% Text title            : AchAryaprashasti
% File name             : AchAryaprashasti.itx
% Category              : deities\_misc, gurudev, sangraha
% Location              : doc\_deities\_misc
% Proofread by          : Mohan Chettoor
% Latest update         : January 13, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AchAryaprashasti ..}##
\itxtitle{.. AchAryaprashasti ..}##\endtitles ##
(vividha granthoM se sa~Nkalita)
namAmyabhogiparivArasampadaM nirastabhUtimanumArdhavigraham |
anugramunmR^iditakAlalA~nChanaM vinAyakamapUrvasha~Nkaram || 1||
AshailAdudayAttathAstagirito bhAsvadyashorashmibhiH
      vyAptaM vishvamanandhakAramabhavadyasya sma shiShyairidam |
ArAjj~nAnagabhastibhiH pratihatashchandrAyate bhAskaraH
      tasmai sha~NkarabhAnave tanumanovAgbhirnamaH syAtsadA || 2||
yeShAM dhIsUryadIptyA pratihatimagamannAshamekAntato me
      dhvAntaM svAntasya hetorjananamaraNasantAnadolAdhirUDheH |
yeShAM pAdau prapannAH shrutishamavinayairbhUShitAH shiShyasa~NghAH
      sadyo muktAH sthitAstAn yativaramahitAn yAvadAyurnamAmi || 3||
uddhR^itya vedapayasaH kamalAmivAndheH
      Ali~NgitAkhilajagatprabhavaikamUrtim |
vidyAmasheShajagatAM sukhadAmadAdyaH
      sha~NkaraM vimalabhAShyakR^itaM namAmi || 4||
yadbhAShyAmbujajAtajAtamadhurapreyomadhuprArthanA\-
      sArthavyagradhiyaH samagramarutaH svarge.api nirvedinaH |
yasmin muktipathaH pathInamunibhiH samprArthitaH sambabhau
      tasmai bhAShyakR^ite namo.astu bhagavatpAdAbhidAM bibhrate || 5||
vaktAramAsAdya yameva nityA sarasvatI svArthasamanvitAsId |
nirastadustarkakala~Nkapa~NkA namAmi taM sha~NkaramachintAdhim || 6||
bhagavatpAdapAdAbjapAMsavaH parantu santatam |
apArAsArasaMsArasAgarottArasetavaH || 7||
vedAntAmbhogabhIrA nayamakarakulA brahmavidyAvjaShaNDA
      pAShaNDottu~NgavR^ikShapramathananipuNA mAnavIchItara~NgA |
yasyAsyotthA sarasvatyakhilabhavabhayadhvaMsinI sha~Nkarasya
      ga~NgA shambhoH kapardAdiva nikhilagurornaumi tatpAdapadmam || 8||
mImAMsayA kapaTato bhujagAmbayeva
      svAdhInatAmupaniShadvinateva nItA |
yenoddhR^itA.amR^itaphalena garutmateva
      tasmai namo bhagavate.adbhutasha~NkarAya || 9||
stuvanmohatamastomabhAnubhAvamupeyuShaH
stumastAn bhagavatpAdAn bhavarogabhiShagvarAn || 10||
mahAmohapa~Nke viri~nchAcharAntaM
      prajAhastinaM magnamAlokya bhAShyaiH |
jalaiH kShAlayitvA.a.atmavidyAdivaM
      yo nayatyekalaM sha~NkaraM taM namAmi || 11||
sUtrapragrahavedavAjini mahanmImAMsakasyandane
      tiShThan bhAShyapinAkamujjvalaguNaM kR^ittvAtmadhIsAyakam |
AkR^iShya pradahannasheShavipadAM mUlaM purANAM trayaM
      bhUyAnno.abhinavaH purArirashubhasyochChittaye sha~NkaraH || 12||
haralIlAvatArAya sha~NkarAya varaujase |
kaivalyakalanAkalpatarave gurave namaH || 13||
vedAntArthaM gabhIraM hyatisugamatayA bodhayAmIti viShNuH
      vyAsAtmA.asUtrayattad duradhigamamabhUd vAdidurbuddhibhedAt |
bhindana durbuddhibhedaM ya iha karuNayA.abhAShayad bhAShyametat
      taM vande sarvavandhaM trijagati bhagavat pAdasaMshaM mahesham || 14||
yadbhAShyokterlavaparijuShashChAtravargA mahAnto
      nirbhindanti prabalamatayo vAdishailaM samastam |
yairvedAbdheramR^itamiva sadbhAShyamAtmaprakAshaM
      tatpAdAbjaM sphuratu hR^idaye hyuddhR^itaM sarvadA me || 15||
saMsArasarpaparidaShTavinaShTajantu\-
      sa~njIvanAya parayA kR^ipayopapannaH |
brahmAvabodhaparamauShadhamudvahan yaH
      taM sha~NkaraM parataraM bhiShajAM bhajAmi || 16||
shrIsambandhamudIkShya vAchakapade.ayAn shA~NgiNaM vaiShNavAH
      chandrottaMsapadAspadatvakalanAchChambhuM cha shaivA viduH |
AnandAdvayashobhamAnaparamapremAspadaM yoginaH
      tAn pAdAmbujareNudhUtatamaso vande sadA shrIgurun || 17||
vedAntavrAtanIraM shatapathakathitanyAyaratnaprapUraM
      pArAvAraM sutAraM nigamamukhaShaDa~NgAtmasadgrAhaghoram |
kAraM kAraM sugAhaM shrutamatamathitairbrahmavidyAmR^itaM yaH
      prAdAdAdAya tasmAdasharaNasharaNaM sha~NkaraM taM namAmaH || 18||
ye vedAntasudhodadhiM sumanasAM niHshreyasAya svayaM
      nirmathyodaharad nirUpaNaguNAvR^ittena chetomathA |
advaitAmR^itamAsurAnushayinAmAsvAdanIyetarat
      tAnAsmAkagurorupaimi bhagavatpAdAdimAn deshikAn || 19||
shrImachCha~Nkarasadgurorbhagavato.agAdhAmasAdhAraNI
      vANI naH pratanIyasIM muhurimAM gATuM samutkaNThate |
tanmUrtiH prabhureva bhaktajanatAvAtsalyavaipulyabhU\-
      rasmai sAdhu dadAtu shastadayayA hastAvalambaM haraH || 20||
vedAntArthatadAbhAsanIrakShIravivekinam |
namAmi bhagavatpAdaM parahaMsadhurandharam || 21||
alabdhvAtishayaM yasmAdvayAvR^ittAstamavAdayaH |
garIyase namastasmA avidyAgranthibhedine || 22||
advaitArNavapUrNachandramabhidA padyATavIbhAskaraM
      vidvatkoTisamarchitA~NghriyugalaM pradveShikakShAnalam |
hR^idyAbhedyasamastavedajanitaprodyadvivekA~NkuraM
      svidyadvAgamR^itaM parAtparaguruM shrIsha~NkaraM taM bhaje || 23||

iti AchAryaprashasti samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}