\engtitle{.. mahAshivarAtri vrata kathA ..}## \itxtitle{.. mahAshivarAtri vrata kathA ..}##\endtitles ## lomasha uvAcha AsIt purA mahAraudrashchaNDo nAma durAtmavAn | krUrasa.ngo niShkR^itiko bhUtAnAM bhayavAhakaH || 1|| jAlena matsyAn duShTAtmA ghAtayatyanishaM khalu | bhallaimR^irgA~nchhvApadA.nshcha kR^iShNasArA.nshcha sallakAn || 2|| khaDgA.nshchaiva cha duShTAtmA dR^iShTavA kA.nshchichcha pApavAn | pakShiNo.aghAtayat kruddho brAhmaNA.nshcha visheShataH || 3|| lubdhako hi mahApApo duShTo duShjanapriyaH | bhAryA tathAvidhA tasya puShkasasya mahAbhayA || 4|| evaM viharatastasya bahukAlo.atyavartata | gate bahutithe kAle pApaughaniratasya cha || 5|| niSha.nge jalamAdAya kShutpipAsArddito bhR^isham | ekadA nishi pApIyA~nchchhrIvR^ikShopari sa.nsthitaH || 6|| kolaM hantuM dhanuShpANirjAgrachchAnimiSheNa hi | mAghamAse.asitAyAM vai chaturdashyAmathAgrataH || 7|| mR^igamArgAvalokArthI bilvapatrANyapAtayat || 8|| shrI vR^ikShaparNAni bahUni tatra sa chhedayAmAsa rUShAnvito.api | shrIvR^ikShamUle parivarttamAno li.ngaM cha tasyopari duShTabhAvaH || 9|| vavarSha gaNDUShajalaM durAtmA yadR^ichchhayA tAni shive patanti | shrIvR^ikShaparNAni cha daivayogA\- jjAtaM cha sarvaM shivapUjanaM tat || 10|| gaNDUShavAriNA tena strapanaM cha kR^itaM mahat | bilvapatrairasa.nkhyAtairarchanaM cha mahat kR^itam || 11|| aj~nAnenApi bho viprAH puShkasena durAtmanA | mAghamAse.asite pakShe chaturdashyAM vidhUdaye || 12|| puShkaso.atha durAchAro vR^ikShAdavatatAra saH | Agatya jalasa.nkAshaM matsyAn hantuM prachakrame || 13|| lubdhakasyApi bhAryAbhUnnAmnA chaiva ghanodarI | duShTAsA pApaniratA paradravyApahAriNI || 14|| gR^ihAnnirgatya sAyAhne puradvArabahiHsthitA | vanamArgaM prapashyantI patyurAgamanechchhayA || 15|| chirAd bhartari nAyAte chintayAmAsa lubdhakI | adya sAyAhnavelAyAmAgatAH sarvalubdhakAH || 16|| tamaHstomena sa.nchchhannAshchatastro vidisho dishaH | rAtrau yAmadvayaM yAtaM kiM mata.ngaH samAgataH || 17|| kiM vA kesaralobhena si.nhenaiva vidAritaH | kiM bhuja.ngaphaNAratnahArI sarpaviShArditaH || 18|| kiM vA varAhadra.nShTrAgraghAtaiH pa~nchatvamAgaH | madhulobhena vR^ikShAgrAt sa vai prapatito bhuvi || 19|| kA vAnveShayAmi pR^ichchhAmi kva gachchhAmi cha kaM prati | evaM vilapya bahudhA nivR^ittA svaM gR^ihaM prati || 20|| naivAnnaM no jalaM ki.nchinna bhuk{}taM taddine tayA | chintayantI patiM chApi lubdhakI tvanayannishAm || 21|| atha prabhAte vimale puShkasI vanamAyayau | ashanArthaM chala tasyAnnamAdAya tvaritA satI || 22|| bhramamANA vane tasmin dadarsha mahatIM nadIm | tasyAstIre samAsInaM svapatiM prekShya harShitA || 23|| tadannaM kUlataH sthApya nadIM tartuM prachakrame | nirIkShya chAtha matsyAn sa jAlaprotAn samAnayat || 24|| tAvat tayok{}tashchaNDo.asAvehi shIghraM cha bhakShaya | annaM tvadarthamAnItamupoShya divasaM mayA || 25|| kR^itaM kimadya re manda gate.ahani cha kiM kR^itam | nAshitaM cha tvayA mUDha la.nghitenAdya pApinA || 26|| nadyAM snAtrau tathA tau cha dampatI cha shuchivratau | yAvad gatashcha bhok{}tuM sa tAvachchhvA svayaMmAgataH || 27|| tena sarvaM bhakShitaM cha tadannaM svayameva hi | chaNDI prakupitA chaiva shvAnaM hantumupasthitA || 28|| AvayorbhakShitaM chAnnamanenaiva cha pApinA | kiM cha bhakShayase mUDha bhavitAdya bubhukShitaH || 29|| evaM tayok{}tashchaNDo.asau babhAShe tAM shivapriyaH | yachchhunA bhakShitaM chAnnaM tenAhaM paritoShitaH || 30|| kimanena sharIreNa nashvareNa gatAyuShA | sharIraM durlabhaM loke pUjyate kShaNabha.nguram || 31|| ye puShNanti nijaM dehaM sarvabhovena chAhatAH | mUDhAste pApino j~neyA lokadvayabahiShkR^itAH || 32|| tasmAnmAnaM parityajya krodhaM cha duravagraham | svasthA bhava vimarshena tattvabuddhadyA sthirA bhava || 33|| bodhitA tena chaNDI sA puShkasena tadA bhR^isham | jAgarAdi cha samprAptaH puShkaso.api chaturdashIm || 34|| shivarAtriprasa.ngAchcha jAyate yaddhadyasa.nshayam | tajj~nAnaM paramaM prAptaH shivarAtriprasa.ngataH || 35|| yAmadvayaM cha sa.njAtamamAvasyAM tu tatra vai | AgatAshcha gaNAstatra bahavaH shivanoditAH || 36|| vimAnAni bahUnyatra AgatAni tadantikam | dR^iShTAnitena tAnyeva vimAnAni gaNAstathA || 37|| uvAcha parayA bhak{}tyA puShkaso.api cha tAn prati | kasmAt samAgatA yUyaM sarve rudrAkShadhAriNaH || 38|| vimAnasthAshcha kechichcha vR^iShArUDhAshcha kechana | sarve sphaTikasa.nkAshAH sarve cha.ndrArdhashekharAH || 39|| kapardinashcharmaparItavAsaso bhuja.ngabhogaiH kR^itahArabhUShaNAH | shriyAnvitA rudrasamAnavIryA yathAtathaM bho vadatAtmanochitam || 40|| puShkasena tadA pR^iShTA UchuH sarve cha pArShadAH | rudrasya devadevasya sa.nnamrAH kamalekShaNAH || 41|| gaNA Uchu preShitAHsmo vayaM chaNDa shivena parameShThinA | AgachchhA tvarito bhUtvA sastrIko yAnamArUha || 42|| li.ngarchanaM kR^itaM yachcha tvayA rAtrau shivasya cha | tena karmavipAkena prApto.asi shivasa.nnidhim || 43|| tathok{}to vIrabhadreNa uvAcha prahasanniva | puShkaso.api svayaM buddhadyA prastAvasadR^ishaM vachaH || 44|| puShkasa uvAcha kiM mayA kR^itamadyaiva pApinA hi.nsakena cha | mR^igayArasikenaiva puShkasena durAtmanA || 45|| pApAchAro hyahaM nityaM kathaM svargaM vrajAmyaham | kathaM li.ngArchanamidaM kR^itamasti taduchyatAm || 46|| paraM kautukamApannaH pR^ichchhAmi tvAM yathAtatham | kathayasva mahAbhAga sarvaM chaiva yathAvidhi || 47|| vIrabhadra uvAcha devadevo mahAdevo devAnAM patirIshvaraH | parituShTo.adya he chaNDa sa mahesha umApatiH || 48|| prasa.ngikatayA mAghe kR^itaM li.ngArchanaM tvayA | shivatuShTikaraM chAdya pUto.asi tvaM na sa.nshayaH || 49|| shivarAtryAM prasa.ngena kR^itamarchanameva cha | kolaM nirIkShamANena bilvapatrANi chaiva hi || 50|| chheditAni tvayA chaNDa