% Text title            : Agni Stuti
% File name             : agnistutiH3.itx
% Category              : deities\_misc, mahAbhArata, stuti
% Location              : doc\_deities\_misc
% Proofread by          : PSA Easwaran
% Description/comments  : mahAbhArata | Adiparva | adhyAya 223/7-19 (kumbhakoNaM 228)||
% Latest update         : October 18, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Agni Stuti ..}##
\itxtitle{.. agnistutiH 3 ..}##\endtitles ##
jaritAriruvAcha |
AtmAsi vAyoH pavanaH sharIramuta vIrudhAm |
yonirApashcha te shukra yonistvamasi chAmbhasaH || 7||
UrdhvaM chAdhashcha gachChanti visarpanti cha pArshvataH |
archiShaste mahAvIrya rashmayaH savituryathA || 8||
sArisR^ikva uvAcha |
mAtA prapannA pitaraM na vidmaH pakShAshcha no na prajAtAbjaketo |
na nastrAtA vidyate.agne tvadanyastasmAddhi naH parirakShaikavIra || 9||
yadagne te shivaM rUpaM ye cha te sapta hetayaH |
tena naH parirakShAdya IDitaH sharaNaiShiNaH || 10||
tvamevaikastapase jAtavedo nAnyastaptA vidyate goShu deva |
R^iShInasmAnbAlakAnpAlayasva pareNAsmAnpraihi vai havyavAha || 11||
stambamitra uvAcha |
sarvamagne tvamevaikastvayi sarvamidaM jagat |
tvaM dhArayasi bhUtAni bhuvanaM tvaM bibharShi cha || 12||
tvamagnirhavyavAhastvaM tvameva paramaM haviH |
manIShiNastvAM yajante bahudhA chaikadhaiva cha || 13||
sR^iShTvA lokAMstrInimAnhavyavAha prApte kAle pachasi punaH samiddhaH |
sarvasyAsya bhuvanasya prasUtistvamevAgne bhavasi punaH pratiShThA || 14||
tvamannaM prANinAM bhuktamantarbhUto jagatpate |
nityaM pravR^iddhaH pachasi tvayi sarvaM pratiShThitam || 15||
droNa uvAcha |
sUryo bhUtvA rashmibhirjAtavedo bhUmerambho bhUmijAtAn rasAMshcha |
vishvAnAdAya punarutsargakAle sR^iShTvA vR^iShTyA bhAvayasIha shukra || 16||
tvatta etAH punaH shukra vIrudho haritachChadAH |
jAyante puShkariNyashcha samudrashcha mahodadhiH || 17||
idaM vai sadma tigmAMsho varuNasya parAyaNam |
shivastrAtA bhavAsmAkaM mAsmAnadya vinAshaya || 18||
pi~NgAkSha lohitagrIva kR^iShNavartmanhutAshana |
pareNa praihi mu~nchAsmAnsAgarasya gR^ihAniva || 19||

iti mahAbhArate AdiparvaNi 223 adhyAyAntargatA agnistutiH sampUrNA |

mahAbhArata | Adiparva | adhyAya 223/7\-19 (kumbhakoNaM 228)||
##
mahAbhArata . Adiparva . adhyAya 223/7-19 (kumbhakoNaM 228)..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}