% Text title            : Acharya MantrapusHpanjalih
% File name             : AchAryamantrapuShpAnjaliH.itx
% Category              : deities\_misc, gurudev, mantra
% Location              : doc\_deities\_misc
% Proofread by          : Mohan Chettoor
% Latest update         : January 13, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Acharya MantrapusHpanjalih ..}##
\itxtitle{.. AchAryamantrapuShpA~njaliH ..}##\endtitles ##
      hariH OM |
namo.astvanantAya sahasramUrtaye sahasrapAdAkShishirorubAhave
      sahasranAmne puruShAya shAshvate sahasrakoTIyugadhAriNe namaH || 1||
viShNubrahmendradevaiH rajatagiritaTAtprArthito yo.avatIrya
      shAkyAdyuddAmakaNThIravanakharakarAghAtasa~njAtamUrChAm |
ChandodhenuM yatIndraH prakR^itimagamayatsUktipIyUShavarShaiH
      so.ayaM shrIsha~NkarAryo bhavadavadahanAtpAtu lokAnajasram || 2||
pUrNaH pIyUShabhAnurbhavamarutapanoddAmatApAkulAnAM
      prauDhAj~nAnAndhakArAvR^itaviShamapathabhrAmyatAmaMshumAlI |
kalpaH shAkhI yatInAM vigatadhanasutAdIShaNAnAM sadA naH
      pAyAchChrIpadmapAdAdimamunisahitaH shrImadAchAryavaryaH || 3||
brahmAnandaM paramasukhadaM kevalaM j~nAnamUrtiM
      dvandvAtItaM gaganasadR^ishaM tattvamasyAdilakShyam |
ekaM nityaM vimalamachalaM sarvadhIsAkShibhUtaM
      bhAvAtItaM triguNarahitaM sadguruM taM namAmi || 4||
nArAyaNaM padmabhavaM vasiShThaM shaktiM cha tatputraparAsharaM cha
      vyAsaM shukaM gauDapAdaM mahAntaM govindayogIndramathAsyashiShyam |
shrIsha~NkarAchAryamathAsyapadmapAdaM cha hastAmalakaM cha shiShyaM
      taM toTakaM vArtikakAramanyAnasmadgurUnsantatamAnato.asmi || 5||
vishvaM darpaNadR^ishyamAnanagarItulyaM nijAntargataM
      pashyannAtmani mAyayA bahirivodbhUtaM yathA nidrayA |
yaH sAkShAtkurute prabodhasamaye svAtmAnamevAdvayaM
      tasmai shrIgurumUrtaye nama idaM shrIdakShiNAmUrtaye || 6||
akhaNDamaNDalAkAraM vyAptaM yena charAcharam |
tatpadaM darshitaM yena tasmai shrIgurave namaH || 7||
gururbrahmA gururviShNurgururdevo maheshvaraH |
guruH sAkShAtparaM brahma tasmai shrIgurave namaH || 8||
shrutismR^itipurANAnAmAlayaM karuNAlayam |
namAmi bhagavatpAdaM sha~NkaraM lokasha~Nkaram || 9||
sha~NkaraM sha~NkarAchArya keshavaM bAdarAyaNam |
sUtrabhAShyakR^itau vande bhagavantau punaH punaH || 10||
Ishvaro gururAtmeti mUrtibhedavibhAgine |
vyomavadvyAptadehAya dakShiNAmUrtaye namaH || 11||
(hari OM |
yaj~nena yaj~namayajanta devAH tAni dharmANi prathamAnyAsan
te ha nAkaM mahimAnaH sachante yatra pUrve sAdhyAH santi devAH ||)
nAnAsugandhapuShpANi yathAkAlodbhavAni cha |
puShpA~njalimayA dattaM gR^ihANa parameshvara || 12||

iti AchAryamantrapuShpA~njaliH samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}