA jigAti | mandro hotA sa juhvA yajiShThaH sammishlo agnirA jigharti devAn || 10\.006\.04 tamusrAmindraM na rejamAnamagniM gIrbhirnamobhirA kR^iNudhvam | A yaM viprAso matibhirgR^iNanti jAtavedasaM juhvaM sahAnAm || 10\.006\.05 saM yasminvishvA vasUni jagmurvAje nAshvAH saptIvanta evaiH | asme UtIrindravAtatamA arvAchInA agna A kR^iNuShva || 10\.006\.06 adhA hyagne mahnA niShadyA sadyo jaj~nAno havyo babhUtha | taM te devAso anu ketamAyannadhAvardhanta prathamAsa UmAH || 10\.006\.07 svasti no divo agne pR^ithivyA vishvAyurdhehi yajathAya deva | sachemahi tava dasma praketairuruShyA Na urubhirdeva shaMsaiH || 10\.007\.01 imA agne matayastubhyaM jAtA gobhirashvairabhi gR^iNanti rAdhaH | yadA te marto anu bhogamAnaDvaso dadhAno matibhiH sujAta || 10\.007\.02 agniM manye pitaramagnimApimagniM bhrAtaraM sadamitsakhAyam | agneranIkaM bR^ihataH saparyaM divi shukraM yajataM sUryasya || 10\.007\.03 sidhrA agne dhiyo asme sanutrIryaM trAyase dama A nityahotA | R^itAvA sa rohidashvaH purukShurdyubhirasmA ahabhirvAmamastu || 10\.007\.04 dyubhirhitaM mitramiva prayogaM pratnamR^itvijamadhvarasya jAram | bAhubhyAmagnimAyavo.ajananta vikShu hotAraM nyasAdayanta || 10\.007\.05 svayaM yajasva divi deva devAnkiM te pAkaH kR^iNavadaprachetAH | yathAyaja R^itubhirdeva devAnevA yajasva tanvaM sujAta || 10\.007\.06 bhavA no agne.avitota gopA bhavA vayaskR^iduta no vayodhAH | rAsvA cha naH sumaho havyadAtiM trAsvota nastanvo aprayuchChan || 10\.007\.07 pra ketunA bR^ihatA yAtyagnirA rodasI vR^iShabho roravIti | divashchidantA.N upamA.N udAnaLapAmupasthe mahiSho vavardha || 10\.008\.01 mumoda garbho vR^iShabhaH kakudmAnasremA vatsaH shimIvA.N arAvIt | sa devatAtyudyatAni kR^iNvansveShu kShayeShu prathamo jigAti || 10\.008\.02 A yo mUrdhAnaM pitrorarabdha nyadhvare dadhire sUro arNaH | asya patmannaruShIrashvabudhnA R^itasya yonau tanvo juShanta || 10\.008\.03 uShauSho hi vaso agrameShi tvaM yamayorabhavo vibhAvA | R^itAya sapta dadhiShe padAni janayanmitraM tanve svAyai || 10\.008\.04 bhuvashchakShurmaha R^itasya gopA bhuvo varuNo yadR^itAya veShi | bhuvo apAM napAjjAtavedo bhuvo dUto yasya havyaM jujoShaH || 10\.008\.05 bhuvo yaj~nasya rajasashcha netA yatrA niyudbhiH sachase shivAbhiH | divi mUrdhAnaM dadhiShe svarShAM jihvAmagne chakR^iShe havyavAham || 10\.008\.06 asya tritaH kratunA vavre antarichChandhItiM piturevaiH parasya | sachasyamAnaH pitrorupasthe jAmi bruvANa AyudhAni veti || 10\.008\.07 sa pitryANyAyudhAni vidvAnindreShita Aptyo abhyayudhyat | trishIrShANaM saptarashmiM jaghanvAntvAShTrasya chinniH sasR^ije trito gAH || 10\.008\.08 bhUrIdindra udinakShantamojo.avAbhinatsatpatirmanyamAnam | tvAShTrasya chidvishvarUpasya gonAmAchakrANastrINi shIrShA parA vark || 10\.008\.09 Apo hi ShThA mayobhuvastA na Urje dadhAtana | mahe raNAya chakShase || 10\.009\.01 yo vaH shivatamo rasastasya bhAjayateha naH | ushatIriva mAtaraH || 10\.009\.02 tasmA araM gamAma vo yasya kShayAya jinvatha | Apo janayathA cha naH || 10\.009\.03 shaM no devIrabhiShTaya Apo bhavantu pItaye | shaM yorabhi sravantu naH || 10\.009\.04 IshAnA vAryANAM kShayantIshcharShaNInAm | apo yAchAmi bheShajam || 10\.009\.05 apsu me somo abravIdantarvishvAni bheShajA | agniM cha vishvashambhuvam || 10\.009\.06 ApaH pR^iNIta bheShajaM varUthaM tanve mama | jyokcha sUryaM dR^ishe || 10\.009\.07 idamApaH pra vahata yatkiM cha duritaM mayi | yadvAhamabhidudroha yadvA shepa utAnR^itam || 10\.009\.08 Apo adyAnvachAriShaM rasena samagasmahi | payasvAnagna A gahi taM mA saM sR^ija varchasA || 10\.009\.09 o chitsakhAyaM sakhyA vavR^ityAM tiraH purU chidarNavaM jaganvAn | piturnapAtamA dadhIta vedhA adhi kShami prataraM dIdhyAnaH || 10\.010\.01 na te sakhA sakhyaM vaShTyetatsalakShmA yadviShurUpA bhavAti | mahasputrAso asurasya vIrA divo dhartAra urviyA pari khyan || 10\.010\.02 ushanti ghA te amR^itAsa etadekasya chittyajasaM martyasya | ni te mano manasi dhAyyasme janyuH patistanvamA vivishyAH || 10\.010\.03 na yatpurA chakR^imA kaddha nUnamR^itA vadanto anR^itaM rapema | gandharvo apsvapyA cha yoShA sA no nAbhiH paramaM jAmi tannau || 10\.010\.04 garbhe nu nau janitA dampatI kardevastvaShTA savitA vishvarUpaH | nakirasya pra minanti vratAni veda nAvasya pR^ithivI uta dyauH || 10\.010\.05 ko asya veda prathamasyAhnaH ka IM dadarsha ka iha pra vochat | bR^ihanmitrasya varuNasya dhAma kadu brava Ahano vIchyA nR^In || 10\.010\.06 yamasya mA yamyaM kAma AgansamAne yonau sahasheyyAya | jAyeva patye tanvaM ririchyAM vi chidvR^iheva rathyeva chakrA || 10\.010\.07 na tiShThanti na ni miShantyete devAnAM spasha iha ye charanti | anyena madAhano yAhi tUyaM tena vi vR^iha rathyeva chakrA || 10\.010\.08 rAtrIbhirasmA ahabhirdashasyetsUryasya chakShurmuhurunmimIyAt | divA pR^ithivyA mithunA sabandhU yamIryamasya bibhR^iyAdajAmi || 10\.010\.09 A ghA tA gachChAnuttarA yugAni yatra jAmayaH kR^iNavannajAmi | upa barbR^ihi vR^iShabhAya bAhumanyamichChasva subhage patiM mat || 10\.010\.10 kiM bhrAtAsadyadanAthaM bhavAti kimu svasA yannirR^itirnigachChAt | kAmamUtA bahvetadrapAmi tanvA me tanvaM saM pipR^igdhi || 10\.010\.11 na vA u te tanvA tanvaM saM papR^ichyAM pApamAhuryaH svasAraM nigachChAt | anyena matpramudaH kalpayasva na te bhrAtA subhage vaShTyetat || 10\.010\.12 bato batAsi yama naiva te mano hR^idayaM chAvidAma | anyA kila tvAM kakShyeva yuktaM pari ShvajAte libujeva vR^ikSham || 10\.010\.13 anyamU Shu tvaM yamyanya u tvAM pari ShvajAte libujeva vR^ikSham | tasya vA tvaM mana ichChA sa vA tavAdhA kR^iNuShva saMvidaM subhadrAm || 10\.010\.14 vR^iShA vR^iShNe duduhe dohasA divaH payAMsi yahvo aditeradAbhyaH | vishvaM sa veda varuNo yathA dhiyA sa yaj~niyo yajatu yaj~niyA.N R^itUn || 10\.011\.01 rapadgandharvIrapyA cha yoShaNA nadasya nAde pari pAtu me manaH | iShTasya madhye aditirni dhAtu no bhrAtA no jyeShThaH prathamo vi vochati || 10\.011\.02 so chinnu bhadrA kShumatI yashasvatyuShA uvAsa manave svarvatI | yadImushantamushatAmanu kratumagniM hotAraM vidathAya jIjanan || 10\.011\.03 adha tyaM drapsaM vibhvaM vichakShaNaM virAbharadiShitaH shyeno adhvare | yadI visho vR^iNate dasmamAryA agniM hotAramadha dhIrajAyata || 10\.011\.04 sadAsi raNvo yavaseva puShyate hotrAbhiragne manuShaH svadhvaraH | viprasya vA yachChashamAna ukthyaM vAjaM sasavA.N upayAsi bhUribhiH || 10\.011\.05 udIraya pitarA jAra A bhagamiyakShati haryato hR^itta iShyati | vivakti vahniH svapasyate makhastaviShyate asuro vepate matI || 10\.011\.06 yaste agne sumatiM marto akShatsahasaH sUno ati sa pra shR^iNve | iShaM dadhAno vahamAno ashvairA sa dyumA.N amavAnbhUShati dyUn || 10\.011\.07 yadagna eShA samitirbhavAti devI deveShu yajatA yajatra | ratnA cha yadvibhajAsi svadhAvo bhAgaM no atra vasumantaM vItAt || 10\.011\.08 shrudhI no agne sadane sadhasthe yukShvA rathamamR^itasya dravitnum | A no vaha rodasI devaputre mAkirdevAnAmapa bhUriha syAH || 10\.011\.09 dyAvA ha kShAmA prathame R^itenAbhishrAve bhavataH satyavAchA | devo yanmartAnyajathAya kR^iNvansIdaddhotA pratya~NsvamasuM yan || 10\.012\.01 devo devAnparibhUrR^itena vahA no havyaM prathamashchikitvAn | dhUmaketuH samidhA bhAR^ijIko mandro hotA nityo vAchA yajIyAn || 10\.012\.02 svAvR^igdevasyAmR^itaM yadI gorato jAtAso dhArayanta urvI | vishve devA anu tatte yajurgurduhe yadenI divyaM ghR^itaM vAH || 10\.012\.03 archAmi vAM vardhAyApo ghR^itasnU dyAvAbhUmI shR^iNutaM rodasI me | ahA yaddyAvo.asunItimayanmadhvA no atra pitarA shishItAm || 10\.012\.04 kiM svinno rAjA jagR^ihe kadasyAti vrataM chakR^imA ko vi veda | mitrashchiddhi ShmA juhurANo devA~nChloko na yAtAmapi vAjo asti || 10\.012\.05 durmantvatrAmR^itasya nAma salakShmA yadviShurUpA bhavAti | yamasya yo manavate sumantvagne tamR^iShva pAhyaprayuchChan || 10\.012\.06 yasmindevA vidathe mAdayante vivasvataH sadane dhArayante | sUrye jyotiradadhurmAsyaktUnpari dyotaniM charato ajasrA || 10\.012\.07 yasmindevA manmani saMcharantyapIchye na vayamasya vidma | mitro no atrAditiranAgAnsavitA devo varuNAya vochat || 10\.012\.08 shrudhI no agne sadane sadhasthe yukShvA rathamamR^itasya dravitnum | A no vaha rodasI devaputre mAkirdevAnAmapa bhUriha syAH || 10\.012\.09 yuje vAM brahma pUrvyaM namobhirvi shloka etu pathyeva sUreH | shR^iNvantu vishve amR^itasya putrA A ye dhAmAni divyAni tasthuH || 10\.013\.01 yame iva yatamAne yadaitaM pra vAM bharanmAnuShA devayantaH | A sIdataM svamu lokaM vidAne svAsasthe bhavatamindave naH || 10\.013\.02 pa~ncha padAni rupo anvarohaM chatuShpadImanvemi vratena | akShareNa prati mima etAmR^itasya nAbhAvadhi saM punAmi || 10\.013\.03 devebhyaH kamavR^iNIta mR^ityuM prajAyai kamamR^itaM nAvR^iNIta | bR^ihaspatiM yaj~namakR^iNvata R^iShiM priyAM yamastanvaM prArirechIt || 10\.013\.04 sapta kSharanti shishave marutvate pitre putrAso apyavIvatannR^itam | ubhe idasyobhayasya rAjata ubhe yatete ubhayasya puShyataH || 10\.013\.05 pareyivAMsaM pravato mahIranu bahubhyaH panthAmanupaspashAnam | vaivasvataM saMgamanaM janAnAM yamaM rAjAnaM haviShA duvasya || 10\.014\.01 yamo no gAtuM prathamo viveda naiShA gavyUtirapabhartavA u | yatrA naH pUrve pitaraH pareyurenA jaj~nAnAH pathyA anu svAH || 10\.014\.02 mAtalI kavyairyamo a~NgirobhirbR^ihaspatirR^ikvabhirvAvR^idhAnaH | yA.Nshcha devA vAvR^idhurye cha devAnsvAhAnye svadhayAnye madanti || 10\.014\.03 imaM yama prastaramA hi sIdA~NgirobhiH pitR^ibhiH saMvidAnaH | A tvA mantrAH kavishastA vahantvenA rAjanhaviShA mAdayasva || 10\.014\.04 a~NgirobhirA gahi yaj~niyebhiryama vairUpairiha mAdayasva | vivasvantaM huve yaH pitA te.asminyaj~ne barhiShyA niShadya || 10\.014\.05 a~Ngiraso naH pitaro navagvA atharvANo bhR^igavaH somyAsaH | teShAM vayaM sumatau yaj~niyAnAmapi bhadre saumanase syAma || 10\.014\.06 prehi prehi pathibhiH pUrvyebhiryatrA naH pUrve pitaraH pareyuH | ubhA rAjAnA svadhayA madantA yamaM pashyAsi varuNaM cha devam || 10\.014\.07 saM gachChasva pitR^ibhiH saM yameneShTApUrtena parame vyoman | hitvAyAvadyaM punarastamehi saM gachChasva tanvA suvarchAH || 10\.014\.08 apeta vIta vi cha sarpatAto.asmA etaM pitaro lokamakran | ahobhiradbhiraktubhirvyaktaM yamo dadAtyavasAnamasmai || 10\.014\.09 ati drava sArameyau shvAnau chaturakShau shabalau sAdhunA pathA | athA pitR^InsuvidatrA.N upehi yamena ye sadhamAdaM madanti || 10\.014\.10 yau te shvAnau yama rakShitArau chaturakShau pathirakShI nR^ichakShasau | tAbhyAmenaM pari dehi rAjansvasti chAsmA anamIvaM cha dhehi || 10\.014\.11 urUNasAvasutR^ipA udumbalau yamasya dUtau charato janA.N anu | tAvasmabhyaM dR^ishaye sUryAya punardAtAmasumadyeha bhadram || 10\.014\.12 yamAya somaM sunuta yamAya juhutA haviH | yamaM ha yaj~no gachChatyagnidUto araMkR^itaH || 10\.014\.13 yamAya ghR^itavaddhavirjuhota pra cha tiShThata | sa no deveShvA yamaddIrghamAyuH pra jIvase || 10\.014\.14 yamAya madhumattamaM rAj~ne havyaM juhotana | idaM nama R^iShibhyaH pUrvajebhyaH pUrvebhyaH pathikR^idbhyaH || 10\.014\.15 trikadrukebhiH patati ShaLurvIrekamidbR^ihat | triShTubgAyatrI ChandAMsi sarvA tA yama AhitA || 10\.014\.16 udIratAmavara utparAsa unmadhyamAH pitaraH somyAsaH | asuM ya IyuravR^ikA R^itaj~nAste no.avantu pitaro haveShu || 10\.015\.01 idaM pitR^ibhyo namo astvadya ye pUrvAso ya uparAsa IyuH | ye pArthive rajasyA niShattA ye vA nUnaM suvR^ijanAsu vikShu || 10\.015\.02 AhaM pitR^InsuvidatrA.N avitsi napAtaM cha vikramaNaM cha viShNoH | barhiShado ye svadhayA sutasya bhajanta pitvasta ihAgamiShThAH || 10\.015\.03 barhiShadaH pitara UtyarvAgimA vo havyA chakR^imA juShadhvam | ta A gatAvasA shaMtamenAthA naH shaM yorarapo dadhAta || 10\.015\.04 upahUtAH pitaraH somyAso barhiShyeShu nidhiShu priyeShu | ta A gamantu ta iha shruvantvadhi bruvantu te.avantvasmAn || 10\.015\.05 AchyA jAnu dakShiNato niShadyemaM yaj~namabhi gR^iNIta vishve | mA hiMsiShTa pitaraH kena chinno yadva AgaH puruShatA karAma || 10\.015\.06 AsInAso aruNInAmupasthe rayiM dhatta dAshuShe martyAya | putrebhyaH pitarastasya vasvaH pra yachChata ta ihorjaM dadhAta || 10\.015\.07 ye naH pUrve pitaraH somyAso.anUhire somapIthaM vasiShThAH | tebhiryamaH saMrarANo havIMShyushannushadbhiH pratikAmamattu || 10\.015\.08 ye tAtR^iShurdevatrA jehamAnA hotrAvidaH stomataShTAso arkaiH | Agne yAhi suvidatrebhirarvA~NsatyaiH kavyaiH pitR^ibhirgharmasadbhiH || 10\.015\.09 ye satyAso havirado haviShpA indreNa devaiH sarathaM dadhAnAH | Agne yAhi sahasraM devavandaiH paraiH pUrvaiH pitR^ibhirgharmasadbhiH || 10\.015\.10 agniShvAttAH pitara eha gachChata sadaHsadaH sadata supraNItayaH | attA havIMShi prayatAni barhiShyathA rayiM sarvavIraM dadhAtana || 10\.015\.11 tvamagna ILito jAtavedo.avADDhavyAni surabhINi kR^itvI | prAdAH pitR^ibhyaH svadhayA te akShannaddhi tvaM deva prayatA havIMShi || 10\.015\.12 ye cheha pitaro ye cha neha yA.Nshcha vidma yA.N u cha na pravidma | tvaM vettha yati te jAtavedaH svadhAbhiryaj~naM sukR^itaM juShasva || 10\.015\.13 ye agnidagdhA ye anagnidagdhA madhye divaH svadhayA mAdayante | tebhiH svarALasunItimetAM yathAvashaM tanvaM kalpayasva || 10\.015\.14 mainamagne vi daho mAbhi shocho mAsya tvachaM chikShipo mA sharIram | yadA shR^itaM kR^iNavo jAtavedo.athemenaM pra hiNutAtpitR^ibhyaH || 10\.016\.01 shR^itaM yadA karasi jAtavedo.athemenaM pari dattAtpitR^ibhyaH | yadA gachChAtyasunItimetAmathA devAnAM vashanIrbhavAti || 10\.016\.02 sUryaM chakShurgachChatu vAtamAtmA dyAM cha gachCha pR^ithivIM cha dharmaNA | apo vA gachCha yadi tatra te hitamoShadhIShu prati tiShThA sharIraiH || 10\.016\.03 ajo bhAgastapasA taM tapasva taM te shochistapatu taM te archiH | yAste shivAstanvo jAtavedastAbhirvahainaM sukR^itAmu lokam || 10\.016\.04 ava sR^ija punaragne pitR^ibhyo yasta Ahutashcharati svadhAbhiH | AyurvasAna upa vetu sheShaH saM gachChatAM tanvA jAtavedaH || 10\.016\.05 yatte kR^iShNaH shakuna Atutoda pipIlaH sarpa uta vA shvApadaH | agniShTadvishvAdagadaM kR^iNotu somashcha yo brAhmaNA.N Avivesha || 10\.016\.06 agnervarma pari gobhirvyayasva saM prorNuShva pIvasA medasA cha | nettvA dhR^iShNurharasA jarhR^iShANo dadhR^igvidhakShyanparya~NkhayAte || 10\.016\.07 imamagne chamasaM mA vi jihvaraH priyo devAnAmuta somyAnAm | eSha yashchamaso devapAnastasmindevA amR^itA mAdayante || 10\.016\.08 kravyAdamagniM pra hiNomi dUraM yamarAj~no gachChatu ripravAhaH | ihaivAyamitaro jAtavedA devebhyo havyaM vahatu prajAnan || 10\.016\.09 yo agniH kravyAtpravivesha vo gR^ihamimaM pashyannitaraM jAtavedasam | taM harAmi pitR^iyaj~nAya devaM sa gharmaminvAtparame sadhasthe || 10\.016\.10 yo agniH kravyavAhanaH pitR^InyakShadR^itAvR^idhaH | predu havyAni vochati devebhyashcha pitR^ibhya A || 10\.016\.11 ushantastvA ni dhImahyushantaH samidhImahi | ushannushata A vaha pitR^InhaviShe attave || 10\.016\.12 yaM tvamagne samadahastamu nirvApayA punaH | kiyAmbvatra rohatu pAkadUrvA vyalkashA || 10\.016\.13 shItike shItikAvati hlAdike hlAdikAvati | maNDUkyA su saM gama imaM svagniM harShaya || 10\.016\.14 tvaShTA duhitre vahatuM kR^iNotItIdaM vishvaM bhuvanaM sameti | yamasya mAtA paryuhyamAnA maho jAyA vivasvato nanAsha || 10\.017\.01 apAgUhannamR^itAM martyebhyaH kR^itvI savarNAmadadurvivasvate | utAshvinAvabharadyattadAsIdajahAdu dvA mithunA saraNyUH || 10\.017\.02 pUShA tvetashchyAvayatu pra vidvAnanaShTapashurbhuvanasya gopAH | sa tvaitebhyaH pari dadatpitR^ibhyo.agnirdevebhyaH suvidatriyebhyaH || 10\.017\.03 AyurvishvAyuH pari pAsati tvA pUShA tvA pAtu prapathe purastAt | yatrAsate sukR^ito yatra te yayustatra tvA devaH savitA dadhAtu || 10\.017\.04 pUShemA AshA anu veda sarvAH so asmA.N abhayatamena neShat | svastidA AghR^iNiH sarvavIro.aprayuchChanpura etu prajAnan || 10\.017\.05 prapathe pathAmajaniShTa pUShA prapathe divaH prapathe pR^ithivyAH | ubhe abhi priyatame sadhasthe A cha parA cha charati prajAnan || 10\.017\.06 sarasvatIM devayanto havante sarasvatImadhvare tAyamAne | sarasvatIM sukR^ito ahvayanta sarasvatI dAshuShe vAryaM dAt || 10\.017\.07 sarasvati yA sarathaM yayAtha svadhAbhirdevi pitR^ibhirmadantI | AsadyAsminbarhiShi mAdayasvAnamIvA iSha A dhehyasme || 10\.017\.08 sarasvatIM yAM pitaro havante dakShiNA yaj~namabhinakShamANAH | sahasrArghamiLo atra bhAgaM rAyaspoShaM yajamAneShu dhehi || 10\.017\.09 Apo asmAnmAtaraH shundhayantu ghR^itena no ghR^itapvaH punantu | vishvaM hi ripraM pravahanti devIrudidAbhyaH shuchirA pUta emi || 10\.017\.10 drapsashchaskanda prathamA.N anu dyUnimaM cha yonimanu yashcha pUrvaH | samAnaM yonimanu saMcharantaM drapsaM juhomyanu sapta hotrAH || 10\.017\.11 yaste drapsaH skandati yaste aMshurbAhuchyuto dhiShaNAyA upasthAt | adhvaryorvA pari vA yaH pavitrAttaM te juhomi manasA vaShaTkR^itam || 10\.017\.12 yaste drapsaH skanno yaste aMshuravashcha yaH paraH sruchA | ayaM devo bR^ihaspatiH saM taM si~nchatu rAdhase || 10\.017\.13 payasvatIroShadhayaH payasvanmAmakaM vachaH | apAM payasvaditpayastena mA saha shundhata || 10\.017\.14 paraM mR^ityo anu parehi panthAM yaste sva itaro devayAnAt | chakShuShmate shR^iNvate te bravImi mA naH prajAM rIriSho mota vIrAn || 10\.018\.01 mR^ityoH padaM yopayanto yadaita drAghIya AyuH prataraM dadhAnAH | ApyAyamAnAH prajayA dhanena shuddhAH pUtA bhavata yaj~niyAsaH || 10\.018\.02 ime jIvA vi mR^itairAvavR^itrannabhUdbhadrA devahUtirno adya | prA~ncho agAma nR^itaye hasAya drAghIya AyuH prataraM dadhAnAH || 10\.018\.03 imaM jIvebhyaH paridhiM dadhAmi maiShAM nu gAdaparo arthametam | shataM jIvantu sharadaH purUchIrantarmR^ityuM dadhatAM parvatena || 10\.018\.04 yathAhAnyanupUrvaM bhavanti yatha R^itava R^itubhiryanti sAdhu | yathA na pUrvamaparo jahAtyevA dhAtarAyUMShi kalpayaiShAm || 10\.018\.05 A rohatAyurjarasaM vR^iNAnA anupUrvaM yatamAnA yati ShTha | iha tvaShTA sujanimA sajoShA dIrghamAyuH karati jIvase vaH || 10\.018\.06 imA nArIravidhavAH supatnIrA~njanena sarpiShA saM vishantu | anashravo.anamIvAH suratnA A rohantu janayo yonimagre || 10\.018\.07 udIrShva nAryabhi jIvalokaM gatAsumetamupa sheSha ehi | hastagrAbhasya didhiShostavedaM patyurjanitvamabhi saM babhUtha || 10\.018\.08 dhanurhastAdAdadAno mR^itasyAsme kShatrAya varchase balAya | atraiva tvamiha vayaM suvIrA vishvAH spR^idho abhimAtIrjayema || 10\.018\.09 upa sarpa mAtaraM bhUmimetAmuruvyachasaM pR^ithivIM sushevAm | UrNamradA yuvatirdakShiNAvata eShA tvA pAtu nirR^iterupasthAt || 10\.018\.10 uchChva~nchasva pR^ithivi mA ni bAdhathAH sUpAyanAsmai bhava sUpava~nchanA | mAtA putraM yathA sichAbhyenaM bhUma UrNuhi || 10\.018\.11 uchChva~nchamAnA pR^ithivI su tiShThatu sahasraM mita upa hi shrayantAm | te gR^ihAso ghR^itashchuto bhavantu vishvAhAsmai sharaNAH santvatra || 10\.018\.12 utte stabhnAmi pR^ithivIM tvatparImaM logaM nidadhanmo ahaM riSham | etAM sthUNAM pitaro dhArayantu te.atrA yamaH sAdanA te minotu || 10\.018\.13 pratIchIne mAmahanIShvAH parNamivA dadhuH | pratIchIM jagrabhA vAchamashvaM rashanayA yathA || 10\.018\.14 ni vartadhvaM mAnu gAtAsmAnsiShakta revatIH | agnIShomA punarvasU asme dhArayataM rayim || 10\.019\.01 punarenA ni vartaya punarenA nyA kuru | indra eNA ni yachChatvagnirenA upAjatu || 10\.019\.02 punaretA ni vartantAmasminpuShyantu gopatau | ihaivAgne ni dhArayeha tiShThatu yA rayiH || 10\.019\.03 yanniyAnaM nyayanaM saMj~nAnaM yatparAyaNam | AvartanaM nivartanaM yo gopA api taM huve || 10\.019\.04 ya udAnaDvyayanaM ya udAnaT parAyaNam | AvartanaM nivartanamapi gopA ni vartatAm || 10\.019\.05 A nivarta ni vartaya punarna indra gA dehi | jIvAbhirbhunajAmahai || 10\.019\.06 pari vo vishvato dadha UrjA ghR^itena payasA | ye devAH ke cha yaj~niyAste rayyA saM sR^ijantu naH || 10\.019\.07 A nivartana vartaya ni nivartana vartaya | bhUmyAshchatasraH pradishastAbhya enA ni vartaya || 10\.019\.08 bhadraM no api vAtaya manaH || 10\.020\.01 agnimILe bhujAM yaviShThaM shAsA mitraM durdharItum | yasya dharmansvarenIH saparyanti mAturUdhaH || 10\.020\.02 yamAsA kR^ipanILaM bhAsAketuM vardhayanti | bhrAjate shreNidan || 10\.020\.03 aryo vishAM gAtureti pra yadAnaDdivo antAn | kavirabhraM dIdyAnaH || 10\.020\.04 juShaddhavyA mAnuShasyordhvastasthAvR^ibhvA yaj~ne | minvansadma pura eti || 10\.020\.05 sa hi kShemo haviryaj~naH shruShTIdasya gAtureti | agniM devA vAshImantam || 10\.020\.06 yaj~nAsAhaM duva iShe.agniM pUrvasya shevasya | adreH sUnumAyumAhuH || 10\.020\.07 naro ye ke chAsmadA vishvette vAma A syuH | agniM haviShA vardhantaH || 10\.020\.08 kR^iShNaH shveto.aruSho yAmo asya bradhna R^ijra uta shoNo yashasvAn | hiraNyarUpaM janitA jajAna || 10\.020\.09 evA te agne vimado manIShAmUrjo napAdamR^itebhiH sajoShAH | gira A vakShatsumatIriyAna iShamUrjaM sukShitiM vishvamAbhAH || 10\.020\.10 AgniM na svavR^iktibhirhotAraM tvA vR^iNImahe | yaj~nAya stIrNabarhiShe vi vo made shIraM pAvakashochiShaM vivakShase || 10\.021\.01 tvAmu te svAbhuvaH shumbhantyashvarAdhasaH | veti tvAmupasechanI vi vo mada R^ijItiragna AhutirvivakShase || 10\.021\.02 tve dharmANa Asate juhUbhiH si~nchatIriva | kR^iShNA rUpANyarjunA vi vo made vishvA adhi shriyo dhiShe vivakShase || 10\.021\.03 yamagne manyase rayiM sahasAvannamartya | tamA no vAjasAtaye vi vo made yaj~neShu chitramA bharA vivakShase || 10\.021\.04 agnirjAto atharvaNA vidadvishvAni kAvyA | bhuvaddUto vivasvato vi vo made priyo yamasya kAmyo vivakShase || 10\.021\.05 tvAM yaj~neShvILate.agne prayatyadhvare | tvaM vasUni kAmyA vi vo made vishvA dadhAsi dAshuShe vivakShase || 10\.021\.06 tvAM yaj~neShvR^itvijaM chArumagne ni Shedire | ghR^itapratIkaM manuSho vi vo made shukraM chetiShThamakShabhirvivakShase || 10\.021\.07 agne shukreNa shochiShoru prathayase bR^ihat | abhikrandanvR^iShAyase vi vo made garbhaM dadhAsi jAmiShu vivakShase || 10\.021\.08 kuha shruta indraH kasminnadya jane mitro na shrUyate | R^iShINAM vA yaH kShaye guhA vA charkR^iShe girA || 10\.022\.01 iha shruta indro asme adya stave vajryR^ichIShamaH | mitro na yo janeShvA yashashchakre asAmyA || 10\.022\.02 maho yaspatiH shavaso asAmyA maho nR^imNasya tUtujiH | bhartA vajrasya dhR^iShNoH pitA putramiva priyam || 10\.022\.03 yujAno ashvA vAtasya dhunI devo devasya vajrivaH | syantA pathA virukmatA sR^ijAnaH stoShyadhvanaH || 10\.022\.04 tvaM tyA chidvAtasyAshvAgA R^ijrA tmanA vahadhyai | yayordevo na martyo yantA nakirvidAyyaH || 10\.022\.05 adha gmantoshanA pR^ichChate vAM kadarthA na A gR^iham | A jagmathuH parAkAddivashcha gmashcha martyam || 10\.022\.06 A na indra pR^ikShase.asmAkaM brahmodyatam | tattvA yAchAmahe.avaH shuShNaM yaddhannamAnuSham || 10\.022\.07 akarmA dasyurabhi no amanturanyavrato amAnuShaH | tvaM tasyAmitrahanvadhardAsasya dambhaya || 10\.022\.08 tvaM na indra shUra shUrairuta tvotAso barhaNA | purutrA te vi pUrtayo navanta kShoNayo yathA || 10\.022\.09 tvaM tAnvR^itrahatye chodayo nR^InkArpANe shUra vajrivaH | guhA yadI kavInAM vishAM nakShatrashavasAm || 10\.022\.10 makShU tA ta indra dAnApnasa AkShANe shUra vajrivaH | yaddha shuShNasya dambhayo jAtaM vishvaM sayAvabhiH || 10\.022\.11 mAkudhryagindra shUra vasvIrasme bhUvannabhiShTayaH | vayaMvayaM ta AsAM sumne syAma vajrivaH || 10\.022\.12 asme tA ta indra santu satyAhiMsantIrupaspR^ishaH | vidyAma yAsAM bhujo dhenUnAM na vajrivaH || 10\.022\.13 ahastA yadapadI vardhata kShAH shachIbhirvedyAnAm | shuShNaM pari pradakShiNidvishvAyave ni shishnathaH || 10\.022\.14 pibApibedindra shUra somaM mA riShaNyo vasavAna vasuH san | uta trAyasva gR^iNato maghono mahashcha rAyo revataskR^idhI naH || 10\.022\.15 yajAmaha indraM vajradakShiNaM harINAM rathyaM vivratAnAm | pra shmashru dodhuvadUrdhvathA bhUdvi senAbhirdayamAno vi rAdhasA || 10\.023\.01 harI nvasya yA vane vide vasvindro maghairmaghavA vR^itrahA bhuvat | R^ibhurvAja R^ibhukShAH patyate shavo.ava kShNaumi dAsasya nAma chit || 10\.023\.02 yadA vajraM hiraNyamidathA rathaM harI yamasya vahato vi sUribhiH | A tiShThati maghavA sanashruta indro vAjasya dIrghashravasaspatiH || 10\.023\.03 so chinnu vR^iShTiryUthyA svA sachA.N indraH shmashrUNi haritAbhi pruShNute | ava veti sukShayaM sute madhUdiddhUnoti vAto yathA vanam || 10\.023\.04 yo vAchA vivAcho mR^idhravAchaH purU sahasrAshivA jaghAna | tattadidasya pauMsyaM gR^iNImasi piteva yastaviShIM vAvR^idhe shavaH || 10\.023\.05 stomaM ta indra vimadA ajIjanannapUrvyaM purutamaM sudAnave | vidmA hyasya bhojanaminasya yadA pashuM na gopAH karAmahe || 10\.023\.06 mAkirna enA sakhyA vi yauShustava chendra vimadasya cha R^iSheH | vidmA hi te pramatiM deva jAmivadasme te santu sakhyA shivAni || 10\.023\.07 indra somamimaM piba madhumantaM chamU sutam | asme rayiM ni dhAraya vi vo made sahasriNaM purUvaso vivakShase || 10\.024\.01 tvAM yaj~nebhirukthairupa havyebhirImahe | shachIpate shachInAM vi vo made shreShThaM no dhehi vAryaM vivakShase || 10\.024\.02 yaspatirvAryANAmasi radhrasya choditA | indra stotR^INAmavitA vi vo made dviSho naH pAhyaMhaso vivakShase || 10\.024\.03 yuvaM shakrA mAyAvinA samIchI niramanthatam | vimadena yadILitA nAsatyA niramanthatam || 10\.024\.04 vishve devA akR^ipanta samIchyorniShpatantyoH | nAsatyAvabruvandevAH punarA vahatAditi || 10\.024\.05 madhumanme parAyaNaM madhumatpunarAyanam | tA no devA devatayA yuvaM madhumataskR^itam || 10\.024\.06 bhadraM no api vAtaya mano dakShamuta kratum | adhA te sakhye andhaso vi vo made raNangAvo na yavase vivakShase || 10\.025\.01 hR^idispR^ishasta Asate vishveShu soma dhAmasu | adhA kAmA ime mama vi vo made vi tiShThante vasUyavo vivakShase || 10\.025\.02 uta vratAni soma te prAhaM minAmi pAkyA | adhA piteva sUnave vi vo made mR^iLA no abhi chidvadhAdvivakShase || 10\.025\.03 samu pra yanti dhItayaH sargAso.avatA.N iva | kratuM naH soma jIvase vi vo made dhArayA chamasA.N iva vivakShase || 10\.025\.04 tava tye soma shaktibhirnikAmAso vyR^iNvire | gR^itsasya dhIrAstavaso vi vo made vrajaM gomantamashvinaM vivakShase || 10\.025\.05 pashuM naH soma rakShasi purutrA viShThitaM jagat | samAkR^iNoShi jIvase vi vo made vishvA sampashyanbhuvanA vivakShase || 10\.025\.06 tvaM naH soma vishvato gopA adAbhyo bhava | sedha rAjannapa sridho vi vo made mA no duHshaMsa IshatA vivakShase || 10\.025\.07 tvaM naH soma sukraturvayodheyAya jAgR^ihi | kShetravittaro manuSho vi vo made druho naH pAhyaMhaso vivakShase || 10\.025\.08 tvaM no vR^itrahantamendrasyendo shivaH sakhA | yatsIM havante samithe vi vo made yudhyamAnAstokasAtau vivakShase || 10\.025\.09 ayaM gha sa turo mada indrasya vardhata priyaH | ayaM kakShIvato maho vi vo made matiM viprasya vardhayadvivakShase || 10\.025\.10 ayaM viprAya dAshuShe vAjA.N iyarti gomataH | ayaM saptabhya A varaM vi vo made prAndhaM shroNaM cha tAriShadvivakShase || 10\.025\.11 pra hyachChA manIShA spArhA yanti niyutaH | pra dasrA niyudrathaH pUShA aviShTu mAhinaH || 10\.026\.01 yasya tyanmahitvaM vAtApyamayaM janaH | vipra A vaMsaddhItibhishchiketa suShTutInAm || 10\.026\.02 sa veda suShTutInAmindurna pUShA vR^iShA | abhi psuraH pruShAyati vrajaM na A pruShAyati || 10\.026\.03 maMsImahi tvA vayamasmAkaM deva pUShan | matInAM cha sAdhanaM viprANAM chAdhavam || 10\.026\.04 pratyardhiryaj~nAnAmashvahayo rathAnAm | R^iShiH sa yo manurhito viprasya yAvayatsakhaH || 10\.026\.05 AdhIShamANAyAH patiH shuchAyAshcha shuchasya cha | vAsovAyo.avInAmA vAsAMsi marmR^ijat || 10\.026\.06 ino vAjAnAM patirinaH puShTInAM sakhA | pra shmashru haryato dUdhodvi vR^ithA yo adAbhyaH || 10\.026\.07 A te rathasya pUShannajA dhuraM vavR^ityuH | vishvasyArthinaH sakhA sanojA anapachyutaH || 10\.026\.08 asmAkamUrjA rathaM pUShA aviShTu mAhinaH | bhuvadvAjAnAM vR^idha imaM naH shR^iNavaddhavam || 10\.026\.09 asatsu me jaritaH sAbhivego yatsunvate yajamAnAya shikSham | anAshIrdAmahamasmi prahantA satyadhvR^itaM vR^ijinAyantamAbhum || 10\.027\.01 yadIdahaM yudhaye saMnayAnyadevayUntanvA shUshujAnAn | amA te tumraM vR^iShabhaM pachAni tIvraM sutaM pa~nchadashaM ni Shi~ncham || 10\.027\.02 nAhaM taM veda ya iti bravItyadevayUnsamaraNe jaghanvAn | yadAvAkhyatsamaraNamR^ighAvadAdiddha me vR^iShabhA pra bruvanti || 10\.027\.03 yadaj~nAteShu vR^ijaneShvAsaM vishve sato maghavAno ma Asan | jinAmi vetkShema A santamAbhuM pra taM kShiNAM parvate pAdagR^ihya || 10\.027\.04 na vA u mAM vR^ijane vArayante na parvatAso yadahaM manasye | mama svanAtkR^idhukarNo bhayAta evedanu dyUnkiraNaH samejAt || 10\.027\.05 darshannvatra shR^itapA.N anindrAnbAhukShadaH sharave patyamAnAn | ghR^iShuM vA ye niniduH sakhAyamadhyU nveShu pavayo vavR^ityuH || 10\.027\.06 abhUrvaukShIrvyu AyurAnaDdarShannu pUrvo aparo nu darShat | dve pavaste pari taM na bhUto yo asya pAre rajaso viveSha || 10\.027\.07 gAvo yavaM prayutA aryo akShantA apashyaM sahagopAshcharantIH | havA idaryo abhitaH samAyankiyadAsu svapatishChandayAte || 10\.027\.08 saM yadvayaM yavasAdo janAnAmahaM yavAda urvajre antaH | atrA yukto.avasAtAramichChAdatho ayuktaM yunajadvavanvAn || 10\.027\.09 atredu me maMsase satyamuktaM dvipAchcha yachchatuShpAtsaMsR^ijAni | strIbhiryo atra vR^iShaNaM pR^itanyAdayuddho asya vi bhajAni vedaH || 10\.027\.10 yasyAnakShA duhitA jAtvAsa kastAM vidvA.N abhi manyAte andhAm | kataro meniM prati taM muchAte ya IM vahAte ya IM vA vareyAt || 10\.027\.11 kiyatI yoShA maryato vadhUyoH pariprItA panyasA vAryeNa | bhadrA vadhUrbhavati yatsupeshAH svayaM sA mitraM vanute jane chit || 10\.027\.12 patto jagAra pratya~nchamatti shIrShNA shiraH prati dadhau varUtham | AsIna UrdhvAmupasi kShiNAti nya~N~NuttAnAmanveti bhUmim || 10\.027\.13 bR^ihannachChAyo apalAsho arvA tasthau mAtA viShito atti garbhaH | anyasyA vatsaM rihatI mimAya kayA bhuvA ni dadhe dhenurUdhaH || 10\.027\.14 sapta vIrAso adharAdudAyannaShTottarAttAtsamajagmirante | nava pashchAtAtsthivimanta Ayandasha prAksAnu vi tirantyashnaH || 10\.027\.15 dashAnAmekaM kapilaM samAnaM taM hinvanti kratave pAryAya | garbhaM mAtA sudhitaM vakShaNAsvavenantaM tuShayantI bibharti || 10\.027\.16 pIvAnaM meShamapachanta vIrA nyuptA akShA anu dIva Asan | dvA dhanuM bR^ihatImapsvantaH pavitravantA charataH punantA || 10\.027\.17 vi kroshanAso viShva~ncha AyanpachAti nemo nahi pakShadardhaH | ayaM me devaH savitA tadAha drvanna idvanavatsarpirannaH || 10\.027\.18 apashyaM grAmaM vahamAnamArAdachakrayA svadhayA vartamAnam | siShaktyaryaH pra yugA janAnAM sadyaH shishnA praminAno navIyAn || 10\.027\.19 etau me gAvau pramarasya yuktau mo Shu pra sedhIrmuhurinmamandhi | Apashchidasya vi nashantyarthaM sUrashcha marka uparo babhUvAn || 10\.027\.20 ayaM yo vajraH purudhA vivR^itto.avaH sUryasya bR^ihataH purIShAt | shrava idenA paro anyadasti tadavyathI jarimANastaranti || 10\.027\.21 vR^ikShevR^ikShe niyatA mImayadgaustato vayaH pra patAnpUruShAdaH | athedaM vishvaM bhuvanaM bhayAta indrAya sunvadR^iShaye cha shikShat || 10\.027\.22 devAnAM mAne prathamA atiShThankR^intatrAdeShAmuparA udAyan | trayastapanti pR^ithivImanUpA dvA bR^ibUkaM vahataH purISham || 10\.027\.23 sA te jIvAturuta tasya viddhi mA smaitAdR^igapa gUhaH samarye | AviH svaH kR^iNute gUhate busaM sa pAdurasya nirNijo na muchyate || 10\.027\.24 vishvo hyanyo arirAjagAma mamedaha shvashuro nA jagAma | jakShIyAddhAnA uta somaM papIyAtsvAshitaH punarastaM jagAyAt || 10\.028\.01 sa roruvadvR^iShabhastigmashR^i~Ngo varShmantasthau varimannA pR^ithivyAH | vishveShvenaM vR^ijaneShu pAmi yo me kukShI sutasomaH pR^iNAti || 10\.028\.02 adriNA te mandina indra tUyAnsunvanti somAnpibasi tvameShAm | pachanti te vR^iShabhA.N atsi teShAM pR^ikSheNa yanmaghavanhUyamAnaH || 10\.028\.03 idaM su me jaritarA chikiddhi pratIpaM shApaM nadyo vahanti | lopAshaH siMhaM pratya~nchamatsAH kroShTA varAhaM niratakta kakShAt || 10\.028\.04 kathA ta etadahamA chiketaM gR^itsasya pAkastavaso manIShAm | tvaM no vidvA.N R^ituthA vi vocho yamardhaM te maghavankShemyA dhUH || 10\.028\.05 evA hi mAM tavasaM vardhayanti divashchinme bR^ihata uttarA dhUH | purU sahasrA ni shishAmi sAkamashatruM hi mA janitA jajAna || 10\.028\.06 evA hi mAM tavasaM jaj~nurugraM karmankarmanvR^iShaNamindra devAH | vadhIM vR^itraM vajreNa mandasAno.apa vrajaM mahinA dAshuShe vam || 10\.028\.07 devAsa AyanparashU.NrabibhranvanA vR^ishchanto abhi viDbhirAyan | ni sudrvaM dadhato vakShaNAsu yatrA kR^ipITamanu taddahanti || 10\.028\.08 shashaH kShuraM pratya~nchaM jagArAdriM logena vyabhedamArAt | bR^ihantaM chidR^ihate randhayAni vayadvatso vR^iShabhaM shUshuvAnaH || 10\.028\.09 suparNa itthA nakhamA siShAyAvaruddhaH paripadaM na siMhaH | niruddhashchinmahiShastarShyAvAngodhA tasmA ayathaM karShadetat || 10\.028\.10 tebhyo godhA ayathaM karShadetadye brahmaNaH pratipIyantyannaiH | sima ukShNo.avasR^iShTA.N adanti svayaM balAni tanvaH shR^iNAnAH || 10\.028\.11 ete shamIbhiH sushamI abhUvanye hinvire tanvaH soma ukthaiH | nR^ivadvadannupa no mAhi vAjAndivi shravo dadhiShe nAma vIraH || 10\.028\.12 vane na vA yo nyadhAyi chAka~nChuchirvAM stomo bhuraNAvajIgaH | yasyedindraH purudineShu hotA nR^iNAM naryo nR^itamaH kShapAvAn || 10\.029\.01 pra te asyA uShasaH prAparasyA nR^itau syAma nR^itamasya nR^iNAm | anu trishokaH shatamAvahannR^Inkutsena ratho yo asatsasavAn || 10\.029\.02 kaste mada indra rantyo bhUdduro giro abhyugro vi dhAva | kadvAho arvAgupa mA manIShA A tvA shakyAmupamaM rAdho annaiH || 10\.029\.03 kadu dyumnamindra tvAvato nR^InkayA dhiyA karase kanna Agan | mitro na satya urugAya bhR^ityA anne samasya yadasanmanIShAH || 10\.029\.04 preraya sUro arthaM na pAraM ye asya kAmaM janidhA iva gman | girashcha ye te tuvijAta pUrvIrnara indra pratishikShantyannaiH || 10\.029\.05 mAtre nu te sumite indra pUrvI dyaurmajmanA pR^ithivI kAvyena | varAya te ghR^itavantaH sutAsaH svAdmanbhavantu pItaye madhUni || 10\.029\.06 A madhvo asmA asichannamatramindrAya pUrNaM sa hi satyarAdhAH | sa vAvR^idhe varimannA pR^ithivyA abhi kratvA naryaH pauMsyaishcha || 10\.029\.07 vyAnaLindraH pR^itanAH svojA Asmai yatante sakhyAya pUrvIH | A smA rathaM na pR^itanAsu tiShTha yaM bhadrayA sumatyA chodayAse || 10\.029\.08 pra devatrA brahmaNe gAturetvapo achChA manaso na prayukti | mahIM mitrasya varuNasya dhAsiM pR^ithujrayase rIradhA suvR^iktim || 10\.030\.01 adhvaryavo haviShmanto hi bhUtAchChApa itoshatIrushantaH | ava yAshchaShTe aruNaH suparNastamAsyadhvamUrmimadyA suhastAH || 10\.030\.02 adhvaryavo.apa itA samudramapAM napAtaM haviShA yajadhvam | sa vo dadadUrmimadyA supUtaM tasmai somaM madhumantaM sunota || 10\.030\.03 yo anidhmo dIdayadapsvantaryaM viprAsa ILate adhvareShu | apAM napAnmadhumatIrapo dA yAbhirindro vAvR^idhe vIryAya || 10\.030\.04 yAbhiH somo modate harShate cha kalyANIbhiryuvatibhirna maryaH | tA adhvaryo apo achChA parehi yadAsi~nchA oShadhIbhiH punItAt || 10\.030\.05 evedyUne yuvatayo namanta yadImushannushatIretyachCha | saM jAnate manasA saM chikitre.adhvaryavo dhiShaNApashcha devIH || 10\.030\.06 yo vo vR^itAbhyo akR^iNodu lokaM yo vo mahyA abhishasteramu~nchat | tasmA indrAya madhumantamUrmiM devamAdanaM pra hiNotanApaH || 10\.030\.07 prAsmai hinota madhumantamUrmiM garbho yo vaH sindhavo madhva utsaH | ghR^itapR^iShThamIDyamadhvareShvApo revatIH shR^iNutA havaM me || 10\.030\.08 taM sindhavo matsaramindrapAnamUrmiM pra heta ya ubhe iyarti | madachyutamaushAnaM nabhojAM pari tritantuM vicharantamutsam || 10\.030\.09 AvarvR^itatIradha nu dvidhArA goShuyudho na niyavaM charantIH | R^iShe janitrIrbhuvanasya patnIrapo vandasva savR^idhaH sayonIH || 10\.030\.10 hinotA no adhvaraM devayajyA hinota brahma sanaye dhanAnAm | R^itasya yoge vi ShyadhvamUdhaH shruShTIvarIrbhUtanAsmabhyamApaH || 10\.030\.11 Apo revatIH kShayathA hi vasvaH kratuM cha bhadraM bibhR^ithAmR^itaM cha | rAyashcha stha svapatyasya patnIH sarasvatI tadgR^iNate vayo dhAt || 10\.030\.12 prati yadApo adR^ishramAyatIrghR^itaM payAMsi bibhratIrmadhUni | adhvaryubhirmanasA saMvidAnA indrAya somaM suShutaM bharantIH || 10\.030\.13 emA agmanrevatIrjIvadhanyA adhvaryavaH sAdayatA sakhAyaH | ni barhiShi dhattana somyAso.apAM naptrA saMvidAnAsa enAH || 10\.030\.14 AgmannApa ushatIrbarhiredaM nyadhvare asadandevayantIH | adhvaryavaH sunutendrAya somamabhUdu vaH sushakA devayajyA || 10\.030\.15 A no devAnAmupa vetu shaMso vishvebhisturairavase yajatraH | tebhirvayaM suShakhAyo bhavema taranto vishvA duritA syAma || 10\.031\.01 pari chinmarto draviNaM mamanyAdR^itasya pathA namasA vivAset | uta svena kratunA saM vadeta shreyAMsaM dakShaM manasA jagR^ibhyAt || 10\.031\.02 adhAyi dhItirasasR^igramaMshAstIrthe na dasmamupa yantyUmAH | abhyAnashma suvitasya shUShaM navedaso amR^itAnAmabhUma || 10\.031\.03 nityashchAkanyAtsvapatirdamUnA yasmA u devaH savitA jajAna | bhago vA gobhiraryamemanajyAtso asmai chArushChadayaduta syAt || 10\.031\.04 iyaM sA bhUyA uShasAmiva kShA yaddha kShumantaH shavasA samAyan | asya stutiM jariturbhikShamANA A naH shagmAsa upa yantu vAjAH || 10\.031\.05 asyedeShA sumatiH paprathAnAbhavatpUrvyA bhUmanA gauH | asya sanILA asurasya yonau samAna A bharaNe bibhramANAH || 10\.031\.06 kiM svidvanaM ka u sa vR^ikSha Asa yato dyAvApR^ithivI niShTatakShuH | saMtasthAne ajare ita/UtI ahAni pUrvIruShaso jaranta || 10\.031\.07 naitAvadenA paro anyadastyukShA sa dyAvApR^ithivI bibharti | tvachaM pavitraM kR^iNuta svadhAvAnyadIM sUryaM na harito vahanti || 10\.031\.08 stego na kShAmatyeti pR^ithvIM mihaM na vAto vi ha vAti bhUma | mitro yatra varuNo ajyamAno.agnirvane na vyasR^iShTa shokam || 10\.031\.09 starIryatsUta sadyo ajyamAnA vyathiravyathIH kR^iNuta svagopA | putro yatpUrvaH pitrorjaniShTa shamyAM gaurjagAra yaddha pR^ichChAn || 10\.031\.10 uta kaNvaM nR^iShadaH putramAhuruta shyAvo dhanamAdatta vAjI | pra kR^iShNAya rushadapinvatodharR^itamatra nakirasmA apIpet || 10\.031\.11 pra su gmantA dhiyasAnasya sakShaNi varebhirvarA.N abhi Shu prasIdataH | asmAkamindra ubhayaM jujoShati yatsomyasyAndhaso bubodhati || 10\.032\.01 vIndra yAsi divyAni rochanA vi pArthivAni rajasA puruShTuta | ye tvA vahanti muhuradhvarA.N upa te su vanvantu vagvanA.N arAdhasaH || 10\.032\.02 tadinme ChantsadvapuSho vapuShTaraM putro yajjAnaM pitroradhIyati | jAyA patiM vahati vagnunA sumatpuMsa idbhadro vahatuH pariShkR^itaH || 10\.032\.03 taditsadhasthamabhi chAru dIdhaya gAvo yachChAsanvahatuM na dhenavaH | mAtA yanmanturyUthasya pUrvyAbhi vANasya saptadhAturijjanaH || 10\.032\.04 pra vo.achChA ririche devayuShpadameko rudrebhiryAti turvaNiH | jarA vA yeShvamR^iteShu dAvane pari va UmebhyaH si~nchatA madhu || 10\.032\.05 nidhIyamAnamapagULhamapsu pra me devAnAM vratapA uvAcha | indro vidvA.N anu hi tvA chachakSha tenAhamagne anushiShTa AgAm || 10\.032\.06 akShetravitkShetravidaM hyaprAT sa praiti kShetravidAnushiShTaH | etadvai bhadramanushAsanasyota srutiM vindatya~njasInAm || 10\.032\.07 adyedu prANIdamamannimAhApIvR^ito adhayanmAturUdhaH | emenamApa jarimA yuvAnamaheLanvasuH sumanA babhUva || 10\.032\.08 etAni bhadrA kalasha kriyAma kurushravaNa dadato maghAni | dAna idvo maghavAnaH so astvayaM cha somo hR^idi yaM bibharmi || 10\.032\.09 pra mA yuyujre prayujo janAnAM vahAmi sma pUShaNamantareNa | vishve devAso adha mAmarakShanduHshAsurAgAditi ghoSha AsIt || 10\.033\.01 saM mA tapantyabhitaH sapatnIriva parshavaH | ni bAdhate amatirnagnatA jasurverna vevIyate matiH || 10\.033\.02 mUSho na shishnA vyadanti mAdhyaH stotAraM te shatakrato | sakR^itsu no maghavannindra mR^iLayAdhA piteva no bhava || 10\.033\.03 kurushravaNamAvR^iNi rAjAnaM trAsadasyavam | maMhiShThaM vAghatAmR^iShiH || 10\.033\.04 yasya mA harito rathe tisro vahanti sAdhuyA | stavai sahasradakShiNe || 10\.033\.05 yasya prasvAdaso gira upamashravasaH pituH | kShetraM na raNvamUchuShe || 10\.033\.06 adhi putropamashravo napAnmitrAtitherihi | pituShTe asmi vanditA || 10\.033\.07 yadIshIyAmR^itAnAmuta vA martyAnAm | jIvedinmaghavA mama || 10\.033\.08 na devAnAmati vrataM shatAtmA chana jIvati | tathA yujA vi vAvR^ite || 10\.033\.09 prAvepA mA bR^ihato mAdayanti pravAtejA iriNe varvR^itAnAH | somasyeva maujavatasya bhakSho vibhIdako jAgR^ivirmahyamachChAn || 10\.034\.01 na mA mimetha na jihILa eShA shivA sakhibhya uta mahyamAsIt | akShasyAhamekaparasya hetoranuvratAmapa jAyAmarodham || 10\.034\.02 dveShTi shvashrUrapa jAyA ruNaddhi na nAthito vindate marDitAram | ashvasyeva jarato vasnyasya nAhaM vindAmi kitavasya bhogam || 10\.034\.03 anye jAyAM pari mR^ishantyasya yasyAgR^idhadvedane vAjyakShaH | pitA mAtA bhrAtara enamAhurna jAnImo nayatA baddhametam || 10\.034\.04 yadAdIdhye na daviShANyebhiH parAyadbhyo.ava hIye sakhibhyaH | nyuptAshcha babhravo vAchamakrata.N emIdeShAM niShkR^itaM jAriNIva || 10\.034\.05 sabhAmeti kitavaH pR^ichChamAno jeShyAmIti tanvA shUshujAnaH | akShAso asya vi tiranti kAmaM pratidIvne dadhata A kR^itAni || 10\.034\.06 akShAsa ida~Nkushino nitodino nikR^itvAnastapanAstApayiShNavaH | kumAradeShNA jayataH punarhaNo madhvA sampR^iktAH kitavasya barhaNA || 10\.034\.07 tripa~nchAshaH krILati vrAta eShAM deva iva savitA satyadharmA | ugrasya chinmanyave nA namante rAjA chidebhyo nama itkR^iNoti || 10\.034\.08 nIchA vartanta upari sphurantyahastAso hastavantaM sahante | divyA a~NgArA iriNe nyuptAH shItAH santo hR^idayaM nirdahanti || 10\.034\.09 jAyA tapyate kitavasya hInA mAtA putrasya charataH kva svit | R^iNAvA bibhyaddhanamichChamAno.anyeShAmastamupa naktameti || 10\.034\.10 striyaM dR^iShTvAya kitavaM tatApAnyeShAM jAyAM sukR^itaM cha yonim | pUrvAhNe ashvAnyuyuje hi babhrUnso agnerante vR^iShalaH papAda || 10\.034\.11 yo vaH senAnIrmahato gaNasya rAjA vrAtasya prathamo babhUva | tasmai kR^iNomi na dhanA ruNadhmi dashAhaM prAchIstadR^itaM vadAmi || 10\.034\.12 akShairmA dIvyaH kR^iShimitkR^iShasva vitte ramasva bahu manyamAnaH | tatra gAvaH kitava tatra jAyA tanme vi chaShTe savitAyamaryaH || 10\.034\.13 mitraM kR^iNudhvaM khalu mR^iLatA no mA no ghoreNa charatAbhi dhR^iShNu | ni vo nu manyurvishatAmarAtiranyo babhrUNAM prasitau nvastu || 10\.034\.14 abudhramu tya indravanto agnayo jyotirbharanta uShaso vyuShTiShu | mahI dyAvApR^ithivI chetatAmapo.adyA devAnAmava A vR^iNImahe || 10\.035\.01 divaspR^ithivyorava A vR^iNImahe mAtR^InsindhUnparvatA~nCharyaNAvataH | anAgAstvaM sUryamuShAsamImahe bhadraM somaH suvAno adyA kR^iNotu naH || 10\.035\.02 dyAvA no adya pR^ithivI anAgaso mahI trAyetAM suvitAya mAtarA | uShA uchChantyapa bAdhatAmaghaM svastyagniM samidhAnamImahe || 10\.035\.03 iyaM na usrA prathamA sudevyaM revatsanibhyo revatI vyuchChatu | Are manyuM durvidatrasya dhImahi svastyagniM samidhAnamImahe || 10\.035\.04 pra yAH sisrate sUryasya rashmibhirjyotirbharantIruShaso vyuShTiShu | bhadrA no adya shravase vyuchChata svastyagniM samidhAnamImahe || 10\.035\.05 anamIvA uShasa A charantu na udagnayo jihatAM jyotiShA bR^ihat | AyukShAtAmashvinA tUtujiM rathaM svastyagniM samidhAnamImahe || 10\.035\.06 shreShThaM no adya savitarvareNyaM bhAgamA suva sa hi ratnadhA asi | rAyo janitrIM dhiShaNAmupa bruve svastyagniM samidhAnamImahe || 10\.035\.07 pipartu mA tadR^itasya pravAchanaM devAnAM yanmanuShyA amanmahi | vishvA idusrAH spaLudeti sUryaH svastyagniM samidhAnamImahe || 10\.035\.08 adveSho adya barhiShaH starImaNi grAvNAM yoge manmanaH sAdha Imahe | AdityAnAM sharmaNi sthA bhuraNyasi svastyagniM samidhAnamImahe || 10\.035\.09 A no barhiH sadhamAde bR^ihaddivi devA.N ILe sAdayA sapta hotR^In | indraM mitraM varuNaM sAtaye bhagaM svastyagniM samidhAnamImahe || 10\.035\.10 ta AdityA A gatA sarvatAtaye vR^idhe no yaj~namavatA sajoShasaH | bR^ihaspatiM pUShaNamashvinA bhagaM svastyagniM samidhAnamImahe || 10\.035\.11 tanno devA yachChata supravAchanaM ChardirAdityAH subharaM nR^ipAyyam | pashve tokAya tanayAya jIvase svastyagniM samidhAnamImahe || 10\.035\.12 vishve adya maruto vishva UtI vishve bhavantvagnayaH samiddhAH | vishve no devA avasA gamantu vishvamastu draviNaM vAjo asme || 10\.035\.13 yaM devAso.avatha vAjasAtau yaM trAyadhve yaM pipR^ithAtyaMhaH | yo vo gopIthe na bhayasya veda te syAma devavItaye turAsaH || 10\.035\.14 uShAsAnaktA bR^ihatI supeshasA dyAvAkShAmA varuNo mitro aryamA | indraM huve marutaH parvatA.N apa AdityAndyAvApR^ithivI apaH svaH || 10\.036\.01 dyaushcha naH pR^ithivI cha prachetasa R^itAvarI rakShatAmaMhaso riShaH | mA durvidatrA nirR^itirna Ishata taddevAnAmavo adyA vR^iNImahe || 10\.036\.02 vishvasmAnno aditiH pAtvaMhaso mAtA mitrasya varuNasya revataH | svarvajjyotiravR^ikaM nashImahi taddevAnAmavo adyA vR^iNImahe || 10\.036\.03 grAvA vadannapa rakShAMsi sedhatu duShShvapnyaM nirR^itiM vishvamatriNam | AdityaM sharma marutAmashImahi taddevAnAmavo adyA vR^iNImahe || 10\.036\.04 endro barhiH sIdatu pinvatAmiLA bR^ihaspatiH sAmabhirR^ikvo archatu | supraketaM jIvase manma dhImahi taddevAnAmavo adyA vR^iNImahe || 10\.036\.05 divispR^ishaM yaj~namasmAkamashvinA jIrAdhvaraM kR^iNutaM sumnamiShTaye | prAchInarashmimAhutaM ghR^itena taddevAnAmavo adyA vR^iNImahe || 10\.036\.06 upa hvaye suhavaM mArutaM gaNaM pAvakamR^iShvaM sakhyAya shambhuvam | rAyaspoShaM saushravasAya dhImahi taddevAnAmavo adyA vR^iNImahe || 10\.036\.07 apAM peruM jIvadhanyaM bharAmahe devAvyaM suhavamadhvarashriyam | surashmiM somamindriyaM yamImahi taddevAnAmavo adyA vR^iNImahe || 10\.036\.08 sanema tatsusanitA sanitvabhirvayaM jIvA jIvaputrA anAgasaH | brahmadviSho viShvageno bharerata taddevAnAmavo adyA vR^iNImahe || 10\.036\.09 ye sthA manoryaj~niyAste shR^iNotana yadvo devA Imahe taddadAtana | jaitraM kratuM rayimadvIravadyashastaddevAnAmavo adyA vR^iNImahe || 10\.036\.10 mahadadya mahatAmA vR^iNImahe.avo devAnAM bR^ihatAmanarvaNAm | yathA vasu vIrajAtaM nashAmahai taddevAnAmavo adyA vR^iNImahe || 10\.036\.11 maho agneH samidhAnasya sharmaNyanAgA mitre varuNe svastaye | shreShThe syAma savituH savImani taddevAnAmavo adyA vR^iNImahe || 10\.036\.12 ye savituH satyasavasya vishve mitrasya vrate varuNasya devAH | te saubhagaM vIravadgomadapno dadhAtana draviNaM chitramasme || 10\.036\.13 savitA pashchAtAtsavitA purastAtsavitottarAttAtsavitAdharAttAt | savitA naH suvatu sarvatAtiM savitA no rAsatAM dIrghamAyuH || 10\.036\.14 namo mitrasya varuNasya chakShase maho devAya tadR^itaM saparyata | dUredR^ishe devajAtAya ketave divasputrAya sUryAya shaMsata || 10\.037\.01 sA mA satyoktiH pari pAtu vishvato dyAvA cha yatra tatanannahAni cha | vishvamanyanni vishate yadejati vishvAhApo vishvAhodeti sUryaH || 10\.037\.02 na te adevaH pradivo ni vAsate yadetashebhiH patarai ratharyasi | prAchInamanyadanu vartate raja udanyena jyotiShA yAsi sUrya || 10\.037\.03 yena sUrya jyotiShA bAdhase tamo jagachcha vishvamudiyarShi bhAnunA | tenAsmadvishvAmanirAmanAhutimapAmIvAmapa duShShvapnyaM suva || 10\.037\.04 vishvasya hi preShito rakShasi vratamaheLayannuchcharasi svadhA anu | yadadya tvA sUryopabravAmahai taM no devA anu maMsIrata kratum || 10\.037\.05 taM no dyAvApR^ithivI tanna Apa indraH shR^iNvantu maruto havaM vachaH | mA shUne bhUma sUryasya saMdR^ishi bhadraM jIvanto jaraNAmashImahi || 10\.037\.06 vishvAhA tvA sumanasaH suchakShasaH prajAvanto anamIvA anAgasaH | udyantaM tvA mitramaho divedive jyogjIvAH prati pashyema sUrya || 10\.037\.07 mahi jyotirbibhrataM tvA vichakShaNa bhAsvantaM chakShuShechakShuShe mayaH | ArohantaM bR^ihataH pAjasaspari vayaM jIvAH prati pashyema sUrya || 10\.037\.08 yasya te vishvA bhuvanAni ketunA pra cherate ni cha vishante aktubhiH | anAgAstvena harikesha sUryAhnAhnA no vasyasAvasyasodihi || 10\.037\.09 shaM no bhava chakShasA shaM no ahnA shaM bhAnunA shaM himA shaM ghR^iNena | yathA shamadhva~nChamasadduroNe tatsUrya draviNaM dhehi chitram || 10\.037\.10 asmAkaM devA ubhayAya janmane sharma yachChata dvipade chatuShpade | adatpibadUrjayamAnamAshitaM tadasme shaM yorarapo dadhAtana || 10\.037\.11 yadvo devAshchakR^ima jihvayA guru manaso vA prayutI devaheLanam | arAvA yo no abhi duchChunAyate tasmintadeno vasavo ni dhetana || 10\.037\.12 asminna indra pR^itsutau yashasvati shimIvati krandasi prAva sAtaye | yatra goShAtA dhR^iShiteShu khAdiShu viShvakpatanti didyavo nR^iShAhye || 10\.038\.01 sa naH kShumantaM sadane vyUrNuhi go/arNasaM rayimindra shravAyyam | syAma te jayataH shakra medino yathA vayamushmasi tadvaso kR^idhi || 10\.038\.02 yo no dAsa Aryo vA puruShTutAdeva indra yudhaye chiketati | asmAbhiShTe suShahAH santu shatravastvayA vayaM tAnvanuyAma saMgame || 10\.038\.03 yo dabhrebhirhavyo yashcha bhUribhiryo abhIke varivovinnR^iShAhye | taM vikhAde sasnimadya shrutaM naramarvA~nchamindramavase karAmahe || 10\.038\.04 svavR^ijaM hi tvAmahamindra shushravAnAnudaM vR^iShabha radhrachodanam | pra mu~nchasva pari kutsAdihA gahi kimu tvAvAnmuShkayorbaddha Asate || 10\.038\.05 yo vAM parijmA suvR^idashvinA ratho doShAmuShAso havyo haviShmatA | shashvattamAsastamu vAmidaM vayaM piturna nAma suhavaM havAmahe || 10\.039\.01 chodayataM sUnR^itAH pinvataM dhiya utpuraMdhIrIrayataM tadushmasi | yashasaM bhAgaM kR^iNutaM no ashvinA somaM na chAruM maghavatsu naskR^itam || 10\.039\.02 amAjurashchidbhavatho yuvaM bhago.anAshoshchidavitArApamasya chit | andhasya chinnAsatyA kR^ishasya chidyuvAmidAhurbhiShajA rutasya chit || 10\.039\.03 yuvaM chyavAnaM sanayaM yathA rathaM punaryuvAnaM charathAya takShathuH | niShTaugryamUhathuradbhyaspari vishvettA vAM savaneShu pravAchyA || 10\.039\.04 purANA vAM vIryA pra bravA jane.atho hAsathurbhiShajA mayobhuvA | tA vAM nu navyAvavase karAmahe.ayaM nAsatyA shradariryathA dadhat || 10\.039\.05 iyaM vAmahve shR^iNutaM me ashvinA putrAyeva pitarA mahyaM shikShatam | anApiraj~nA asajAtyAmatiH purA tasyA abhishasterava spR^itam || 10\.039\.06 yuvaM rathena vimadAya shundhyuvaM nyUhathuH purumitrasya yoShaNAm | yuvaM havaM vadhrimatyA agachChataM yuvaM suShutiM chakrathuH puraMdhaye || 10\.039\.07 yuvaM viprasya jaraNAmupeyuShaH punaH kalerakR^iNutaM yuvadvayaH | yuvaM vandanamR^ishyadAdudUpathuryuvaM sadyo vishpalAmetave kR^ithaH || 10\.039\.08 yuvaM ha rebhaM vR^iShaNA guhA hitamudairayataM mamR^ivAMsamashvinA | yuvamR^ibIsamuta taptamatraya omanvantaM chakrathuH saptavadhraye || 10\.039\.09 yuvaM shvetaM pedave.ashvinAshvaM navabhirvAjairnavatI cha vAjinam | charkR^ityaM dadathurdrAvayatsakhaM bhagaM na nR^ibhyo havyaM mayobhuvam || 10\.039\.10 na taM rAjAnAvadite kutashchana nAMho ashnoti duritaM nakirbhayam | yamashvinA suhavA rudravartanI purorathaM kR^iNuthaH patnyA saha || 10\.039\.11 A tena yAtaM manaso javIyasA rathaM yaM vAmR^ibhavashchakrurashvinA | yasya yoge duhitA jAyate diva ubhe ahanI sudine vivasvataH || 10\.039\.12 tA vartiryAtaM jayuShA vi parvatamapinvataM shayave dhenumashvinA | vR^ikasya chidvartikAmantarAsyAdyuvaM shachIbhirgrasitAmamu~nchatam || 10\.039\.13 etaM vAM stomamashvinAvakarmAtakShAma bhR^igavo na ratham | nyamR^ikShAma yoShaNAM na marye nityaM na sUnuM tanayaM dadhAnAH || 10\.039\.14 rathaM yAntaM kuha ko ha vAM narA prati dyumantaM suvitAya bhUShati | prAtaryAvANaM vibhvaM vishevishe vastorvastorvahamAnaM dhiyA shami || 10\.040\.01 kuha sviddoShA kuha vastorashvinA kuhAbhipitvaM karataH kuhoShatuH | ko vAM shayutrA vidhaveva devaraM maryaM na yoShA kR^iNute sadhastha A || 10\.040\.02 prAtarjarethe jaraNeva kApayA vastorvastoryajatA gachChatho gR^iham | kasya dhvasrA bhavathaH kasya vA narA rAjaputreva savanAva gachChathaH || 10\.040\.03 yuvAM mR^igeva vAraNA mR^igaNyavo doShA vastorhaviShA ni hvayAmahe | yuvaM hotrAmR^ituthA juhvate nareShaM janAya vahathaH shubhaspatI || 10\.040\.04 yuvAM ha ghoShA paryashvinA yatI rAj~na Uche duhitA pR^ichChe vAM narA | bhUtaM me ahna uta bhUtamaktave.ashvAvate rathine shaktamarvate || 10\.040\.05 yuvaM kavI ShThaH paryashvinA rathaM visho na kutso jariturnashAyathaH | yuvorha makShA paryashvinA madhvAsA bharata niShkR^itaM na yoShaNA || 10\.040\.06 yuvaM ha bhujyuM yuvamashvinA vashaM yuvaM shi~njAramushanAmupArathuH | yuvo rarAvA pari sakhyamAsate yuvorahamavasA sumnamA chake || 10\.040\.07 yuvaM ha kR^ishaM yuvamashvinA shayuM yuvaM vidhantaM vidhavAmuruShyathaH | yuvaM sanibhyaH stanayantamashvinApa vrajamUrNuthaH saptAsyam || 10\.040\.08 janiShTa yoShA patayatkanInako vi chAruhanvIrudho daMsanA anu | Asmai rIyante nivaneva sindhavo.asmA ahne bhavati tatpatitvanam || 10\.040\.09 jIvaM rudanti vi mayante adhvare dIrghAmanu prasitiM dIdhiyurnaraH | vAmaM pitR^ibhyo ya idaM samerire mayaH patibhyo janayaH pariShvaje || 10\.040\.10 na tasya vidma tadu Shu pra vochata yuvA ha yadyuvatyAH kSheti yoniShu | priyosriyasya vR^iShabhasya retino gR^ihaM gamemAshvinA tadushmasi || 10\.040\.11 A vAmagansumatirvAjinIvasU nyashvinA hR^itsu kAmA ayaMsata | abhUtaM gopA mithunA shubhaspatI priyA aryamNo duryA.N ashImahi || 10\.040\.12 tA mandasAnA manuSho duroNa A dhattaM rayiM sahavIraM vachasyave | kR^itaM tIrthaM suprapANaM shubhaspatI sthANuM patheShThAmapa durmatiM hatam || 10\.040\.13 kva svidadya katamAsvashvinA vikShu dasrA mAdayete shubhaspatI | ka IM ni yeme katamasya jagmaturviprasya vA yajamAnasya vA gR^iham || 10\.040\.14 samAnamu tyaM puruhUtamukthyaM rathaM trichakraM savanA ganigmatam | parijmAnaM vidathyaM suvR^iktibhirvayaM vyuShTA uShaso havAmahe || 10\.041\.01 prAtaryujaM nAsatyAdhi tiShThathaH prAtaryAvANaM madhuvAhanaM ratham | visho yena gachChatho yajvarIrnarA kIreshchidyaj~naM hotR^imantamashvinA || 10\.041\.02 adhvaryuM vA madhupANiM suhastyamagnidhaM vA dhR^itadakShaM damUnasam | viprasya vA yatsavanAni gachChatho.ata A yAtaM madhupeyamashvinA || 10\.041\.03 asteva su prataraM lAyamasyanbhUShanniva pra bharA stomamasmai | vAchA viprAstarata vAchamaryo ni rAmaya jaritaH soma indram || 10\.042\.01 dohena gAmupa shikShA sakhAyaM pra bodhaya jaritarjAramindram | koshaM na pUrNaM vasunA nyR^iShTamA chyAvaya maghadeyAya shUram || 10\.042\.02 kima~Nga tvA maghavanbhojamAhuH shishIhi mA shishayaM tvA shR^iNomi | apnasvatI mama dhIrastu shakra vasuvidaM bhagamindrA bharA naH || 10\.042\.03 tvAM janA mamasatyeShvindra saMtasthAnA vi hvayante samIke | atrA yujaM kR^iNute yo haviShmAnnAsunvatA sakhyaM vaShTi shUraH || 10\.042\.04 dhanaM na syandraM bahulaM yo asmai tIvrAnsomA.N Asunoti prayasvAn | tasmai shatrUnsutukAnprAtarahno ni svaShTrAnyuvati hanti vR^itram || 10\.042\.05 yasminvayaM dadhimA shaMsamindre yaH shishrAya maghavA kAmamasme | ArAchchitsanbhayatAmasya shatrurnyasmai dyumnA janyA namantAm || 10\.042\.06 ArAchChatrumapa bAdhasva dUramugro yaH shambaH puruhUta tena | asme dhehi yavamadgomadindra kR^idhI dhiyaM jaritre vAjaratnAm || 10\.042\.07 pra yamantarvR^iShasavAso agmantIvrAH somA bahulAntAsa indram | nAha dAmAnaM maghavA ni yaMsanni sunvate vahati bhUri vAmam || 10\.042\.08 uta prahAmatidIvyA jayAti kR^itaM yachChvaghnI vichinoti kAle | yo devakAmo na dhanA ruNaddhi samittaM rAyA sR^ijati svadhAvAn || 10\.042\.09 gobhiShTaremAmatiM durevAM yavena kShudhaM puruhUta vishvAm | vayaM rAjabhiH prathamA dhanAnyasmAkena vR^ijanenA jayema || 10\.042\.10 bR^ihaspatirnaH pari pAtu pashchAdutottarasmAdadharAdaghAyoH | indraH purastAduta madhyato naH sakhA sakhibhyo varivaH kR^iNotu || 10\.042\.11 achChA ma indraM matayaH svarvidaH sadhrIchIrvishvA ushatIranUShata | pari Shvajante janayo yathA patiM maryaM na shundhyuM maghavAnamUtaye || 10\.043\.01 na ghA tvadrigapa veti me manastve itkAmaM puruhUta shishraya | rAjeva dasma ni Shado.adhi barhiShyasminsu some.avapAnamastu te || 10\.043\.02 viShUvR^idindro amateruta kShudhaH sa idrAyo maghavA vasva Ishate | tasyedime pravaNe sapta sindhavo vayo vardhanti vR^iShabhasya shuShmiNaH || 10\.043\.03 vayo na vR^ikShaM supalAshamAsadansomAsa indraM mandinashchamUShadaH | praiShAmanIkaM shavasA davidyutadvidatsvarmanave jyotirAryam || 10\.043\.04 kR^itaM na shvaghnI vi chinoti devane saMvargaM yanmaghavA sUryaM jayat | na tatte anyo anu vIryaM shakanna purANo maghavannota nUtanaH || 10\.043\.05 vishaMvishaM maghavA paryashAyata janAnAM dhenA avachAkashadvR^iShA | yasyAha shakraH savaneShu raNyati sa tIvraiH somaiH sahate pR^itanyataH || 10\.043\.06 Apo na sindhumabhi yatsamakSharansomAsa indraM kulyA iva hradam | vardhanti viprA maho asya sAdane yavaM na vR^iShTirdivyena dAnunA || 10\.043\.07 vR^iShA na kruddhaH patayadrajassvA yo aryapatnIrakR^iNodimA apaH | sa sunvate maghavA jIradAnave.avindajjyotirmanave haviShmate || 10\.043\.08 ujjAyatAM parashurjyotiShA saha bhUyA R^itasya sudughA purANavat | vi rochatAmaruSho bhAnunA shuchiH svarNa shukraM shushuchIta satpatiH || 10\.043\.09 gobhiShTaremAmatiM durevAM yavena kShudhaM puruhUta vishvAm | vayaM rAjabhiH prathamA dhanAnyasmAkena vR^ijanenA jayema || 10\.043\.10 bR^ihaspatirnaH pari pAtu pashchAdutottarasmAdadharAdaghAyoH | indraH purastAduta madhyato naH sakhA sakhibhyo varivaH kR^iNotu || 10\.043\.11 A yAtvindraH svapatirmadAya yo dharmaNA tUtujAnastuviShmAn | pratvakShANo ati vishvA sahAMsyapAreNa mahatA vR^iShNyena || 10\.044\.01 suShThAmA rathaH suyamA harI te mimyakSha vajro nR^ipate gabhastau | shIbhaM rAjansupathA yAhyarvA~NvardhAma te papuSho vR^iShNyAni || 10\.044\.02 endravAho nR^ipatiM vajrabAhumugramugrAsastaviShAsa enam | pratvakShasaM vR^iShabhaM satyashuShmamemasmatrA sadhamAdo vahantu || 10\.044\.03 evA patiM droNasAchaM sachetasamUrjaH skambhaM dharuNa A vR^iShAyase | ojaH kR^iShva saM gR^ibhAya tve apyaso yathA kenipAnAmino vR^idhe || 10\.044\.04 gamannasme vasUnyA hi shaMsiShaM svAshiShaM bharamA yAhi sominaH | tvamIshiShe sAsminnA satsi barhiShyanAdhR^iShyA tava pAtrANi dharmaNA || 10\.044\.05 pR^ithakprAyanprathamA devahUtayo.akR^iNvata shravasyAni duShTarA | na ye shekuryaj~niyAM nAvamAruhamIrmaiva te nyavishanta kepayaH || 10\.044\.06 evaivApAgapare santu dUDhyo.ashvA yeShAM duryuja Ayuyujre | itthA ye prAgupare santi dAvane purUNi yatra vayunAni bhojanA || 10\.044\.07 girI.NrajrAnrejamAnA.N adhArayaddyauH krandadantarikShANi kopayat | samIchIne dhiShaNe vi ShkabhAyati vR^iShNaH pItvA mada ukthAni shaMsati || 10\.044\.08 imaM bibharmi sukR^itaM te a~NkushaM yenArujAsi maghava~nChaphArujaH | asminsu te savane astvokyaM suta iShTau maghavanbodhyAbhagaH || 10\.044\.09 gobhiShTaremAmatiM durevAM yavena