atha kathamapi yaaminiim viniiya smarasharajarjaritaapi saa
prabhaate |
anunayavachanam vadantamagre praNatamapi priyamaaha saabhyasuuyam || 8-1
pa cChe- atha katham api yaaminiim viniiya smara shara jarjaritaa api saa prabhaate anunaya vachanam vadantam agre praNatam api priyam aaha saabhyasuuyam
aSTapadi - 17- lakShmiipatiratnaavali -
rajanijanitagurujaagararaagakSaayitamalasanimesham |
vahati nayanamanuraagamiva sphuTamuditarasaabhinivesham ||
harihari yaahi maadhava yaahi keshava maa vada kaitavavaadam
taamanusara sarasiiruhalochana yaa tava harati viSaaadam dhR^ivam || a pa 17-1
pa cChe - rajani janita guru jaagara raaga kaSaayitam alasa nimesham vahati nayanam anuraagam iva sphuTam udita rasa abhinivesham hari hari yaahi maadhava yaahi keshava maa vada kaitava vaadam taam anusara sarasiiruha lochana yaa tava harati viSaadam
kajjalamalinavilochanachumbanavirachitaniilimaruupam
|
dashanavasanamaruNam tava kR^iSNa tanoti tanoranuruupam || a pa 17-2
pa cChe - kajjala malina vilochana cu.mbana virachita niilima ruupam dashana vasanam aruNam tava kR^iSNa tanoti tanoH anuruupam
vapuranuharati tava smarasa.ngarakharanakharakShatarekham |
marakatashakalakalitakaladhautalipireva ratijayalekham || a pa 17-3
pa cChe - vapuH anuharati tava smara sa.ngara khara nakha rakShata rekham marakata shakala kalita kala dhauta lipiH eva rati jaya lekham
charaNakamalagaladalaktasiktamidam tava hR^idayamudaaram |
darshayatiiva bahirmadanadrumanavakisalayaparivaaram || a pa 17-4
pa cChe - charaNa kamala galat alakta siktam idam tava hR^idayam udaaram darshayati iva bahiH madana druma nava kisalaya pari vaaram
dashanapadam bhavadadharagatam mama janayati chetasi khedam |
kathayati kathamadhunaapi mayaa saha tava vapuretadabhedam || a pa 17-5
pa cChe- dashana padam bhavat adhara gatam mama janayati chetasi khedam kathayati katham adhunaa api mayaa saha tava vapuH etat abhedam
bahiriva malinataram tava kR^iSNa mano.api bhaviSyati nuunam |
kathamatha va.nchayase janamanugatamasamasharajvaraduunam || a pa 17-6
pa cChe - bahiH iva malina taram tava kR^iSNa manoH api bhaviSyati nuunam katham atha va.nchayase janam anugatam asama shara jvara duunam
bhramati bhavaanabalaakavalaaya vaneSu kimatra vichitram |
prathayati puutanikaiva vadhuuvadhanirdayabaalacharitram || a pa 17-7
pa cChe - bhramati bhavaan abalaa kavalaaya vaneSu kim atra vichitram prathayati puutanika iva vadhuu vadha nirdaya baala charitram
shriijayadevabhaNitarativa.nchitakhaNDitayuvativilaapam |
shR^iNuta sudhaamadhuram vibudhaa vibudhaalayato.api duraapam || a pa 17-8
pa cChe- shrii jayadeva bhaNita rati va.nchita khaNDita yuvati vilaapam shR^iNuta sudhaa madhuram vibudhaa vibudha aalayataH api duraapam || 8-2
tavedam pashyantyaaH prasaradanuraagam bahiriva
priyaapaadaalaktachchhuritamaruNachchhaayahR^idayam |
mamaadya prakhyaatapraNayabharabhangena kitava
tvadaalokaH shokaadapi kimapi lajjaam janayati || 8-2
pa cChe- tava idam pashyantyaaH prasarat anuraagam bahiH iva priyaa paada alakta cCuritam aruNa cChaaya hR^idayam mama adya prakhyaata praNaya bhara bhangena kitava tvat aalokaH shokaat api kim api lajjaam janayati
antarmohanamaulighuurNanacalanma.ndaaravibhra.mshana
stha.mbhaakarSaNadR^iptiharSaNamahaama.ntraH kura.ngiidR^ishaam |
dR^ipyaddanavaduuyamaanadiviSaddurvaaraduHkhaapadaam
bhra.nshaH ka.msaripossamarpayatu vashshreyaansi va.mshiiravaH || 8-3
pa cChe - antaH mohana mauli ghuurNana calat mandaara vibhra.mshana stha.mbha akarSaNa dR^ipti harSaNa mahaa ma.ntraH kura.ngii dR^ishaam dR^ipyat danava duuyamaana diviSat durvaara duHkha aapadaam bhra.nshaH ka.msa ripoH samarpayatu vaH shreyaansi va.mshii ravaH
iti giitagovinde khaNDitaavarNane vilakShyalakShmiipatirnaama aSThamaH sargaH
Top of Page | 1 | a pa 17 | 2 | 3 |
Previous Sarga | giirvaaNi | Next Sarga |
Oct, 2003, Desiraju Hanumanta Rao; Revised Nov 08