patitAni tadaiva hi | li.ngasya mastake tAni tena tvaM sukR^itI prabho || 51|| tatashcha jAgaro jAto mahAn vR^ikShopari dhruvam | tenaiva jAgareNaiva tutoSha jagadIshvaraH || 52|| chhalenaiva mahAbhAga kolasa.ndarshanena hi | shivarAtridine chAtra svapnaste na cha yoShitaH || 53|| tenopavAsena cha jAgareNa tuShTo hyasau devavaro mahAtmA | tava prasAdAya mahAnubhAvo dadAti sarvAn varado mahA.nshcha || 54|| evamuk{}tastadA tena vIrabhadreNa dhImatA | puShkaso.api vimAnAgryamArUroha cha pashyatAm || 55|| gaNAnAM devatAnAM cha sarveShAM prANinAmapi | tadA dundubhayo nedurbheryastUryANyanekashaH || 56|| vINAveNumR^ida.ngAni tasya chAgre gatAni cha | jagurgandharvapatayo nanR^itushchApsarogaNAH || 57|| shivasA.nnidhyamagamachchaNDo.asau tena karmaNA | shirAtryupavAsena paraM sthAnamupAgamat || 58|| puShkaso.api tathA prAptaH prasa.ngena sadAshivam | kiM punaH shraddhayA yuk{}tAH shivAya paramAtmane || 59|| puShpAdikaM phalaM gandhaM tAmbUlaM bhakShyamR^iddhimat | ye prayachchhanti loke.asmin rudrAste nAtra sa.nshayaH || 60|| R^iShaya UchuH kiM phalaM tasya choddeshaH kenaiva cha purA kR^itam | kasmAd vratamidaM jAtaM kR^itaM kena purA vibho || 61|| lomasha uvAcha yadA sR^iShTaM jagat sarvaM brahmaNA parameShThinA | kAlachakraM tadA jAtaM purA rAshisamanvitam || 62|| dvAdasha rAshayastatra nakShatrANi tathaiva cha | saptavi.nshatisa.nkhyAni mukhyAni kAryasiddhaye || 63|| ebhiH sarvaM prachaNDaM cha rAshibhirUDubhistathA | kAlachakrAnvitaH kAlaH krIDayan sR^ijate jagat || 64|| AbrahmastambaparyantaM sR^ijatyavati hanti cha | nibaddhamasti taienaiva kAlenaikena bho dvijAH || 65|| kAlo hi balavA.Nlloke eka eva na chAparaH | bhagatasmAt kAlAtmakaM sarvamidaM nAstyatra sa.nshayaH || 66|| Adau kAlaH kAlanAchcha lokanAyakanAyakaH | tato lokA hi sa.njAtAH sR^iShTishcha tadanantaram || 67|| sR^iShTerlavo hi sa.njAto lavAchcha kShaNameva cha | kShaNAchcha nimiShaM jAtaM prANinAM hi nira.ntaram || 68|| nimiShANAM cha ShaShTyA vai pala ityabhidhIyate | palaistu ShaShTibhishchaiva ghaTikaikAbhijAyate || 69|| ghaTikAnAM hi ShaShTyA vai ahorAtreti kathyate | pa~nchadashyA ahorAtraiH pakSha ityabhidhIyate || 70|| pakShAbhyAM mAsa eva syAnmAsA dvAdasha vatsaraH | taM kAlaM j~nAtukAmena kAryaM j~nAnaM vichakShaNaiH || 71|| pratipaddinamArabhya paurNamAsyantameva cha | pakShaH pUrNo hi yasmAchcha pUrNimetyabhidhIyate || 72|| naShTastu chandro yasyAM vai amA sA katratA budhaiH | agniShvAttAdipitR^iNAM priyAtIva babhUva ha || 73|| tri.nshaddinAni hyetAni puNyakAlayutAni cha | teShAM madhye visheSho yastaM shR^iNudhvaM dvijottamAH || 74|| yogAnAM vA vyatIpAta uDUnAM shravaNastathA | amAvasyA tithInAM cha pUrNimA vai tathaiva cha || 75|| sa.nkrAntayastathA j~neyAH pavitrA dAnakarmaNi | tathAShTamI priyA shambhorgaNeshasya chaturthikA || 76|| pa~nchamI nAgarAjasya