% Text title            : abhilAShAShTakam 2
% File name             : abhilAShAShTakam.itx
% Category              : aShTaka, deities\_misc
% Location              : doc\_deities\_misc
% Proofread by          : Aruna Narayanan narayanan.aruna at gmail.com
% Description/comments  : From Durlabh Stotrani. 22 verses. 8 are translated in another file
% Latest update         : August 22, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Abhilashashtakam ..}##
\itxtitle{.. abhilAShAShTakam ..}##\endtitles ##
vishvAnara uvAcha\-
eke brahmaivAdvitIyaM samastaM satyaM satyaM neha nAnyAsti ki~nchit |
eko rudrovAdvitIyo.avatasthetasmAdekaM tvAM prapadye mahesham || 1||
ekaH karttAtvaM hi vishvasya shambho nAnArUpeShvekarUpo.asya rUpaH |
yadvattapatyarka rUpo.apyanekastasmAnnAnyaM tvAM dineshaM prapadye || 2||
rajjau sarpaH shuktikAyAM cha raupyaM naire purastanmR^igAkhyemarIchau |
yadvattadvadviShvageSha prapa~nchau yasmin j~nAte taM prapadye mahesham || 3||
toye shaityaM dAhakatvaM cha vahnau tApo bhAnau shIta bhAnau prasAdaH |
puShpe gandhau dugdhamadhye cha sarpiryattachChambhotvaM tatastvAM prapadye || 4||
shabdaM gR^ihaNAsya shrAvastvaM hi jighrasya ghrANastvaM vya~NghrirAyAsi dUrAta |
vyakShaH pashyestvaM rasaj~no.atyajihvaH kastvAM samyagvetyatastvAM prapadye || 5||
no vedastvAmIsha sAkShAddhi veda no vA viShNuno vidhAtAkhilasya |
no yogIndrA nedramukhyAshcha devA bhakto veda tvAmatastvAM prapadye || 6||
no te gotraM nApi janmApi nAkhyA no vA rUpaM naiva shIlaM na deshaH |
itthambhUto.apIshvarastvaM trilokyAH sarvAnkAmAnpUrayestadbhaje tvAm || 7||
tvattaH sarvatvaM hi sarva smarAretvaM gaurIshastvaM cha nagno.atishAntaH |
tvaM vai vR^iddhastvaM yuvA tvaM cha bAlastatkiM yattvaM nAsyatastvAM nato.asmi || 8||
stutveti bhUmau nipapAta vipraH sa daNDavadyAvadatIva hR^iShTaH |
tAvatsa bAlo.akhilavR^iddhavR^iddhaH provAcha bhUdeva varaM vR^iNIhi || 9||
tatotthAya hR^iShTAtmA munirvishvAnaraH kR^itI |
pratyavravItkimaj~nAtaM sarvaj~nasya tava prabho || 10||
sarvAntarAtmA bhagavAn sharvaH sarvaprado bhavAn |
yA~nchA pratiniyu~Nkte mAmayashodainya kAriNI || 11||
iti shrutvA vachastasya devA vishvAnarasya ha |
shuche shuchi vratasyAthashuchiH smitvA bravIchChivaH || 12||
vAla uvAcha \-
tvayA shuche shuchiShmatyAM yo.abhilAShaH kR^itohR^idi |
abhireNaiva kAle vatsa bhaviShyatyasaMshayaH || 13||
tava putratvameShyAmi shuchiShmatyAM mahAmate |
khyAto gR^ihapatirnAmnA shuchiH sarvAmarapriyaH || 14||
abhilAShAShTakaM puNyaM stotrametatvayeritam |
arbda trikAla paThanAtkAmadaM shiva sannidhau || 15||
etatstotrasya pAThaM tu putra pautra dhanapradam |
sarva shAnti karaM vApi sarvApatyarinAshanam || 16||
svargApavarga sampattikArakaM nAtra saMshayaH |
prAtarutthAya susnAno li~Ngamabhyarchya shAmbhavam || 17||
varSha japannidaM stotramaputraH putravAnbhavet |
vaishAkhe kArttike mAghe visheSha niyamairyutaH || 18||
yaH paThetsnAna samaye labhate sakalaM phalam |
kArttikasya tu mAsasya prasAdAdahamavyayaH || 19||
tava putratvameShyAmi yastvanyastpaThiShyati |
abhilAShTakamidaM na deyaM yasya kasya chit || 20||
gopanIyaM prayatnena evaM vandhyA prasUtikR^ita |
striyA va purUSheNApi triyamAlli~Nga sannidhau || 21||
abdaM japtamidaM stotraM putradaM nAtra saMshayaH |
ityuktAntardadhe vAlaH so.api vipro gR^ihaM gataH || 22||

iti skandapurANe kAshIkhaNDe abhilAShAShTakaM stotraM samAptam |

##
Proofread by Aruna Narayanan narayanan.aruna at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}