% Text title            : Agastyadvadashanamavali
% File name             : agastyadvAdashanAmAvaliH.itx
% Category              : deities\_misc, tAmraparNImAhAtmya, dvAdasha, nAmAvalI
% Location              : doc\_deities\_misc
% Proofread by          : PSA Easwaran
% Description/comments  : tAmraparNImAhAtmya | adhyAya 31/4-21||
% Latest update         : December 13, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Agastyadvadashanamavali ..}##
\itxtitle{.. agastyadvAdashanAmAvaliH ..}##\endtitles ##
agastyanAmAvaliH
kAshyapaH \-\-
shivasharman mahAbhAga shruNu te kathayAmyaham |
yasya vij~nAnamAtreNa svayamAyAnti sampadaH || 4||
ashrotriyeShu pApeShu vedamArgavirodhiShu |
na dAtavyamidaM stotraM mantrarAjaM mahAmate || 5||
R^iShirindrastathAnuShTup Chando devo ghaTodbhavaH |
sarvAbhIShTasya sidhyarthe japo.ayaM viniyojitaH || 6||
pATIrashailakoTIramaNipIThAya vedhase |
munaye kumbhajAyodyadanukampAbdhaye namaH || 7||
lopAmudrAsamAyuktaM mahAyogAsanasthitam |
prasannaM tapasAM rAshiM praNumaH kumbhasambhavam || 8||
iti dhyAtvA namaskR^itya japennAmAvaliM manum |
agastyaH kumbhasambhUto maitrAvaruNirabdhipaH || 9||
lopAmudrApatishshrImAn vAtApIlvalabhakShaNaH |
vindhyAdrimathano yogI mahAmalayaketanaH || 10||
sarvatIrthAtmakapado bhaktAbhIShTaphalapradaH |
lopAmudrAbhujAshleShaharSharomA~nchamUrtimAn || 11||
nAmnAM dvAdashakaM puNyamagastyasya mahAtmanaH |
paThantyapi cha shR^iNvanti te vai sukR^itinaH param || 12||
teShAmabhIShTadAnAya bhagavAn kumbhasambhavaH |
adyAbhyudyatkarAmbhojo nAtra kAryA vichAraNA || 13||
yashasyaM dhanyamAyuShyaM j~nAnadaM bhuktimuktidam |
nAmnAM stotraM paThedvidvAn puruShArthAH kare sthitAH || 14||
vimalahR^idayamuchchairvedavedAntavedyaM
vidhimukhasurapUjyaM bhUtirudrAkShabhAjam |
munivaramamalA~NgyA dharmapatnyA.a.aptabhAgaM
kalashajamabhirAmaM naumi kAruNyamUrtim || 15||
ityetatparamaM guhyaM mantraM sarvArthasAdhakam |
yatIshvarAdanuprApya prAptavAn paramaM sukham || 16||
nityapramodabhUyiShThaM pramodaH prAptasaubhagaH |
uparyupari dharmasya prAptabhUto na saMshayaH || 17||
chandanAdrisamudbhUte satye sha~NkaralAlite |
tvayi snAsye suprasanne pAhi mAM bhavasAgarAt || 18||
iti mantraM samuchchArya snAtvA tAmrAnadIjale |
pitR^In devAn R^iShIn tarpya nAbhidaghnajale sthitaH || 19||
japenmantramidaM mantrI trivAraM vijitendriyaH |
ShaNmAsAdeva suprItastasya bhUyAdghaTodbhavaH || 20||
shivasharman tvayA japyaM pratyahaM prItimichChatA |
iti tena samAkhyAtAM kathAM kalimalApahAm || 21||

iti tAmraparNImAhAtmye ekatriMshAdhyAyAntargataM
agastyadvAdashanAmAvaliH

tAmraparNImAhAtmya | adhyAya 31/4\-21||
##
tAmraparNImAhAtmya . adhyAya 31/4-21..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}