kShudhaM puruhUta vishvAm | vayaM rAjabhiH prathamA dhanAnyasmAkena vR^ijanenA jayema || 10\.044\.10 bR^ihaspatirnaH pari pAtu pashchAdutottarasmAdadharAdaghAyoH | indraH purastAduta madhyato naH sakhA sakhibhyo varivaH kR^iNotu || 10\.044\.11 divaspari prathamaM jaj~ne agnirasmaddvitIyaM pari jAtavedAH | tR^itIyamapsu nR^imaNA ajasramindhAna enaM jarate svAdhIH || 10\.045\.01 vidmA te agne tredhA trayANi vidmA te dhAma vibhR^itA purutrA | vidmA te nAma paramaM guhA yadvidmA tamutsaM yata Ajagantha || 10\.045\.02 samudre tvA nR^imaNA apsvantarnR^ichakShA Idhe divo agna Udhan | tR^itIye tvA rajasi tasthivAMsamapAmupasthe mahiShA avardhan || 10\.045\.03 akrandadagniH stanayanniva dyauH kShAmA rerihadvIrudhaH sama~njan | sadyo jaj~nAno vi hImiddho akhyadA rodasI bhAnunA bhAtyantaH || 10\.045\.04 shrINAmudAro dharuNo rayINAM manIShANAM prArpaNaH somagopAH | vasuH sUnuH sahaso apsu rAjA vi bhAtyagra uShasAmidhAnaH || 10\.045\.05 vishvasya keturbhuvanasya garbha A rodasI apR^iNAjjAyamAnaH | vILuM chidadrimabhinatparAya~njanA yadagnimayajanta pa~ncha || 10\.045\.06 ushikpAvako aratiH sumedhA marteShvagniramR^ito ni dhAyi | iyarti dhUmamaruShaM bharibhraduchChukreNa shochiShA dyAminakShan || 10\.045\.07 dR^ishAno rukma urviyA vyadyauddurmarShamAyuH shriye ruchAnaH | agniramR^ito abhavadvayobhiryadenaM dyaurjanayatsuretAH || 10\.045\.08 yaste adya kR^iNavadbhadrashoche.apUpaM deva ghR^itavantamagne | pra taM naya prataraM vasyo achChAbhi sumnaM devabhaktaM yaviShTha || 10\.045\.09 A taM bhaja saushravaseShvagna ukthauktha A bhaja shasyamAne | priyaH sUrye priyo agnA bhavAtyujjAtena bhinadadujjanitvaiH || 10\.045\.10 tvAmagne yajamAnA anu dyUnvishvA vasu dadhire vAryANi | tvayA saha draviNamichChamAnA vrajaM gomantamushijo vi vavruH || 10\.045\.11 astAvyagnirnarAM sushevo vaishvAnara R^iShibhiH somagopAH | adveShe dyAvApR^ithivI huvema devA dhatta rayimasme suvIram || 10\.045\.12 pra hotA jAto mahAnnabhovinnR^iShadvA sIdadapAmupasthe | dadhiryo dhAyi sa te vayAMsi yantA vasUni vidhate tanUpAH || 10\.046\.01 imaM vidhanto apAM sadhasthe pashuM na naShTaM padairanu gman | guhA chatantamushijo namobhirichChanto dhIrA bhR^igavo.avindan || 10\.046\.02 imaM trito bhUryavindadichChanvaibhUvaso mUrdhanyaghnyAyAH | sa shevR^idho jAta A harmyeShu nAbhiryuvA bhavati rochanasya || 10\.046\.03 mandraM hotAramushijo namobhiH prA~nchaM yaj~naM netAramadhvarANAm | vishAmakR^iNvannaratiM pAvakaM havyavAhaM dadhato mAnuSheShu || 10\.046\.04 pra bhUrjayantaM mahAM vipodhAM mUrA amUraM purAM darmANam | nayanto garbhaM vanAM dhiyaM dhurhirishmashruM nArvANaM dhanarcham || 10\.046\.05 ni pastyAsu tritaH stabhUyanparivIto yonau sIdadantaH | ataH saMgR^ibhyA vishAM damUnA vidharmaNAyantrairIyate nR^In || 10\.046\.06 asyAjarAso damAmaritrA archaddhUmAso agnayaH pAvakAH | shvitIchayaH shvAtrAso bhuraNyavo vanarShado vAyavo na somAH || 10\.046\.07 pra jihvayA bharate vepo agniH pra vayunAni chetasA pR^ithivyAH | tamAyavaH shuchayantaM pAvakaM mandraM hotAraM dadhire yajiShTham || 10\.046\.08 dyAvA yamagniM pR^ithivI janiShTAmApastvaShTA bhR^igavo yaM sahobhiH | ILenyaM prathamaM mAtarishvA devAstatakShurmanave yajatram || 10\.046\.09 yaM tvA devA dadhire havyavAhaM puruspR^iho mAnuShAso yajatram | sa yAmannagne stuvate vayo dhAH pra devayanyashasaH saM hi pUrvIH || 10\.046\.10 jagR^ibhmA te dakShiNamindra hastaM vasUyavo vasupate vasUnAm | vidmA hi tvA gopatiM shUra gonAmasmabhyaM chitraM vR^iShaNaM rayiM dAH || 10\.047\.01 svAyudhaM svavasaM sunIthaM chatuHsamudraM dharuNaM rayINAm | charkR^ityaM shaMsyaM bhUrivAramasmabhyaM chitraM vR^iShaNaM rayiM dAH || 10\.047\.02 subrahmANaM devavantaM bR^ihantamuruM gabhIraM pR^ithubudhnamindra | shrutaR^iShimugramabhimAtiShAhamasmabhyaM chitraM vR^iShaNaM rayiM dAH || 10\.047\.03 sanadvAjaM vipravIraM tarutraM dhanaspR^itaM shUshuvAMsaM sudakSham | dasyuhanaM pUrbhidamindra satyamasmabhyaM chitraM vR^iShaNaM rayiM dAH || 10\.047\.04 ashvAvantaM rathinaM vIravantaM sahasriNaM shatinaM vAjamindra | bhadravrAtaM vipravIraM svarShAmasmabhyaM chitraM vR^iShaNaM rayiM dAH || 10\.047\.05 pra saptagumR^itadhItiM sumedhAM bR^ihaspatiM matirachChA jigAti | ya A~Ngiraso namasopasadyo.asmabhyaM chitraM vR^iShaNaM rayiM dAH || 10\.047\.06 vanIvAno mama dUtAsa indraM stomAshcharanti sumatIriyAnAH | hR^idispR^isho manasA vachyamAnA asmabhyaM chitraM vR^iShaNaM rayiM dAH || 10\.047\.07 yattvA yAmi daddhi tanna indra bR^ihantaM kShayamasamaM janAnAm | abhi taddyAvApR^ithivI gR^iNItAmasmabhyaM chitraM vR^iShaNaM rayiM dAH || 10\.047\.08 ahaM bhuvaM vasunaH pUrvyaspatirahaM dhanAni saM jayAmi shashvataH | mAM havante pitaraM na jantavo.ahaM dAshuShe vi bhajAmi bhojanam || 10\.048\.01 ahamindro rodho vakSho atharvaNastritAya gA ajanayamaheradhi | ahaM dasyubhyaH pari nR^imNamA dade gotrA shikShandadhIche mAtarishvane || 10\.048\.02 mahyaM tvaShTA vajramatakShadAyasaM mayi devAso.avR^ijannapi kratum | mamAnIkaM sUryasyeva duShTaraM mAmAryanti kR^itena kartvena cha || 10\.048\.03 ahametaM gavyayamashvyaM pashuM purIShiNaM sAyakenA hiraNyayam | purU sahasrA ni shishAmi dAshuShe yanmA somAsa ukthino amandiShuH || 10\.048\.04 ahamindro na parA jigya iddhanaM na mR^ityave.ava tasthe kadA chana | somaminmA sunvanto yAchatA vasu na me pUravaH sakhye riShAthana || 10\.048\.05 ahametA~nChAshvasato dvAdvendraM ye vajraM yudhaye.akR^iNvata | AhvayamAnA.N ava hanmanAhanaM dR^iLhA vadannanamasyurnamasvinaH || 10\.048\.06 abhIdamekameko asmi niShShALabhI dvA kimu trayaH karanti | khale na parShAnprati hanmi bhUri kiM mA nindanti shatravo.anindrAH || 10\.048\.07 ahaM gu~Ngubhyo atithigvamiShkaramiShaM na vR^itraturaM vikShu dhArayam | yatparNayaghna uta vA kara~njahe prAhaM mahe vR^itrahatye ashushravi || 10\.048\.08 pra me namI sApya iShe bhuje bhUdgavAmeShe sakhyA kR^iNuta dvitA | didyuM yadasya samitheShu maMhayamAdidenaM shaMsyamukthyaM karam || 10\.048\.09 pra nemasmindadR^ishe somo antargopA nemamAvirasthA kR^iNoti | sa tigmashR^i~NgaM vR^iShabhaM yuyutsandruhastasthau bahule baddho antaH || 10\.048\.10 AdityAnAM vasUnAM rudriyANAM devo devAnAM na minAmi dhAma | te mA bhadrAya shavase tatakShuraparAjitamastR^itamaShALham || 10\.048\.11 ahaM dAM gR^iNate pUrvyaM vasvahaM brahma kR^iNavaM mahyaM vardhanam | ahaM bhuvaM yajamAnasya choditAyajvanaH sAkShi vishvasminbhare || 10\.049\.01 mAM dhurindraM nAma devatA divashcha gmashchApAM cha jantavaH | ahaM harI vR^iShaNA vivratA raghU ahaM vajraM shavase dhR^iShNvA dade || 10\.049\.02 ahamatkaM kavaye shishnathaM hathairahaM kutsamAvamAbhirUtibhiH | ahaM shuShNasya shnathitA vadharyamaM na yo rara AryaM nAma dasyave || 10\.049\.03 ahaM piteva vetasU.NrabhiShTaye tugraM kutsAya smadibhaM cha randhayam | ahaM bhuvaM yajamAnasya rAjani pra yadbhare tujaye na priyAdhR^iShe || 10\.049\.04 ahaM randhayaM mR^igayaM shrutarvaNe yanmAjihIta vayunA chanAnuShak | ahaM veshaM namramAyave.akaramahaM savyAya paDgR^ibhimarandhayam || 10\.049\.05 ahaM sa yo navavAstvaM bR^ihadrathaM saM vR^itreva dAsaM vR^itrahArujam | yadvardhayantaM prathayantamAnuShagdUre pAre rajaso rochanAkaram || 10\.049\.06 ahaM sUryasya pari yAmyAshubhiH praitashebhirvahamAna ojasA | yanmA sAvo manuSha Aha nirNija R^idhakkR^iShe dAsaM kR^itvyaM hathaiH || 10\.049\.07 ahaM saptahA nahuSho nahuShTaraH prAshrAvayaM shavasA turvashaM yadum | ahaM nyanyaM sahasA sahaskaraM nava vrAdhato navatiM cha vakShayam || 10\.049\.08 ahaM sapta sravato dhArayaM vR^iShA dravitnvaH pR^ithivyAM sIrA adhi | ahamarNAMsi vi tirAmi sukraturyudhA vidaM manave gAtumiShTaye || 10\.049\.09 ahaM tadAsu dhArayaM yadAsu na devashchana tvaShTAdhArayadrushat | spArhaM gavAmUdhassu vakShaNAsvA madhormadhu shvAtryaM somamAshiram || 10\.049\.10 evA devA.N indro vivye nR^Inpra chyautnena maghavA satyarAdhAH | vishvettA te harivaH shachIvo.abhi turAsaH svayasho gR^iNanti || 10\.049\.11 pra vo mahe mandamAnAyAndhaso.archA vishvAnarAya vishvAbhuve | indrasya yasya sumakhaM saho mahi shravo nR^imNaM cha rodasI saparyataH || 10\.050\.01 so chinnu sakhyA narya inaH stutashcharkR^itya indro mAvate nare | vishvAsu dhUrShu vAjakR^ityeShu satpate vR^itre vApsvabhi shUra mandase || 10\.050\.02 ke te nara indra ye ta iShe ye te sumnaM sadhanyamiyakShAn | ke te vAjAyAsuryAya hinvire ke apsu svAsUrvarAsu pauMsye || 10\.050\.03 bhuvastvamindra brahmaNA mahAnbhuvo vishveShu savaneShu yaj~niyaH | bhuvo nR^I.Nshchyautno vishvasminbhare jyeShThashcha mantro vishvacharShaNe || 10\.050\.04 avA nu kaM jyAyAnyaj~navanaso mahIM ta omAtrAM kR^iShTayo viduH | aso nu kamajaro vardhAshcha vishvedetA savanA tUtumA kR^iShe || 10\.050\.05 etA vishvA savanA tUtumA kR^iShe svayaM sUno sahaso yAni dadhiShe | varAya te pAtraM dharmaNe tanA yaj~no mantro brahmodyataM vachaH || 10\.050\.06 ye te vipra brahmakR^itaH sute sachA vasUnAM cha vasunashcha dAvane | pra te sumnasya manasA pathA bhuvanmade sutasya somyasyAndhasaH || 10\.050\.07 mahattadulbaM sthaviraM tadAsIdyenAviShTitaH praviveshithApaH | vishvA apashyadbahudhA te agne jAtavedastanvo deva ekaH || 10\.051\.01 ko mA dadarsha katamaH sa devo yo me tanvo bahudhA paryapashyat | kvAha mitrAvaruNA kShiyantyagnervishvAH samidho devayAnIH || 10\.051\.02 aichChAma tvA bahudhA jAtavedaH praviShTamagne apsvoShadhIShu | taM tvA yamo achikechchitrabhAno dashAntaruShyAdatirochamAnam || 10\.051\.03 hotrAdahaM varuNa bibhyadAyaM nedeva mA yunajannatra devAH | tasya me tanvo bahudhA niviShTA etamarthaM na chiketAhamagniH || 10\.051\.04 ehi manurdevayuryaj~nakAmo.araMkR^ityA tamasi kSheShyagne | sugAnpathaH kR^iNuhi devayAnAnvaha havyAni sumanasyamAnaH || 10\.051\.05 agneH pUrve bhrAtaro arthametaM rathIvAdhvAnamanvAvarIvuH | tasmAdbhiyA varuNa dUramAyaM gauro na kShepnoravije jyAyAH || 10\.051\.06 kurmasta AyurajaraM yadagne yathA yukto jAtavedo na riShyAH | athA vahAsi sumanasyamAno bhAgaM devebhyo haviShaH sujAta || 10\.051\.07 prayAjAnme anuyAjA.Nshcha kevalAnUrjasvantaM haviSho datta bhAgam | ghR^itaM chApAM puruShaM chauShadhInAmagneshcha dIrghamAyurastu devAH || 10\.051\.08 tava prayAjA anuyAjAshcha kevala Urjasvanto haviShaH santu bhAgAH | tavAgne yaj~no.ayamastu sarvastubhyaM namantAM pradishashchatasraH || 10\.051\.09 vishve devAH shAstana mA yatheha hotA vR^ito manavai yanniShadya | pra me brUta bhAgadheyaM yathA vo yena pathA havyamA vo vahAni || 10\.052\.01 ahaM hotA nyasIdaM yajIyAnvishve devA maruto mA junanti | aharaharashvinAdhvaryavaM vAM brahmA samidbhavati sAhutirvAm || 10\.052\.02 ayaM yo hotA kiru sa yamasya kamapyUhe yatsama~njanti devAH | aharaharjAyate mAsimAsyathA devA dadhire havyavAham || 10\.052\.03 mAM devA dadhire havyavAhamapamluktaM bahu kR^ichChrA charantam | agnirvidvAnyaj~naM naH kalpayAti pa~nchayAmaM trivR^itaM saptatantum || 10\.052\.04 A vo yakShyamR^itatvaM suvIraM yathA vo devA varivaH karANi | A bAhvorvajramindrasya dheyAmathemA vishvAH pR^itanA jayAti || 10\.052\.05 trINi shatA trI sahasrANyagniM triMshachcha devA nava chAsaparyan | aukShanghR^itairastR^iNanbarhirasmA AdiddhotAraM nyasAdayanta || 10\.052\.06 yamaichChAma manasA so.ayamAgAdyaj~nasya vidvAnparuShashchikitvAn | sa no yakShaddevatAtA yajIyAnni hi ShatsadantaraH pUrvo asmat || 10\.053\.01 arAdhi hotA niShadA yajIyAnabhi prayAMsi sudhitAni hi khyat | yajAmahai yaj~niyAnhanta devA.N ILAmahA IDyA.N Ajyena || 10\.053\.02 sAdhvImakardevavItiM no adya yaj~nasya jihvAmavidAma guhyAm | sa AyurAgAtsurabhirvasAno bhadrAmakardevahUtiM no adya || 10\.053\.03 tadadya vAchaH prathamaM masIya yenAsurA.N abhi devA asAma | UrjAda uta yaj~niyAsaH pa~ncha janA mama hotraM juShadhvam || 10\.053\.04 pa~ncha janA mama hotraM juShantAM gojAtA uta ye yaj~niyAsaH | pR^ithivI naH pArthivAtpAtvaMhaso.antarikShaM divyAtpAtvasmAn || 10\.053\.05 tantuM tanvanrajaso bhAnumanvihi jyotiShmataH patho rakSha dhiyA kR^itAn | anulbaNaM vayata joguvAmapo manurbhava janayA daivyaM janam || 10\.053\.06 akShAnaho nahyatanota somyA iShkR^iNudhvaM rashanA ota piMshata | aShTAvandhuraM vahatAbhito rathaM yena devAso anayannabhi priyam || 10\.053\.07 ashmanvatI rIyate saM rabhadhvamuttiShThata pra taratA sakhAyaH | atrA jahAma ye asannashevAH shivAnvayamuttaremAbhi vAjAn || 10\.053\.08 tvaShTA mAyA vedapasAmapastamo bibhratpAtrA devapAnAni shaMtamA | shishIte nUnaM parashuM svAyasaM yena vR^ishchAdetasho brahmaNaspatiH || 10\.053\.09 sato nUnaM kavayaH saM shishIta vAshIbhiryAbhiramR^itAya takShatha | vidvAMsaH padA guhyAni kartana yena devAso amR^itatvamAnashuH || 10\.053\.10 garbhe yoShAmadadhurvatsamAsanyapIchyena manasota jihvayA | sa vishvAhA sumanA yogyA abhi siShAsanirvanate kAra ijjitim || 10\.053\.11 tAM su te kIrtiM maghavanmahitvA yattvA bhIte rodasI ahvayetAm | prAvo devA.N Atiro dAsamojaH prajAyai tvasyai yadashikSha indra || 10\.054\.01 yadacharastanvA vAvR^idhAno balAnIndra prabruvANo janeShu | mAyetsA te yAni yuddhAnyAhurnAdya shatruM nanu purA vivitse || 10\.054\.02 ka u nu te mahimanaH samasyAsmatpUrva R^iShayo.antamApuH | yanmAtaraM cha pitaraM cha sAkamajanayathAstanvaH svAyAH || 10\.054\.03 chatvAri te asuryANi nAmAdAbhyAni mahiShasya santi | tvama~Nga tAni vishvAni vitse yebhiH karmANi maghava~nchakartha || 10\.054\.04 tvaM vishvA dadhiShe kevalAni yAnyAviryA cha guhA vasUni | kAmaminme maghavanmA vi tArIstvamAj~nAtA tvamindrAsi dAtA || 10\.054\.05 yo adadhAjjyotiShi jyotirantaryo asR^ijanmadhunA saM madhUni | adha priyaM shUShamindrAya manma brahmakR^ito bR^ihadukthAdavAchi || 10\.054\.06 dUre tannAma guhyaM parAchairyattvA bhIte ahvayetAM vayodhai | udastabhnAH pR^ithivIM dyAmabhIke bhrAtuH putrAnmaghavantitviShANaH || 10\.055\.01 mahattannAma guhyaM puruspR^igyena bhUtaM janayo yena bhavyam | pratnaM jAtaM jyotiryadasya priyaM priyAH samavishanta pa~ncha || 10\.055\.02 A rodasI apR^iNAdota madhyaM pa~ncha devA.N R^itushaH saptasapta | chatustriMshatA purudhA vi chaShTe sarUpeNa jyotiShA vivratena || 10\.055\.03 yaduSha auchChaH prathamA vibhAnAmajanayo yena puShTasya puShTam | yatte jAmitvamavaraM parasyA mahanmahatyA asuratvamekam || 10\.055\.04 vidhuM dadrANaM samane bahUnAM yuvAnaM santaM palito jagAra | devasya pashya kAvyaM mahitvAdyA mamAra sa hyaH samAna || 10\.055\.05 shAkmanA shAko aruNaH suparNa A yo mahaH shUraH sanAdanILaH | yachchiketa satyamittanna moghaM vasu spArhamuta jetota dAtA || 10\.055\.06 aibhirdade vR^iShNyA pauMsyAni yebhiraukShadvR^itrahatyAya vajrI | ye karmaNaH kriyamANasya mahna R^itekarmamudajAyanta devAH || 10\.055\.07 yujA karmANi janayanvishvaujA ashastihA vishvamanAsturAShAT | pItvI somasya diva A vR^idhAnaH shUro niryudhAdhamaddasyUn || 10\.055\.08 idaM ta ekaM para U ta ekaM tR^itIyena jyotiShA saM vishasva | saMveshane tanvashchAruredhi priyo devAnAM parame janitre || 10\.056\.01 tanUShTe vAjintanvaM nayantI vAmamasmabhyaM dhAtu sharma tubhyam | ahruto maho dharuNAya devAndivIva jyotiH svamA mimIyAH || 10\.056\.02 vAjyasi vAjinenA suvenIH suvitaH stomaM suvito divaM gAH | suvito dharma prathamAnu satyA suvito devAnsuvito.anu patma || 10\.056\.03 mahimna eShAM pitarashchaneshire devA deveShvadadhurapi kratum | samavivyachuruta yAnyatviShuraiShAM tanUShu ni vivishuH punaH || 10\.056\.04 sahobhirvishvaM pari chakramU rajaH pUrvA dhAmAnyamitA mimAnAH | tanUShu vishvA bhuvanA ni yemire prAsArayanta purudha prajA anu || 10\.056\.05 dvidhA sUnavo.asuraM svarvidamAsthApayanta tR^itIyena karmaNA | svAM prajAM pitaraH pitryaM saha AvareShvadadhustantumAtatam || 10\.056\.06 nAvA na kShodaH pradishaH pR^ithivyAH svastibhirati durgANi vishvA | svAM prajAM bR^ihaduktho mahitvAvareShvadadhAdA pareShu || 10\.056\.07 mA pra gAma patho vayaM mA yaj~nAdindra sominaH | mAntaH sthurno arAtayaH || 10\.057\.01 yo yaj~nasya prasAdhanastanturdeveShvAtataH | tamAhutaM nashImahi || 10\.057\.02 mano nvA huvAmahe nArAshaMsena somena | pitR^INAM cha manmabhiH || 10\.057\.03 A ta etu manaH punaH kratve dakShAya jIvase | jyokcha sUryaM dR^ishe || 10\.057\.04 punarnaH pitaro mano dadAtu daivyo janaH | jIvaM vrAtaM sachemahi || 10\.057\.05 vayaM soma vrate tava manastanUShu bibhrataH | prajAvantaH sachemahi || 10\.057\.06 yatte yamaM vaivasvataM mano jagAma dUrakam | tatta A vartayAmasIha kShayAya jIvase || 10\.058\.01 yatte divaM yatpR^ithivIM mano jagAma dUrakam | tatta A vartayAmasIha kShayAya jIvase || 10\.058\.02 yatte bhUmiM chaturbhR^iShTiM mano jagAma dUrakam | tatta A vartayAmasIha kShayAya jIvase || 10\.058\.03 yatte chatasraH pradisho mano jagAma dUrakam | tatta A vartayAmasIha kShayAya jIvase || 10\.058\.04 yatte samudramarNavaM mano jagAma dUrakam | tatta A vartayAmasIha kShayAya jIvase || 10\.058\.05 yatte marIchIH pravato mano jagAma dUrakam | tatta A vartayAmasIha kShayAya jIvase || 10\.058\.06 yatte apo yadoShadhIrmano jagAma dUrakam | tatta A vartayAmasIha kShayAya jIvase || 10\.058\.07 yatte sUryaM yaduShasaM mano jagAma dUrakam | tatta A vartayAmasIha kShayAya jIvase || 10\.058\.08 yatte parvatAnbR^ihato mano jagAma dUrakam | tatta A vartayAmasIha kShayAya jIvase || 10\.058\.09 yatte vishvamidaM jaganmano jagAma dUrakam | tatta A vartayAmasIha kShayAya jIvase || 10\.058\.10 yatte parAH parAvato mano jagAma dUrakam | tatta A vartayAmasIha kShayAya jIvase || 10\.058\.11 yatte bhUtaM cha bhavyaM cha mano jagAma dUrakam | tatta A vartayAmasIha kShayAya jIvase || 10\.058\.12 pra tAryAyuH prataraM navIyaH sthAtAreva kratumatA rathasya | adha chyavAna uttavItyarthaM parAtaraM su nirR^itirjihItAm || 10\.059\.01 sAmannu rAye nidhimannvannaM karAmahe su purudha shravAMsi | tA no vishvAni jaritA mamattu parAtaraM su nirR^itirjihItAm || 10\.059\.02 abhI ShvaryaH pauMsyairbhavema dyaurna bhUmiM girayo nAjrAn | tA no vishvAni jaritA chiketa parAtaraM su nirR^itirjihItAm || 10\.059\.03 mo Shu NaH soma mR^ityave parA dAH pashyema nu sUryamuchcharantam | dyubhirhito jarimA sU no astu parAtaraM su nirR^itirjihItAm || 10\.059\.04 asunIte mano asmAsu dhAraya jIvAtave su pra tirA na AyuH | rArandhi naH sUryasya saMdR^ishi ghR^itena tvaM tanvaM vardhayasva || 10\.059\.05 asunIte punarasmAsu chakShuH punaH prANamiha no dhehi bhogam | jyokpashyema sUryamuchcharantamanumate mR^iLayA naH svasti || 10\.059\.06 punarno asuM pR^ithivI dadAtu punardyaurdevI punarantarikSham | punarnaH somastanvaM dadAtu punaH pUShA pathyAM yA svastiH || 10\.059\.07 shaM rodasI subandhave yahvI R^itasya mAtarA | bharatAmapa yadrapo dyauH pR^ithivi kShamA rapo mo Shu te kiM chanAmamat || 10\.059\.08 ava dvake ava trikA divashcharanti bheShajA | kShamA chariShNvekakaM bharatAmapa yadrapo dyauH pR^ithivi kShamA rapo mo Shu te kiM chanAmamat || 10\.059\.09 samindreraya gAmanaDvAhaM ya AvahadushInarANyA anaH | bharatAmapa yadrapo dyauH pR^ithivi kShamA rapo mo Shu te kiM chanAmamat || 10\.059\.10 A janaM tveShasaMdR^ishaM mAhInAnAmupastutam | aganma bibhrato namaH || 10\.060\.01 asamAtiM nitoshanaM tveShaM niyayinaM ratham | bhajerathasya satpatim || 10\.060\.02 yo janAnmahiShA.N ivAtitasthau pavIravAn | utApavIravAnyudhA || 10\.060\.03 yasyekShvAkurupa vrate revAnmarAyyedhate | divIva pa~ncha kR^iShTayaH || 10\.060\.04 indra kShatrAsamAtiShu rathaproShTheShu dhAraya | divIva sUryaM dR^ishe || 10\.060\.05 agastyasya nadbhyaH saptI yunakShi rohitA | paNInnyakramIrabhi vishvAnrAjannarAdhasaH || 10\.060\.06 ayaM mAtAyaM pitAyaM jIvAturAgamat | idaM tava prasarpaNaM subandhavehi nirihi || 10\.060\.07 yathA yugaM varatrayA nahyanti dharuNAya kam | evA dAdhAra te mano jIvAtave na mR^ityave.atho ariShTatAtaye || 10\.060\.08 yatheyaM pR^ithivI mahI dAdhAremAnvanaspatIn | evA dAdhAra te mano jIvAtave na mR^ityave.atho ariShTatAtaye || 10\.060\.09 yamAdahaM vaivasvatAtsubandhormana Abharam | jIvAtave na mR^ityave.atho ariShTatAtaye || 10\.060\.10 nyagvAto.ava vAti nyaktapati sUryaH | nIchInamaghnyA duhe nyagbhavatu te rapaH || 10\.060\.11 ayaM me hasto bhagavAnayaM me bhagavattaraH | ayaM me vishvabheShajo.ayaM shivAbhimarshanaH || 10\.060\.12 idamitthA raudraM gUrtavachA brahma kratvA shachyAmantarAjau | krANA yadasya pitarA maMhaneShThAH parShatpakthe ahannA sapta hotR^In || 10\.061\.01 sa iddAnAya dabhyAya vanva~nchyavAnaH sUdairamimIta vedim | tUrvayANo gUrtavachastamaH kShodo na reta ita/Uti si~nchat || 10\.061\.02 mano na yeShu havaneShu tigmaM vipaH shachyA vanutho dravantA | A yaH sharyAbhistuvinR^imNo asyAshrINItAdishaM gabhastau || 10\.061\.03 kR^iShNA yadgoShvaruNIShu sIdaddivo napAtAshvinA huve vAm | vItaM me yaj~namA gataM me annaM vavanvAMsA neShamasmR^itadhrU || 10\.061\.04 prathiShTa yasya vIrakarmamiShNadanuShThitaM nu naryo apauhat | punastadA vR^ihati yatkanAyA duhiturA anubhR^itamanarvA || 10\.061\.05 madhyA yatkartvamabhavadabhIke kAmaM kR^iNvAne pitari yuvatyAm | manAnagreto jahaturviyantA sAnau niShiktaM sukR^itasya yonau || 10\.061\.06 pitA yatsvAM duhitaramadhiShkankShmayA retaH saMjagmAno ni Shi~nchat | svAdhyo.ajanayanbrahma devA vAstoShpatiM vratapAM niratakShan || 10\.061\.07 sa IM vR^iShA na phenamasyadAjau smadA paraidapa dabhrachetAH | saratpadA na dakShiNA parAvR^i~Nna tA nu me pR^ishanyo jagR^ibhre || 10\.061\.08 makShU na vahniH prajAyA upabdiragniM na nagna upa sIdadUdhaH | sanitedhmaM sanitota vAjaM sa dhartA jaj~ne sahasA yavIyut || 10\.061\.09 makShU kanAyAH sakhyaM navagvA R^itaM vadanta R^itayuktimagman | dvibarhaso ya upa gopamAguradakShiNAso achyutA dudukShan || 10\.061\.10 makShU kanAyAH sakhyaM navIyo rAdho na reta R^itamitturaNyan | shuchi yatte rekNa Ayajanta sabardughAyAH paya usriyAyAH || 10\.061\.11 pashvA yatpashchA viyutA budhanteti bravIti vaktarI rarANaH | vasorvasutvA kAravo.anehA vishvaM viveShTi draviNamupa kShu || 10\.061\.12 tadinnvasya pariShadvAno agmanpurU sadanto nArShadaM bibhitsan | vi shuShNasya saMgrathitamanarvA vidatpuruprajAtasya guhA yat || 10\.061\.13 bhargo ha nAmota yasya devAH svarNa ye triShadhasthe niSheduH | agnirha nAmota jAtavedAH shrudhI no hotarR^itasya hotAdhruk || 10\.061\.14 uta tyA me raudrAvarchimantA nAsatyAvindra gUrtaye yajadhyai | manuShvadvR^iktabarhiShe rarANA mandU hitaprayasA vikShu yajyU || 10\.061\.15 ayaM stuto rAjA vandi vedhA apashcha viprastarati svasetuH | sa kakShIvantaM rejayatso agniM nemiM na chakramarvato raghudru || 10\.061\.16 sa dvibandhurvaitaraNo yaShTA sabardhuM dhenumasvaM duhadhyai | saM yanmitrAvaruNA vR^i~nja ukthairjyeShThebhiraryamaNaM varUthaiH || 10\.061\.17 tadbandhuH sUrirdivi te dhiyaMdhA nAbhAnediShTho rapati pra venan | sA no nAbhiH paramAsya vA ghAhaM tatpashchA katithashchidAsa || 10\.061\.18 iyaM me nAbhiriha me sadhasthamime me devA ayamasmi sarvaH | dvijA aha prathamajA R^itasyedaM dhenuraduhajjAyamAnA || 10\.061\.19 adhAsu mandro aratirvibhAvAva syati dvivartanirvaneShAT | UrdhvA yachChreNirna shishurdanmakShU sthiraM shevR^idhaM sUta mAtA || 10\.061\.20 adhA gAva upamAtiM kanAyA anu shvAntasya kasya chitpareyuH | shrudhi tvaM sudraviNo nastvaM yALAshvaghnasya vAvR^idhe sUnR^itAbhiH || 10\.061\.21 adha tvamindra viddhyasmAnmaho rAye nR^ipate vajrabAhuH | rakShA cha no maghonaH pAhi sUrInanehasaste harivo abhiShTau || 10\.061\.22 adha yadrAjAnA gaviShTau saratsaraNyuH kArave jaraNyuH | vipraH preShThaH sa hyeShAM babhUva parA cha vakShaduta parShadenAn || 10\.061\.23 adhA nvasya jenyasya puShTau vR^ithA rebhanta Imahe tadU nu | saraNyurasya sUnurashvo viprashchAsi shravasashcha sAtau || 10\.061\.24 yuvoryadi sakhyAyAsme shardhAya stomaM jujuShe namasvAn | vishvatra yasminnA giraH samIchIH pUrvIva gAturdAshatsUnR^itAyai || 10\.061\.25 sa gR^iNAno adbhirdevavAniti subandhurnamasA sUktaiH | vardhadukthairvachobhirA hi nUnaM vyadhvaiti payasa usriyAyAH || 10\.061\.26 ta U Shu No maho yajatrA bhUta devAsa Utaye sajoShAH | ye vAjA.N anayatA viyanto ye sthA nichetAro amUrAH || 10\.061\.27 ye yaj~nena dakShiNayA samaktA indrasya sakhyamamR^itatvamAnasha | tebhyo bhadrama~Ngiraso vo astu prati gR^ibhNIta mAnavaM sumedhasaH || 10\.062\.01 ya udAjanpitaro gomayaM vasvR^itenAbhindanparivatsare valam | dIrghAyutvama~Ngiraso vo astu prati gR^ibhNIta mAnavaM sumedhasaH || 10\.062\.02 ya R^itena sUryamArohayandivyaprathayanpR^ithivIM mAtaraM vi | suprajAstvama~Ngiraso vo astu prati gR^ibhNIta mAnavaM sumedhasaH || 10\.062\.03 ayaM nAbhA vadati valgu vo gR^ihe devaputrA R^iShayastachChR^iNotana | subrahmaNyama~Ngiraso vo astu prati gR^ibhNIta mAnavaM sumedhasaH || 10\.062\.04 virUpAsa idR^iShayasta idgambhIravepasaH | te a~NgirasaH sUnavaste agneH pari jaj~nire || 10\.062\.05 ye agneH pari jaj~nire virUpAso divaspari | navagvo nu dashagvo a~Ngirastamo sachA deveShu maMhate || 10\.062\.06 indreNa yujA niH sR^ijanta vAghato vrajaM gomantamashvinam | sahasraM me dadato aShTakarNyaH shravo deveShvakrata || 10\.062\.07 pra nUnaM jAyatAmayaM manustokmeva rohatu | yaH sahasraM shatAshvaM sadyo dAnAya maMhate || 10\.062\.08 na tamashnoti kashchana diva iva sAnvArabham | sAvarNyasya dakShiNA vi sindhuriva paprathe || 10\.062\.09 uta dAsA pariviShe smaddiShTI goparINasA | yadusturvashcha mAmahe || 10\.062\.10 sahasradA grAmaNIrmA riShanmanuH sUryeNAsya yatamAnaitu dakShiNA | sAvarNerdevAH pra tirantvAyuryasminnashrAntA asanAma vAjam || 10\.062\.11 parAvato ye didhiShanta ApyaM manuprItAso janimA vivasvataH | yayAterye nahuShyasya barhiShi devA Asate te adhi bruvantu naH || 10\.063\.01 vishvA hi vo namasyAni vandyA nAmAni devA uta yaj~niyAni vaH | ye stha jAtA aditeradbhyaspari ye pR^ithivyAste ma iha shrutA havam || 10\.063\.02 yebhyo mAtA madhumatpinvate payaH pIyUShaM dyauraditiradribarhAH | ukthashuShmAnvR^iShabharAnsvapnasastA.N AdityA.N anu madA svastaye || 10\.063\.03 nR^ichakShaso animiShanto arhaNA bR^ihaddevAso amR^itatvamAnashuH | jyotIrathA ahimAyA anAgaso divo varShmANaM vasate svastaye || 10\.063\.04 samrAjo ye suvR^idho yaj~namAyayuraparihvR^itA dadhire divi kShayam | tA.N A vivAsa namasA suvR^iktibhirmaho AdityA.N aditiM svastaye || 10\.063\.05 ko vaH stomaM rAdhati yaM jujoShatha vishve devAso manuSho yati ShThana | ko vo.adhvaraM tuvijAtA araM karadyo naH parShadatyaMhaH svastaye || 10\.063\.06 yebhyo hotrAM prathamAmAyeje manuH samiddhAgnirmanasA sapta hotR^ibhiH | ta AdityA abhayaM sharma yachChata sugA naH karta supathA svastaye || 10\.063\.07 ya Ishire bhuvanasya prachetaso vishvasya sthAturjagatashcha mantavaH | te naH kR^itAdakR^itAdenasasparyadyA devAsaH pipR^itA svastaye || 10\.063\.08 bhareShvindraM suhavaM havAmaheM.ahomuchaM sukR^itaM daivyaM janam | agniM mitraM varuNaM sAtaye bhagaM dyAvApR^ithivI marutaH svastaye || 10\.063\.09 sutrAmANaM pR^ithivIM dyAmanehasaM susharmANamaditiM supraNItim | daivIM nAvaM svaritrAmanAgasamasravantImA ruhemA svastaye || 10\.063\.10 vishve yajatrA adhi vochatotaye trAyadhvaM no durevAyA abhihrutaH | satyayA vo devahUtyA huvema shR^iNvato devA avase svastaye || 10\.063\.11 apAmIvAmapa vishvAmanAhutimapArAtiM durvidatrAmaghAyataH | Are devA dveSho asmadyuyotanoru NaH sharma yachChatA svastaye || 10\.063\.12 ariShTaH sa marto vishva edhate pra prajAbhirjAyate dharmaNaspari | yamAdityAso nayathA sunItibhirati vishvAni duritA svastaye || 10\.063\.13 yaM devAso.avatha vAjasAtau yaM shUrasAtA maruto hite dhane | prAtaryAvANaM rathamindra sAnasimariShyantamA ruhemA svastaye || 10\.063\.14 svasti naH pathyAsu dhanvasu svastyapsu vR^ijane svarvati | svasti naH putrakR^itheShu yoniShu svasti rAye maruto dadhAtana || 10\.063\.15 svastiriddhi prapathe shreShThA rekNasvatyabhi yA vAmameti | sA no amA so araNe ni pAtu svAveshA bhavatu devagopA || 10\.063\.16 evA plateH sUnuravIvR^idhadvo vishva AdityA adite manIShI | IshAnAso naro amartyenAstAvi jano divyo gayena || 10\.063\.17 kathA devAnAM katamasya yAmani sumantu nAma shR^iNvatAM manAmahe | ko mR^iLAti katamo no mayaskaratkatama UtI abhyA vavartati || 10\.064\.01 kratUyanti kratavo hR^itsu dhItayo venanti venAH patayantyA dishaH | na marDitA vidyate anya ebhyo deveShu me adhi kAmA ayaMsata || 10\.064\.02 narA vA shaMsaM pUShaNamagohyamagniM deveddhamabhyarchase girA | sUryAmAsA chandramasA yamaM divi tritaM vAtamuShasamaktumashvinA || 10\.064\.03 kathA kavistuvIravAnkayA girA bR^ihaspatirvAvR^idhate suvR^iktibhiH | aja ekapAtsuhavebhirR^ikvabhirahiH shR^iNotu budhnyo havImani || 10\.064\.04 dakShasya vAdite janmani vrate rAjAnA mitrAvaruNA vivAsasi | atUrtapanthAH pururatho aryamA saptahotA viShurUpeShu janmasu || 10\.064\.05 te no arvanto havanashruto havaM vishve shR^iNvantu vAjino mitadravaH | sahasrasA medhasAtAviva tmanA maho ye dhanaM samitheShu jabhrire || 10\.064\.06 pra vo vAyuM rathayujaM puraMdhiM stomaiH kR^iNudhvaM sakhyAya pUShaNam | te hi devasya savituH savImani kratuM sachante sachitaH sachetasaH || 10\.064\.07 triH sapta sasrA nadyo mahIrapo vanaspatInparvatA.N agnimUtaye | kR^ishAnumastR^IntiShyaM sadhastha A rudraM rudreShu rudriyaM havAmahe || 10\.064\.08 sarasvatI sarayuH sindhurUrmibhirmaho mahIravasA