kumArasya cha ShaShThikA | bhAnoshcha saptamI j~neyA navamI chaNDikApriyA || 77|| brahmaNo dashamI j~neyA rudrasyaikAdashI tathA | viShNupriyA dvAdashI cha antakasya trayodashI || 78|| chaturdashI tathA shambhoH priyA nAstyatra sa.nshayaH | nishIthasa.nyutA yA tu kR^iShNapakShe chaturdashI || 79|| upoShyA sA tithiH shreShThA shivasAyujyakAriNI | shivarAtrIti vikhyAtA sarvapApapraNAshinI || 80|| atraivodAharantImamitihAsaM purAtanam | brAhmaNI vidhavA kAchit purA hyAsIchcha cha~nchalA || 81|| shvapachAbhiratA sA cha kAmukI kAmahetutaH | tasyAM tasya suto jAtaH shvapachasya durAtmanaH || 82|| duHsaho duShTanAmAtmA sarvadharmabahiShkR^itaH | kitavashcha surApAyI steyIcha gurutalpagaH || 83|| mR^igayushcha durAtmAsau karmachANDAla eva saH | ardhamiShTho hyasadvR^ittaH kadAchichcha shivAlayam || 84|| shivarAtryAM cha samprApto hyuShitaH shivasa.nnidhau | shravaNaM shaivashAstrasya yadR^ichchhAjAtamantike || 85|| tena karmavipAkena puNyAM yonimavAptavAn | bhuk{}tvA puNyatamA.NllokAnuShitvA shAshvatIH samAH || 86|| chitrA.ngadasya putro.abhUd bhUpAleshvaralakShaNaH | nAmnA vichitravIryo.asau subhagaH sundarIpriyaH || 87|| rAjyaM mahattaraM prApya niHstambho hi mahAnabhUt | shive bhak{}tiM prakurvANaH shivakarmaparo.abhavat || 88|| shaivashAstraM puraskR^itya shivapUjanatatparaH | rAtrau jAgaraNaM yatnAt karoti shivasa.nnidhau || 89|| shivasya gAthAM gAya.nstu AnandAshrukaNAn muhUH | pramu~ncha.nshchaiva netrAbhyAM romA~nchapulakAvR^itaH || 90|| AyuShyaM cha gataM tasya shivadhyAnaparasya cha | shivo hi shulabho loke pashUnAM j~nAninAmapi || 91|| sa.nsevitaMu sukhaprAptyai hyeka eva sadAshivaH | shivarAtra yupavAsena prApto j~nAnamanuttamam | || 92|| j~nAnAt sarvamanuprAptaM bhUtasAmyaM nirantaram | vinA shivena yat ki.nchinnAsti vastvatra na kvachit || 93|| prAptaj~nAnastadA rAjA jAto hi shivavallabhaH | muk{}ti sAyujyatAM prAptaH shivarAtrerUpoShaNAt || 94|| tena labdha shivAjjanma purA yat kathitaM mayA | dAkShAyaNI viyogAchcha jaTAjUTena vistarAt || 95|| vIrabhadreti vikhyAto dakShayaj~navinAshanaH | ya utpanno mastakAchcha shivasya paramAtmanaH || 96|| shivarAtrivratenaiva tAritA bahavaH purA | prAptAH siddhiM purA viprA bharatAdyAshcha dehinaH || 97|| mAndhAtA dhundhumArashcha harishchandrAdayo nR^ipAH | prAptAH siddhimanenaiva vratena parameNa hi || 98|| shivarAtrisamaM nAsti vrataM pApakShayAvaham | yat kR^itvA sarvapApebhyo muchyate nAtra sa.nshayaH || 99|| upavAsa.nkariShyanti jAgareNa samanvitam | yathok{}tashAstramArgeNa teShAM mokSho na sa.nshayaH || 100|| ashvamedhasahasraaNi vAjapeyashatAni cha | prApnoti tat phalaM sarvaM nAtra kAryA vichAraNA || 101|| || iti shrIskandamahApurANe mAheshvarakhaNDe kedArakhaNDe shivarAtrivratakathA samAptaH || ## Visit http://www.webdunia.com for additional texts with Hindi meanings.