.. श्री भद्रगिरिपति संस्तुतिः ..
धरणीतनया रमणी कमनीय सिताङो मनोहररूप हरे |
भरताग्रजराघव दाशरथे विजयी भव भद्रगिरींद्रपते. १
बुधलक्षणलक्षण सर्वविलक्षण लक्ष्मणपूर्वजराम हरे |
भवपाशविनाशक हे नृहरे विजयी २
धरचक्र धनुश्शरदीप्त चतुष्करचक्रभवाद्यवादिविभो |
परचक्रभयंकरहे भगवन् विजयी. ३
अधिनीरजजन्मसुरेशमुनींद्रविलक्षणलक्षणदक्षपते
नवकंधरसुंदरदिव्यवतनो विजयी. ४
सततः प्रततः प्रचरैः करुणा भरणैस्तव दिग्विसरैर्नमित |
स्मरणाणाभिरतं भवतं सततं कुरु मा मिह भद्रगिरींद्रपते. ५
सचतुर्मखषण्मुखपंचमुख प्रमुखाखिलदैवतमौलिमणे |
शरणागतवत्सल ! सारनिधे ! परिपालय मां वृषशैलपते. ६
अभिरामगुणाकर ! दाशरथे ! जगदेकदनुर्धर ! धीरमते !
रघुनायक ! राम ! रमेश ! विभो ! वरदो भव देव ! दयाजलधे.७
इति भद्रगिरिपति संस्तुतिः
This page uses Unicode utf-8 encoding for devanagari. Please set the fonts and
languages setting in your web browser to display the correct Unicode font.
Questions, comments:(sanskrit at cheerful dot c om)