yantu vakShaNIH | devIrApo mAtaraH sUdayitnvo ghR^itavatpayo madhumanno archata || 10\.064\.09 uta mAtA bR^ihaddivA shR^iNotu nastvaShTA devebhirjanibhiH pitA vachaH | R^ibhukShA vAjo rathaspatirbhago raNvaH shaMsaH shashamAnasya pAtu naH || 10\.064\.10 raNvaH saMdR^iShTau pitumA.N iva kShayo bhadrA rudrANAM marutAmupastutiH | gobhiH ShyAma yashaso janeShvA sadA devAsa iLayA sachemahi || 10\.064\.11 yAM me dhiyaM maruta indra devA adadAta varuNa mitra yUyam | tAM pIpayata payaseva dhenuM kuvidgiro adhi rathe vahAtha || 10\.064\.12 kuvida~Nga prati yathA chidasya naH sajAtyasya maruto bubodhatha | nAbhA yatra prathamaM saMnasAmahe tatra jAmitvamaditirdadhAtu naH || 10\.064\.13 te hi dyAvApR^ithivI mAtarA mahI devI devA~njanmanA yaj~niye itaH | ubhe bibhR^ita ubhayaM bharImabhiH purU retAMsi pitR^ibhishcha si~nchataH || 10\.064\.14 vi ShA hotrA vishvamashnoti vAryaM bR^ihaspatiraramatiH panIyasI | grAvA yatra madhuShuduchyate bR^ihadavIvashanta matibhirmanIShiNaH || 10\.064\.15 evA kavistuvIravA.N R^itaj~nA draviNasyurdraviNasashchakAnaH | ukthebhiratra matibhishcha vipro.apIpayadgayo divyAni janma || 10\.064\.16 evA plateH sUnuravIvR^idhadvo vishva AdityA adite manIShI | IshAnAso naro amartyenAstAvi jano divyo gayena || 10\.064\.17 agnirindro varuNo mitro aryamA vAyuH pUShA sarasvatI sajoShasaH | AdityA viShNurmarutaH svarbR^ihatsomo rudro aditirbrahmaNaspatiH || 10\.065\.01 indrAgnI vR^itrahatyeShu satpatI mitho hinvAnA tanvA samokasA | antarikShaM mahyA paprurojasA somo ghR^itashrIrmahimAnamIrayan || 10\.065\.02 teShAM hi mahnA mahatAmanarvaNAM stomA.N iyarmyR^itaj~nA R^itAvR^idhAm | ye apsavamarNavaM chitrarAdhasaste no rAsantAM mahaye sumitryAH || 10\.065\.03 svarNaramantarikShANi rochanA dyAvAbhUmI pR^ithivIM skambhurojasA | pR^ikShA iva mahayantaH surAtayo devAH stavante manuShAya sUrayaH || 10\.065\.04 mitrAya shikSha varuNAya dAshuShe yA samrAjA manasA na prayuchChataH | yayordhAma dharmaNA rochate bR^ihadyayorubhe rodasI nAdhasI vR^itau || 10\.065\.05 yA gaurvartaniM paryeti niShkR^itaM payo duhAnA vratanIravArataH | sA prabruvANA varuNAya dAshuShe devebhyo dAshaddhaviShA vivasvate || 10\.065\.06 divakShaso agnijihvA R^itAvR^idha R^itasya yoniM vimR^ishanta Asate | dyAM skabhitvyapa A chakrurojasA yaj~naM janitvI tanvI ni mAmR^ijuH || 10\.065\.07 parikShitA pitarA pUrvajAvarI R^itasya yonA kShayataH samokasA | dyAvApR^ithivI varuNAya savrate ghR^itavatpayo mahiShAya pinvataH || 10\.065\.08 parjanyAvAtA vR^iShabhA purIShiNendravAyU varuNo mitro aryamA | devA.N AdityA.N aditiM havAmahe ye pArthivAso divyAso apsu ye || 10\.065\.09 tvaShTAraM vAyumR^ibhavo ya ohate daivyA hotArA uShasaM svastaye | bR^ihaspatiM vR^itrakhAdaM sumedhasamindriyaM somaM dhanasA u Imahe || 10\.065\.10 brahma gAmashvaM janayanta oShadhIrvanaspatInpR^ithivIM parvatA.N apaH | sUryaM divi rohayantaH sudAnava AryA vratA visR^ijanto adhi kShami || 10\.065\.11 bhujyumaMhasaH pipR^itho nirashvinA shyAvaM putraM vadhrimatyA ajinvatam | kamadyuvaM vimadAyohathuryuvaM viShNApvaM vishvakAyAva sR^ijathaH || 10\.065\.12 pAvIravI tanyaturekapAdajo divo dhartA sindhurApaH samudriyaH | vishve devAsaH shR^iNavanvachAMsi me sarasvatI saha dhIbhiH puraMdhyA || 10\.065\.13 vishve devAH saha dhIbhiH puraMdhyA manoryajatrA amR^itA R^itaj~nAH | rAtiShAcho abhiShAchaH svarvidaH svargiro brahma sUktaM juSherata || 10\.065\.14 devAnvasiShTho amR^itAnvavande ye vishvA bhuvanAbhi pratasthuH | te no rAsantAmurugAyamadya yUyaM pAta svastibhiH sadA naH || 10\.065\.15 devAnhuve bR^ihachChravasaH svastaye jyotiShkR^ito adhvarasya prachetasaH | ye vAvR^idhuH prataraM vishvavedasa indrajyeShThAso amR^itA R^itAvR^idhaH || 10\.066\.01 indraprasUtA varuNaprashiShTA ye sUryasya jyotiSho bhAgamAnashuH | marudgaNe vR^ijane manma dhImahi mAghone yaj~naM janayanta sUrayaH || 10\.066\.02 indro vasubhiH pari pAtu no gayamAdityairno aditiH sharma yachChatu | rudro rudrebhirdevo mR^iLayAti nastvaShTA no gnAbhiH suvitAya jinvatu || 10\.066\.03 aditirdyAvApR^ithivI R^itaM mahadindrAviShNU marutaH svarbR^ihat | devA.N AdityA.N avase havAmahe vasUnrudrAnsavitAraM sudaMsasam || 10\.066\.04 sarasvAndhIbhirvaruNo dhR^itavrataH pUShA viShNurmahimA vAyurashvinA | brahmakR^ito amR^itA vishvavedasaH sharma no yaMsantrivarUthamaMhasaH || 10\.066\.05 vR^iShA yaj~no vR^iShaNaH santu yaj~niyA vR^iShaNo devA vR^iShaNo haviShkR^itaH | vR^iShaNA dyAvApR^ithivI R^itAvarI vR^iShA parjanyo vR^iShaNo vR^iShastubhaH || 10\.066\.06 agnIShomA vR^iShaNA vAjasAtaye puruprashastA vR^iShaNA upa bruve | yAvIjire vR^iShaNo devayajyayA tA naH sharma trivarUthaM vi yaMsataH || 10\.066\.07 dhR^itavratAH kShatriyA yaj~naniShkR^ito bR^ihaddivA adhvarANAmabhishriyaH | agnihotAra R^itasApo adruho.apo asR^ijannanu vR^itratUrye || 10\.066\.08 dyAvApR^ithivI janayannabhi vratApa oShadhIrvaninAni yaj~niyA | antarikShaM svarA paprurUtaye vashaM devAsastanvI ni mAmR^ijuH || 10\.066\.09 dhartAro diva R^ibhavaH suhastA vAtAparjanyA mahiShasya tanyatoH | Apa oShadhIH pra tirantu no giro bhago rAtirvAjino yantu me havam || 10\.066\.10 samudraH sindhU rajo antarikShamaja ekapAttanayitnurarNavaH | ahirbudhnyaH shR^iNavadvachAMsi me vishve devAsa uta sUrayo mama || 10\.066\.11 syAma vo manavo devavItaye prA~nchaM no yaj~naM pra Nayata sAdhuyA | AdityA rudrA vasavaH sudAnava imA brahma shasyamAnAni jinvata || 10\.066\.12 daivyA hotArA prathamA purohita R^itasya panthAmanvemi sAdhuyA | kShetrasya patiM prativeshamImahe vishvAndevA.N amR^itA.N aprayuchChataH || 10\.066\.13 vasiShThAsaH pitR^ivadvAchamakrata devA.N ILAnA R^iShivatsvastaye | prItA iva j~nAtayaH kAmametyAsme devAso.ava dhUnutA vasu || 10\.066\.14 devAnvasiShTho amR^itAnvavande ye vishvA bhuvanAbhi pratasthuH | te no rAsantAmurugAyamadya yUyaM pAta svastibhiH sadA naH || 10\.066\.15 imAM dhiyaM saptashIrShNIM pitA na R^itaprajAtAM bR^ihatImavindat | turIyaM svijjanayadvishvajanyo.ayAsya ukthamindrAya shaMsan || 10\.067\.01 R^itaM shaMsanta R^iju dIdhyAnA divasputrAso asurasya vIrAH | vipraM padama~Ngiraso dadhAnA yaj~nasya dhAma prathamaM mananta || 10\.067\.02 haMsairiva sakhibhirvAvadadbhirashmanmayAni nahanA vyasyan | bR^ihaspatirabhikanikradadgA uta prAstauduchcha vidvA.N agAyat || 10\.067\.03 avo dvAbhyAM para ekayA gA guhA tiShThantIranR^itasya setau | bR^ihaspatistamasi jyotirichChannudusrA Akarvi hi tisra AvaH || 10\.067\.04 vibhidyA puraM shayathemapAchIM nistrINi sAkamudadherakR^intat | bR^ihaspatiruShasaM sUryaM gAmarkaM viveda stanayanniva dyauH || 10\.067\.05 indro valaM rakShitAraM dughAnAM kareNeva vi chakartA raveNa | svedA~njibhirAshiramichChamAno.arodayatpaNimA gA amuShNAt || 10\.067\.06 sa IM satyebhiH sakhibhiH shuchadbhirgodhAyasaM vi dhanasairadardaH | brahmaNaspatirvR^iShabhirvarAhairgharmasvedebhirdraviNaM vyAnaT || 10\.067\.07 te satyena manasA gopatiM gA iyAnAsa iShaNayanta dhIbhiH | bR^ihaspatirmitho/avadyapebhirudusriyA asR^ijata svayugbhiH || 10\.067\.08 taM vardhayanto matibhiH shivAbhiH siMhamiva nAnadataM sadhasthe | bR^ihaspatiM vR^iShaNaM shUrasAtau bharebhare anu madema jiShNum || 10\.067\.09 yadA vAjamasanadvishvarUpamA dyAmarukShaduttarANi sadma | bR^ihaspatiM vR^iShaNaM vardhayanto nAnA santo bibhrato jyotirAsA || 10\.067\.10 satyAmAshiShaM kR^iNutA vayodhai kIriM chiddhyavatha svebhirevaiH | pashchA mR^idho apa bhavantu vishvAstadrodasI shR^iNutaM vishvaminve || 10\.067\.11 indro mahnA mahato arNavasya vi mUrdhAnamabhinadarbudasya | ahannahimariNAtsapta sindhUndevairdyAvApR^ithivI prAvataM naH || 10\.067\.12 udapruto na vayo rakShamANA vAvadato abhriyasyeva ghoShAH | giribhrajo normayo madanto bR^ihaspatimabhyarkA anAvan || 10\.068\.01 saM gobhirA~Ngiraso nakShamANo bhaga ivedaryamaNaM ninAya | jane mitro na dampatI anakti bR^ihaspate vAjayAshU.NrivAjau || 10\.068\.02 sAdhvaryA atithinIriShirAH spArhAH suvarNA anavadyarUpAH | bR^ihaspatiH parvatebhyo vitUryA nirgA Upe yavamiva sthivibhyaH || 10\.068\.03 ApruShAyanmadhuna R^itasya yonimavakShipannarka ulkAmiva dyoH | bR^ihaspatiruddharannashmano gA bhUmyA udneva vi tvachaM bibheda || 10\.068\.04 apa jyotiShA tamo antarikShAdudnaH shIpAlamiva vAta Ajat | bR^ihaspatiranumR^ishyA valasyAbhramiva vAta A chakra A gAH || 10\.068\.05 yadA valasya pIyato jasuM bhedbR^ihaspatiragnitapobhirarkaiH | dadbhirna jihvA pariviShTamAdadAvirnidhI.NrakR^iNodusriyANAm || 10\.068\.06 bR^ihaspatiramata hi tyadAsAM nAma svarINAM sadane guhA yat | ANDeva bhittvA shakunasya garbhamudusriyAH parvatasya tmanAjat || 10\.068\.07 ashnApinaddhaM madhu paryapashyanmatsyaM na dIna udani kShiyantam | niShTajjabhAra chamasaM na vR^ikShAdbR^ihaspatirviraveNA vikR^itya || 10\.068\.08 soShAmavindatsa svaH so agniM so arkeNa vi babAdhe tamAMsi | bR^ihaspatirgovapuSho valasya nirmajjAnaM na parvaNo jabhAra || 10\.068\.09 himeva parNA muShitA vanAni bR^ihaspatinAkR^ipayadvalo gAH | anAnukR^ityamapunashchakAra yAtsUryAmAsA mitha uchcharAtaH || 10\.068\.10 abhi shyAvaM na kR^ishanebhirashvaM nakShatrebhiH pitaro dyAmapiMshan | rAtryAM tamo adadhurjyotirahanbR^ihaspatirbhinadadriM vidadgAH || 10\.068\.11 idamakarma namo abhriyAya yaH pUrvIranvAnonavIti | bR^ihaspatiH sa hi gobhiH so ashvaiH sa vIrebhiH sa nR^ibhirno vayo dhAt || 10\.068\.12 bhadrA agnervadhryashvasya saMdR^isho vAmI praNItiH suraNA upetayaH | yadIM sumitrA visho agra indhate ghR^itenAhuto jarate davidyutat || 10\.069\.01 ghR^itamagnervadhryashvasya vardhanaM ghR^itamannaM ghR^itamvasya medanam | ghR^itenAhuta urviyA vi paprathe sUrya iva rochate sarpirAsutiH || 10\.069\.02 yatte manuryadanIkaM sumitraH samIdhe agne tadidaM navIyaH | sa revachChocha sa giro juShasva sa vAjaM darShi sa iha shravo dhAH || 10\.069\.03 yaM tvA pUrvamILito vadhryashvaH samIdhe agne sa idaM juShasva | sa naH stipA uta bhavA tanUpA dAtraM rakShasva yadidaM te asme || 10\.069\.04 bhavA dyumnI vAdhryashvota gopA mA tvA tArIdabhimAtirjanAnAm | shUra iva dhR^iShNushchyavanaH sumitraH pra nu vochaM vAdhryashvasya nAma || 10\.069\.05 samajryA parvatyA vasUni dAsA vR^itrANyAryA jigetha | shUra iva dhR^iShNushchyavano janAnAM tvamagne pR^itanAyU.Nrabhi ShyAH || 10\.069\.06 dIrghatanturbR^ihadukShAyamagniH sahasrastarIH shatanItha R^ibhvA | dyumAndyumatsu nR^ibhirmR^ijyamAnaH sumitreShu dIdayo devayatsu || 10\.069\.07 tve dhenuH sudughA jAtavedo.asashchateva samanA sabardhuk | tvaM nR^ibhirdakShiNAvadbhiragne sumitrebhiridhyase devayadbhiH || 10\.069\.08 devAshchitte amR^itA jAtavedo mahimAnaM vAdhryashva pra vochan | yatsampR^ichChaM mAnuShIrvisha AyantvaM nR^ibhirajayastvAvR^idhebhiH || 10\.069\.09 piteva putramabibharupasthe tvAmagne vadhryashvaH saparyan | juShANo asya samidhaM yaviShThota pUrvA.N avanorvrAdhatashchit || 10\.069\.10 shashvadagnirvadhryashvasya shatrUnnR^ibhirjigAya sutasomavadbhiH | samanaM chidadahashchitrabhAno.ava vrAdhantamabhinadvR^idhashchit || 10\.069\.11 ayamagnirvadhryashvasya vR^itrahA sanakAtpreddho namasopavAkyaH | sa no ajAmI.Nruta vA vijAmInabhi tiShTha shardhato vAdhryashva || 10\.069\.12 imAM me agne samidhaM juShasveLaspade prati haryA ghR^itAchIm | varShmanpR^ithivyAH sudinatve ahnAmUrdhvo bhava sukrato devayajyA || 10\.070\.01 A devAnAmagrayAveha yAtu narAshaMso vishvarUpebhirashvaiH | R^itasya pathA namasA miyedho devebhyo devatamaH suShUdat || 10\.070\.02 shashvattamamILate dUtyAya haviShmanto manuShyAso agnim | vahiShThairashvaiH suvR^itA rathenA devAnvakShi ni Shadeha hotA || 10\.070\.03 vi prathatAM devajuShTaM tirashchA dIrghaM drAghmA surabhi bhUtvasme | aheLatA manasA deva barhirindrajyeShThA.N ushato yakShi devAn || 10\.070\.04 divo vA sAnu spR^ishatA varIyaH pR^ithivyA vA mAtrayA vi shrayadhvam | ushatIrdvAro mahinA mahadbhirdevaM rathaM rathayurdhArayadhvam || 10\.070\.05 devI divo duhitarA sushilpe uShAsAnaktA sadatAM ni yonau | A vAM devAsa ushatI ushanta urau sIdantu subhage upasthe || 10\.070\.06 Urdhvo grAvA bR^ihadagniH samiddhaH priyA dhAmAnyaditerupasthe | purohitAvR^itvijA yaj~ne asminviduShTarA draviNamA yajethAm || 10\.070\.07 tisro devIrbarhiridaM varIya A sIdata chakR^imA vaH syonam | manuShvadyaj~naM sudhitA havIMShILA devI ghR^itapadI juShanta || 10\.070\.08 deva tvaShTaryaddha chArutvamAnaDyada~NgirasAmabhavaH sachAbhUH | sa devAnAM pAtha upa pra vidvA.N ushanyakShi draviNodaH suratnaH || 10\.070\.09 vanaspate rashanayA niyUyA devAnAM pAtha upa vakShi vidvAn | svadAti devaH kR^iNavaddhavIMShyavatAM dyAvApR^ithivI havaM me || 10\.070\.10 Agne vaha varuNamiShTaye na indraM divo maruto antarikShAt | sIdantu barhirvishva A yajatrAH svAhA devA amR^itA mAdayantAm || 10\.070\.11 bR^ihaspate prathamaM vAcho agraM yatprairata nAmadheyaM dadhAnAH | yadeShAM shreShThaM yadaripramAsItpreNA tadeShAM nihitaM guhAviH || 10\.071\.01 saktumiva tita{}unA punanto yatra dhIrA manasA vAchamakrata | atrA sakhAyaH sakhyAni jAnate bhadraiShAM lakShmIrnihitAdhi vAchi || 10\.071\.02 yaj~nena vAchaH padavIyamAyantAmanvavindannR^iShiShu praviShTAm | tAmAbhR^ityA vyadadhuH purutrA tAM sapta rebhA abhi saM navante || 10\.071\.03 uta tvaH pashyanna dadarsha vAchamuta tvaH shR^iNvanna shR^iNotyenAm | uto tvasmai tanvaM vi sasre jAyeva patya ushatI suvAsAH || 10\.071\.04 uta tvaM sakhye sthirapItamAhurnainaM hinvantyapi vAjineShu | adhenvA charati mAyayaiSha vAchaM shushruvA.N aphalAmapuShpAm || 10\.071\.05 yastityAja sachividaM sakhAyaM na tasya vAchyapi bhAgo asti | yadIM shR^iNotyalakaM shR^iNoti nahi praveda sukR^itasya panthAm || 10\.071\.06 akShaNvantaH karNavantaH sakhAyo manojaveShvasamA babhUvuH | AdaghnAsa upakakShAsa u tve hradA iva snAtvA u tve dadR^ishre || 10\.071\.07 hR^idA taShTeShu manaso javeShu yadbrAhmaNAH saMyajante sakhAyaH | atrAha tvaM vi jahurvedyAbhirohabrahmANo vi charantyu tve || 10\.071\.08 ime ye nArvA~Nna parashcharanti na brAhmaNAso na sutekarAsaH | ta ete vAchamabhipadya pApayA sirIstantraM tanvate aprajaj~nayaH || 10\.071\.09 sarve nandanti yashasAgatena sabhAsAhena sakhyA sakhAyaH | kilbiShaspR^itpituShaNirhyeShAmaraM hito bhavati vAjinAya || 10\.071\.10 R^ichAM tvaH poShamAste pupuShvAngAyatraM tvo gAyati shakvarIShu | brahmA tvo vadati jAtavidyAM yaj~nasya mAtrAM vi mimIta u tvaH || 10\.071\.11 devAnAM nu vayaM jAnA pra vochAma vipanyayA | uktheShu shasyamAneShu yaH pashyAduttare yuge || 10\.072\.01 brahmaNaspatiretA saM karmAra ivAdhamat | devAnAM pUrvye yuge.asataH sadajAyata || 10\.072\.02 devAnAM yuge prathame.asataH sadajAyata | tadAshA anvajAyanta taduttAnapadaspari || 10\.072\.03 bhUrjaj~na uttAnapado bhuva AshA ajAyanta | aditerdakSho ajAyata dakShAdvaditiH pari || 10\.072\.04 aditirhyajaniShTa dakSha yA duhitA tava | tAM devA anvajAyanta bhadrA amR^itabandhavaH || 10\.072\.05 yaddevA adaH salile susaMrabdhA atiShThata | atrA vo nR^ityatAmiva tIvro reNurapAyata || 10\.072\.06 yaddevA yatayo yathA bhuvanAnyapinvata | atrA samudra A gULhamA sUryamajabhartana || 10\.072\.07 aShTau putrAso aditerye jAtAstanvaspari | devA.N upa praitsaptabhiH parA mArtANDamAsyat || 10\.072\.08 saptabhiH putrairaditirupa praitpUrvyaM yugam | prajAyai mR^ityave tvatpunarmArtANDamAbharat || 10\.072\.09 janiShThA ugraH sahase turAya mandra ojiShTho bahulAbhimAnaH | avardhannindraM marutashchidatra mAtA yadvIraM dadhanaddhaniShThA || 10\.073\.01 druho niShattA pR^ishanI chidevaiH purU shaMsena vAvR^idhuShTa indram | abhIvR^iteva tA mahApadena dhvAntAtprapitvAdudaranta garbhAH || 10\.073\.02 R^iShvA te pAdA pra yajjigAsyavardhanvAjA uta ye chidatra | tvamindra sAlAvR^ikAnsahasramAsandadhiShe ashvinA vavR^ityAH || 10\.073\.03 samanA tUrNirupa yAsi yaj~namA nAsatyA sakhyAya vakShi | vasAvyAmindra dhArayaH sahasrAshvinA shUra dadaturmaghAni || 10\.073\.04 mandamAna R^itAdadhi prajAyai sakhibhirindra iShirebhirartham | Abhirhi mAyA upa dasyumAgAnmihaH pra tamrA avapattamAMsi || 10\.073\.05 sanAmAnA chiddhvasayo nyasmA avAhannindra uShaso yathAnaH | R^iShvairagachChaH sakhibhirnikAmaiH sAkaM pratiShThA hR^idyA jaghantha || 10\.073\.06 tvaM jaghantha namuchiM makhasyuM dAsaM kR^iNvAna R^iShaye vimAyam | tvaM chakartha manave syonAnpatho devatrA~njaseva yAnAn || 10\.073\.07 tvametAni papriShe vi nAmeshAna indra dadhiShe gabhastau | anu tvA devAH shavasA madantyuparibudhnAnvaninashchakartha || 10\.073\.08 chakraM yadasyApsvA niShattamuto tadasmai madhvichchachChadyAt | pR^ithivyAmatiShitaM yadUdhaH payo goShvadadhA oShadhIShu || 10\.073\.09 ashvAdiyAyeti yadvadantyojaso jAtamuta manya enam | manyoriyAya harmyeShu tasthau yataH prajaj~na indro asya veda || 10\.073\.10 vayaH suparNA upa sedurindraM priyamedhA R^iShayo nAdhamAnAH | apa dhvAntamUrNuhi pUrdhi chakShurmumugdhyasmAnnidhayeva baddhAn || 10\.073\.11 vasUnAM vA charkR^iSha iyakShandhiyA vA yaj~nairvA rodasyoH | arvanto vA ye rayimantaH sAtau vanuM vA ye sushruNaM sushruto dhuH || 10\.074\.01 hava eShAmasuro nakShata dyAM shravasyatA manasA niMsata kShAm | chakShANA yatra suvitAya devA dyaurna vArebhiH kR^iNavanta svaiH || 10\.074\.02 iyameShAmamR^itAnAM gIH sarvatAtA ye kR^ipaNanta ratnam | dhiyaM cha yaj~naM cha sAdhantaste no dhAntu vasavyamasAmi || 10\.074\.03 A tatta indrAyavaH panantAbhi ya UrvaM gomantaM titR^itsAn | sakR^itsvaM ye puruputrAM mahIM sahasradhArAM bR^ihatIM dudukShan || 10\.074\.04 shachIva indramavase kR^iNudhvamanAnataM damayantaM pR^itanyUn | R^ibhukShaNaM maghavAnaM suvR^iktiM bhartA yo vajraM naryaM purukShuH || 10\.074\.05 yadvAvAna purutamaM purAShALA vR^itrahendro nAmAnyaprAH | acheti prAsahaspatistuviShmAnyadImushmasi kartave karattat || 10\.074\.06 pra su va Apo mahimAnamuttamaM kArurvochAti sadane vivasvataH | pra saptasapta tredhA hi chakramuH pra sR^itvarINAmati sindhurojasA || 10\.075\.01 pra te.aradadvaruNo yAtave pathaH sindho yadvAjA.N abhyadravastvam | bhUmyA adhi pravatA yAsi sAnunA yadeShAmagraM jagatAmirajyasi || 10\.075\.02 divi svano yatate bhUmyoparyanantaM shuShmamudiyarti bhAnunA | abhrAdiva pra stanayanti vR^iShTayaH sindhuryadeti vR^iShabho na roruvat || 10\.075\.03 abhi tvA sindho shishuminna mAtaro vAshrA arShanti payaseva dhenavaH | rAjeva yudhvA nayasi tvamitsichau yadAsAmagraM pravatAminakShasi || 10\.075\.04 imaM me ga~Nge yamune sarasvati shutudri stomaM sachatA paruShNyA | asiknyA marudvR^idhe vitastayArjIkIye shR^iNuhyA suShomayA || 10\.075\.05 tR^iShTAmayA prathamaM yAtave sajUH susartvA rasayA shvetyA tyA | tvaM sindho kubhayA gomatIM krumuM mehatnvA sarathaM yAbhirIyase || 10\.075\.06 R^ijItyenI rushatI mahitvA pari jrayAMsi bharate rajAMsi | adabdhA sindhurapasAmapastamAshvA na chitrA vapuShIva darshatA || 10\.075\.07 svashvA sindhuH surathA suvAsA hiraNyayI sukR^itA vAjinIvatI | UrNAvatI yuvatiH sIlamAvatyutAdhi vaste subhagA madhuvR^idham || 10\.075\.08 sukhaM rathaM yuyuje sindhurashvinaM tena vAjaM saniShadasminnAjau | mahAnhyasya mahimA panasyate.adabdhasya svayashaso virapshinaH || 10\.075\.09 A va R^i~njasa UrjAM vyuShTiShvindraM maruto rodasI anaktana | ubhe yathA no ahanI sachAbhuvA sadaHsado varivasyAta udbhidA || 10\.076\.01 tadu shreShThaM savanaM sunotanAtyo na hastayato adriH sotari | vidaddhyaryo abhibhUti pauMsyaM maho rAye chittarute yadarvataH || 10\.076\.02 tadiddhyasya savanaM viverapo yathA purA manave gAtumashret | go/arNasi tvAShTre ashvanirNiji premadhvareShvadhvarA.N ashishrayuH || 10\.076\.03 apa hata rakShaso bha~NgurAvataH skabhAyata nirR^itiM sedhatAmatim | A no rayiM sarvavIraM sunotana devAvyaM bharata shlokamadrayaH || 10\.076\.04 divashchidA vo.amavattarebhyo vibhvanA chidAshvapastarebhyaH | vAyoshchidA somarabhastarebhyo.agneshchidarcha pitukR^ittarebhyaH || 10\.076\.05 bhurantu no yashasaH sotvandhaso grAvANo vAchA divitA divitmatA | naro yatra duhate kAmyaM madhvAghoShayanto abhito mithasturaH || 10\.076\.06 sunvanti somaM rathirAso adrayo nirasya rasaM gaviSho duhanti te | duhantyUdharupasechanAya kaM naro havyA na marjayanta AsabhiH || 10\.076\.07 ete naraH svapaso abhUtana ya indrAya sunutha somamadrayaH | vAmaMvAmaM vo divyAya dhAmne vasuvasu vaH pArthivAya sunvate || 10\.076\.08 abhrapruSho na vAchA pruShA vasu haviShmanto na yaj~nA vijAnuShaH | sumArutaM na brahmANamarhase gaNamastoShyeShAM na shobhase || 10\.077\.01 shriye maryAso a~njI.NrakR^iNvata sumArutaM na pUrvIrati kShapaH | divasputrAsa etA na yetira AdityAsaste akrA na vAvR^idhuH || 10\.077\.02 pra ye divaH pR^ithivyA na barhaNA tmanA ririchre abhrAnna sUryaH | pAjasvanto na vIrAH panasyavo rishAdaso na maryA abhidyavaH || 10\.077\.03 yuShmAkaM budhne apAM na yAmani vithuryati na mahI shratharyati | vishvapsuryaj~no arvAgayaM su vaH prayasvanto na satrAcha A gata || 10\.077\.04 yUyaM dhUrShu prayujo na rashmibhirjyotiShmanto na bhAsA vyuShTiShu | shyenAso na svayashaso rishAdasaH pravAso na prasitAsaH paripruShaH || 10\.077\.05 pra yadvahadhve marutaH parAkAdyUyaM mahaH saMvaraNasya vasvaH | vidAnAso vasavo rAdhyasyArAchchiddveShaH sanutaryuyota || 10\.077\.06 ya udR^ichi yaj~ne adhvareShThA marudbhyo na mAnuSho dadAshat | revatsa vayo dadhate suvIraM sa devAnAmapi gopIthe astu || 10\.077\.07 te hi yaj~neShu yaj~niyAsa UmA Adityena nAmnA shambhaviShThAH | te no.avantu rathatUrmanIShAM mahashcha yAmannadhvare chakAnAH || 10\.077\.08 viprAso na manmabhiH svAdhyo devAvyo na yaj~naiH svapnasaH | rAjAno na chitrAH susaMdR^ishaH kShitInAM na maryA arepasaH || 10\.078\.01 agnirna ye bhrAjasA rukmavakShaso vAtAso na svayujaH sadya/UtayaH | praj~nAtAro na jyeShThAH sunItayaH susharmANo na somA R^itaM yate || 10\.078\.02 vAtAso na ye dhunayo jigatnavo.agnInAM na jihvA virokiNaH | varmaNvanto na yodhAH shimIvantaH pitR^INAM na shaMsAH surAtayaH || 10\.078\.03 rathAnAM na ye.arAH sanAbhayo jigIvAMso na shUrA abhidyavaH | vareyavo na maryA ghR^itapruSho.abhisvartAro arkaM na suShTubhaH || 10\.078\.04 ashvAso na ye jyeShThAsa Ashavo didhiShavo na rathyaH sudAnavaH | Apo na nimnairudabhirjigatnavo vishvarUpA a~Ngiraso na sAmabhiH || 10\.078\.05 grAvANo na sUrayaH sindhumAtara AdardirAso adrayo na vishvahA | shishUlA na krILayaH sumAtaro mahAgrAmo na yAmannuta tviShA || 10\.078\.06 uShasAM na ketavo.adhvarashriyaH shubhaMyavo nA~njibhirvyashvitan | sindhavo na yayiyo bhrAjadR^iShTayaH parAvato na yojanAni mamire || 10\.078\.07 subhAgAnno devAH kR^iNutA suratnAnasmAnstotR^Inmaruto vAvR^idhAnAH | adhi stotrasya sakhyasya gAta sanAddhi vo ratnadheyAni santi || 10\.078\.08 apashyamasya mahato mahitvamamartyasya martyAsu vikShu | nAnA hanU vibhR^ite saM bharete asinvatI bapsatI bhUryattaH || 10\.079\.01 guhA shiro nihitamR^idhagakShI asinvannatti jihvayA vanAni | atrANyasmai paDbhiH saM bharantyuttAnahastA namasAdhi vikShu || 10\.079\.02 pra mAtuH prataraM guhyamichChankumAro na vIrudhaH sarpadurvIH | sasaM na pakvamavidachChuchantaM ririhvAMsaM ripa upasthe antaH || 10\.079\.03 tadvAmR^itaM rodasI pra bravImi jAyamAno mAtarA garbho atti | nAhaM devasya martyashchiketAgnira~Nga vichetAH sa prachetAH || 10\.079\.04 yo asmA annaM tR^iShvAdadhAtyAjyairghR^itairjuhoti puShyati | tasmai sahasramakShabhirvi chakShe.agne vishvataH pratya~N~Nasi tvam || 10\.079\.05 kiM deveShu tyaja enashchakarthAgne pR^ichChAmi nu tvAmavidvAn | akrILankrILanharirattave.adanvi parvashashchakarta gAmivAsiH || 10\.079\.06 viShUcho ashvAnyuyuje vanejA R^ijItibhI rashanAbhirgR^ibhItAn | chakShade mitro vasubhiH sujAtaH samAnR^idhe parvabhirvAvR^idhAnaH || 10\.079\.07 agniH saptiM vAjambharaM dadAtyagnirvIraM shrutyaM karmaniHShThAm | agnI rodasI vi charatsama~njannagnirnArIM vIrakukShiM puraMdhim || 10\.080\.01 agnerapnasaH samidastu bhadrAgnirmahI rodasI A vivesha | agnirekaM chodayatsamatsvagnirvR^itrANi dayate purUNi || 10\.080\.02 agnirha tyaM jarataH karNamAvAgniradbhyo niradahajjarUtham | agniratriM gharma uruShyadantaragnirnR^imedhaM prajayAsR^ijatsam || 10\.080\.03 agnirdAddraviNaM vIrapeshA agnirR^iShiM yaH sahasrA sanoti | agnirdivi havyamA tatAnAgnerdhAmAni vibhR^itA purutrA || 10\.080\.04 agnimukthairR^iShayo vi hvayante.agniM naro yAmani bAdhitAsaH | agniM vayo antarikShe patanto.agniH sahasrA pari yAti gonAm || 10\.080\.05 agniM visha ILate mAnuShIryA agniM manuSho nahuSho vi jAtAH | agnirgAndharvIM pathyAmR^itasyAgnergavyUtirghR^ita A niShattA || 10\.080\.06 agnaye brahma R^ibhavastatakShuragniM mahAmavochAmA suvR^iktim | agne prAva jaritAraM yaviShThAgne mahi draviNamA yajasva || 10\.080\.07 ya imA vishvA bhuvanAni juhvadR^iShirhotA nyasIdatpitA naH | sa AshiShA draviNamichChamAnaH prathamachChadavarA.N A vivesha || 10\.081\.01 kiM svidAsIdadhiShThAnamArambhaNaM katamatsvitkathAsIt | yato bhUmiM janayanvishvakarmA vi dyAmaurNonmahinA vishvachakShAH || 10\.081\.02 vishvatashchakShuruta vishvatomukho vishvatobAhuruta vishvataspAt | saM bAhubhyAM dhamati saM patatrairdyAvAbhUmI janayandeva ekaH || 10\.081\.03 kiM svidvanaM ka u sa vR^ikSha Asa yato dyAvApR^ithivI niShTatakShuH | manIShiNo manasA pR^ichChatedu tadyadadhyatiShThadbhuvanAni dhArayan || 10\.081\.04 yA te dhAmAni paramANi yAvamA yA madhyamA vishvakarmannutemA | shikShA sakhibhyo haviShi svadhAvaH svayaM yajasva tanvaM vR^idhAnaH || 10\.081\.05 vishvakarmanhaviShA vAvR^idhAnaH svayaM yajasva pR^ithivImuta dyAm | muhyantvanye abhito janAsa ihAsmAkaM maghavA sUrirastu || 10\.081\.06 vAchaspatiM vishvakarmANamUtaye manojuvaM vAje adyA huvema | sa no vishvAni havanAni joShadvishvashambhUravase sAdhukarmA || 10\.081\.07 chakShuShaH pitA manasA hi dhIro ghR^itamene ajanannannamAne | yadedantA adadR^ihanta pUrva AdiddyAvApR^ithivI aprathetAm || 10\.082\.01 vishvakarmA vimanA AdvihAyA dhAtA vidhAtA paramota saMdR^ik | teShAmiShTAni samiShA madanti yatrA saptaR^iShInpara ekamAhuH || 10\.082\.02 yo naH pitA janitA yo vidhAtA dhAmAni veda bhuvanAni vishvA | yo devAnAM nAmadhA eka eva taM samprashnaM bhuvanA yantyanyA || 10\.082\.03 ta Ayajanta draviNaM samasmA R^iShayaH pUrve jaritAro na bhUnA | asUrte sUrte rajasi niShatte ye bhUtAni samakR^iNvannimAni || 10\.082\.04 paro divA para enA pR^ithivyA paro devebhirasurairyadasti | kaM svidgarbhaM prathamaM dadhra Apo yatra devAH samapashyanta vishve || 10\.082\.05 tamidgarbhaM prathamaM dadhra Apo yatra devAH samagachChanta vishve | ajasya nAbhAvadhyekamarpitaM yasminvishvAni bhuvanAni tasthuH || 10\.082\.06 na taM vidAtha ya imA jajAnAnyadyuShmAkamantaraM babhUva | nIhAreNa prAvR^itA jalpyA chAsutR^ipa ukthashAsashcharanti || 10\.082\.07 yaste manyo.avidhadvajra sAyaka saha ojaH puShyati vishvamAnuShak | sAhyAma dAsamAryaM tvayA yujA sahaskR^itena sahasA sahasvatA || 10\.083\.01 manyurindro manyurevAsa devo manyurhotA varuNo jAtavedAH | manyuM visha ILate mAnuShIryAH pAhi no manyo tapasA sajoShAH || 10\.083\.02 abhIhi manyo tavasastavIyAntapasA yujA vi jahi shatrUn | amitrahA vR^itrahA dasyuhA cha vishvA vasUnyA bharA tvaM naH || 10\.083\.03 tvaM hi manyo abhibhUtyojAH svayambhUrbhAmo abhimAtiShAhaH | vishvacharShaNiH sahuriH sahAvAnasmAsvojaH pR^itanAsu dhehi || 10\.083\.04 abhAgaH sannapa pareto asmi tava kratvA taviShasya prachetaH | taM tvA manyo akraturjihILAhaM svA tanUrbaladeyAya mehi || 10\.083\.05 ayaM te asmyupa mehyarvA~NpratIchInaH sahure vishvadhAyaH | manyo vajrinnabhi mAmA vavR^itsva hanAva dasyU.Nruta bodhyApeH || 10\.083\.06 abhi prehi dakShiNato bhavA me.adhA vR^itrANi ja~NghanAva bhUri | juhomi te dharuNaM madhvo agramubhA upAMshu prathamA pibAva || 10\.083\.07 tvayA manyo sarathamArujanto harShamANAso dhR^iShitA marutvaH | tigmeShava AyudhA saMshishAnA abhi pra yantu naro agnirUpAH || 10\.084\.01 agniriva manyo tviShitaH sahasva senAnIrnaH sahure hUta edhi | hatvAya shatrUnvi bhajasva veda ojo mimAno vi mR^idho nudasva || 10\.084\.02 sahasva manyo abhimAtimasme rujanmR^iNanpramR^iNanprehi shatrUn | ugraM te pAjo nanvA rurudhre vashI vashaM nayasa ekaja tvam || 10\.084\.03 eko bahUnAmasi manyavILito vishaMvishaM yudhaye saM shishAdhi | akR^ittaruktvayA yujA vayaM dyumantaM ghoShaM vijayAya kR^iNmahe || 10\.084\.04 vijeShakR^idindra ivAnavabravo.asmAkaM manyo adhipA bhaveha | priyaM te nAma sahure gR^iNImasi vidmA tamutsaM yata AbabhUtha || 10\.084\.05 AbhUtyA sahajA vajra sAyaka saho bibharShyabhibhUta uttaram | kratvA no manyo saha medyedhi mahAdhanasya puruhUta saMsR^iji || 10\.084\.06 saMsR^iShTaM dhanamubhayaM samAkR^itamasmabhyaM dattAM varuNashcha manyuH | bhiyaM dadhAnA hR^idayeShu shatravaH parAjitAso apa ni layantAm || 10\.084\.07 satyenottabhitA bhUmiH sUryeNottabhitA dyauH | R^itenAdityAstiShThanti divi somo adhi shritaH || 10\.085\.01 somenAdityA balinaH somena pR^ithivI mahI | atho nakShatrANAmeShAmupasthe soma AhitaH || 10\.085\.02 somaM manyate papivAnyatsampiMShantyoShadhim | somaM yaM brahmANo vidurna tasyAshnAti kashchana || 10\.085\.03 AchChadvidhAnairgupito bArhataiH soma rakShitaH | grAvNAmichChR^iNvantiShThasi na te ashnAti pArthivaH || 10\.085\.04 yattvA deva prapibanti tata A pyAyase punaH | vAyuH somasya rakShitA samAnAM mAsa