ahamiha nivasaami yaahi raadhaam
anunaya madvachanena chaanayethaaH |
iti madhuripuNaa sakhii niyuk.htaa
svayamidametya punarjagaada raadhaam || 5-1
words separated - aham iha nivasaami yaahi raadhaam anunaya mat vachanena aanayethaaH iti madhu ripuNaa sakhii niyuk.htaa svayam idam etya punaH jagaada raadhaam || 5-1
aSTapadi 10 - harisamudayagaruDapadam
vahati malayasamiire madanamupanidhaaya |
sphuTati kusumanikare virahihR^idayadalanaaya |
tava virahe vanamaalii sakhi siidati raadhe || 10-1
words separated - vahati malaya samiire madanam upa nidhaaya sphuTati kusuma nikare virahi
hR^idayadalanaaya tava virahe vanamaalii sakhi siidati raadhe
dahati shishiramayuukhe maraNamanukaroti |
patati madanavishikhe vilapati vikalataro.ati || 10-2
words separated - dahati shishira mayuukhe maraNam anu karoti patati madana vishikhe vilapati vikala taraH ati
dhvanati madhupasamuuhe shravaNamapidadaati |
manasi valitavirahe nishi nishi rujamupayati || 10-3
words separated - dhvanati madhupa samuuhe shravaNam apidadhaati manasi valita virahe nishi nishi rujam upayati
vasati vipinavitaane tyajati lalitadhaama
luThati dharaNishayane bahu vilapati tava naama || 10-4
words separated - vasati vipina vitaane tyajati lalita dhaama luThati dharaNi shayane bahu vilapati tava naama
raNati pikasamavaaye pratipadadishamanuyaati |
hasati manujanicaye virahamapalapati neti || a pa 10-5
words separated- raNati pika samavaaye pratipada disham anuyaati hasati manuja nicaye viraham apalapati na iti
sphurati kalaravaraave smarti maNitameva |
tavaratisukhavibhave gaNayati suguNamatiiva || a pa 10-6
words separated - sphurati kalarava raave smarti maNitam eva tava rati sukha vibhave gaNayati suguNam atiiva
tvadabhidashubhamaasam vadati nari shR^iNoti |
tamapijapatisarasam yuvatiSu naratimupaiti || 10-7
words separated - tvat abhida shubha maasam vadati nari shR^iNoti tam api japati sarasam yuvatiSu na ratim upaiti
bhaNati kavijayadeve virahivilasitena |
manasi rabhasavibhave harirudayatu sukR^itena || 10-8
words separated bhaNati kavi jayadeve virahi vilasitena manasi rabhasa vibhave hariH udayatu sukR^itena
puurvam yatra samam tvayaa ratipateraasaaditaH siddhayaH
tasminneva niku~Njamanmathamahaatiirthe punarmaadhavaH |
dhyaaya.nstvaamanisham japannapi tavaivaalaapama.ntraavaliim
bhuuyastvatkuchaku.mbhanirbharapariira.mbhaamR^itam vaa.nchhati || 5-2
words separated - puurvam yatra samam tvayaa ratipateH aasaaditaH siddhayaH tasmin eva niku~Nja manmatha mahaa tiirthe punaH maadhavaH dhyaayan tvaam anisham japan api tava eva alaapa ma.ntraavaliim bhuuyaH tvat kucha
ku.mbha nirbhara pariira.mbha amR^itam vaa.ncChati || 5-3
aSTapadi a pa 11 -saakaa.nksha pu.nDariikotkadhaa madhuram
ratisukhasaare gatamabhisaare madanamanoharavesham |
na kuru nitambini gamanavila.mbanamanusara tam hR^idayesham |
gopii piinapayodharamardanaca.ncalakarayugashaalii |
dhiira samiire yamunaa tiire vasati vane vanamaalii - dhR^ivam || a pa a pa 11-1
words separated - rati sukha saare gatam abhisaare madana manohara vesham na kuru nitambini gamana vila.mbanam anusara tam hR^idaya iisham gopii piina payodhara mardana ca.ncala kara yuga shaalii dhiira samiire yamunaa
tiire vasati vane vanamaalii
naamasametamkR^itasa.nketamvaadayatemR^iduveNum |
bahumanutenanutetanusa.ngatapavanachalitamapireNum || a pa a pa 11-2
words separated - naama sametam kR^ita sa.nketam vaadayate mR^idu veNum bahu manute nanu te tanu sa.ngata pavana chalitam api reNum
patatipatatrevichalatipatreshankitabhavadupayaanam |
rachayatishayanamsachakitanayanampashyatitavapanthaanam || a pa 11-3
words separated - patati patatre vichalati patre shanita bhavat upa yaanam rachayati shayanam sa chakita nayanam pashyati tava pa.nthaanam
mukharamadhiiram tyaja manjiiram ripumiva keliSulolam |
chala sakhi kunjam satimirapu.njam shiilaya niilanicholam || a pa 11-4
words separated - mukharam adhiiram tyaja manjiiram ripum iva keliSu lolam chala sakhi kunjam sa timira pu.njam shiilaya niila nicholam
urasimuraarerupahitahaareghanaivataralabalaake |
taTidivapiiterativipariiteraajasisukR^itavipaake || a pa 11-5
words separated - urasi muraareH upahita haare ghana iva tarala balaake taTit iva piite rati vipariite raajasi sukR^ita vipaake
vigalitavasanam parihR^itarasanam ghaTaya jaghanamapidhaanam |
kisalayashayane paN^kajanayane nidhimiva harSanidaanam || a pa 11-6
words separated - vigalita vasanam parihR^ita rasanam ghaTaya jaghanam apidhaanam kisalaya shayane pankaja nayane nidhim iva harSa nidaanam
harirabhimaaniirajaniridaaniimiyamapiyaativiraamam |
kurumamavachanamsatvararachanampuurayamadhuripukaamam || a pa 11-7
words separated - hariH abhimaanii rajaniH idaaniim iyam api yaati viraamam kuru mama vachanam sa tvara rachanam puuraya madhu ripu kaamam
shriijayadeve kR^itahariseve bhaNati paramaramaNiiyam |
pramuditahR^idayam harimatisadayam namata sukR^itakamaniiyam || a pa 11-8
words separated - shrii jayadeve kR^ita hari seve bhaNati parama ramaNiiyam pramudita hR^idayam harim ati sadayam namata sukR^ita kamaniiyam
vikirati muhuH shvaasaandishaaH puro muhuriikshate
pravishati muhuH ku.nja.mgu.njanmuhurbahu taamyati |
rachayati muhuH shayyaa.mparyaakulaMmuhuriikshate
madanakadanaklaantaH kaante priyastava var.htate || 5-3
words separated - vikirati muhuH shvaasaan dishaaH puraH muhuH iikshate pravishati muhuH ku.njam gu.njan muhuH bahu taamyati rachayati muhuH shayyaam paryaakulam muhuH iikshate madana kadana klaantaH kaante priyaH tava
vartate
tvadvaamyena sama.msamagramadhunaa tigmaa.nshurasta.mgato
govindasya manorathena cha sama.mpraapta.mtamaH saandrataam |
kokaanaa.mkaruNasvanena sadR^ishii diirghaa madabhyarthanaa
tanmugdhe viphala.mvilambanamasau ramyo.abhisaarakshaNaH || 5-4
words separated - tvat vaamyena samam samagram adhunaa tigmaa.nshuH astam gataH govindasya manorathena cha samam praaptam tamaH saandrataam kokaanaam karuNa svanena sadR^ishii diirghaa mat abhyarthanaa tat mugdhe viphalam
vilambanam asau ramyaH abhisaara kshaNaH
saa maam drakshyati vakshyati smarakathaam pratya~Ngamaali.nganaiH
priitim yaasyati ra.msyate sakhi samaagatyeti chi.ntaakulaH |
sa tvaam pashyati vepate pulakayatyaana.ndati svedyati
pratyudgacChati muur.hcChati sthiratamaHpu.nje niku.nje sthitaH || 5-5
words separated - saa maam drakshyati vakshyati smara kathaam pratya~Ngam aali.nganaiH priitim yaasyati ra.msyate sakhi samaagatya iti chi.ntaakulaH sa tvaam pashyati vepate pulakayati aana.ndati svedyati pratyudgacChati
muur.hcChati sthira tamaH pu.nje niku.nje sthitaH
aashleShaadanu chu.mbanaadanu nakhollekhaadanu svaantaja
prodbodhaadanu sa.mbhramaadanu rataara.mbhaadanu priitayoH |
anyaarthamgatayorbhramaanmilitayoH sambhaaSaNairjaanato
rdampatyoriha ko na ko na tamasi vriiDaavimishro rasaH || 5-6
words separated - aashleShaat anu chu.mbanaat anu nakha ullekhaat anu svaanta ja pra udbodhaat anu sa.mbhramaat anu rataara.mbhaat anu priitayoH anya artham gatayoH bhramaat militayoH sambhaaSaNaiH jaanatoH dampatyoH
iha ko na ko na tamasi vriiDaa vimishraH rasaH
sabhayachakitam.hvinyasyantiim.hdR^ishautimirepathi
pratipadataru muhuH sthitvaa mandam.hpadaani vitanvatiim |
kathamapi rahaH praaptaama~Ngairana~Ngatara~NgibhiH
sumukhi subhagaH pashyansatvaamupaitu kR^itaarthataam || 5-7
words separated - sa bhaya chakitam vinyasyantiim dR^ishau timire pathi pratipada taru muhuH sthitvaa mandam padaani vitanvatiim katham api rahaH praaptaam angaiH ananga tarangibhiH sumukhi subhagaH pashyan saH tvaam upaitu
kR^itaarthataam
raadhaamugdhamukhaaravindamadhupasstrailokyamaulisthalii
nepathyocitaniilaratnamavaniibhaaraavataaraa.ntakaH |
svacChanda.mvrajasu.ndariijanamanastoSapradoSodayaH
ka.msadhva.msanadhuumaketuravatutvaamdevakiina.ndanaH || 5-8
words separated - raadhaa mugdha mukha aravinda madhupaH trailokya mauli sthalii nepathya ucita niila ratnam avanii bhaara avataara a.ntakaH svacChandam vraja su.ndarii jana manaH toSa pradoSa udayaH ka.msa dhva.msana
dhuumaketuH avatu tvaam devakii na.ndanaH
iti giitagovinde saakaankshapuNDariikaaksho naama pa.nchamaH sargaH
| Top of Page | 1 | a pa 10 | 2 | a pa 11 |
| 3 | 4 | 5 | 6 | 7 |
| 8 | . | . | . | . |
| Previous sarga | giirvaaNi | Next Sarga |
Oct, 2003, Desiraju Hanumanta Rao, Revised Nov 08