AkR^itiH || 10\.085\.05 raibhyAsIdanudeyI nArAshaMsI nyochanI | sUryAyA bhadramidvAso gAthayaiti pariShkR^itam || 10\.085\.06 chittirA upabarhaNaM chakShurA abhya~njanam | dyaurbhUmiH kosha AsIdyadayAtsUryA patim || 10\.085\.07 stomA AsanpratidhayaH kurIraM Chanda opashaH | sUryAyA ashvinA varAgnirAsItpurogavaH || 10\.085\.08 somo vadhUyurabhavadashvinAstAmubhA varA | sUryAM yatpatye shaMsantIM manasA savitAdadAt || 10\.085\.09 mano asyA ana AsIddyaurAsIduta chChadiH | shukrAvanaDvAhAvAstAM yadayAtsUryA gR^iham || 10\.085\.10 R^iksAmAbhyAmabhihitau gAvau te sAmanAvitaH | shrotraM te chakre AstAM divi panthAshcharAchAraH || 10\.085\.11 shuchI te chakre yAtyA vyAno akSha AhataH | ano manasmayaM sUryArohatprayatI patim || 10\.085\.12 sUryAyA vahatuH prAgAtsavitA yamavAsR^ijat | aghAsu hanyante gAvo.arjunyoH paryuhyate || 10\.085\.13 yadashvinA pR^ichChamAnAvayAtaM trichakreNa vahatuM sUryAyAH | vishve devA anu tadvAmajAnanputraH pitarAvavR^iNIta pUShA || 10\.085\.14 yadayAtaM shubhaspatI vareyaM sUryAmupa | kvaikaM chakraM vAmAsItkva deShTrAya tasthathuH || 10\.085\.15 dve te chakre sUrye brahmANa R^ituthA viduH | athaikaM chakraM yadguhA tadaddhAtaya idviduH || 10\.085\.16 sUryAyai devebhyo mitrAya varuNAya cha | ye bhUtasya prachetasa idaM tebhyo.akaraM namaH || 10\.085\.17 pUrvAparaM charato mAyayaitau shishU krILantau pari yAto adhvaram | vishvAnyanyo bhuvanAbhichaShTa R^itU.Nranyo vidadhajjAyate punaH || 10\.085\.18 navonavo bhavati jAyamAno.ahnAM keturuShasAmetyagram | bhAgaM devebhyo vi dadhAtyAyanpra chandramAstirate dIrghamAyuH || 10\.085\.19 sukiMshukaM shalmaliM vishvarUpaM hiraNyavarNaM suvR^itaM suchakram | A roha sUrye amR^itasya lokaM syonaM patye vahatuM kR^iNuShva || 10\.085\.20 udIrShvAtaH pativatI hyeShA vishvAvasuM namasA gIrbhirILe | anyAmichCha pitR^iShadaM vyaktAM sa te bhAgo januShA tasya viddhi || 10\.085\.21 udIrShvAto vishvAvaso namaseLA mahe tvA | anyAmichCha prapharvyaM saM jAyAM patyA sR^ija || 10\.085\.22 anR^ikSharA R^ijavaH santu panthA yebhiH sakhAyo yanti no vareyam | samaryamA saM bhago no ninIyAtsaM jAspatyaM suyamamastu devAH || 10\.085\.23 pra tvA mu~nchAmi varuNasya pAshAdyena tvAbadhnAtsavitA sushevaH | R^itasya yonau sukR^itasya loke.ariShTAM tvA saha patyA dadhAmi || 10\.085\.24 preto mu~nchAmi nAmutaH subaddhAmamutaskaram | yatheyamindra mIDhvaH suputrA subhagAsati || 10\.085\.25 pUShA tveto nayatu hastagR^ihyAshvinA tvA pra vahatAM rathena | gR^ihAngachCha gR^ihapatnI yathAso vashinI tvaM vidathamA vadAsi || 10\.085\.26 iha priyaM prajayA te samR^idhyatAmasmingR^ihe gArhapatyAya jAgR^ihi | enA patyA tanvaM saM sR^ijasvAdhA jivrI vidathamA vadAthaH || 10\.085\.27 nIlalohitaM bhavati kR^ityAsaktirvyajyate | edhante asyA j~nAtayaH patirbandheShu badhyate || 10\.085\.28 parA dehi shAmulyaM brahmabhyo vi bhajA vasu | kR^ityaiShA padvatI bhUtvyA jAyA vishate patim || 10\.085\.29 ashrIrA tanUrbhavati rushatI pApayAmuyA | patiryadvadhvo vAsasA svama~Ngamabhidhitsate || 10\.085\.30 ye vadhvashchandraM vahatuM yakShmA yanti janAdanu | punastAnyaj~niyA devA nayantu yata AgatAH || 10\.085\.31 mA vidanparipanthino ya AsIdanti dampatI | sugebhirdurgamatItAmapa drAntvarAtayaH || 10\.085\.32 suma~NgalIriyaM vadhUrimAM sameta pashyata | saubhAgyamasyai dattvAyAthAstaM vi paretana || 10\.085\.33 tR^iShTametatkaTukametadapAShThavadviShavannaitadattave | sUryAM yo brahmA vidyAtsa idvAdhUyamarhati || 10\.085\.34 AshasanaM vishasanamatho adhivikartanam | sUryAyAH pashya rUpANi tAni brahmA tu shundhati || 10\.085\.35 gR^ibhNAmi te saubhagatvAya hastaM mayA patyA jaradaShTiryathAsaH | bhago aryamA savitA puraMdhirmahyaM tvAdurgArhapatyAya devAH || 10\.085\.36 tAM pUSha~nChivatamAmerayasva yasyAM bIjaM manuShyA vapanti | yA na UrU ushatI vishrayAte yasyAmushantaH praharAma shepam || 10\.085\.37 tubhyamagre paryavahansUryAM vahatunA saha | punaH patibhyo jAyAM dA agne prajayA saha || 10\.085\.38 punaH patnImagniradAdAyuShA saha varchasA | dIrghAyurasyA yaH patirjIvAti sharadaH shatam || 10\.085\.39 somaH prathamo vivide gandharvo vivida uttaraH | tR^itIyo agniShTe patisturIyaste manuShyajAH || 10\.085\.40 somo dadadgandharvAya gandharvo dadadagnaye | rayiM cha putrA.NshchAdAdagnirmahyamatho imAm || 10\.085\.41 ihaiva staM mA vi yauShTaM vishvamAyurvyashnutam | krILantau putrairnaptR^ibhirmodamAnau sve gR^ihe || 10\.085\.42 A naH prajAM janayatu prajApatirAjarasAya samanaktvaryamA | adurma~NgalIH patilokamA visha shaM no bhava dvipade shaM chatuShpade || 10\.085\.43 aghorachakShurapatighnyedhi shivA pashubhyaH sumanAH suvarchAH | vIrasUrdevakAmA syonA shaM no bhava dvipade shaM chatuShpade || 10\.085\.44 imAM tvamindra mIDhvaH suputrAM subhagAM kR^iNu | dashAsyAM putrAnA dhehi patimekAdashaM kR^idhi || 10\.085\.45 samrAj~nI shvashure bhava samrAj~nI shvashrvAM bhava | nanAndari samrAj~nI bhava samrAj~nI adhi devR^iShu || 10\.085\.46 sama~njantu vishve devAH samApo hR^idayAni nau | saM mAtarishvA saM dhAtA samu deShTrI dadhAtu nau || 10\.085\.47 vi hi sotorasR^ikShata nendraM devamamaMsata | yatrAmadadvR^iShAkapiraryaH puShTeShu matsakhA vishvasmAdindra uttaraH || 10\.086\.01 parA hIndra dhAvasi vR^iShAkaperati vyathiH | no aha pra vindasyanyatra somapItaye vishvasmAdindra uttaraH || 10\.086\.02 kimayaM tvAM vR^iShAkapishchakAra harito mR^igaH | yasmA irasyasIdu nvaryo vA puShTimadvasu vishvasmAdindra uttaraH || 10\.086\.03 yamimaM tvaM vR^iShAkapiM priyamindrAbhirakShasi | shvA nvasya jambhiShadapi karNe varAhayurvishvasmAdindra uttaraH || 10\.086\.04 priyA taShTAni me kapirvyaktA vyadUduShat | shiro nvasya rAviShaM na sugaM duShkR^ite bhuvaM vishvasmAdindra uttaraH || 10\.086\.05 na matstrI subhasattarA na suyAshutarA bhuvat | na matpratichyavIyasI na sakthyudyamIyasI vishvasmAdindra uttaraH || 10\.086\.06 uve amba sulAbhike yathevA~Nga bhaviShyati | bhasanme amba sakthi me shiro me vIva hR^iShyati vishvasmAdindra uttaraH || 10\.086\.07 kiM subAho sva~Ngure pR^ithuShTo pR^ithujAghane | kiM shUrapatni nastvamabhyamIShi vR^iShAkapiM vishvasmAdindra uttaraH || 10\.086\.08 avIrAmiva mAmayaM sharArurabhi manyate | utAhamasmi vIriNIndrapatnI marutsakhA vishvasmAdindra uttaraH || 10\.086\.09 saMhotraM sma purA nArI samanaM vAva gachChati | vedhA R^itasya vIriNIndrapatnI mahIyate vishvasmAdindra uttaraH || 10\.086\.10 indrANImAsu nAriShu subhagAmahamashravam | nahyasyA aparaM chana jarasA marate patirvishvasmAdindra uttaraH || 10\.086\.11 nAhamindrANi rAraNa sakhyurvR^iShAkaperR^ite | yasyedamapyaM haviH priyaM deveShu gachChati vishvasmAdindra uttaraH || 10\.086\.12 vR^iShAkapAyi revati suputra Adu susnuShe | ghasatta indra ukShaNaH priyaM kAchitkaraM havirvishvasmAdindra uttaraH || 10\.086\.13 ukShNo hi me pa~nchadasha sAkaM pachanti viMshatim | utAhamadmi pIva idubhA kukShI pR^iNanti me vishvasmAdindra uttaraH || 10\.086\.14 vR^iShabho na tigmashR^i~Ngo.antaryUtheShu roruvat | manthasta indra shaM hR^ide yaM te sunoti bhAvayurvishvasmAdindra uttaraH || 10\.086\.15 na seshe yasya rambate.antarA sakthyA kapR^it | sedIshe yasya romashaM niSheduSho vijR^imbhate vishvasmAdindra uttaraH || 10\.086\.16 na seshe yasya romashaM niSheduSho vijR^imbhate | sedIshe yasya rambate.antarA sakthyA kapR^idvishvasmAdindra uttaraH || 10\.086\.17 ayamindra vR^iShAkapiH parasvantaM hataM vidat | asiM sUnAM navaM charumAdedhasyAna AchitaM vishvasmAdindra uttaraH || 10\.086\.18 ayamemi vichAkashadvichinvandAsamAryam | pibAmi pAkasutvano.abhi dhIramachAkashaM vishvasmAdindra uttaraH || 10\.086\.19 dhanva cha yatkR^intatraM cha kati svittA vi yojanA | nedIyaso vR^iShAkape.astamehi gR^ihA.N upa vishvasmAdindra uttaraH || 10\.086\.20 punarehi vR^iShAkape suvitA kalpayAvahai | ya eSha svapnanaMshano.astameShi pathA punarvishvasmAdindra uttaraH || 10\.086\.21 yaduda~ncho vR^iShAkape gR^ihamindrAjagantana | kva sya pulvagho mR^igaH kamaga~njanayopano vishvasmAdindra uttaraH || 10\.086\.22 parshurha nAma mAnavI sAkaM sasUva viMshatim | bhadraM bhala tyasyA abhUdyasyA udaramAmayadvishvasmAdindra uttaraH || 10\.086\.23 rakShohaNaM vAjinamA jigharmi mitraM prathiShThamupa yAmi sharma | shishAno agniH kratubhiH samiddhaH sa no divA sa riShaH pAtu naktam || 10\.087\.01 ayodaMShTro archiShA yAtudhAnAnupa spR^isha jAtavedaH samiddhaH | A jihvayA mUradevAnrabhasva kravyAdo vR^iktvyapi dhatsvAsan || 10\.087\.02 ubhobhayAvinnupa dhehi daMShTrA hiMsraH shishAno.avaraM paraM cha | utAntarikShe pari yAhi rAja~njambhaiH saM dhehyabhi yAtudhAnAn || 10\.087\.03 yaj~nairiShUH saMnamamAno agne vAchA shalyA.N ashanibhirdihAnaH | tAbhirvidhya hR^idaye yAtudhAnAnpratIcho bAhUnprati bha~NdhyeShAm || 10\.087\.04 agne tvachaM yAtudhAnasya bhindhi hiMsrAshanirharasA hantvenam | pra parvANi jAtavedaH shR^iNIhi kravyAtkraviShNurvi chinotu vR^ikNam || 10\.087\.05 yatredAnIM pashyasi jAtavedastiShThantamagna uta vA charantam | yadvAntarikShe pathibhiH patantaM tamastA vidhya sharvA shishAnaH || 10\.087\.06 utAlabdhaM spR^iNuhi jAtaveda AlebhAnAdR^iShTibhiryAtudhAnAt | agne pUrvo ni jahi shoshuchAna AmAdaH kShvi~NkAstamadantvenIH || 10\.087\.07 iha pra brUhi yatamaH so agne yo yAtudhAno ya idaM kR^iNoti | tamA rabhasva samidhA yaviShTha nR^ichakShasashchakShuShe randhayainam || 10\.087\.08 tIkShNenAgne chakShuShA rakSha yaj~naM prA~nchaM vasubhyaH pra Naya prachetaH | hiMsraM rakShAMsyabhi shoshuchAnaM mA tvA dabhanyAtudhAnA nR^ichakShaH || 10\.087\.09 nR^ichakShA rakShaH pari pashya vikShu tasya trINi prati shR^iNIhyagrA | tasyAgne pR^iShTIrharasA shR^iNIhi tredhA mUlaM yAtudhAnasya vR^ishcha || 10\.087\.10 triryAtudhAnaH prasitiM ta etvR^itaM yo agne anR^itena hanti | tamarchiShA sphUrjaya~njAtavedaH samakShamenaM gR^iNate ni vR^i~Ndhi || 10\.087\.11 tadagne chakShuH prati dhehi rebhe shaphArujaM yena pashyasi yAtudhAnam | atharvavajjyotiShA daivyena satyaM dhUrvantamachitaM nyoSha || 10\.087\.12 yadagne adya mithunA shapAto yadvAchastR^iShTaM janayanta rebhAH | manyormanasaH sharavyA jAyate yA tayA vidhya hR^idaye yAtudhAnAn || 10\.087\.13 parA shR^iNIhi tapasA yAtudhAnAnparAgne rakSho harasA shR^iNIhi | parArchiShA mUradevA~nChR^iNIhi parAsutR^ipo abhi shoshuchAnaH || 10\.087\.14 parAdya devA vR^ijinaM shR^iNantu pratyagenaM shapathA yantu tR^iShTAH | vAchAstenaM sharava R^ichChantu marmanvishvasyaitu prasitiM yAtudhAnaH || 10\.087\.15 yaH pauruSheyeNa kraviShA sama~Nkte yo ashvyena pashunA yAtudhAnaH | yo aghnyAyA bharati kShIramagne teShAM shIrShANi harasApi vR^ishcha || 10\.087\.16 saMvatsarINaM paya usriyAyAstasya mAshIdyAtudhAno nR^ichakShaH | pIyUShamagne yatamastitR^ipsAttaM pratya~nchamarchiShA vidhya marman || 10\.087\.17 viShaM gavAM yAtudhAnAH pibantvA vR^ishchyantAmaditaye durevAH | parainAndevaH savitA dadAtu parA bhAgamoShadhInAM jayantAm || 10\.087\.18 sanAdagne mR^iNasi yAtudhAnAnna tvA rakShAMsi pR^itanAsu jigyuH | anu daha sahamUrAnkravyAdo mA te hetyA mukShata daivyAyAH || 10\.087\.19 tvaM no agne adharAdudaktAttvaM pashchAduta rakShA purastAt | prati te te ajarAsastapiShThA aghashaMsaM shoshuchato dahantu || 10\.087\.20 pashchAtpurastAdadharAdudaktAtkaviH kAvyena pari pAhi rAjan | sakhe sakhAyamajaro jarimNe.agne martA.N amartyastvaM naH || 10\.087\.21 pari tvAgne puraM vayaM vipraM sahasya dhImahi | dhR^iShadvarNaM divedive hantAraM bha~NgurAvatAm || 10\.087\.22 viSheNa bha~NgurAvataH prati Shma rakShaso daha | agne tigmena shochiShA tapuragrAbhirR^iShTibhiH || 10\.087\.23 pratyagne mithunA daha yAtudhAnA kimIdinA | saM tvA shishAmi jAgR^ihyadabdhaM vipra manmabhiH || 10\.087\.24 pratyagne harasA haraH shR^iNIhi vishvataH prati | yAtudhAnasya rakShaso balaM vi ruja vIryam || 10\.087\.25 haviShpAntamajaraM svarvidi divispR^ishyAhutaM juShTamagnau | tasya bharmaNe bhuvanAya devA dharmaNe kaM svadhayA paprathanta || 10\.088\.01 gIrNaM bhuvanaM tamasApagULhamAviH svarabhavajjAte agnau | tasya devAH pR^ithivI dyaurutApo.araNayannoShadhIH sakhye asya || 10\.088\.02 devebhirnviShito yaj~niyebhiragniM stoShANyajaraM bR^ihantam | yo bhAnunA pR^ithivIM dyAmutemAmAtatAna rodasI antarikSham || 10\.088\.03 yo hotAsItprathamo devajuShTo yaM samA~njannAjyenA vR^iNAnAH | sa patatrItvaraM sthA jagadyachChvAtramagnirakR^iNojjAtavedAH || 10\.088\.04 yajjAtavedo bhuvanasya mUrdhannatiShTho agne saha rochanena | taM tvAhema matibhirgIrbhirukthaiH sa yaj~niyo abhavo rodasiprAH || 10\.088\.05 mUrdhA bhuvo bhavati naktamagnistataH sUryo jAyate prAtarudyan | mAyAmU tu yaj~niyAnAmetAmapo yattUrNishcharati prajAnan || 10\.088\.06 dR^ishenyo yo mahinA samiddho.arochata diviyonirvibhAvA | tasminnagnau sUktavAkena devA havirvishva AjuhavustanUpAH || 10\.088\.07 sUktavAkaM prathamamAdidagnimAdiddhavirajanayanta devAH | sa eShAM yaj~no abhavattanUpAstaM dyaurveda taM pR^ithivI tamApaH || 10\.088\.08 yaM devAso.ajanayantAgniM yasminnAjuhavurbhuvanAni vishvA | so archiShA pR^ithivIM dyAmutemAmR^ijUyamAno atapanmahitvA || 10\.088\.09 stomena hi divi devAso agnimajIjana~nChaktibhI rodasiprAm | tamU akR^iNvantredhA bhuve kaM sa oShadhIH pachati vishvarUpAH || 10\.088\.10 yadedenamadadhuryaj~niyAso divi devAH sUryamAditeyam | yadA chariShNU mithunAvabhUtAmAditprApashyanbhuvanAni vishvA || 10\.088\.11 vishvasmA agniM bhuvanAya devA vaishvAnaraM ketumahnAmakR^iNvan | A yastatAnoShaso vibhAtIrapo UrNoti tamo archiShA yan || 10\.088\.12 vaishvAnaraM kavayo yaj~niyAso.agniM devA ajanayannajuryam | nakShatraM pratnamaminachchariShNu yakShasyAdhyakShaM taviShaM bR^ihantam || 10\.088\.13 vaishvAnaraM vishvahA dIdivAMsaM mantrairagniM kavimachChA vadAmaH | yo mahimnA paribabhUvorvI utAvastAduta devaH parastAt || 10\.088\.14 dve srutI ashR^iNavaM pitR^INAmahaM devAnAmuta martyAnAm | tAbhyAmidaM vishvamejatsameti yadantarA pitaraM mAtaraM cha || 10\.088\.15 dve samIchI bibhR^itashcharantaM shIrShato jAtaM manasA vimR^iShTam | sa pratya~NvishvA bhuvanAni tasthAvaprayuchChantaraNirbhrAjamAnaH || 10\.088\.16 yatrA vadete avaraH parashcha yaj~nanyoH kataro nau vi veda | A shekuritsadhamAdaM sakhAyo nakShanta yaj~naM ka idaM vi vochat || 10\.088\.17 katyagnayaH kati sUryAsaH katyuShAsaH katyu svidApaH | nopaspijaM vaH pitaro vadAmi pR^ichChAmi vaH kavayo vidmane kam || 10\.088\.18 yAvanmAtramuShaso na pratIkaM suparNyo vasate mAtarishvaH | tAvaddadhAtyupa yaj~namAyanbrAhmaNo hoturavaro niShIdan || 10\.088\.19 indraM stavA nR^itamaM yasya mahnA vibabAdhe rochanA vi jmo antAn | A yaH paprau charShaNIdhR^idvarobhiH pra sindhubhyo ririchAno mahitvA || 10\.089\.01 sa sUryaH paryurU varAMsyendro vavR^ityAdrathyeva chakrA | atiShThantamapasyaM na sargaM kR^iShNA tamAMsi tviShyA jaghAna || 10\.089\.02 samAnamasmA anapAvR^idarcha kShmayA divo asamaM brahma navyam | vi yaH pR^iShTheva janimAnyarya indrashchikAya na sakhAyamIShe || 10\.089\.03 indrAya giro anishitasargA apaH prerayaM sagarasya budhnAt | yo akSheNeva chakriyA shachIbhirviShvaktastambha pR^ithivImuta dyAm || 10\.089\.04 ApAntamanyustR^ipalaprabharmA dhuniH shimIvA~nCharumA.N R^ijIShI | somo vishvAnyatasA vanAni nArvAgindraM pratimAnAni debhuH || 10\.089\.05 na yasya dyAvApR^ithivI na dhanva nAntarikShaM nAdrayaH somo akShAH | yadasya manyuradhinIyamAnaH shR^iNAti vILu rujati sthirANi || 10\.089\.06 jaghAna vR^itraM svadhitirvaneva ruroja puro aradanna sindhUn | bibheda giriM navaminna kumbhamA gA indro akR^iNuta svayugbhiH || 10\.089\.07 tvaM ha tyadR^iNayA indra dhIro.asirna parva vR^ijinA shR^iNAsi | pra ye mitrasya varuNasya dhAma yujaM na janA minanti mitram || 10\.089\.08 pra ye mitraM prAryamaNaM durevAH pra saMgiraH pra varuNaM minanti | nyamitreShu vadhamindra tumraM vR^iShanvR^iShANamaruShaM shishIhi || 10\.089\.09 indro diva indra Ishe pR^ithivyA indro apAmindra itparvatAnAm | indro vR^idhAmindra inmedhirANAmindraH kSheme yoge havya indraH || 10\.089\.10 prAktubhya indraH pra vR^idho ahabhyaH prAntarikShAtpra samudrasya dhAseH | pra vAtasya prathasaH pra jmo antAtpra sindhubhyo ririche pra kShitibhyaH || 10\.089\.11 pra shoshuchatyA uShaso na keturasinvA te vartatAmindra hetiH | ashmeva vidhya diva A sR^ijAnastapiShThena heShasA droghamitrAn || 10\.089\.12 anvaha mAsA anvidvanAnyanvoShadhIranu parvatAsaH | anvindraM rodasI vAvashAne anvApo ajihata jAyamAnam || 10\.089\.13 karhi svitsA ta indra chetyAsadaghasya yadbhinado rakSha eShat | mitrakruvo yachChasane na gAvaH pR^ithivyA ApR^igamuyA shayante || 10\.089\.14 shatrUyanto abhi ye nastatasre mahi vrAdhanta ogaNAsa indra | andhenAmitrAstamasA sachantAM sujyotiSho aktavastA.N abhi ShyuH || 10\.089\.15 purUNi hi tvA savanA janAnAM brahmANi mandangR^iNatAmR^iShINAm | imAmAghoShannavasA sahUtiM tiro vishvA.N archato yAhyarvA~N || 10\.089\.16 evA te vayamindra bhu~njatInAM vidyAma sumatInAM navAnAm | vidyAma vastoravasA gR^iNanto vishvAmitrA uta ta indra nUnam || 10\.089\.17 shunaM huvema maghavAnamindramasminbhare nR^itamaM vAjasAtau | shR^iNvantamugramUtaye samatsu ghnantaM vR^itrANi saMjitaM dhanAnAm || 10\.089\.18 sahasrashIrShA puruShaH sahasrAkShaH sahasrapAt | sa bhUmiM vishvato vR^itvAtyatiShThaddashA~Ngulam || 10\.090\.01 puruSha evedaM sarvaM yadbhUtaM yachcha bhavyam | utAmR^itatvasyeshAno yadannenAtirohati || 10\.090\.02 etAvAnasya mahimAto jyAyA.Nshcha pUruShaH | pAdo.asya vishvA bhUtAni tripAdasyAmR^itaM divi || 10\.090\.03 tripAdUrdhva udaitpuruShaH pAdo.asyehAbhavatpunaH | tato viShva~NvyakrAmatsAshanAnashane abhi || 10\.090\.04 tasmAdvirALajAyata virAjo adhi pUruShaH | sa jAto atyarichyata pashchAdbhUmimatho puraH || 10\.090\.05 yatpuruSheNa haviShA devA yaj~namatanvata | vasanto asyAsIdAjyaM grIShma idhmaH sharaddhaviH || 10\.090\.06 taM yaj~naM barhiShi praukShanpuruShaM jAtamagrataH | tena devA ayajanta sAdhyA R^iShayashcha ye || 10\.090\.07 tasmAdyaj~nAtsarvahutaH sambhR^itaM pR^iShadAjyam | pashUntA.Nshchakre vAyavyAnAraNyAngrAmyAshcha ye || 10\.090\.08 tasmAdyaj~nAtsarvahuta R^ichaH sAmAni jaj~nire | ChandAMsi jaj~nire tasmAdyajustasmAdajAyata || 10\.090\.09 tasmAdashvA ajAyanta ye ke chobhayAdataH | gAvo ha jaj~nire tasmAttasmAjjAtA ajAvayaH || 10\.090\.10 yatpuruShaM vyadadhuH katidhA vyakalpayan | mukhaM kimasya kau bAhU kA UrU pAdA uchyete || 10\.090\.11 brAhmaNo.asya mukhamAsIdbAhU rAjanyaH kR^itaH | UrU tadasya yadvaishyaH padbhyAM shUdro ajAyata || 10\.090\.12 chandramA manaso jAtashchakShoH sUryo ajAyata | mukhAdindrashchAgnishcha prANAdvAyurajAyata || 10\.090\.13 nAbhyA AsIdantarikShaM shIrShNo dyauH samavartata | padbhyAM bhUmirdishaH shrotrAttathA lokA.N akalpayan || 10\.090\.14 saptAsyAsanparidhayastriH sapta samidhaH kR^itAH | devA yadyaj~naM tanvAnA abadhnanpuruShaM pashum || 10\.090\.15 yaj~nena yaj~namayajanta devAstAni dharmANi prathamAnyAsan | te ha nAkaM mahimAnaH sachanta yatra pUrve sAdhyAH santi devAH || 10\.090\.16 saM jAgR^ivadbhirjaramANa idhyate dame damUnA iShayanniLaspade | vishvasya hotA haviSho vareNyo vibhurvibhAvA suShakhA sakhIyate || 10\.091\.01 sa darshatashrIratithirgR^ihegR^ihe vanevane shishriye takvavIriva | janaMjanaM janyo nAti manyate visha A kSheti vishyo vishaMvisham || 10\.091\.02 sudakSho dakShaiH kratunAsi sukraturagne kaviH kAvyenAsi vishvavit | vasurvasUnAM kShayasi tvameka iddyAvA cha yAni pR^ithivI cha puShyataH || 10\.091\.03 prajAnannagne tava yonimR^itviyamiLAyAspade ghR^itavantamAsadaH | A te chikitra uShasAmivetayo.arepasaH sUryasyeva rashmayaH || 10\.091\.04 tava shriyo varShyasyeva vidyutashchitrAshchikitra uShasAM na ketavaH | yadoShadhIrabhisR^iShTo vanAni cha pari svayaM chinuShe annamAsye || 10\.091\.05 tamoShadhIrdadhire garbhamR^itviyaM tamApo agniM janayanta mAtaraH | tamitsamAnaM vaninashcha vIrudho.antarvatIshcha suvate cha vishvahA || 10\.091\.06 vAtopadhUta iShito vashA.N anu tR^iShu yadannA veviShadvitiShThase | A te yatante rathyo yathA pR^ithakChardhAMsyagne ajarANi dhakShataH || 10\.091\.07 medhAkAraM vidathasya prasAdhanamagniM hotAraM paribhUtamaM matim | tamidarbhe haviShyA samAnamittaminmahe vR^iNate nAnyaM tvat || 10\.091\.08 tvAmidatra vR^iNate tvAyavo hotAramagne vidatheShu vedhasaH | yaddevayanto dadhati prayAMsi te haviShmanto manavo vR^iktabarhiShaH || 10\.091\.09 tavAgne hotraM tava potramR^itviyaM tava neShTraM tvamagnidR^itAyataH | tava prashAstraM tvamadhvarIyasi brahmA chAsi gR^ihapatishcha no dame || 10\.091\.10 yastubhyamagne amR^itAya martyaH samidhA dAshaduta vA haviShkR^iti | tasya hotA bhavasi yAsi dUtyamupa brUShe yajasyadhvarIyasi || 10\.091\.11 imA asmai matayo vAcho asmadA.N R^icho giraH suShTutayaH samagmata | vasUyavo vasave jAtavedase vR^iddhAsu chidvardhano yAsu chAkanat || 10\.091\.12 imAM pratnAya suShTutiM navIyasIM vocheyamasmA ushate shR^iNotu naH | bhUyA antarA hR^idyasya nispR^ishe jAyeva patya ushatI suvAsAH || 10\.091\.13 yasminnashvAsa R^iShabhAsa ukShaNo vashA meShA avasR^iShTAsa AhutAH | kIlAlape somapR^iShThAya vedhase hR^idA matiM janaye chArumagnaye || 10\.091\.14 ahAvyagne havirAsye te sruchIva ghR^itaM chamvIva somaH | vAjasaniM rayimasme suvIraM prashastaM dhehi yashasaM bR^ihantam || 10\.091\.15 yaj~nasya vo rathyaM vishpatiM vishAM hotAramaktoratithiM vibhAvasum | shocha~nChuShkAsu hariNIShu jarbhuradvR^iShA keturyajato dyAmashAyata || 10\.092\.01 imama~njaspAmubhaye akR^iNvata dharmANamagniM vidathasya sAdhanam | aktuM na yahvamuShasaH purohitaM tanUnapAtamaruShasya niMsate || 10\.092\.02 baLasya nIthA vi paNeshcha manmahe vayA asya prahutA Asurattave | yadA ghorAso amR^itatvamAshatAdijjanasya daivyasya charkiran || 10\.092\.03 R^itasya hi prasitirdyaururu vyacho namo mahyaramatiH panIyasI | indro mitro varuNaH saM chikitrire.atho bhagaH savitA pUtadakShasaH || 10\.092\.04 pra rudreNa yayinA yanti sindhavastiro mahImaramatiM dadhanvire | yebhiH parijmA pariyannuru jrayo vi roruvajjaThare vishvamukShate || 10\.092\.05 krANA rudrA maruto vishvakR^iShTayo divaH shyenAso asurasya nILayaH | tebhishchaShTe varuNo mitro aryamendro devebhirarvashebhirarvashaH || 10\.092\.06 indre bhujaM shashamAnAsa Ashata sUro dR^ishIke vR^iShaNashcha pauMsye | pra ye nvasyArhaNA tatakShire yujaM vajraM nR^iShadaneShu kAravaH || 10\.092\.07 sUrashchidA harito asya rIramadindrAdA kashchidbhayate tavIyasaH | bhImasya vR^iShNo jaTharAdabhishvaso divedive sahuriH stannabAdhitaH || 10\.092\.08 stomaM vo adya rudrAya shikvase kShayadvIrAya namasA didiShTana | yebhiH shivaH svavA.N evayAvabhirdivaH siShakti svayashA nikAmabhiH || 10\.092\.09 te hi prajAyA abharanta vi shravo bR^ihaspatirvR^iShabhaH somajAmayaH | yaj~nairatharvA prathamo vi dhArayaddevA dakShairbhR^igavaH saM chikitrire || 10\.092\.10 te hi dyAvApR^ithivI bhUriretasA narAshaMsashchatura~Ngo yamo.aditiH | devastvaShTA draviNodA R^ibhukShaNaH pra rodasI maruto viShNurarhire || 10\.092\.11 uta sya na ushijAmurviyA kavirahiH shR^iNotu budhnyo havImani | sUryAmAsA vicharantA divikShitA dhiyA shamInahuShI asya bodhatam || 10\.092\.12 pra naH pUShA charathaM vishvadevyo.apAM napAdavatu vAyuriShTaye | AtmAnaM vasyo abhi vAtamarchata tadashvinA suhavA yAmani shrutam || 10\.092\.13 vishAmAsAmabhayAnAmadhikShitaM gIrbhiru svayashasaM gR^iNImasi | gnAbhirvishvAbhiraditimanarvaNamaktoryuvAnaM nR^imaNA adhA patim || 10\.092\.14 rebhadatra januShA pUrvo a~NgirA grAvANa UrdhvA abhi chakShuradhvaram | yebhirvihAyA abhavadvichakShaNaH pAthaH sumekaM svadhitirvananvati || 10\.092\.15 mahi dyAvApR^ithivI bhUtamurvI nArI yahvI na rodasI sadaM naH | tebhirnaH pAtaM sahyasa ebhirnaH pAtaM shUShaNi || 10\.093\.01 yaj~neyaj~ne sa martyo devAnsaparyati | yaH sumnairdIrghashruttama AvivAsatyenAn || 10\.093\.02 vishveShAmirajyavo devAnAM vArmahaH | vishve hi vishvamahaso vishve yaj~neShu yaj~niyAH || 10\.093\.03 te ghA rAjAno amR^itasya mandrA aryamA mitro varuNaH parijmA | kadrudro nR^iNAM stuto marutaH pUShaNo bhagaH || 10\.093\.04 uta no naktamapAM vR^iShaNvasU sUryAmAsA sadanAya sadhanyA | sachA yatsAdyeShAmahirbudhneShu budhnyaH || 10\.093\.05 uta no devAvashvinA shubhaspatI dhAmabhirmitrAvaruNA uruShyatAm | mahaH sa rAya eShate.ati dhanveva duritA || 10\.093\.06 uta no rudrA chinmR^iLatAmashvinA vishve devAso rathaspatirbhagaH | R^ibhurvAja R^ibhukShaNaH parijmA vishvavedasaH || 10\.093\.07 R^ibhurR^ibhukShA R^ibhurvidhato mada A te harI jUjuvAnasya vAjinA | duShTaraM yasya sAma chidR^idhagyaj~no na mAnuShaH || 10\.093\.08 kR^idhI no ahrayo deva savitaH sa cha stuShe maghonAm | saho na indro vahnibhirnyeShAM charShaNInAM chakraM rashmiM na yoyuve || 10\.093\.09 aiShu dyAvApR^ithivI dhAtaM mahadasme vIreShu vishvacharShaNi shravaH | pR^ikShaM vAjasya sAtaye pR^ikShaM rAyota turvaNe || 10\.093\.10 etaM shaMsamindrAsmayuShTvaM kUchitsantaM sahasAvannabhiShTaye | sadA pAhyabhiShTaye medatAM vedatA vaso || 10\.093\.11 etaM me stomaM tanA na sUrye dyutadyAmAnaM vAvR^idhanta nR^iNAm | saMvananaM nAshvyaM taShTevAnapachyutam || 10\.093\.12 vAvarta yeShAM rAyA yuktaiShAM hiraNyayI | nemadhitA na pauMsyA vR^itheva viShTAntA || 10\.093\.13 pra tadduHshIme pR^ithavAne vene pra rAme vochamasure maghavatsu | ye yuktvAya pa~ncha shatAsmayu pathA vishrAvyeShAm || 10\.093\.14 adhInnvatra saptatiM cha sapta cha | sadyo didiShTa tAnvaH sadyo didiShTa pArthyaH sadyo didiShTa mAyavaH || 10\.093\.15 praite vadantu pra vayaM vadAma grAvabhyo vAchaM vadatA vadadbhyaH | yadadrayaH parvatAH sAkamAshavaH shlokaM ghoShaM bharathendrAya sominaH || 10\.094\.01 ete vadanti shatavatsahasravadabhi krandanti haritebhirAsabhiH | viShTvI grAvANaH sukR^itaH sukR^ityayA hotushchitpUrve haviradyamAshata || 10\.094\.02 ete vadantyavidannanA madhu nyU~Nkhayante adhi pakva AmiShi | vR^ikShasya shAkhAmaruNasya bapsataste sUbharvA vR^iShabhAH premarAviShuH || 10\.094\.03 bR^ihadvadanti madireNa mandinendraM kroshanto.avidannanA madhu | saMrabhyA dhIrAH svasR^ibhiranartiShurAghoShayantaH pR^ithivImupabdibhiH || 10\.094\.04 suparNA vAchamakratopa dyavyAkhare kR^iShNA iShirA anartiShuH | nya~Nni yantyuparasya niShkR^itaM purU reto dadhire sUryashvitaH || 10\.094\.05 ugrA iva pravahantaH samAyamuH sAkaM yuktA vR^iShaNo bibhrato dhuraH | yachChvasanto jagrasAnA arAviShuH shR^iNva eShAM prothatho arvatAmiva || 10\.094\.06 dashAvanibhyo dashakakShyebhyo dashayoktrebhyo dashayojanebhyaH | dashAbhIshubhyo archatAjarebhyo dasha dhuro dasha yuktA vahadbhyaH || 10\.094\.07 te adrayo dashayantrAsa AshavasteShAmAdhAnaM paryeti haryatam | ta U sutasya somyasyAndhasoM.ashoH pIyUShaM prathamasya bhejire || 10\.094\.08 te somAdo harI indrasya niMsateM.ashuM duhanto adhyAsate gavi | tebhirdugdhaM papivAnsomyaM madhvindro vardhate prathate vR^iShAyate || 10\.094\.09 vR^iShA vo aMshurna kilA riShAthaneLAvantaH sadamitsthanAshitAH | raivatyeva mahasA chAravaH sthana yasya grAvANo ajuShadhvamadhvaram || 10\.094\.10 tR^idilA atR^idilAso adrayo.ashramaNA ashR^ithitA amR^ityavaH | anAturA ajarAH sthAmaviShNavaH supIvaso atR^iShitA atR^iShNajaH || 10\.094\.11 dhruvA eva vaH pitaro yugeyuge kShemakAmAsaH sadaso na yu~njate | ajuryAso hariShAcho haridrava A dyAM raveNa pR^ithivImashushravuH || 10\.094\.12 tadidvadantyadrayo vimochane yAmanna~njaspA iva ghedupabdibhiH | vapanto bIjamiva dhAnyAkR^itaH pR^i~nchanti somaM na minanti bapsataH || 10\.094\.13 sute adhvare adhi vAchamakratA krILayo na mAtaraM tudantaH | vi ShU mu~nchA suShuvuSho manIShAM vi vartantAmadrayashchAyamAnAH || 10\.094\.14 haye jAye manasA tiShTha ghore vachAMsi mishrA kR^iNavAvahai nu | na nau mantrA anuditAsa ete mayaskaranparatare chanAhan || 10\.095\.01 kimetA vAchA kR^iNavA tavAhaM prAkramiShamuShasAmagriyeva | purUravaH punarastaM parehi durApanA vAta ivAhamasmi || 10\.095\.02 iShurna shriya iShudherasanA goShAH shatasA na raMhiH | avIre kratau vi davidyutannorA na mAyuM chitayanta dhunayaH || 10\.095\.03 sA vasu dadhatI shvashurAya vaya uSho yadi vaShTyantigR^ihAt | astaM nanakShe yasmi~nchAkandivA naktaM shnathitA vaitasena || 10\.095\.04 triH sma mAhnaH shnathayo vaitasenota sma me.avyatyai pR^iNAsi | purUravo.anu te ketamAyaM rAjA me vIra tanvastadAsIH || 10\.095\.05 yA sujUrNiH shreNiH sumna/ApirhradechakShurna granthinI charaNyuH | tA a~njayo.aruNayo na sasruH shriye gAvo na dhenavo.anavanta || 10\.095\.06 samasmi~njAyamAna Asata gnA utemavardhannadyaH svagUrtAH | mahe yattvA purUravo raNAyAvardhayandasyuhatyAya devAH || 10\.095\.07 sachA yadAsu jahatIShvatkamamAnuShIShu mAnuSho niSheve | apa sma mattarasantI na bhujyustA atrasanrathaspR^isho nAshvAH || 10\.095\.08 yadAsu marto amR^itAsu nispR^iksaM kShoNIbhiH kratubhirna pR^i~Nkte | tA Atayo na tanvaH shumbhata svA ashvAso na krILayo dandashAnAH || 10\.095\.09 vidyunna yA patantI davidyodbharantI me apyA kAmyAni | janiShTo apo naryaH sujAtaH prorvashI tirata dIrghamAyuH || 10\.095\.10 jaj~niSha itthA gopIthyAya hi dadhAtha tatpurUravo ma ojaH | ashAsaM tvA viduShI sasminnahanna ma AshR^iNoH kimabhugvadAsi || 10\.095\.11 kadA sUnuH pitaraM jAta ichChAchchakrannAshru vartayadvijAnan | ko dampatI samanasA vi yUyodadha yadagniH shvashureShu dIdayat || 10\.095\.12 prati bravANi vartayate ashru chakranna krandadAdhye shivAyai | pra tatte hinavA yatte asme parehyastaM nahi mUra mApaH || 10\.095\.13 sudevo adya prapatedanAvR^itparAvataM paramAM gantavA u | adhA shayIta nirR^iterupasthe.adhainaM vR^ikA rabhasAso adyuH || 10\.095\.14 purUravo mA mR^ithA mA pra papto mA tvA vR^ikAso ashivAsa u kShan | na vai straiNAni sakhyAni santi sAlAvR^ikANAM hR^idayAnyetA || 10\.095\.15 yadvirUpAcharaM martyeShvavasaM rAtrIH sharadashchatasraH | ghR^itasya stokaM sakR^idahna AshnAM tAdevedaM tAtR^ipANA charAmi || 10\.095\.16 antarikShaprAM rajaso vimAnImupa shikShAmyurvashIM vasiShThaH | upa tvA rAtiH sukR^itasya tiShThAnni vartasva hR^idayaM tapyate me || 10\.095\.17 iti tvA devA ima AhuraiLa yathemetadbhavasi mR^ityubandhuH | prajA te devAnhaviShA yajAti svarga u tvamapi mAdayAse || 10\.095\.18 pra te mahe vidathe shaMsiShaM harI pra te vanve vanuSho haryataM madam | ghR^itaM na yo haribhishchAru sechata A tvA vishantu harivarpasaM giraH || 10\.096\.01 hariM hi yonimabhi ye samasvaranhinvanto harI divyaM yathA sadaH | A yaM pR^iNanti haribhirna dhenava indrAya shUShaM harivantamarchata || 10\.096\.02 so asya vajro harito ya Ayaso harirnikAmo harirA gabhastyoH | dyumnI sushipro harimanyusAyaka indre ni rUpA haritA mimikShire || 10\.096\.03 divi na keturadhi dhAyi haryato vivyachadvajro harito na raMhyA | tudadahiM harishipro ya AyasaH sahasrashokA abhavaddharimbharaH || 10\.096\.04 tvaMtvamaharyathA upastutaH pUrvebhirindra harikesha yajvabhiH | tvaM haryasi tava vishvamukthyamasAmi rAdho harijAta haryatam || 10\.096\.05 tA vajriNaM mandinaM stomyaM mada indraM rathe vahato haryatA harI | purUNyasmai savanAni haryata indrAya somA harayo dadhanvire || 10\.096\.06 araM kAmAya harayo dadhanvire sthirAya hinvanharayo harI turA | arvadbhiryo haribhirjoShamIyate so asya kAmaM harivantamAnashe || 10\.096\.07 harishmashArurharikesha Ayasasturaspeye yo haripA avardhata | arvadbhiryo haribhirvAjinIvasurati vishvA duritA pAriShaddharI || 10\.096\.08 sruveva yasya hariNI vipetatuH shipre vAjAya hariNI davidhvataH | pra yatkR^ite chamase marmR^ijaddharI pItvA madasya haryatasyAndhasaH || 10\.096\.09 uta sma sadma haryatasya pastyoratyo na vAjaM harivA.N achikradat | mahI chiddhi dhiShaNAharyadojasA bR^ihadvayo dadhiShe haryatashchidA || 10\.096\.10 A rodasI haryamANo mahitvA navyaMnavyaM haryasi manma nu priyam | pra pastyamasura haryataM gorAviShkR^idhi haraye sUryAya || 10\.096\.11 A tvA haryantaM prayujo janAnAM rathe vahantu harishipramindra | pibA yathA pratibhR^itasya madhvo haryanyaj~naM sadhamAde dashoNim || 10\.096\.12 apAH pUrveShAM harivaH sutAnAmatho idaM savanaM kevalaM te | mamaddhi somaM madhumantamindra satrA vR^iSha~njaThara A vR^iShasva || 10\.096\.13 yA oShadhIH pUrvA jAtA devebhyastriyugaM purA | manai nu babhrUNAmahaM shataM dhAmAni sapta cha || 10\.097\.01 shataM vo amba dhAmAni sahasramuta vo ruhaH | adhA shatakratvo yUyamimaM me agadaM kR^ita || 10\.097\.02 oShadhIH prati modadhvaM puShpavatIH prasUvarIH | ashvA iva sajitvarIrvIrudhaH pArayiShNvaH || 10\.097\.03 oShadhIriti mAtarastadvo devIrupa bruve | saneyamashvaM gAM vAsa AtmAnaM tava pUruSha || 10\.097\.04 ashvatthe vo niShadanaM parNe vo vasatiShkR^itA | gobhAja itkilAsatha yatsanavatha pUruSham || 10\.097\.05 yatrauShadhIH samagmata rAjAnaH samitAviva | vipraH sa uchyate bhiShagrakShohAmIvachAtanaH || 10\.097\.06 ashvAvatIM somAvatImUrjayantImudojasam | Avitsi sarvA oShadhIrasmA ariShTatAtaye || 10\.097\.07 uchChuShmA oShadhInAM gAvo goShThAdiverate | dhanaM saniShyantInAmAtmAnaM tava pUruSha || 10\.097\.08 iShkR^itirnAma vo mAtAtho yUyaM stha niShkR^itIH | sIrAH patatriNIH sthana yadAmayati niShkR^itha || 10\.097\.09 ati vishvAH pariShThAH stena iva vrajamakramuH | oShadhIH prAchuchyavuryatkiM cha tanvo rapaH || 10\.097\.10 yadimA vAjayannahamoShadhIrhasta Adadhe | AtmA yakShmasya nashyati purA jIvagR^ibho yathA || 10\.097\.11 yasyauShadhIH prasarpathA~Ngama~NgaM paruShparuH | tato yakShmaM vi bAdhadhva ugro madhyamashIriva || 10\.097\.12 sAkaM yakShma pra pata chASheNa kikidIvinA | sAkaM vAtasya dhrAjyA sAkaM nashya nihAkayA || 10\.097\.13 anyA vo anyAmavatvanyAnyasyA upAvata | tAH sarvAH saMvidAnA idaM me prAvatA vachaH || 10\.097\.14 yAH phalinIryA aphalA apuShpA yAshcha puShpiNIH | bR^ihaspatiprasUtAstA no mu~nchantvaMhasaH || 10\.097\.15 mu~nchantu mA shapathyAdatho varuNyAduta | atho yamasya paDbIshAtsarvasmAddevakilbiShAt || 10\.097\.16 avapatantIravadandiva oShadhayaspari | yaM jIvamashnavAmahai na sa riShyAti pUruShaH || 10\.097\.17 yA oShadhIH somarAj~nIrbahvIH shatavichakShaNAH | tAsAM tvamasyuttamAraM kAmAya shaM hR^ide || 10\.097\.18 yA oShadhIH somarAj~nIrviShThitAH pR^ithivImanu | bR^ihaspatiprasUtA asyai saM datta vIryam || 10\.097\.19 mA vo riShatkhanitA yasmai chAhaM khanAmi vaH | dvipachchatuShpadasmAkaM sarvamastvanAturam || 10\.097\.20 yAshchedamupashR^iNvanti yAshcha dUraM parAgatAH | sarvAH saMgatya vIrudho.asyai saM datta vIryam || 10\.097\.21 oShadhayaH saM vadante somena saha rAj~nA | yasmai kR^iNoti brAhmaNastaM rAjanpArayAmasi || 10\.097\.22 tvamuttamAsyoShadhe tava vR^ikShA upastayaH | upastirastu so.asmAkaM yo asmA.N abhidAsati || 10\.097\.23 bR^ihaspate prati me devatAmihi mitro vA yadvaruNo vAsi pUShA | AdityairvA yadvasubhirmarutvAnsa parjanyaM shaMtanave vR^iShAya || 10\.098\.01 A devo dUto ajirashchikitvAntvaddevApe abhi mAmagachChat | pratIchInaH prati mAmA vavR^itsva dadhAmi te dyumatIM vAchamAsan || 10\.098\.02 asme dhehi dyumatIM vAchamAsanbR^ihaspate anamIvAmiShirAm | yayA vR^iShTiM shaMtanave vanAva divo drapso madhumA.N A vivesha || 10\.098\.03 A no drapsA madhumanto vishantvindra dehyadhirathaM sahasram | ni ShIda hotramR^ituthA yajasva devAndevApe haviShA saparya || 10\.098\.04 ArShTiSheNo hotramR^iShirniShIdandevApirdevasumatiM chikitvAn | sa uttarasmAdadharaM samudramapo divyA asR^ijadvarShyA abhi || 10\.098\.05 asminsamudre adhyuttarasminnApo devebhirnivR^itA atiShThan | tA adravannArShTiSheNena sR^iShTA devApinA preShitA mR^ikShiNIShu || 10\.098\.06 yaddevApiH shaMtanave purohito hotrAya vR^itaH kR^ipayannadIdhet | devashrutaM vR^iShTivaniM rarANo bR^ihaspatirvAchamasmA ayachChat || 10\.098\.07 yaM tvA devApiH shushuchAno agna ArShTiSheNo manuShyaH samIdhe | vishvebhirdevairanumadyamAnaH pra parjanyamIrayA vR^iShTimantam || 10\.098\.08 tvAM pUrva R^iShayo gIrbhirAyantvAmadhvareShu puruhUta vishve | sahasrANyadhirathAnyasme A no yaj~naM rohidashvopa yAhi || 10\.098\.09 etAnyagne navatirnava tve AhutAnyadhirathA sahasrA | tebhirvardhasva tanvaH shUra pUrvIrdivo no vR^iShTimiShito rirIhi || 10\.098\.10 etAnyagne navatiM sahasrA saM pra yachCha vR^iShNa indrAya bhAgam | vidvAnpatha R^itusho devayAnAnapyaulAnaM divi deveShu dhehi || 10\.098\.11 agne bAdhasva vi mR^idho vi durgahApAmIvAmapa rakShAMsi sedha | asmAtsamudrAdbR^ihato divo no.apAM bhUmAnamupa naH sR^ijeha || 10\.098\.12 kaM nashchitramiShaNyasi chikitvAnpR^ithugmAnaM vAshraM vAvR^idhadhyai | kattasya dAtu shavaso vyuShTau takShadvajraM vR^itraturamapinvat || 10\.099\.01 sa hi dyutA vidyutA veti sAma pR^ithuM yonimasuratvA sasAda | sa sanILebhiH prasahAno asya bhrAturna R^ite saptathasya mAyAH || 10\.099\.02 sa vAjaM yAtApaduShpadA yansvarShAtA pari ShadatsaniShyan | anarvA yachChatadurasya vedo ghna~nChishnadevA.N abhi varpasA bhUt || 10\.099\.03 sa yahvyo.avanIrgoShvarvA juhoti pradhanyAsu sasriH | apAdo yatra yujyAso.arathA droNyashvAsa Irate ghR^itaM vAH || 10\.099\.04 sa rudrebhirashastavAra R^ibhvA hitvI gayamAre/avadya AgAt | vamrasya manye mithunA vivavrI annamabhItyArodayanmuShAyan || 10\.099\.05 sa iddAsaM tuvIravaM patirdanShaLakShaM trishIrShANaM damanyat | asya trito nvojasA vR^idhAno vipA varAhamayo/agrayA han || 10\.099\.06 sa druhvaNe manuSha UrdhvasAna A sAviShadarshasAnAya sharum | sa nR^itamo nahuSho.asmatsujAtaH puro.abhinadarhandasyuhatye || 10\.099\.07 so abhriyo na yavasa udanyankShayAya gAtuM vidanno asme | upa yatsIdadinduM sharIraiH shyeno.ayopAShTirhanti dasyUn || 10\.099\.08 sa vrAdhataH shavasAnebhirasya kutsAya shuShNaM kR^ipaNe parAdAt | ayaM kavimanayachChasyamAnamatkaM yo asya sanitota nR^iNAm || 10\.099\.09 ayaM dashasyannaryebhirasya dasmo devebhirvaruNo na mAyI | ayaM kanIna R^itupA avedyamimItAraruM yashchatuShpAt || 10\.099\.10 asya stomebhiraushija R^ijishvA vrajaM darayadvR^iShabheNa piproH | sutvA yadyajato dIdayadgIH pura iyAno abhi varpasA bhUt || 10\.099\.11 evA maho asura vakShathAya vamrakaH paDbhirupa sarpadindram | sa iyAnaH karati svastimasmA iShamUrjaM sukShitiM vishvamAbhAH || 10\.099\.12 indra dR^ihya maghavantvAvadidbhuja iha stutaH sutapA bodhi no vR^idhe | devebhirnaH savitA prAvatu shrutamA sarvatAtimaditiM vR^iNImahe || 10\.100\.01 bharAya su bharata bhAgamR^itviyaM pra vAyave shuchipe krandadiShTaye | gaurasya yaH payasaH pItimAnasha A sarvatAtimaditiM vR^iNImahe || 10\.100\.02 A no devaH savitA sAviShadvaya R^ijUyate yajamAnAya sunvate | yathA devAnpratibhUShema pAkavadA sarvatAtimaditiM vR^iNImahe || 10\.100\.03 indro asme sumanA astu vishvahA rAjA somaH suvitasyAdhyetu naH | yathAyathA mitradhitAni saMdadhurA sarvatAtimaditiM vR^iNImahe || 10\.100\.04 indra ukthena shavasA parurdadhe bR^ihaspate pratarItAsyAyuShaH | yaj~no manuH pramatirnaH pitA hi kamA sarvatAtimaditiM vR^iNImahe || 10\.100\.05 indrasya nu sukR^itaM daivyaM saho.agnirgR^ihe jaritA medhiraH kaviH | yaj~nashcha bhUdvidathe chArurantama A sarvatAtimaditiM vR^iNImahe || 10\.100\.06 na vo guhA chakR^ima bhUri duShkR^itaM nAviShTyaM vasavo devaheLanam | mAkirno devA anR^itasya varpasa A sarvatAtimaditiM vR^iNImahe || 10\.100\.07 apAmIvAM savitA sAviShannyagvarIya idapa sedhantvadrayaH | grAvA yatra madhuShuduchyate bR^ihadA sarvatAtimaditiM vR^iNImahe || 10\.100\.08 Urdhvo grAvA vasavo.astu sotari vishvA dveShAMsi sanutaryuyota | sa no devaH savitA pAyurIDya A sarvatAtimaditiM vR^iNImahe || 10\.100\.09 UrjaM gAvo yavase pIvo attana R^itasya yAH sadane koshe a~Ngdhve | tanUreva tanvo astu bheShajamA sarvatAtimaditiM vR^iNImahe || 10\.100\.10 kratuprAvA jaritA shashvatAmava indra idbhadrA pramatiH sutAvatAm | pUrNamUdhardivyaM yasya siktaya A sarvatAtimaditiM vR^iNImahe || 10\.100\.11 chitraste bhAnuH kratuprA abhiShTiH santi spR^idho jaraNiprA adhR^iShTAH | rajiShThayA rajyA pashva A gostUtUrShati paryagraM duvasyuH || 10\.100\.12 udbudhyadhvaM samanasaH sakhAyaH samagnimindhvaM bahavaH sanILAH | dadhikrAmagnimuShasaM cha devImindrAvato.avase ni hvaye vaH || 10\.101\.01 mandrA kR^iNudhvaM dhiya A tanudhvaM nAvamaritraparaNIM kR^iNudhvam | iShkR^iNudhvamAyudhAraM kR^iNudhvaM prA~nchaM yaj~naM pra NayatA sakhAyaH || 10\.101\.02 yunakta sIrA vi yugA tanudhvaM kR^ite yonau vapateha bIjam | girA cha shruShTiH sabharA asanno nedIya itsR^iNyaH pakvameyAt || 10\.101\.03 sIrA yu~njanti kavayo yugA vi tanvate pR^ithak | dhIrA deveShu sumnayA || 10\.101\.04 nirAhAvAnkR^iNotana saM varatrA dadhAtana | si~nchAmahA avatamudriNaM vayaM suShekamanupakShitam || 10\.101\.05 iShkR^itAhAvamavataM suvaratraM suShechanam | udriNaM si~nche akShitam || 10\.101\.06 prINItAshvAnhitaM jayAtha svastivAhaM rathamitkR^iNudhvam | droNAhAvamavatamashmachakramaMsatrakoshaM si~nchatA nR^ipANam || 10\.101\.07 vrajaM kR^iNudhvaM sa hi vo nR^ipANo varma sIvyadhvaM bahulA pR^ithUni | puraH kR^iNudhvamAyasIradhR^iShTA mA vaH susrochchamaso dR^iMhatA tam || 10\.101\.08 A vo dhiyaM yaj~niyAM varta Utaye devA devIM yajatAM yaj~niyAmiha | sA no duhIyadyavaseva gatvI sahasradhArA payasA mahI gauH || 10\.101\.09 A tU Shi~ncha harimIM drorupasthe vAshIbhistakShatAshmanmayIbhiH | pari ShvajadhvaM dasha kakShyAbhirubhe dhurau prati vahniM yunakta || 10\.101\.10 ubhe dhurau vahnirApibdamAno.antaryoneva charati dvijAniH | vanaspatiM vana AsthApayadhvaM ni ShU dadhidhvamakhananta utsam || 10\.101\.11 kapR^innaraH kapR^ithamuddadhAtana chodayata khudata vAjasAtaye | niShTigryaH putramA chyAvayotaya indraM sabAdha iha somapItaye || 10\.101\.12 pra te rathaM mithUkR^itamindro.avatu dhR^iShNuyA | asminnAjau puruhUta shravAyye dhanabhakSheShu no.ava || 10\.102\.01 utsma vAto vahati vAso.asyA adhirathaM yadajayatsahasram | rathIrabhUnmudgalAnI gaviShTau bhare kR^itaM vyachedindrasenA || 10\.102\.02 antaryachCha jighAMsato vajramindrAbhidAsataH | dAsasya vA maghavannAryasya vA sanutaryavayA vadham || 10\.102\.03 udno hradamapibajjarhR^iShANaH kUTaM sma tR^iMhadabhimAtimeti | pra muShkabhAraH shrava ichChamAno.ajiraM bAhU abharatsiShAsan || 10\.102\.04 nyakrandayannupayanta enamamehayanvR^iShabhaM madhya AjeH | tena sUbharvaM shatavatsahasraM gavAM mudgalaH pradhane jigAya || 10\.102\.05 kakardave vR^iShabho yukta AsIdavAvachItsArathirasya keshI | dudheryuktasya dravataH sahAnasa R^ichChanti ShmA niShpado mudgalAnIm || 10\.102\.06 uta pradhimudahannasya vidvAnupAyunagvaMsagamatra shikShan | indra udAvatpatimaghnyAnAmaraMhata padyAbhiH kakudmAn || 10\.102\.07 shunamaShTrAvyacharatkapardI varatrAyAM dArvAnahyamAnaH | nR^imNAni kR^iNvanbahave janAya gAH paspashAnastaviShIradhatta || 10\.102\.08 imaM taM pashya vR^iShabhasya yu~njaM kAShThAyA madhye drughaNaM shayAnam | yena jigAya shatavatsahasraM gavAM mudgalaH pR^itanAjyeShu || 10\.102\.09 Are aghA ko nvitthA dadarsha yaM yu~njanti tamvA sthApayanti | nAsmai tR^iNaM nodakamA bharantyuttaro dhuro vahati pradedishat || 10\.102\.10 parivR^ikteva patividyamAnaT pIpyAnA kUchakreNeva si~nchan | eShaiShyA chidrathyA jayema suma~NgalaM sinavadastu sAtam || 10\.102\.11 tvaM vishvasya jagatashchakShurindrAsi chakShuShaH | vR^iShA yadAjiM vR^iShaNA siShAsasi chodayanvadhriNA yujA || 10\.102\.12 AshuH shishAno vR^iShabho na bhImo ghanAghanaH kShobhaNashcharShaNInAm | saMkrandano.animiSha ekavIraH shataM senA ajayatsAkamindraH || 10\.103\.01 saMkrandanenAnimiSheNa jiShNunA yutkAreNa dushchyavanena dhR^iShNunA | tadindreNa jayata tatsahadhvaM yudho nara iShuhastena vR^iShNA || 10\.103\.02 sa iShuhastaiH sa niSha~NgibhirvashI saMsraShTA sa yudha indro gaNena | saMsR^iShTajitsomapA bAhushardhyugradhanvA pratihitAbhirastA || 10\.103\.03 bR^ihaspate pari dIyA rathena rakShohAmitrA.N apabAdhamAnaH | prabha~njansenAH pramR^iNo yudhA jayannasmAkamedhyavitA rathAnAm || 10\.103\.04 balavij~nAyaH sthaviraH pravIraH sahasvAnvAjI sahamAna ugraH | abhivIro abhisatvA sahojA jaitramindra rathamA tiShTha govit || 10\.103\.05 gotrabhidaM govidaM vajrabAhuM jayantamajma pramR^iNantamojasA | imaM sajAtA anu vIrayadhvamindraM sakhAyo anu saM rabhadhvam || 10\.103\.06 abhi gotrANi sahasA gAhamAno.adayo vIraH shatamanyurindraH | dushchyavanaH pR^itanAShALayudhyo.asmAkaM senA avatu pra yutsu || 10\.103\.07 indra AsAM netA bR^ihaspatirdakShiNA yaj~naH pura etu somaH | devasenAnAmabhibha~njatInAM jayantInAM maruto yantvagram || 10\.103\.08 indrasya vR^iShNo varuNasya rAj~na AdityAnAM marutAM shardha ugram | mahAmanasAM bhuvanachyavAnAM ghoSho devAnAM jayatAmudasthAt || 10\.103\.09 uddharShaya maghavannAyudhAnyutsatvanAM mAmakAnAM manAMsi | udvR^itrahanvAjinAM vAjinAnyudrathAnAM jayatAM yantu ghoShAH || 10\.103\.10 asmAkamindraH samR^iteShu dhvajeShvasmAkaM yA iShavastA jayantu | asmAkaM vIrA uttare bhavantvasmA.N u devA avatA haveShu || 10\.103\.11 amIShAM chittaM pratilobhayantI gR^ihANA~NgAnyapve parehi | abhi prehi nirdaha hR^itsu shokairandhenAmitrAstamasA sachantAm || 10\.103\.12 pretA jayatA nara indro vaH sharma yachChatu | ugrA vaH santu bAhavo.anAdhR^iShyA yathAsatha || 10\.103\.13 asAvi somaH puruhUta tubhyaM haribhyAM yaj~namupa yAhi tUyam | tubhyaM giro vipravIrA iyAnA dadhanvira indra pibA sutasya || 10\.104\.01 apsu dhUtasya harivaH pibeha nR^ibhiH sutasya jaTharaM pR^iNasva | mimikShuryamadraya indra tubhyaM tebhirvardhasva madamukthavAhaH || 10\.104\.02 progrAM pItiM vR^iShNa iyarmi satyAM prayai sutasya haryashva tubhyam | indra dhenAbhiriha mAdayasva dhIbhirvishvAbhiH shachyA gR^iNAnaH || 10\.104\.03 UtI shachIvastava vIryeNa vayo dadhAnA ushija R^itaj~nAH | prajAvadindra manuSho duroNe tasthurgR^iNantaH sadhamAdyAsaH || 10\.104\.04 praNItibhiShTe haryashva suShToH suShumnasya pururucho janAsaH | maMhiShThAmUtiM vitire dadhAnAH stotAra indra tava sUnR^itAbhiH || 10\.104\.05 upa brahmANi harivo haribhyAM somasya yAhi pItaye sutasya | indra tvA yaj~naH kShamamANamAnaDdAshvA.N asyadhvarasya praketaH || 10\.104\.06 sahasravAjamabhimAtiShAhaM suteraNaM maghavAnaM suvR^iktim | upa bhUShanti giro apratItamindraM namasyA jarituH pananta || 10\.104\.07 saptApo devIH suraNA amR^iktA yAbhiH sindhumatara indra pUrbhit | navatiM srotyA nava cha sravantIrdevebhyo gAtuM manuShe cha vindaH || 10\.104\.08 apo mahIrabhishasteramu~ncho.ajAgarAsvadhi deva ekaH | indra yAstvaM vR^itratUrye chakartha tAbhirvishvAyustanvaM pupuShyAH || 10\.104\.09 vIreNyaH kraturindraH sushastirutApi dhenA puruhUtamITTe | ArdayadvR^itramakR^iNodu lokaM sasAhe shakraH pR^itanA abhiShTiH || 10\.104\.10 shunaM huvema maghavAnamindramasminbhare nR^itamaM vAjasAtau | shR^iNvantamugramUtaye samatsu ghnantaM vR^itrANi saMjitaM dhanAnAm || 10\.104\.11 kadA vaso stotraM haryata Ava shmashA rudhadvAH | dIrghaM sutaM vAtApyAya || 10\.105\.01 harI yasya suyujA vivratA verarvantAnu shepA | ubhA rajI na keshinA patirdan || 10\.105\.02 apa yorindraH pApaja A marto na shashramANo bibhIvAn | shubhe yadyuyuje taviShIvAn || 10\.105\.03 sachAyorindrashcharkR^iSha A.N upAnasaH saparyan | nadayorvivratayoH shUra indraH || 10\.105\.04 adhi yastasthau keshavantA vyachasvantA na puShTyai | vanoti shiprAbhyAM shipriNIvAn || 10\.105\.05 prAstaudR^iShvaujA R^iShvebhistatakSha shUraH shavasA | R^ibhurna kratubhirmAtarishvA || 10\.105\.06 vajraM yashchakre suhanAya dasyave hirImasho hirImAn | arutahanuradbhutaM na rajaH || 10\.105\.07 ava no vR^ijinA shishIhyR^ichA vanemAnR^ichaH | nAbrahmA yaj~na R^idhagjoShati tve || 10\.105\.08 UrdhvA yatte tretinI bhUdyaj~nasya dhUrShu sadman | sajUrnAvaM svayashasaM sachAyoH || 10\.105\.09 shriye te pR^ishnirupasechanI bhUchChriye darvirarepAH | yayA sve pAtre si~nchasa ut || 10\.105\.10 shataM vA yadasurya prati tvA sumitra itthAstauddurmitra itthAstaut | Avo yaddasyuhatye kutsaputraM prAvo yaddasyuhatye kutsavatsam || 10\.105\.11 ubhA u nUnaM tadidarthayethe vi tanvAthe dhiyo vastrApaseva | sadhrIchInA yAtave premajIgaH sudineva pR^ikSha A taMsayethe || 10\.106\.01 uShTAreva pharvareShu shrayethe prAyogeva shvAtryA shAsurethaH | dUteva hi ShTho yashasA janeShu mApa sthAtaM mahiShevAvapAnAt || 10\.106\.02 sAkaMyujA shakunasyeva pakShA pashveva chitrA yajurA gamiShTam | agniriva devayordIdivAMsA parijmAneva yajathaH purutrA || 10\.106\.03 ApI vo asme pitareva putrogreva ruchA nR^ipatIva turyai | iryeva puShTyai kiraNeva bhujyai shruShTIvAneva havamA gamiShTam || 10\.106\.04 vaMsageva pUSharyA shimbAtA mitreva R^itA shatarA shAtapantA | vAjevochchA vayasA gharmyeShThA meSheveShA saparyA purIShA || 10\.106\.05 sR^iNyeva jarbharI turpharItU naitosheva turpharI parpharIkA | udanyajeva jemanA maderU tA me jarAyvajaraM marAyu || 10\.106\.06 pajreva charcharaM jAraM marAyu kShadmevArtheShu tartarItha ugrA | R^ibhU nApatkharamajrA kharajrurvAyurna parpharatkShayadrayINAm || 10\.106\.07 gharmeva madhu jaThare sanerU bhagevitA turpharI phArivAram | patareva chacharA chandranirNi~NmanaR^i~NgA mananyA na jagmI || 10\.106\.08 bR^ihanteva gambhareShu pratiShThAM pAdeva gAdhaM tarate vidAthaH | karNeva shAsuranu hi smarAthoM.asheva no bhajataM chitramapnaH || 10\.106\.09 Ara~Ngareva madhverayethe sAragheva gavi nIchInabAre | kInAreva svedamAsiShvidAnA kShAmevorjA sUyavasAtsachethe || 10\.106\.10 R^idhyAma stomaM sanuyAma vAjamA no mantraM sarathehopa yAtam | yasho na pakvaM madhu goShvantarA bhUtAMsho ashvinoH kAmamaprAH || 10\.106\.11 AvirabhUnmahi mAghonameShAM vishvaM jIvaM tamaso niramochi | mahi jyotiH pitR^ibhirdattamAgAduruH panthA dakShiNAyA adarshi || 10\.107\.01 uchchA divi dakShiNAvanto asthurye ashvadAH saha te sUryeNa | hiraNyadA amR^itatvaM bhajante vAsodAH soma pra tiranta AyuH || 10\.107\.02 daivI pUrtirdakShiNA devayajyA na kavAribhyo nahi te pR^iNanti | athA naraH prayatadakShiNAso.avadyabhiyA bahavaH pR^iNanti || 10\.107\.03 shatadhAraM vAyumarkaM svarvidaM nR^ichakShasaste abhi chakShate haviH | ye pR^iNanti pra cha yachChanti saMgame te dakShiNAM duhate saptamAtaram || 10\.107\.04 dakShiNAvAnprathamo hUta eti dakShiNAvAngrAmaNIragrameti | tameva manye nR^ipatiM janAnAM yaH prathamo dakShiNAmAvivAya || 10\.107\.05 tameva R^iShiM tamu brahmANamAhuryaj~nanyaM sAmagAmukthashAsam | sa shukrasya tanvo veda tisro yaH prathamo dakShiNayA rarAdha || 10\.107\.06 dakShiNAshvaM dakShiNA gAM dadAti dakShiNA chandramuta yaddhiraNyam | dakShiNAnnaM vanute yo na AtmA dakShiNAM varma kR^iNute vijAnan || 10\.107\.07 na bhojA mamrurna nyarthamIyurna riShyanti na vyathante ha bhojAH | idaM yadvishvaM bhuvanaM svashchaitatsarvaM dakShiNaibhyo dadAti || 10\.107\.08 bhojA jigyuH surabhiM yonimagre bhojA jigyurvadhvaM yA suvAsAH | bhojA jigyurantaHpeyaM surAyA bhojA jigyurye ahUtAH prayanti || 10\.107\.09 bhojAyAshvaM saM mR^ijantyAshuM bhojAyAste kanyA shumbhamAnA | bhojasyedaM puShkariNIva veshma pariShkR^itaM devamAneva chitram || 10\.107\.10 bhojamashvAH suShThuvAho vahanti suvR^idratho vartate dakShiNAyAH | bhojaM devAso.avatA bhareShu bhojaH shatrUnsamanIkeShu jetA || 10\.107\.11 kimichChantI saramA predamAnaDdUre hyadhvA jaguriH parAchaiH | kAsmehitiH kA paritakmyAsItkathaM rasAyA ataraH payAMsi || 10\.108\.01 indrasya dUtIriShitA charAmi maha ichChantI paNayo nidhInvaH | atiShkado bhiyasA tanna AvattathA rasAyA ataraM payAMsi || 10\.108\.02 kIdR^i~N~NindraH sarame kA dR^ishIkA yasyedaM dUtIrasaraH parAkAt | A cha gachChAnmitramenA dadhAmAthA gavAM gopatirno bhavAti || 10\.108\.03 nAhaM taM veda dabhyaM dabhatsa yasyedaM dUtIrasaraM parAkAt | na taM gUhanti sravato gabhIrA hatA indreNa paNayaH shayadhve || 10\.108\.04 imA gAvaH sarame yA aichChaH pari divo antAnsubhage patantI | kasta enA ava sR^ijAdayudhvyutAsmAkamAyudhA santi tigmA || 10\.108\.05 asenyA vaH paNayo vachAMsyaniShavyAstanvaH santu pApIH | adhR^iShTo va etavA astu panthA bR^ihaspatirva ubhayA na mR^iLAt || 10\.108\.06 ayaM nidhiH sarame adribudhno gobhirashvebhirvasubhirnyR^iShTaH | rakShanti taM paNayo ye sugopA reku padamalakamA jagantha || 10\.108\.07 eha gamannR^iShayaH somashitA ayAsyo a~Ngiraso navagvAH | ta etamUrvaM vi bhajanta gonAmathaitadvachaH paNayo vamannit || 10\.108\.08 evA cha tvaM sarama Ajagantha prabAdhitA sahasA daivyena | svasAraM tvA kR^iNavai mA punargA apa te gavAM subhage bhajAma || 10\.108\.09 nAhaM veda bhrAtR^itvaM no svasR^itvamindro vidura~Ngirasashcha ghorAH | gokAmA me achChadayanyadAyamapAta ita paNayo varIyaH || 10\.108\.10 dUramita paNayo varIya udgAvo yantu minatIrR^itena | bR^ihaspatiryA avindannigULhAH somo grAvANa R^iShayashcha viprAH || 10\.108\.11 te.avadanprathamA brahmakilbiShe.akUpAraH salilo mAtarishvA | vILuharAstapa ugro mayobhUrApo devIH prathamajA R^itena || 10\.109\.01 somo rAjA prathamo brahmajAyAM punaH prAyachChadahR^iNIyamAnaH | anvartitA varuNo mitra AsIdagnirhotA hastagR^ihyA ninAya || 10\.109\.02 hastenaiva grAhya AdhirasyA brahmajAyeyamiti chedavochan | na dUtAya prahye tastha eShA tathA rAShTraM gupitaM kShatriyasya || 10\.109\.03 devA etasyAmavadanta pUrve saptaR^iShayastapase ye niSheduH | bhImA jAyA brAhmaNasyopanItA durdhAM dadhAti parame vyoman || 10\.109\.04 brahmachArI charati veviShadviShaH sa devAnAM bhavatyekama~Ngam | tena jAyAmanvavindadbR^ihaspatiH somena nItAM juhvaM na devAH || 10\.109\.05 punarvai devA adaduH punarmanuShyA uta | rAjAnaH satyaM kR^iNvAnA brahmajAyAM punardaduH || 10\.109\.06 punardAya brahmajAyAM kR^itvI devairnikilbiSham | UrjaM pR^ithivyA bhaktvAyorugAyamupAsate || 10\.109\.07 samiddho adya manuSho duroNe devo devAnyajasi jAtavedaH | A cha vaha mitramahashchikitvAntvaM dUtaH kavirasi prachetAH || 10\.110\.01 tanUnapAtpatha R^itasya yAnAnmadhvA sama~njansvadayA sujihva | manmAni dhIbhiruta yaj~namR^indhandevatrA cha kR^iNuhyadhvaraM naH || 10\.110\.02 AjuhvAna IDyo vandyashchA yAhyagne vasubhiH sajoShAH | tvaM devAnAmasi yahva hotA sa enAnyakShIShito yajIyAn || 10\.110\.03 prAchInaM barhiH pradishA pR^ithivyA vastorasyA vR^ijyate agre ahnAm | vyu prathate vitaraM varIyo devebhyo aditaye syonam || 10\.110\.04 vyachasvatIrurviyA vi shrayantAM patibhyo na janayaH shumbhamAnAH | devIrdvAro bR^ihatIrvishvaminvA devebhyo bhavata suprAyaNAH || 10\.110\.05 A suShvayantI yajate upAke uShAsAnaktA sadatAM ni yonau | divye yoShaNe bR^ihatI surukme adhi shriyaM shukrapishaM dadhAne || 10\.110\.06 daivyA hotArA prathamA suvAchA mimAnA yaj~naM manuSho yajadhyai | prachodayantA vidatheShu kArU prAchInaM jyotiH pradishA dishantA || 10\.110\.07 A no yaj~naM bhAratI tUyametviLA manuShvadiha chetayantI | tisro devIrbarhiredaM syonaM sarasvatI svapasaH sadantu || 10\.110\.08 ya ime dyAvApR^ithivI janitrI rUpairapiMshadbhuvanAni vishvA | tamadya hotariShito yajIyAndevaM tvaShTAramiha yakShi vidvAn || 10\.110\.09 upAvasR^ija tmanyA sama~njandevAnAM pAtha R^ituthA havIMShi | vanaspatiH shamitA devo agniH svadantu havyaM madhunA ghR^itena || 10\.110\.10 sadyo jAto vyamimIta yaj~namagnirdevAnAmabhavatpurogAH | asya hotuH pradishyR^itasya vAchi svAhAkR^itaM haviradantu devAH || 10\.110\.11 manIShiNaH pra bharadhvaM manIShAM yathAyathA matayaH santi nR^iNAm | indraM satyairerayAmA kR^itebhiH sa hi vIro girvaNasyurvidAnaH || 10\.111\.01 R^itasya hi sadaso dhItiradyautsaM gArShTeyo vR^iShabho gobhirAnaT | udatiShThattaviSheNA raveNa mahAnti chitsaM vivyAchA rajAMsi || 10\.111\.02 indraH kila shrutyA asya veda sa hi jiShNuH pathikR^itsUryAya | AnmenAM kR^iNvannachyuto bhuvadgoH patirdivaH sanajA apratItaH || 10\.111\.03 indro mahnA mahato arNavasya vratAminAda~NgirobhirgR^iNAnaH | purUNi chinni tatAnA rajAMsi dAdhAra yo dharuNaM satyatAtA || 10\.111\.04 indro divaH pratimAnaM pR^ithivyA vishvA veda savanA hanti shuShNam | mahIM chiddyAmAtanotsUryeNa chAskambha chitkambhanena skabhIyAn || 10\.111\.05 vajreNa hi vR^itrahA vR^itramastaradevasya shUshuvAnasya mAyAH | vi dhR^iShNo atra dhR^iShatA jaghanthAthAbhavo maghavanbAhvojAH || 10\.111\.06 sachanta yaduShasaH sUryeNa chitrAmasya ketavo rAmavindan | A yannakShatraM dadR^ishe divo na punaryato nakiraddhA nu veda || 10\.111\.07 dUraM kila prathamA jagmurAsAmindrasya yAH prasave sasrurApaH | kva svidagraM kva budhna AsAmApo madhyaM kva vo nUnamantaH || 10\.111\.08 sR^ijaH sindhU.NrahinA jagrasAnA.N AdidetAH pra vivijre javena | mumukShamANA uta yA mumuchre.adhedetA na ramante nitiktAH || 10\.111\.09 sadhrIchIH sindhumushatIrivAyansanAjjAra AritaH pUrbhidAsAm | astamA te pArthivA vasUnyasme jagmuH sUnR^itA indra pUrvIH || 10\.111\.10 indra piba pratikAmaM sutasya prAtaHsAvastava hi pUrvapItiH | harShasva hantave shUra shatrUnukthebhiShTe vIryA pra bravAma || 10\.112\.01 yaste ratho manaso javIyAnendra tena somapeyAya yAhi | tUyamA te harayaH pra dravantu yebhiryAsi vR^iShabhirmandamAnaH || 10\.112\.02 haritvatA varchasA sUryasya shreShThai rUpaistanvaM sparshayasva | asmAbhirindra sakhibhirhuvAnaH sadhrIchIno mAdayasvA niShadya || 10\.112\.03 yasya tyatte mahimAnaM madeShvime mahI rodasI nAviviktAm | tadoka A haribhirindra yuktaiH priyebhiryAhi priyamannamachCha || 10\.112\.04 yasya shashvatpapivA.N indra shatrUnanAnukR^ityA raNyA chakartha | sa te puraMdhiM taviShImiyarti sa te madAya suta indra somaH || 10\.112\.05 idaM te pAtraM sanavittamindra pibA somamenA shatakrato | pUrNa AhAvo madirasya madhvo yaM vishva idabhiharyanti devAH || 10\.112\.06 vi hi tvAmindra purudhA janAso hitaprayaso vR^iShabha hvayante | asmAkaM te madhumattamAnImA bhuvansavanA teShu harya || 10\.112\.07 pra ta indra pUrvyANi pra nUnaM vIryA vochaM prathamA kR^itAni | satInamanyurashrathAyo adriM suvedanAmakR^iNorbrahmaNe gAm || 10\.112\.08 ni Shu sIda gaNapate gaNeShu tvAmAhurvipratamaM kavInAm | na R^ite tvatkriyate kiM chanAre mahAmarkaM maghava~nchitramarcha || 10\.112\.09 abhikhyA no maghavannAdhamAnAnsakhe bodhi vasupate sakhInAm | raNaM kR^idhi raNakR^itsatyashuShmAbhakte chidA bhajA rAye asmAn || 10\.112\.10 tamasya dyAvApR^ithivI sachetasA vishvebhirdevairanu shuShmamAvatAm | yadaitkR^iNvAno mahimAnamindriyaM pItvI somasya kratumA.N avardhata || 10\.113\.01 tamasya viShNurmahimAnamojasAMshuM dadhanvAnmadhuno vi rapshate | devebhirindro maghavA sayAvabhirvR^itraM jaghanvA.N abhavadvareNyaH || 10\.113\.02 vR^itreNa yadahinA bibhradAyudhA samasthithA yudhaye shaMsamAvide | vishve te atra marutaH saha tmanAvardhannugra mahimAnamindriyam || 10\.113\.03 jaj~nAna eva vyabAdhata spR^idhaH prApashyadvIro abhi pauMsyaM raNam | avR^ishchadadrimava sasyadaH sR^ijadastabhnAnnAkaM svapasyayA pR^ithum || 10\.113\.04 AdindraH satrA taviShIrapatyata varIyo dyAvApR^ithivI abAdhata | avAbharaddhR^iShito vajramAyasaM shevaM mitrAya varuNAya dAshuShe || 10\.113\.05 indrasyAtra taviShIbhyo virapshina R^ighAyato araMhayanta manyave | vR^itraM yadugro vyavR^ishchadojasApo bibhrataM tamasA parIvR^itam || 10\.113\.06 yA vIryANi prathamAni kartvA mahitvebhiryatamAnau samIyatuH | dhvAntaM tamo.ava dadhvase hata indro mahnA pUrvahUtAvapatyata || 10\.113\.07 vishve devAso adha vR^iShNyAni te.avardhayansomavatyA vachasyayA | raddhaM vR^itramahimindrasya hanmanAgnirna jambhaistR^iShvannamAvayat || 10\.113\.08 bhUri dakShebhirvachanebhirR^ikvabhiH sakhyebhiH sakhyAni pra vochata | indro dhuniM cha chumuriM cha dambhaya~nChraddhAmanasyA shR^iNute dabhItaye || 10\.113\.09 tvaM purUNyA bharA svashvyA yebhirmaMsai nivachanAni shaMsan | sugebhirvishvA duritA tarema vido Shu Na urviyA gAdhamadya || 10\.113\.10 gharmA samantA trivR^itaM vyApatustayorjuShTiM mAtarishvA jagAma | divaspayo didhiShANA aveShanvidurdevAH sahasAmAnamarkam || 10\.114\.01 tisro deShTrAya nirR^itIrupAsate dIrghashruto vi hi jAnanti vahnayaH | tAsAM ni chikyuH kavayo nidAnaM pareShu yA guhyeShu vrateShu || 10\.114\.02 chatuShkapardA yuvatiH supeshA ghR^itapratIkA vayunAni vaste | tasyAM suparNA vR^iShaNA ni Shedaturyatra devA dadhire bhAgadheyam || 10\.114\.03 ekaH suparNaH sa samudramA vivesha sa idaM vishvaM bhuvanaM vi chaShTe | taM pAkena manasApashyamantitastaM mAtA reLhi sa u reLhi mAtaram || 10\.114\.04 suparNaM viprAH kavayo vachobhirekaM santaM bahudhA kalpayanti | ChandAMsi cha dadhato adhvareShu grahAnsomasya mimate dvAdasha || 10\.114\.05 ShaTtriMshA.Nshcha chaturaH kalpayantashChandAMsi cha dadhata AdvAdasham | yaj~naM vimAya kavayo manISha R^iksAmAbhyAM pra rathaM vartayanti || 10\.114\.06 chaturdashAnye mahimAno asya taM dhIrA vAchA pra Nayanti sapta | ApnAnaM tIrthaM ka iha pra vochadyena pathA prapibante sutasya || 10\.114\.07 sahasradhA pa~nchadashAnyukthA yAvaddyAvApR^ithivI tAvadittat | sahasradhA mahimAnaH sahasraM yAvadbrahma viShThitaM tAvatI vAk || 10\.114\.08 kashChandasAM yogamA veda dhIraH ko dhiShNyAM prati vAchaM papAda | kamR^itvijAmaShTamaM shUramAhurharI indrasya ni chikAya kaH svit || 10\.114\.09 bhUmyA antaM paryeke charanti rathasya dhUrShu yuktAso asthuH | shramasya dAyaM vi bhajantyebhyo yadA yamo bhavati harmye hitaH || 10\.114\.10 chitra ichChishostaruNasya vakShatho na yo mAtarAvapyeti dhAtave | anUdhA yadi jIjanadadhA cha nu vavakSha sadyo mahi dUtyaM charan || 10\.115\.01 agnirha nAma dhAyi dannapastamaH saM yo vanA yuvate bhasmanA datA | abhipramurA juhvA svadhvara ino na prothamAno yavase vR^iShA || 10\.115\.02 taM vo viM na druShadaM devamandhasa induM prothantaM pravapantamarNavam | AsA vahniM na shochiShA virapshinaM mahivrataM na sarajantamadhvanaH || 10\.115\.03 vi yasya te jrayasAnasyAjara dhakShorna vAtAH pari santyachyutAH | A raNvAso yuyudhayo na satvanaM tritaM nashanta pra shiShanta iShTaye || 10\.115\.04 sa idagniH kaNvatamaH kaNvasakhAryaH parasyAntarasya taruShaH | agniH pAtu gR^iNato agniH sUrInagnirdadAtu teShAmavo naH || 10\.115\.05 vAjintamAya sahyase supitrya tR^iShu chyavAno anu jAtavedase | anudre chidyo dhR^iShatA varaM sate mahintamAya dhanvanedaviShyate || 10\.115\.06 evAgnirmartaiH saha sUribhirvasuH ShTave sahasaH sUnaro nR^ibhiH | mitrAso na ye sudhitA R^itAyavo dyAvo na dyumnairabhi santi mAnuShAn || 10\.115\.07 Urjo napAtsahasAvanniti tvopastutasya vandate vR^iShA vAk | tvAM stoShAma tvayA suvIrA drAghIya AyuH prataraM dadhAnAH || 10\.115\.08 iti tvAgne vR^iShTihavyasya putrA upastutAsa R^iShayo.avochan | tA.Nshcha pAhi gR^iNatashcha sUrInvaShaDvaShaLityUrdhvAso anakShannamo nama ityUrdhvAso anakShan || 10\.115\.09 pibA somaM mahata indriyAya pibA vR^itrAya hantave shaviShTha | piba rAye shavase hUyamAnaH piba madhvastR^ipadindrA vR^iShasva || 10\.116\.01 asya piba kShumataH prasthitasyendra somasya varamA sutasya | svastidA manasA mAdayasvArvAchIno revate saubhagAya || 10\.116\.02 mamattu tvA divyaH soma indra mamattu yaH sUyate pArthiveShu | mamattu yena varivashchakartha mamattu yena niriNAsi shatrUn || 10\.116\.03 A dvibarhA amino yAtvindro vR^iShA haribhyAM pariShiktamandhaH | gavyA sutasya prabhR^itasya madhvaH satrA khedAmarushahA vR^iShasva || 10\.116\.04 ni tigmAni bhrAshayanbhrAshyAnyava sthirA tanuhi yAtujUnAm | ugrAya te saho balaM dadAmi pratItyA shatrUnvigadeShu vR^ishcha || 10\.116\.05 vyarya indra tanuhi shravAMsyojaH sthireva dhanvano.abhimAtIH | asmadryagvAvR^idhAnaH sahobhiranibhR^iShTastanvaM vAvR^idhasva || 10\.116\.06 idaM havirmaghavantubhyaM rAtaM prati samrALahR^iNAno gR^ibhAya | tubhyaM suto maghavantubhyaM pakvo.addhIndra piba cha prasthitasya || 10\.116\.07 addhIdindra prasthitemA havIMShi chano dadhiShva pachatota somam | prayasvantaH prati haryAmasi tvA satyAH santu yajamAnasya kAmAH || 10\.116\.08 prendrAgnibhyAM suvachasyAmiyarmi sindhAviva prerayaM nAvamarkaiH | ayA iva pari charanti devA ye asmabhyaM dhanadA udbhidashcha || 10\.116\.09 na vA u devAH kShudhamidvadhaM dadurutAshitamupa gachChanti mR^ityavaH | uto rayiH pR^iNato nopa dasyatyutApR^iNanmarDitAraM na vindate || 10\.117\.01 ya AdhrAya chakamAnAya pitvo.annavAnsanraphitAyopajagmuShe | sthiraM manaH kR^iNute sevate puroto chitsa marDitAraM na vindate || 10\.117\.02 sa idbhojo yo gR^ihave dadAtyannakAmAya charate kR^ishAya | aramasmai bhavati yAmahUtA utAparIShu kR^iNute sakhAyam || 10\.117\.03 na sa sakhA yo na dadAti sakhye sachAbhuve sachamAnAya pitvaH | apAsmAtpreyAnna tadoko asti pR^iNantamanyamaraNaM chidichChet || 10\.117\.04 pR^iNIyAdinnAdhamAnAya tavyAndrAghIyAMsamanu pashyeta panthAm | o hi vartante rathyeva chakrAnyamanyamupa tiShThanta rAyaH || 10\.117\.05 moghamannaM vindate aprachetAH satyaM bravImi vadha itsa tasya | nAryamaNaM puShyati no sakhAyaM kevalAgho bhavati kevalAdI || 10\.117\.06 kR^iShannitphAla AshitaM kR^iNoti yannadhvAnamapa vR^i~Nkte charitraiH | vadanbrahmAvadato vanIyAnpR^iNannApirapR^iNantamabhi ShyAt || 10\.117\.07 ekapAdbhUyo dvipado vi chakrame dvipAttripAdamabhyeti pashchAt | chatuShpAdeti dvipadAmabhisvare sampashyanpa~NktIrupatiShThamAnaH || 10\.117\.08 samau chiddhastau na samaM viviShTaH sammAtarA chinna samaM duhAte | yamayoshchinna samA vIryANi j~nAtI chitsantau na samaM pR^iNItaH || 10\.117\.09 agne haMsi nyatriNaM dIdyanmartyeShvA | sve kShaye shuchivrata || 10\.118\.01 uttiShThasi svAhuto ghR^itAni prati modase | yattvA sruchaH samasthiran || 10\.118\.02 sa Ahuto vi rochate.agnirILenyo girA | sruchA pratIkamajyate || 10\.118\.03 ghR^itenAgniH samajyate madhupratIka AhutaH | rochamAno vibhAvasuH || 10\.118\.04 jaramANaH samidhyase devebhyo havyavAhana | taM tvA havanta martyAH || 10\.118\.05 taM martA amartyaM ghR^itenAgniM saparyata | adAbhyaM gR^ihapatim || 10\.118\.06 adAbhyena shochiShAgne rakShastvaM daha | gopA R^itasya dIdihi || 10\.118\.07 sa tvamagne pratIkena pratyoSha yAtudhAnyaH | urukShayeShu dIdyat || 10\.118\.08 taM tvA gIrbhirurukShayA havyavAhaM samIdhire | yajiShThaM mAnuShe jane || 10\.118\.09 iti vA iti me mano gAmashvaM sanuyAmiti | kuvitsomasyApAmiti || 10\.119\.01 pra vAtA iva dodhata unmA pItA ayaMsata | kuvitsomasyApAmiti || 10\.119\.02 unmA pItA ayaMsata rathamashvA ivAshavaH | kuvitsomasyApAmiti || 10\.119\.03 upa mA matirasthita vAshrA putramiva priyam | kuvitsomasyApAmiti || 10\.119\.04 ahaM taShTeva vandhuraM paryachAmi hR^idA matim | kuvitsomasyApAmiti || 10\.119\.05 nahi me akShipachchanAchChAntsuH pa~ncha kR^iShTayaH | kuvitsomasyApAmiti || 10\.119\.06 nahi me rodasI ubhe anyaM pakShaM chana prati | kuvitsomasyApAmiti || 10\.119\.07 abhi dyAM mahinA bhuvamabhImAM pR^ithivIM mahIm | kuvitsomasyApAmiti || 10\.119\.08 hantAhaM pR^ithivImimAM ni dadhAnIha veha vA | kuvitsomasyApAmiti || 10\.119\.09 oShamitpR^ithivImahaM ja~NghanAnIha veha vA | kuvitsomasyApAmiti || 10\.119\.10 divi me anyaH pakSho.adho anyamachIkR^iSham | kuvitsomasyApAmiti || 10\.119\.11 ahamasmi mahAmaho.abhinabhyamudIShitaH | kuvitsomasyApAmiti || 10\.119\.12 gR^iho yAmyaraMkR^ito devebhyo havyavAhanaH | kuvitsomasyApAmiti || 10\.119\.13 tadidAsa bhuvaneShu jyeShThaM yato jaj~na ugrastveShanR^imNaH | sadyo jaj~nAno ni riNAti shatrUnanu yaM vishve madantyUmAH || 10\.120\.01 vAvR^idhAnaH shavasA bhUryojAH shatrurdAsAya bhiyasaM dadhAti | avyanachcha vyanachcha sasni saM te navanta prabhR^itA madeShu || 10\.120\.02 tve kratumapi vR^i~njanti vishve dviryadete trirbhavantyUmAH | svAdoH svAdIyaH svAdunA sR^ijA samadaH su madhu madhunAbhi yodhIH || 10\.120\.03 iti chiddhi tvA dhanA jayantaM mademade anumadanti viprAH | ojIyo dhR^iShNo sthiramA tanuShva mA tvA dabhanyAtudhAnA durevAH || 10\.120\.04 tvayA vayaM shAshadmahe raNeShu prapashyanto yudhenyAni bhUri | chodayAmi ta AyudhA vachobhiH saM te shishAmi brahmaNA vayAMsi || 10\.120\.05 stuSheyyaM puruvarpasamR^ibhvaminatamamAptyamAptyAnAm | A darShate shavasA sapta dAnUnpra sAkShate pratimAnAni bhUri || 10\.120\.06 ni taddadhiShe.avaraM paraM cha yasminnAvithAvasA duroNe | A mAtarA sthApayase jigatnU ata inoShi karvarA purUNi || 10\.120\.07 imA brahma bR^ihaddivo vivaktIndrAya shUShamagriyaH svarShAH | maho gotrasya kShayati svarAjo durashcha vishvA avR^iNodapa svAH || 10\.120\.08 evA mahAnbR^ihaddivo atharvAvochatsvAM tanvamindrameva | svasAro mAtaribhvarIrariprA hinvanti cha shavasA vardhayanti cha || 10\.120\.09 hiraNyagarbhaH samavartatAgre bhUtasya jAtaH patireka AsIt | sa dAdhAra pR^ithivIM dyAmutemAM kasmai devAya haviShA vidhema || 10\.121\.01 ya AtmadA baladA yasya vishva upAsate prashiShaM yasya devAH | yasya ChAyAmR^itaM yasya mR^ityuH kasmai devAya haviShA vidhema || 10\.121\.02 yaH prANato nimiShato mahitvaika idrAjA jagato babhUva | ya Ishe asya dvipadashchatuShpadaH kasmai devAya haviShA vidhema || 10\.121\.03 yasyeme himavanto mahitvA yasya samudraM rasayA sahAhuH | yasyemAH pradisho yasya bAhU kasmai devAya haviShA vidhema || 10\.121\.04 yena dyaurugrA pR^ithivI cha dR^iLhA yena svaH stabhitaM yena nAkaH | yo antarikShe rajaso vimAnaH kasmai devAya haviShA vidhema || 10\.121\.05 yaM krandasI avasA tastabhAne abhyaikShetAM manasA rejamAne | yatrAdhi sUra udito vibhAti kasmai devAya haviShA vidhema || 10\.121\.06 Apo ha yadbR^ihatIrvishvamAyangarbhaM dadhAnA janayantIragnim | tato devAnAM samavartatAsurekaH kasmai devAya haviShA vidhema || 10\.121\.07 yashchidApo mahinA paryapashyaddakShaM dadhAnA janayantIryaj~nam | yo deveShvadhi deva eka AsItkasmai devAya haviShA vidhema || 10\.121\.08 mA no hiMsIjjanitA yaH pR^ithivyA yo vA divaM satyadharmA jajAna | yashchApashchandrA bR^ihatIrjajAna kasmai devAya haviShA vidhema || 10\.121\.09 prajApate na tvadetAnyanyo vishvA jAtAni pari tA babhUva | yatkAmAste juhumastanno astu vayaM syAma patayo rayINAm || 10\.121\.10 vasuM na chitramahasaM gR^iNIShe vAmaM shevamatithimadviSheNyam | sa rAsate shurudho vishvadhAyaso.agnirhotA gR^ihapatiH suvIryam || 10\.122\.01 juShANo agne prati harya me vacho vishvAni vidvAnvayunAni sukrato | ghR^itanirNigbrahmaNe gAtumeraya tava devA ajanayannanu vratam || 10\.122\.02 sapta dhAmAni pariyannamartyo dAshaddAshuShe sukR^ite mAmahasva | suvIreNa rayiNAgne svAbhuvA yasta AnaT samidhA taM juShasva || 10\.122\.03 yaj~nasya ketuM prathamaM purohitaM haviShmanta ILate sapta vAjinam | shR^iNvantamagniM ghR^itapR^iShThamukShaNaM pR^iNantaM devaM pR^iNate suvIryam || 10\.122\.04 tvaM dUtaH prathamo vareNyaH sa hUyamAno amR^itAya matsva | tvAM marjayanmaruto dAshuSho gR^ihe tvAM stomebhirbhR^igavo vi ruruchuH || 10\.122\.05 iShaM duhansudughAM vishvadhAyasaM yaj~napriye yajamAnAya sukrato | agne ghR^itasnustrirR^itAni dIdyadvartiryaj~naM pariyansukratUyase || 10\.122\.06 tvAmidasyA uShaso vyuShTiShu dUtaM kR^iNvAnA ayajanta mAnuShAH | tvAM devA mahayAyyAya vAvR^idhurAjyamagne nimR^ijanto adhvare || 10\.122\.07 ni tvA vasiShThA ahvanta vAjinaM gR^iNanto agne vidatheShu vedhasaH | rAyaspoShaM yajamAneShu dhAraya yUyaM pAta svastibhiH sadA naH || 10\.122\.08 ayaM venashchodayatpR^ishnigarbhA jyotirjarAyU rajaso vimAne | imamapAM saMgame sUryasya shishuM na viprA matibhI rihanti || 10\.123\.01 samudrAdUrmimudiyarti veno nabhojAH pR^iShThaM haryatasya darshi | R^itasya sAnAvadhi viShTapi bhrAT samAnaM yonimabhyanUShata vrAH || 10\.123\.02 samAnaM pUrvIrabhi vAvashAnAstiShThanvatsasya mAtaraH sanILAH | R^itasya sAnAvadhi chakramANA rihanti madhvo amR^itasya vANIH || 10\.123\.03 jAnanto rUpamakR^ipanta viprA mR^igasya ghoShaM mahiShasya hi gman | R^itena yanto adhi sindhumasthurvidadgandharvo amR^itAni nAma || 10\.123\.04 apsarA jAramupasiShmiyANA yoShA bibharti parame vyoman | charatpriyasya yoniShu priyaH sansIdatpakShe hiraNyaye sa venaH || 10\.123\.05 nAke suparNamupa yatpatantaM hR^idA venanto abhyachakShata tvA | hiraNyapakShaM varuNasya dUtaM yamasya yonau shakunaM bhuraNyum || 10\.123\.06 Urdhvo gandharvo adhi nAke asthAtpratya~NchitrA bibhradasyAyudhAni | vasAno atkaM surabhiM dR^ishe kaM svarNa nAma janata priyANi || 10\.123\.07 drapsaH samudramabhi yajjigAti pashyangR^idhrasya chakShasA vidharman | bhAnuH shukreNa shochiShA chakAnastR^itIye chakre rajasi priyANi || 10\.123\.08 imaM no agna upa yaj~namehi pa~nchayAmaM trivR^itaM saptatantum | aso havyavALuta naH purogA jyogeva dIrghaM tama AshayiShThAH || 10\.124\.01 adevAddevaH prachatA guhA yanprapashyamAno amR^itatvamemi | shivaM yatsantamashivo jahAmi svAtsakhyAdaraNIM nAbhimemi || 10\.124\.02 pashyannanyasyA atithiM vayAyA R^itasya dhAma vi mime purUNi | shaMsAmi pitre asurAya shevamayaj~niyAdyaj~niyaM bhAgamemi || 10\.124\.03 bahvIH samA akaramantarasminnindraM vR^iNAnaH pitaraM jahAmi | agniH somo varuNaste chyavante paryAvardrAShTraM tadavAmyAyan || 10\.124\.04 nirmAyA u tye asurA abhUvantvaM cha mA varuNa kAmayAse | R^itena rAjannanR^itaM vivi~nchanmama rAShTrasyAdhipatyamehi || 10\.124\.05 idaM svaridamidAsa vAmamayaM prakAsha urvantarikSham | hanAva vR^itraM nirehi soma haviShTvA santaM haviShA yajAma || 10\.124\.06 kaviH kavitvA divi rUpamAsajadaprabhUtI varuNo nirapaH sR^ijat | kShemaM kR^iNvAnA janayo na sindhavastA asya varNaM shuchayo bharibhrati || 10\.124\.07 tA asya jyeShThamindriyaM sachante tA ImA kSheti svadhayA madantIH | tA IM visho na rAjAnaM vR^iNAnA bIbhatsuvo apa vR^itrAdatiShThan || 10\.124\.08 bIbhatsUnAM sayujaM haMsamAhurapAM divyAnAM sakhye charantam | anuShTubhamanu charchUryamANamindraM ni chikyuH kavayo manIShA || 10\.124\.09 ahaM rudrebhirvasubhishcharAmyahamAdityairuta vishvadevaiH | ahaM mitrAvaruNobhA bibharmyahamindrAgnI ahamashvinobhA || 10\.125\.01 ahaM somamAhanasaM bibharmyahaM tvaShTAramuta pUShaNaM bhagam | ahaM dadhAmi draviNaM haviShmate suprAvye yajamAnAya sunvate || 10\.125\.02 ahaM rAShTrI saMgamanI vasUnAM chikituShI prathamA yaj~niyAnAm | tAM mA devA vyadadhuH purutrA bhUristhAtrAM bhUryAveshayantIm || 10\.125\.03 mayA so annamatti yo vipashyati yaH prANiti ya IM shR^iNotyuktam | amantavo mAM ta upa kShiyanti shrudhi shruta shraddhivaM te vadAmi || 10\.125\.04 ahameva svayamidaM vadAmi juShTaM devebhiruta mAnuShebhiH | yaM kAmaye taMtamugraM kR^iNomi taM brahmANaM tamR^iShiM taM sumedhAm || 10\.125\.05 ahaM rudrAya dhanurA tanomi brahmadviShe sharave hantavA u | ahaM janAya samadaM kR^iNomyahaM dyAvApR^ithivI A vivesha || 10\.125\.06 ahaM suve pitaramasya mUrdhanmama yonirapsvantaH samudre | tato vi tiShThe bhuvanAnu vishvotAmUM dyAM varShmaNopa spR^ishAmi || 10\.125\.07 ahameva vAta iva pra vAmyArabhamANA bhuvanAni vishvA | paro divA para enA pR^ithivyaitAvatI mahinA saM babhUva || 10\.125\.08 na tamaMho na duritaM devAso aShTa martyam | sajoShaso yamaryamA mitro nayanti varuNo ati dviShaH || 10\.126\.01 taddhi vayaM vR^iNImahe varuNa mitrAryaman | yenA niraMhaso yUyaM pAtha nethA cha martyamati dviShaH || 10\.126\.02 te nUnaM no.ayamUtaye varuNo mitro aryamA | nayiShThA u no neShaNi parShiShThA u naH parShaNyati dviShaH || 10\.126\.03 yUyaM vishvaM pari pAtha varuNo mitro aryamA | yuShmAkaM sharmaNi priye syAma supraNItayo.ati dviShaH || 10\.126\.04 AdityAso ati sridho varuNo mitro aryamA | ugraM marudbhI rudraM huvemendramagniM svastaye.ati dviShaH || 10\.126\.05 netAra U Shu Nastiro varuNo mitro aryamA | ati vishvAni duritA rAjAnashcharShaNInAmati dviShaH || 10\.126\.06 shunamasmabhyamUtaye varuNo mitro aryamA | sharma yachChantu sapratha AdityAso yadImahe ati dviShaH || 10\.126\.07 yathA ha tyadvasavo gauryaM chitpadi ShitAmamu~nchatA yajatrAH | evo Shvasmanmu~nchatA vyaMhaH pra tAryagne prataraM na AyuH || 10\.126\.08 rAtrI vyakhyadAyatI purutrA devyakShabhiH | vishvA adhi shriyo.adhita || 10\.127\.01 orvaprA amartyA nivato devyudvataH | jyotiShA bAdhate tamaH || 10\.127\.02 niru svasAramaskR^itoShasaM devyAyatI | apedu hAsate tamaH || 10\.127\.03 sA no adya yasyA vayaM ni te yAmannavikShmahi | vR^ikShe na vasatiM vayaH || 10\.127\.04 ni grAmAso avikShata ni padvanto ni pakShiNaH | ni shyenAsashchidarthinaH || 10\.127\.05 yAvayA vR^ikyaM vR^ikaM yavaya stenamUrmye | athA naH sutarA bhava || 10\.127\.06 upa mA pepishattamaH kR^iShNaM vyaktamasthita | uSha R^iNeva yAtaya || 10\.127\.07 upa te gA ivAkaraM vR^iNIShva duhitardivaH | rAtri stomaM na jigyuShe || 10\.127\.08 mamAgne varcho vihaveShvastu vayaM tvendhAnAstanvaM puShema | mahyaM namantAM pradishashchatasrastvayAdhyakSheNa pR^itanA jayema || 10\.128\.01 mama devA vihave santu sarva indravanto maruto viShNuragniH | mamAntarikShamurulokamastu mahyaM vAtaH pavatAM kAme asmin || 10\.128\.02 mayi devA draviNamA yajantAM mayyAshIrastu mayi devahUtiH | daivyA hotAro vanuShanta pUrve.ariShTAH syAma tanvA suvIrAH || 10\.128\.03 mahyaM yajantu mama yAni havyAkUtiH satyA manaso me astu | eno mA ni gAM katamachchanAhaM vishve devAso adhi vochatA naH || 10\.128\.04 devIH ShaLurvIruru naH kR^iNota vishve devAsa iha vIrayadhvam | mA hAsmahi prajayA mA tanUbhirmA radhAma dviShate soma rAjan || 10\.128\.05 agne manyuM pratinudanpareShAmadabdho gopAH pari pAhi nastvam | pratya~ncho yantu nigutaH punaste.amaiShAM chittaM prabudhAM vi neshat || 10\.128\.06 dhAtA dhAtR^INAM bhuvanasya yaspatirdevaM trAtAramabhimAtiShAham | imaM yaj~namashvinobhA bR^ihaspatirdevAH pAntu yajamAnaM nyarthAt || 10\.128\.07 uruvyachA no mahiShaH sharma yaMsadasminhave puruhUtaH purukShuH | sa naH prajAyai haryashva mR^iLayendra mA no rIriSho mA parA dAH || 10\.128\.08 ye naH sapatnA apa te bhavantvindrAgnibhyAmava bAdhAmahe tAn | vasavo rudrA AdityA uparispR^ishaM mograM chettAramadhirAjamakran || 10\.128\.09 nAsadAsInno sadAsIttadAnIM nAsIdrajo no vyomA paro yat | kimAvarIvaH kuha kasya sharmannambhaH kimAsIdgahanaM gabhIram || 10\.129\.01 na mR^ityurAsIdamR^itaM na tarhi na rAtryA ahna AsItpraketaH | AnIdavAtaM svadhayA tadekaM tasmAddhAnyanna paraH kiM chanAsa || 10\.129\.02 tama AsIttamasA gULhamagre.apraketaM salilaM sarvamA idam | tuchChyenAbhvapihitaM yadAsIttapasastanmahinAjAyataikam || 10\.129\.03 kAmastadagre samavartatAdhi manaso retaH prathamaM yadAsIt | sato bandhumasati niravindanhR^idi pratIShyA kavayo manIShA || 10\.129\.04 tirashchIno vitato rashmireShAmadhaH svidAsI3dupari svidAsI3t | retodhA AsanmahimAna AsansvadhA avastAtprayatiH parastAt || 10\.129\.05 ko addhA veda ka iha pra vochatkuta AjAtA kuta iyaM visR^iShTiH | arvAgdevA asya visarjanenAthA ko veda yata AbabhUva || 10\.129\.06 iyaM visR^iShTiryata AbabhUva yadi vA dadhe yadi vA na | yo asyAdhyakShaH parame vyomanso a~Nga veda yadi vA na veda || 10\.129\.07 yo yaj~no vishvatastantubhistata ekashataM devakarmebhirAyataH | ime vayanti pitaro ya AyayuH pra vayApa vayetyAsate tate || 10\.130\.01 pumA.N enaM tanuta utkR^iNatti pumAnvi tatne adhi nAke asmin | ime mayUkhA upa sedurU sadaH sAmAni chakrustasarANyotave || 10\.130\.02 kAsItpramA pratimA kiM nidAnamAjyaM kimAsItparidhiH ka AsIt | ChandaH kimAsItpra{}ugaM kimukthaM yaddevA devamayajanta vishve || 10\.130\.03 agnergAyatryabhavatsayugvoShNihayA savitA saM babhUva | anuShTubhA soma ukthairmahasvAnbR^ihaspaterbR^ihatI vAchamAvat || 10\.130\.04 virANmitrAvaruNayorabhishrIrindrasya triShTubiha bhAgo ahnaH | vishvAndevA~njagatyA vivesha tena chAkL^ipra R^iShayo manuShyAH || 10\.130\.05 chAkL^ipre tena R^iShayo manuShyA yaj~ne jAte pitaro naH purANe | pashyanmanye manasA chakShasA tAnya imaM yaj~namayajanta pUrve || 10\.130\.06 sahastomAH sahaChandasa AvR^itaH sahapramA R^iShayaH sapta daivyAH | pUrveShAM panthAmanudR^ishya dhIrA anvAlebhire rathyo na rashmIn || 10\.130\.07 apa prAcha indra vishvA.N amitrAnapApAcho abhibhUte nudasva | apodIcho apa shUrAdharAcha urau yathA tava sharmanmadema || 10\.131\.01 kuvida~Nga yavamanto yavaM chidyathA dAntyanupUrvaM viyUya | ihehaiShAM kR^iNuhi bhojanAni ye barhiSho namovR^iktiM na jagmuH || 10\.131\.02 nahi sthUryR^ituthA yAtamasti nota shravo vivide saMgameShu | gavyanta indraM sakhyAya viprA ashvAyanto vR^iShaNaM vAjayantaH || 10\.131\.03 yuvaM surAmamashvinA namuchAvAsure sachA | vipipAnA shubhaspatI indraM karmasvAvatam || 10\.131\.04 putramiva pitarAvashvinobhendrAvathuH kAvyairdaMsanAbhiH | yatsurAmaM vyapibaH shachIbhiH sarasvatI tvA maghavannabhiShNak || 10\.131\.05 indraH sutrAmA svavA.N avobhiH sumR^iLIko bhavatu vishvavedAH | bAdhatAM dveSho abhayaM kR^iNotu suvIryasya patayaH syAma || 10\.131\.06 tasya vayaM sumatau yaj~niyasyApi bhadre saumanase syAma | sa sutrAmA svavA.N indro asme ArAchchiddveShaH sanutaryuyotu || 10\.131\.07 IjAnamiddyaurgUrtAvasurIjAnaM bhUmirabhi prabhUShaNi | IjAnaM devAvashvinAvabhi sumnairavardhatAm || 10\.132\.01 tA vAM mitrAvaruNA dhArayatkShitI suShumneShitatvatA yajAmasi | yuvoH krANAya sakhyairabhi ShyAma rakShasaH || 10\.132\.02 adhA chinnu yaddidhiShAmahe vAmabhi priyaM rekNaH patyamAnAH | dadvA.N vA yatpuShyati rekNaH samvArannakirasya maghAni || 10\.132\.03 asAvanyo asura sUyata dyaustvaM vishveShAM varuNAsi rAjA | mUrdhA rathasya chAkannaitAvatainasAntakadhruk || 10\.132\.04 asminsvetachChakapUta eno hite mitre nigatAnhanti vIrAn | avorvA yaddhAttanUShvavaH priyAsu yaj~niyAsvarvA || 10\.132\.05 yuvorhi mAtAditirvichetasA dyaurna bhUmiH payasA pupUtani | ava priyA didiShTana sUro ninikta rashmibhiH || 10\.132\.06 yuvaM hyapnarAjAvasIdataM tiShThadrathaM na dhUrShadaM vanarShadam | tA naH kaNUkayantIrnR^imedhastatre aMhasaH sumedhastatre aMhasaH || 10\.132\.07 pro Shvasmai purorathamindrAya shUShamarchata | abhIke chidu lokakR^itsaMge samatsu vR^itrahAsmAkaM bodhi choditA nabhantAmanyakeShAM jyAkA adhi dhanvasu || 10\.133\.01 tvaM sindhU.NravAsR^ijo.adharAcho ahannahim | ashatrurindra jaj~niShe vishvaM puShyasi vAryaM taM tvA pari ShvajAmahe nabhantAmanyakeShAM jyAkA adhi dhanvasu || 10\.133\.02 vi Shu vishvA arAtayo.aryo nashanta no dhiyaH | astAsi shatrave vadhaM yo na indra jighAMsati yA te rAtirdadirvasu nabhantAmanyakeShAM jyAkA adhi dhanvasu || 10\.133\.03 yo na indrAbhito jano vR^ikAyurAdideshati | adhaspadaM tamIM kR^idhi vibAdho asi sAsahirnabhantAmanyakeShAM jyAkA adhi dhanvasu || 10\.133\.04 yo na indrAbhidAsati sanAbhiryashcha niShTyaH | ava tasya balaM tira mahIva dyauradha tmanA nabhantAmanyakeShAM jyAkA adhi dhanvasu || 10\.133\.05 vayamindra tvAyavaH sakhitvamA rabhAmahe | R^itasya naH pathA nayAti vishvAni duritA nabhantAmanyakeShAM jyAkA adhi dhanvasu || 10\.133\.06 asmabhyaM su tvamindra tAM shikSha yA dohate prati varaM jaritre | achChidrodhnI pIpayadyathA naH sahasradhArA payasA mahI gauH || 10\.133\.07 ubhe yadindra rodasI ApaprAthoShA iva | mahAntaM tvA mahInAM samrAjaM charShaNInAM devI janitryajIjanadbhadrA janitryajIjanat || 10\.134\.01 ava sma durhaNAyato martasya tanuhi sthiram | adhaspadaM tamIM kR^idhi yo asmA.N Adideshati devI janitryajIjanadbhadrA janitryajIjanat || 10\.134\.02 ava tyA bR^ihatIriSho vishvashchandrA amitrahan | shachIbhiH shakra dhUnuhIndra vishvAbhirUtibhirdevI janitryajIjanadbhadrA janitryajIjanat || 10\.134\.03 ava yattvaM shatakratavindra vishvAni dhUnuShe | rayiM na sunvate sachA sahasriNIbhirUtibhirdevI janitryajIjanadbhadrA janitryajIjanat || 10\.134\.04 ava svedA ivAbhito viShvakpatantu didyavaH | dUrvAyA iva tantavo vyasmadetu durmatirdevI janitryajIjanadbhadrA janitryajIjanat || 10\.134\.05 dIrghaM hya~NkushaM yathA shaktiM bibharShi mantumaH | pUrveNa maghavanpadAjo vayAM yathA yamo devI janitryajIjanadbhadrA janitryajIjanat || 10\.134\.06 nakirdevA minImasi nakirA yopayAmasi mantrashrutyaM charAmasi | pakShebhirapikakShebhiratrAbhi saM rabhAmahe || 10\.134\.07 yasminvR^ikShe supalAshe devaiH sampibate yamaH | atrA no vishpatiH pitA purANA.N anu venati || 10\.135\.01 purANA.N anuvenantaM charantaM pApayAmuyA | asUyannabhyachAkashaM tasmA aspR^ihayaM punaH || 10\.135\.02 yaM kumAra navaM rathamachakraM manasAkR^iNoH | ekeShaM vishvataH prA~nchamapashyannadhi tiShThasi || 10\.135\.03 yaM kumAra prAvartayo rathaM viprebhyaspari | taM sAmAnu prAvartata samito nAvyAhitam || 10\.135\.04 kaH kumAramajanayadrathaM ko niravartayat | kaH svittadadya no brUyAdanudeyI yathAbhavat || 10\.135\.05 yathAbhavadanudeyI tato agramajAyata | purastAdbudhna AtataH pashchAnnirayaNaM kR^itam || 10\.135\.06 idaM yamasya sAdanaM devamAnaM yaduchyate | iyamasya dhamyate nALIrayaM gIrbhiH pariShkR^itaH || 10\.135\.07 keshyagniM keshI viShaM keshI bibharti rodasI | keshI vishvaM svardR^ishe keshIdaM jyotiruchyate || 10\.136\.01 munayo vAtarashanAH pisha~NgA vasate malA | vAtasyAnu dhrAjiM yanti yaddevAso avikShata || 10\.136\.02 unmaditA mauneyena vAtA.N A tasthimA vayam | sharIredasmAkaM yUyaM martAso abhi pashyatha || 10\.136\.03 antarikSheNa patati vishvA rUpAvachAkashat | munirdevasyadevasya saukR^ityAya sakhA hitaH || 10\.136\.04 vAtasyAshvo vAyoH sakhAtho deveShito muniH | ubhau samudrAvA kSheti yashcha pUrva utAparaH || 10\.136\.05 apsarasAM gandharvANAM mR^igANAM charaNe charan | keshI ketasya vidvAnsakhA svAdurmadintamaH || 10\.136\.06 vAyurasmA upAmanthatpinaShTi smA kunannamA | keshI viShasya pAtreNa yadrudreNApibatsaha || 10\.136\.07 uta devA avahitaM devA unnayathA punaH | utAgashchakruShaM devA devA jIvayathA punaH || 10\.137\.01 dvAvimau vAtau vAta A sindhorA parAvataH | dakShaM te anya A vAtu parAnyo vAtu yadrapaH || 10\.137\.02 A vAta vAhi bheShajaM vi vAta vAhi yadrapaH | tvaM hi vishvabheShajo devAnAM dUta Iyase || 10\.137\.03 A tvAgamaM shaMtAtibhiratho ariShTatAtibhiH | dakShaM te bhadramAbhArShaM parA yakShmaM suvAmi te || 10\.137\.04 trAyantAmiha devAstrAyatAM marutAM gaNaH | trAyantAM vishvA bhUtAni yathAyamarapA asat || 10\.137\.05 Apa idvA u bheShajIrApo amIvachAtanIH | ApaH sarvasya bheShajIstAste kR^iNvantu bheShajam || 10\.137\.06 hastAbhyAM dashashAkhAbhyAM jihvA vAchaH purogavI | anAmayitnubhyAM tvA tAbhyAM tvopa spR^ishAmasi || 10\.137\.07 tava tya indra sakhyeShu vahnaya R^itaM manvAnA vyadardirurvalam | yatrA dashasyannuShaso riNannapaH kutsAya manmannahyashcha daMsayaH || 10\.138\.01 avAsR^ijaH prasvaH shva~nchayo girInudAja usrA apibo madhu priyam | avardhayo vanino asya daMsasA shushocha sUrya R^itajAtayA girA || 10\.138\.02 vi sUryo madhye amuchadrathaM divo vidaddAsAya pratimAnamAryaH | dR^iLhAni piprorasurasya mAyina indro vyAsyachchakR^ivA.N R^ijishvanA || 10\.138\.03 anAdhR^iShTAni dhR^iShito vyAsyannidhI.NradevA.N amR^iNadayAsyaH | mAseva sUryo vasu puryamA dade gR^iNAnaH shatrU.NrashR^iNAdvirukmatA || 10\.138\.04 ayuddhaseno vibhvA vibhindatA dAshadvR^itrahA tujyAni tejate | indrasya vajrAdabibhedabhishnathaH prAkrAmachChundhyUrajahAduShA anaH || 10\.138\.05 etA tyA te shrutyAni kevalA yadeka ekamakR^iNorayaj~nam | mAsAM vidhAnamadadhA adhi dyavi tvayA vibhinnaM bharati pradhiM pitA || 10\.138\.06 sUryarashmirharikeshaH purastAtsavitA jyotirudayA.N ajasram | tasya pUShA prasave yAti vidvAnsampashyanvishvA bhuvanAni gopAH || 10\.139\.01 nR^ichakShA eSha divo madhya Asta ApaprivAnrodasI antarikSham | sa vishvAchIrabhi chaShTe ghR^itAchIrantarA pUrvamaparaM cha ketum || 10\.139\.02 rAyo budhnaH saMgamano vasUnAM vishvA rUpAbhi chaShTe shachIbhiH | deva iva savitA satyadharmendro na tasthau samare dhanAnAm || 10\.139\.03 vishvAvasuM soma gandharvamApo dadR^ishuShIstadR^itenA vyAyan | tadanvavaidindro rArahANa AsAM pari sUryasya paridhI.Nrapashyat || 10\.139\.04 vishvAvasurabhi tanno gR^iNAtu divyo gandharvo rajaso vimAnaH | yadvA ghA satyamuta yanna vidma dhiyo hinvAno dhiya inno avyAH || 10\.139\.05 sasnimavindachcharaNe nadInAmapAvR^iNodduro ashmavrajAnAm | prAsAM gandharvo amR^itAni vochadindro dakShaM pari jAnAdahInAm || 10\.139\.06 agne tava shravo vayo mahi bhrAjante archayo vibhAvaso | bR^ihadbhAno shavasA vAjamukthyaM dadhAsi dAshuShe kave || 10\.140\.01 pAvakavarchAH shukravarchA anUnavarchA udiyarShi bhAnunA | putro mAtarA vicharannupAvasi pR^iNakShi rodasI ubhe || 10\.140\.02 Urjo napAjjAtavedaH sushastibhirmandasva dhItibhirhitaH | tve iShaH saM dadhurbhUrivarpasashchitrotayo vAmajAtAH || 10\.140\.03 irajyannagne prathayasva jantubhirasme rAyo amartya | sa darshatasya vapuSho vi rAjasi pR^iNakShi sAnasiM kratum || 10\.140\.04 iShkartAramadhvarasya prachetasaM kShayantaM rAdhaso mahaH | rAtiM vAmasya subhagAM mahImiShaM dadhAsi sAnasiM rayim || 10\.140\.05 R^itAvAnaM mahiShaM vishvadarshatamagniM sumnAya dadhire puro janAH | shrutkarNaM saprathastamaM tvA girA daivyaM mAnuShA yugA || 10\.140\.06 agne achChA vadeha naH pratya~NnaH sumanA bhava | pra no yachCha vishaspate dhanadA asi nastvam || 10\.141\.01 pra no yachChatvaryamA pra bhagaH pra bR^ihaspatiH | pra devAH prota sUnR^itA rAyo devI dadAtu naH || 10\.141\.02 somaM rAjAnamavase.agniM gIrbhirhavAmahe | AdityAnviShNuM sUryaM brahmANaM cha bR^ihaspatim || 10\.141\.03 indravAyU bR^ihaspatiM suhaveha havAmahe | yathA naH sarva ijjanaH saMgatyAM sumanA asat || 10\.141\.04 aryamaNaM bR^ihaspatimindraM dAnAya chodaya | vAtaM viShNuM sarasvatIM savitAraM cha vAjinam || 10\.141\.05 tvaM no agne agnibhirbrahma yaj~naM cha vardhaya | tvaM no devatAtaye rAyo dAnAya chodaya || 10\.141\.06 ayamagne jaritA tve abhUdapi sahasaH sUno nahyanyadastyApyam | bhadraM hi sharma trivarUthamasti ta Are hiMsAnAmapa didyumA kR^idhi || 10\.142\.01 pravatte agne janimA pitUyataH sAchIva vishvA bhuvanA nyR^i~njase | pra saptayaH pra saniShanta no dhiyaH purashcharanti pashupA iva tmanA || 10\.142\.02 uta vA u pari vR^iNakShi bapsadbahoragna ulapasya svadhAvaH | uta khilyA urvarANAM bhavanti mA te hetiM taviShIM chukrudhAma || 10\.142\.03 yadudvato nivato yAsi bapsatpR^ithageShi pragardhinIva senA | yadA te vAto anuvAti shochirvapteva shmashru vapasi pra bhUma || 10\.142\.04 pratyasya shreNayo dadR^ishra ekaM niyAnaM bahavo rathAsaH | bAhU yadagne anumarmR^ijAno nya~N~NuttAnAmanveShi bhUmim || 10\.142\.05 utte shuShmA jihatAmutte archirutte agne shashamAnasya vAjAH | uchChva~nchasva ni nama vardhamAna A tvAdya vishve vasavaH sadantu || 10\.142\.06 apAmidaM nyayanaM samudrasya niveshanam | anyaM kR^iNuShvetaH panthAM tena yAhi vashA.N anu || 10\.142\.07 Ayane te parAyaNe dUrvA rohantu puShpiNIH | hradAshcha puNDarIkANi samudrasya gR^ihA ime || 10\.142\.08 tyaM chidatrimR^itajuramarthamashvaM na yAtave | kakShIvantaM yadI punA rathaM na kR^iNutho navam || 10\.143\.01 tyaM chidashvaM na vAjinamareNavo yamatnata | dR^iLhaM granthiM na vi ShyatamatriM yaviShThamA rajaH || 10\.143\.02 narA daMsiShThAvatraye shubhrA siShAsataM dhiyaH | athA hi vAM divo narA punaH stomo na vishase || 10\.143\.03 chite tadvAM surAdhasA rAtiH sumatirashvinA | A yannaH sadane pR^ithau samane parShatho narA || 10\.143\.04 yuvaM bhujyuM samudra A rajasaH pAra I~Nkhitam | yAtamachChA patatribhirnAsatyA sAtaye kR^itam || 10\.143\.05 A vAM sumnaiH shaMyU iva maMhiShThA vishvavedasA | samasme bhUShataM narotsaM na pipyuShIriShaH || 10\.143\.06 ayaM hi te amartya induratyo na patyate | dakSho vishvAyurvedhase || 10\.144\.01 ayamasmAsu kAvya R^ibhurvajro dAsvate | ayaM bibhartyUrdhvakR^ishanaM madamR^ibhurna kR^itvyaM madam || 10\.144\.02 ghR^iShuH shyenAya kR^itvana Asu svAsu vaMsagaH | ava dIdhedahIshuvaH || 10\.144\.03 yaM suparNaH parAvataH shyenasya putra Abharat | shatachakraM yo.ahyo vartaniH || 10\.144\.04 yaM te shyenashchArumavR^ikaM padAbharadaruNaM mAnamandhasaH | enA vayo vi tAryAyurjIvasa enA jAgAra bandhutA || 10\.144\.05 evA tadindra indunA deveShu chiddhArayAte mahi tyajaH | kratvA vayo vi tAryAyuH sukrato kratvAyamasmadA sutaH || 10\.144\.06 imAM khanAmyoShadhiM vIrudhaM balavattamAm | yayA sapatnIM bAdhate yayA saMvindate patim || 10\.145\.01 uttAnaparNe subhage devajUte sahasvati | sapatnIM me parA dhama patiM me kevalaM kuru || 10\.145\.02 uttarAhamuttara uttareduttarAbhyaH | athA sapatnI yA mamAdharA sAdharAbhyaH || 10\.145\.03 nahyasyA nAma gR^ibhNAmi no asminramate jane | parAmeva parAvataM sapatnIM gamayAmasi || 10\.145\.04 ahamasmi sahamAnAtha tvamasi sAsahiH | ubhe sahasvatI bhUtvI sapatnIM me sahAvahai || 10\.145\.05 upa te.adhAM sahamAnAmabhi tvAdhAM sahIyasA | mAmanu pra te mano vatsaM gauriva dhAvatu pathA vAriva dhAvatu || 10\.145\.06 araNyAnyaraNyAnyasau yA preva nashyasi | kathA grAmaM na pR^ichChasi na tvA bhIriva vindatI3.N || 10\.146\.01 vR^iShAravAya vadate yadupAvati chichchikaH | AghATibhiriva dhAvayannaraNyAnirmahIyate || 10\.146\.02 uta gAva ivAdantyuta veshmeva dR^ishyate | uto araNyAniH sAyaM shakaTIriva sarjati || 10\.146\.03 gAma~NgaiSha A hvayati dArva~NgaiSho apAvadhIt | vasannaraNyAnyAM sAyamakrukShaditi manyate || 10\.146\.04 na vA araNyAnirhantyanyashchennAbhigachChati | svAdoH phalasya jagdhvAya yathAkAmaM ni padyate || 10\.146\.05 A~njanagandhiM surabhiM bahvannAmakR^iShIvalAm | prAhaM mR^igANAM mAtaramaraNyAnimashaMsiSham || 10\.146\.06 shratte dadhAmi prathamAya manyave.ahanyadvR^itraM naryaM viverapaH | ubhe yattvA bhavato rodasI anu rejate shuShmAtpR^ithivI chidadrivaH || 10\.147\.01 tvaM mAyAbhiranavadya mAyinaM shravasyatA manasA vR^itramardayaH | tvAminnaro vR^iNate gaviShTiShu tvAM vishvAsu havyAsviShTiShu || 10\.147\.02 aiShu chAkandhi puruhUta sUriShu vR^idhAso ye maghavannAnashurmagham | archanti toke tanaye pariShTiShu medhasAtA vAjinamahraye dhane || 10\.147\.03 sa innu rAyaH subhR^itasya chAkananmadaM yo asya raMhyaM chiketati | tvAvR^idho maghavandAshvadhvaro makShU sa vAjaM bharate dhanA nR^ibhiH || 10\.147\.04 tvaM shardhAya mahinA gR^iNAna uru kR^idhi maghava~nChagdhi rAyaH | tvaM no mitro varuNo na mAyI pitvo na dasma dayase vibhaktA || 10\.147\.05 suShvANAsa indra stumasi tvA sasavAMsashcha tuvinR^imNa vAjam | A no bhara suvitaM yasya chAkantmanA tanA sanuyAma tvotAH || 10\.148\.01 R^iShvastvamindra shUra jAto dAsIrvishaH sUryeNa sahyAH | guhA hitaM guhyaM gULhamapsu bibhR^imasi prasravaNe na somam || 10\.148\.02 aryo vA giro abhyarcha vidvAnR^iShINAM vipraH sumatiM chakAnaH | te syAma ye raNayanta somairenota tubhyaM rathoLha bhakShaiH || 10\.148\.03 imA brahmendra tubhyaM shaMsi dA nR^ibhyo nR^iNAM shUra shavaH | tebhirbhava sakraturyeShu chAkannuta trAyasva gR^iNata uta stIn || 10\.148\.04 shrudhI havamindra shUra pR^ithyA uta stavase venyasyArkaiH | A yaste yoniM ghR^itavantamasvArUrmirna nimnairdravayanta vakvAH || 10\.148\.05 savitA yantraiH pR^ithivImaramNAdaskambhane savitA dyAmadR^iMhat | ashvamivAdhukShaddhunimantarikShamatUrte baddhaM savitA samudram || 10\.149\.01 yatrA samudraH skabhito vyaunadapAM napAtsavitA tasya veda | ato bhUrata A utthitaM rajo.ato dyAvApR^ithivI aprathetAm || 10\.149\.02 pashchedamanyadabhavadyajatramamartyasya bhuvanasya bhUnA | suparNo a~Nga saviturgarutmAnpUrvo jAtaH sa u asyAnu dharma || 10\.149\.03 gAva iva grAmaM yUyudhirivAshvAnvAshreva vatsaM sumanA duhAnA | patiriva jAyAmabhi no nyetu dhartA divaH savitA vishvavAraH || 10\.149\.04 hiraNyastUpaH savitaryathA tvA~Ngiraso juhve vAje asmin | evA tvArchannavase vandamAnaH somasyevAMshuM prati jAgarAham || 10\.149\.05 samiddhashchitsamidhyase devebhyo havyavAhana | Adityai rudrairvasubhirna A gahi mR^iLIkAya na A gahi || 10\.150\.01 imaM yaj~namidaM vacho jujuShANa upAgahi | martAsastvA samidhAna havAmahe mR^iLIkAya havAmahe || 10\.150\.02 tvAmu jAtavedasaM vishvavAraM gR^iNe dhiyA | agne devA.N A vaha naH priyavratAnmR^iLIkAya priyavratAn || 10\.150\.03 agnirdevo devAnAmabhavatpurohito.agniM manuShyA R^iShayaH samIdhire | agniM maho dhanasAtAvahaM huve mR^iLIkaM dhanasAtaye || 10\.150\.04 agniratriM bharadvAjaM gaviShThiraM prAvannaH kaNvaM trasadasyumAhave | agniM vasiShTho havate purohito mR^iLIkAya purohitaH || 10\.150\.05 shraddhayAgniH samidhyate shraddhayA hUyate haviH | shraddhAM bhagasya mUrdhani vachasA vedayAmasi || 10\.151\.01 priyaM shraddhe dadataH priyaM shraddhe didAsataH | priyaM bhojeShu yajvasvidaM ma uditaM kR^idhi || 10\.151\.02 yathA devA asureShu shraddhAmugreShu chakrire | evaM bhojeShu yajvasvasmAkamuditaM kR^idhi || 10\.151\.03 shraddhAM devA yajamAnA vAyugopA upAsate | shraddhAM hR^idayyayAkUtyA shraddhayA vindate vasu || 10\.151\.04 shraddhAM prAtarhavAmahe shraddhAM madhyaMdinaM pari | shraddhAM sUryasya nimruchi shraddhe shraddhApayeha naH || 10\.151\.05 shAsa itthA mahA.N asyamitrakhAdo adbhutaH | na yasya hanyate sakhA na jIyate kadA chana || 10\.152\.01 svastidA vishaspatirvR^itrahA vimR^idho vashI | vR^iShendraH pura etu naH somapA abhayaMkaraH || 10\.152\.02 vi rakSho vi mR^idho jahi vi vR^itrasya hanU ruja | vi manyumindra vR^itrahannamitrasyAbhidAsataH || 10\.152\.03 vi na indra mR^idho jahi nIchA yachCha pR^itanyataH | yo asmA.N abhidAsatyadharaM gamayA tamaH || 10\.152\.04 apendra dviShato mano.apa jijyAsato vadham | vi manyoH sharma yachCha varIyo yavayA vadham || 10\.152\.05 I~NkhayantIrapasyuva indraM jAtamupAsate | bhejAnAsaH suvIryam || 10\.153\.01 tvamindra balAdadhi sahaso jAta ojasaH | tvaM vR^iShanvR^iShedasi || 10\.153\.02 tvamindrAsi vR^itrahA vyantarikShamatiraH | uddyAmastabhnA ojasA || 10\.153\.03 tvamindra sajoShasamarkaM bibharShi bAhvoH | vajraM shishAna ojasA || 10\.153\.04 tvamindrAbhibhUrasi vishvA jAtAnyojasA | sa vishvA bhuva AbhavaH || 10\.153\.05 soma ekebhyaH pavate ghR^itameka upAsate | yebhyo madhu pradhAvati tA.NshchidevApi gachChatAt || 10\.154\.01 tapasA ye anAdhR^iShyAstapasA ye svaryayuH | tapo ye chakrire mahastA.NshchidevApi gachChatAt || 10\.154\.02 ye yudhyante pradhaneShu shUrAso ye tanUtyajaH | ye vA sahasradakShiNAstA.NshchidevApi gachChatAt || 10\.154\.03 ye chitpUrva R^itasApa R^itAvAna R^itAvR^idhaH | pitR^Intapasvato yama tA.NshchidevApi gachChatAt || 10\.154\.04 sahasraNIthAH kavayo ye gopAyanti sUryam | R^iShIntapasvato yama tapojA.N api gachChatAt || 10\.154\.05 arAyi kANe vikaTe giriM gachCha sadAnve | shirimbiThasya satvabhistebhiShTvA chAtayAmasi || 10\.155\.01 chatto itashchattAmutaH sarvA bhrUNAnyAruShI | arAyyaM brahmaNaspate tIkShNashR^iNgodR^iShannihi || 10\.155\.02 ado yaddAru plavate sindhoH pAre apUruSham | tadA rabhasva durhaNo tena gachCha parastaram || 10\.155\.03 yaddha prAchIrajagantoro maNDUradhANikIH | hatA indrasya shatravaH sarve budbudayAshavaH || 10\.155\.04 parIme gAmaneShata paryagnimahR^iShata | deveShvakrata shravaH ka imA.N A dadharShati || 10\.155\.05 agniM hinvantu no dhiyaH saptimAshumivAjiShu | tena jeShma dhanaMdhanam || 10\.156\.01 yayA gA AkarAmahe senayAgne tavotyA | tAM no hinva maghattaye || 10\.156\.02 Agne sthUraM rayiM bhara pR^ithuM gomantamashvinam | a~Ndhi khaM vartayA paNim || 10\.156\.03 agne nakShatramajaramA sUryaM rohayo divi | dadhajjyotirjanebhyaH || 10\.156\.04 agne keturvishAmasi preShThaH shreShTha upasthasat | bodhA stotre vayo dadhat || 10\.156\.05 imA nu kaM bhuvanA sIShadhAmendrashcha vishve cha devAH || 10\.157\.01 yaj~naM cha nastanvaM cha prajAM chAdityairindraH saha chIkL^ipAti || 10\.157\.02 AdityairindraH sagaNo marudbhirasmAkaM bhUtvavitA tanUnAm || 10\.157\.03 hatvAya devA asurAnyadAyandevA devatvamabhirakShamANAH || 10\.157\.04 pratya~nchamarkamanaya~nChachIbhirAditsvadhAmiShirAM paryapashyan || 10\.157\.05 sUryo no divaspAtu vAto antarikShAt | agnirnaH pArthivebhyaH || 10\.158\.01 joShA savitaryasya te haraH shataM savA.N arhati | pAhi no didyutaH patantyAH || 10\.158\.02 chakShurno devaH savitA chakShurna uta parvataH | chakShurdhAtA dadhAtu naH || 10\.158\.03 chakShurno dhehi chakShuShe chakShurvikhyai tanUbhyaH | saM chedaM vi cha pashyema || 10\.158\.04 susaMdR^ishaM tvA vayaM prati pashyema sUrya | vi pashyema nR^ichakShasaH || 10\.158\.05 udasau sUryo agAdudayaM mAmako bhagaH | ahaM tadvidvalA patimabhyasAkShi viShAsahiH || 10\.159\.01 ahaM keturahaM mUrdhAhamugrA vivAchanI | mamedanu kratuM patiH sehAnAyA upAcharet || 10\.159\.02 mama putrAH shatruhaNo.atho me duhitA virAT | utAhamasmi saMjayA patyau me shloka uttamaH || 10\.159\.03 yenendro haviShA kR^itvyabhavaddyumnyuttamaH | idaM tadakri devA asapatnA kilAbhuvam || 10\.159\.04 asapatnA sapatnaghnI jayantyabhibhUvarI | AvR^ikShamanyAsAM varcho rAdho astheyasAmiva || 10\.159\.05 samajaiShamimA ahaM sapatnIrabhibhUvarI | yathAhamasya vIrasya virAjAni janasya cha || 10\.159\.06 tIvrasyAbhivayaso asya pAhi sarvarathA vi harI iha mu~ncha | indra mA tvA yajamAnAso anye ni rIramantubhyamime sutAsaH || 10\.160\.01 tubhyaM sutAstubhyamu sotvAsastvAM giraH shvAtryA A hvayanti | indredamadya savanaM juShANo vishvasya vidvA.N iha pAhi somam || 10\.160\.02 ya ushatA manasA somamasmai sarvahR^idA devakAmaH sunoti | na gA indrastasya parA dadAti prashastamichchArumasmai kR^iNoti || 10\.160\.03 anuspaShTo bhavatyeSho asya yo asmai revAnna sunoti somam | niraratnau maghavA taM dadhAti brahmadviSho hantyanAnudiShTaH || 10\.160\.04 ashvAyanto gavyanto vAjayanto havAmahe tvopagantavA u | AbhUShantaste sumatau navAyAM vayamindra tvA shunaM huvema || 10\.160\.05 mu~nchAmi tvA haviShA jIvanAya kamaj~nAtayakShmAduta rAjayakShmAt | grAhirjagrAha yadi vaitadenaM tasyA indrAgnI pra mumuktamenam || 10\.161\.01 yadi kShitAyuryadi vA pareto yadi mR^ityorantikaM nIta eva | tamA harAmi nirR^iterupasthAdaspArShamenaM shatashAradAya || 10\.161\.02 sahasrAkSheNa shatashAradena shatAyuShA haviShAhArShamenam | shataM yathemaM sharado nayAtIndro vishvasya duritasya pAram || 10\.161\.03 shataM jIva sharado vardhamAnaH shataM hemantA~nChatamu vasantAn | shatamindrAgnI savitA bR^ihaspatiH shatAyuShA haviShemaM punarduH || 10\.161\.04 AhArShaM tvAvidaM tvA punarAgAH punarnava | sarvA~Nga sarvaM te chakShuH sarvamAyushcha te.avidam || 10\.161\.05 brahmaNAgniH saMvidAno rakShohA bAdhatAmitaH | amIvA yaste garbhaM durNAmA yonimAshaye || 10\.162\.01 yaste garbhamamIvA durNAmA yonimAshaye | agniShTaM brahmaNA saha niShkravyAdamanInashat || 10\.162\.02 yaste hanti patayantaM niShatsnuM yaH sarIsR^ipam | jAtaM yaste jighAMsati tamito nAshayAmasi || 10\.162\.03 yasta UrU viharatyantarA dampatI shaye | yoniM yo antarAreLhi tamito nAshayAmasi || 10\.162\.04 yastvA bhrAtA patirbhUtvA jAro bhUtvA nipadyate | prajAM yaste jighAMsati tamito nAshayAmasi || 10\.162\.05 yastvA svapnena tamasA mohayitvA nipadyate | prajAM yaste jighAMsati tamito nAshayAmasi || 10\.162\.06 akShIbhyAM te nAsikAbhyAM karNAbhyAM ChubukAdadhi | yakShmaM shIrShaNyaM mastiShkAjjihvAyA vi vR^ihAmi te || 10\.163\.01 grIvAbhyasta uShNihAbhyaH kIkasAbhyo anUkyAt | yakShmaM doShaNyamaMsAbhyAM bAhubhyAM vi vR^ihAmi te || 10\.163\.02 Antrebhyaste gudAbhyo vaniShThorhR^idayAdadhi | yakShmaM matasnAbhyAM yaknaH plAshibhyo vi vR^ihAmi te || 10\.163\.03 UrubhyAM te aShThIvadbhyAM pArShNibhyAM prapadAbhyAm | yakShmaM shroNibhyAM bhAsadAdbhaMsaso vi vR^ihAmi te || 10\.163\.04 mehanAdvanaMkaraNAllomabhyaste nakhebhyaH | yakShmaM sarvasmAdAtmanastamidaM vi vR^ihAmi te || 10\.163\.05 a~NgAda~NgAllomnolomno jAtaM parvaNiparvaNi | yakShmaM sarvasmAdAtmanastamidaM vi vR^ihAmi te || 10\.163\.06 apehi manasaspate.apa krAma parashchara | paro nirR^ityA A chakShva bahudhA jIvato manaH || 10\.164\.01 bhadraM vai varaM vR^iNate bhadraM yu~njanti dakShiNam | bhadraM vaivasvate chakShurbahutrA jIvato manaH || 10\.164\.02 yadAshasA niHshasAbhishasopArima jAgrato yatsvapantaH | agnirvishvAnyapa duShkR^itAnyajuShTAnyAre asmaddadhAtu || 10\.164\.03 yadindra brahmaNaspate.abhidrohaM charAmasi | prachetA na A~Ngiraso dviShatAM pAtvaMhasaH || 10\.164\.04 ajaiShmAdyAsanAma chAbhUmAnAgaso vayam | jAgratsvapnaH saMkalpaH pApo yaM dviShmastaM sa R^ichChatu yo no dveShTi tamR^ichChatu || 10\.164\.05 devAH kapota iShito yadichChandUto nirR^ityA idamAjagAma | tasmA archAma kR^iNavAma niShkR^itiM shaM no astu dvipade shaM chatuShpade || 10\.165\.01 shivaH kapota iShito no astvanAgA devAH shakuno gR^iheShu | agnirhi vipro juShatAM havirnaH pari hetiH pakShiNI no vR^iNaktu || 10\.165\.02 hetiH pakShiNI na dabhAtyasmAnAShTryAM padaM kR^iNute agnidhAne | shaM no gobhyashcha puruShebhyashchAstu mA no hiMsIdiha devAH kapotaH || 10\.165\.03 yadulUko vadati moghametadyatkapotaH padamagnau kR^iNoti | yasya dUtaH prahita eSha etattasmai yamAya namo astu mR^ityave || 10\.165\.04 R^ichA kapotaM nudata praNodamiShaM madantaH pari gAM nayadhvam | saMyopayanto duritAni vishvA hitvA na UrjaM pra patAtpatiShThaH || 10\.165\.05 R^iShabhaM mA samAnAnAM sapatnAnAM viShAsahim | hantAraM shatrUNAM kR^idhi virAjaM gopatiM gavAm || 10\.166\.01 ahamasmi sapatnahendra ivAriShTo akShataH | adhaH sapatnA me padorime sarve abhiShThitAH || 10\.166\.02 atraiva vo.api nahyAmyubhe ArtnI iva jyayA | vAchaspate ni ShedhemAnyathA madadharaM vadAn || 10\.166\.03 abhibhUrahamAgamaM vishvakarmeNa dhAmnA | A vashchittamA vo vratamA vo.ahaM samitiM dade || 10\.166\.04 yogakShemaM va AdAyAhaM bhUyAsamuttama A vo mUrdhAnamakramIm | adhaspadAnma udvadata maNDUkA ivodakAnmaNDUkA udakAdiva || 10\.166\.05 tubhyedamindra pari Shichyate madhu tvaM sutasya kalashasya rAjasi | tvaM rayiM puruvIrAmu naskR^idhi tvaM tapaH paritapyAjayaH svaH || 10\.167\.01 svarjitaM mahi mandAnamandhaso havAmahe pari shakraM sutA.N upa | imaM no yaj~namiha bodhyA gahi spR^idho jayantaM maghavAnamImahe || 10\.167\.02 somasya rAj~no varuNasya dharmaNi bR^ihaspateranumatyA u sharmaNi | tavAhamadya maghavannupastutau dhAtarvidhAtaH kalashA.N abhakShayam || 10\.167\.03 prasUto bhakShamakaraM charAvapi stomaM chemaM prathamaH sUrirunmR^ije | sute sAtena yadyAgamaM vAM prati vishvAmitrajamadagnI dame || 10\.167\.04 vAtasya nu mahimAnaM rathasya rujanneti stanayannasya ghoShaH | divispR^igyAtyaruNAni kR^iNvannuto eti pR^ithivyA reNumasyan || 10\.168\.01 saM prerate anu vAtasya viShThA ainaM gachChanti samanaM na yoShAH | tAbhiH sayuksarathaM deva Iyate.asya vishvasya bhuvanasya rAjA || 10\.168\.02 antarikShe pathibhirIyamAno na ni vishate katamachchanAhaH | apAM sakhA prathamajA R^itAvA kva svijjAtaH kuta A babhUva || 10\.168\.03 AtmA devAnAM bhuvanasya garbho yathAvashaM charati deva eShaH | ghoShA idasya shR^iNvire na rUpaM tasmai vAtAya haviShA vidhema || 10\.168\.04 mayobhUrvAto abhi vAtUsrA UrjasvatIroShadhIrA rishantAm | pIvasvatIrjIvadhanyAH pibantvavasAya padvate rudra mR^iLa || 10\.169\.01 yAH sarUpA virUpA ekarUpA yAsAmagniriShTyA nAmAni veda | yA a~Ngirasastapaseha chakrustAbhyaH parjanya mahi sharma yachCha || 10\.169\.02 yA deveShu tanvamairayanta yAsAM somo vishvA rUpANi veda | tA asmabhyaM payasA pinvamAnAH prajAvatIrindra goShThe rirIhi || 10\.169\.03 prajApatirmahyametA rarANo vishvairdevaiH pitR^ibhiH saMvidAnaH | shivAH satIrupa no goShThamAkastAsAM vayaM prajayA saM sadema || 10\.169\.04 vibhrADbR^ihatpibatu somyaM madhvAyurdadhadyaj~napatAvavihrutam | vAtajUto yo abhirakShati tmanA prajAH pupoSha purudhA vi rAjati || 10\.170\.01 vibhrADbR^ihatsubhR^itaM vAjasAtamaM dharmandivo dharuNe satyamarpitam | amitrahA vR^itrahA dasyuhantamaM jyotirjaj~ne asurahA sapatnahA || 10\.170\.02 idaM shreShThaM jyotiShAM jyotiruttamaM vishvajiddhanajiduchyate bR^ihat | vishvabhrADbhrAjo mahi sUryo dR^isha uru paprathe saha ojo achyutam || 10\.170\.03 vibhrAja~njyotiShA svaragachCho rochanaM divaH | yenemA vishvA bhuvanAnyAbhR^itA vishvakarmaNA vishvadevyAvatA || 10\.170\.04 tvaM tyamiTato rathamindra prAvaH sutAvataH | ashR^iNoH somino havam || 10\.171\.01 tvaM makhasya dodhataH shiro.ava tvacho bharaH | agachChaH somino gR^iham || 10\.171\.02 tvaM tyamindra martyamAstrabudhnAya venyam | muhuH shrathnA manasyave || 10\.171\.03 tvaM tyamindra sUryaM pashchA santaM puraskR^idhi | devAnAM chittiro vasham || 10\.171\.04 A yAhi vanasA saha gAvaH sachanta vartaniM yadUdhabhiH || 10\.172\.01 A yAhi vasvyA dhiyA maMhiShTho jArayanmakhaH sudAnubhiH || 10\.172\.02 pitubhR^ito na tantumitsudAnavaH prati dadhmo yajAmasi || 10\.172\.03 uShA apa svasustamaH saM vartayati vartaniM sujAtatA || 10\.172\.04 A tvAhArShamantaredhi dhruvastiShThAvichAchaliH | vishastvA sarvA vA~nChantu mA tvadrAShTramadhi bhrashat || 10\.173\.01 ihaivaidhi mApa chyoShThAH parvata ivAvichAchaliH | indra iveha dhruvastiShTheha rAShTramu dhAraya || 10\.173\.02 imamindro adIdharaddhruvaM dhruveNa haviShA | tasmai somo adhi bravattasmA u brahmaNaspatiH || 10\.173\.03 dhruvA dyaurdhruvA pR^ithivI dhruvAsaH parvatA ime | dhruvaM vishvamidaM jagaddhruvo rAjA vishAmayam || 10\.173\.04 dhruvaM te rAjA varuNo dhruvaM devo bR^ihaspatiH | dhruvaM ta indrashchAgnishcha rAShTraM dhArayatAM dhruvam || 10\.173\.05 dhruvaM dhruveNa haviShAbhi somaM mR^ishAmasi | atho ta indraH kevalIrvisho balihR^itaskarat || 10\.173\.06 abhIvartena haviShA yenendro abhivAvR^ite | tenAsmAnbrahmaNaspate.abhi rAShTrAya vartaya || 10\.174\.01 abhivR^itya sapatnAnabhi yA no arAtayaH | abhi pR^itanyantaM tiShThAbhi yo na irasyati || 10\.174\.02 abhi tvA devaH savitAbhi somo avIvR^itat | abhi tvA vishvA bhUtAnyabhIvarto yathAsasi || 10\.174\.03 yenendro haviShA kR^itvyabhavaddyumnyuttamaH | idaM tadakri devA asapatnaH kilAbhuvam || 10\.174\.04 asapatnaH sapatnahAbhirAShTro viShAsahiH | yathAhameShAM bhUtAnAM virAjAni janasya cha || 10\.174\.05 pra vo grAvANaH savitA devaH suvatu dharmaNA | dhUrShu yujyadhvaM sunuta || 10\.175\.01 grAvANo apa duchChunAmapa sedhata durmatim | usrAH kartana bheShajam || 10\.175\.02 grAvANa upareShvA mahIyante sajoShasaH | vR^iShNe dadhato vR^iShNyam || 10\.175\.03 grAvANaH savitA nu vo devaH suvatu dharmaNA | yajamAnAya sunvate || 10\.175\.04 pra sUnava R^ibhUNAM bR^ihannavanta vR^ijanA | kShAmA ye vishvadhAyaso.ashnandhenuM na mAtaram || 10\.176\.01 pra devaM devyA dhiyA bharatA jAtavedasam | havyA no vakShadAnuShak || 10\.176\.02 ayamu Shya pra devayurhotA yaj~nAya nIyate | ratho na yorabhIvR^ito ghR^iNIvA~nchetati tmanA || 10\.176\.03 ayamagniruruShyatyamR^itAdiva janmanaH | sahasashchitsahIyAndevo jIvAtave kR^itaH || 10\.176\.04 pataMgamaktamasurasya mAyayA hR^idA pashyanti manasA vipashchitaH | samudre antaH kavayo vi chakShate marIchInAM padamichChanti vedhasaH || 10\.177\.01 pataMgo vAchaM manasA bibharti tAM gandharvo.avadadgarbhe antaH | tAM dyotamAnAM svaryaM manIShAmR^itasya pade kavayo ni pAnti || 10\.177\.02 apashyaM gopAmanipadyamAnamA cha parA cha pathibhishcharantam | sa sadhrIchIH sa viShUchIrvasAna A varIvarti bhuvaneShvantaH || 10\.177\.03 tyamU Shu vAjinaM devajUtaM sahAvAnaM tarutAraM rathAnAm | ariShTanemiM pR^itanAjamAshuM svastaye tArkShyamihA huvema || 10\.178\.01 indrasyeva rAtimAjohuvAnAH svastaye nAvamivA ruhema | urvI na pR^ithvI bahule gabhIre mA vAmetau mA paretau riShAma || 10\.178\.02 sadyashchidyaH shavasA pa~ncha kR^iShTIH sUrya iva jyotiShApastatAna | sahasrasAH shatasA asya raMhirna smA varante yuvatiM na sharyAm || 10\.178\.03 uttiShThatAva pashyatendrasya bhAgamR^itviyam | yadi shrAto juhotana yadyashrAto mamattana || 10\.179\.01 shrAtaM haviro Shvindra pra yAhi jagAma sUro adhvano vimadhyam | pari tvAsate nidhibhiH sakhAyaH kulapA na vrAjapatiM charantam || 10\.179\.02 shrAtaM manya Udhani shrAtamagnau sushrAtaM manye tadR^itaM navIyaH | mAdhyaMdinasya savanasya dadhnaH pibendra vajrinpurukR^ijjuShANaH || 10\.179\.03 pra sasAhiShe puruhUta shatrU~njyeShThaste shuShma iha rAtirastu | indrA bhara dakShiNenA vasUni patiH sindhUnAmasi revatInAm || 10\.180\.01 mR^igo na bhImaH kucharo giriShThAH parAvata A jaganthA parasyAH | sR^ikaM saMshAya pavimindra tigmaM vi shatrUntALhi vi mR^idho nudasva || 10\.180\.02 indra kShatramabhi vAmamojo.ajAyathA vR^iShabha charShaNInAm | apAnudo janamamitrayantamuruM devebhyo akR^iNoru lokam || 10\.180\.03 prathashcha yasya saprathashcha nAmAnuShTubhasya haviSho haviryat | dhAturdyutAnAtsavitushcha viShNo rathaMtaramA jabhArA vasiShThaH || 10\.181\.01 avindante atihitaM yadAsIdyaj~nasya dhAma paramaM guhA yat | dhAturdyutAnAtsavitushcha viShNorbharadvAjo bR^ihadA chakre agneH || 10\.181\.02 te.avindanmanasA dIdhyAnA yajuH ShkannaM prathamaM devayAnam | dhAturdyutAnAtsavitushcha viShNorA sUryAdabharangharmamete || 10\.181\.03 bR^ihaspatirnayatu durgahA tiraH punarneShadaghashaMsAya manma | kShipadashastimapa durmatiM hannathA karadyajamAnAya shaM yoH || 10\.182\.01 narAshaMso no.avatu prayAje shaM no astvanuyAjo haveShu | kShipadashastimapa durmatiM hannathA karadyajamAnAya shaM yoH || 10\.182\.02 tapurmUrdhA tapatu rakShaso ye brahmadviShaH sharave hantavA u | kShipadashastimapa durmatiM hannathA karadyajamAnAya shaM yoH || 10\.182\.03 apashyaM tvA manasA chekitAnaM tapaso jAtaM tapaso vibhUtam | iha prajAmiha rayiM rarANaH pra jAyasva prajayA putrakAma || 10\.183\.01 apashyaM tvA manasA dIdhyAnAM svAyAM tanU R^itvye nAdhamAnAm | upa mAmuchchA yuvatirbabhUyAH pra jAyasva prajayA putrakAme || 10\.183\.02 ahaM garbhamadadhAmoShadhIShvahaM vishveShu bhuvaneShvantaH | ahaM prajA ajanayaM pR^ithivyAmahaM janibhyo aparIShu putrAn || 10\.183\.03 viShNuryoniM kalpayatu tvaShTA rUpANi piMshatu | A si~nchatu prajApatirdhAtA garbhaM dadhAtu te || 10\.184\.01 garbhaM dhehi sinIvAli garbhaM dhehi sarasvati | garbhaM te ashvinau devAvA dhattAM puShkarasrajA || 10\.184\.02 hiraNyayI araNI yaM nirmanthato ashvinA | taM te garbhaM havAmahe dashame mAsi sUtave || 10\.184\.03 mahi trINAmavo.astu dyukShaM mitrasyAryamNaH | durAdharShaM varuNasya || 10\.185\.01 nahi teShAmamA chana nAdhvasu vAraNeShu | Ishe ripuraghashaMsaH || 10\.185\.02 yasmai putrAso aditeH pra jIvase martyAya | jyotiryachChantyajasram || 10\.185\.03 vAta A vAtu bheShajaM shambhu mayobhu no hR^ide | pra Na AyUMShi tAriShat || 10\.186\.01 uta vAta pitAsi na uta bhrAtota naH sakhA | sa no jIvAtave kR^idhi || 10\.186\.02 yadado vAta te gR^ihe.amR^itasya nidhirhitaH | tato no dehi jIvase || 10\.186\.03 prAgnaye vAchamIraya vR^iShabhAya kShitInAm | sa naH parShadati dviShaH || 10\.187\.01 yaH parasyAH parAvatastiro dhanvAtirochate | sa naH parShadati dviShaH || 10\.187\.02 yo rakShAMsi nijUrvati vR^iShA shukreNa shochiShA | sa naH parShadati dviShaH || 10\.187\.03 yo vishvAbhi vipashyati bhuvanA saM cha pashyati | sa naH parShadati dviShaH || 10\.187\.04 yo asya pAre rajasaH shukro agnirajAyata | sa naH parShadati dviShaH || 10\.187\.05 pra nUnaM jAtavedasamashvaM hinota vAjinam | idaM no barhirAsade || 10\.188\.01 asya pra jAtavedaso vipravIrasya mILhuShaH | mahImiyarmi suShTutim || 10\.188\.02 yA rucho jAtavedaso devatrA havyavAhanIH | tAbhirno yaj~naminvatu || 10\.188\.03 AyaM gauH pR^ishnirakramIdasadanmAtaraM puraH | pitaraM cha prayansvaH || 10\.189\.01 antashcharati rochanAsya prANAdapAnatI | vyakhyanmahiSho divam || 10\.189\.02 triMshaddhAma vi rAjati vAkpataMgAya dhIyate | prati vastoraha dyubhiH || 10\.189\.03 R^itaM cha satyaM chAbhIddhAttapaso.adhyajAyata | tato rAtryajAyata tataH samudro arNavaH || 10\.190\.01 samudrAdarNavAdadhi saMvatsaro ajAyata | ahorAtrANi vidadhadvishvasya miShato vashI || 10\.190\.02 sUryAchandramasau dhAtA yathApUrvamakalpayat | divaM cha pR^ithivIM chAntarikShamatho svaH || 10\.190\.03 saMsamidyuvase vR^iShannagne vishvAnyarya A | iLaspade samidhyase sa no vasUnyA bhara || 10\.191\.01 saM gachChadhvaM saM vadadhvaM saM vo manAMsi jAnatAm | devA bhAgaM yathA pUrve saMjAnAnA upAsate || 10\.191\.02 samAno mantraH samitiH samAnI samAnaM manaH saha chittameShAm | samAnaM mantramabhi mantraye vaH samAnena vo haviShA juhomi || 10\.191\.03 samAnI va AkUtiH samAnA hR^idayAni vaH | samAnamastu vo mano yathA vaH susahAsati || 10\.191\.04 ## Last updated July 2, 2013 Special mention : Initial processing and help by Avinash and Shashi Sathaye, Avinash Chopde, Shree Devi Kumar, Sunder Hattangadi, John Gardner. Reprocessed from Original in final form by Detlef Eichler with additional corrections. See Detlef's site http://www.detlef108.de/Rigveda.htm for other details and formats. The text is shown without accents (Anudattas, dependent Svaritas, and independent Svaritas including Kampas). Words are connected (agnimILe). Ch is doubled as in gachChati according to the rules of Rigveda-Pratishakhya. At the end of a word m is replaced by Anusvara M if the initial letter of the following word is a labial stop consonant (p, ph, b, bh, m). Visarga H before sh, Sh or s followed by a voiceless consonant has been restored. Source : The Aufrecht/van Nooten/Holland (Samhita) version of the Rigveda (http://www.people.fas.harvard.edu/~witzel/onlineRV.htm). In this text accented vowels have Udatta or 'independent Svarita' markers. Kampas are not shown. Words are separated (agnim ILe). Ch is not doubled as in gaChati. At the end of a word we find m before a following labial stop consonant (p, ph, b, bh, m). Visarga H before sh, Sh or s followed by a voiceless consonant has been dropped according to a rule of Rigveda-Pratishakhya. Send corrections to : detlefeichler@googlemail.com, sanskrit@cheerful.com The text is to be used for personal studies and research only. Any use for commercial purpose is prohibited as a `gentleman's' agreement.